الإيمان و الأمان 0 أرسلي تقرير عن المشاركة قامت بالمشاركة 4 نوفمبر, 2007 (معدل) السلام عليكم ورحمة الله وبركاته،، حبيبة قلبي يا عيوني نهلة الحمدلله انك دخلتي عشان أتطمن عليكي وقولي كل اللي انتي عايزاه إيمان ايمي براحتك المهم تقولي اللي جواكي وأتطمن عليكي شوفي يا حبيبتي والله أنا فهماكي كويس جدا وصح أوي وعلى فكرة أنا حاسة بيكي ودي حاجة طبيعية جداً لأن الموضوع لحد دلوقتي جواكي بكل المواقف والكلام وبعدين ماتنسيش ان دي حاجة راحت منك فجأة فتركت فراغ جامد وانتي ماوجدتيش حاجة بعدها تملأ هذا الفراغ وماشغلتيش نفسك يا حبيبتي إنتي كده بتعذبي في نفسك إنتي ولا بتحسدي ولا بتغيري إنتي بس نفسك الحاجة اللي راحت منك ترجع وتحسي بالحب والأمان وأنا بقوللك بإذن الله ربنا هيعوضك أحسن ألف مرة ويكون زوجك أحسن رجل في الدنيا ويااارب يكون رجل صالح ودي ولا مشكلة ولا حاجة وماتكبريش الموضوع وماتنسيش إنك لسه بدأه تخرجي من غمامة الماضي لأنك عشتي فيه في الخيال أكتر ما عشتي في الحقيقة بصي بأى أنا عايزاكي تحاولي وأصحابك بيحكولك تركزي معاهم وتسمعي لهم وتعيشي معاهم في مشكلاتهم وحلوهم ومرهم ومواقفهم وعلى فكرة هتستفيدي كتييييييير أوي وبدأي انتي اسأليهم عن أحوالهم بس برقة وهدوء وبدون تطفل واهتمي بيهم ومن جواكي دايماً قولي بسم الله ماشاء الله ويارب يكون نصيبي أفضل منهن ومرة فمرة هتلاقي نفسك الأمربالنسبالك طبيعي جداً لأن الهروب في حد ذاته مش صح لأن أنا عايزاكي تنسي ذكريات الماضي وتستفادي من أصدقائك وأقاربك في علاقتهم مع أزواجهن وخطابهن وتحلمي بالمستقبل وهتعملي زوجك حبيبك إزاي لأنك مش صغيرة وممكن في أي لحظة ربنا يبعتلك نصيبك ويكون سعدك هتعملي ايه وقتها هترفضي ولا هتقبلي وتعيشي معاه جسد بدون روح ولا قلب ولا عقل؟؟؟؟؟ فلازم تعيشي مع الحاضر عشان المستقبل هو الأفضل وعندي ثقة بالله رهيييييييييييييييييييبة إنك بإذن الله نصيبك مع إنسان يعوضك عن كل ألامك وعن الدنيا ومافيها جربي زي ما قلتلك تسمعي لأصدقائك وتنصحيهم وتهتمي بيهم وهتستفيدي كتييييييييييييييييييييييير بس عايزة أقوللك حاجة وماتزعليش مني والله أنا بتكلم معاكي بطبيعتي وبالجوايا ماتسمعيش لواحدة تتحدث إلى شاب بدون ما يكون خطيبها بصورة شرعية وأهلها والناس جميعاً على علم بموضوعها حتي لا تكوني مشتركة في إثم أو خطأ فهماني؟؟؟؟؟؟ إنصحيها فقط بالبعد عن الخطأ ولكن لا تستمعي ولا تشاركي ولا تهتمي ومستنية ردك وماتتأخريش عليه لأني بقلق عليكِ جدااااااااااااً يا حبيبتي يا أمورتي تم تعديل 4 نوفمبر, 2007 بواسطة الإيمان و الأمان شارك هذه المشاركه رابط المشاركه شارك
الإيمان و الأمان 0 أرسلي تقرير عن المشاركة قامت بالمشاركة 6 نوفمبر, 2007 السلام عليكم ورحمة الله وبركاته،، نهلة يا حبيبتى كل هذا الغياب يا حبيبتى يارب تكون بخير يارب ونفسي أعرف أخبارك ليطمئن قلبي عليكي وحشتييني أوي يا حبيبة قلبي شارك هذه المشاركه رابط المشاركه شارك
