اتمنى اني الاقي الحل معاكم اخواتي

[ro7mak_ya_allah 0]

السلام عليكن جميعا اولا عاوزة اعبر عن سعادتي بانضمامي لاجمل منتدى اللي في اجمل واقرب موقع لقلبي موقع طريق الاسلام :blush:

 

ثانيا عايزة استشير اخواتي في الله هنا في امر خاص بيا مش عارفة اسميها غير مشكلة وحاجة بتعوقني عن اني اعمل اللي انا عايزاه واللي ربنا امرنا بيه :wub:

 

احب اقول في البداية اشهد الله وملائكته اني احبكم في الله واتمنى ان يجمعني معكم في الفردوس الاعلى

 

اما بالنسبة لموضوعي فهو اني بنت وحيدة وليا اخين اكبر مني الحمد لله ملتزمة الى حد معقول لكني اتمنى اني اكون اعلى من كده بدرس في احدى الكليات اللي بيسموها كليات القمة والحمد لله متفوقة فيها

 

من فترة قريبة جدا تمت خطبتي لشاب وهو مش ملتزم كتير قالي انتي هتاخدي بايده ورفعيه ويمكن يكون افضل منك بعد كده وكمان هو بنفسه قالي انا كان نفسي في واحدة متدينة وتكون زيك وانا من كلامه حسبت انه عايز كده عشان اساعده على الالتزام ولكن من كلامنا بعد كده بدات فعلا احس انه مش عايز الالتزام ولكن عايز واحدة تصونه وتعرف ربنا وتتقي ربنا فيه لكن مش في دماغه انه يلتزم

وانا من ماقشاتي معاه بخصوص الفرح مثلا وده الموضوع اللي بجد عايزة اعرف بالظبط تقبله الالتزام حدوده ايه بدات اشوف انه فعلا رافض حتة الالتزام دي نهائي او بمعنى اصح هو عارف ان كلامي صح بس بردو عايز يعمل اللي في دماغه

 

كلمته في حاجات كتير وحاولت اني اقنع بصورة ما تحسسهوش اني بفرض رايي عليه وكمان كل شوية اقوله احنا لينا رب خالقنا نشوفه قال ايه ونعمل زي ما قالنا

 

لكنه بردو مصر على رايه اني كده متشددة او بمعنى اصح انا صح بس هو مش عايز يعمل كده

انا وريته فتاوى بخصوص حجاب المرأة شاف انها كلها فيها تشدد وشاف اني دماغي ناشفة وبقوله انا في حق ربنا لازم تكون دماغي ناشفة لاني بغلط كتير ومش هسيب غلطة زي دي اغلطها وهو ان فرحي يكون فيه اغاني واختلاط وموسيقى والبس فستان فرح حتى لو بحجاب

 

انا حاليا بلبس اسدال لكنه مثلا في عقد زواجنا عايزني البس فستان وطرحة وعايز يلبسني الشبكة قدام اصحابه وقرايبه الرجال واقوله ليه يقولي عشان لازم يشوفوني وانا بلبسك الشبكة ويفرحوا معايا وكمان عشان يعرفوا شكلك

 

لما طلبت منه انه يعمل استخارة قالي خايف اعملها فانفذ كلامك ووالدته قالتله لو الفرح اسلامي مش هحضره وحلفت بكده وهو فعلا في مشكلة كبيرة

 

مش عارفة اعمل ايه خايفة اتنازل عن حاجات واكيد التنازل هيجر تنازل

 

وكمان انا عملت استخارة كتير وبصلي كل شوية صلاة استخارة بس انا بستشير اخواتي في الله عايزاهم يقولولي رايهم بصراحة

 

وفيه اعتراف عايزة اقوله هو اني مخطئة في اني بكلمه واحنا مخطوبين هو كلام على النت لانه مسافر واخواتي مش على اتصال بيه لظروفهم الخاصة وانا مش ببرر موقفي بس حبيت اوضح اني مخطئة في النقطة دي

 

جزاكن الله عني خيرا

وانتظر ردودكن بفااااااااااارغ الصبر :lol:

والسلام عليكم ورحمة الله وبركاته

[أم منو نه 8]

