اذهبي الى المحتوى
هبة 82

لكل من تفكر فى النقاب أدخلى فورا

المشاركات التي تم ترشيحها

السلام عليكم ورحمة الله وبركاته

 

بسم الله الرحمن الرحيم

 

 

جزاكِ الله كل الخير

ولككككككككككككككن

ماذا أقول لمن يقولون

أنني تجاوزت ال 40

وأن جمالي ليس ملفتا للنظر

بالرغم من أنني أرغب بارتداؤه

ولا أجد التشجيع ولا حتى من

أهلي ووووووووووووو زوجي

سامحهم الله

 

أختى غفرانك ورحمتك إلهنا جزاك الله خيرا ورزقك الله الحجاب الشرعى وثبتك على طاعته

 

هو إحنا ليه بنلبس النقاب ؟؟؟؟؟؟؟؟؟؟؟ علشان إحنا حلوين ؟؟؟؟ حتى لو كنا قبل سن الأربعين ؟؟ لا ليس هذا هو السبب

 

 

إنما السبب هو طاعة لله عز وجل الذى قال لنبيه صلى الله عليه وسلم (يا أيها النبى قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين.....) (الأحزاب)

بغض النظر عن السن والشكل وإذا كانت متزوجة أو لا

 

والغريب أنه إذا كنت صغيرة ما دون الأربعين وحبيتى تنتقبى ........ الناس تقول ........ لية دة انتى لسة صغيرة

ولما تكبرى......... يقولوا لية نقاب خلاص بقيتى من القواعد

 

سن 40 مش كبيرة أوى بالعكس دة سن العقل والاتزان............ وليس من القواعد من تصل إلى ال 40 حتى تضع حجابها

شارك هذه المشاركه


رابط المشاركه
شارك

وعليكم السلام ورحمة الله وبركاته

حبيبتى heba_fathy82 انتى ردودك اسلوبها جميل بتجعلنى ابتسم بإذن الله

بس اوعى تفكرى انى مكشره وكده لا ، الحمـــد لله

ما شاء الله لا قوة إلا بالله جميل ربنا يجعله فى ميزان حسناتك

 

اقتدى بامهات المؤمنين .

وارتدى النقاب توكلى على الله ومتقوليش لما أتجوز وهو اللى يجبهولى ، لما اخلص كليه ، لما ........... لالالا مفيش كده

علشان احنا مش عارفين احنا هنموت امتى

وعلى فكره اللى بتنتقب ما شاء الله وجهها بيبيض اكتر وكمان بتقى نفسها من الفتن وبتقى غيرها ـ بإذن الله ـ

 

انما بقى تلاقى اللى مش منتقبه اللى مش عايزه تنتقب وجهها بيسود و الله المستعان

 

وعلى فكره فى الشيطان بيوسوسلها ويقولها ايه احنا دلوقتى فى الصيف يعنى هتتحرى وتتخنقى استنى بس للشتاء وإلبسيه {قُلْ نَارُ جَهَنَّمَ أَشَدُّ حَرًّا لَّوْ كَانُوا يَفْقَهُونَ} (81) سورة التوبة

ساعتها اغلبيه واستعيذى بالله من الشيطان الرجيم وتوكلى على الله وإلبسيه حتى لو لاقيتى نفسك اتحريتى واتخنقتى استحملى ولك الاجر ان شاء الله

ويظلك الله فى ظله يوم لا ظل إلا ظله ـ بإذنه تعالى ـ

ربنا انعم علينا كثيرا نشكره ونعبده ونطيعه ونصبر من اجل ان ننال رضا الله علينا وان يرزقنا الجنه بفضله ورحمته

والامهات اللى بتخاف على بنتها لما نتتقب بتخاف لا متتزوجش لا متخافيش لان ده رزق وربنا سبحانه وتعالى هو الرزاق وهيا مكتوبلها هتتجوز مين وكده

والازواج الصالحه بتدور على الزوجات الصالحات اللى هما منتقبات عفيفات كده انما لو سبتيها تتجوز الاوول وبعدين تنتقب ممكن تلاقى اللى بيجيلها

مش ملتزمين اوى مش ملتحيين ، الله اعلم

 

 

انما بقى تلاقى اللى مش منتقبه اللى مش عايزه تنتقب وجهها بيسود و الله المستعان

 

"كذلك كنتم من قبل فمنّ الله عليكم فتبينوا"

 

هو فيه ايه بالزبط ؟؟ هو ايه اللي وجهها بيسود

 

يا اختي اتقي الله و ما تقوليش كده ..

 

سبحان الله ! ادعي لكل متبرجة بالحجاب الشرعي و خلاص ..

 

ما تفتريش حاجة علي غيرك .. و ما تدعيش حاجة ما حصلتش ..

 

اينعم دائما الصالحين المتقين يجعل الله لهم نورا و تحسي بان عليهم هيبة و وقار

 

لكن ده مش معناه ان كل واحدة مش مغطية وشها حتبقي من اللي وجوههم تسود

 

ممكن تلاقي واحدة كاشفة ايديها و وشها لكن بتتقي الله و لبسها مطابق للشروط الشرعية و نقاصها النقاب ..

