الحقونى عندى عزومه 17 يوم

[سفيرة الاسلام 0]

السلام عليكم ورحمة الله وبركاته،،

 

 

حبيباتى الفاضلات لا تستغربن انا فعلا عندى عزومه لكن ليست ليوم واحد وانما لمده 17 يوم

 

ولا تقلقن هذة العزومه لن تبدا الا يوم 13-6 حيث انى ان شاء الله سابدء بتجهيزات فرح اخت زوجى

 

ولانها تقيم عندنا منذ 4 سنوات فهى ستتزوج وتخرج من عندنا وعليها سيقام الفرح وعقد القران لدينا

 

وعليها سيذهب زوجى الى البلد يحضر خالتاه الاثنتين ومعهما بناتهن واولادهن وهيجلسو عندنا من 13 -6 الى 3 -7

 

حيث يقام الفرح بعد الانتهاء من الامتحانات

 

وانا محتاسه مش عارفه اجهز اكل ايه وهعمل البسكويت وكحك العروسه ازاى وهعمل الفطير ازاى وفوق هذا كله الضيوف المقيمين فى المنزل فترة الاعدادت

 

طبعا اخواتى هيسعدونى لكن انا عايزه اعرف اعمل ازاى الاكل وهاحضر ايه

 

لانى كما تعرفون اراعى امى ولا اتركها قبل نصف اليوم فماذا اجهز

 

المطلوب احضر كام فرخه

 

كام كيلو لحمه ---- وكام كيلو رز -- وكام كيلومن انواع الخضار وما هى الانواع التى لا تتحمل الصيف وحرة

 

هعمل الكحك ازاى -- والفطير ازاى وقد ايه -- وهل ممكن اجهز فى او 6 على اساس انه لا احتاس حين يهل الوفد

 

معلش احبائى انا عرضت عليكم الامر لانها اخت زوجى ولا اجد ترحيب من اخواتى فى المساعدة لابداء الراى

 

كمان كل ما يتكلموا يقولو كفايه جهزتيها

 

والحقيقه انهايتيمه وانا لا اريد ان اكسر خاطرها

 

واريد ان اعمل لها الدنيا كلها لكن محتاسه فانا ام للعروسه لاول مرة ولا اجد ترحيب من اخواتى

 

اعتقد انى احتاج دراسة جدوى اشكركم وانتظر ردكم فانا امامى وقت متسع لاعمل حسا بى ولا تقلقن انا

 

مجهزة المال الذىيكفينى واكثر والحمد لله ربنا فارجها على وشها

[أم آدم المصرية 0]

,,,,

تم تعديل 31 مايو, 2008 بواسطة أم آدم المصرية

[أم آدم المصرية 0]

,,,,,,,,,,,

تم تعديل 31 مايو, 2008 بواسطة أم آدم المصرية

[omou mossab 2]

السلام عليكم ورحمة الله وبركاته،،

حبيبتي ربنا معاك

بس الكحك والفطير ده مش لازم تعمليه لما يكونو معاك

احتاسي لوحدك احسن

وفي الاكل متخافيش عادي

كما قلت الغالية ام ادم قولي كم من شخص ان شاء الله

 

الحلويات كما قلت لك حضريها قبل الوقت ممكن اخر الشهر القادم تبدئي ومتخافيش لانو كحك ومش كيكة يعني يصبر وميفسدش حطيه في وعاء وغطيه*ــ^

 

 

 

المقادير

1 كيلو دقيق + ربع م ص ملح ناعم + 2 ونصف كوب سمن + حوالى 20 جرام خميرة بيرة + م ك بكنج بودر + حوالى ثلاث ارباع الكوب ماء او حليب ويفضل حليب + م ص سمسم + فانيليا + رائحة الكعك + سكر بودرة للوجة + الحشو عجوة او مكسرات او عجمية

 

الطريقة

ينخل الدقيق والملح والبودر فى وعاء العجن نعمل حفرة بالوسط

نقدح السمن جيدا ثم يصب ثلاث ارباعة فى الحفرة ويقلب بلملعقة الخشبية حتى تهدء الحرارة

