اضراب عام فى كل مصر

[عابدة الرحمن 86 0]

بسم لله الرحمان الرحيم

 

 

اخوات الغاليات ربنا يبارك في كن

 

 

يحفضكم من كل سوء , يسر لكم امركم و يفرج همكم

 

 

الهم احفض المسلمين في جميع بقاع الارض و عجل نصرنا

 

لا يغير لله ما بالقوم حتى يغيروا ما بنفسهم

 

 

بوركت اختي

[الامانة 1]

وعليكم السلام ورحمة الله وبركاته،،

لكن انا عايزة اعرف هما هايعملوا اية هايخدوا العاطل فى الباطل وبعدييييييييين فى ناس كتيييييييير ملهاش ذنب هاتتاخد فى الرجليييييييين الله المعين

[ام خلود3 0]

بسم اللة ولا اللة الا اللة واللة اكبر لية يا جماعة الردودكلها ياس واحباط الاخت جزاها الله خيرا تبلغكن رساله وتدعونا جميعا للمشاركة يبقى نقولها شكرا والحضر فينا يبلغ الغايب مع تحياتى

[عهود الاسلام 0]

السلام عليكن ورحمة الله وبركاته

يا جماعة انا عندي سكشن يوم الاحد مستحيل اغيب عشان فيه غياب فيه ان شاء الله

على العموم البلد بايظة الى ان يشاء الله

ان يأست خلاص والواحد بيفكر يهاجر من ارض الفتنة الى اي بلد مسلمة تعرف ربنا

وبيطبقوا الشريعة على حق

انا لا اقول هذا شماتة ولكن حزنا

لو عليا انا نفسي بلدي تكون احسن بلد مش بيعتزوا انهم من الفراعنة

ربنا يهديهم ويصلح شانهم وشأننا

[الشيماء مصر 0]

السلام عليكم ورحمة الله

بجد دى خطوة مهمة وفكرة هايلة جدا بس تفتكرى كام شخص هيستجيب لندائك رغم ان الظروف كل يوم بتزداد سوء

الموضوع فيه جزئين الاول من رايى اعتقد ان الناس يظهر اتعودوا على السلبية او خايفين من اللى ممكن يحصلهم من اى رد فعل (التعذيب والاعتقالات والانتهاكات الاخلاقية زى اللى حصل مثلا مع الصحفيات )

والجزء التانى ان المفروض ان اول حد يعترض وياخد خطوة هما الناس المحتاجة اللى بيقتلوا بعض على الطوابير عشان رغيف العيش ومع ذلك ساكتين ومستسلمين للامر الواقع : :?:

على فكرة مش معنى كلامى ده انى محبطة او مستسلمة او حتى ضد كلامك بالعكس انا معجبة بيكى جدا وفعلا باتمنى انى اقابلك لانك فعلا نموذج محترم جدا (فعلا باتمنى انى اقدر اتعرف عليكى جدا) :icon16:

[قلب مجروح 1]

ممكن الاضراب يجى بفايدة

وممكن تيجى على دماغنا اكتر

منى

:wub: :wub: :wub:

تم تعديل 27 مارس, 2008 بواسطة عـابـرة سـبـيـل

[قلب ينبض بحب الله ورسوله 1]

أعتقد إن اليوم ده مافيش حد خااااااااااااااالص هيغيب من شغله او من دراسته

 

الكل هيخاف يتعاقب

 

!!!!!!!!!!!!!!!!!!

[نسيم الفجر 2]

):

 

لا يغير الله ما بقوم حتى يغيروا ما بأنفسهم

[قلب ينبض بحب الله ورسوله 1]

):

 

لا يغير الله ما بقوم حتى يغيروا ما بأنفسهم

 

 

فعلاً اختي الكريمة :lol: :lol:

[أم أنس السلفية 2]

السلام عليكم ورحمة الله وبركاته،،

مصر اصبحت كالفرن النووى الذى قريب الانفجار واصبح العيش فيها مستحيل

 

 

لا حول ولا قوة الا بالله

 

وهذا من البلاء الذى اصبنا بيه لضعفنا ولقلة ايماننا

 

 

طول ما هى دولة بتحكم بغير شرع الله ورضتت بحكم اليهود والنصارى على حكم الله

يمكن اعتقدوا انهم اعدل واحكم من الله والعياذ بالله

 

ولاحول ولا قوة الا بالله

 

طول ما هى دولة بتسمى الدين تطرف وارهاب فكيف تحيى حياة الكرام

 

 

طول ما هى دولة تصرف الملايين على الراقصات والفنانين والفن والاعبين

وتترك المساجد للتبرعات والجهود الذاتية

 

فكيف تنتصر

 

 

والله لقد رايتع هذا الحلم تقربيا فى منامى وكانت رؤيا والله اعلم منذ شهرين تقربيا وههى تتحق

 

 

وانتظروا بذان الله ما اكثر من ذلك

 

 

 

لن تتطهر الارض الا بشرع الله

 

 

 

 

ولا حول ولا قوة الا بالله

[قلب ينبض بحب الله ورسوله 1]

جزاكي الله كل خير اختنا الكريمة ام أنس

 

لا حول ولا قوة إلا بالله

 

ده حال كل الدول الإسلامية والعرب مع الأسف أختي

 

الإحتلال جعل هم الناس كله لقمة العيش

 

وبعدوهم عن الدين بكل الطرق والمغريات

 

وكل من قاوم تيار التغريب سُمي إرهابي ومتطرف

 

ولن يصلح حال البلاد إلى بحصول صدمة قوية تحركهم زي صدمات الكهربا عشان يفوقوا من الغيبوبة دي

 

ربنا يستر

[فتاة التوحيد1 1]

 

السلام عليكم ورحمة الله وبركاتة

 

نعم تلك هى مطالبنا

 

ولكن هل سنجد آذان صاغية لها ................. نأمل ذالك .

