اية هى مشكلتك مع زوجك

[قلب ينبض بحب الله ورسوله 1]

إزيك أختي سماء

 

ممكن أنا بأة أسألك مشكلتك إيه مع زوجك

تم تعديل 6 فبراير, 2008 بواسطة قلب ينبض بحب الله ورسوله

[أمّ عبد الله 2361]

سلام الله عليكنّ اخواتي الحبيبات

 

بارك الله فيكنّ جميعا

أسأل الله أن يسعدكنّ مع أزواجكنّ وينعم عليكنّ بالرضا والصبر واحتساب الأجر عند رب العباد

فزوجكِ هو جنتكِ وناركِ فالزميه تدخلي الجنة بإذن الله

 

أعانكنّ الله ورزق جميع أخواتي الحبيبات أزواجا صالحين...

[سماء المصرية 1]

الأخت amabdurraman السلام عليكم ورحمة الله و بركاتة

أنتى من الواضح انك من الشخصيات المرحة جدا بس أنا بحب الشخصيات دى

على فكرة يا حبيبتى كلنا فى الأول بنبقى عبطة أنا عن نفسى الى الأن لسة عبيطة لدرجة ان زوجى قالى أنا اللى همسك مصروف البيت

أنتى بتضيعية من أول الشهر على فكرة أنا لما تزوجت كنت فاكرة انى الزواج دة دلع و راحة لاقيت حاجات تانية خالص لاقيت عيال بتعيط

و راجل عايز ياكل و مصروف عايز تدبر و حكمة عموما ياستى ربنا يخليلك زوجك ومايحرمكيش منة يارب و صدقينى أنا بحس أنى أهم حاجة يكون

الزوج انسان متدين و خلوق و بعد كدة كل مشكلة بتتصلح مع الوقت و ربنا يهون عليكى غربتك

[امنه بنت وهب 0]

حبيبتى (سماء )

انتى فين بتتقلى علينا ولاأيه وحشتينى مووووت على فكرة أنا لسه شايفه موضوعك ده دلوقتى

وفكرتك تحفه

أنا بقى المشكله مش فى زوجى ولكنها منى أنا

فضل سنتين متحملنى ومستحمل ظروفى لانى كنت رافضه أعيش معاه فى الغربه علشان أفضل عايشه مع ماما وأتحمل بعده عنى وعن بنته وبقى يسيب شغله ويجى أجازات علشان يشوفنى أنا وبنته وأنا ماعنديش أحساس حتى فى أجازاته ماكنتش بسيب ماما كنت بفضل عندها وكل ده أتحمله علشان ميزعلنيش ومأأفتكرش أنه بيبعدنى عن ماما

وبعد ماطرحت مشكلتى عليكم وجاوبتونى وقرأت مشكلاتكن مع أزواجكم قررت أوافق على سفرى معاه أرضاء لربى ولزوجى

ولان ماما أقنعتنى أنها مش هتزعل

وربنا يهدى أزواجنا ويهدينا ليهم

[سماء المصرية 1]

السلام عليكم ورحمة الله وبركاتة

الى الأخت قلب ينبض بذكرالله ورسولة

تم تعديل 9 مارس, 2008 بواسطة سماء المصرية

[الصابرة المحتسبة 0]

الموضوع جيد ومفيد جزيتي خيرا سماء المصرية

 

كل ما عجبني فيه هو كلام الأخت حفصى الجزائرية كلامها يشبه كلامي لأني من المغرب

 

وأتشرف بالتعرف اليك

:wub:

 

أما بالنسبة لطرح مشكلتي مع زوجي عندما يحين الوقت سأكتب

 

لأني انا بكون موجودة فالعمل او معنديش الوقت والله

 

ولكن ان شاء الله سأكتب :wub:

[سماء المصرية 1]