nahla1985 0 أرسلي تقرير عن المشاركة قامت بالمشاركة 7 نوفمبر, 2007 السلام عليكم ورحمه الله وبركاته وحشاني جدا والله يا ايمان اوي اسفه علي عدم دخولي الفتره اللي فاتت انشغلت كتير في الكليه و ربنا يستر السنه دي اخر سنه و صعبه شويه انتي اخبارك ايه طمنيني عليكي و الله بحب اسمع اخبارك ديما كل ما اقعد مع نفسي افكر فيكي اقول يا ريتني كنت من القاهره او انتي كنتي من اسوان علشان كنا بقينا قريبين من بعض وبجد ردك عليا و علي مشكلتي الاخيره ريحني كتير و فعلا كلامك مريح ليا جدا يا رب نفضل نحب بعض في الله ديما ان شاء الله علي فكره انا بدعيلك علي اد ما اقدر انتي و باقي الاخوات هنا اللي اعرفهم و ساعات و انا في الصلاه لما بنسي اسامي معينه بدعي لكل اخوات طريق الاسلام يارب تقري رسالتي دي قريب و تردي عليا و طمنيني عليكي شارك هذه المشاركه رابط المشاركه شارك
المستبشرة خيراً 18 أرسلي تقرير عن المشاركة قامت بالمشاركة 7 نوفمبر, 2007 وعليكم السلام ورحمة الله وبركاته،، الحمد لله اننا اطمنا عليكى يا نهلة وصدقينى فترة وهتعدى والزمن كفيل بيها ودعوات لية انا كمااااان اشمعنى ايمان بس :) بارك الله فيكى وطمنينا علمتى اية فى درس التجويد يوم الاربعاء؟ شارك هذه المشاركه رابط المشاركه شارك
الإيمان و الأمان 0 أرسلي تقرير عن المشاركة قامت بالمشاركة 8 نوفمبر, 2007 (معدل) السلام عليكم ورحمة الله وبركاته،، حبيبتى يا حبيبتى يا أمورتي نهلة وحشتييييييييييييييييييييييييييني جدااااااااااااااااااً أوووووووووووي خالص الحمدلله إنك دخلتى وطمنتيني يا حبيبة قلبي والله والله وأنا كمان بفكر فيكي لما بتتأخري وأقعد أقول ياتري عاملة ايه بس زي ما اتفقنا ماتعقديش الأمور واللي بيحصل عادى يا حبيبتى ويارب أشوفك عروسة زي القمر مع زوج صالح يسعدك ويعرف قيمتك أنا بخير الحمدلله ما دام بطمئن على كل اخواتي وأصحابي والله نفسي أشوفكم كلكم سعداء وعلى فكرة أنا اسكندرانية مش من القاهرة ادعي لنسألكن الدعاء أحسن الأيام دي بندعلها كلنا ربنا يفرجها عليها ويصلح أمرها أه ما تتأخريش عليه حتي لو دخلتي كتبتي انا بخير الحمدلله واخرجي تم تعديل 8 نوفمبر, 2007 بواسطة الإيمان و الأمان شارك هذه المشاركه رابط المشاركه شارك
nahla1985 0 أرسلي تقرير عن المشاركة قامت بالمشاركة 8 نوفمبر, 2007 السلام عليكم ورحمه الله وبركاته و الله يا ايمان انا فعلا بدعي لنسالكن الدعاء بدون ما توصيني لانكوا اكتر اسامي اعرفها بس باقي الاسامي هيا اللي بتلخطبني يا رب ربنا يفرجها علي نسألكن الدعاء و ييسر الامور و يصلح الحال مع اني معرفش هيا مالها لكن ربنا يسعدها و ييسر امورها امين و يا رب تكون بخير و يا ريت تطمنينا عليكي يا نسألكن الدعاء و بجد انا بدعيلك من غير ما تقولي شارك هذه المشاركه رابط المشاركه شارك
