دردشة حوامل المنتدى/الي حامل تتفضل

[toty-cuty 0]

بنت الصااااااااااااااااااادق......وحشتيييييييييييييييييينااااااااااااا جدا جدا جدا جدا

الحمد لله انك رجعتى .........و الاكتئاب دة يا بنتى معانا كلنا ......انا بردة مش طايقة نفسى و بتخانق انا و جوزى على طوووووول و بتلكك عشان اعيط.

 

بخصوص نسبة الدم ...12 دة ما شاء الله حلوة و حافظى عليها.

 

موضوعك زود اكتئابى ............ربنا يستر لانى بقيت مش طايقة نفسى و عمالة اقول لما اولد كل دة حيروح و حرجع لشكلى و جسمى الاول .

 

انا تعبانة قوى النهاردة و خايفة لانى من ساعة ما صحيت و انا عندى وجع زى وجع الدورة و متواصل او بيروح نص دقيقة و يرجع تانى مش عارفة بقى دى ممكن تبقى ولادة مبكرة و لا اية ....و بعدين انا شكلى كدة جالى بواسير حمل و خااااايفة موووووت ..........

[بنت الصادق 9]

توتي.. بالنسبة للحاجات الي انتي حسة بيها دي اسمها طلق كاذب.. ودة شيء طبيعي بتحس بيه اي حامل

اما علامات الولادة الحقيقية

 

نزول إفرازات مصحوبة بدم

نزول ماء الرأس (ماء صافي دافئ)

 

الإحساس بالطلق او التقلصات منتظمة

 

لو ملقتيش اي علامة من العلامات دول تعرفي انه طلق كاذب ودة شيء عادي جدا

 

 

انا بأة مشكلتي يا توتي اني نازلة اولد في مصر.. والمفروض ان اخت زوجي مستنية لما اولد عشان تتجوز وتعمل الفرح وكل اهل زوجي هيكونو موجودين

يعني الكل هيبأة عايز يشوفني ويشوف شكلي هيكون عامل ازاي.. خاصة اني بقالي سنة غايبة عنهم

 

مش عرفة اصلا هعمل ايه.. لازم طبعا اكون لابسة لبس كويس.. وانا اصلا معرفش اي مقاسات لية دلوقت

ولازم يكون شكلي ومظهري كويس

[بنت الصادق 9]

توتي عيزة اقولك حاجة بخصوص موضوعي والاكتئاب

 

بصي لومكنتيش عرفتي الحاجات دي كان ممكن فعلا تجيلك صدمة من كل المفاجآت دي واكتئابك يبأة اشد

 

اقولك بصراحة

انا اديت لنفسي فرصة 6 شهور بعد الولادةعشان ارجع لشكلي تاني.. مع اني عرفة انه مش هيحصل

لذلك قلت 6 شهور.. عشان لو محصلش وخسيت او رجعت لشكلي ابدأ رجيم للرضاعة مع دكتور اخصائي واهو تبأة بنتي ان شاء الله كبرت وبأة عندها 6 شهور ممكن تعتمد علا حاجات تانية فأكلها مع حليبي

 

وعيزة اقولك ان انتي امرك هين شوية عني.. انا هرجع الشغل ان شاء الله بعد الولادة بشهر.. وانافغربة.. لكي ان تتخيلي الأرف الي هكون فيه

 

اولا استحالة طبعا بنتي هتعتمد في اكلها على حليبي لوحده لازم لبن صناعي ودة للأسف بيسبب غازات كتير

ثانيا هسيبها مع دادة فترة الصبح هي الي تعتني بيها.. ودي لوحدها صعبة عليا جدا لأن الخدم الي هنا ربنا مايوريكي بيعملو ايه، سمعتهم وحشة جدا وبيدخلو ناس البيوت واهلها مش موجودين :((

ثالثا شكلي انا وانا رايحة الشغل هيكون عامل ازاي !! واحدة لسة والدة ومرهقة ومفيش هدوم جية علا ادها.. كل دة مع ضغط وارف الشغل.. مديرتي مطلعة عيني

 

يعني احمدي ربنا عالنعمة الي انتي فيها.. وكفاية جدا انك معاكي امك

[toty-cuty 0]

الله يكون فى عونك يا بنت الصادق...........بس انا امى مش حتقعد معايا لانها تعبانة جدا" و ممنوعة من اى اجهاد و حماتى عندها ظروف و مش حتقدر تجيلى بردة و انا وحيدة معنديش اخوات و عشان كدة انا حضطر اعتمد على نفسى فى كل حاجة و الله المستعان لان كمان زوجى مبيعرفش يعمل اى حاجة فى شغل البيت................دة انا دلوقتى و انا لسة مولدتش و مش قادرة اعمل اى حاجة و البيت زى الزفت و دة تاعب لى نفسيتى جامد........مش عارفة بعد الولادة حيبقى الحال اية؟؟؟؟!!!!!!!!!! ربنا يستر.

