هو ده حقى ولا انا غلطانة

[*سكون الليل* 0]

السلام عليكم ورحمة الله وبركاته

 

 

اخوتى فى الله احبكم فى الله كثيرا ونفسى بجد تدلونى هو انا صح ولا خطأ

 

بصوا انا اولا ماشية فى مشروع خطوبة بسسسسسسسسسسسسسسس

 

هو الشخص ده يبقى ابن عمى الكل بيشكر فى اخلاقه وانه طيب بس هو مش متديين قوى ومش ده اللى انا عايزاه او كنت بتمناه ووافقت على اساس الناس كلها بتقول انه طيب والكل حتى اخواتى بيقولوا انه هيبقى احسن وساعديه ولكن مش عارفة مش حاسة انى فرحانة انى مخطوبة ليه ولا حاسة انه ممكن يبقى زوجى غير كده مش مهتمية اوى انى اعرف عنه اى حاجة ولا اسال حتى عليه (اعتقد انى لو اميل لهذا الشخص هبقى عايزة اقول لكل الناس انا مخطوبه ليه ولكن انا عكس ذلك) يعنى مش عارفة هل انا خايفة من الزواج ولا من الشخص نفسه وده بيخلينى ابص على كل عيوبه كل حركة كل كلمة الشكل الخارجى بجد مش عارفة انى بدعى ربنا كتييييير انه لو فيه خير يرضينى بيه بس بجد مش قادرة انى احدد ابدا اعمل خطوبة ولا لا

 

واعتقد انى من حقى انا ارتاح للشخص اللى هرتبط بيه وابقى فرحانة بيه وافتخر انه هيبقى زوجى

 

 

غير كده انه بيشتغل فى محافظة تانية وبيته فى محافظة اخرى واحنا فى مصر يعنى بيجى مرة عندنا كل شهر ونص والكل بيقول انه عشان هو طيب وشغله بعيد فانتى هتبقى الكل فالكل يعنى معنى اصح رجل البيت لكن اعتقد ان من حقى انى احس انى اعيش تحت رعاية زوجى

 

 

 

 

 

ادعولى ربنا يكرمكم انا كل يوم ببكى كتييييييييييييير راجية من الله انه يرشدنى على اللى فيه الخير

وصليت استخارة كتيرمش حاسة باى شىء

 

اسفة طولت عليكوا ولكنى اعتبركم اخوتى لان ليس لى اخت بنت افضفض معاها

[ساجدة للرحمن 2049]

أختي الحبيبه

أنت أدرى بنفسك من أي احد آخر

أنا بصراحه حسه إن فيه حاجه جواكي لسه ماقولتيهاش .... أكيد فيه حاجه مخلياكي زهقانه من الموضوع ده ...

علشان تتمي موضوع الخطوبه لازم تكوني متأكده 100%

اقعدي معاه ( في وجود محارم طبعا ) اتكلمي معاه و شوفي شخصيته إيه وحاولي تشوفي الجوانب الكويسه فيه

 

 

 

أنا بصراحه محتاره مش عارفه أقولك إيه

ربنا معاك و هاستنى ردك لو عايزه تقولي حاجه تاني

[أم فرح و حسين 0]

السلام عليكم و رحمة الله و بركاته

 

الحمد الله وحده و الصلاة و السلام على خير الأنام سيدنا و نبينا محمد صلى الله عليه و سلم

 

أولا, صباح الخير و المحبة على حبيباتى في الله

 

أختى سكون الليل, يا رب تعتبرينى أختك الكبيرة و تفضفضي و ما تخافيش, سعة الصدر في المنتدى الحبيب موجودة و الحمد الله

 

شوفي يا ستي, الزواج ايجاب و قبول, و انتى يا حبيبتى بتقولي ان الراجل ابن عمك, يعنى عارفة الأصل منين و فين

 

و لكن حضرتك مش قابلاه, يعنى مش شايفة فيه أى حاجة عاجباك؟؟؟ و لكن, بصراحة, هو فعلا وحش للدرجة دي؟؟؟

 

و حاجة ثانية, هو حسب قولك ما خدش فرصة انو يكلمك عن نفسه

 

اسمعيه, و اعرفيه

 

يا أختى يا حبيبتى ما فيش راجل كامل :tongue: الكمال لله و حده

 