تفرك او تبس السمنة فى الدقيق براحتة اليدين وذلك لتغليف المادة الدهنية بالدقيق فلا يحتاج الى كمية كبيرة من الماء او الحليب تذاب الخميرة فى الماء الدافئ او الحليب الدافئ ويعجن بالماء او الحليب تدريجيا لنحصل على عجينة يابسة ملساء متجانسة تغطى وتترك لتتخمر حوالى ساعة

ثم يضاف باقى السمن السائح الدافئ على العجينة ويقلب فى العجينة حتى تتشربة وتكتسب الطراوة ويسهل نقشها

يقطع قطع متساوية فى حجم عين الجمل وتحشى من الوسط بالعجمية او المكسرات او العجوة حسب الرغبة يجب الا يزيد حجمها عن 1 سم وهذا يساعد على نضجها من الداخل

تنقش بمنقاش الكعك وترص بالصاج لتختمر او تشكل بقالب الكعك

تخبز بعد التخمر فى الفرن متوسط الحرارة حتى يصفر لونها يترك ليبرد ويرفع باحتراس يرش بالسكر الناعم ويحفظ فى علبة التقديم

 

 

طريقة العجمية

2 ملعقة كبيرة سمن + 2 ملعقة كبيرة دقيق + 1 كوب عسل ابيض + ملعقة صغيرة سمسم + فانيليا او رائحة الكعك

 

الطريقة

يسخن السمن فى وعاء منحدر الجوانب ويضاف الية الدقيق مع التقليب بملعقة خشبية حتى يصفر لونة خفيفا يضاف السمسم ويقلب ويبعد الاناء عن النار

يضاف العسل الابيض تدريجيا مع التقليب الجيد يعاد الخليط الى النار الهادئة جدا مع التقليب المستمر حتى يغلظ خفيفا يبعد عن النار سريعا حتى لا يتجمد

تضاف الفانيليا او رائحة الكعك وتترك تبرد ثم تشكل كور صغيرة بعدد الكعك

[omou mossab 2]

فطيرة التفاح والتمر

المحتويات

30 غرام زبده اوزيت نباتي

2 ملعقة طعام سكر ناعم جدا

فنجان ونصف (225 غم) دقيق بالخميره

2 ماعقة طعام بودرة الكاسترد

ثلث فنجان من الحليب القليل الدسم

 

صلصة الحشوه

4 تفاحات كبيرة الحجم مقشره ومقطعه

فنجان عصير تفاح

نصف ملعقه صغيره من القرفه الناعمه

ملعقة طعام سكر ناعم

10 حبات تمر مقطع

ملعقة طعام دقيق ذره(نشا)

ملعقة طعام ماء

 

الطريقه

غلفي وعاء القالب بالزيت النباتي

امزجي السكر والزبده والدقيق وبودرة الكاسترد ثم اضيفي الحليب واعجنيها ثم ادخليها الثلاجه لمدة 30 دقيقه

مدي العجين على شكل فطيره داخل الوعاء المدهون وضعيها في الفرن لمدة15 دقيقه

امزجي التفاح مع العصيروالقرفه واغلي المزيج قليلا قبل اضافة التمر ودقيق الذره والماء

ضعي مزيج الفاكهه فوق الفطيره المخبوزه ويقدم

 

بودينج التفاح

مدة التحضير 30 دقيقه

مدة الطبخ 40 دقيقه

المحتويات

مقدار فنجانين من التفاح المطهو بالغلي البطيء

نصف ليمونه مبروشه

ملعقتين طعام سكر اسمر

ربع فنجان تمر مفروم ناعم

ربع فنجان زبيب

صلصة التوبينغ

60 غم مرجرين خفيف

نصف فنجان دقيق

نصف فنجان نخاله

ملعقتين طعام سكر اسمر

ماعقه صغيره توابل

ربع فنجان لوز مفروم

 

الطريقه

يمزج التفاح مع برش الحامض والسكر والفاكهه المجففه قبل وضعه في وعاء الفطيره

تفرك المرجرين بالدقيق فركا جيدا

يضاف اليه النخاله والسكروالتوابل

يغلف مزيج التفاح بمزيج النخاله ثم يرش باللوز

يطبخ البودينج في الفرن على درجة 180 قبل ان يقدم ساخنا مع البوظه القليلة الدسم او اللبن قليل الدسم

[omou mossab 2]

بسكوت الحمص

 

المقادير

 

2/1 4 كوب دقيق حمص

2/1 1 كوب سكر بودرة

2 ملعقة كبيرة حبهان مطحون

2/1 كوب سمن

2/1 كوب زيت

(بندق- فستق- لوز) للتزيين

شربات (قطر)

 

الطريقة

 

- يُخلط دقيق الحمص و سكر البودرة و الحبهان في وعاء العجن .