 

بس عايزة اقولك حاجة ............انا مش مقتنعة خاااااااااااااااااااااااااااااالص انك تسيبى بنتك مع شغالة .....دة غلط غلط غلط غلط غلط لان الشغالة لا يمكن حتاخد بالها من البنت زيك و غير كدة احنا سمعنا كتير عن المصايب اللى من الموضوع دة ..........انا رأيى تأخدى اجازة و تراعى بنتك بنفسك لانها اهم من كل حاجة........و بعدين فى عاطفة بنشأ بين الام و البيبى من رعاية الام لية و عشان كدة بيتعلق بيها و يحبها طول حياتة و تبقى هى مصدر الحب و الحنان لية طول عمرة و لكن لو الشغالة اللى حتراعية العاطفة دى بتقل كتييييييييييييييير و فى بعض الاحيان ممكن يحب الشغالة اكتر من امة .........و الكلام دة انا واخداة من واحدة صاحبتى اللى ربتها شغالة و بتعانى حتى الان من كدة.

 

حتى انتى لو تلاحظى ان كل المشاكل اللى انتى كاتباها فى الرد الاخير "اولا"-ثانيا"-ثالثا"" كلهم بسبب الشغل !!!!!!!!!!!!!!!!!!!!!

انا شايفة انة تاعبك اكتر من فايدتة ............و بعدين انتى اصلا شغلك الاساسى تربية البنت يعنى هو الهم فاذا كنت قدرتى تسيبى بنتك مع شغالة فالاولى انك تسيبى الشغل علشانها مفروض دة يبقى الاسهل مش العكس لان ربنا هيحاسبنا يوم القيامة على تربية الاولاد مش على شغلنا برة البيت لاننا مش ملزمين بية اصلا" و كلنا شايفين المصايب و الاخلاق الوحشة اللى بقى عليها الاولاد من خروج امهم للشغل..........انا شايفة انك مفروض تبدأى من دلوقتى و تتفرغى لبنتك و اولادك القادمين ان شاء الله.

 

و بعدين انتى قصدك ان بنتك مش حتعتمد على حليبك بس عشات حتبقى فى الشغل مش كدة؟؟؟ طيب انتى عارفة اللبن الصناعى دة خطيييير جدا" و الدكتور عادل عبد العال قال فى حلقة على قناة الناس انهم فى الامارات عملو تجارب على البان الاطفال المستوردة من هولندا و طلع فيها اثار اشعاع!!!!!!!!!!!و الله الكلام دة سمعتة بنفسى و يمكن دة سبب اصابة اطفال كتيييييير اليومين دول بالسرطان رغم ان زمان كان المرض دة ناااادر جدا" عند الاطفال و غير كدة كفاية اسم اللبن"لبن صناعى" طيب اذا كان ربنا مديكى الطبيعى دة علشانها لية تحرميها منة و تعرضيها لمخاطر كتير.

 

انتى كدة بتعملى زى اللى ممكن تولد طبيعى و تصمم على الولادة قيصرى رغم مشاكلها علشان خايفة من الام الولادة.........هى ممكن ترتاح فى الاول من الام الولادة لكن حتتعب بعدين لكن لو ولدت طبيعى حتتعب فى الاول و ترتاح طول عمرها ..........انتى لو فضلتى بنتك على الشغل حتتعبى و تضيقى فى الاول لكن صدقينى حترتاحى و ضميرك حيستريح طول عمرك.

 

انا امى حتى الان بتقعد تقولى سامحينى انى كنت بروح الشغل و اسيبك رغم انها سابت الشغل و مرجعتش تانى غير لما بقى عندى 6 سنين و بعدين بقت تسيبنى عند جدتى يعنى فى اماااان تاااام و رغم كدة ضميرها مأنبها لحد الان رغم انها و الله ما قصرت معايا فى اى شىء......لكن دائما" تنصحنى ان الاولاد اهم حاجة فى الدنيا و ان الست لازم تتفرغ لتربيتهم لان دة الطبيعى و واجبها و حقهم عليها.

 

 

 

متزعليش منى و الله انا بقول الكلام دة بمنتهى الاخلاص ...انا ماليش مصلحة فى حاجة بس انا خايفة على البنت و مش عايزاكى تحسى بندم و قت لا ينفع الندم.

تم تعديل 5 مارس, 2007 بواسطة toty-cuty

[بنت الصادق 9]

توتي انا مش زعلانة منك.. بالعكس انتي كلامك صح 100% ودة رأيي انا كمان

بس انا مش لاقية اي حل تاني ومينفعش ابدا اسيب الشغل.. لأني بشارك زوجي في مصروف البيت ومفيش اي دخل تاني ممكن نعتمد عليه

 

ومرتب زوجي لوحده ميكفيش..