 

مشكورة حبيبتى على النشر .

[شجرة التوت 1]

السلام عليكم ورحمة الله وبركاته

 

بارك الله فيكى حبيبتى الغالية

قلب ينبض بحب الله ورسوله

 

 

وعلى فكرة أنا لسة عارفة الموضوع ده فى الشغل النهاردة

 

بس للأسف مش هينفع ما أروحش الشغل اليوم ده لأنى بشتغل فى مدرسة خاصة

 

والأولاد دول ملهومش ذنب لأن الإمتحانات قربت والمناهج طويلة

 

بس أنا برده إن شاء الله هشارك معاكم بإنى مش هشترى حاجة خالص فى اليوم ده وهحاول أخدها مشى للمدرسة

 

وعلى فكرة أنا نبهت على الأولاد فى المدرسة إنهم يجيبوا أكلهم من بيتهم وميشتروش حاجة خالص من برة

 

والله المستعان ، ولك الله يا وطنى الغالى

تم تعديل 3 أبريل, 2008 بواسطة شجرة التوت

[كافورا 0]

إنا لله وإنا إليه راجعون

 

حسبنا الله ونعم الوكيل

 

بصراحه مش عارفه أقول إيه؟

 

الدنيا فى مصر ولعت فعلا

 

نفسى أعرف ليه؟ إيه اللى حصل؟

 

هل يعقل فى يوم وليله؟

 

يقفز ثمن العدس الأصفر : أكل الغلابه؛ إلى10جنيه

 

زجاجه الزيت (سمن الغلابه) إلى 11جنيه وطالع حسب نوع الزيت

 

الأرز إلى 4جنيه

 

المكرونه العاديه إلى 5جنيه

 

المكرونه الممتازه إلى 8جنيه

 

 

وووووووووووووووووووووووووووووووووووووووووووووووووووووووووووووووووو

 

 

 

حسبنا الله ونعم الوكيل

 

 

ولكن هل نحن العرب والمصريون نحسن سياسه الأضراب؟

 

 

هل لدينا ثقافه الأحتجاجات؟

 

 

الحقيقه المره أننا نتقن سياسه الخوف من الأعتقالات والحديد والنار

 

وهذا هو رد فعل الحكومه على الأضراب و الأحتجاج

 

 

والله المستعان

[* أم الرحيق * 0]

ماتروحشي الشغل

ماتروحشي الجامعه

ماتروحشي المدرسة

ماتفتحشي المحل

ماتفتحشي الصيدليه

ماتروحشي القسم

ماتروحشي المعسكرأختي الحبيبة

هل فكرتي في معنى هذه الكلمات؟؟

الطالب لا يذهب لدراسته

الصيدلي لا يذهب لصيدليته

ومن يكون لمريض يحتاج لدواء عاجل

والطالب يضيع يوم من دراسته

أخواتي الحبيبات دعونا نفكر قليلا فيما سيحدث بسبب هذا

هل سيحل فعلا ما نحن فيه؟؟

الحل في تغير الامة هي تغيير انفسنا اولا

البائع يجب ان يعلم ان الله يراقبه

الموظف

الطبيب

من يمسكون حكوماتنا

كلهم سيتغيروا بطرق اخرى غير ما سيحدث من اضراب ضرره على الشعب اعظم من فائدته

اعتذر عن الاطالة

وعن ردي ان عارضته احداكن

لكن هذا رأيي احببت ان انقله لكن

والسلام عليكم ورحمة الله وبركاته

أحبكن في الله

[*أمة الودود* 0]

اللهم ارفع الغلاء والبلاء عن مصر

والله الناس هنا غلابه اوى

الناس بقت بتكلم نفسها

الله المستعان

[habibaosa 0]

السلام عليكم ورحمة الله وبركاته‘‘

 

و الله يا Rasha عندك حقٌٌٌٌٌٌ

 

 

لانه فى النهايه يوم واحد لن يؤثر و لن يغير من الأمر شئ

 

حسبنا الله و نعم الوكيل

[قلب ينبض بحب الله ورسوله 1]

اخواتي الكريما جزاكن الله كل خير على تفاعلكن ومشاركتكن في الموضوع

 

والله يا يا جماعه انا نفسي مش عارفة إيه الحل؟؟؟

 

البلد على وشك الإنفجار

 

وأنا أحترم كل الآراء

 

ولا داعي لإعتذار أختي رشا

 

في أساسيات ماينفعش فيها الإضراب زي المستشفيات

 

لكن لازم يكون فيه وقفه

 

لكن أعتقد إن أغلب الناس هتخاف على لقمة عيشها ومش هتغيب

 

ربنا يستر