أرز بالمشروم من تأليفي

[MESHMESH82 0]

السلام عليكم ورحمة الله

 

أنا لسة مشاركة جديد من المنتدى وعشان حبيت روح العضوات الحلوة حبيت اشارك بطبق عملته على الغدا امس والحمد لله عجب زوجي فا حبيت أطرحه هنا. ودي اول مرة اكتب فيها وصفة طبخ في منتدى.

 

المقادير:

 

كوب أرز بسمتي مغسول جيدا

كوب وربع ماء

ملح حسب الرغبة

2 ملعقة زيت ذرة

نص ملعقة سمن بلدي أو بدون

2 كوسا مبشورة

مشروم طازج مقطع طوليا (6 وحدات تقريبا)

1 ملعقة صغيرة كاري

 

الطريقة

ضعي الماء على الرز بحيث يكون مغطي الرز كالطريقة المعتادة وضعيه على النار مباشرة وسويه مثل الرز العادي لكن بدون اي دهون.

في مقلاة غويطة (جدرانها مرتفعة) شوحي المشروم والكوسا جيدا في الزيت والسمن إلى ان تذبل الكوسا حتى لا يكون هناك ماء إضافي في الخضار.

اضيفي ملعقة كاري على الخضار وقلبي جيدا لمدة 3 دقائق اخرى

اخيرا اضيفي الأرز بعد نضجه وقلبي جيدا بعناية.

اتركه لمدة خمس دقائق على نار هادئة

 

يمكن تقديمه مع الشيش طاووق أو المشويات عموما.

 

وبالهنا والشفا

اضيفي الرز

[ناهد ابو النور 0]

تسلم ايدك يا مشمشه خلاص انا جعت خالص :huh: :smile: :wub: :closedeyes:

[MESHMESH82 0]

شكرا اوي على التشجيع يا نهوووودي خصوصا اني مش شاطرة اوي في المطبخ فا لما باعمل حاجة كويسة بافرح جدا :wub:

[um_abdurrahman 0]

يامشمشة تسلم ايدك وانا ياست بموت في المشمش فينفع اكلك يعني كحلو بعد الأكلةطبعا :wub: وخدي بالك انا بتوحم :?:

[MESHMESH82 0]

هههههههههههه طيب انا عندي مشمش مجفف في التلاجة ينفع ابعتهولك أحسن :smile:

 

لما اروح الحق استخبى يا مااااااااامي :closedeyes:

 

ربنا يقومك بالسلامة يا ام عبد الرحمن وتكون كل ذريتك ذرية صالحة ويرزقني ويرزق الجميع بالذرية الصالحة

[um_abdurrahman 0]

ok المرة دي نمشيهاعالناشف والمرة الجاية ربنا يستر :closedeyes: ويارب يرزقك الدرية الصالحة

[لواء العزة 5]

السلام عليكم ورحمة الله وبركاته،،

حياكِ الله بيننا حبيبتي

مشمشة

ويسعدنا ان تكون اول وصفاتك من مطبخك

 

وماشاء الله الوصفة تبدو سهلة ولذيذة

 

وفي إنتظار مزيد من علينا :)

[ناهد ابو النور 0]

يلا حبيبتى مشمش مستنين اكلات اكتر :biggrin:وده ولا تشجيع ولا حاجه انتى فعلا ماهره :icon16: وربنا يفرحك ديما :biggrin:

[MESHMESH82 0]

أختي رحيق الجوري

 

أشكرك جدا على المرور والاهتمام بالرد . بارك الله فيك :rolleyes:

 

 

حبيبتي ناهد

 

أتمنى تكوني جربتيه فعلا :) وإن شاء الله لما أعمل حاجة ناجحة تانية أكيد هقولكم عليها :wub:

على فكرة انا لسة معملتش المحشي نفسي اعمله ومش لاقية وقت بصراحة :roll: ادعولي ربنا يباركلي في وقتي

[ناهد ابو النور 0]

يارب يبارك فى وقتك وتعملى المحشى الى انا كتبته فى الاطباق الرئيسيه :angry: :biggrin:

[غيمة الخريف 0]

يعطيك العافية يا مشمشة

 

وربنا يقومك بالسلامة يا ام عبد الرحمن