غاليتى لا تتنازلى أبدا عن الحق حتى ولو أدى الأمر إلى فسخ الخطبه ولا تبدئى حياتك بمعصيه ، كيف يريد أن يلبسك الشبكه أمام أصحابه لكى يعرفوا شكلك هذا عذر أقبح من ذنب أين الغيره أختى الفاضله بل أين غض البصر ، نصيحه لكِ يا غاليه إذا تنازلتِ الآن ستتوالى التنازلات أنتِ ما زلت على البر ،كما فهمت، ولم تكتبى الكتاب بعد فتريثى واستخيرى المولى فى اتمام هذه الخطبه أو لا، وكما تعلمين الرجل له القوامه فمن الصعب أن تدفعيه أنتِ إلى أعلى إذا لم يكن هناك أساس متين وأرض صلبه تقفان عليها

بالله عليكِ تريثى ،تريثى ،تريثى ،وفكرى جيدا فهذا دينك والأمر جنة أو نار وأخيرا أذكرك يا غاليه أنه مازال أجنبى عنك فله حكم الأجنبى(غير المحرم) فى التعامل والكلام

رزقكِ الله الزوج الصالح الذى يعينك على طاعته.

[أمل المرزوقي 1]

السلاااااام عليكم و رحمة الله و بركاته أختي أحبك الي أحببتنا من أجله

 

مشكلتك ليها حل لأن شاء الله " الله يفرج همك و غمك و يفرج كربتك

 

الله يهدي حماتك انا عارفه انك في أختبار كبيير ايوه اختبار من ربك مين حتختاري؟؟ أنا اقووولك الدعاء الدعاء لو رفعتي ايدك لربك و طلبتي منو المساعده كل شي حيتيسر أن شاء الله ... أنا لو كنت مكانك و مش عوزه غير فرح أسلامي ححاول اد ما اقدر اذا انسدت من كل الطرق حفوض امري الى الله

 

الصراحه فعلا موقف صعب بس ادعي ربك و ادعي و ادعي ... كل ما تدعي اكثر صدقيني ربك بيستجيب لك أن شاء الله

 

الله يتمم عليك زواجك يا اختي

[ro7mak_ya_allah 0]

جزاكن الله عني خيرا

 

اختي ام منونة اللي قولتيه بخصوص موضوع الغيرة فعلا ده اللي انا خايفة منه

وموضوع التنازلات بردو انا معاكي فيه جدا عشان كده انا شبه بحارب عشان موضوع الفرح ده باسلوب يبين له اني مش بكلمه برايي الشخصي ولكن كلامي كله راجع لكلام اللي خلقنا انا بجد نفسي انه يلتزم بس مش عايزة في نفس الوقت اعمل حاجة تخليني انا اللي افقد التزامي او يقل

انا اعرف ناس فعلا لما اتنازلوا مرة توالت التنازلات بعد كده

 

اختي ام المرزوقي اشكرك بشدة وجزاك الله خيرا لنصيحتك الغالية فعلا الدعاء واللجوء الى الله هو اللي هييسر لي الامر باذن الله

[ام حلا 6]

بصي يا اختي انا مريت شبه تجربتك و لما اتفقنا على اللي انا عاوزاه يوم الفرح صار اللي هما عاوزينه و تنازلت و تتالت التنازلات و لا سبيل للتراجع لذلك لا تتنازلي حتى لو سبتيه لانك مش حتندمي

لانك لما تسيبيه عشان امر ربنا احسن من انك تسيبيه بعدين و انت اغضبت ربنا

و ادعي ربنا عشان يصلح الحال و لو مافيش فايدة سيبيه

ومن ترك شيئا لله عوضه الله بخير منه

[أم دارية 0]

اختي الحبيبة ..

لو داخلياً مش قادرة تقتنعي بتصرفاته و لو حاسة ان تصرفاته هتبعدك عن طريقك اليل لاقية نفسك فيه و بتحبيه،

يبقى لا داعي للاستمرار فالزواج يا غاليتي مسؤولية كبرى و اندماج حياتين معاً بشكل كامل ..

لذا فلا تتسرعي بالموافقة ..

و أسأل الله أن يرزقك كل خير و أن ييسر لك كل خير.