 

و حتي يا ستي لو لبسها فيه تبرج .. ايه المشكلة ؟؟ إنك لن تهدي ممن أحببت و لكن الله يهدي من يشاء ..

 

ربنا يبيض وجوهنا جميعا و ربنا يهدينا للصواب اجمعين و يرنا الحق حقا و يرزقنا اتباعه

 

ارجوكي يا اختي اتقي الله و رفقا بالمذنبين و لينا بالعاصين

 

و ان كان الله منّ عليكِ بالنقاب فلا تجعلي ذلك يجعل في قلبك و لو نقطة كبر

 

ليس العبرة بمن سبق و لكن العبرة بممن ثبت

 

مش يمكن الاخت اللي لبست النقاب تقلعه .. مش قلوبنا بين ايدين ربنا يقلبها كيف يشاء ..

 

ادعي ربنا الثبات في الدنيا و في القبر و في الآخرة ..

 

علي فكرة جملتك ده كبيرة اوي اوي و بجد ضايقتني جدا ..

 

و مثل هذه الجمل هي اللي بتنفر البنات في الحجاب و النقاب و تجعلهم يـتـفـنـون في التبرج ..

 

بلاش الغلظة و يا ريت بقي تحسو شوية ان في ناس اقل منكو في الدين بتضايق من طريقة حواركم و بتنفروها منكو

 

قال تعالى : { ولا تمش في الأرض مرحا إنك لن تخرق الأرض ولن تبلغ الجبال طولا كل ذلك كان سيئه عند ربك مكروها ذلك مما أوحى إليك ربك من الحكمة ولا تجعل مع الله إلها آخر فتلقى في جهنم ملوما مدحورا } .

 

 

فياريت ما تحسوش كل اللي يقرا الموضوع انكو من اولياء الله الصالحين !

 

لي عودة في موضوع منفصل ..

تم تعديل بواسطة ضعي بصمتك

شارك هذه المشاركه


رابط المشاركه
شارك

####

 

تم الحذف بواسطتي لانه مكرر

تم تعديل بواسطة ضعي بصمتك

شارك هذه المشاركه


رابط المشاركه
شارك

بسم الله ما شاء الله عليكى اختى الحبيبة

 

انا الحمد لله لبست النقاب

 

بس حقولك عن نفسى

 

انا كمنت لابسه الاسدال وطرحه كبيره مع الاسدال

وبعدين يوم ما خلصت الامتحانات على طول

كنت اتمنى البس النقاب ولازم البسها بجد علشان ربنا سبحانه وتعالى

 

بجد النقاب جميل اوى وينور وجهى ويدى كمان وكل شىء ينور فى الجنة

 

بس الحمد لله ابى موافق وامى كمان واما اهلنا مش موافقين وهما حرين وانا ماليش دعوه بيهم بسبب حرام اللى هما تقولولى كدا

لانى سمعتى الشيخ محمد حسين يعقوب وهو بيقول حرام اللى حد يقولهم لا مش تلبسى النقاب حرام بجد يا بنات .......

 

انا الحمد لله على كل شىء ولبست النقاب من يوم 20/6/ 20087

تعرفوا يا بنات انا كنت برفع النقاب وانا فى البيت وفى اى مكان عند اهلى وهما بيقولولى ما شاء الله وجهك نور اوى يا حبيبتى

علشان كدا النقاب جميل اوووووووووووووووى

عقبالكن يا حبيباتى فى الله وانى احبكن فى الله

شارك هذه المشاركه


رابط المشاركه
شارك

بسم الله الرحمن الرحيم

 

 

 

 

جزاكي الله خيرا حبيبتي

 

 

و جعله الله عز و جل في ميزان حسناتك

22.bmp

تم تعديل بواسطة الهو تي

شارك هذه المشاركه


رابط المشاركه
شارك

اختى ضعى بصمتك حياكِ الله

أسأل الله العظيم أن يجعلنا من المتقين

لم اقصد بـ [ وجهها بيسود ] لم اقصد بالآيه

{يَوْمَ تَبْيَضُّ وُجُوهٌ وَتَسْوَدُّ وُجُوهٌ فَأَمَّا الَّذِينَ اسْوَدَّتْ وُجُوهُهُمْ أَكْفَرْتُم بَعْدَ إِيمَانِكُمْ فَذُوقُواْ الْعَذَابَ بِمَا كُنْتُمْ تَكْفُرُونَ} (106) سورة آل عمران

انما قصدى وجهها بيبقى غامق من الشمس

علشان لما كانت اختى وامى منتقبتين وانا لسه كنت لاقياهم ما شاء الله انما كنت مش منتقبه متعرضه للشمس ووجهى بيبقى غامق شويه

ده اللى قصدى عليه .

