لكل مرأة عاملة00000 بتنظمى وقتك ازاى؟

[foufabz 0]

بسم الله الرحمان الرحيم

 

السلام عليكم ورحمة الله وبركاته

 

أختي العزيزة والحبيبة في الله اميرة

تغيبت عن المنتدى بسبب خارج عن نطاقي انما بسبب امور تقنية تتعلق بعدم امكانية الربط بالأنترنت...المهم انشاء الله تكونين بخير انت والعائلة وصمت هذه الأيام المباركة ...

اشتقت لأخبارك عامله ايه في الرجيم والتوفيق بين البيت والشغل؟

صدقيني عزيزتي بدعي لك ولصديقتنا الحبيبة الغالية الوجه الآخر من قلبي انو ربي يثبت ايماننا ويغفرلنا ذنوبنا ويدخلنا الجنة ايدينا في ايدين بعض ونتقابل في الجنة ونتعارف وجها لوجه....

 

اخيرا اتمنى لك عيد اضحى مبارك ...

 

الى اللقاء

[حنين مسلمة 34]

بسم الله الرحمن الرحيم

 

أختى العزيزة أميرة

حسيت فى موضوعك بروح الأخوة والصداقة فى كل رد بينك وبين الأخوات

 

وبصراحة نفسى أكون معاكم

نساعد بعض ونتواصل مع بعض

وكمان حاسة أنى محتاجة للصحبة الجميلة دى ونفسى أتعلم منكم ويكون ليا خبرة فى الحياة زيكم

 

وكل سنة وأنتم طيبين

أحبكم فى الله

[الوجه الاخر 0]

السلام عليكم ورحمة الله وبركاته،،

فينك يا قطب ؟

انت في الشمال ولا جنوب؟؟؟؟؟؟؟؟

ايه اخبارك ؟؟؟؟؟؟؟طمنينا ,القطة تسال عن عمر!!!!!!!!!!!

 

 

 

ان شاء الله تكونين بخير

وكل عام وانت الى الله اقرب

عيد مبارك سعيد

والسلام عليكم ورحمة الله وبركاته،،

[أميرة القطب 0]

فوفو حبيبتى انا عارفه انك اكيد فى اجازه اليومين دول و مش هتقرى كلامى غير بعد العيد

بس حبيت اهنيكى بالعيد وكل عام وانتى بألف خير

واتمنى ان رقيه حبيبتى تكون فى اتم صحه ربنا يبارك لك فيها ويعينك على عملك

انا يا حبيبتى تمام الحمد لله والصيام الحمد لله ربنا وفقنى وصمت ربنا يتقبل منا صالح الاعمال ويطهر قلوبنا من الرياء

الرجيم بقى احم احم كان تمام وزى الفل

المشكله كانت بعد العيد النهارده عكيت الدنيا بط ورقاق والحلو جاتوة وجلاش ده غير السودانى والذى منه

المهم خربتها

معلش يوم تفاريح بس انا لما بفرح بفرح بأفترى

سماك المره دى ومن بكره هبطل عك

[أميرة القطب 0]

حبيبتى حنين انتى عارفه انك مش محتاجه استاذان علشان تبقى معانا وانتى كنتى من اوائل الاخوات اللى اهتمت وردت عليا

انتى اختى وحبيبتى ومن ساعة ما بطلت ادخل لموضوع ام عبد الله وانا مفتقداكى جدا ياريت نتواصل على طول مع بعض

وبصراحة نفسى أكون معاكم

نساعد بعض ونتواصل مع بعض

وكمان حاسة أنى محتاجة للصحبة الجميلة دى ونفسى أتعلم منكم ويكون ليا خبرة فى الحياة زيكم

بصى يا حنونه انا هكلمك عن نفسى انتى محتاجه للصحبه الجميله وانا كمان زيك بالضبط ولكن الخبرة دى انا عن نفسى معنديش اى خبره فى اى حاجه

انا خلصت كليه على بيت زوجى عدل ومشتغلتش الا السنه اللى فاتت بس وتقدرى تقولى متعلمتش حاجه

انا علاقتى بالناس يا حنين بتكون بالفطرة ومش اى حاجه تانيه يعنى بتعامل مع اى حد على انه مثالى وبعد كده بيبان سوء او حسن النيه

