بالله عليكم ردوا عليا

[وماالصبر إلا بالله 0]

السلام عليكم

بالله عليكن ردوا عليا ضرورى

انا المفروض جوازى كان على شهر 7 وكنت بنزل اشوف الفستان والكوافير وكده

وقبل ماانزل اشوف قلتلوا ايه ظروفك لان الحاجات دى بتبقى عليه فقاللى هاتى اللى انتى عايزاه

بقالى شهر بنزل وكل ماانزل اقوله شفت كذا بسعر كذا علشان اعرفه اول باول

ويقولى ملكيش دعوه بالسعر انا قولتلك هاتى اللى انتى عايزاه

قولتله خلاص نزلت امبارح وحجزت الفستان والكوافير

ورجعت فرحانه وقولتله وحسيت انه مضايق فقلتله فى ايه قلتله السعر مش عجبك قاللى عادى

قلتله لو مش عجبك الغيه ولما تنزل نجيب سوا قاللى لا متلغيش

جه انهارده قاللى انتى مبتحسيش خالص ومش حسه بيا وانا حصلى ظروف

قولتله ايه الظروف قاللى لا مش هقولك

قولتلو المفروض انك كنت تقولى من الاول انا قصدى من قبل ماانزل والله

قاللى انتى بتعايرينى قولتلو ايه الكلام ده ازاى تقول كده

قولتله خلاص مش عايزه حاجه وهلغي كل حاجه وانسى قاللى بصى انا هقولك ظروفى

انا هجيب كذا ومش هجيب غير السعر اللى يريحنى حتى الشبكه مش هجيب غير شبكه اد كده

رديت قولتله ولا يهمك انا مش فارقه معايا

رد عليا قاللى فكرى وقولى

وحصلت مشكله كبيره جدااا بينا ووصلنا اننا هنسيب بعض

انا اضايقت بجد ومش عارفه اعمل ايه؟

[ويبـا 39]

السلام عليكم ورحمة الله وبركاته

 

لماذا يا غليتى تضعين زواجك فى كفة وأختلافك مع خطيبك على سبب لايذكر فى كفة أخرى

 

أعلم أنه قال لك جيبى اللى أنت عايزه

 

ولكن لماذا التغالى؟

 

البركة فى القليل وليس الكثير

 

أستغفرى الله أخيتى أن هذا شيطان دخل بينكما ليفرقكم

 

ما أجمل المرأة وأعقلها حين تتخطى وتغفر

 

أستعينى باللع وعليك بالدعاء

 

وإذا قال لن أحضر إلا فستان بكذا أو شبكة بكذأ

 

قولى له أنا راضية

 

وأعلمى أن هذا رزق قد كتبه الله لك

 

اللهم يا الله أكرم أختنا وجمعها بخطيبها على خير

 

واتتم عليها عقدها وزواجها

[أم مريم ومحمد ومعاذ 5]

السلام عليكم ورحمة الله وبركاته،،

بارك الله لكما واصلح الحال ان شاء الله

شوفى هو بس كان نفسه انك تاخدي بالك من غير ما هو يتكلم

لان ساعات الرجل لو تكلم فى المديات وضعفه من تلك الناحية

بيمثل ده ضغط معين عليه وبيحسسه انه عاجز او ضعيف والاحساس ده صعب جدا على الرجل تحمله

فيكون من باب اولى انه يحس ان اللى معاه حاسة بيه وعاوزة توفر من غير

ما تعرفيه انك بتوفري لانه موش قادر لا لانك انتى اللى موش بتحبي المبالغة او المصروفات الكتير

ولو انتى بس اعذريه لانه مشدود شوية وشوفى انا واخواتى عملنا فكرة اعتقد انها طيبة كنا بنتنازل عن الشبكة للزوج بس هو يجيب بيها متطلبات تكون ناقصة لينا احنا الاتنين زي التلاجة او حجرة او اشياء اخري