السلام عليكم ورحمة الله و بركاتة

الى الأخت أمنة بنت وهب وحشتينى جدا جدا

أنا كنت مسافرة عارفة مش هتصدقى زوجى هو اللى قالى تعالى نسافر مع بعض

على فكرة أنا قرأت عن مشكلتك فى أنك عايزة تعملى تغيير علشان ترضى زوجك

على فكرة أنا عندى خيرة كبيرة فى موضوع المكياج والصبغة و الحاجات دى

و ان شاء الله لما أدخل على الصفحة بتعتك تانى هسألك شوية أسئلة

و هجوبك لأنى اتمرنت فترة فى الموضوع دة

ثانيا بس أنا حاسة بيكى حاسة انك من كلامك و أسئلتك عن التغيير و ما يفرقكمش عن بعض أبدا و يجمع بينكم فى خير

بس صورة بنتك زى القمر ربنا يباركلك فيها أنتى تستهلى كل خير بس ربنا برضة ما يبعدكيش عنا

انك مشتاقة لزوجك و عايزة ترضية و بدأتى تحسى بية

ودى خطوة كوايسة جدا ربنا يوفقكم و يرضيكم و يسعدكم

[ام الفاروق عمر 0]

وعليكم السلام ورحمة الله وبركاته،،

 

اما انا يا ستى نفس مشكلتك يا سماء كانك بتحكى عن زوجى وعن حياتى تماما

 

بس اعندى مشكلة ثانية كلامه قليل دائما انا ابدا بالكلام ولو سبته بيزعل

 

شوفى الحل ايه,,,,,,,,,,,,,, والموضوع جميل جدا :icon15: :tongue:

[ام الفاروق عمر 0]

على فكرة سماء علشان ميبقاش حرام واظلم الراجل هوه كويس دلوقتى ومتحمل المسئولية

ولكن ناقص الصلاة عدم المواظبة عليها,,,,,,,,,,,,, وحتى المصروف هوه البيصرف ويتسوق ويشترى كل شىء

ومحافظ علينا جدا زواج 18 سنة ,,,,,,,,و عنده غيرة ليست قاتلة ولكن بتسبب احيانا زهق

وانا مدرسة وعندى زملاء احاول دائما البعد عنهم باى شكل ,,,,,,,,,,,,,,,,,,,,,,,,,,,,,,,,,,,,,,,,,,,,,,,و :icon15:

:tongue: :roll: :roll: :roll: :roll:

[تبت الي الله وندمت علي مافعلت 0]

السلام عليكم اختي سماء المصريه وعلي كل الاخوات

 

انا عضوه جديده وحبيت اشارك معاكم لو تقبلوني

بصراحه الموضوع تحفه تحفه تحفه

وانا بصراحه كل المنتديات عجباني اوي والله والحمد اني عرفت الموقع ده

لأنه شغلني عن مواقع تانيه كتير وبقيت علطول بدخل عليه بس

 

 

اما انا فأنا مخطوبه وان شاء الله هتزوج في الصيف

انا خطيبي الحمد لله كويس بس فيه بصراحه عيوب :blush: :wub:

 

أولا انه لما بيتعصب بيشفش قدامه :ninja: :ninja: :ninja:

يني ممكن يقول كلام تقيل اوي اوي اوي مفيش واحده في الدنيا تستحمله

بس انا الاول كنت بشوط قدامه في الكلام بس دلوقتي بقيت احاول امتص غضبه وبعد ما يهدي اعاتبه علي الكلام التقيل اللي قاله

 

ثانيا انه غيور جدا جدا جدا ساعات بتخليني اتخنق وساعات بحبها

 

ربنا يهدي خطابنا وازواجنا جميعا

[قلب ينبض بحب الله ورسوله 1]

ختي سماء شكلك زعلتي من سؤالي أو يمكن تكوني فهمتيني غلط

 

يا حبيبتي أنا فرحت أوي بالموضوع لأني زي ماقلت في الأول كتلة مشاكل

 

بس حسيت من كلامك إنك عقلانية فحبيت أسمع مشكلتك

 

يا حبيبتي أنا عندي أغلب مشاكلك وفوقها كمان شويتين

 

بس عايزة أقول حاجة

 

إحناا بشر مش ملايكة وربنا يعينهم همة كمان علينا

 

[قلب ينبض بحب الله ورسوله 1]

أختي ramas

 

رزقكي الله بالولد الصالح عن قريب ياااااااااااارب

 

والله يا أختي أنا صاحبتي قعدت 6 سنين من غير إنجاب

 