 

وكمان انا هسيب معاها الشغالة فترة الصبح بس.. لكن طبعا مش هأعدها معايا طول اليوم.. يعني انا هبأة اساس التربية لبنتي

دة غير ان الشغالة دي هتبأة موجودة بس لحد مابنتي تدخل المدرسة.. بعد كدة هي هتبأة الصبح في المدرسة

 

وكمان ماما يمكن تيجي تقيم هنا بعد ما بنتي تشد حيلها شوية يعني تقريبا 6 شهور من الولادة.. ساعتها ممكن اسيبها معاها مرة ومع الشغالة مرة.. كدة يعني

 

انما اسيب الشغل دي استحالة.. لو كان ينفع اسيب الشغل كنت هسيبه من دلوقت بس للأسف ظروفي منعاني والحمدلله علا كل حال

[future for islam 0]

انا لسة والدة من ست شهور قلت اقولكم على الاخبار يعنى من باب اسال مجرب لسة فاكر ....ربنا يسهلكم ولادتكم كلكم ويجلكم ساعةسهله زى مابقولو ...يابختكم حد قالكم على المفاجات دى كلها اما انااتفاجئت بيهافعلا لان كلها صح مية ف المية بس بيقولو انك بتنسى كل دة لما بتشوفى ابنك بس لغاية دلوقت مش عارفة لسة منستش وبالسبة للبطن مع الاسف كلة بيرجع بعد 5 شهور الا دى وبالنسبة لبنت الصادق بلاش تسبىبنتك مع شغاله خالص انا كنت بسيب ابنى مع ماما واخى ومع ذ لك ا لموصوع صعب مش هتكونى مبسوطةولا مستريحة فى الشغل عووما انتى هتحكمى لما تجربى اول شهر من موضوع الاشط كل شيه والشرقان نتى بس الى هتعرفى تصرفى عمونا يا بنات كلة يبقى جميل بعد كدة ربنا معاكم اهى فترة تعدى ويشرف ولىالعهد الى ينور عليكى حات وتبقىتعمليها تانى وتالت وربع ووو

[محبة عائشه وخديجه 0]

اهلا وسهلا بنت الصادق عودا حميدا الله يسهل عليك ولادتك ياحبيبتي وييسر الأمور الصعبه الي انتي حاسه فيها

 

انا قرأت كل الكلام والدردشه

 

والموضوع الي حطيتيه

كله صحيح والله مرت علي الحالات السابقه كلها

 

طبعا انا الم القيصريه يستمر معاي كم شهر وخاصه ايام الصيف ياساتر وخصوصا ان البطن يطول لحد مايرجع لوضعه السابق يكون مترهل وضاغط على العمليه والله اعاني كثير غير الشد العضلي الي بالليل وتأثير البنج من قرف وفقدان شهيه ونسيان مش طبيعي لدرجة اني اتكلم ولا اعرف انا اتكلم في ايش تخيلي

 

بصراحه كله مؤلم طبيعي وقيصري مافيه حاجه بالساهل والم الغرز الي بالقيصريه يستمر المه معاي مع حكه والبطن مخدر كأنه مشلول تحسي بشعور غريب منه وخوف لايمكن انسى كل الي مر علي لأن مرتيين اولد بقيصريه

 

بس كل الي قلتيه صحيح ميه ميه والله كأنك تعرفي حالتي بالضبط وكذب من قال العمليه سهله ووجعها اسهل من الطبيعي دي مأساه حتى ست شهور

 

بعد الولاده غير الأكتئاب الي بعد الولاده والتخيلات الغريبه الي تصيبني والبكاء بدون سبب خليها على ربي هو الي يسهلها غير سهر الليالي وصراخ الطفل من الحليب الصناعي الي سم والله سم يشربه الطفل ويعاني مغص لايتوقف وصراخ شيء لايطاق

انا كل ما اذكر المعانه مع الطفل والله تتعب نفسيتي خصوصا ان نومي مش على كيفي

أسأل الله انه يعيني ان ارضعه طبيعي على الأقل ارتاح من الصراخ والروحه والجيه على الطبيب

 

بصراحه صدق من قال الجنه تحت اقدام الأمهات

 

والله حاسه فيكم كلكم وحاسه بالمسؤليه

 

زي ماقلتي الخدم والله بلاوي بلاوي ولا اثق فيهم ابدا كلهم مجرميين انا حرمت نفسي من كل شي على شان اطفالي اخذهم ولهم شهرين معاي بأي مكان ولا اتركه عند احد او عند خادمه لا ترحمه ولا ترحم طفولته جربنا الخدم كلهم سيئين وكذاب الي يقول طيبين والله غش بكل شي في الغسيل وفي كل شي في البيت فمابالك بالأطفال وتغسيلهم

 