ممكن تجيبيى بس نص الشبكة والباقي تشوفو بيه اللازم

ويار يتمم بخير

تم تعديل 26 مايو, 2008 بواسطة أم مريم ومحمد ومعاذ

[ام الاشبال 3]

ان شاء الله يحصلك كل الخير

 

بس المهم انه فعلا تكون ظروفه اتغيرت وكلنا معرضين لكده

 

ميكنش بيتلكك يا اختى اقعدى معاه واعرفى بالضبط ايه اللى غير الظروف

 

والمفروض ان العلاقه الزوجيه قايمه على الصراحه

 

ابقى طمنينا

ربنا يروق بالك

[(سجى الليل) 65]

اخيتى يجب ان تفكرى جيدا

اذا كانت تلك فقط المشكله انا لا مشكله

الرسول صلى الله عليه وسلم قال(اكثر الزواج بركه اقلهن مهورا)

فلو كنتو متفقين فى التفكير وكان انسان ملتزم وعلى خلق فلا تضيعى الفرصه على سبب تافه

وان كنتى ترين انه فبه عيب آخر غير ذلك ففكرى جيدا ثم قررى

هداكى الله الى الخير

[أمّ عبد الله 2428]

وعليكم السلام ورحمة الله وبركاته،،

حيّاك ِالله وبيّاكِ أختي الحبيبة

وإنّه لبُسعدنا مشاركتكِ إيانـا مت يؤرقكِ ونسأل الله أن نكون خير عونٍ لكِ .

هذه مشكلة عابرة أختي الحبيبة وأسأل الله أن يسهلها عليكِ وعلى زوجكِ وتجتازا هذه المرحلة على خير.

فهناك مشاكل عديدة تحصل بين الزوجين في مرحلة التجهيز للزواج .

عليك ِأن تتفهمي الظروف التي يمر بها زوجك شوهو أكيد لا يريد مضايقتكِ بها حتى لا يُشغلكِ .

لكن حاولي التخفيف عنه ، فمتطلبات الزواج كثيرة وتتطلب مصاريف باهظة والله المستعان .

فاسعي إلى الإقتصاد بقدر استطاعتكِ وتخلي عن الأشياء الكمالية مراعاة لظروفكِ زوجكِ ياحبيبة ..

اطلعي على هذا الموضوع أكرمكِ الباري

https://akhawat.islamway.net/forum/index.ph...=80106&st=0

نسأل الله أن ييسر لكِ أمر زواجكِ ويجمع بينك وبين زوجكِ في القريب العاجل

وفقكِ الله وسدد خطاكِ ياحبيبة ..

[أمّ عبد الله 2428]

أختي الحبيبة anoosh بالنسبة للحديث الذي ذكرته فهذا تخريجه

 

 

22064 - ليؤمكم أحسنكم وجها فإنه أحرى أن يكون أحسنكم خلقا ، وقال : وقوا بأموالكم عن أعراضكم وليصانع أحدكم بلسانه عن دينه ، وقال رسول الله صلى الله عليه وسلم : خير نساء أمتي أصبحهن وجوها وأقلهن مهورا ، وقال : لا تنفع الصنيعة إلا عند ذي حسب ودين كما لا تنفع الرياضة إلا في النجيب

الراوي: عائشة - خلاصة الدرجة: منكر المتن - المحدث: ابن عدي - المصدر: الكامل في الضعفاء - الصفحة أو الرقم: 3/238

 

 

--------------------------------------------------------------------------------

 

134577 - خير نساء أمتي أصبحهن وجوها وأقلهن مهورا

الراوي: عائشة - خلاصة الدرجة: [فيه] حسين الطبراني ، والحمل عليه - المحدث: ابن القيسراني - المصدر: ذخيرة الحفاظ - الصفحة أو الرقم: 3/1306

 

 

--------------------------------------------------------------------------------

 