شوفي التزامه, صلاته, خلقه, هو ده المهم :tongue:

 

توكلي على الله و قربي منه و ادعي بتنوير بصيرتك

 

آسفة على الاطالة

 

أحبك في الله :tongue:

[سلسبيل الماء 0]

السلام عليكم ورحمة الله وبركاته

أختى أنا وقعت فى هذه الحيرة ولكنى أعطيت لنفسى فرصة كبيرة قبل أن أخذ قرار

وأريدك أن تأخذى هذه الفرصة كى لا تندمى وحالولى أن تتكلمى معه كثير حتى تتعرفى عليه أكثر وتكتشفى فيه مميزاته لأنه أكيد فيه حاجة ممكن تعجبك لكنك مش مديه فرصه لكى تتعرفى عليه أديله فرصته حتى لا تتندمى

وجزاك الله خيرا

[الإيمان و الأمان 0]

السلام عليكم ورحمة الله وبركاته،،

 

حبيبتى سكون الليل

 

ماذا بكِ يا حبيبة؟؟؟

 

سأحاول أن أبحث بداخلك عما تعجزى أن تقوليه

 

هل خطيبك لا يشعرك باهتمامه؟؟؟

 

وشعرت من كلامك يا حبيبة أنه لا يهتم بمظهره أليس كذلك؟؟؟

 

ويا حبيبة أريد أن أقول لكِ شىء أنتى من القاهرة وخطيبك من محافظة أخرى

فاعلمى يا حبيبة أن الطباع تختلف من محافظة لمحافظة

فى طريقة الحديث والأسلوب والتصرفات حتى فى الأذواق والذوقيات

 

والأهم هل انتى نفسك تشعرى أنه عنده استعداد داخلى للتدين والالتزام وهل ملتزم فى الفروض؟؟

 

هل تعرفى عنه شىء لا يرضيكِ؟؟؟

 

هل مستواه المادى أو الإجتماعى أقل منكِ؟؟؟

 

فى انتظار ردك يا حبيبتى وأرجو أن تتحدثى بدون خجل لنضع أيدينا على أساس المشكلة

[أم أنس السلفية 2]

السلام عليكم ورحمة الله وبركاته،،

اختى الحبيبة مرحبا بيكى فى الفضفضة ولكن الاخوات اسئلتهم مجدية وجميلة فعلا

 

بس غاليتى اهم شئ انه يكون متدين لان الحياة فى ظل الدين ثابته وراسخة ومريحة جدا والله

 

وبعدين لى سؤال انا كمان يعنى ايه علشان هو طيب ومحافظتة بعيدة يعنى هتكونى انت رجل البيت

هل هتعيشى لوحدك ويسافر هو لعمله ويبقى يجى لكى كل فترات بعيدة

 

وبعدين حبيبتى انا معاكى لا زم تعيشى فى ظل راجل ولا تكونى انت الراجل ياغالية

 

وفقك الله الى ما يحب ويرضى

[صباح العوضى 0]

السلام عليكم و رحمة الله و بركاته

 

الحمد الله وحده و الصلاة و السلام على خير الأنام سيدنا و نبينا محمد صلى الله عليه و سلم

 

أولا, صباح الخير و المحبة على حبيباتى في الله

 

أختى سكون الليل, يا رب تعتبرينى أختك الكبيرة و تفضفضي و ما تخافيش, سعة الصدر في المنتدى الحبيب موجودة و الحمد الله

 

شوفي يا ستي, الزواج ايجاب و قبول, و انتى يا حبيبتى بتقولي ان الراجل ابن عمك, يعنى عارفة الأصل منين و فين

 

و لكن حضرتك مش قابلاه, يعنى مش شايفة فيه أى حاجة عاجباك؟؟؟ و لكن, بصراحة, هو فعلا وحش للدرجة دي؟؟؟

 

و حاجة ثانية, هو حسب قولك ما خدش فرصة انو يكلمك عن نفسه

 

اسمعيه, و اعرفيه

 

يا أختى يا حبيبتى ما فيش راجل كامل :wub: الكمال لله و حده

 

شوفي التزامه, صلاته, خلقه, هو ده المهم :biggrin:

 

توكلي على الله و قربي منه و ادعي بتنوير بصيرتك

 