لكن انا اقول لك بنت الصادق دوري على اي وحده تحطي عندها بنتك وتعطيها فلوس تكون جنسيتها عربيه وتكون ام تأمنيها على بنتك

اوحطيها بحضانه خاصه والله احسن من الخدم

[بنت الصادق 9]

اختي محبة ربنا يكرمك.. انا اعدة بقرأ كلامك واعصابي تعبت

 

بالنسبة للحضانة انا فعلا فكرت في الموضوع دة.. بس مش هينفع خالص، اخاف اسيب بنتي مع واحدة عندها كذا طفل منهم الكبير ومنهم الصغير والي عنده عدوى والي عنده مش عرفة ايه، دة غير اني محتاجة حد يشوفلي تنضيف الشقة لأني انا دوامي بينتهي الساعة 3.. عشان ارجع بعد كدة اقعد بس مع بنتي واعمل لقمة لجوزي ييجي من الشغل ياكلها هيكون اليوم كله ضاع.. هنضف امتة شقتي واشوف امور زوجي والغسيل والتنظيف والكوي وال.... وانتي بأة عرفة شغل البيت عامل ازاي

 

انا قصرت فحقه المسكين بما فيه الكفاية.. هو كمان ليه حق عليا.. انا عيزة افضاله وافوقله شوية عشان ميلفش علا حد تاني.. يعني ييجي من شغله اخر اليوم بالليل يلائيني اعدة مستنياه وانا نضيفة وشكلي كويس.. بنته نضيفة وبتدحك فوشه، بيته نضيف وهدومه نضيفة واكله معمول.. انما لو مجبتش شغالة ما اتوقع ابدا ان ممكن زوجي يستحملني.. خاصة وانه طفل.. يعتمد عليا فكل حاجة

 

كمان الشغالة دي مسلمة وهي هندية، وغير كدة هي ام وجدة كمان وشاطرة في التنضيف وامينة، وانا واخداها من عند واحدة مجرباها، بنتي هتقعد معاها بس 7 ساعات في اليوم

في خلال السبع ساعات جارتي الي جنبي مصرية مثلي هتدخل كل شوية تشوفها وتشوف البنت وتشوفها عاملة ايه، غير اني اصلا حفهمها اني حطالها كاميرة مراقبة عشان ما تدخل حد وما تعمل اي شي غير امين علا بنتي

 

انا فعلا مفيش ادامي غير الحل دة.. حبيت امسك العصايا من الوسط.. عشان الائي وقت لزوجي ولنفسي ولبيتي ولبنتي

انما لو مجبتش شغالة انا عرفة اني هضيع مع بنتي وبيتي وهنسا زوجي خالص

[بنت الصادق 9]

اختي في الله

future for islam

 

عيزاكي تقوليلي ايه اكتر حاجة غلط تعلمتي منها وايه اكتر حاجة صح نفعتك

 

يعني قوليلنا علا تجاربك مع البيبي سواء ساعة الولادة او بعد الولادة

ويا حبذا لو تكتبيلنا قصة ولادتك

[محبة عائشه وخديجه 0]

اذا خادمه هنديه ومشتغله قبل كذا هذا شي طيب انا شفت الهنديات ارحم من الأندونيسيات البلاوي والفلبينيات المجرمات بصراحه

 

انا لا اطمنك بس انا شفت كيف معاملتهم

 

فيه وحده عند ام زوجي جدا طيبه وتحب اطفالي وتحسي بالأمومه فيها وهي هنديه

 

ومدام في وحده مصريه راح تمر عليها لا ابدا وكلي ربي سبحانه يحرصها ولا تخافي

 

بلعكس انا الأن معك فيما قلتيه

 

طبعا البيت وشغله تعب ودوام اكيد ماراح تتفرغي لزوجك ابدا اصلا ماراح تقدري تسيطري على كل الأمور

[future for islam 0]

اعانكم الله فى كل وقت من يومكم والله الحامل مثل الاسيرة ربنا يفك اسركم جميعا انا عايزة اكتبلكم تجربتى مع الحمل والولادة والطفل لانها صعب تتنسى ومع ان كتير قالولى عن حاجات بتحصل بس مش بالتفصيل كان مختصر ومبهم بس مش عارفة اكتب الان لان الكمبيوتر اللى بستخدمة الان مافى عربى باضطر اكتب بلوحة مفاتح الخاصة المتدىصعب كتيربس الاسبوع القادم راح اغير الجهاز ان شاء الله واحكيلكم يمكن تستفادوبس مافهت سؤالك حبيتى عناكتر حاجة غلط تعلمت منها وايه اكتر حاجة صح نفعت

[ام معمر 0]

السلام عليكم ورحمة الله وبركاته كيف حالكم يااخواتى لنى احبكن فى الله كيف حالك يااختى محبه وياتوتى ويابنت الصادق منورين الموضوع وجزاكن الله خيرا على هزه المواضيع الهامه ربنه يجعلوا فى ميزان حسناتكم