- يُسخن السمن و يُضاف السمن الساخن و الزيت إلى خليط الدقيق مع الخلط بملعقة خشبية حتى يتكون عجين لين وناعم.

- يُترك العجين لمدة ساعتين حتى يتماسك .

- يُفرد على كاونتر و يكون بسُمك 1 سنتيمتر و تُقطع باستخدام قطاعه بالأشكال المرغوب فيها ، وترص في صينية على مسافات متباعدة حتى لا تلتصق عند الخبز.

- تُغمس حبات المكسرات في القطر (الشربات) و توضع في وسط كل وحدة مع الضغط الخفيف عليها.

- تُخبز في فرن درجة حرارته 180 درجة مئوية لمدة 15 – 20 دقيقة.

- تُترك لتبرد تماما، ثم ترص في طبق التقديم و ممكن أن يُرش بسكر البودرة للتزيين.

 

 

 

 

بسكويت اللوز

 

½ ك دقيق

½ ك دقيق لوز

¼ 1 ك سكر بودرة

2 بياض بيض

½ م/ص هال

½ م/ص بشر برتقال

 

 

خفق بياض البيض مع إضافة السكر.

إضافة دقيق ا للوز والدقيق والهال وبشر البرتقال مع الاستمرار في الخفق.

وضع العجينة في كيس حلواني وتشكيله على صاج.

وضعه في الفرن لمدة 12 دقيقة تحت درجة حرارة 180ْ.

[omou mossab 2]

بتى فور ناعم

 

1 و 1/4 كيلو دقيق

3/4 كيلو زبدة

1/4 كيلو سكر بودرة

4 بيضات كاملة + صفار 4 بيضات

فانيليا

ربع معلقة بيكنج بودر

الطريقة

نضرب الزبدة كويس جدا لحد ماتنعم

ثم يضاف لها السكرونستمر فى الضرب لحد ماتبيض

يضاف البيض والفانيليا الى الزبدة والسكروتدعك جيدا جدا

بإستعمال اليد نعجن بالدقيق المضاف له البيكنج بودر

نشكل البيتي فوربالقمع على هيئة وردات مدورة او وردات بالطول

او بالماكينة ويخبز في الحال

-لو أردنا عمل بيتي فور بالكاكاو نضيف للدقيق2 ملعقة كاكاو

و ننقص 2ملعقة دقيق منه

بعد ما يطلع ويبرد نزوقة بأفكار كتير زى مثلا نلزق

واحدة الشيكولاته مع واحدة بيضاء او نلزق كل اتنين ابيض مع

بعض ونزوقهم بالشيكولاتة السايحة او نلزق اتنين بالشيكولاتة ونزوقهم

بالشيكولاتة البيضاء

 

أصابع البتى فور

 

2 كوب دقيق - كوب سكر

أصبع زبده 113ج

نص ملعقة صغيرة بيكنج بودر

بيضتان - ملعقتان شوكولاتة بودرة

مربى – فستق مطحون للزينة

الطريقة

ينخل الدقيق والبيكنج بودر

-يخفق السكر والزبده حتى يصبح مثل الكريمة

-يضاف البيض للخليط السابق ويخلط

-تضع المقادير الجافة وتعجن

وتقسم العجينة إلى قسمين

ثم تضع على قسم الشوكولاته والقسم الآخر سادة

تشكل بماكينة البسكويت او بالقمع على هيئة أصابع

وتخبز فى فرن هادى حتى تحمر من الأسفل

بعد أن تبرد الأصابع يؤخذ أصبع سادة

ويدهن بالمربى ويلصق فيه أصبع الشوكولاته

ويضع على الأطراف الفستق المفروم

 

المقادير

نصف كوب زيت

نصف كوب زبدة جامدة

5 ملاعق سكر

5 ملاعق نشاء

بيضة واحدة

ملعقة كبيرة بيكنج باودر

كوب دقيق أو أكثر حسب العجينة

 

 

الطريقة

ناخذ جميع المقادير ماعدا الدقيق والبيكنج باودر، تخلط مع البعض جيدا حتى تذوب الزبدة بين يديك.