والحمد لله دلوقتي حامل في الشهر2

 

عقباالك حبيبتي

 

وهي ما كانش عندها حاجه

 

بس كانت عملية وقت

 

عليكي حبيبتي بقيام الليل والدعاء وإن شاء الله ربنا يجبرك عن قريب

 

تم تعديل 7 فبراير, 2008 بواسطة قلب ينبض بحب الله ورسوله

[سماء المصرية 1]

السلام عليكم ورحمة الله و بركاتة

يا أخوات يا ريت كل اللى تدخل تضيف ردها على المشكلات التى تعرض

عايزين نساعد بعض لأن المشاكل دى فى أغلبها كلنا ممكن نتعرض لها

عايزين نساعد بعض بخبرتنا و تجربنا

[سماء المصرية 1]

السلام عليكم ورحمة الله و بركاتة

الى الأخت ام الفاروق عمر

و الأخت تبت الى الله وندمت على مل فعلت

بالنسبة لموضوع الغيرة تعالي ننظر لمشكلتك مع زوجك أو خطيبك وغيرته. فالغيرة تنبع من رغبة المحبوب في الاستحواذ على من يحب، وخوفه من أن يتطلع الحبيب لغيره، والغالب أن الغيرة تنمّ عن شعور داخلي بالنقص عند من يغار، وتصور له أن محبوبه قد يتطلع إلى من هو أكثر كفاءة وتميزا منه، كما تثير غيرة المحب بعض تصرفات من يحب، ومن هذا المنطلق يكمن تعاملك مع هذه المشكلة من خلال المحاور الآتية:

 

.التعرف على كل ما يثير غيرة زوجك وتجنبه أو الامتناع عنه قدر المستطاع، وكذلك عليك بإخفاء ما يثيره، وذلك حتى تقللي من أسباب ثورته، وتخففي من حدتها، ولا تسمحي للعناد أو الكبر أن يفسد عليك حياتك أو أن يدفعك لفعل ما يغضبه ويثيره.

التأكيد المستمر على حبك له وعلى أنه أجمل ما في حياتك، وأنك لم ولن تحبي غيره، وعليك أيضا أن تداومي على مدح صفاته

 

بالنسبة للأخت أم الفاروق عمرالتعبير عن استمتاعك وسعادتك بالعلاقة الحميمة بينكما؛ لأن عدم تجاوبك معه في هذا الأمر قد يعطيه انطباعا أنك تزهدين أو تنفرين من التواصل معه، وأنك لا ترغبين فيه. واعتماد المصارحة كوسيلة للتفاهم بينكما في هذا الأمر،

 

والخلاصة أنك بالصبر والتفاهم والحوار المستمر بينكما يمكنك التخفيف من حدة غيرته - بحيث تصبح أقرب ما تكون للغيرة المحمودة من الزوج على زوجته أو الخطيب و خطيبتة

[سماء المصرية 1]

السلام عليكم ورحمة الله وبركاتة

الأخت أم الفاروق عمر بصراحة أنا مش فاهمة مشكلتك يا ريت تحكى بشكل مفصل شوية

علشان أقدر أجاوب يعنى هو كان مدمن الأفلام الأباحية و هل بطلها و أنتى متأكدة فعلا لو كان بطلها انة بطلها

أنا عايزة أعرف لأن الموضوع دة ممكن يكون لية تأثير كبير على العلاقة و لو ماكنش بطلها أنا ممكن أقولك تساعدية ازاى

ثانيا هل زوجك بطبعة قليل الكلام أو معاكى فقط و أنتى شايفة اية الأسباب بس لحين ما تردى علية أحب أقولك انى لازم أنتى اللى تدخلى حياتة

و ما تنتظريش منة رد فعل و خصوصا انى زى ما فهمت انة بيحب يسمعلك

[nourayhane 0]

لسلام عليكم ورحمة الله وبركاته،،

 

السلام عليكم ورحمة الله وبركاته

:angry:

 

إلَِيـًٍكـًٍي يـًٍاعـًٍرًٍوًٍسـًٍتًًٍـنًٍـا بـًٍعـًٍضًٍَِ النـًٍصـًٍآئـًٍح الـغـًٍآلـٍُيـٌٍهـًٍ والـًٍثـًٍمـًٍيـًٍنـًٍهـًٍ :

 

1/ ابتعدي عن المثالية المتكلفة وعيشي حياتك بطريقة طبيعية ولا تتوقي المعجزات .

