موضوع النقاب

[التائبه_الى_الله 0]

اولا عايزه اقول انى مش منقبه بس لازم اقول حاجه انا واثقه 100 % ان النقاب فرض وده مش عشان الشيوخ اللى بيقولوا كده او عشان ماشالله حلاوة وطهاره اللى لابسينه وبغض النظر ان مفيش بنت غير منتقبه غير لما يسعدها مظهر المنقبه وتغير منها وتتمنى تقلدها بس مش بتعرف (لان الشيطان يحط قدامها حواجز واعذار بصراحه عبيطه اوى ودنيونيه) وده اكبر دليل ان النقاب الحق والا مكنش الشيطان بعدنا عنه,, انا للمره التانيه بقول انا والله مش منقبه انا واحده بقول اللى جوايه مش اكتر,, انا اكاد اجزم ان كل البنات بلا استثناء عندها ميل للنقاب بالفطره وكمان عارفه من جواها ان بغض النظر عن كل الكلام اللى بتقنع نفسها بيه انا بقول لنفسى انه مش فرض عشان اعفى ضميرى من الاحساس الغريب بالذنب اللى بحسه لما اكون لابسه حجابى كامل ووجهى باين وراجل يبص لوجهى واحس اكنى عايزه اغطيه ,,,,,

انا سالت نفسى ليه حسيت بالذنب؟؟ مش انا محجبه وعامله اللى عليا امال فى ايه؟؟ ها؟ ليه بغير من المنتقبات ليه بحس انهم احسن منى عند ربنا وانهم قوم واحنا قوم تانى خالص, وانهم كرامتهم عاليه اوى طب مش الاسلام رفع كرامتنا كلنا؟؟ ليه هما اللى بيحسوا بتاثير ده اكتر مننا,,, طب انا بقنع نفسى بان النقاب كان لزوجات الرسول بس طب انا ليه مقلدش عائشه رضى الله عنها هو انا اطول اقلدها او لبسى يكون زى لبسها حتى او انى بحجابى احشر معها؟؟ طب زوجات الصحابه؟؟ كانوا لابسين ايه؟؟ ممكن هما يكونوا وشهم باين؟؟ بصراحه معتقدش كده طب ممكن قدم المراه فتنه اكتر من وشها؟؟ يعنى ربنا سبحانه وتعالى بحكمته حرم الست يبان رجليها وحلل وشها؟؟ انا عن نفسى شايفه انى لو ست لابسه نقاب ورجليها بانت هتكون واضحه اكتر وفتنه فعلا لكن لو واحده وشها باين معلش يعنى مش رجليها اللى هتخلى الرجاله يفتتنوا بيها,, صح ولا لأ؟؟ انا تفكيرى صح ولا لأ؟؟ انا والله بفضفض معاكم باللى انا حساه فى اللحظه دى. مش عارفه ممكن انا مخى متركب شمال مش عارفه انتوا ايه رايكم؟؟؟؟؟؟؟؟؟

[أمّ عبد الله 2428]

السلام عليكم ورحمة الله وبركاته،،

بوركتِ أخيتي على ما كتبتِ

وجميل أن تحملي هذه النفس الطيبة

نعمة النقاب وما أروعها من نعمة

أسأل الله أن يمن على جميع الاخوات الحبيبات بالستر وأن يجعلنا من التقيات العفيفات الطاهرات.

 

 

دمعة غدير

 

· كم بكيت لأن فستاني لا يعجب الحاضرات! كم بكيت لأن فريقي المفضل خسر المباراة! كم بكيت لضياع النسخ الأصلية لأشرطة غناء فناني المفضل! كم بكيت لأن تجعيد شعري لم يعجب الحاضرات، كم بكيت وبكيت.. كدت أنتهي وبكائي لا ينتهي، كنت أبكي بحثا عن السعادة، وبينما أنا في دياجير الظلام وصحاري التيه هداني ربي إلى بصيص من النور ساقه إلي عبر شريط إسلامي كان بالنسبة لي نقطة تحول وعلامة بارزة، أسأل الله أن يحرم اليد التي قدمته لي على النار.