نضع الدقيق مع البيكنج باودر وتعجن جيدا.

تترك لترتاح لمدة 10 دقائق.

تفرد العجينة بالعصا ونأخد أى نوع من القوالب ونرسم على العجينة ونضعها فى الطجين تم فى الفرن وتاكلوا بالهناء.

 

مقادير تانيه

المقادير

ـــــــــــــــــــ

- 1 كوب دقيق.

- 1\2 كوب زبدة ( مش سمن ) .اصبع زبدة )

- 1\4 كوب سكر .

- 1\4 م.ص. باكنج بودر.

- 1 بيضة + فانيليا أو( صفار 2 بيضة ) .

 

الطريقة

ـــــــــــــــــــ

- تضرب الزبدة مع السكر جيدا حتى يبيض لونها و تصبح هشة.

- يضاف البيض و تخفقي جيدا.

- أخيرا يضاف الدقيق و الباكنج بودر و اعجني بالأيدي .

- تشكل العجينة بالماكينة الخاصة و ترص في صينية مع ترك مسافات بين كل واحدة و التانية .

- تخبز في الفرن 180 درجة مئوية.

- لك الاختيار اما تتركيها كما هي أو تلصق كل اتنين بالمربى أو العسل الأبيض و تجمل بالشيكولاتة السايحة و الفستق المجروش.

 

وهذا بالسمن

المقادير:

6 ك دقيق

2.5ك سمن

0.75 ك سكر بودرة

3 بيض

3 م ص بيكنج بودر

فانيليا وكاكاو

 

الطريقة:

يضرب السكر مع السمن حتى يصبح كالكريمة ثم يضاف البيض والفانيليا ثم الدقيق مع البيكنج بودر بالتريج ويشكل ويخبز فى فرن متوسط الحرارة

[omou mossab 2]

بسكويت بالشيكولاتة(من غير بيض)

 

6 معالق كبيرة دقيق – 4 معالق زبدة – 2 معلقة كاكاو – 3 معالق سكر

فانيليا

الطريقة

نضرب السكر والزبدة والفانيليا كويس لحد ما يبيض

نضع الكاكاو على الدقيق ونضيفة على الزبدة والسكر

لحد ماتتكون عندك عجينة متماسكة

نفردها بالنشابة ونقطعها بالقطاعة بالشكل اللى بتحبية

او على هيئة اشكال لاولادك وممكن نقطعه دوائر ونضع بندقة

فى نص كل دائرة

ندهن الصينية بالسمن ونرشها دقيق ( زى الكيكة)

ونرصص البسكويت فى الصينية فى فرن متوسط الحرارة

[أم آدم المصرية 0]

,,,,

تم تعديل 31 مايو, 2008 بواسطة أم آدم المصرية

[أم آدم المصرية 0]

,,,,,,,,,,,,

تم تعديل 31 مايو, 2008 بواسطة أم آدم المصرية

[omou mossab 2]

كما قلت الغالية ام ادم قولي كم من شخص ان شاء الله

 

يعلي من مقدارك ومراتبك ياغالية ياأم مصعب

ويحبب فيكِ خلقه كمان وكمان

 

:biggrin:

الله يبارك فيكي حبيبتي :biggrin:

 

اختي سفيرة الاسلام جبتلك كمان حلويات وانت اختاري تعملي ايه من الان عشان متحتاسيش اخر دقيقة وعندي فكرة بالنسبة لللحم لو تاخذي خروف و20 فرخة اضن انو يتكلفلك احسن وتقولي للجزار يقسملك الخروف قطع متوسطة الحجم وانت تحطي في اكياس على اعداجكم مثال كل كيس تحطي فيه 10قطع او لا ادري عدد الاشخاص وتحطيهم في الثلاجة وكل يوم تاخذي كيس *ــ^

والفراح تاخذيهم مو كبار متوسطين وصغار وتقسمي الصغار على اثنين والمتوسطين على 4

ونشوف راي الاخوات ان شاء الله *ــ^

 

*سابليه

 

المقادير:

½ ك زبدة

¾ ك سكر بودرة

1 بيض مخفوق

¼ 2 ك دقيق

 

الطريقة:

عجن جميع المقادير مع بعضها في العجانة حتى تتماسك.