 

 

 

 

2/ ليس هناك أجمل ولا أروع من الحياء في العروس فهو يضفي عليها كثيرا" من الطهر والبراءة والجمال وكانوا اذا أرادوا وصف انسان حيي قالوا : ( أشد حياء من العذراء في خدرها ) .

لايكفي أن تتزوجي شخصا" مناسبا" حتى تكوني سعيدة في زواجك ولكن يجب أن تكوني أنت أيضا" المرأة المناسبة .

 

 

 

 

3/ اهتمي بشريك حياتك كما تهتمين **فسك وأحبي له ما تحبين لنفسك .

 

 

 

 

4/ عليك أن تفهمي قدسية الرابطة الزوجية وأنها ميثاق غليظ ففكري ألف مرة قبل أن تتخذي خطوة بعدها لا ينفع الندم .

 

 

 

 

5/ لا تتعجلي بتصحيح ما ترينه خطأ في زوجك فهناك عادات لن تتغير الا بعد زمن بعيد ولا تضخمي الصغائر .

 

 

 

 

6/ احذري صديقاتك اللائي يتدخلن في حياتك الخاصة وهن يلبسن النصح .

 

 

 

 

7/ تذكري حسنات زوجك عند نشوب أي خلاف بينكما ولا تجعلي مساوئه تسيطر على عقلك فتنسيك حسناته ومزاياه .

 

 

 

 

8/ كرامتي .. كبريائي .. كلمات للشيطان ينفث بها قلب الزوجين عند نشوب الخلاف ويحاول فيهما جاهدا" أن يبرر لكل منهما الخطأ والبعد عن التصالح فهل يصح هذا بين الزوجين ؟ تنازلي بعض الشيء عن أشياء تعتبرينها جزءا" من شخصيتك حتى يتسنى لك التمتع بما تحبين من صفات زوجك .

 

 

 

 

9/ كوني عونا" لزوجك على الطاعة واطلبي الآخرة كما تطلبين الدنيا .

10/ سعادتك الزوجية لا تعني خلو الحياة الزوجية من المشاكل وإنما تعني قدرتك على حل تلك المشاكل وحصرها وألا يؤثر في العلاقة بينك وبين زوجك .

 

 

 

 

11/ ما أجمل أن يبدأ زواجك نظيفا" خاليا" من كل ما يغضب الله وصدقيني من كانت بداية حياتهما الزوجية طاعة ستكون حياتهما سعيدة بإذن الله و(( من عمل صالحا" من ذكر أو أنثى وهو مؤمن فلنحينه حياة طيبة ولنجز ينهم أجرهم بأحسن ما كانوا يعملون )) فابتعدي عن كل ما يغضب الله في لبسك وزفتك وليلة فرحك لتحيي هذه الحياة الطيبة .

 

 

 

 

 

12/ وأخيرا" لا تنسي الدعاء بإلحاح أن ييسر أمرك ويوفقك في زواجك

 

 

 

منقول

 

 

]لسلام عليكم ورحمة الله وبركاتة

فكرة عجبتنى

حبيت أقولها

و يارب تعجبكم

بس يا ريت الصراحة

طبعا أنتم عارفين انى الكمال لى الله وحدة

ولكل منا عيوبة

و طبعا ما فبش رجل يخلو من العيوب/

ممكن تشعرى أن زوجك لايتحمل المسؤلية , أنة رجل بخيل , لا يساعدك فى المنزل , أو أنة رجل مهمل , يحب النوم كثيرا

أو تشعرين أنة يهتم بأصدقأة أكثر منك , أو يهتم بأهلة أكثر منك , أو أنة رجل مزاجة متقلب , أو سريع الملل , أو أنة انسان متشائم

او ربما انة سريع الغضب , أو غيور جدا , أو بيحب الخروج كتير , أو بينشغل عنكى دائما بالقرأة , أو التليفزيون أو الكمبيوتر ,