· بفضل الله عدت وما أجملها من عودة! وبفضله حييت وما أجملها من حياة! وبفضله بكيت وما أجمله من بكاء! بكيت حسرة وندما على الماضي أيام الغفلة والضياع.

· دمعه الماضي دمعة، ودمعة الحاضر دمعة، لكن شتان بينهما، دمعة الماضي عذاب وإحباط وحسرة أخشى أن تكون حجة علي في الآخرة، ودمعة الحاضر خشية وسعادة وسمو وأنس أرجو أن تكون سببا في أن يظلني الله في ظله يوم لا ظل إلا ظله.

ويا أسفاه

 

· ويا أسفاه على من عرضن مفاتنهن للرجال في الأسواق وغيرها بحجة الحرية! ووضعن العباءة على الكتف بحجة الأناقة! ولبسن البنطال والثياب المفضحة مسايرة للموضة! ولبسن النقاب الفاتن بحجة ضعف النظر! ولبسن المطرز والمزركش من العباءات والخمر الشفافة بحجة وجودها في الأسواق! واستحسن القيطان في أكمام العباءة بحجة أنه أسود... فإلى الله المشتكى.

· حفظ الله نساءنا بحفظه،وأحاطهن برعايته، وسترهن في الدنيا والآخرة، وهداهن للتمسك بكتاب الله وسنة رسوله صلى الله عليه وسلم ففيهما الحفظ والعفاف في الدنيا، والسعادة والفوز في الآخرة.

وصلى الله وسلم على محمد وعلى آله وصحبه وسلم.

[محبة الجنة _ 18 0]

جزاك الله خيرا

انا احب ان اضيف شيء علي كلامك انا غير منتقبة بس لما اكون ماشية في الشارع و اري اخت منتقبة وغير لابسه القفازين ويدها تكون ظاهرة وممكن تكون حاطه منوكير ورجلها تكون باينه وتكون واضعة العبايه علي الكتف اتخيل انها لابسه النقاب علشان اهلها عايزنها تلبسه وهي غير مقتنعة به او ان زوجها عايزها تلبسه علشان لا يراها احد غيرها

 

انا السبب اللي مش مخليني البس النقاب ان اهلي يرفضوا اني البسه في هذه الفترة

[التائبه_الى_الله 0]

اقولك حاجه انا كمان بشوف كده فى الشارع بس لا املك ليهم غير الدعاء وصدقينى النقاب عزيز يعنى حتى لو لابساه غصبا عنها ارضاء لاهلها او زوجها برده خير وتاخد عليه ثواب ومع الوقت هى هتتعود عليه ومش هتقدر تخلعه وساعتها هتحسنه ولو لابساه عاده حلو برده احسن من الجينز والبديهات ده ياريت بنات مصر يلبسوه كزى والله هيشجعوا كتير يلبسوه وفتن كتير هتقل وصدقينى حتى دى بحسدها على الاقل حطته على وشها صدقينى هو مش سهل انه يتلبس وانا وانتى اكتر مين يعرف اد ايه دى خطوه صعبه بدليل ان احنا لسه مخدنهاش

تم تعديل 14 نوفمبر, 2007 بواسطة التائبه_الى_الله

[ياقوته 0]

السلام عليكم ورحمه الله وبركاته

 

حبيبتى التائبه الى الله موضوعك رائع يا حبيبتى

 

وكلامك كله صح 100% لكن!!!!!!!!!!!!!!!!!!!!1

 

انتى ليه مش لابسه النقاب ؟؟؟؟؟؟؟؟؟؟ يا ترى فيه ظروف معينه بتمنعك او اهلك مثلا والا لسه متردده

 