فرد العجينة وتشكيلها حسب الرغبة (دوائر، قولوب، نجمات، طيور، ... حسب ذوقك) و وضعها في صاج مدهون بالزيت و مبطن بورق المطبخ الأبيض

ثم وضعها في فرن حرارته 180 ْ لمدة 15 دقيقة.

 

 

*بسكويت السكر

 

المقادير:

3/2 1 ك دقيق

½ ك زبدة

2 صفار بيض

¼ ك سكر ناعم

فانيليا

 

الطريقة:

نخل الدقيق مع إضافة الزبدة، ثم عجنهما باليد.

خفق صفار البيض مع الفانيليا وإضافته على الدقيق والزبدة.

إضافة السكر الناعم مع الاستمرار في العجن حتى تتمازج العجينة.

فرد العجينة وتشكيلها حسب الرغبة (دوائر، قولوب، نجمات، طيور، ... حسب ذوقك)

و وضعها في صاج مدهون بالزيت و مبطن بورق المطبخ الأبيض

ثم وضعها في فرن حرارته 180 ْ لمدة 10 دقيقة.

 

*بسكويت مادلين بالشيكولاته

 

المقادير:

6 م/ك دقيق

2 م/ك كاكاو

½ م/ص بيكنع باودر

¼ ك سكر بودرة

1 بيض

½ م/ص فانيليا

2 م/ص ماء

4 م/ك زبدة

سكر بودرة للتزيين

 

الطريقة:

خفق الزبدة مع السكر.

إضافة البيض مع الاستمرار في الخفق.

خلط الدقيق مع الكاكاو والبيكنع باودر والفانيليا، ثم إضافته على البيض والسكر.

خلط العجينة حتى تتماسك، ووضعه في كيس حلواني.

ووضعه في قوالب، ثم وضعة في الفرن تحت درجة حرارة 180 ْ لمدة 10 دقائق.

 

*بسكويت بالسمسم

 

المقادير:

½ 1 ك زبدة

½ 4 ك سكر ناعم

2 صفار

½ 1 م/ك ماء زهر

¾ ك لوز مطحون

¾ 3 ك دقيق

½ 1 م/ص بيكنع باودر

 

الطريقة:

خفق الزبدة مع إضافة السكر.

إضافة صفار البيض تدريجياً مع الاستمرار في الخفق.

إضافة الدقيق مع باقي المقادير تدريجياً والاستمرار في الخفق.

فرد العجينة وتشكيلها حسب الرغبة (دوائر، قولوب، نجمات، طيور، ... حسب ذوقك)

و وضعها في صاج مدهون بالزيت و مبطن بورق المطبخ الأبيض

تزيينها بالمكسرات أو السمسم.

إدخالها في الفرن تحت درجة 180ْ لمدة 15- 20 دقيقة.

 

*بتي فور

 

المقادير

كوب زبدة لينة 1

كوب سكر 4/3

ملعقة صغيرة فانليا 2/1

بيضة 1

كوب دقيق 2/1 2

ملعقة صغيرة بيكينج باودر 2/1

ملعقة صغيرة كاكاو لتلوين العجين 1

 

الطريقة:

-تُخفق الزبدة جيداً حتى يبيض لونها، ثم يضاف السكر والبيضة والفانليا ويخفق الخليط جيداً.

-يُخلط الدقيق والبيكنج باودر، ثم يضاف تدريجيا إلى خليط الزبد حتى تتجانس جميع المواد وتشكل على هيئة كرة وتترك لترتاح قليلا في الثلاجة.

- يقسم العجين إلى جزئين، يعجن جزء ببودرة الكاكاو ويترك الآخر كما هو.

-يُمد كل جزء من العجين على شكل اسطوانة.

- تلصق كل اسطوانة بالأخرى بالضغط الخفيف، وتقطع إلى قطعا صغيرة.

- ترص في صاج مدهون وتخبز في فرن حرارته 325 درجة فهرنهيت لمدة 15 دقيقة.