nahla1985 0 أرسلي تقرير عن المشاركة قامت بالمشاركة 8 نوفمبر, 2007 معلش نسيت اشكرك جدا جدا جدا يا نسالكن الجعاء علي الكتاب لاتحزن لعائض القرني لانه فعلا كتاب رائع جدا و كلامه كويس و مبسط لاني كنت فاكره ان عائض القرني هيكون اسلوبه صعب عليا لكن طلع اسلوبه كويس جدا و فهمت كل كلامه و شكرا جدا علي احلي هديه شارك هذه المشاركه رابط المشاركه شارك
nahla1985 0 أرسلي تقرير عن المشاركة قامت بالمشاركة 8 نوفمبر, 2007 معلش نسيت اشكرك جدا جدا جدا يا نسالكن الجعاء علي الكتاب لاتحزن لعائض القرني لانه فعلا كتاب رائع جدا و كلامه كويس و مبسط لاني كنت فاكره ان عائض القرني هيكون اسلوبه صعب عليا لكن طلع اسلوبه كويس جدا و فهمت كل كلامه بس انا لسه مخلصتش الكتاب لكن لحد دلوقتي مبسوطه بيه جدا وشكرا جدا علي احلي هديه شارك هذه المشاركه رابط المشاركه شارك
الإيمان و الأمان 0 أرسلي تقرير عن المشاركة قامت بالمشاركة 8 نوفمبر, 2007 السلام عليكم ورحمة الله وبركاته،، نهلة يا حبيبتى ربنا ما يحرمنا منك ولا من دعواتك وأشوفك أحلى عروسة يارب مع زوج صالح شارك هذه المشاركه رابط المشاركه شارك
شصت 0 أرسلي تقرير عن المشاركة قامت بالمشاركة 10 نوفمبر, 2007 السلام عليكم ورحمة الله وبركاته حبيتي نهلة عاملة ايه دلوقتي ,يارب تكوني بخير وتكوني سعيدة ,معلهش انا مقصرة معاكي بس علشان انا مش بدخل كتير علشان الدراسة وانا شايفة الحبيبة ايمان والحبيبة نسألكن الدعاء عاملين الواجب جزاهن الله كل خير عرفت أن أنتي من أسوان "يابختك " دي اسوان جميلة قوي عاوزة اقولك حاجة وانتي رايحة الشركة أو رايحة البيت ابقي أتأملي فى السماء والنيل والمناظر الجميلة واحمدي ربنا الودود انا سمعت مرة من عمر خالد أن ربنا بيتودد لعباده وبيعطيه المناظر الجميلة دي علشان بيحبه وانتي اما تلاقي وردة جميلة أو نسمة هواء اعرفي أن الودود باعتهالك أحبكِ فى الله شارك هذه المشاركه رابط المشاركه شارك
المستبشرة خيراً 18 أرسلي تقرير عن المشاركة قامت بالمشاركة 11 نوفمبر, 2007 ربنا يكرمك يا نهلة يارب ... والحمد لله ان الكتاب عجبك هو فعلا اسلوبة سهل قوى عملت اية فى حفظ القران والتجويد؟؟ شارك هذه المشاركه رابط المشاركه شارك
المستبشرة خيراً 18 أرسلي تقرير عن المشاركة قامت بالمشاركة 11 نوفمبر, 2007 نسيت اقولك ان كتاب لاتحزن ممكن تلاقية فى اى مكتبة اسلامية وثمنة من 15-20 جنية اشترية هيعجبك قوى شارك هذه المشاركه رابط المشاركه شارك
الإيمان و الأمان 0 أرسلي تقرير عن المشاركة قامت بالمشاركة 14 نوفمبر, 2007 السلام عليكم ورحمة الله وبركاته،، نهلة إنتى فين يا حبيبتى ودخلتى وماكتبتيش يا حبيبة قلبى قلقتينى عليكى يارب تدخلى تطمنيني وقوليلى عملتى إيه مع أصحابك وعاملة إيه فى المذاكرة فى إنتظارك يا حبيبتى ربنا يطمنى عليكى شارك هذه المشاركه رابط المشاركه شارك