ياريت كل واحدة تدخل الصفحة دى تحكى عن الحاجة اللىبتضايقها دة طبعا مش من باب الشكوى أو لحب المعرفة لأ طبعا

دة لأن أكيد كلنا مرينا بتجارب حياتية مختلفة و عايزين نفيد بعض بيها و أزاى قدرنا نحلها و نتغلب عليها

عايزين كلنا نساعد بعض

و يا رب الفكرة تعجبكم

[سماء المصرية 1]

السلام عليكم ورحمة الله و بركاتة

الأخت تبت الى الله وندمت على ما فعلت

أما بالنسبة للعصبية خطيبك أولا لأزم تعرفى سببها و كيفية علاجها لأن الموضوع دة أكيد عايز جهد لأنة مش سهل السيطرة علية بس لأزم السيطرة علية

علشان ما يحصلش تمادى فية من جهتة أو حتى يضع لة حدود أولا لأزم تتأكدى أهم حاجة انى خطيبك انسان متدين و خلوق لأن بعد كدة كل حاجة من وجهة نظرى ممكن تتحل

ثانيا أحنا مش عايزين يقول كلام مفيش واحدة فى الدنيا ممكن تستحملة لأن أنتم لسة فى فترة الخطوبة يعنى ممكن الأمر يتطور معاة بعد الزواج أنتى حلك للموضوع دة صح بس مش كفاية يعنى المفروض

الى جانب المعاتبة المفروض تفهمية انك متضايقة جدا وزعلانة منة جدا حاولى توصلية فى كل مرة أنة يعتذر عن خطأ ارتكبة فى حقك بحيث انة بعد كدة يحد من العصبية و بلاش تفكرية و تقولى أنت قلت كذا و كذا

كأنك ما سمعتيش الألفاظ اللى قالها بس يكون طعليقك معاه انى ما كنش يصح اللى أنت عملتة أنت كدة بتغلط فى حقى يعنى كلام كدة

و بعدين لما يتعصب المفروض تسكتى خالص و كأنك مش سمعاه أصلا و لو قدرتى تقومى من أمامة و تقولى بعد اذنك هروح أجيب حاجة أو أعمل حاجة يبقى أفضل

المفروض تبعدية عن كل ما يثير أعصابة و تعرفى اية أسباب عصبيتة علشان بعد كدة تتجنبيها و مستنية ردك

[سماء المصرية 1]

السلام عليكم ورحمة الله و بركاتة

الى الأخت قلب ينبض بحب الله و رسولة

أنا والله ما زعلت منك نهائى و أزعل منك لية بالعكس أنا كنت متوقعة انى حد يسألنى السؤال دة و كنتى أنتى الشخص دة

بس أنتى برضة لسة ما اتكلمتيش عن مشكلتك

جزاكى الله كل الخير و ربنا يجعل حياتك كلها موفقة ان شاء الله

[nourayhane 0]

السلام عليكم و رحمة الله تعالى بركاته

اختي في الله اشكرك على اقتراحك الرائع.وارجو ان تقبلوني صديقة جديدة.وهده اول مشاركة لي.اما مشاركتي فتتلخص في التالي.انا متزوجة من 3 اشهر.زوجي الان في طريقه من المغرب الى البلد المقيم به ايطاليا.افترقنا بصعوبة.وهده هي مشكلتي الحالية.ربما يصل هده الليلة الى مقر سكناه وانا في انتظار مكالمته الهاتفية بشوق كبير.انه انسان طيب ومحب للخير.هو ليس بمتدين ولكنه يؤدي واجباته الدينية ويحب ان يتعلم.له عيوبه مثلما انه لي عيوبي.فالكمال لله سبحانه.وطموحي ان اعينه ليكون من اهل الجنة.احاول ان اصبر لفراقه لكني اجد صعوبة كبيرة في دلك.اخواتي الكريمات.ما اطلبه منكن هو ان تدعين الله معي ان يوصله على خير وان يسهل الله له في سفره وفي عمله.وان يجمع الله شملنا في القريب العاجل.في انتظار ردودكن وفقكم الله لما يحبه ويرضاه.