بصى لو لسه متردده هقولك اياكى والتردد واحمدى الله حمدا كثيرا انه ميسر لك لبس النقاب لان فيه غيرك كتيرررررررررررررررررررر ومنهم انا نفسهم ينتقبو لكن بيواجهو صعوبات شديده والموضوع مش محتاج تفكير يا حبيبه قلبى

 

وانتى ماشاء الله عليكى حاسه والله انك مقتنعه بيه لكن الشيطان يا حبيبتى لازم يعطلك

 

فانتى استعينى بالله وتوكلى عليه واحتسبى الاجر عند الله

 

اللهم ارزق جميع نساء المؤمنين اللباس الشرعى والستر والعفاف يا ارحم الراحمين

 

هستنى ردك يا غاليه

[محبة الجنة _ 18 0]

حبيبتي ( التائبة الي الله ) بالنسبة لي انا واخدة قرار لبس النقاب من عيد الاضحي الماضي بس اهلي يرفضوا اني البسه بحجة اني لن استطيع ان البسه في هذه الفترة واني لسه صغيرة علي لبسه بس انا عندي 17 سنة وعادي مستعدة اني البسه

 

ادعي لي اني البسه انا افكر ان افاتحهم في هذا الموضوع مرة اخري بعد فرح اخي لانه سيكون اخر هذا الاسبوع ( الخميس والجمعة القادمين ) وبعد الفرح هافاتحهم في الموضوع ده

 

عارفة انا لابسه الخمار والجاونتي وعندي نقاب كنت اشتريته من سنه

[أم الرميساء* 0]

السلام عليكم ورحمة الله وبركاته،،

كيفكن اخواتى؟

ما شاء الله الموضوع جميييييييييييل

انا كمان نفسى البس النقاب من فترة بس والدى ممانع دون ان يخبرنى عن السبب

ادعولى انه يوافق فى اقرب وقت انا طلبت منه كتيير لدرجة انه بيتضايق لمجرد انى اذكر الموضوع

ربنا يرزق كل بنات المسلمين النقاب

[لؤلؤ مكنون 0]

ما شاء الله عليكن ...............يا رب ارزق كل فتيات الاسلام العفة

أنا حاحكلكم حكايتى باختصار,أنا كنت عايزة ألبس النقاب لأسباب حاحكيها بعدين إن شاء الله وماما كانت معترضة جدا بس بابا كان موافق وقاللى مش حامنعك عن طاعة بس رضا أمك فرض والنقاب قضية خلافية ما ينفعش تغضبيها :blink: قعدت أدعى ربنا سنة كاملة وأتكلم معاها باللين لحد ما وافقت الحمد لله وهى دلوقتى اللى بتشترى لى بنفسها.يا رب اجزى أبواى عنى خير الجزاء.

استعينوا بالله واخلصوا النية ستجدوه خير معين

[التائبه_الى_الله 0]

ماشالله اختى لؤلؤ مكنون يار يت فعلا تحكيلنا كل حاجه عن لبسك للنقاب للعظه باذن الله

[التائبه_الى_الله 0]

اختى حبيبه الرسول باذن الله ربنا يرزقك بيه ويرزقنى انا وباقى اخواتنا اللى لسه مالبسهوش باذن الله امين يا رب

[التائبه_الى_الله 0]

 

 

انتى ليه مش لابسه النقاب ؟؟؟؟؟؟؟؟؟؟

 

 

 