nahla1985 0 أرسلي تقرير عن المشاركة قامت بالمشاركة 18 نوفمبر, 2007 السلام عليكم ورحمه الله و بركاته ازيك يا ايمان و دعاء وباقي اخوات المنتدي انا اسفه علي الغيبه بس والله الكليه واخداني و برجع انام ساعات لتاني يوم المهم انتوا وحشتوني جدا و يا رب تكونوا انتوا كمان بخير ان شاء الله انا عارفه اني اخدت عليكوا جدا في حياتي و علي ارائكوا اللي فعلا بستريحلها لها فبجد كنت عاوزه اخد رايكوا في موضوع انا ليا صديقتي كتب كتابها يوم الخميس ان شاء الله و بدون تفاصيل انتوا عارفين حكايتي تفتكروا اروحلها ولا مينفعش و ان الناس ممكن فعلا يقولوا عني حاجه يا ريت تردوا عليا من وجهه نظر الدين ومن وجهه نظر العادات والتقاليد و كلام الناس برضه و يا رب تكونوا في خير و صحه و سعاده و ربنا يوفقكوا لما يحبه و يرضاه بحبكوا في الله شارك هذه المشاركه رابط المشاركه شارك
الوجه الاخر 0 أرسلي تقرير عن المشاركة قامت بالمشاركة 18 نوفمبر, 2007 السلام عليكم ورحمة الله وبركاته،، اهلا اختي طالت غيبتك!!!!! كيف هي الاحوال اختي؟ الحمد لله لاحظت تغييرا كبيرا هذا منفضل الله علينا اللهم ادمها نعمة وزدها تباث اللهم آمين بالنسبة لسؤالك اختي فانا ارى اذا عزمتك صديقتك فعليك ان تجيبي الدعوة ما لم يكن فيها اختلاط ومعصية الخالق وفقك الله اختي الى ما يحبه ويرضاه والسلام عليكم ورحمة الله وبركاته،، شارك هذه المشاركه رابط المشاركه شارك
المستبشرة خيراً 18 أرسلي تقرير عن المشاركة قامت بالمشاركة 19 نوفمبر, 2007 وعليكم السلام ورحمة الله وبركاته،، اهلا يا نهلة ...يارب تكونى بخير يارب العالمين اية المانع انك تروحى ...ودة اجابة الدعوة ...وعقبالك يارب يا حبيبة وكل بنات المسلمين ...اللهم امين شارك هذه المشاركه رابط المشاركه شارك
الإيمان و الأمان 0 أرسلي تقرير عن المشاركة قامت بالمشاركة 19 نوفمبر, 2007 السلام عليكم ورحمة الله وبركاته،، حبيبة فلبى يا قمر الحمدلله إنى اتطمنت عليكي يارب ينجحك بتفوق وأسمع أحلى الأخبار وبالنسبة لرأى هقوللك حاجة لو إنتى ماكنتيش مريتى بكل الظروف اللى فاتت وكنتي لسه ماتخطبتيش وصاحبتك هيعقد زواجها كنتى هتروحلها واللا لأ أكيد كنتى هتروحى ومن غير ماتترددى صح؟؟؟ أى حاجة تحتارى فيها قيسيها بهذا المقياس يعنى مش عايزة الظروف دى تأثر على تصرفاتك لأنك الحمدلله أحسن من الأول كتير وبعدين رأى ديننا معروف لأنه أمرنا إننا نقف جنب بعض بقلوبنا وبالكلمة الطيبة وبكل مانملك فى السراء والضراء صح؟؟ وبعدين أنا فعلاً عايزاكى تروحى عشان واثقة إنك هترجعى سعيدة ومبسوطة عارفة ليه لأنك هتقفى جنب صحبتك وهتفرحلها من قلبك وهتحسى وقتها إنك أحسن من الأول وإن الأزمة عدت والظروف السيئة إنتهت ويمكن بعدها كمان ولا تدخلى ولاتكتبلنا ولاتسألى علينا وتقولى خلاص يا إيمان إنتى كنتى مرحلة وعدت أنا دلوقتى مش محتاجة لحد بس فى حاجة لو عقد الزواج فيه غناء ورقص ودى جى يبأه الأفضل والمفروض ماتروحيش وروحى بس قبلها لصاحبتك شوفيها محتاجة حاجة وأقفى معاها وفهميها إنك مش حتحضرى بس بطريقة لطيفة وبدون أن تختلقى أعذار ليست موجودة حتى لا تحسب كذبة إتفقنا يجميل؟؟؟ شارك هذه المشاركه رابط المشاركه شارك