ــ مقدرش احكم على أحد ان دول من اللى تسود وجوههم لانى لا أعلم

(

الله سبحانه وتعالى هو الذي يعلم
)

ولست أتكبر ولا أحب الكبر أصلا ، وبدعى وبقول رب أسألك رضاك والجنة وأعوذ بك من الكبر والرياء

ـ لا أحب الكبر ـ

{يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ } (12) سورة الحجرات

اصل هتكبر على ايه !!! ربنا سبحانه وتعالى هو الذى هدانا

الحمد لله الذى هدانا لهذا وما كنا لنهتدى لولا أن هدانا الله ـ الحمد لله الذى بنعمته تتم الصالحات

وانا مقصرة وكلنا مقصرين ربنا يسامحنا ويعفو عنا والنعم اللى بنكون فيها انما أنعم الله علينا بها وده بيكون فضلا من الله ونعمة

انتى ممكن تكونى أحسن منى عند ربنا سبحانه وتعالى ـ الله أعلم ـ

أسأل الله العظيم أن يجعلنا من الذين يحبهم ويحبونه

وبحبكم كمان فى الله واتمنى لكم الخير وان يرضى الله عنا جميعا

لا تظنى انى اتكبر على اللى مش منتقبه او مش ملتزمه بالعكس مش بتكبر عليهم ، بحب لهم الخير وبخاف عليهم

اللهم يا مقلب القلوب جدد الايمان فى قلوبنا وثبت قلوبنا على الايمان وارزقنا حسن الخاتمة

على فكره بدعى الدعاء ده وبالجمع والحمد لله

علي فكرة جملتك ده كبيرة اوي اوي و بجد ضايقتني جدا ..

حبيبتى فهمتى الجمله غلط انا لم اقصد ما فهمتيه

انتى جعلتينى ابكى ، احزن كثيرا عندما يتهمنى احد بشيء لا يحبه الله وانا مفييش الشيء ده

 

الحمد لله على كل حال

ومع ذلك اطلب منك ان تسامحينى

فياريت ما تحسوش كل اللي يقرا الموضوع انكو من اولياء الله الصالحين !

الله أعلم ـ أسأل الله ان يدخلنا برحمته فى عباده الصالحين

{إِنَّ اللَّهَ عَالِمُ غَيْبِ السَّمَاوَاتِ وَالْأَرْضِ إِنَّهُ عَلِيمٌ بِذَاتِ الصُّدُورِ} (38) سورة فاطر

 

أسأل الله العظيم ان يرزقنا جميعا بنات المسلمين ونساءهم بارتداء الحجاب الشرعى الذى يرضى الله عز وجل ... آميـن

أسأل الله العظيم ان يرزقنا جميعا بنات المسلمين ونساءهم بارتداء الحجاب الشرعى الذى يرضى الله عز وجل ... آميـن

أسأل الله العظيم ان يرزقنا جميعا بنات المسلمين ونساءهم بارتداء الحجاب الشرعى الذى يرضى الله عز وجل ... آميـن

 

 

لا إله إلا أنت سبحانك إنى كنت من الظالمين

سبحانك اللهم وبحمدك أشهد أن لا إله إلا أنت أستغفرك وأتوب إليك .

تم تعديل بواسطة سارة محمد المصريه

شارك هذه المشاركه


رابط المشاركه
شارك

7asal so2 tfahom

2na bas fe elkolya we da5la mn elmobile we sa3b awy 2akteb 3araby

2allahoma 2ameen

شارك هذه المشاركه


رابط المشاركه
شارك
انما قصدى وجهها بيبقى غامق من الشمس

الكلمة المتدراجة للشخص اللي وشه بيتعرض للشمس هي بيسمر .. مش بيسود

 

عموما حصل سوء تفاهم و انا لا اتهمك بالكبر

 

انا كان كلامي عموما في حكاية التكبر ده

 

و عذرا علي حدة الكلام مع اني مش شايفاه حاد لدرجة انه يخليكي تعيطي !

 

لكن واجب عليه احترام مشاعرك و عذرا ان كنت ضايقتك

شارك هذه المشاركه


رابط المشاركه
شارك

السلام عليكم ورحمة الله وبركاته

جزاكى الله خيرا اختى على طرحك لهذا الموضع فهو شاغلنى جداااااا

انا بقى أوقات يبقى نفسى ألبسه وأوقات بقول لاء مش هالبسه

وأهلى مش هايرفضوا هم مش مرحبين بالفكرة لكن مش هايرفضوا ان شاء الله

بس المشكله فيا انا انى عايزة اشتغل وبحب اخرج وبحب اروح عند اقربائى انا بتخنق قوى من الجلوس فى المنزل بس انا نفسى اخد قرار فى الموضوع ده

انا اكتر سبب عايزه البس النقاب علشانه انى مش عارف البس زى احس انه شرعى وغير متبرج مش عارفه اعمل ايه عايزه اسمع تعليقاتكوا وادعولى

شارك هذه المشاركه


رابط المشاركه
شارك
الكلمة المتدراجة للشخص اللي وشه بيتعرض للشمس هي بيسمر .. مش بيسود

ايوة لما كتبت الجمله دى مكنش فى دماغى ان حد يفكرها بمعنى تانى

وكمان كنت ناسيه اكتبها بيسمر

و قدّر الله وما شاء فعل ـ كنت بس بقول فائدة من فوائد النقاب والنقاب له فوايد كثيرة

وحتى لو مفيش فوايد فى الدنيا احنا نطيع ربنا سبحانه وتعالى

عموما حصل سوء تفاهم و انا لا اتهمك بالكبر

 

انا كان كلامي عموما في حكاية التكبر ده

 

و عذرا علي حدة الكلام مع اني مش شايفاه حاد لدرجة انه يخليكي تعيطي !

