الخبز البلدى المصرى

[a_raafat 0]

جايبلكم انهارده طريقة الخبز البلدى المصرى

وانا متأكده انكم لو جربتوه هاتكلوا صوابعكم وراه

 

 

المقادير

3 كوب دقيق اسمر

1/2 كوب دقيق ابيض

2ملعقه خميره جافه(فوريه)

1 ملعقة سكر

1 ملعقة ملح

كوب ماء (أو على اد ماتاخد العجينه)

 

 

الطريقة

 

 

نخلط ملعقة السكر مع الخميره مع ربع كوب ماءونتركها جانبا

ننخل الدقيق الاسمر والابيض

نخلط الدقيق مع الملح ونقلبه

يكون فات على زوبان الخميره حوالى 10إلى 15 دقيقه

هنلاقيها اترفعت نحطها على الدقيق ونقلبها كويس

وبعدين نحط الميه شويه بشويه مع العجن المستمر

لغاية ماتصبح غير ملتصقه بايد

نظل نعجن فيها حوالى 15 دقيقه او اكتر شويه

لغاية ماتبقى ناعمه وطرية

نغطيها كويس ونسيبها ساعه على الاقل علشان تخمر

وبعد ماتخمر هنلاقييها ذادت جدا وتضاعفت

نفرش طاوله بالرده ونقطع العجينه عليها كور بحجم البرتقاله

اوعلى حسب ماتريدوا

وبعد مانخلص تقطيع نسيبها ترتاح 10دقايق

وبعدين نبتدى نفرد الكور بالنشابه بداية من اول كوره تم تقطيعها

والفرد برضو يكون على الرده

نفردها بسمك 1/2سنتيمتر او اقل على حسب الرغبه

بحيث لا تزيد عن 1/2 سم

وبعد ماننتهى من فرد الكور كلها نتركها ترتاح 1/2ساعه

فى الوقت ده نولع الفرن ويسخن على درجة حراره عاليه جدا

حوالى 280درجه مئويه

واما الفرن يوصل لدرجة الحراره المطلوبه

نشيل الارغفه برفق ونخبزهم فى الفرن حوالى 5 دقائق للرغيف

مع ملاحظتهم بعد وضع الرغيف بحوالى دقيقتين

لو كان يحتاج الفرن لتعديل درجة الحرارهوتكونى مشغله الفرن والشوايه معا

وبعد مايطلع يغطى بقطعة قماش الى الانتهاء من الخبز

ثم يوضع فى كيس بلاستيك لحفظه طريا

وبالف هنا وشفا

[أمـ الســعد 4]

جزاك الله خيرا .... سلمت يداك.

[هبة الله14 78]

جزاك ربي كل الخير أختي a_raafat

اكيد رح ناكل صوابعنا وراهم لانه الخبز المصري مشهور كتير بروعة طعمه ومذاقه

[a_raafat 0]

مشكورين جميعا على المرور

[*لقاء* 1]

تسلمين اختى الحبيبة

 

ان شاء الله اجربه واقوللك النتيجة

[*أمة الودود* 0]

تسلمى على الطريقه

[omou mossab 2]

جزاك الله خيرا اختي

[قلب منكسر 0]

تسلم الايادي بارك الله فيكي اختي

.

[a_raafat 0]

بارك الله فى مروركم يااخواتى

[ملآكـ الوفآ 0]

يعطيك العافيه