000000000الكبدة الأسكندراني الأصلي00000000000000

[شيماء حسانين 0]

السلام عليكــم ورحمـة الله وبركاتــة ،،كيف حالكن إن شاء الله دائمــاً بخير ؟

 

إحنا بنعمل الكبدة كدة في الأسكندرية

 

هاتي ربع كبدة وإشطفيه شطفة بسيطة يعنة ضعيه في مصفاة وإتركي المياه عليه قليلا

 

وإتركيه يتصفى وبعدين ضعي معلقتين خل كبار على الكبدة

 

وكمان نصف معلقة صغيرة كمون وملح وفلفل إسود

 

وحوالي 5 فصوص ثوم كبار وتطحنيهم في الهون كويس يعني مش بالسكينة

لزوم الطعم والريحة

وتضعيه على الكبدة

وتتركيهم شوية ممكن ساعة

 

وبعدين تقدحي الزيت وتضعي الكبدة المتبلة وقبل أن تستوي تضعي عليها

 

الفلفل الأخضر وتكوني مقطعاه حلقات صغيرة

 

وبعدين ياخد تسخينة بسيطة وتطفي النار

 

وتجيبي العيش الفينو وتفتحيه وترصي الكبدة بداخله

 

وتعصري قليل من الليمون عليها وبالهنا

 

أعذروني ليس عندي كاميرا بس أنا زعلت لما لقيت الكبدة كلها معمولة بالبصل جربوها بالثوم وهتحبوها وإدعولي بالجنة

[دانة الاسلام 38]

يا سيدى شمه ريحة كبدة اسكندرانى جميلة شكرا يا حبيبة على الاكلة الجميلة انا بحبها جدا :icon15:

[أم عائشة المصرية 242]

وعليكم السلام ورحمة الله وبركاته،،

جزاك الله خيرا أخيتي شيماء على الوصفة..

وأنا لاحظت موضوع البصل..لكنها أذواق

وأنا من رأيي أن الثوم أجمل بكتير طبعا...!

 

بس أنا بعملها بـثومتين أو تلاتة على نصف كيلو..لأنى لا أحب الثوم الكثير..

تسلم إيدك أخيتي.

[شيماء حسانين 0]

دانة الأمورة منورة المطبخ إيه رأيك أنفع؟

مشرفتي الغالية أسعدتيني كتير والله بمرورك

وشكلك طباخة بريمو ما شاء الله

[محبة لربها، ادعوا لي بالثبات 72]

تسلمى يا شوشواخيرا عرفنا الكبده الاسكندرانى على اصولها ومن اسكندرانيه اصيلة

 

وبالبصل جميلة برضه يا شوشو

[شيماء حسانين 0]

حبوبة الجميلة منورة الصفحة أحوالك إيه؟

بس تعرفي إن الكبدة بالثوم أحلى بكتيييييير من البصل

جربي وقوليلي الفرق

[المتفائلة (ريفيّة) 979]

طريقتك حلوة وطيبة

وأكيد راح نستفيد من وصفاتك يا حبيبة

سلمت يداك

[شيماء حسانين 0]

متفائلة الجميلة أسعدني مرورك جدا

وإحنا تلاميذك طبعا

[ام مريم و رغد 0]

السلام عليكم ورحمة الله وبركاته،،

لا مش عاذراكي ابعتي ساندويتش يالا جوعتيني اجيب كبده منين دلوقتي الساعه 1 باليل :cry:

تسلم ايدك يا قمر هاعملها ان شاء الله

[محبة لربها، ادعوا لي بالثبات 72]

هجربها يا جميلة بإذن الله جزاك الله خيرا يا شوشو

[شيماء حسانين 0]

عيني ليكي يا أم مريومة والله دة أنا أجيبهولك دليفري

أي خدمة

حبوبة جزانا وإياكي منتظراكي يا روحي

[صاحبه القلب الطيب 12]

تسلم ايدك ياقمرايه وانا بعملها بالبصل والتوم ينفع ؟

ولا تزعلى

 