 

لكن واجب عليه احترام مشاعرك و عذرا ان كنت ضايقتك

كلمة [ اتق الله ] جامده ونسأل الله ان يجعلنا من المتقين

ولو قرئتى كلامك تلاقى انك موجه لى الكلام

ارجوكي يا اختي اتقي الله و رفقا بالمذنبين و لينا بالعاصين

 

و ان كان الله منّ عليكِ بالنقاب فلا تجعلي ذلك يجعل في قلبك و لو نقطة كبر

 

ليس العبرة بمن سبق و لكن العبرة بممن ثبت

و شايفه ان معظم الاخوات بيبقوا خايفين على بعضهم وينصحوهم بالنقاب

مش شايفه منهم تكبر ـ الله أعلم ـ

قلت انى بحزن كثيرا عندما يتهمنى احد بشىء لا يحبه الله وده بيخلينى ابكى

اطلب منكِ ان نصلح الامور بيننا

شارك هذه المشاركه


رابط المشاركه
شارك

وعليكم السلام ورحمة الله وبركاته

حياكِ الله اختى سهى

توكلى على الله واستعينى بالله وإلبسيه

معظم الشغل بيكون فيه اختلاط وكثرة خروج من البيت وفتن

قال تعالى {وَقَرْنَ فِي بُيُوتِكُنَّ } (33) سورة الأحزاب

اقتدى بزوجات الرسول " صلى الله عليه وسلم "

المجاهدين بيتركوا اموالهم وزوجاتهم واولادهم ويروحوا يجاهدوا علشان ينالوا الشهادة

والجنة ورضا ربنا سبحانه وتعالى

( :

احنا منتبعش الهوى منفكرش فى اللى هيحصل توكلى على الله وإلبسيه وان ربنا يرضى عنك

فكرى فى الاخره وقدمنا ايه لغد

{يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ } (18) سورة الحشر

تم تعديل بواسطة سارة محمد المصريه

شارك هذه المشاركه


رابط المشاركه
شارك

سارة الامور لم تنكسر بيننا حتي نصلحها ...

 

انا قلت ان لي عودة في موضوع منفصل اوضح فيه الكثير من الامور الواقعية التي ربما دفعتني إلي الحدة في الكلام ..

 

و عموما اريدك ان تدخلي في هذا الموضوع و تقرايه بقلبك قبل عينك ...

 

لا اعلم لماذا

 

و فعلا ربما اكون عصبية زيادة عن اللزوم ...

 

لكن في بعض المنتديات زماااااااان كنت اتحلي بالمثالية و التحليق في واقع الخيال و أُرضِي كل الناس و ان كانوا يخالفون وجهة نظري لمجرد ان اجني و الحب و المحبة ..

 

و لكني اخذت عهدا مع نفسي ان "ضعي بصمتك " في المنتديات هي " ضعي بصمتك" في الواقع ...

 

لن أضع قناع مزيف بعد الآن !

 

و إذا تعاملتي معي في ارض الواقع ستجديني اكثر الناس عصبية :ninja:

 

و الله احاول ان اغير من نفسي و ان احتوي الاختلافات الموجودة حولي مع عدم التعصب و الله المستعان ..

 

ملحوظة صغنونة _ كلمة اتقي الله ليست كبيرة و لا حاجة و انها تذكرة ( و ذكر فإن الذكري تنفع المؤمنين ) انا مش عارفة ليه الناس بتاخدها علي انها اتهام مش تذكرة :smile:

شارك هذه المشاركه


رابط المشاركه
شارك

السلام عليكم ورحمة الله وبركاته

جزاكى الله خيرا اختى (( سارة محمد المصرية )) على ردك وعلى اهتمامك

طيب انا مشكلتى ان هناك من يقولون انه فرض وهناك من يقولون انه ليس بفرض

فانا شوية اقول خلا ص انا هالبسه وشويه اقول لاء هو مش فرض خلينى اتدرج احسن

مش عارفه اتخذ قرار خالص ....

وكل ما اتخذ قرار (سواء ألبسه او لا ) ارجع تانى افكر وابقى محتارة ما عنديش حاجة تشجعنى

انا لو كان فرض وما فيش اختلاف انا كنت لبسته على طول

لكن الاختلاف ده مخلينى مترددة وحاسه انى مش عليه ذنب اذا لم ارتديه ......