وكيف حالك الان يام ندى اسال الله ان يتم حملك على خير بس انا من رايى تغيرى الدكتوره وانشاء الله ربنه هييسرلك الخير وما تقلقى وسلميها لله وانا مع راى اختى السلبقه الرحم بيبقى ضيق وبيوسع بحجم الجنيين وما تحولى تزعلى نفسك ربنه انشاء الله يثبت حملك فهو ولى زلك والقادر عليه

[ام معمر 0]

السلام عليكم عندى سؤ ال ياحبيباتى هل صبغ الشعر او الحواجب يؤثر على الحمل او الجنيين

[toty-cuty 0]

السلام عليكم

بنت الصادق ........الحمد لله انك مزعلتيش من المحاضرة الطويلة بتاعتى و ربنا يحمى بنتك من كل شر و يوفقك فى حياتك ان شاء الله.

 

future ..........مبروك على الولادة و حمدا" لله على سلامتك و اهلا" بيكى معانا.

 

ام معمر .........احبك الله الذى احببتينا فية و الحمد لله انا كويسة بس الواحد زهق و نفسى اولد بقى.

[ام معمر 0]

السلام عليكم ورحمة الله المهم ياتوتى ان انتى بخير والولاده امرها سهل انشاء الله ولما يشرف المولود نقول دا انت كنت فى بطنى افضل مش تخافى من اولاده

مش بتوجع ولا حاجه انتى بس افتحى الفم قووووووووى هتلاقى الولد نزل من الفم اسهل بس ولا هتحسلى بحاجه

[ام معمر 0]

مفيش حد يجاوب على سؤالى السابق

[toty-cuty 0]

ام معمر .........بخصوص الصبغة انا دكتورتى قالت لى الصبغة ممنووووووووووووووووووووووووعة طول فترة الحمل....استنى شوية احتياطى عشان البيبى.

[ام معمر 0]

السلام عليكم ورحمة الله وبركاته جزاكى الله خيرا

 

طب والحنه زيها زى الصبغه

[toty-cuty 0]

الحنة عادى يا ام معمر مفيش منها ضرر.

[حنان ام رزان 0]

جزاكن الله كل خير حبيباتي toty و ام معمر

بس الطبيبة قالت اني حجم رحمي قد نصف الرحم العادي

لكن انا قلت في نفسي انو الرحم العادي يمكن يحمل اثنين

يعني توأم و يعني كدا ممكن رحمي يحمل واحد بقدرة الله

احبكن في الله و اتمنى من الله انيتم حملكن على خير

[بنت الصادق 9]

محبة الله كريم.. ادعيلي بس البي يجبني اعمل كدة واسيبها مع حد انا من دلوقت خايفة.. ما بالك بأة لما اشوفها واتعلق بيها

 

توتي ازعل من ايه.. انا طول مدة حملي في مباحثات ومؤتمرات في الموضوع دة.. هو انا ورايا غير ست مريم هانم.. !!

 

أم معمر اذيك عاملة ايه.. انا بردو سألت مرة طبيبي عن الصبغة وقالي ان الصبغة الضارة بس هي الي فيها مادة الأمونيا .. ويفضل انك متستخدمهاش إلا بعد الولادة

 

future for islam

انا مستنية الأسبوع الجي. عشان تنفعينا بخبرتك

وقصدي كان .. يعني مثلا في عادات وحاجات كتير اوي بنسمع عنها لازم نعملها للبيبي ممكن تكون غلط وممكن تكون صح

هديكي مثال

 

بودرة التلك مثلا كنت كتير اسمع انها كويسة للبيبي.. بعدين عرفت قريب انها غلط لأنها بتتكتل مع بلل الحفاض وبتعمل حساسية للطفل.. ودي حاجة واحدة اكتشفت انها غلط بعد ما جربتها وبعد ما طبيبها نهاها عنها بالرغم اننا كلنا كنا فاكرين انها صح.

 

مثلا دي من الحاجات الي غلط وانتي اكتشفتي انها غلط بعد الولادة بعد ما جربتيها بنفسك..

كمان الصراخ ساعة الولادة.. كلنا منعرفش انه غلط وانه ممكن يزيد الألم.. انتي عملتي ايه وايه هي اكتر حاجة استفدتي منها ساعدتك عالولادة بسهولة

 

قوليلنا عالحاجات الصح الي استفدتي منها زي مثلا ايه اكتر حاجة بتعمليها للبيبي وبتريحه لما بيكون عنده غازات

 

يعني انا عيزة اعرف حاجات زي دي. معلش هتعبك معايا

[بنت الصادق 9]

أم ندى ربنا معاكي يحبيبتي ويتملك حملك علا خير.. روحي لكذا دكتورة ومتسكتيش عالموضوع وخير ان شاء الله

[بنت الصادق 9]

عزيزتي الحامل بماذا تشعرين ؟..