آسفة على الاطالة

 

أحبك في الله :wub:

[marjan 0]

السلام عليكم ورحمة الله وبركاته،،

أختى فى الله, انا هاقول لك حاجة عن تجربة ..البنت بعد الزواج بتبقى محتاجة للى يشدها للالتزام أكتر بكتير من احتياج الزوج للى يشده و ده عشان المشتتات اللى بتحصل للمراة أكتر, عشان كدة احرصى انك تتزوجى شخص تحسبيه قوى و ثابت فى دينه و الا ممكن عند اول لحظة فتور ليكى مش هتلاقيه ياخد بايدك الا للوراء.........حاجة ما ينفعش أبدا تتجوزى واحد مش حاسة ناحيته حتى بالقبول لأن القبول هو بذرة الحب بعد الزواج.......لكن خليكى ذكية ما تطلبيش كل حاجة,لازم يكون عندك شروط مستعدة للتهاون فيها و كل دة لازم تحدديه انتى لما تقعدى و تتكلمى معاه...ربنا يكرمك يا حبيبتى...ابقى طمنينا عليكى. :wink:

[*سكون الليل* 0]

بصراحة مش عارفة اشكركم اد ايه حسيت فعلا ان ليا اخوات واول مالاقيت ردود وفيها فعلا كل ما يدور بخاطرى فعلا قولت ونعم الاخوات وكنت بصراحة فرحانة انى لاقيت اخوات ليا

 

 

اولا اشكر كل من رد عليا واحدة واحدة

 

ثانيا كلكم تتحدثون عن انى اتكلم معاه بس كيف وهو لا ياتى غير مرة واحدة لنا ويكون معظم الوقت مع اخويا وانا اجلس معه تقريبا نصف ساعة فقط ولكن يدور حديثنا انت عملت ايه فى شغلك وايه الاخبار ايه هنالك (الاهل يعنى) وتوضيح وجهات النظر من اشياء لو عشنا فى البلد ايه اللى هيحصل وهنعيش ازاى

 

ثالثا هو يروح شغله لمدة شهر وياتى اسبوع ده بعد الجواز اما قبله فاحيانا يقعد 70 يوم وينزل 10 ايام يعنى انا هبقى ماسكة البيت وبما انه طيب وانا شخصيتى قوية (متربية فى وسط اولاد) فبيقولوا انتى هتبقى صاحبة القرار فالبيت وانا مش عايزة ده لانى نفسى احس تحت حماية زوجى

 

اما بالنسبة لاسلة الايمان والامان

 

هل خطيبك لا يشعرك باهتمامه؟؟؟

نعم احيانا كتييييييييييرة اشعر بذلك

 

أنه لا يهتم بمظهره أليس كذلك؟؟؟

نعم ولكن اعتقد انه لو انا اميل الى هذا الشخص سوف اتغاضى عن هذا الموضوع

 

والأهم هل انتى نفسك تشعرى أنه عنده استعداد داخلى للتدين والالتزام وهل ملتزم فى الفروض؟؟

اه اكيد وبدات ده فعلا وكان فى رمضان اتفقت معه على ان ارن عليه او يرن عليا عشان صلاة الفجر بيعملها مرة او مرتين فى الاسبوع

اى بيصليها

طب قولتله انت هتختم ولا ايه الاخبار عشان نختم مع بعض لم يختم شيئا

ويوم العيد لم يذهب الى الصلاة عشان عنده شوية برد وعرفت منه مش كل الايام فى رمضان صلى التراويح

فقولت لا بقه طب ده كان ممكن يجى منه ازاى فقفلت اكتر وبعدين انا مش عايزة اقوم بدور انت صليت ولا لا وعملت ولا لا دور الموجه

 

هل مستواه المادى أو الإجتماعى أقل منكِ؟؟؟

هو اقل وليس بكثير لكن صدقينى لو متدين واميل له هحس ان الحاجات دى مش مشكلة

 

غير كده مش هامه قوى انى اعمل خطوبة اسلامى ولا لا يقولى اعملى اللى انتى عايزاه وانا هشغل اللى انا عايزه (عشان اهله) مش متدينين ونفسهم يفرحوا بيه وغير كده انا مش قادرة اتحكم فى الموضوع ده لانه هيبقى فى البلد يعنى مش فى شقتنا هنا