ادعوووولى بالخير ....

شارك هذه المشاركه


رابط المشاركه
شارك

بسم الله الرحمن الرحيم

السلام عليكم ورحمة الله وبركاته،،

 

جزاكى الله كل خير على الموضوع الرائع

 

سوف أحكى لكم قصتى مع النقاب وبصراحة الحمد الله أشعر إن الموضوع كان ربنا مسهله معايا أكثر من غيري لإنى نشأت في السعودية وأمى وأبى مقتنعين إن النقاب فرض ولكن لم يأخذ أحد القرار وقررت أن أرتدى النقاب عندما أدخل الجامعة ولكن الشيطان هزمنى ومرالفصل الدراسي الأول ولكن في الأجازة أخذت القرار الحاسم وأرتديته مع أختى والحمد لله وندمت على كل لحظة من عمرى بدون النقاب وكان هذا اليوم هو يوم ولادتى الجديد وبصراحة شعورى لأول يول أنزل فيه بالنقاب لا يوصف لازم كل واحدة تشعر بيه بنفسها شعرت أن قلبي يطير من الفرحة أنا ملكة أنا درة مكنونة لم يرانى أحد بعد اليوم كرامتى محفوظه وجسمي محفوظ من عيون الرجال ولن أنكر أن أمى في البداية رفضت وكان سبب رفضها مثل باقي الأمهات علشان العريس وبصراحة أنا كان بالى وقتها إنى حتى إذا لم أرزق بعريس فعريسي في الجنة ينتظرنى بإذن الله ولكنها شعرت بسعادتى عند رجوعى البيت وبدأت هى تدافع عنى وعن أختى مع العائلة وكلامهم الذي مثل السيوف وكمان من الحاجات اللى ثبتتنى الأخوات الغاليات في المنتدى عندما أخبرتهم بارتدائي النقاب مع أختى كانوا سعداء بنا جدا

والآن أشعر إنى إذا دخلت الجنة أريد مقابلة أمى خديجة وأمى عائشة وأقول لهم أرتديت الحجاب الشرعي مثلكم

وبالنسبة للنية كانت نيتى رضي الله

أقول لكم على نية نويتها هذا العام وأريد منكم الدعاء وهى إنى أجتهد في الدراسة حتى أكون الأولى على دفعتى حتى تكون الأولى على دفعة بنت منتقبة وأكون مثال للفتاة الملتزمة والمجتهدة في دراستها حتى أثبت للعالم إن حجاب المنتقبة لا يؤثر عليها في حياتها العلمية

 

لا تنسونى من الدعاء

 

هيا نريد أن نبارك ونعلق الزينة ونقدم الهدايا للمنتقبات الجدد

شارك هذه المشاركه


رابط المشاركه
شارك

اختى ضعى بصمتكِ بارك الله فيك

الله المستعان

بتقولى ان كنتى فى المنتديات زمان كنت بتحاولى ترضى الناس حتى لو اختلفوا مع وجهة نظرك

يبقى انتى تقدرى تمنعى نفسك من العصبية صح ؟

ده شيء جميل ان شاء الله

حاولى ان شاء الله ( :

وبالنسبة لـ إتق الله جزاكِ الله خيرا على التذكرة

انا ما اخدتهاش على انها اتهام وأسأل الله العظيم أن يجعلنا من المتقين

ان شاء الله اشوف الموضوع ، بارك الله فيكِ

تم تعديل بواسطة سارة محمد المصريه

شارك هذه المشاركه


رابط المشاركه
شارك

وعليكم السلام ورحمة الله وبركاته

آمين وجزاكِ خيرا اختى سهى

مختلفين بس

الشيخ محمد حسان قال ان العلماء مختلفين فى بيقول انه فرض وفى بيقول انه مش فرض

بس اللى بيقول انه مش فرض بيقول انه فرض فى زمن الفتن ـ الله أعلم

وعلشان لو انتى لبستيه وجيتى يوم القيامه لاقيتى انه كان فرض او واجب او سنه يبقى انتى عملتى والحمد لله

الشيخ محمود المصرى بيقول ... لو لبستيه وجيتى يوم القيامة ولاقيتى انه مكنش فرض خسرتى حاجه ... طبعا مخسرتيش

لو ملبستيهوش وجيتى يوم القيامة لاقيتى انه فرض خسرتى حاجه ... خسرتى

 

ده درس للشيخ مصطفى العدوى اسمه [ فضل أم فرض ]

فضل أم فرض اضغطِ هنا

 

اضغطِ كليك يمين ثم حفظ

 

اسمعيه كله جميل

استعينى بالله ( :

شارك هذه المشاركه


رابط المشاركه
شارك

وعليكم السلام ورحمة الله وبركاته

حياكِ الله اختى بنوته مسلمة

ما شاء الله لا قوة إلا بالله بارك الله فيكِ

ربنا يثبتك ويحفظك من كل سوء

كلامك عن النقاب جميل ما شاء الله

 

