ارجو المساعدة من جميع الاخوات المصريات

[ommai 0]

بسم الله الرحمن الرحيم

 

السلام عليكم ورحمة الله وبركاته،،

الاخوات الغاليات انا بفضل الله نويت البس النقاب وانا الان اريد ان اشترى الملابس وكل ما يخص النقاب وانا من الاسكندرية فارجو من جميع الاخوات المصريات وخصوصا الا من اسكندرية يدلونى على اماكن بيع الملابس وباقى الحاجات وعلى فكرة انا سمعت ان محل المتحجبة الا فى جرين بلازا فى حاجات للنقاب فهل هذا صحيح ارجو المساعدة بسرعة ان امكن وجزاكم الله عنى خيرا

السلام عليكم ورحمة الله وبركاته

[مرفت ام ابراهيم 0]

ثبتك الله حبيبتى

كان نفسى اساعدك ولكنى مصرية بس مش اسكندرانية

اعانك الله ووفقك والف مبروووووووووووووووووووك

انا فى الخدمة فى أى حاجة ثانية

[ريحانة الجنة 0]

وعليكم السام ورحمة الله وبركاته

 

اولا الف مبارك لارتدائك النقاب ان شاء الله ثانية

 

انا لست من الاسكندريه ولكن اعرف اشياء كتير عندك

 

وفعلا المتحجبة في جرين بلازا فيها وفي الدور التاني في محل لبيع النقابات

 

وكل ما يخص المرأه المحجبة ويا رب اكون ساعدك

[ommai 0]

السلام عليكم ورحمة الله وبركاته،،

جزاكم الله عنى خيرا اخواتى الغاليات

والف شكر على ردك اختى مرفت وشكرا لكى على الدعاء

الاخت الغالية ريحانة الجنة شكرا لكى وارجو منك ومن جميع الاخوات الدعاء لى بالثبات

[ام ابو بكر 1]

السلام عليكم ورحمة الله وبركاتة

مباركككككككككككككككككككككك عيكىىىىىىىىى اختىىىىىىىى

انا فرحت ليكى جدا

ربنا يثبتك

وهيا اسرعى ىىىىىىىىىىىى وارتدية

واسرعى الى جنة عرضها السموات والارض اعدت لللمتقين

[مُريدة القرآن 0]

مبارك اختى الحبيبه ادعو الله ان يرزق جميع الاخوات النقاب وربنا يثبتك

[اشراقة شمس 0]

السلام عليكم ورحمة الله تعالى وبركاته

بارك الله فيك اختي الحبيبة ومبارك عليك

الله يثبتك على طاعته دايما ويرزق النقاب لكل من تتمناه

[الماسة الصغيرة 1]

حبيبتى انا اعرف محل البداية فى بولكلى شارع ابو قير

لكن بصراحة اسعاره ..

:icon15:

غالية جدا :icon15:

[ام البراء-18 0]

السلام عليكم ورحمة الله وبركاته،،

اختي انا لست من الاسكندريه ولكن ممكن تجدي هذه الملابس في اي محل

 

خصوصا اذا اردتي ان تلبسي الملحفه او الاسدال فانها منتشره بكثره في مصر

لانها اصبحت موضه تلبسها حتي المتبرجات ستجديها في اي محل ملابس

وكذلك النقاب ممكن تجديه في هذه الاماكن

 

اقولك علي شىء اذا لم تجديه في هذه الايام لفي علي وجهك طرحه سوداء واخرجي بها

ولا تسوفي لانه خطوه لن يترك الشيطان بسهوله فيمكن ان يوسوس لكي بان تلبسيه عندما

تجدي الا ماكن فقد تخور قواكي وتترددي

 

 

لالالالالا لست اشكك في همتك ولكن الاحتياط واااااااااااااااجب

[راجيه عفو الرحمن 1]

السلام عليكم ورحمة الله وبركاته

مبارك حبيبتي الف مليون مبارك

اسأل الله لك الثبات في الدنيا والاخره

للاسف انا لست من الاسكندريه

وارجوا ان يكون رد الاخوات افادك

واخبرينا عندما ترتدينه ان شاء الله

السلام عليكم ورحمة الله وبركاته

[ommai 0]

السلام عليكم ورحمة الله وبركاته،،

الاخوات الغاليات

ام ابو بكر

اشراقة شمس

saraelzeny

الماسة الصغيرة

ام البراء -18

راجية عفو الرحمن

جزاكم الله خيرا وثبتنا جميعا على طاعتة

الاخت الغالية الماسة الصغيرة ياريت تقولى اسم المحل وتعطينى فكرة وامثلة على الاسعار لو سمحتى

[~~أم أسيل~~ 26]

السلام عليكم ورحمة الله وبركاته،،

 

مبارك غاليتي النقاب

 

بصي في كتير اوي في الابراهيمية والملحفة لو غالية ب 120

 

والنقاب بيبدأ من 15

[ماسة .الحب 0]

لاخت الغالية الماسة الصغيرة ياريت تقولى اسم المحل وتعطينى فكرة وامثلة على الاسعار لو سمحتى

 

اسمه البداية حبيبتي

 

موجود ببولكلى شارع ابوقير قريب من الديب مول :) لكن تمشي انك رايحة ناحية بولكلى :)

او موجود بمول مينا بالابراهيمية لو ما تعرفي مكانه هو في شارع لاجيتيه :)

 