216354 - خير النساء أحسنهن وجوها وأرخصهن مهورا

الراوي: - - خلاصة الدرجة: [لم أجد له إسنادا] - المحدث: السبكي (الابن) - المصدر: طبقات الشافعية الكبرى - الصفحة أو الرقم: 6/310

 

 

--------------------------------------------------------------------------------

 

124041 - خير النساء أصبحهن وجوها ، وأقلهن مهورا

الراوي: عائشة - خلاصة الدرجة: [فيه] الحسين بن المبارك الطبراني قال ابن عدي أحاديثه مناكير وهي يسيرة - المحدث: ابن حجر العسقلاني - المصدر: لسان الميزان - الصفحة أو الرقم: 3/209

 

 

--------------------------------------------------------------------------------

 

97983 - خير نساء أمتي أصبحهن وجها ، و أقلهن مهورا

الراوي: عائشة - خلاصة الدرجة: موضوع - المحدث: الألباني - المصدر: السلسلة الضعيفة - الصفحة أو الرقم: 1197

[حبيبة87 3]

حبيبتى هونى عليكى فالامر لايستحق غاليتى

 

عمر الزواج الجيد ما يبنى بالفلوس والمهر العالى وكل الكلام ده

 

انا عارفة يا حبيبتى حسن نيتك وخوفك على انك رهقيه ماديا وعلشان كده سألتيه

 

لكن ياقلبى الرجل غير المرأة الوضع مختلف وخصوصا فى الخطوبة صعب انه يتكلم فى الماديات

 

فحبيبتى نصيحة دايما ابحثى عن ماهو معقول سعره وجميل شكله

 

ان كان معاه اكتر لن يبخل عليكى بيه

 

وصدقينى هيقدر جدا ده منك

 

أسألى مجرب

 

ربنا يوفقك ياقلبى لما فيه الخير

 

أحبك فى الله

[أم عمر78 0]

السلام عليكم

هوني عليك حبيبتي فالأمر كله بيد الله

أنا متفقة مع الأخوات فيما ذكروه لكن أردت أن أقول لك

إن شعرت و لو بنسبة واحد في المائة من عدم الإرتياح

إعطي لنفسك فرصة و تريتي و فكري جيدا و أهم شئ

استخيري الله عزوجل فهم أعلم بعباده ثم اجلسي مع خطيبك

لأني لم أجد أنك أخطأت في حقه بل بالعكس هو الذي غير

رأيه من قوله اشتري ما شئت إلى قوله أنت لا تراعين

ظروفه و لنفترض أنك أخطأت فالأمور لا تعالج بتلك الطريقة

خاصة و أنكم في فترة يكون فيها الزوج أكثر تفهما و مراعاة

لمشاعرها و يبدل كل ما في وسعه من أجل أن يسعدها

لازم تستخيري الله

[وماالصبر إلا بالله 0]

للاسف ان المشكله دى بقالها تقريبا اسبوعين وبعدها بعت مشاركه تانيه وموضوع جديد لسه منزلش

لكن انا دلوقتى اشتريت العفش فى حدود ظروفه والله ومبسطش للعجبنى زى مابسيط لظروفه

حتى انه تقريبا مش عايز يجيب شبكه

انتم عارفين انا بضايق ليه ان بحس انه بيستخسر فيا ويصرف ويجيب موبايل احدث حاجه

وفرح احسن حاجه وكتب الكتاب عايز يعمله فى مكان كويس

بس يجى على حاجه يشتريها زى الدهب ممكن اصلا ينساها

دى حاجه بتضايقنى جدااااااااا وانه بيسمع كلام بابا جداا

انا مخنوقه وحسه انى مش عايزه اجوز وانى كده افضل ومش فرحانه لاى حااااااااااجه خااااالص

حتى مش بحس بلهفة انى اشوفه زى الاول

[امنيتى الجنة 0]