 

 

بسم الله الرحمن الرحيم

 

أخواتي العزيزات لقد وجدت هذا الموضوع المفيد جدا جدا للحوامل في مراحل أحمالهن المختلفة .. نتناول فيه متاعب الحمل بالتفصيل وأسبابها ووسائل العلاج الممكن اتباعها في المنزل واحببت أن أضيفها هنا لتعم الفائدة للجميع لأنني استفدت منها كثيرا ، والموضوع طويل شوي بس شامل لكل اللي تمرين فيه من متاعب في الحمل لا سمح الله ..

 

1- ألم الظهر : ويحدث بسبب زيادة وزن الجسم وميل الجسم للوراء بسبب بروز البطن حيث أن هذا الوضع يؤدي لألم بأسفل الظهر علاوة على ان الاربطة المحيطة بالعمود الفقري تكون مسترخية ومرنة أكثر من اللازم بسبب تجهيز الجسم للولادة ..

 

العلاج : حاولي أن تصححي من وضع قامتك على قدر المستطاع ارتدي حذاء مستويا وتجنبي الاحذية المرتفعة .. وتأكدي أن حشية الفراش وطيدة وليست مرنة .

 

2- الامساك : ويحدث بسبب استرخاء عضلات الامعاء بسبب التغير الهرموني اثناء الحمل مما يجعل حركة دفع الفضلات بطيئة ..

 

العلاج : مارسي بعض التمارين المناسبة كالجلوس على الاطراف الاربعة لتخفيف الضغط على اسفل البطن ، تناولي الالياف الغذائية بوفرة كالمتوفرة في الخبز الاسمر والخضروات والفواكه ، واشربي سوائل بكثرة ، ولا تاخذي اي مسهلات الا باستشارة طبيبة .

 

 

3- الاغماء: ويحدث في صورة بسيطة كالاحساس بالدوار او الدوخة بسبب زيادة متطلبات الرحم من الامداد الدموي مما يحرم المخ مؤقتا من وصول الدم بقدر كاف .

 

العلاج: استرخي على الفراش فورا ومددي ساقيك الى اعلى ، التزمي الراحة قدر الامكان ، وتجنبي الوقوف لفترات طويلة ، دلكي المنطقة المؤلمة ، مددي ساقك للامام مع ثني مشط القدم لاسفل عدة مرات ، وفي حالة تكرار الالم استشيري الطبيبة .

 

4- تقلص العضلات (كرامب) : ويحدث في صورة الم بسمانة الساق وربما الفخذ والقدم ويحدث عادة اثناء الليل ويحتمل ان يكون بسبب نقص الكالسيوم او ملح الطعام .

 

 

العلاج: تجنبي الماكولات المولدة للغازات مثل البصل الفلفل الرومي والبقول والماكولات المحمرة واشربي شاي النعناع.

 

5- الانتفاخ : بسبب كسل حركة الامعاء تتراكم الغازات ويصبح من الصعب التخلص منها .

 

العلاج: تجنبي بلع الهواء مثلما يحدث عند مضغ اللبان .

 

6- التورم واحتجاز السوائل : تتورم اصابع اليدين والقدمين والوجه بسبب احتجاز كمية زائدة من السوائل بسبب التغير الهرموني أثناء الحمل .

 

العلاج: التزمي الراحة قدر المستطاع ، مع رفع الساقين للاعلى حتى تقاومي ركود السوائل باسفل الاطراف .

 

7- نزيف اللثة : أثناء الحمل تكون اللثة اكثر سماكة وليونة بسبب التغير الهرموني واكثر عرضة للاصابة خاصة في حال تراكم بقايا الطعام بين الاسنان مما يؤدي الى التهاب اللثة .

 

العلاج : تجنبي الماكولات الزائدة الملوحة لان الملح يساعد على احتجاز السوائل ، واذكري هذه الملاحظة لطبيبتك خلال متابعتك للحمل ، واحرصي على تنظيف اسنانك بانتظام بالفرشة والمعجون والخيط ، احرصي على زيارة طبيبة الاسنان بانتظام .

 

8- كثرة التبول : ضغط الرحم الممتلئ على المثانة يسبب رغبة ملحة للتبول رغم خروج البول بكميات قليلة ويتسبب زيادة تدفق الدم لاعضاء الحوض اثناء الحمل الى اصابة المثانة ببعض التوتر مما يجعلها تفرغ البول على فترات قصيرة سواء بالليل او النهار .

 

العلاج : لاتشربي كميات كبيرة من السوائل في المساء ، تجنبي تناول القهوة لان لها مفعول مدر للبول ، اثناء التبول تحركي بجسمك للامام والخلف عدة مرات للمساعدة على تفريغ كل البول .