والله الرد على السؤال ده هيخجلنى اوى,, بس انا مش حاسه انى قويه كفايه للخطوه , يعنى انا باذن الله ناويه على كذا خطوه تاهلنى ليه باذن الله زى تعلم علوم الدين وحفظ القران الكريم عشان ابقى اقوى شويه لان مشكلتى ان شخصيتى هوائيه وانا مقدرش اكون هوائيه فى حاجه زى كده وغير كده انا الحمد لله ربنا رزقنى بجمال وافر يعنى وشى بيفتن لدرجه كبيره وبصراحه ده كان من الاسباب اللى خلتنى بفكر فى النقاب ده غير ان فى شيخ معرفه مره قالى ان لو النقاب حتى مش فرض فهو فرض ليا انا خصوصا لان وشى فى فتنه كبيره اوى بس انا لما اخرج فى الشارع غير انى الحمد لله بلبس عبايه واسعه لكن بحاول وشى مايبانش اوى بس انا عارفه انى مفروض البسه ودى خطوه انا بخططلها حاليا وباذن الله ربنا يرزقنى بيه, ادعيلى حبيبتك بالله عليكى

[ياقوته 0]

السلام عليكم ورحمه الله وبركاته

 

حبيبه قلبى والله كلمتك (الرد على السؤال ده هيخجلنى اوى ) ده رد شافى ليكى انتى على انك فعلا مقتنعه بالنقاب لكن !!!!!!!!!!!!!!! الشيطان يا حبيبه قلبى

 

وبعدين يا حبيبتى انك لسه عايزه تعملى خطوات تاهلك وكده دى كلها اعذار الشيطان هو الى بيزينها لك وطبعا داخلك من مدخل التفقه فى الدين وكده

 

انا مش بقولك انك مش محتاجه او مش ضرورى تتفقهى بالعكس كل مسلمه واجب عليها تعرف دينها وتتفقه فيه ....... لكن يا حبيبتى عايزه اقولك بس انه النقاب اقرب واسهل حاجه ممكن تتقربى لله بها لان تفقهك فى الدين وحفظك للقران ده هياخد وقت كبير منك .............

 

والنقاب الحاجه الى ممكن تعمليها دلوقتى ....... وبعدين انتى فى موضوعك الى نقلتيه ( اخوات يخلعن النقاب ) ......... قلتى انه الى بتقول لما اكون ماهله ده مش عذر لان الحجاب هو الى بيربى المراه المسلمه و هيخليكى تلتزمى ان شاء الله

 

وانا هقولك على حاجه قلتها قبل كده وهى........ انه انا بعتبر المراه انها عباره عن مجموعه مربعات ......... مربع الصدق ومربع الحجاب ومربع غض البصر وهكذا كل مربع يحوى صفه المفروض تتحلى بها المراه المسلمه وكل مربع لازم يكمل عشان فى النهايه الصوره يكون فيها امراه ملتزمه حقيقيه

 

يعنى انتى املى مربع الحجاب لانه يعتبر منفصل وحاجه لازم تتعمل وشوفى باقى المربعات الى محتاج يتغير غيريه والناقص كمليه يا حبيبتى

 

وبالله عليكى قفى مع نفسك وقفه اعرفى فيها ايه الصح وقرري انك تعمليه

 

وانا والله حزينه على الفرصه الى انتى سيباها وهى انك تصونى نفسك بالحجاب وبسهوله وربنا ميسر لك وانتى لسه بتفكرى

 

توكلى على الله يا حبيبتى وفكرى

 

انا عارفه انى طولت عليكى لكن هقولك .......... تخيلى كم الذنوب اللتى تحمليها كلما نظر اليكى رجل وتامل مفاتنك او كلما نظر اليكى رجل وافتتن بكى وانت اصلا فى غنى عن كل هذا يا حبيبه قلبى

 

اللهم يسر للنساء المؤمنات النقاب عاجلا غير اجل يا رب العالمين

 

اللهم اشرح صدر اختى الحبيبه التائبه الى الله للنقاب

 

اللهم يسر لى الانتقاب عاجلا غير اجل ............ امين

 

هستنى ردك يا غاليه

[لؤلؤ مكنون 0]

أنا قرأت ردك أختى التائبة إلى الله :wink:

باختصار شديد أنا لمل لبست النقاب لبسته لأنى كانت حصلت لى فترة إدبار شديدة لما دخلت الجامعة وحسيت بذنب شديد وحسيت إنى غلطت جامد فى حق ربنا وكان لازم أتقرب لربنا بحاجة أنا حسة إنه بيحبها بس طبعا كنت درست الموضوع من حيث أدلته الشرعية.أنا عايزة أؤكد عليك إن يا حبيبتى اللى إنتى بتقوليه ده من مداخل الشيطان :wub: قولى لنفسك أنا بحب ربنا قوى وحاجاهد نفسى ابتغاء جنة عرضها السموات والارض

والله إنى أحبك فى الله :wub: ثبتك الله وأعانك

[التائبه_الى_الله 0]

اختى ياقوته والله عجبنى كلامك اوى وانتى فعلا عندك حق وربنا يباركلك واشكرك على الدعوه الجميله دى, وانا والله محتاجه دعواتكم اخواتى

[التائبه_الى_الله 0]

هو بصراحه انا عندى مشكله حاليا تخلينى مقدرش البسه دلوقتى بس مقدرش اقولها بس ربنا يستر , هو انا فعلا محتاجه دعواتكم, لو كان ينفع احط اميلى كان زمانى كلمتك اختى ياقوته ع الشات وحكيتلك مشكلتى لكن مقدرش اقولها على الملأ, بس انشالله تتحل هو ربنا يستر

[غايتى لقاء الله 0]

السلام عليكم ورحمة الله وبركاته،،

بصراحة انا غير منتقبة بس بجد سعيدة اوى لانى حسيت اننا لسه بخير انى اللى جوانا واحد انى اكتر البنات بتحلم بلبس النقاب والله يااخواتى انتوا ناقشتوا اللى بيدور جوايا ومش جوايا بس ده جوه كل بنت بتحلم باليوم اللى تنزل فيه الشارع وهى لابسة النقاب وهى حاسه انى محدش شايفها فتاة ماشية بكل حياء وخجل وادب عينيها لم ترفع عن الارض ماشية وهى حاسه انى ربنا راضى عنها وانه يباهى بها الملائكة بادبها واتباعها اوامر ربنا عزوجل بجد نفسى احس واعيش الحياة دى ومش انا لوحدى اللى بحلم ده اكتر البنات بتحلم بكده بجد بس مشكلتى انى ارادتى ضعيفة وبابا مش موافق هى دى المشكلة.

يارب ارزق كل بنت النقاب :mellow: :- :-

[هاجر مصريه 3]

السلام عليكم ورحمه الله وبركاته

 

اللهم ارزقنا واياكي الصلاح

واللهم اهدينا لما فيه رضاك واسترنا في الدنيا والاخره

[طالبه_رضا_الله 0]

[السلام عليكم ورحمه الله وبركاته [/ اخواتى في الله انا اختكم في الله طالبه رضا الله والله ثم والله ثم والله النقاب ده نعمه يغفل عنها كثير منا انا بفضل الله منتقبه من سنه ونص وقبلتنى انتقاضات كتير جدا فوق ماتتخيلو لكن بالصبر واله تتحل كل شي في اكثر من ان وحده قربتى اول لما تشوفنى بعد غيبه تقولى ايه القرف ده ايه الى انتى عملااه ده والله الدموع انهمرت منى غصب عنى بس الحمد لله بردو من يوم مالحمد لله لبست النقاب وحسيت في عيون كتير من الناس الاحترام والتقدير في معاملاتهم معايا حتى (عارفين)سر والله من يوم مالبست النقاب جالى عرسااااااااااان من كل مكان والله العظيم جم بس علشان النقاب والحمد لله انا لبسته ابتغاء مرضاه الله زى ماختى قالت في الجامعه الواحد بيغلط كتير اوى في حق ربنا ربنا يكرمكم جميعا بالنقاب يارب وتذوقو حلاوة الايمان فيه استودعكم الله [

اختكم طالبه رضا الله بحبكم في الله

[أم عبد الله22 0]

السلام عليكم ورحمة الله وبركاته ..أخواتي الغاليات بارك الله فيكن ويسر الله لكن لبس النقااااااااااااااااب وأسأل الله أن يكون عااااااااااااجلا غير آآآآآآآآآآآآآآجل ..أخواتي بعد قراءتي ردودكن ارتأيت أن أحكي لكن السبب الرئيسي الذي يسر الله لي به لبس النقاب ...