[ro7mak_ya_allah 0]

معاكي حق اختي ام حلا فعلا التنازل يجر تنازل وانا شوفت بعيني اخت في الله اعرفها طلبت شئ ونفذوا اللي دماغهم في الاخر

واشكرك اختي ام دارية انا فعلا محتاجة اكون مستريحة للانسان اللي هرتبط بيه طول عمري وانا مش هستريح فعلا الا لما احس انه هيساعدني في طريقي لربنا مش يعوقني عنه

[ro7mak_ya_allah 0]

معاكي حق اختي ام حلا فعلا التنازل يجر تنازل وانا شوفت بعيني اخت في الله اعرفها طلبت شئ ونفذوا اللي دماغهم في الاخر

واشكرك اختي ام دارية انا فعلا محتاجة اكون مستريحة للانسان اللي هرتبط بيه طول عمري وانا مش هستريح فعلا الا لما احس انه هيساعدني في طريقي لربنا مش يعوقني عنه

[ro7mak_ya_allah 0]

معاكي حق اختي ام حلا فعلا التنازل يجر تنازل وانا شوفت بعيني اخت في الله اعرفها طلبت شئ ونفذوا اللي دماغهم في الاخر

واشكرك اختي ام دارية انا فعلا محتاجة اكون مستريحة للانسان اللي هرتبط بيه طول عمري وانا مش هستريح فعلا الا لما احس انه هيساعدني في طريقي لربنا مش يعوقني عنه

[ام حفص 6]

السلام عليكم ورحمة الله وبركاته،،

اختى الحبيبة انا بقى مريت بنفس الى بتقوليه

وكنت فى حيرة شديدة

وجدت نفسى ابعد عن الله ابعد عن انسى به والله انها لخسارة كبيرة

فقدت طعم السعاده فعلا

لذا قررت ان اقف عند

هذا الحد وفسخت خطوبتى باعتراض من الكل ولكن يكفى شعورك من الداخل انكى ترضى الله وتركتى شيئا له

فعلا أختى من ترك شيئا لله عوضه الله خيرا منه

ومن الله عليا الان بالزوج الصالح احسبه حقا كذلك ولا ازكى على الله أحدا

صدقينى أختاه

ليس هناك سعادة الا فى القرب من الله

أعلم والله انه موقف صعب ولكن من أخت لكى لاتعرفكى ولكن تحبك حقا فى الله

استعينى بالله واجعليه وكيلك

ولاتتنازلى عن اى حق من حقوقه عز وجل علينا

وكم سنعيش فى هذه الدنيا

اننا راحلون

اسأل الله ان يهديك لما فيه الخير والصلاح

[ro7mak_ya_allah 0]

اختي ام حفص بالنسبة لكلامك

وكنت فى حيرة شديدة

وجدت نفسى ابعد عن الله ابعد عن انسى به والله انها لخسارة كبيرة

فقدت طعم السعاده فعلا

 

فعلا انا حاسة بده دلوقتي اوي وربنا يجزيكي خير عني اختي

[dark angel 3]

حبيبة قلبي الإنسان ده معندوش و لا غيرة و لا نخوة لأنه عايزك تباني لأصحابه مش عايز يصلي صلاة إستخارة لأنه خايف يعمل الصح.

أنصحك أن لا تتنازلي عن موقفك أبدا إذا أحب ذلك فكان بها و إذا رفض فإني أسأل الله أن يعوضك خيرا من ترضين خلقه و دينه

و من ترك شيئا لله عوضه الله خيرا منه و لا تبدئي حياتك بمعصية كي يفرح الأقارب و تشي أنت

و أنصحك أيضا أن لا تكلميه في خلوة لما في ذلك حبيبتي من إثم

وفقك الله إلى الخير يا أحلى بنوتة

[ro7mak_ya_allah 0]

جزاكي الله عني خيرا

وربنا ييسر الامر ان شاء الله ويوفقني للي فيه الخير

وفعلا كلامك صحيح بخصوص محادثتي معاه وانا ذكرت ده فعلا ومشكورة للتنبيه

جزاكن الله عني خيرا

وانا فعلا سعيدة بانضمامي اليكن لاني لاقيت اخوات بجد بيحبوا بعض وخايفين على بعض وبينصحوا بعض ومفيش بينهم اي مصلحة الا حب الله :wub:

[ايناس احمد كنجو 0]

اختي الغالية

صحيح ما قالته الاخوات

وكانت قدمرت اخت في نفس قصتك تقريبا

ونصحتها ان لا تتم الزفاف الا اذا فعل ما يرضي الله حقا

والا ان

تفسخ الخطبة

ولكن بعد فترة اتصلت بي وقد تم طلاقها بعد شهر من زواجها

لاختلافهما بالالتزام

وكانت تقول ليتني سمعت كلامك

ربنا ييسرامرك

[ro7mak_ya_allah 0]

جزاك الله خيرا اختي الحبيبة ايناس

ان شاء الله استمر في الاستخارة ومش هعقد الا لما اتاكد من التزامه وموافقته على كل افكاري بس من غير ما احس انه بيجاريني عشان نتمم الزواج وخلاص

[حياء الورد 0]

أخيتي الحبيبة ،،

 

إن كنتِ تبحثين عمن يعطيك الاستشارة الصادقة وترتاحين بعدها إن شاء الله فاستشيري من تثقين بهم من أهل العلم من مشائخ ودعاة .