 

9- البواسير : تحدث بسبب ضغط الرحم الممتلئ في اواخر الحمل على الاوعية الدموية الكبيرة مما يعوق رجوع الدم من المستقيم كما تساعد الاصابة بالإمساك على الاصابة بالبواسير وتكون الاعراض في صورة الم وربما رغبة في الحك حول فتحة الشرج وقد تتدلى البواسير في وضوح بعد الولادة .

 

العلاج : اهتمي بتناول الالياف بوفرة ، ولمقاومة الالم والرغبة في الحك ضعي اي كريم ملطف او كمادات ثلج ، توقفي مؤقتا عن عمل حمامات ماء دافئ لانه يزيد تدفق الدم ويزيد من متاعب البواسير ، تختفي البواسير بسرعة بعد الولادة .

 

10- حرقان المعدة : ويحدث بسبب استرخاء الصمام عند مدخل المعدة مما يؤدي لرجوع كمية من الحامض المعدي للمرئ ويتسبب ذلك في الاحساس بحرقان القلب خلف منتصف الصدر مصحوب بمذاق حمضي لاذع .

 

العلاج: تجنبي تناول الاطعمة المسببة للحموضة مثل المأكولات الدسمة والفواكه الحمضية والمأكولات الحريفة ، اشربي كوب لبن دافئ قبل الذهاب للفراش ، ارفعي رأسك اثناء النوم باستخدام اكثر من وسادة لمنع رجوع الحامض المعدي ، تجنبي كثرة الاكل بصفة عامة .

 

11- سلس البول: هروب نقطة من البول أثناء الضحك أو السعال أو القفز وذلك بسبب انخفاض مقدار سعة المثانة أثناء الحمل واسترخاء عضلات الحوض مما يجعلها لا تستطيع إيقاف البول المتسرب .

 

العلاج: احرصي على تفريغ المثانة باستمرار ، تجنبي الإصابة بالإمساك أو أي شيء يمكن أن يزيد الضغط الداخلي مثل رفع أحمال ثقيلة ، مارسي التمرينات الخاصة بتقوية عضلات الحوض بعد الولادة.

 

12- الأرق: ويحدث لأسباب مختلفة مثل حركة الجنين داخل الرحم أو الاضطرار لكثرة التبول ليلا أو لزيادة العرق أثناء الليل .

 

العلاج : ارتدي ملابس من ألياف طبيعية (من القطن) أثناء النوم لتتجنبي كثرة العرق ، اشربي كوب لبن دافئ ، واقرئي لبعض الوقت ( وخاصة القران الكريم ولتعلمي مدى استمتاع الجنين بتلاوة القران لاحظي هدوءه عن الحركة أثناء التلاوة بصوت مسموع ) .

 

 

13- غثيان ودوار الصباح: الشعور بالغثيان والدوار مع الحركة خاصة في الصباح .

 

 

العلاج: تجنبي تناول الشاي والقهوة في المساء ، تناولي بعض الأغذية الخفيفة في الفراش قبل مغادرتك مثل البسكويت ، اجعلي حركتك أثناء مغادرة الفراش تدريجية بطيئة ، تناولي عدة وجبات صغيرة طوال اليوم بدلا من ثلاث وجبات رئيسية وتجنبي الإجهاد.

 

14- متاعب الأنف: قد تعانين من احتقان بالأنف أثناء الحمل وربما يحدث نزيف بسيط من الأنف وذلك لان الغشاء المخاطي المبطن للأنف يتأثر بالتغير الهرموني أثناء الحمل فيصبح أكثر سمكا وليونة .

 

العلاج: لا تستخدمي بخاخات الأنف إلا باستشارة طبيبة ، تجنبي الأماكن الجافة والمتربة ، تعاملي مع انفك برفق حتى لا يتعرض للإصابة أو النزف .

 

 

15- ألم الحوض : الم بمنطقة الحوض وداخل الفخذين ينبعث خاصة أثناء المشي وذلك بسبب ضغط راس الجنين على الأعصاب المجاورة ويحدث عادة أواخر فترة الحمل .

 

العلاج: عند الإحساس بالألم استرخي مع سند الجسم بعدد مناسب من الوسائد ، لا تأخذي أي مسكنات للألم ، جربي هز جسمك هزا خفيفا لتخفيف الإحساس بالألم .

 

16- تغير لون الجلد: خلال فترة الحمل ينتج الجسم كميات كبيرة من الهرمون المنشط للخلايا الصبغية وهذا يتسبب في تغير لون الجلد ببعض المناطق مثل ظهور بقع بنية اللون بالخدين مع غمقان لون الهالة وهذا الاصطباغ يزيد مع التعرض لأشعة الشمس .

 

العلاج: تجنبي التعرض لأشعة الشمس لفترة طويلة ، استخدمي احد الكريمات المضادة للأشعة فوق بنفسجية بعد استشارة طبيبتك ، لا تحاولي استخدام أي علاجات لتبييض البشرة لان هذه المناطق الملونة ستختفي تدريجيا بعد الولادة .