 

:wub: :wub:

[ام حلا 6]

ربنا يرزقك الصبر و الثبات و اعملي كل شئ لله تعالى و احتسبي الاجر و الثواب عند الله تعالى

[أم آدم المصرية 0]

,,,,,,,,,,,,

تم تعديل 31 مايو, 2008 بواسطة أم آدم المصرية

[سفيرة الاسلام 0]

بسم الله الرحمن الرحيم

 

 

معلش اتاخرت عليكم لانى اليوم الجمعه والعيال واخده الكمبيوتر

 

ربنا يخليكو ليا يارب حبيباتى الغاليات ام ادم و ام مصعب وام حلا

 

اما بالنسبه للعدد لغايه دلوقتى انا عارفه انهم 8 لكن حكايه الاولاد لا اعرف لانى هو هيروح يجيبهم ولا اعرف مين هيزيد عليهم

 

اما بخصوص اقتراحك للخروف ممتاز وجارى الاتفاق

 

والفراخ عايزة اعرف ممكن اجيبها اطباق والا من مجزر والا من حد يربى

وكمان عاوزاكو تعرفو ان الاكل ده هسحب منه طوال فترة وجود الوفد عندنا

 

لذلك انا الى الان لم اعمل حساب يوم الفرح

داخل فى ذلك يوم كتب الكتاب ويوم الحنه ويوم التنجيد لانى سيكون هناك زوار كتير غير الموجودين عندنا يعنى اقاربى انا المقيمين فى القاهرة

 

كمان هى عاوزة فطيربلدى بالذبده والسمن البلدى فقط

 

معلش انا عارفه انى تعبتكو من التفكير معايا لكن والله محتاسه

وكل مكلم حد يقولى لو امها موجوده مش هتعمل كدة اعملى على قدك وانا اخشى ان قصرت يقولوا اصلها مرات اخوها مش امها

 

ولا اريد ان احسسهابيتمها لكن انا هعمل ما يرضى الله وما كنا نفعله لاى واحده منا تزوجت عند ابى

 

اما عن البسكويت هكتب الطريقه ويارب تطلع حلوة وانا فعلا ناويه اعمل لوحدى انا وهى واختها حتى لا نسمع تبكيت من احد

 

فساعدونى فى اعداد اسهل الطرق

انا تعبتكوا لكن ليس لى بعد الله غيركم وانا ارتاح لمشاوراتكم

[سفيرة الاسلام 0]

بسم الله الرحمن الرحيم

 

على فكر ة انا ان شاء الله هعمل الطرق ديه فى كيلو واحد غدا كتجربه لعل الله يعيننى وانجزها بسلام

 

اعذرونى لانى لا اعرف حتى كيف اعمل كيكه

 

بس يعنى ايه دقيق حمص -- مرجرين خفيف -- الهال -- نخاله

 

معلش انا عمرى ما بعرف فى الحلويات لكن هتعلم منكن حبيباتى وانا غلطتى انى لم ادخل قسم الطيبات لاتعلم

 

فجاء ما يجبرنى على التعلم ولله الحمد

تم تعديل 18 أبريل, 2008 بواسطة سفيرة الاسلام

[أم آدم المصرية 0]

,,,,,,,,,,,

تم تعديل 31 مايو, 2008 بواسطة أم آدم المصرية

[omou mossab 2]

السلام عليكم ورحمة الله وبركاته،،

دقيق حمص هو الحمص لما نحمرو في الفرن ونرحيه-روحي للعطار قوليلو دقيق حمص وهو حيديلك-

-- مرجرين خفيف =مرغرين=زبدة خفيفة للمرطبات والحلويات

-- الهال =حب الهال او حب الهان ~يمكن الاستغناء عنه~

-- نخاله=دقيق الذرة -وهي موجوده عند العطار-.

 

بارك الله فيكي حبيبتي ام ادم

بس ارى انو من الواجب ان تفعلي فراخ محمرة عند وجود الضيوف لانهم مش جايين ليوم واحد^ــ*

فدائما اطبخي طبق مغذي وكبير ومو حاجات ناشفة او جافة زي الفراخ المحمرة...