كمان حبيبتي المنشية لو تعرفى (زنقة الستات):tongue: تبيع حاجات رووعة كل الالوان واي شئ تحتاجينه وكل الخامات بصراحة رووعة واغلب المنقبات تشتري من هناك

 

اما بالنسبة لاسعار محل البداية فالعباية العادية لونها اسود مثلا تبدأ من 300 جنيه :)

 

اتمنى اكون افدتك

واي استفسار انا بالخدمة

[سارة المهدي 0]

حبيبتي مباااااااااااااااااااااااااااارك وربنا يثبتك ان شاء الله

 

بس أهم حاجة تراجعي نفسك فيها مليوووووووووووووووون مرة هي نيتك ... اجعليها خالصة لله عز وجل

 

انا مش بقولك عشان كده تشكيك وليعوذو بالله ... بس حتى الصحابة والسلف كانوا بيراجعوا نفسهم في النوايا قبل مايعملوا أي حاجة

 

جمعنا الرحمن في جناته ...

 

محبتك في الله :tongue:

 

سارة

[لواء العزة 5]

ماشاء الله

مبااااااااارك حبيبتي

ommai

 

على النقاب ثبتك الله ويسر لكِ ارتدائه في اقرب وقت

ربنا يكرمك ويجزيك خير

 

للاسف انا مش اسكندرانية

كان نفسي اخدمك وبالذات في حاجة زي دي :)

[ommai 0]

السلام عليكم ورحمة الله وبركاته،،

بارك الله فيكم جميعا

الاخت الغالية انسيتم الجنة يا ريت تقولى اسم محل لانى للاسف خايبة جدا جدا فى الشراء وممكن انخدع فى الخامة مثلا

ماسة الحب الف شكر لاهتمامك ويا ريت لو تعرفى اسم محل فى الزنقة تقولى علية والاسعار لانى للاسف مش بعرف اشترى خالص

الاخت الغالية سارة جزاكى الله خيرا

والاخت الغالية مروة تركى كفاية ردك وزوقك ودعائك لى بالثبات ثبتنا الله واياكى

والله انا اشهد الله انى احبكم جميعا فى الله

[هنـــاء 19]

السلام عليكم ورحمة الله وبركاته،،

الأخت الغالية

للأسف أنا مش من اسكندرية

لكني أحببت أن أبارك لكِ على هذا القرار

ثبتكِ الله وأعانكِ ووفقك لما فيه الخير في دينك

بارك الله فيكِ حبيبتي

[أنين أمّة 19]

ماشاء الله

مبااااااااارك حبيبتي

ommai

 

على النقاب ثبتك الله ويسر لكِ ارتدائه في اقرب وقت

ربنا يكرمك ويجزيك خير

 

للاسف انا مش اسكندرانية

كان نفسي اخدمك وبالذات في حاجة زي دي :)

[حنه الحسينى 0]

اختى الغالية الف مبروك على النقاب ذادك الله هدى وارجو ان الفت نظرك ان موضوعك لا يحتاج الا سوى الخروج للتسوق وسوف تجدين ماتريدن بسهولة

[شصت 0]

وعليكم السلام ورحمة الله وبركاته

الف مببرووووووووووووووك وربنا يثبتك يارب باطنا وظاهرا انا من اسكندرية بس انا محجبة لسه ما اتنقبتش قريب بأذن الله انا بشكرك علشان انت افدتيني

جزاكي الله كل خير ورزقكى وجميع الاخوات الغاليات الجنة

احبكم في الله

[عائده إلى الله 0]

مباااااااااااااااااارك غاليتى لبس النقاب

 

وفقك الله لما يحب ويرضى و يسر لكى امورك

[ommai 0]

السلام عليكم ورحمة الله وبركاته،،

الاخوات الغاليات هناء وعطر الجنان وحنه الحسينى وشصت والاخت عائدة الى الله

جزاكم الله خيرا على ردودكم وشكرا لكم على الدعاء وربنا يوفقنا جميعا لما يحب ويرضى

واشهد الله انى احبكم فى الله

[~~أم أسيل~~ 26]

السلام عليكم ورحمة الله وبركاته،،

 

في شارع مسجد الصداقة في سيدي بشر هناك محلات أخوة كتير جدا يبتاع فيها ملاحف وجلابيب كتير جدا

وشامل فيه كل حاجة

الاسعار تبدأ من 85 للملاحف

 

والقماشات حلوة جدا والانواع مختلفة

[ommai 0]

السلام عليكم ورحمة الله وبركاته،،

الف شكر اختى العزيزة وجزاكى الله خيرا وشكر لكى على اهتمامك

وكنت عايزة اسالك هل يجوز ان البس العبايات العادية وعليها الخمار وعليهم النقاب

طبعا مع مراعاة ان تكون العباية من الالوان الغامقة ودون اى تطريز وتتوفر فيها الشروط الشرعية

ويكون الخمار طويل وساتر

وفى النهاية يكون العباية والخمار والنقاب لون واحا حتى لا يلفت النظر

وهذا لانىممتلئة جداالجسم وانا بشوف الاخوات اللاتى يلبسن الجلباب عندما يطير يلتصق بالجسم

[~~أم أسيل~~ 26]

السلام عليكم ورحمة الله وبركاته،،

 

بارك الله فيكِ اخيتي ..

 

انا بردو ممتلئة بس بلبس ملحفة واسعة جدا جدا علشان كده مش بتلتصق بالجسم

 

ممكن تلبسي عباية واسعه و عليها حاجة اسمها سدال قصير .. ده بيداري جامد اوي

 

بس معرفش ينفع ولا لأ