شاورما اللحم بتاعة ابو مازن و ابو حيدر

[أم ريتاج 7]

السلام عليكم و رحمة الله و بركاته

 

اخواتى الحبيبات

 

النهاردة حبيت اقدم لكم الشاورمة اللى بتبقى ريحتها مفحفحه كده و بتجنن عليها و انا ماشية و يبقى نفسى اكلها سخنه و اكل الحته الكبيره دى كلها

 

و بالذات لما بعدى من عند ابو مازن السورى او ابو حيدر اللى في روكسي

 

ممممممممممممممممممممممممممممممممممممممممم

 

بنجيب اللحمة و نقطعها شرائح رفيعه و بعدين نحط عليها خـــــــــــــــــــــــــــــــــــــــــــــــــل كتير و ملح و فلفل اسود و زبـــــــــــــــــــــــــادى و بصل و توم و بهارات و شوية شطه و كبابه صينى و حبهان و ورق لورو و نقلبهم و نحطهم فى الثلاجه لمدة ليله كامله مش اقل من كده

و بعدها نجيب حله و نحط فيه اللحمة و لحد ما تبدأ تغلى و البصل ينزل الميه بتاعته و لو مش فى ميه نحط شويه ميه صغيرين لحد ما اللحمة تبقى نص سوا نجيب لية الخروف و ناخد منها جزء كويس يكون ربع كمية اللحمة بتاعتك و نضيفها للحمة اللى نص سوا بتاعتنا

 

و بعدين نفضل نقلب فيها نقلب فيها لحد ما تشرب الميه بتاعتها و تبدأ تنشف

نجيب بصل مقطع رفيع و نشوحه شويه صغيرين جدا مع اللحمة و بعد ما نطفى النار و تكون اللحمة اتشوحت و لونها بقى ذهبى شوية زى بتاعة بره نضيف الطماطم المقطعة رفيع و البقدونس و ممكن نخلي البصل و نضيفه معاهم في الاخر بس كده

 

و بعدها نجيب اللحمة و العيش اللبنانى او الكيزر او الفينو و نعمل السندوتشات و نضيف اللى احنا عايزينه كاتشب مسطرده مايونيز خيار مخلل اى حاجة احنا عايزينها

 

و ممكن نحمر السندوتشات فى الزبده او نخلها الفرن تحت الشوايه عشان تاخد اللون الدهبي و ده يفضل لان لو هنحمرها في الزبده هتبقى تقيله قوى عشان فيها ليه

 

جربوها و قولوا لي

[لواء العزة 5]

السلام عليكم ورحمة الله وبركاته،،

تسلم الايادي حبيبتي

 

ام ريتاج

 

على وصفة الشاورمة اللذيذة

[*أم رقية* 473]

جوزيتى خيرا ي ام ريتاج بي اية

ردى عليا بسرعة اصلى هعملها بكرة ان شاء الله

[*أم رقية* 473]

ياجماعة طب حد يرد عليا

 

ايةالكبابة الصينى دية

 

والبصل نفرومة ولا نبشرة ولا اية بسرعة يا اخوات

[*أم رقية* 473]

للرفع

[ام شهاب وحبيبة 0]

بسم الله الرحمن الرحيم

السلام عليكم ورحمة الله وبركاته،،

جزاكم الله خيرا

[(:بسمة تفاؤل:) 4]

ما شاء الله شكلها مشهى اوى ام ريتاج

 

يسلمو ايديكــِ*_*

 

 

 

بس ايه الكبابه الصينى دى؟؟؟؟؟؟؟؟؟؟؟؟!!!!!!!!!!!

[أم ريتاج 7]

السلام عليكم و رحمة الله و بركاته

 

الكبابة الصينى دى حاجة زى البهارات كده بنجبها من عند العطار زى الفلفل الاسود و بنطحنها و بنستعملها

[خطابية 22]

الله يعطيك العافية أختي

 

استغربت من عنوانك:)

فكرت أبو مازن ما غيره عليه من الله ما يستحق , قلت شو جابه علينا؟ وليش يعني له شاوارما خاصة فيه؟

 

كنت بدي أقاطع الشاوارما لكن الحمد لله أنه ماله دخل ^_*

[أنين الاقصى 3]

الله يعطيك العافية أختي

 

استغربت من عنوانك:)

فكرت أبو مازن ما غيره عليه من الله ما يستحق , قلت شو جابه علينا؟ وليش يعني له شاوارما خاصة فيه؟

 

كنت بدي أقاطع الشاوارما لكن الحمد لله أنه ماله دخل ^_*

 

ههههههههههههه :mrgreen: :ohmy: :ninja: ضحكتني خطبطب

 

وانا قلت شو هالشوراما الي من عند ابو مازن ومين ابو مازن هاداااا :angry: :wacko: :tongue:

 

 

بارك الله فيكِ حبيبتي أم ريتاج

 

ان شاء الله اجربها...

[سمو** 0]

 

 

 

 

[أم ريتاج 7]

السلام عليكم و رحمة الله و بركاته

 

يا حبايب اصل ابو مازن هذا و ابوو حيدر فاتحين عندنا بالقاهرة محلات للشاورما جامده جدا بس غالية شوية

 

عشان كده المصريات اكيد فهمونى

[زهرة الاسلام 2 4]

وعليكم السلام ورحمة الله وبركاته،،

تسلم إيدك حبيبتى أم ريتاج

شهيتينى

[السعاده في طريق الالتزام 1]

جزاكي الله خيرا حبيبتي ام ريتاج

انا عملتها زي ماقولتي بالظبط

خطوه بخطوه

طلعت رووووووووووووووعه :wub:

وكله شكر فيها جدا زي بتاعت بره بالظبط :icon15:

جزيتي خيرا

وتسلم ايديكي

[فدوى المسلمي 531]

تسلم ايدك والله ام ريتاج

فتحتى نفسى :wub:

انا الصراحة اعرف ابو مازن لكن ابو حيدر ماسمعتش عنه

شكلها شهى ان شاء الله اجربها بس من غير الليه

انا لا استخدمها عشان تقيلة وانا احب الاكل دايت

تسلم الايادى

[عزّي ايماني 0]

السلام عليكم ورحمة الله وبركاته،،

 

شكلها هيبقي طعمها حلو

 

بس للاسف مبحبش اللية

[عزّي ايماني 0]

السلام عليكم ورحمة الله وبركاته،،

 

شكلها هيبقي طعمها حلو

 

بس للاسف مبحبش اللية

[أم حنين عدلي وعلي 1]

الله يعطيك العافية أختي

 

استغربت من عنوانك:)

فكرت أبو مازن ما غيره عليه من الله ما يستحق , قلت شو جابه علينا؟ وليش يعني له شاوارما خاصة فيه؟

 

كنت بدي أقاطع الشاوارما لكن الحمد لله أنه ماله دخل ^_*