 

كلنا يعلم ماالذي حصل السنة الماضية من ضجة حول النقاب :ninja: حتى أن أغلب المقالات في النت تحدثت عنه من قبل المشايخ والأسئلة الكثيرة التي طرحت ..حول.. هل هو فرض أم فضل ...وحتى البرامج الفتاوى على الشاشة... والأسئلة التي كانت تطرح على المشايخ حفظهم الله .. أغلبها كان يرتكز حول هذا الموضوع .......المهم في ظل كل هذه المجريات والأحداث قدر الله لي أن أنتقب.. بفضل الله ومنه.. فهذه نعمة لا يشعر بها إلا من ذاق حلاوتها أسأل الله أن ييسر لكن أخواتي استشعار لذة الطاعة و أن يجعل عملنا كله صالحا ولوجهه خالصا ....

 

المهم في يوم الجمعة في الأسبوع الأول من شوال بعد العيد في حلقة *فضفضة* للشيخ محمد حسين يعقوب حفظه الله.. سألته احدى الأخوات هل النقاب فرض أم فضل فأجاب بجواب لم أكن أعلم أنه سيغير مجرى حياتي :wub: ...أقولها بصدق مجرى حياتي...

 

بدأ الشيخ حفظه الله بتفصيل الحجاب الشرعي عند المذاهب الفقهية المشهورة الأربعة فقال ..تغطية سائر البدن فرض عند الشافعية وعند الحنابلة ...ومستحبة عند المالكية والحنفية لكن إذا أمنت الفتنة !!!!! "وما منا لا يشكو من كثرة الفتن في عصرنا هذا ؟؟!!"

 

بعد ذلك قال ...(أتمنى أن تستشعروا هذا الموقف!) تخيلي نفسك في أرض المحشر وانت لابسة النقاب وطلع اني النقاب فضل ماذا ستخسرين؟؟؟ :ninja: :wub:

 

طيب تخلي نفسك في أرض المحشر وانت لا تلبسين النقاب وحكم الله تعالى بأن النقاااااااااااااااااب فرض !!!! :sad: ماذا سيكوووووووون مصيرك (والله العظيم ...أشهد الله على ما أقول وأسأل الله أن يصل إلى قلوبكن وتستشعرنه ..* تخيلت نفسي في ارض المحشر وانا لا ألبس االنقاب وحكم بانه فرض وكأن الملائكة ستجرني إلى نار جهنم والعياذ بالله والله تخيلت ذلك ...في ساعتها قلت الآن يارب الآن قررت أن انتقب وتبت إلى الله ...واعترفت له بعجزي وضعفي وأنني لا أستطيع مواجهة أهلي وقلت ياربي أنا انتقبت وفوضت لك أمري ...... أعلم أنكن ستقولون بهذه السهولة ؟؟ اخذت قرارك.... أقول لكن لولا توفيق الله عز وجل لما اقدمت على هذه الخطوة وأحمد الله أن يسر الله لي النقاب وأسأله سبحانه أن ييسره لجميع بنات االمسلمين في مشارق الأرض ومغاربها ...و أقول لكن شيئا من ...أرادت أن يوفقها الله لطاعته فلتنكسر بين يديه ولا تسوف بل يجب عليها ان تسارع وتسابق فالوقت قليل ويمضي فبادري أختي بالنقاب ولا تقولي حتى أتزوج ..فمن يضمن لك الزواج !! وإن تزوجت من يضمن لك ان يرضى زوجك بالنقاب؟؟ :sad:

وهل يجب ان نطيع الله بشروطنا فالله غني عنا بل نحن الفقراء إليه !!! نحن المحتاجون له ما خلقنا الله في هذه الأرض إلا لعبادته هو سبحانه . :sad:

وموضوع آخر :excl: أكثر حساسية عندنا جميعا هو السخرية فلا أحد يحبها وقد تكون من الأسباب التي تجعل الكثير من الأخوات لا تنتقب فاقول لكن هل نحن أفضل من سيد الخلق صلى الله عليه وسلم الم يسخر به قومه ؟؟ ألم يؤذه قومه ؟؟ وماذا كان يفعل صلوات ربي وسلامه عليه كان يدعو لهم ويقول* اللهم اهدي قومي فإنهم لا يعلمون *

استسمح على الإطالة ختاما أوصيكن ونفسي بالإلتجاء إلى الله عز وجل بالدعاء له في الأسحار والإكثار من الإستغفار والعمال الصالحة وشيء آخر أناشد كل أخت أن تسارع في الخيرات فبااااااااادري اختي بالنقااااااااب ويكفيكي شرفا ان تتشبهي بنساء المؤمنين فلو انتقبت في محيط ليس فيه االنقاب ستكونين سببا في نشره فالحجاب دعوة صامتة تحملها كل أخت مسلمة التزمت بالحجاب الشرعي الذي فرضه الله تعالى فان أردت أن يحبك الله ويرضى عنك فبااااااااادري أختي بلبسه وأسأل الله أن تصلكي هذه الكلمات واسأله أن يتم الله على بنات المسلمين ستره آآآآآآآمين وصلى الله وسلم وبارك على سيدنا محمد وعلى آله وصحبه وسلم .والسلام عليكم ورحمة الله وبركاته

[*لقاء* 1]

ادعو لى ان يمن الله على بنعمة النقاب

[التائبه_الى_الله 0]

السلام عليكم ورحمة الله وبركاته،،

 

ماشالله اختى ام عبد الله جزاكى الله خيرا ولا طولتى علينا ولا حاجه والله كلامك ماشالله عقلانى اوى وياريت متحرمناش منه ,, يا رب يرزقنى بالنقاب والاخت لقاء امين امين امين امين يا رب العالمين ارزق كل البنات المسلمه لباس العفه امين يا ارحم الراحمين, وارزقنا الصدق وغض البصر واحصن فروجنا واهدنا لصراطك المستقيم امين يا رب وارزقنا الزوج الصالح التقى والذريه الصالحه امين يا رب

[ياقوته 0]

السلام عليكم ورحمه الله وبركاته

 

اختى الحبيبه التائبه الى الله اسال الله تعالى ان ييسر لك ارك كله يا حبيبتى

 

وللاسف يا حبيبتى تبادل الايميلات ممنوع والمشرفات جزاهن الله خيرا يعملن بالاحوط

 

ولكن يا حبيبتى كلنا هنا اخوات وان شاء الله لما تحكى مشكلتك اسال الله ان ييسرها لكى كلنا هنرد عليكى وهنقترح عليكى الحلول

 

ولعل الله يجعل حلها هنا بيننا ............فاذا محتاجه حد تتكلمى معاه احكيلنا واحنا ان شاء الله هنقف جنبك لغايه ما مشكلتك تتحل باذن الله وتبشرينا بانك انتقبتى

 

بارك الله فيكى يا حبيبتى وزرقنا جميعا الانتقاب

[التائبه_الى_الله 0]

هى مشكلتى كبيره وللاسف مقدرش احكيها مع انى والله نفسى اوى احكيهالكم بس مقدرش, هى المشكله كبيره لان حصلى على مدار ال6 شهور اللى فاتوا مواقف ورا بعض وحشه ادت للى انا فيه دلوقتى بس هى محتاجه وقت وانشالله تتحل,, بس اللى محتاجاه منكم دعواتكم ,, وجزاكى الله خيرا اختى