التعليم

الشيخ ابو اسحاق الحوينى >>>

يقولون: يجب أن تعلم المرأة حتى يكون معها سلاح. فيا ترى هل ستدخل في حرب؟! فصارت المسألة طبيعية تتعلم لتعمل، وهكذا أريد بأمتنا، حتى صار النساء إماءً في زي الحرائر، فأين نساءنا من هاتين البنتين كما في قوله تعالى: قَالَتَا لا نَسْقِي حَتَّى يُصْدِرَ الرِّعَاءُ [القصص:23]. فلا تسئ الظن بنا وتقول: لماذا خرجتن من بيوتكن؟ إن الذي أخرجنا هو الضرورة القصوى: وَأَبُونَا شَيْخٌ كَبِيرٌ [القصص:23] فأين الضرورة في خروج المرأة في عصرنا هذا؟! أقول قولي هذا وأستغفر الله العظيم لي ولكم.

بارك الله فيكِ ( :

شارك هذه المشاركه


رابط المشاركه
شارك

بسم الله الرحمن الرحيم

اعتزر فى اول رسالتى على تقصيرى فى اللغه العربيه فأنا ضعيفه فى اللغه وأسال الله ان يقوينى .هذة اول مشاركه لى معاكم اخواتى الجميلات وانا فرحانه جداااااااااا انى لقيت صحبه طيبه .انا هااحكى لكم قصتى مع النقاب.. انا يا أخواتى قبل رمضان بأسبوع رمضان 2008 ماكنتش بصلى وكنت بعيد عن ربنا اووووووووووى . والحمد لله ربنا أكرمنى وبقيت اصلى وفجأه بقيت اتفرج على شيوخنا ربنا يزيدهم علم يارب ويقويهم. ولقيت برنامج بيتكلم عن النقاب.. قعدت اسمع وركزت فى الكلام مع العلم انى كنت بكرررره المنتقبات أسال الله الغفور يسامحنى ويغفر لى .كنت لما بشوف منتقبه بتريق عليها وارخم عليها ربنا يسامحنى

المهم الحلقه خلصت وانا جبت الكمبيوتر وقلت اما ادور على اليوتيوب الى انا مدمنه عليه ودايما بقعد اتفرج على حاجات فيه .قلت ادور على النقاب والحمد لله لقيت تناقض رهيب لقيت ناس يقولوا واجب وفرض وستات تقول لا مش فرض ومفيش داعى اذكر اسمهم لانهم معروفين ربنا يهديهم ويسامحهم .

المهم اتفرجت على شيخنا الكريم محمد حسان وشيخنا الجليل أبو اسحاق الحويني ربنا يطول فى عمرهم وختامها كان مسك والله مسك سمعت أبى وحبيبى فى الله الشيخ الجليل محمد حسين يعقوب ... ياالله كأنه يتحدث معى انا فقط وكأن الكلام موجهه لى انا فقط .

ووقفت عن كلمه قالها:اذا كان النقاب فرض وما لبستهوش ويوم القيامه لقيتى فريضه ها تعملى ايه؟؟؟؟ هاتقولى للمولى عز وجل ايه؟؟؟ ولو كان النقاب مش فرض خسرتى ايه؟؟؟؟؟؟؟؟؟؟؟؟؟؟

الكلمه دى خلت جسمى كله يقشعر وبكيت ودعيت ربنا يوفقنى وصليت الفجر ونمت وانا افكر وادعى ... ركزووا معاياااا بئا

صحيت من النوم الصبح 7 صباحا وانا ادعى ربى وانا نائمه واقول :يارب لو النقاب خير ليه ادينى بشره ادينى علامه من عندك يارب. والله دعيت بنفس النص دة

وفجأه سمعت صوت يمامه تسبح واقفه على شباك غرفه نومى وسمعت حاجة جوايا بتقول لى دى البشره بتاعت ربنا ليكى وقعدت اسبح واليمامه تسبح وجسمى كله قشعر وسمعت صوت جوايا بيقول لى عمر الشيطان ما يجيب لك حاجة كويسه كدا عشان يضحك عليكى وبقيت على يقين انها بشره من ربنا .

قمت من نومى وفتحت التلفزيون فوجدت اخت فى الشات بتاع قناه الرحمه بتقول ادعوا لى بالنقاب .. طفيت التلفزيون وقعدت افكر؟؟؟ وفجأه الشيطان قعد يكلمنى .يقول لى طب ولبسك الغالى دة انتى عندك هدوم كتير هاتعملى فيها ايه؟؟؟ طب امك واختك ها يبهدلوكى ويتريقوا عليكى وها يرفضوا؟؟ طب زوجك ممكن يرفض؟؟ وفضل الشيطان يلعب بدماغى وقعدت اعيط وادعى ربنا وصدعت اوووى وفضلت طول اليوم افكر افكر لما تعبت .