 

وغير انا الحمد لله منتقبة سالنى مرتين عالنقاب انتى مرتاحة فيه سمعتى قبل كده تعليقات عليه لبستيه لوحدك ولا حد قالك اسئلة لا اعلم ماذا ستكون نهايتها الله اعلم

 

اسفة طولت عليكوا بس انتوا اخواتى هفضفض مع مين

[marjan 0]

السلام عليكم ورحمة الله وبركاته،،

اوعى تتجوزيه..............أخذا بالأسباب للارتقاء فى الدين زوج بهذه الصفات غالبا هيزهق انك عاملة له زى المنبه,و انت كمان هتزهقى من احساسك انه أقل منك, و يا اما هتنزلى معاه أو على أحسن فرض هتبقى انتى فى وادى و هو فى وادى و بالتالى ممكن تقصرى فى واجباتك نحوه زائد ان ده غير صحى بالمرة لو ان ربنا رزقكوا أولاد............اوعى تتجوزيه.

[بتول براء 1]

انا كمان بقولك اوعي تتجوزيه.......البنت الملتزمة عاوزة واحد يرفعها مش هي اللي ترفعه

 

و الصراحة جوازة مفيهاش مميزات....قاعدة لوحدك.........انت راجل البيت.....و غير كده واضح

 

ان مستواه الفكري اقل منك.....و لو ان اهله مش متيدنين قوي ده معناه انك هتتعبي معاهم قوي...

 

من اول الفرح.......و بعد كده هتلاقي منهم انتقادات لافعالك و هيبصولك على انك معقدة و متشددة...

 

و كل الحكاية انك ملتزمة اكتر منهم شوية..........نصيحتي ليكي ................بلاااااااش

[أم عمار -3 0]

حبيبتى (سكون الليل)سلام الله عليك ورحمته وبركاته أرى الاخت marjanقالت لك عى الخلاصة من هذا الموضوع

لأن المرأة بعد الزواج بتكون محتاجة انسان يعينها على الطاعة نظرا لإنشغالهابالحمل والولادة والرضاعة

لو ربنا أكرمك بانسان ملتزم حقا هايعينك وهايصبر عليكى اذا فترت عزيمتك وهايساعدك انك تربى أولادك تربية اسلامية صحيحة وهايقف معاكى ضد التيارات اللىهاتهاجم بيتكم مثل تيار العادات والتقاليدلكن والعياذ بالله لو تزوجت انسان غير ملتزم مش هايهمه انك تلتزمى اولأوبعدين انت منتقبة فكيف ترضين بأن يكون فرحك مش اسلامى وبعدين يقول لك اعملى اللىانت عاوزاه وانا أعمل اللىاناعاوزه

حبيبتى لا تبدئى حياتك بالتهاون فكل شئ ممكن التهاون فيه إلا(الدين)

وفقك الله لما يحبه ويرضاه ورزقك الزوج الصالح الذى تقر به عينك ....اللهم آمين

[الإيمان و الأمان 0]

السلام عليكم ورحمة الله وبركاته،،

حبيبة قلبى

 

أعتقد إن الإجابة على ماذا بكِ يا حبيبة إنتِ اللى تقدرى تجاوبيها لو قرأتى إجاباتك على أسئلتى

 

وهتكلم معاكى بصراحة شديدة حتى لا أتحمل وزرك يوم لا ينفع فيه مال ولا بنون

 

أنا مش بتفرق معايا إن الواحدة تتجوز واحد فى نفس مستواه الدينى أو الإجتماعى أو المادى

 

لكن تفرق معايا إن لازم يكون فى المستوى الدينى بيسعى ويجتهد وعنده إستعداد من نفسه وينقصه فقط يد العون

 

وتفرق معايا المستوى الأخلاقى لازم يكون نفس المستوى أو أعلى كمان

 

فيا حبيبتى من يسأل عن النقاب ولا يصلى العيد الذى تنزل له الناس زحفاً على وجوههم إن لم تستطع السير

 

ومن يصر على عمل فرح يشغل فيه اللى هو عاوزه يبأى الرد.....