 

17- الم الضلوع: الم ينبعث تحت الثدي وغالبا على الجانب الأيمن ويحدث في أواخر فترة الحمل بسبب ارتفاع الحمل لأعلى .

 

العلاج : ارفعي جسمك وصدرك لأعلى حتى تقللي من الضغط على الضلوع ، لا تأخذي أي مسكنات للألم وعادة يختفي الألم بعد الأسبوع السادس والثلاثين بعدما يهبط الجنين في تجويف الحوض .

 

18- علامات الشد: وهي عبارة عن علامات أو خطوط فضية اللون تظهر بجلد البطن والفخذين والثديين بسبب شد الجلد مع زيادة الوزن كما أنها تتعلق بمدى مرونة الجلد .

 

العلاج : تجنبي اكتساب وزن زائد عن الحد الطبيعي خلال فترة الحمل ، ارتدي مشد للثدي (سوتيان) من الأنواع المخصصة للحوامل بحيث يكون محكما على الثديين ويمنع حركتهما ، قد يفيد دهان جلد البطن وأعلى الفخذين بكريم ملين خاصة الأنواع المحتوية على فيتامين هـ أو اللانولين في الوقاية من ظهور هذه العلامات بشكل واضح ، تختفي هذه العلامات تدريجيا عد الولادة ولا داع لعلاجها بمستحضرات تجميل خاصة .

 

19- زيادة عرق الجسم : وتحدث عادة أثناء الليل مع الإحساس بالدفء لاتساع الأوعية لدموية تحت الجلد وزيادة تدفق الدم بها .

 

العلاج : ارتدي ملابس من الألياف الطبيعية الخاصة عند النوم ، تجنبي الإجهاد .

 

20- التعب العام : وهذا له أسباب عديدة من أهمها حمل وزن زائد وهو الجنين والأرق ونقص اللياقة البدنية وضعف الشهية للطعا بسبب الغثيان .

 

العلاج: تجنبي الإجهاد ، وخذي قدرا كافيا من ساعات النوم والراحة يوميا ، تناولي عدة وجبات خفيفة على مدار اليوم لتحتفظي بطاقتك ، اطلبي مساعدة باقي أفراد الأسرة في القيام بالأعمال المنزلية .

 

21- زيادة الإفراز المهبلي : تلاحظين حدوث زيادة في الإفراز المهبلي وظهوره باللون الأبيض أو مائل للبياض وسبب ذلك زيادة سمك وليونة الأغشية المخاطية بما في ذلك الموجودة بالمهبل وعنق الرحم أما ظهور إفراز بني اللون أو مائل للاحمرار فقد يشير لوجود قرحة بعنق الرحم .

 

العلاج : إذا كان الإفراز كثيفا لا تفعلي أكثر من الاهتمام بارتداء حفاضات مناسبة جيدة واستبدالها بصفة منتظمة ، أما إذا لاحظت أنها مواصفات غير طبيعية للإفراز المهبلي وجب عليك استشارة الطبيبة .

 

 

22- دوالي الساقين : ظهور أوردة غامقة واضحة متعرجة من خلال جلد الساقين وقد تكون مصحوبة برغبة في الهرش وهذه تظهر بسبب ضغط راس الجنين على الأوعية الدموية الكبيرة على الحوض وكذلك بسبب زيادة وزن الجسم بدرجة كبيرة أثناء الحمل كما أنها تظهر بسبب وجود ضعف وراثي بالأوعية الدموية .

 

العلاج : تجنبي الوقوف لفترات طويلة ، ارتدي الجورب الخاص بعلاج الدوالي عند مغادرة الفراش في الصباح ، احرصي على الاسترخاء أثناء النهار مع رفع الساقين على وسادة بحيث يكونان في مستوى القلب ، في حالة ظهور دوالي بالفرج احرصي على النوم لبعض الوقت على بطنك .

 

 

23- اضطرابات الرؤية : قد يصبح ارتداء العدسات اللاصقة أمرا غير مريح وذلك بسبب احتجاز كمية زائدة من السوائل بالجسم بما في ذلك العينين مما يغير من استدارة العين تغيرا طفيفا .

 

العلاج : استشيري الطبيبة وقد تنصحك بالاستغناء عن العدسات اللاصقة وارتداء النظارة الطبية طوال فترة الحمل .

 

ودمتم سالمين ..

[ام معمر 0]

السلام عليكم ورحمة اللله وبركاته جزاكى الله خيرا اختى بنت الصادق على هزه المعلومات القيمه جعلها الله فى ميزان حسناتك

[ام معمر 0]

جزاكى الله خيرا ياتوتى ويامحبه كيف حالك وربنه يتم لكى على خير يام ندى ربنه يتم حملك على خير وعلى جميع الاخوات