فاعملي ارز بالفراخ قصي فيه الفراخ ارباع وكل واحد ربع مو لازم كل واحد نص فرخة *،*

او معكرونة باللحم بردو كل واحد طرف من اللحم متوسط الحجم

نحن هكذا نفعل بصراحة

ويوم نوعي واعملي بيتزات -سهلة جدا اعدادها متخافيش-مع بطاطا مقلية وسلطة ارز -كلو بالتونة-البيتزات والسلطة

ويوم اعملي ملوخية

لازم تفكري في الفرح وفي الحنة وو

عشان كده متحتاسيش في الاقارب وتنسي الضيوف

خلي كل شيء عادي وفي ايام الفرح تلاقي نفسك معاكي حاجة

 

نرجع ويوم افرمي اللحم بالبقدونس والبصل والبهارات وكوريه واعمليه في مرق به ارباع بطاطا و ارباع طماطم وفلفل و شرائح بصل ورشي فوقو بقدونس وبصل مفرومين واعملي جنبو ارز

 

وده حلو اوي للعائلات مع شربة وسلطة خضراء

 

لحم خروف او دجاج -حسب الرغبة

8 بيضات

بيضتين مسلوقتين

100غ جبن مرحي اي مبشور

نصف ربطة معدنوس-بقدونس

 

قليل من الكركم

1 بصل

بهارات

نصف كاس زيت

2 بطاطا

50غ جلبانة اي بازيلا مسلوقة

الطريقة:

يقطع الحم مكعبات صغيرة ويتبل بنصف ملعقة قهوة ملح والكركم والتابل وكروية ويقطع البصل رقيق ويقلى الخليط في الزيت عند الإحمرار نضيف الماء ويترك يطهى

في هذه الأثناء تقطع البطاطا مربعات صغيرة ذات حجم 1 صم وتقلى في الزيت

عند نضج اللحم ويوضع في وعاء نضيف إليه المعدنوس المقطع صغير جدا والبطاطا المقلية والجلبانه(البازيلا)المسلوقة والبيضتين المسلوقتين طبعا بعد تقطيعها مكعبات صغيرة والجبن

ثم افقسي 8 بيضات ويخلط الكل

في هذا الوقت تكوني قد فتحتي الفرن وتقومي بدهن الطبق وتسكبين الخليط وتدخليه فرن متوسط الحرارة

وعند ادخال السكين فيه واخراجه جاف يعني تمام نضج

 

ممكن تعملي شعيرية بهذه الطريقة

يعني بالصلصة الحمراء لذيذة جدا وتكفي العائلات

 

 

 

500غ دويدا وهي الشعيرية الصغيرة

4 افخاذ الدجاج

1 بصلة

1 سن ثوم

3 م ك زيت زيتون

1 م ص معجون طماطم مركز

10 صل من مرق الدجاج او اللحم

1 م ص زعتر جاف

1 م ص اكليل

ملح

فلفل اسود

2 بطاطا (اختياري)

نصف فنجان حمص منقوع في الماء لمدة لا تقل عن 12 ساعة (اختياري)

 

قطعي البصل و الثوم

سخني الزيت وقليهم فيه

اضيفي الزعتر و الاكليل

ثم ضعي فوقهم افخاذ الدجاج وقلبيها على الجنبين لتحمر مدة 10 دقايق

اذيبي مركز معجون الطماطم في مرق اللحم او الدجاج ثم اسقي به خليط الدجاج والاعشاب

قطعي حبتي البطاطا الى نصفين واضيفهم الى المرقة مع الحمص واتركي الكل يطهى لمدة ساعة على نار هادئة

خذي الدويدا او الشعيرية وافركيها بقليل من الزيت والماء

وضعيها على طنجرة البخار من فوق لتطبخ بالبخار لمده 20 دقيقة

ثم اسقي الدويدا المفورة اي المطبوخة على البخار واخليطيها بالمرقة جيدا

ثم ضعيها في طبق وزينيه بقطع الدجاج والبطاطا والحمص

 

 

ان شاء الله مع الاخوات نعطيكي 17 طبق عشان تكتبيهم وترتاحي ^ــ^

[سفيرة الاسلام 0]

بسم الله الرحمن الرحيم

 

جميله قوى الطرق ديه وسهله فى التحضير

 

ربنا يخليكو لى وكما قالت ام مصعب الحبيبه نحن ناكل ربع فرخه فقط وكمان طريق المكرونه ديه جميله وعندنا شبيه لكن باللحم المفروم والعصاج

 

اسمها عندنا باشمل ولكن طريقتك سهله وبسيطه وجديده لانى لا استعمل البطاطا الا مشويه هكذا فقط ناكلها لكن طريقتك جديده وانا احب تجربتها

 