[أم عبد الله22 0]

السلام عليكم ورحمة الله وبركاته أختي الغالية التائبه_الى_الله ثقي بالله وأحسني الظن به فالله عز وجل قادر أن يكشف عنك هذا البلاء ويبدل همك فرحا فارمي حمولك على الله وفوضي ليه أمرك ... فلا تنشغلي بالهموم ..... وشيء ثاني أتمنى أن تجددي حياتك بمعنى تجعلي صلتك بالله أقوى فتكثري من الطاعات.. مثلا لو كنت تكتفين بالفرائض ضيفي معاهم السنن الراتبة وقيام الليل مع المحافظة على الصلوات الخمس في وقتها ...اكثري من الإستغفارفهو طارد للهم والغم وجالب للرزق كما جاء في سورة نوح ﴿ فقلت استغفروا ربكم إنه كان غفارا *يرسل السماء عليكم مدرارا ويمددكم بأموال وبنين *ويجعل لكم جنات ويجعل لكم أنهارا * ﴾.. الآيات ، أيضا أكثري من ذكر الله في كل وقت وحين فهو من أسهل العبادات وأيسرها وأحبها إلى الله فاجعلي لسانك رطبا بذكر الله ، كما لا تنسي الدعـ ـ ـ ـ ـ ـ ـ ــــاء الذي قال عنه النبي صلى الله عليه وسلم* الدعاء هو العبادة* .. فادعي الله عز وجل وخصوصا في الثلث الآخر من الليل أن يرزقك الله النقاب وادعي أيضا لبنات المسلمين فدعاؤك لأخواتك في ظهر الغيب مستجاب ولك بالمثل....حسني علاقتك بالمحيطين بك وخصوصا والديك فبهما فابدئي واحرصي على برهما وخدمتهما ..سبحان الله بر الوالدين من أحب الأعمال إلى الله عز وجل بعد االتوحيد فاوصيكي ونفسي ببر الوالدين وإن كانا كافرين !! وأيضا صلة الأرحام نسأل الله أن يجعلنا من البارين بوالديهم الواصلين لأرحامهم وإن أساؤوا ...نسأل الله أن يعيننا على طاعته ..بالإضافة إلى حضور دروس وحلق العلم ومخالطة الصالحات واتخاذ صحبة صالحة تعينك على طاعة الله وتذكرك به مع الحرص كل الحرص على الإبتعاد عن أصحاب السوء وذوي النفوس المريضة المثبطة الحريصة على الدنيا والغافلة عن الآخرة والعياذ بالله ...

ولا تنسي أن كل فتاة مسلمة التزمت بهذا الزي إلا وتكون داعية إلى الإسلام بطريقة غير مباشرة فقبل أن يكون هذا لباس فرضه الله علينا فهو أيضا شعار العفة والحياء والطهر التزمت به كل فتاة على رأسها كما أنه تأس واقتداء بالشريفات الطاهرات سيدات نساء العالمين أمهاتنا زوجات النبي صلى الله عليه وسلم فلتتذكر كل أخت مرت على هذه الأسطر أنها إن لبست الحجاب الشرعي فقد سدت على نفسها باب الفتنة فلا هي تفتِن ولا هي تُفتن

أسأل الله أن ييسر لأخواتي النقاب وأسأله أن يتم علينا ستره في الدنيا والآخرة وأسأله سبحانه أن يرفع همم أخواتي في الله وأن يلبسكن ثوب العفاف ويرزقني وإياكن والمسلمات الثبات عليه إنه ولي ذلك والقادر عليه

سبحانك اللهم وبحمدك أشهد أن لا إله إلا أنت أستغفرك وأتوب إليك

[ياقوته 0]

ربنا ييسر لك امرك يا حبيبتى التائبه الى الله

 

حبيبتى ام عبد الله ماشاء الله نصائحك غاليه يا حبيبتى وسديده جدا

 

جعلها الله فى ميزان حسناتك