وانتى كمان متغيريش فطرتك لأنها بتكون صادقه اكتر من اى شىء تانى

 

مش عارفه رأى وفاء حبيبتى ايه لأنى بجد بتعلم منها كتير جدا ومعرفتها بجد مكسب وبيعجبنى مخها جدا جدا ربنا يبارك فيها

 

وكل عام حبيبتى وانتى بألف خير وصحه وسعاده وقرب الى الله

[أميرة القطب 0]

السلام عليكم ورحمة الله وبركاته،،

فينك يا قطب ؟

انت في الشمال ولا جنوب؟؟؟؟؟؟؟؟

ايه اخبارك ؟؟؟؟؟؟؟طمنينا ,القطة تسال عن عمر!!!!!!!!!!!

اضحك الله سنك يا ام تسنيم يا حبيبتى انا مروحتش فى حته انتى اللى على طول راكبه الطيارة ومحلقه فى السماء

مع انك بتوحشينى ومش طيلاكى

متغيبيش يا جميله كتير لاحسن اجيب القطه عندى وابعت لك عمر وساعتها هتيجى جرى تاخدى قطتك وترميلى عمر وتقوليلى مش ناقصين وجع دماغ

[foufabz 0]

بسم الله الرحمان الرحيم

 

السلام عليكم ورحمة الله وبركاته

 

أختي الغالية والعزيزة على قلبي وحبيبتي في الله أميرة* بنت الأمراء * كل عام وانت بخير ،

انشاء الله العيد المبارك مر عليك خفيف وما تعبتيش

نسيت ارحب بأختنا حنين مسلمة ونقلها مرحبا بيك معانا اخت وصديقة وحبيبة في الله وربي ايبارك فيك.

 

الى اللقاء

احبك في الله :dry:

تم تعديل 18 مارس, 2008 بواسطة foufabz

[حنين مسلمة 34]

بسم الله الرحمن الرحيم

 

كل سنة وأنتم طيبين وسعيدة بترحيبكم بيا

 

العيد كان جميل جدا عندى الحمد لله وعايزة منكم مساعدة ضرورى

عايزة شوية ألعاب رياضية خفيفة وأعملها فى البيت بسهولة لأن وزنى بدأ يزداد أنا لست سمينة بالعكس بس عايزة أفضل رفيعة كده وطبعا لأنى دايما فى البيت فبدأت أزداد وده مأثر فيا ومقدرش أقلل طعامى فالحل فى الرياضة

 

أحبكم فى الله

[foufabz 0]

بسم الله الرحمان الرحيم

 

السلام عليكم ورحمة الله وبركاته،

 

عيدك مبارك يا أختي حنين وكل سنة انت بخير

 

في البداية اقول ما شاء الله انت في البيت ورفيعة ....الكثيرات العكس...المهم انت حريصة و*برافو* عليك الرشاقة هي المطلوبة لاللنحافة ولا للسمنة بالتتالي نحن دائما متمسكين بقاعدتنا الدينية لا افراط ولا تفريط....

 

عزيزتي انا شخصيا بمارس رياضة في قاعة رياضة نسائية لكي التزم بممارسة الرياضة بانتضام لضيق الوقت في البيت ولتقاعسي لوحدي في ممارسة الرياضة...بالتالي انصحك اولا بالحركات التسخينية لمدة 10 دقائق تفاديا لكل مشكلة تطرا على العضلات ثم تقومين بتمرين شد البطن بان تستلقي على ضهرك وتضعي يديك وراء راسك بحيث تمسكين به على مستويعضام الأذنين لا الرقبة ثم تصعدين وتنزلين ببطء 50 مرة مع المحافضة على عملية التنفس ..لكي تعلمي انك تمارسين التمرين صح ستحسين برعشة على مستوى عضلات البطن لا وجع في الرقبة ...فذلك خطأ ..انتبهي ...لا تنهكي نفسك باالممارسة القليلة كل يوم سوف تشعرين بتحسن وتجدين النتائج...

بالنسبة للأورك .يمكن ان تقفي الى جانب حائط وتبدعيدين قليلاعنه وتمسكين بالحائط بيدك اليمنى وترفعي رجلك اليسرى عن الأرض قليلا الى جنب 30 مرة ثم نفس العكس للجنب الأخر 30 مرة

كذلك يمكن ان تستلقي على الأرض على جنبك اليمين وتضعي يدك اليمين تحت رأسك والأخرى امامك بحيث ترتكزين عليها على الأرض وترفعين رجلك اليسار الى فوق برفق وتنزليها ثم ترفعيها 60 مرة ونفس الشيء للجنب الأخر..