ويارب يارب اعملها تطلع حلوة

 

وكمان طريقت الشعريه انا بحب الشعريه جدا وشكل الاكله جميل ورهيب فتحت نفسى لعملها واكلها

 

ولكن لى استفسار هل ممكن الرجوع لهذه الصفحه وقتما شئت

 

ربنا ما يحرمنى منكوا اليكم هذة الباقه يارب تعجبكم

[omou mossab 2]

السلام عليكم ورحمة الله وبركاته،،

طبعا حبيبتي وقتما تشائين تدخلي الطيبات وتبحثي على موضوعك هذا ^ــ*

نعم الشعيرية بجد رائعة بهذه الطريقة انا دائما اعملها وتطلع روعة ^ــ*

ربنا يكون في عونك

وان شاء الله الاخوات يفيدوك ويعطوك اطباق سهلة ومصرية لاني لا اعرف اطباق مصرية^ــ*

[سفيرة الاسلام 0]

السلام عليكم ورحمة الله وبركاته،،

 

 

ربنا ما يحرمنى منكو يارب

[أم فرح و حسين 0]

وعليكم السلام ورحمة الله وبركاته،،

 

ربنا يجازيك كل خير يا غالية

 

شوفي يا ستي, أنا هديكي شوية اقتراحات عشان طبخات كل يوم في فترة العزومة

 

ممكنتعملي فتة لحمة, رز أبيض و صلصة طماطم بالخل و التوم, و لحمة ضاني, جميييييلة و بتشبع هههه

 

مكرونة بيشاميل و معاها بوفتيك و باني و بطاطس ويدجز

 

وصفة البطاطس الويدجز: بطاطس على حسب العدد و الحاجة, مقطعة بالطول, يعني البطاطساية تقسميها على 4 أو 6 بالطول

 

تغسليها و تحطيها في كيس بلاستيك, و عليها معلقتين أو 3 زيت, سيبيها على جنب

 

في طبق, تحطي بودرة توم,و بقسماط ناعم, و مكعبين دجاج ماجي, و زعتر ناشف, تقلبيهم كويس و تصبي الخلطة على البطاطس في الكيس

 

ترجيها كويس, و تدخلي الخلطة في البطاطس كويس, و تسيبيها ربع ساعة تشرب الخلطة و تحضري صينية مدهونة زيت, ترصي البطاطس

 

و تدخليها الفرن, و بالهنا و الشفا

 

ممكن تعملي يوم محاشي, فلفل و كوسة و بيذنجان و بطاطس, و معاهم شربة لسان عصفور

 

يوم تاني تعملي عكاوي ههههه صينية بلسان العصفور, جميييييييلة, لو عايزة الوصفة أجيبهالك من عند حماتي

 

رز و بطاطس و فراخ اكلة سهلة و محبوبة من الجميع

 

ممكن يوم بحري ههههههه سمك مشوي و مقلي و صيادية, المشوي و المقلي جيبيه جاهز أحسن و الصيادية اعمليها في البيت

 

 

ان شاء الله لو الاقتراحات عجبوكي, قوليلي و انا تحت أمرك يا جميل

[أم آدم المصرية 0]

,,,,,,,,

,

تم تعديل 31 مايو, 2008 بواسطة أم آدم المصرية

[omou mossab 2]

الله يسلمك ام ادم ^ــ^

لا ملوش لازمة يفطرو ويتعشو

هههههههههههههههههه

 

 

نور نورتي الموضوع ^ــ^

[سفيرة الاسلام 0]

السلام عليكم ورحمة الله وبركاته،،

 

ايه النور ده كله والله افحمتمونى وخلتونى اضع فى بطنى بطيخه صيفى وما عدت احمل هم

 

وصفاتكم سهله وكمان ميسرة وانا ان شاء الله ساتبعها

 

معلش شيلتكو ا همى ربنا ما يحرمنى منكوا

[سفيرة الاسلام 0]

السلام عليكم ورحمة الله وبركاته،،

 

 

بالنسبه للفطار والعشاء سهل لانى عندنا الفطار بسيط يعنى فول وطعميه وجبنه ولانشون ولبن

 

اما العشاء بيكون وجبات خفيفه يعنى بطاطس همبرجر مثلا فطير وجبنه فطير وعسل يعنى حاجات من هذا القبيل