جميله الوصفه اول لما اعمل كبده راح اعملها بطريقتك ان شاء الله

[شيماء حسانين 0]

هو أنا أقدر أزعل منك أبدا يا طيوبة؟

كل حاجة من إيديكي أكيد هتكون حلوة

[لواء العزة 5]

ماشاء الله

 

طريقــة جميــلة وســهلة

 

أنا بعملها بالطريقيتين وممكن اعملها بالثوم مع البصل

 

تسلمي يا غاليــة

[ريحانة زوجي 63]

السلام عليكــم ورحمـة الله وبركاتــة ،

 

 

أنا كمان بعملها بالثوم وبضيف عليها فلفل رومي

وبرضه بتطلع تحفه

[شيماء حسانين 0]

مشرفتي عناقيد الغالية أسعدني كتيييير مرورك هحاول أجربها بالثوم والبصل إن شاء الله

ريحانة زوجي شكلك طباخة بريمو ما شاء الله

[فدوى المسلمي 531]

السلام عليكم ورحمة الله وبركاته،،

تسلمي شيمو

أنا برضو بافضلها بالثوم وبازوده كمان

بس في شيء واحد مختلف

بادي الفلفل الاول تحميره خفيفة في الزيت قبل ما أحط الكبدة

وبعدها باحط الكبدة

بتدي ريحة جميلة

تسلم الايادي

وبانتظار جديدك

[شيماء حسانين 0]

جهاد منوراني في المطبخ يا حبوبة

بس لو أخدتي بالك هتلاقيني حطيت الفلفل قبل ما تستوي الكبدة بوقت قصير

وكمان أخد تسخينة بسيطة عشان ميتهراش وعشان يبقى طعمه لسة فيه

وفي الآخر كله بيتاكل :tongue: وصحة وعافية :ninja: يا قمر

[#ام سلمى# 1]

وعليكم السلام ورحمة الله وبركاته،،

تسلم الايادى ياقمر

وحشانى والله عاملة ايه

انا ماليش فى الكبدة خالص وعمرى ما عملتها

بس من شهر كنت عند الدكتور ودخلت مطعم مع زوجى وطلبت بيتزا وزوجى قال يجرب الكبدة الاسكندرانى

وعجبتو

هجربها ونجت او فشلت مش مهم اصل اول مرة :)

[شيماء حسانين 0]

شيموووووالذيذة الكونانية إنتي إللي وحشاني وواحشني ألغازك

وبسرعة أنصحك بعمل واحد كبدة لمصالحة زوجك العزيز

وقوليلي رأيه إيه؟

بس إوعي تنشفيها يعني خليها طرية شوية حتى لو إضطريتي تزودي شوية مية

صغيرة مش كتير

[#ام سلمى# 1]

ماشى يا شيمو هجرب اعملها قريب ان شاء الله

يوم التلات جوزى هيخرجنى وممكن يطلبها لانها عجبتو

بس سؤال لولبى

هى الدى دى بقرى وجملى زى اللحمة

وياترا انتى بتعمليها باية اصلى معرفش الكبدة انواع ولا لا :tongue:

[**أم مختار** 10]

تسلم ايديكي يا حبيبني

 

متهيالى كبدة عجالى با ام سلمى الجملى بتشد

[شيماء حسانين 0]

لا يا شيمو هي بقري أو جاموس أو ضاني

وهي مش بتاخد وقت خالص في الطبخ

المهم ميبقاش فيها أثر للدم خالص

وعلى فكرة أنا بعمل نفس الخطوات مع كبد الفراخ كمان وبيكون طعمها هو هو بالظبط

[شيماء حسانين 0]

أم مختار مرة واحدة؟ منورانا والله ياعسل

وتسلمي على إضافتك الجميلة

[**نحو غدٍ أفضل** 15]

تسلم إيدك يا شيماء

 

زوجى مرداش ياكل الكبدة خالص بالبصل و زعل أوى

 

أصله اسكندرانى

 

إن شاء الله اعملهاله بالطريقة دى

 

جزاك الله خيراً