السلام عليكم ورحمة الله وبركاته،،

لا اله الا الله حبيبتى المسلئل دى عادى بتحصل دايما لان فترة ترتيبات الزواج بتبفى متلخبطة استغقري الله وان شاء الله تتحل متزعليش

[وماالصبر إلا بالله 0]

انا فسخت خطوبتى بس لسه بينى وبينه بس وهقول لماما وبابا

بعد ماجبنا الاثاث وكل حاجه عاااااارفين السبب ايه انا هجنن

بقوله احنا عايزين نجيب فى الشقه شوية براويز قران واباجورات واضاءه وورود وكده

قاللى هو انتى لسه مجبتيش الحاجات دى ده انتى المفروض تجيبى كمان كنسول للشقه اللى بيتحط فى المدخل

قلتله دى حاجه مش علينا وانا مش عايزه ارهق ماما وبابا حتى لو هما عايزين يجيبولى انا هقولهم كفايه

وبعدين لما نكمل اساسيات الشقه هما متكلفين كتيير قاللى بصراحه انا زهقت من كلامك ومنك ومن مامتك وباباكى

ايه الاسلوب ده وصلنا لكده خلاااااااص قلتله ربنا يوفقك بس صدقنى مش هقدر اكمل بعد الكلام ده

[ام عمورى 0]

اختي هبة وفقكي الله

 

 

خدي بالك اوي منه لو شايفه انه بخيل وانه معاه اوعي تتجوزيه لان البخل ده شيئ فظيع مش هتقدري تغيري منه

 

مادام بيجيب احدث موبيل ومعاه وبيصرف علي نفسه

 

 

استخيري كتير وما تسمحلوش ابدا يغلط فيكي ولا في باباكي ومامتك

 

 

وبعدين الاتفاقات دي بتكون مع باباكي الشبكة والجهاز ومتفقين كويس

 

ما ينفعشي يرجع في كلامه معاكي يقعد مع باباكي لو حصله ظروف وهو كويس ممكن باباكي يتنازل

 

لكن يرجع في كلامه استخسار يبقي تستخيري وتحكي لبابا وماما علي كل حاجة

 

وتدعي ربنا يوفقك للزوج الصالح

[وماالصبر إلا بالله 0]

انا حكيت لماما حالا بس نفسيتى تعبانه جداا مش عارفه اعمل ايه

[وماالصبر إلا بالله 0]

بالله عليكم اللى يدخل يساعدنى يقولى اعمل ايه

[أم مريم ومحمد ومعاذ 5]

السلام عليكم ورحمة الله وبركاته،،

استهدي بالله

وتوكلة عليه ولن يضيعك

واصلح الله لكى الحال

[ويبـا 39]

السلام عليكم ورحمة الله وبركاته،،

 

إذا كان هذا الحال قبل الزواج فما بالك ببعد الزواج

 

لا تتسرعى أختى إذا كنت غير مرتاحة فلا تندمى على تركك إياه

 

المهم أن تكون الحياة سعيدة حتى لو لم تتزوجى الان

 

أدعى الله دوما أن يرزقك الزوج الصالح

[ام عمورى 0]

هقولك حاجة ياهبة علشان نفسيتك ترتاح جدااااااااااااااااااااااااا

 

انا عايزاكي تبقي متاكدة تماما ان زوجك مكتوبلك عند ربنا مهما حصل لو هو زوجك هتجوزيه وما تشليش اي هم

 

 

انا عارفه تغير نفسيتك من كونك مستعدة للزواج لمشاكل

 

ولكن كل المشاكل دي بتحصل في الفترة دي بس زي ما قولتلك لازم تاخدي بالك من موضوع الحرص او البخل

 

وتدعي وتخلي ايمانك قوي انا حصلتلي مشاكل كتيرررررررررررررررر في زواجي وكنت دايما واثقة انه لو زوجي هاخده فده كان مخليني مرتاحة وطلع زوجي وخدته فعلا

 

نصيبك هتاخديه ما تقلقيش وعسي ان تكرهوا شيئا وهو خير لكم

 