 

فأمر الزواج ليس بالأمر الهين .

[* آلاء الرحمن * 1]

السلام عليكم ورحمة الله وبركاته،،

 

غاليتى وأختى العزيزة ... رحماك يا الله .... أحب اقولك من ترك شيئا لله عوضه الله خيرا منه

 

أنا رأيي بلاش من الجوازة دى ... ليه ؟ كل وسائل الدعوة متاحة فى كل الحالات ... إلا فى دى ... يعنى ايه ؟ يعنى أنت عاوزة تلتزمى ؟ خلاص اتجوزى واحد ملتزم ... مش واحد لسا يا عالم هيبقى ايه ولا ايه ..

 

خصوصا إنك أنتى البنت .. بمعنى الراجل ممكن يمشى كلمته على زوجته .. والعكس نادر .. فاحذرى ثم احذرى

 

ادعى واستخيرى .. لكن إياك دينك دينك دينك ... الزواج المفروض يعلينا لفوق مش ينزلنا لتحت ... ( وما خلقت الجن والإنس إلا ليعبدون ) فالعبادة أولا .. فإن كان الزواج سيعينها ففيه أجر وإن كان غير ذلك .. فربنا يرحم ويغفر .

[ro7mak_ya_allah 0]

السلام عليكم اخواتي في الله

حقيقي سعدت جدا بردودكم عليا وانكوا بكده ثبتوني على الحق بفضل الله

والحمد لله استخرت كتير ودعيت ربنا وربنا ييسر ان شاء الله اني اعمل اللي فيه صالح لديني مهما كانت النتايج

[dina el moslema 0]

salam alykom my sister,bellah 3aleky if u can break this engagement do that.........i was engaged for someone who was not moltazem i suffer alot.then i leave him i feel that i will not be able to marry from someone who is not moltazem as me.one of my friends married from someone who is not moltazem and i think that she suffer from the begining of her marriage for example from television her husband like to watch films but she dont watch so he get angry from her that she leave him and dont watch films with him.i think that there are many problems more that TV will happen when your husban is not moltazem as u .SO PLZZZZZZZZZZZZZZZZZZZZZZZZZZZ think again and try to make decision.

[ro7mak_ya_allah 0]

اكيد اختي كلامك واقعي وبيحصل وسمعت كتير عنه

جزاك الله خيرا

[حارسة الاسلام 0]

السلام عليكم ورحمة الله وبركاته،،

 

ايه ده كل ده حصل منه وهو خاطبك لسة...وياعالم شو بعد الزواج حيفرض عليكى

 

حبيبتى انا برأيى انه ده الشخص مش مناسب..لأنه لو بحبك وبغار عليكى ..مابيقولك بدى أعمل الفرح امام أصدقائى

 

واو عاوزك تخلعى السدال......دا انا عاوزة شخص هو الى يتشدد علية ويلبسنى الاسدال

 

والحياة مش بس كده...لسة الحياة طويلة

ولم تفكري بأطفالك ده بباهم يمكن يفرض عليهم يبعدوا عن الحجاب لانه ده زى مابقولوا تشدد

 

ادعى الله هذه الدعوة..اللهم ان كان هذا الشخص فى خير لى فى الدنيا والاخرة فارزقنى اياه زوجا

 

يعنى لسة امامك حياة طويلة....ولسة انتى فى اول الامر يعنى الحقى حالك وماتستنى تقولى يمكن ربنا يهديه

وانا عارفة البنات ..والعاطفة المسيطرة عليهن,,,,,,,يعنى ماضحى بنفسك

 

وانتظر لسة الفرصة امامك ...وانتظر ي الشاب الملتزم الى بيحثك على فعل الطاعات والخيرات

اصل سعادتك فى الحياة بتتوقف على الدين

 

أخيرا الحى بالدعاء وخاصة فى السجود,,,,فى كل سجدة ادعى وفى قيام الليل

 