 

وبعدين تخيلى ده حياتكم مع بعض لازم هيشغل تليفزيون ومسلسلات وأغانى

 

يعنى أول حاجة بحثت عنها فى صفحتك الإستخارة ولاقيتك عملتيها ومازلتى منقبضة منه

 

فقلت لازم بردوا أسألك ومع الإجابات بقوللك إن شاء الله اتركيه وفى نيتك أنك تركتيه من أجل رضا الله

 

وبإذن الله ربى سيخلف عليكى بكل الخير

 

وطمنينا عليكى يا حبيبتى وفى إنتظار البشرى بأن الله أزال عنك الهم والغم

[ساجدة للرحمن 2049]

حبيبتي الغاليه

أنا من رأيي إنك لازم تكوني مقتنعه بيه و أنا شايفاكي مش مقتنعه

نعم ولكن اعتقد انه لو انا اميل الى هذا الشخص سوف اتغاضى عن هذا الموضوع

فلماذا تفرضين على نفسك القبول

أعتقد أنك تقولين في نفسك الأهل هيزعلوا ( لأنه ابن عمك ) ما يهمكيش من حد هيزعلوا شويه و بعدين هيبقوا كويسين

و أكيد بتقولي أنا خايفه أكون ظلمته و بعد كده ربنا يعاقبني و يؤخر الزواج أو ييجي واحد أوحش منه ...أقولك كل شيء قسمه و نصيب و ده حقك في الرفض أو القبول و حتي لو كان فيه كل حاجه كويسه بس إنتي لا تتقبليه فلك الحق بالرفض فالرسول عليه الصلاة و السلام طلب من الصحابي أن ينظر إلى المرأه و قال له فإنه أحرى أن يؤدم بينكم

فالقبول من أهم الأشياء في الزواج

و ربنا يعينك و يجعل لكي من امرك يسرا

[*سكون الليل* 0]

السلام عليكم ورحمة الله وبركاته

انا لله وانا اليه راجعون اللهم اجرنى فى مصيبتى واخلف لى خيرا منه

انا سيبته خلاص

 

بالله عليكوا ادعولى ان ربى يخلف لى ماهو خير منه ويزقنى الثبات على دينه

 

وادعو انه ميحلصى مشاكل فى العائلة

وان يخفف عليا احساسى بالظلم له

[ام هبة2 0]

مادام انك استخرت الله فلا تحملي هم شيء يااختي واتكلي على الله وحده

وان شاء الله ربنا يرزقك خيرا منه

 

وفقك الله

[omou mossab 2]

مادام انك استخرت الله فلا تحملي هم شيء يااختي واتكلي على الله وحده

وان شاء الله ربنا يرزقك خيرا منه

 

وفقك الله

[أم عمار -3 0]

أختاه الحبيبة سكون الليل..أسأل الله ان يخلفك خيرا ..وأ يرزقك الزوج الصالح الذى تقر به عينك

ولا تحزنى لأنك تركتيه ولا تشعرى بظلمك له لأنكتركتيه لله عز وجل ..ومن ترك شيئا لله عوضه الله خيرا منه

أليس ذلك أفضل من ان تعيشي معه وأنت غير سعيدة..فسلمى الامر لله وربنا يهدى العائلة وما يحصلش مشااكل بإذن الله

وياما بيحصل كدة بين العائلات ولكن هذه الامور سرعان ما تنسى حين يتزوج كل من الطرفين وتكون له حياته

هونى على نفسك وكلى أمرك لله عز وجل

وسلام الله عليك ورحمته وبركاته

[الإيمان و الأمان 0]

السلام عليكم ورحمة الله وبركاته،،

 

سكون يا أخيتى الحبيبة

 

جزاكِ الله كل الخير وأسأل الله أن يعوضك عما عانيتى وعما تركتى بكل الخير والسعادة والزوج الصالح

 

ويهدى لكِ عائلتك وينزل الثلج فى صدرهم وينزع من قلبك الشعور بالظلم

 

من ترك الاعتراض على قدر الله فسلم لربه في جميع أمره......رزقه الله الرضا واليقين.

 

وتذكرى يا حبيبة يا غالية دائماً كلمات أرددها فى كل حياتى

من ترك شيئا لله ..عوضه الله خيراً منه

[ساجدة للرحمن 2049]

لا تحزني أختي الحبيبه

و أسأل الله أن يعوضك خيرا منه