[سماء المصرية 1]

السلام عليكم ورحمة الله وبركاتة

يا أخوات أنا بدأت الموضوع و قلت انى لكل منا عيوبة يعنى ما قلتش انى الرجالة فقط هما اللى فيهم عيوب

و بعدين أنا شفت فى الكثير من المواقع الأسلامية رجال بيشتكوا من عيوب فى زوجاتهم

[الصابرة المحتسبة 0]

السلام عليكم ورحمة الله

 

مرحبا بك اختي حتى انا من المغرب

 

الله يسر لك التحاق بزوجك ويصبرك عن البعد عنه انا فهماك والله عندي صديقات متزوجين بأزواج بالخارج

 

ويحسون بألم عند الافتراق بهم والله صعب شوية

 

الله يعينك واصبري ان شاء الله تلتحقي بيه وكوني نعمة الزوجة بعد غيابه واحفظيه في غيبته وكوني صبورة وشجعيه على العمل وعلى الصبر

 

وهذا ما اوصيك به اختي اعتبريني اختك

 

من اي مدينة انتي؟

:icon15:

[سماء المصرية 1]

السلام عليكم ورحمة الله و بركاتة الى الأخت nourayahane

بارك الله لكما و بارك عليكما و جمع بينكما فى خير

و أهلا بيكى أخت و صديقة فى ملتقى أخوات المسلمات

بس ملحوظة أحب أضيفها بناء على تجربة خاصة و تجارب أخرى لسيدات متزوجات

على فكرة البعد بيولد الجفاء لازم تكونى مع زوجك فى غربتة أنا ما أحبش الزوج و الزوجة

كل واحد منهم يعيش فى بلد لأن بعتبر انى الزوج لما بيعيش مع زوجتة مع العشرة مش بيقدر يستغنى عنها

ولما كل واحد بيعيش فى بلد من أجل العمل أو أى سبب بيبقى تعود أيضا وبيصبح الموضوح بعد كدة عادى انة يبعد

دة غير ان الشيطان شاطر و أنتى فاهمة طبعا أنا مش بخوفك بس لازم أنصحك بما انك متزوجة من ثلاث شهور فقط

و يا رب يهون عليكى البعد و الغربة و يجمع شملكم فى الخير و على الخير وربنا يهديكم لما يحب و يرضى

وربنا يجعلك سبب لدخولكم الجنة و يعينك على الخير

[ام الفاروق عمر 0]

بصى يا سماء هوه الحمد لله اعتدل وبطل كل شىء مش كويس

الذى ينقصه الصلاة بيصلى الصبح وممكن العشاء وخلاص

وطبع انا كما تعرفين اعيش فى ايطاليا فليس توجد صلاة

الجمعة ايضا دى مشكلة,,,,,,,,,,,,,,,,,,,,,,,,,,,,,,,,,,,

اما عن قلة الكلام فهو فى البيت فقط وخارج البيت يتكلم

ويضحك ويهظر وبالمناسبة هو مهندس ديكور يقول ان

شغلته تحتاج لارضاء الناس بالكلام والضحك ,,,,,,,,,,,,

اما فى البيت يقول انه يحتاج لراحة ويحب ان يسمعنى

بما فعلته فى يومى وهكذا,,,,,,,,,, احيانا ابدا الكلام واخلص لوحدى

وهو يسمع فقط,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,وو

[امنه بنت وهب 0]

حبيبتى (أم الفاروق عمر )

ربنا يهديلك زوجك يارب ويصلح حاله

وبعدين حاولى تكلميه عن اللى بيضايقك منه ويمكن يستجيب

فى رجاله بتحاول تصلح من نفسها وبتستجيب بسرعه

أنا عن نفسى أحب أما أتكلم مع زوجى أنه يتناقش معايه وياخد ويدى فى الكلام

ما بحبش طبعا أقعد أكلم نفسى فكان الله فى عونك

بس حاولى كده وربنا يسهل

[امنه بنت وهب 0]

حبيبتى ramas والله لقد أوجعتى قلبى عليكى حبيبتى

وسوف أدعيلك فى كل وقت

يارب ارزقها بالذريه الصالحه وأصلح لها زوجها

ويسر لها جميع أمورها يارب

تم تعديل 8 فبراير, 2008 بواسطة امنه بنت وهب