 

ان شاء الله اكون افدتك لكن ممكن تدخلي في هذا المنتدى وتجدين فيه ركن خاص بالتمارين الرياضية وتكون الفائدة افضل لأنني مش متخصصة رياضة انما بمارسها على طول وبعشقها .....

 

طمنينا عن النتائج وحراقبك من بعيد لبعيد وشوف شطارتك ولو طنشتي :angry: حعاقبك وخليك تجري 10000 مرة في البلكونة..هههههههههههههه بهز :tongue: ر معاك يا اخية لكن بحمس فيك

الى اللقاء

[حنين مسلمة 34]

بسم الله الرحمن الرحيم

جزاكى الله خيرا أختى العزيزة وفاء

 

شكل التمارين كده عايزة وقت والتزام هحاول بإذن الله

وأكثر حافز عندى هو الميزان مش راضية خالص عن وزنى الحالى زاد 5 كيلو كثير صح ؟؟؟؟؟؟

 

الله المستعان

[أميرة القطب 0]

http://www.feedo.net/Exercises/ExercisesIndex.htm

[أميرة القطب 0]

ازيكوا يا حبايبى والله بجد وحشتونى جدا جدا

الرابط اللى فات كان لموقع جميل جدا لتمارين رياضيه كتير جدا

كانت اختنا فى الله انسيتم الجنه هى اللى حطته فى موضوع (دى صفحة الرجيم والرشاقه)

وقلت ان شاء الله يفيدكوا

معلش دخلت عليكوا بالرابط كده على طول من غير سلام اصلى قلت اتأكد انى هعرف اضيف الرابط

[أميرة القطب 0]

وفاء بتقولى ال ايه وجعت دماغك من الكلام بجد بتهزرى اكيد

انتى وحشتينى اكتر ما تتخيلى ومتعرفيش لما بدخل المنتدى وافتح موضوعنا والاقيكى كاتبه رد بجد بفرح جدا

ومهما اتكلمتى معايا من بمل وربنا يعلم بقرأ ردودك اكتر من مره يعنى اتكلمى قد كده عشر مرات ومش هزهق

وانا عاوزه اعرف عنك كتير جدا لكن انا مقدره حرصك على حياتك الخاصه وبالتالى مش بسأل عن احوالك اكتر مما ينبغى

اعانك الله على الطاعه ووفقنا واياكى على عبادته على الوجه الذى يرضيه عنا

[أميرة القطب 0]

حنونه الحمد لله انك انبسطى فى العيد ويارب ايامك كلها تكون فرحه وسعاده

انا بقى يا جميل عاوزه اخس حوالى 10 كيلو واكون ااااااااااااااااخر رشاقه

يلا بينا نشجع بعض وربنا يوفقنا

بس انا مشكلتى انى مش بحب اعمل تمارين ولا عمرى انتظمت فيها

بس انا بمشى بسبب العمل يوميا حوالى ساعه واعتقد ده يبقى كفايه اذا عملت معاه نظام ريجيم معتدل

https://akhawat.islamway.net/forum/index.php?showtopic=60468

ادخلى الرابط ده وقوليلى رأيك ايه؟؟؟؟؟؟؟؟؟

[أميرة القطب 0]

حبيبتى الوجه الأخر انتى فين يا قمر؟؟؟؟؟

[حنين مسلمة 34]

السلام عليكم ورحمة الله وبركاته،،

أذيك يا ميرو

أنا قريت الموضوع بتاع الكرش ده والرجيم

بصراحة لو أنت محتاجة له وابي علي الوصفة الطبيعية أما الرجيم مش عارفة

لأن أن أن الرجيم علي حسب كل شخص بيختلف فممكن تستشيري دكتورة علي المنتدي أو أي حد متخصص استشارة بس

 

أنا مقدرش أعمل رجيم لأني مبستحملش النام في الأكل وأنا عايزة أقلل وزني 3 كيلو كفاية أصلي زمان كنت رفيعة قوي ودلوقتي بيقولوا أني كويسة كده بس مش متعودة علي جسمي كده عايزة أرجع رفيعة تاني