انتي ما تعرفيش ايه الحكمة من كدا وكوني واثقة ان ربنا ييسرلك الخير

 

بس انتي كوني دايما قريبة من الله هتلاقي ربنا معاكي في السراء والضراء

 

نفسي اكون خففت عنك بكلامي ده

 

ربنا يسرلك الخير ويطمنا عليكي

[ياسمين الجنة 0]

السلام عليكم ورحمة الله وبركاته

لن أجد أجمل ولا أدفئ من هذه الكلمات

رأى إبراهيم بن أدهم رجلا مهموما

: فقال له

 

أيها الرجل إني أسألك عن ثلاث تجيبني؟؟

قال الرجل : نعم

 

 

فقال له إبراهيم بن أدهم

أيجري في هذا الكون شئ لا يريده الله؟ -

 

قال : كلا

 

 

قال إبراهيم

أفينقص من رزقك شئ قدره الله لك؟ -

قال : لا

 

 

 

قال إبراهيم

 

أفينقص من أجلك لحظة كتبها الله -

في الحياة ؟

قال : كلا

 

فقال له إبراهيم بن أدهم

فعلام الهم إذن؟؟

 

اللهم فرج كرب أخواتي يا رب

[وماالصبر إلا بالله 0]

جزاكم الله خيرا على هذه الكلمات ادعولىىىىىىىىى

[ام حلا 6]

ربنا يوفقك و يريح بالك و يهديك لما هو خير

[الساجده لله 0]

السلام عليكم ورحمه الله وبركاته

اختى الحبيبه هبه اذا اخذت القرار لاتندمى على مافاتك لان فى الندم نقصان للعقل وان كنت متألمه لما حدث فحمد لله ان حدث هذا الخلاف قبل ان تتزوجى وتنكشف لك عيوب ه بعد ذلك وان لم يحترم والديك قبل الزواج ويقدرهما لن يحترمك انت بعد الزواج وأخلف الله لك الزوج الصالح وعوضك الله خيرا وهدىء الله نفسك وأسكن فيها الطمأنينه والهدوء والسكون وأقتربى من الله وأستخريه دائما قبل الاقدام على شىء واللهم ارح قلبها

[ساميه محمد 0]

ربنا معاكي

 

وييسر لك امورك

[باحثة عن الأمان 0]

حبيبتي هبه كتبتلك رد من اول مشكلتك لكن للأسف لسه مكتشفه دلوقتي انه متبعتش

الله المستعان

المهم ساعتها كنت بقولك فكري تاني لأن الأخ ده تصرفاته متريحش وشكله اما بخيل واما بيتلكك عشان يفسخ الخطوبه

والحمدلله انك سبتيه دلوقتي

تخيلي بعد الجواز كان هيبقي تصرفاته عامله ازاي

واوعي نفسيتك تتعب ولا تضايقي نفسك

تزعلي ليه؟

فيه حد لما ربنا ينجيه من الوقوع في بير يزعل وقول يا خسارة؟؟

حبيبة قلبي ربنا بيحبك لأنه هو اللي خلقك وهو احن عليكي من ابوك وامك والناس اجمعين

فاوعي تضايقي من قدر الله لأنه دايما خير

اهم حاجه تتعلمي من اللي فات عشان حياتك اللي جايه

ولما تختاري اخ بعد كده لازم يكون اخلاق ودين والاخلاق قبل الالتزام كمان

عمره ساعتها ان شاء الله ما يضايقيك او يظلمك

اعذريني يا حبيبتي اتكلمت كتير

بس انتي اختي وانا خايفة عليكي

بحبك في الله

[Umm Misara 0]

بنتى الغاليه

كل هدا يحدث ؤليس هناك عقد زواج!! اتركي الامر لابويك واستخيري الله. هذا الانسان ليس محرم لك. الصحيح ان ابا ك هو الذي يتفاهم معه في هذه الأمور.