ولاتنسى ان تتوكلى على الله وتضعى فى قلبك ان الله لن يترككى وسيختار لكى الافضل

[الجمانة 3]

أختي استخيري ولا تتزوجيه وستجدين الراحة بإذن الله

فإن تنازلت الآن سيعدك بأنه لن يمنعك عن طاعة الله

وبعد الزواج سيضغط عليك ويحاول أن يقنعك سيبدأ بالأمور الصغيرة

وشيئاً فشيئاً حتى تكونين لا تبالين بارتكاب المحرمات

وستعلمين بعدها أنك غلطت غلطة العمر التي لا يمكن أن تصلحيها

وإذا أتاك أولاد لا تستطيعين التصرف أبداً

اتركيه من الآن حتى لا تندمين وتعيشين باطمئنان

أرجو أن أكون قد نصحتك

وأكثري من الاستخارة والصلاة والدعاء

[عبير الفردوس 0]

السلام عليكم ورحمة الله وبركاته

حبيبتى

اول ما قريت رسالتك حسيت انى انا اللى كاتباها فانا مريت بيها بالحرف الواحد حتى انا فى كلية من كليات القمة ومتفوقة فيها برضه والحمد لله

بس انا عندى تكملة الرسالة ويارب يحصلك زى اللى حصلى

لما لقيت ان الفرح اهله مصممين يخلوه مش اسلامى وكمان كنت بكلمه فى التليفون ولما حسيت انى بعمل حاجة غلط قلتله انا مش هتكلم تانى زعل وعمل مشكلة

وقتها اقعدت استخير كتير اوى وكان دايما ييجى فى بالى (من ترك شيئا لله عوضه الله خيرا منه) لحد ما قررت اسيبه

والله تانى يوم على طول جالى عريس تانى احسن منه بكل المقاييس (مش هقولك الالتزام بس لا فى كل حاجة)

والحمد لله اتجوزنا من شهرين ومش هقدر اوصفلك السعادة اللى انا حاسة بيها والحمد لله

[ro7mak_ya_allah 0]

مشكورين اخواتي على نصايحكم ليا وبجد سعيدة جدا بكلامكم اللي ثبتني على الحاجة اللي كنت عايزاها فعلا

بصراحة انا كنت كتير بفكر اني اسيبه بس ما كنتش لاقية حد يدفعني باني اخد القرار ده

والحمد لله اخدته ودعاؤكم ليا ان ربنا يثبتني لاني اكيد هلاقي نقد من الاقارب بس ربنا ييسر ان شاء الله والامور تسير على خير بإذن الله

وزي ما اختي عبير الفردوس قالت(( من ترك شيئا لله عوضه الله خيرا منه ))

جزاكن الله عني خيرا وانتن فعلا نعم الاخوات :wub:

[المستبشرة خيراً 18]

اهلا بيكى يا حبيبة

اختى الحبية دة زواج يعنى اسرة مسلمة يكن سكن ومودة ورحمة يعنى انجاب ذرية للاسلام والمسلمين

اختى الحبيبة عليكى ان تحسنى الاختيار حتى لاتندمى وقت لا ينفع الندم

اهم مرحلة للزواج هو الاختيار فان كان الاختيار سليم يدل على نجاج الزواج فى طاعة ورضى الله اما لو كان الاختيار غير سليم يدل على بعد فشل الزواج وبعد عن طاعة الله

تذكرى اننا نريد بيت مسلم بصدق نقيم فية شعائر الله ونربى جيلا للاسلام والمسلمين

وثقى بالله واطمنى بة وارضى بما قضة الله لكى بانة سيعوضك خيرا منة دينا والتزاما واخلاقا وحرصا باذن الله

فانتى تركتى هذا الشخص لله فيعوضك الله خيرا منة

عليكى من الان الدعاء مع اليقين فى الاجابة وحسن الظن بالله بان يعوضك ويرزقك زوج صالح تقى نقى يعينك على فتن الدنيا وشهواتها ويعينك على الطاعة والعبادة ياخذ بيدك الى جنتة ...اللهم امين

اختاة لا تباااااااااااااااااااااالى بمن حولك ومن سنقدك فانتى تعرفى ما تريد زوج فى الدنيا والاخرة ستجدى من يسخر منك لانك تركتى عريس وهو فى عرسان اليومين دول ووو :) فاصبرى واحتسبى وادعى :)