وجاءت صلاه الفجر صليت ودعيت ربنا يهدينى للخير والصالح..نمت وجاءت لى رؤيه انى لقيت كتاب تفسير قرأن فى بيت امى وعليه تراب وانا زعلانه ان عليه تراب ومسحته واخدته فى حضنى عشان اقراء فيه.. قمت من النوم وانا عازمه كل العزم على انى هاالبسه ..قلت لزوجى والحمد لله فرح جدااا

والكارثه بئا كانت فى اهلى ربنا يهديهم . اول واحدة قلت لها انى هاالبس النقاب كانت اختى الوحيدة .. وكان رد الفعل........ قعدت تسوط فى وشى وتزعق وتتخانق معايا اكتر من نص ساعه مع العلم ان اختى بتحبنى اوووى .. ثم امى نفس الى اختى عملته .. وزعلت من جوايا اووى محدش قال لى مبروك غير الجيران وبعض الاخوات .

واخويا الى بيصلى الوقت بوقته وملتزم الى حدا ما.. قال لى النقاب فيه شبهه دة المنقبات بيعملوا ويسووا دول فضايحهم ماليه البلد وفى الاتوبيسات انا مش هااخلى مراتى تلبسه

ربنا يسامحهم يارب

وبعد كدا بئا بقيت العائله الكريمه بقوا يتلموا ويتريقوا ويقولوا لى البسى كدا ورينى شكلك واختى تقول لى طب انتى لما هاتمشى فى الشارع هااعرفك ازاى؟دة انا حته مش هااعرف انا رايحه والا جايه واشتغلت التريقه بئا عينكم ماتشووف الا النوووووووووووور وبقوا يستنوا لى على اصغر غلطه ويبهدلونى عليها

 

ودلوقتى بعد شهر معانأه معاهم ربنا هداهم عليه وخلاص بطلوا يرخموا والحمد لله واستسلموا للامر الواقع وخلاص

وانا بقول لكل اخت حابه تلبس النقاب . ألبسه ولا يهمك حد ولا كلام ولا تريقه وسيبيهم يخبطوا دماغهم فى الحيط وشوفى الانبياء والرسل تعبوا أد ايه مع عيالهم واباءهم وشوفى سيدنا محمد صلى الله عليه وسلم وسيدنا ابراهيم

واعرفى انك فى الاخر الجنه مستنياكى وان محدش ها ينفعك وكل واحد هايقول نفسى ثم نفسى مش ها ينفعك غير عملك الصالح وبس .

اوعى تقولى الدنيا حر الى يستر البر يستر الشرد .دة مثل شعبى قديم والشرد معناه الحر

وافتكرى حر يوم القيامه ونار جهنم.

اقول لكم على حاجة والله ياااخواتى انا لما بمشى فى الشارع بالنقاب بحس انى لبسه تاج واول ما لبسته بقيت من جوايا بقول ياأرض اتهدى ما عليكى أدى .وكنت حاسه انى ملكه متوجه والله كان دة احساسى .ولما حكيت لبنت خالى وهى كمان منتقبه لقيتها بتقول لى انها كمان بتحس نفس الاحساس .. سبحان الله

بس انا فى حاجة مضيقانى اووى وهااشتكى لكم منها واسفه انى طولت عليكم انا هااسافر كندا مع جوزى طبعا غصب عنى لازم اسافر وجوزى بيقول لى ما تقدريش هناك تلبسى النقاب وانا والله ببكى ليل ونهار بسبب الموضوع دة . ادعوا لى ربنا يرجعنى لدول المسلمين اى دوله بس ما اقعدش معاهم وادعوا لى ربنا يثبتنى ويوفقنى هناك

 

انا بحبكم كلكم فى الله وربنا يزيدكم علم وبشكر كل المشرفين والقائمين على الموقع الجميل دة ربنا يجعله فى ميزان حسناتكم يارب

شارك هذه المشاركه


رابط المشاركه
شارك

حياكِ الله اختى منقبه وافتخر

نورتى واهلا بيكِ بين اخواتك فى الله

ما شاء الله لا قوة إلا بالله

وألف ألف ألف مبـــــــــــارك ارتدائك النقاب

أسأل الله العظيم ان يثبتكِ ويثبتنا على الطريق المستقيم

اللى بيتريقوا على المنقبه احنا نصبر ونحتسب وان شاء الله ناخد اجر

ربنا يهدينا ويهديهم الى صراطه المستقيم

ومش معنى ان شفنا منقبات تصرفاتهم مش كويسه ان كل المنقبات كده ... لا

طيب ماهو فى دكتور كويس ودكتور مش كويس

ربنا يبارك فيكِ ويحفظكِ من كل سوء

انصحكِ بأن تحافظى على حجابك حتى لو رحتى البلد دى ربنا سبحانه وتعالى هيحفظك

( ومن يتق الله يجعل له مخرجا )

فى كانت رايحه مكان مش بيسمحوا للمنقابات يدخلوا بس هما ربنا ثبتهم وحفظهم ويسرلهم امورهم