 

هحاول بإذن الله أجرب وصفة الأعشاب بس المشكلة أن مش بشرب أي حاجة من الحاجلت دي ولا بحب ريحتها ولا طعمها

 

وليا مشكلة كمان بشرب مياه مع الأكل كثير لأني مبعرفش أبلع من غير مباه فعندي بطن شوية

 

دوشتك معايا

ربنا يكرمك ويوفقك

أحبك في الله

[foufabz 0]

بسم الله الرحمان الرحيم

 

السلام عليكم ورحمة الله وبركاته،

 

عزيزتي الغالية أميرة، بشكرك على كلامك الي زي العسل ودا من حسن اخلاقك...

 

اختي اميرة انت قلتي بتمشي كتير ودا افضل رياضة بصراحة وبتخدم مناطق الجسم كلويعني لو بداومي بالريجيم والمشي حتبقى باذن الله تمام وخمسة على خمسة... :wub:

 

على فكرة الوزن لما ينقص بالتدريج افضل من ان ينزل مرة وحدة وبعدين يستقر.

 

شوفي يا اميرة الصدفة الي جمعتنا مش معقولة لكن ربنا قادر على كل شيء فانا كنت باتمنى الاقي صحبة صالحةفي الله وتكون دمها خفيف الحمدلله في هذا المنتدى وجدت منايا في اخواتنا العضوات بما فيهم انت...الوجه الاخر واختنا حنونة..

 

اخيرا باستودعك الله الذي لا تضيع اماناته...

 

 

الى اللقاء

[أميرة القطب 0]

حبيبتى وفاء كلامك كالعاده يمس القلب وانا بسعد لما بتكلم معاكى ومع انشغالك وقلة دخولك المنتدى الا انك اثرتى فيا كتير

بالمناسبه انا كنت عاوزه اسألك عن الاحوال فى تونس بالنسبه للحجاب وهل بتواجهى صعوبات ولا الموضوع مش كبير زى ما بنسمع؟؟؟؟؟؟؟؟

[أميرة القطب 0]

حنونه الموضوع بتاع الريجيم معاكى مش هيحتاج اى تعب لأن 5 كيلى مش كتير ابدا

انتى عارفه لو خليتى طبق سلطه قدامك مع اى وجبه وتاكليه قبل ما تبدأى اكلك وبعد ما تخلصيه كلى براحتك

حتلاقى تلقائى انك شبعتى بسرعه وابعدى عن العشا او تخليه فاكهه بس او زبادى

هتلاقى نفسك بتخسى من غير ريجيم وبعدين الوزن الزايد عندك لأنه من مده قريبه هيكون سهل تنزليه ان شاء الله

وبعدين الاعشاب اللى فى الموضوع شاى اخضر وزنجبيل ونعناع وكمون كلها عاديه ومتعارف عليها فى اعشاب الريجيم

انتى معاكى حق ان الواحد ما يستعملش اى وصفه اعشاب بدون استشارة طبيه بس ده بيكون فى الاعشاب اللى الواحد مسمعش عنها قبل كده

انا ان شاء الله هستعملها وهحليها بدايت سويت

والله المستعان

[حنين مسلمة 34]

السلام عليكم ورحمة الله وبركاته،،

 

أختى وفاء

جزاكى الله خيرا وأنا سعيدة جدا بصحبتكم على الصفحة الجميلة دى

 

أختى أميرة

رفعتى من معنوياتى الحمد لله

بالنسبة للأعشاب أنتى فهمتينى غلط أنا قصدى أنها مفيهاش مشكلة زى ما قلتى ورأيى من رأيك لكن مشكلتى أنى مش بحب الأعشاب وعمرى ما شربت الحلبة ولا النعناع ولا الشاى بأنواعه كلها ولا الزنجبيل

 

لكن كان قصدى تستشيرى قبل ما تتبعى نظام ريجيم اللى بيحددوا كمية الطعام ونوعه والوقت

 

ربنا يبارك فيكى ويجعله فيه فائدة لكى

 

أحبكم فى الله

[foufabz 0]

بسم الله الرحمان الرحيم

 

السلام عليكم ورحمة الله وبركاته

 

عزيزتي أميرة وانا أسعد بالتواصل معك وصحبتك في الدنيا والآخرة

 

عزيزتي اميرة بالنسبة للرجيم انت قلتي انك عايزة تنزلي 10كيلو ومع اني معرفش انت حددت عدد الكيلوهات ازي لكن عاوزة الفت انتباهك انو لازم يكون وزنك مناسب لطولك للحصول على الوزن المثالي يعني يجب تكون الكتلة الجسمية متوازنة فحسب معلوماتي انو لازم يكون الوزن اقل من الطول اربعة كيلو واعطيك مثل لذلك:فلو كان طولك 1.65 متر وزنك المثالي هو 61كيلو ....

