حبيباتي المصريات ممكن نتكلم سوى ؟ الى كل اخت مصريه تعالي هنا

[ساره أم حمزه 1041]

وعليكم السلام ورحمة الله وبركاته

اهـــلا بيكِ اختى

سنو وايت

فى مصر

تنورى بإذن الله

بارك الله فيكِ وحفظكِ من كل سوء

بالنسبه للهجه فهيا سهله جداا الحمد لله ولا عايزة نقولك على كلمات تقصدى ؟

والفرح العادى بيختلف عن الفرح الاسلامى

يعنى اقولك على فرح اختى كان عباره عن انه زوجها تقدم لها وشافها الرؤيه الشرعيه وبعد كده

ابتى راح معاه لمحل الذهب علشان الشبكه لكن اختى طبعا مراحتش معاهم ابتى بس اخد مقاسها

المهم وكل ده وهو مش بيشوفها وبعدين امه واخواته البنات جم عندنا وشافوها ووافقوا عليها الحمد لله

وعملوا كتب الكتاب الاول وفى نفس اليوم لبسها الشبكه بعد كتب الكتاب علشان بس ينفع يشوفها وكده

لان فى الخطوبه مينفعش يشوفها والفرح كان الرجاله كانوا فى المسجد تحت والنساء كانوا فى فوق

ومعلقين لمض فى بيعلق لمض ( لمبه ) نايلن اللى هى بتبقى بيضه وطويله وفى بيعلق لمض من الصغيره

وتكون ملونه احمر واخضر وازرق والنور له طريقه جميله يعنى اصل تشوفى على الواقع تعرفى لكن اشرحلك

ممكن متفهميش وبنجيب كراسى بتبقى خاصه بالفرح والكرسى بتاع العريس والعروس مختلفين عن بقية الكراسى

والسيارة اللى العريس والعروسه بيركبوها فى اخر الفرح بتبقى متزوئه بباقة ورد وحجات كمان وشغلنا اناشيد

اسلامية بدون دف وبدون ايقاع والعروسه لابسه فستان الفرح ومتزوئه لانها مع الاخوات انما لما تيجى تخرج للسيارة بتلبس (

كاب

) الكاب ده عباره عن عبائه من الرأس للرجل وعليه نقاب لتغطيه الوجه معظم العرس اللى بحضره بيكون العريس مع الاخوه الرجال فى المسجد والنساء والعروسه فى سندرة المسجد وطبعاً بيفرقوا حجات إما كاكولا او بيست ومعاه شكولاته سعات كده يعنى عايزة تعرفى حاجه كمان قولى بس

واسعدكِ الله فى الدنيا والاخره

[فتاة التوحيد1 1]

 

السلام عليكم ورحمة الله وبركاتة

 

أختى سنو وايت

 

أرجو ما تزعليش منى

 

أنتى ليش مستعجلة بصراحة

 

لا تعليـــــــــــــــــــــــق

 

ربنا يهدينا ويهديك لما فية الصواب ، حبيبتى التفتى لدراستك ونصيبك هيجيك لحد عندك .

 

أحبك فى الله والله واخت غالية .

[سهى المصرية 0]

اختى سنو وايت انا قرات قصتك وتاثرت بها وشعرت بكى

وسعدت جدا عندما قرات انك قطعتى العلاقة

ومش عايزاكى تزعلى من حد هنا خالص

لان كلهم هنا بيحبوكى ومش قصدهم يجرحوكى او يبهدلوكى زى ما انتى قولتى

 

وياستى لو عايزة حد يحكيلك عن مصر انا هاحكيلك عنها ان شاء الله

بس لو حبيتى ورديتى عليا

 

وثبتكى الله وجمع بينكم على طاعته ان شاء الله

[ام هنا 2]

السلام عليكم ورحمة الله وبركاته

اختى سنو وايت على فكرة انا اول مرة اشترك فى الرد على اى موضوع بس بصراحه موضوعك فكرنى بقصتى وزواجى

بصى انا مش هقولك ان كل التعارفات اللى بتكون عالنت بتنجح او حتى بتكون صح او حتى جد

بس انا فى راى ان ده ممكن يكون توفيق من عند ربنا يعنى انا مثلا تعرفت على زوجى برضه من عالنت بس كنت لسه طالبه فى الجامعه وممكن يكون كان فى شوية طيش

بس انا اخلصت النيه وحسيت ان هو ده الانسان اللى انا بتمناه لنفسى والحمدلله فعلا هو نعم الزوج والاخ والاب مش عارفه لو مكنش فى نت كنت هتعرف عليه ازاى سبحان الله.

بصى انتى استفتى قلبك.وبالنسبه للحياه فى مصر مفيش اسهل منها وحتى طبيعة اهلها برضه كويسين وبعدين انا قريت موضوعك وانتى بتقولى انك مش هتعيشى فى مصر يبقى مفيش مشكله ان شاء الله بس انا راى تصارحى حد من اهلك اخت ليكى او حتى والدتك وتعرفى رايهم يمكن اصلا ميكونش عندهم النيه لتزويجك من غير اهل بلدك .وربنا يارب يوفقك ويعملك اللى فيه الخير

[قلب ينبض بحب الله ورسوله 1]

حبيبتي سنو وايت يا ترى هديتي ولا لسه

 

حبيبتي إحنا هنا كلنا بنحبك وخايفين عليكي

 

وليه بأه قررتي إنك مش هتتجوزيه عشنا

 

لا طبعا إحنا مانرضاش بكده

 

يا حبيبتي كل قصدنا بلاش تفكري كتييييييير

 

أنا عارفه إنه غصب عنك لكن لو فيه نصيب ليكم سوا ربنا هيسهلك كل حاجه

 

أنا عايزة أحكيليك حكاية واحده صاحبتي

 

بس ماتزهقيش مني

 

هي تعرفت على شاب برضه من النت بنفس طريقتك تقريبا

 

وكان ممتاز حتى إنه كان عضو في تنظيم جهادي في فلسطين

 

وهو اتعلق بيها جدا لدرجة إنه كان بيقولها على أسرار خاصه جداً في تنظيمهم

 

كانت بعد فتره بتلاقيها في الأخبار بجد زي ماقالها

 

المهم يا ستي أول ما طلب من أهله يخطبها رفضوا لأنه من عيله كبيرة ورفضوا حكاية الإرتباط من النت لخوفهم على ابنهم

 

قطعوا علاقتهم

 

بس في فترة بعدهم اتعلقوا ببعض أكثر

 

فقرر إنه يتحدى أهله وكرر الطلب أكثر من مرة

 

المهم يا حبيبتي لما والدته نزلت مصر تاهت و ماقدرتش توصل للعنوان

 

ولما رجعت بلادهم حصلت خناقات مع ابنهم كانوا هيطردوه من البيت

 

وأهل البنت لم عرفوا طبعا ماقولكيش عملوا إيه معاها

 

همه اتعلقوا ببعض وعملوا كل شيء بس ماكانش فيه نصيب

 

ودلوقتي هو قرر إنه مافي أي واحده تاخد مكانها وما تجوز

 

وهي تجوزت بس مش هحكيلك عن حالها!!

 

حبيبتي أنا قصدي إن النصيب والمقسوم بإيد ربنا

 

بلاش تفكري كتير

 

والله كلنا هنا بنحبك

تم تعديل 22 فبراير, 2008 بواسطة قلب ينبض بحب الله ورسوله