الحمد لله

اصل لو خلعنا النقاب علشان خايفين منهم لو جائنا ملك الموت ومتنا واحنا على كده هنقول ايه لما نُسأل ؟

قال تعالى { فَلاَ تَخْشَوُاْ النَّاسَ وَاخْشَوْنِ } (44) سورة المائدة

ربنا يبارك فيكِ ويثبتكِ

احبكِ فى الله ـ اختكِ ساره

شارك هذه المشاركه


رابط المشاركه
شارك

بسم الله الرحمن الرحيم

 

السلام عليكم ورحمة الله وبركاته،،

 

بارك الله فيك أخيتي الفاضلة على هذا الطرح القيم وجزاك عنا خير الجزاء لهذا الموضوع المهم جعله الله في ميزان حسناتك وعن تجربتي الشخصية الحمد لله والشكر لله فوضت أمري الى الله وتوكلت عليه سبحانه وتعالى وبمساندة بعض الأخوات جزاهن الله خير الجزاء والحمد لله والشكر لله بالاضافة الى أنني لما لبست النقاب كثر علي الطلب للزواج لدرجة أنني احترت في اختياري وندائي لكل من تريد أن تنتقب توكلي على الله سبحانه وتعالى ولا تترددي والله المستعان مع حبي ومودتي الخالصة :wub: :wub: :wub:

شارك هذه المشاركه


رابط المشاركه
شارك

السلام عليكم اخواتى فى اللة انا مشكلتى انى نفسى البسه من وانا فى الاعدادى انا حاليا فى اخر سنه فى الجامعه بس امى موش موافقه كل اما اكلمها تقولى لما تجوزى والحمد لله انا مكتوب كتابى دلوقتى ادعلولى ان يرجعلى زوجى سالما وان يكون زواجى قريبا ان شاء الله وقولتلها انا الحمد للة مكتوب كتابى تقولى لما تروحى بيت جوزك ماتخنقناش انا فى نظرهم كده ابقى متشدده ومغقده ادعلولى ربنا يهديهم

post-35887-1223391953.jpg

شارك هذه المشاركه


رابط المشاركه
شارك

السلام عليكم ورحمة الله وبركاته

جزاكى الله خيرا أختى (( ساره ))

وأنا إن شاء الله سوف أحاول أن أسمع المحاضرة

وربنا ييسر وأرد عليكى

ولا تنسينى من دعائك بظهر الغيب

شارك هذه المشاركه


رابط المشاركه
شارك

وعليكم السلام ورحمة الله وبركاته

ما شاء الله لا قوة إلا بالله

ربنا يثبتكِ اختى ريحانه من المغرب

 

وعليكم السلام ورحمة الله وبركاته

حياكِ الله اختى smsma_asd

ما شاء الله لا قوة إلا بالله

طيب انتى اتكلمى مع والدتكِ ربنا يحفظها

قوليلها طيب ليه استنى لما اتجوز ؟ خايفه علشان ايه ؟

وخليها تجاوبك وقوليلها ان الزواج ده رزق من ربنا سبحانه وتعالى

ولو مكتوبلى اتزوج هتزوج واللى نحسبهم على خير ولا نزكى على الله أحدا

بيعوزوا يتزوجوا اللى هى ملتزمه ومنتقبه وعندها خلق ودين

واحنا منعرفش احنا هنموت امتى وكده

اتكلمى معاها براحه كده وانصحيها ( :

بارك الله فيكم

ربنا ييسرلك الزواج ويرزقكِ ارتداء الحجاب الشرعى الذى يرضيه ... آميـن

 

وعليكم السلام ورحمة الله وبركاته

آميـن وجزاكِ خيرا اختى سهى

ان شاء الله ـ يسر الله لكِ

ان شاء الله ادعيلك ( :

شارك هذه المشاركه


رابط المشاركه
شارك

السلام عليكم ورحمة الله وبركاته

أنا بجد مش عارفه أشكرك إزاى أختى(( ساره)) على إهتمامك وردك

أنا الحمد لله سمعت المحاضرة جزاكى الله خيرا

وربنا ييسر الحال ....

على فكرة أنا نفسى اتكلم معاكى فى موضوع النقاب باستفاضة اكتر واخد رايك ورأى الأخوات فى الأفكار التى تجول بخاطرى من اتجاه النقاب لو ينفع بلغينى....

شارك هذه المشاركه


رابط المشاركه
شارك

بسم الله الرحمن الرحيم

 

السلام عليكم ورحمة الله وبركاته،،

 

جزاك الله خير على الرد الجميل يا أختى سارة محمد المصرية

 

ممكن توضحي لي موضوع التعليم شوية وأنا تخصصي لغة عربية

 

لا تنسونى من صالح الدعاء

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ الحب الحقيقي للنبي ﷺ ليس في إقامة مولدٍ لم يشرعه، وإنما في اتباع سنته، وإحياء ما أحياه، واجتناب ما نهى عنه، قال ﷺ: «من أحدث في أمرنا هذا ما ليس منه فهو رد» [رواه مسلم]

×