كمان عايزة اديك معلومة انو الرجيم لوحدو ما بيعطيش نتيجة كويسة فالعضلات مش بتشتغل وما بتتكونش بالتالي الريجيم بيخسس من الوجه والجزء العلوي من الجسم والجزء السفلي لا يعني انو الشحوم بتنزل للمناطق دي لعدم ممارسة الرياضة أوالمشي فبتتراكم هناك ويكون المضهر وحش فبالتالي الريجيم هو طريقة نضام غذاء صحي ومعتدل لا يعني الحرمان قط زائد حركات رياضية او مشي لساعة كل يوم بيعطي مضهر جميل ورشيق للست ومتناسق مع بعض...معلومة اخرى هامة لازم الاكثار من شرب الماء حتى يساعد الجسم لطرد السموم والشحوم وبيعوض الاحساس بالجوع...كمان السلطات والفاكهة بكمية كبيرة والمشاوي بكمية معقولة والسوائل كالعصائر الطبيعية هي افضل انواع الريجيم .. ;-)

أخيرا بالنسبة لسؤالك بالرغم من اني لا اريد الخوض في المسائل السياسية الا انني ساجيبك بكل صدق وصراحة انا شخصيا لم اعترض الى اي اشكال والحمدلله واسمع كما تسمعين والله وحده يعلم وكل شخص مسؤول امام الله عن أقواله ويتحمل مسؤولية كلامه... كما اريد ان اضيف معلومة اننا بفضل الله نمارس ديننا باعتدال ووسطية في امان والله يحمينا من كل شر اواذى يأتينا من دون حول منا ولا قوة...

والأن استودعك الله التي لا تضيع ودائعه....

 

الى اللقاء

تم تعديل 18 مارس, 2008 بواسطة foufabz

[أميرة القطب 0]

حنونه انا يا حبيبتى عارفه قصدك كويس وفهمته وعلى فكره انا كمان مش بحب الاعشاب ابدا

بس المضطر يركب الصعب وطالما بتجيب مفعول زى اختنا ايا نفس اصبرى يبقى نجربها والله المستعان

وانا عندى دايت سويت هحليها بيه وامسك مناخيرى واشرب على بق واحد هههههههه :sad:

[أميرة القطب 0]

فوفو انا حددت الوزن ده بناءا على شكل جسمى ايه يعنى انا طولى 162 ووزنى دلوقتى 72 تقريبا

وانا زى متقولى كده مش عايزه اكون مانيكان انا عاوزه جسمى يرجع زى الاول وانا عمر وزنى ما قل عن 60 كيلو

ولما كان بيوصل حتى ل65 كيلو برضه كان بيكون شكله حلو لأنى الى الان لما بتخن الوزن بيتوزع على الجسم كله

 

وبالنسبه لسؤالى ده كان بسبب اكتر من موضوع بيتكلم عن مشاكل المحجبات فى تونس فقلت اعرف انتى عامله ايه

الحمد لله انك بخير والله مع المسلمين والمستضعفين فى اى مكان

[أميرة القطب 0]

انتى يا ست وجه اخر دوختينى وراكى

[الوجه الاخر 0]

السلام عليكم ورحمة الله وبركاته،،

خلي بالك يا قطب

انا حاعمل ريجيم زيك وانا حكون ارشق

هيا نتنافس

لكن انا مافهمت طريقة الرجيم

 

مشكلي في المعدة منتفخة وهذا الانتفاخ يظهر !

فهل هناك حل؟

الصفحة تحولت من المراة العاملة الى المراة الرشيقة؟

هاهاهاه

 

خبرونا بق وغيري العنوان!

الله يرضي عليكم!!!!!!!!

 

والسلام عليكم ورحمة الله وبركاته،،