فطير مشلتت لعيونكن الحلوة من فرنى

[وأشرقت السماء 1565]

 

هلا بالحبيبات

 

قد وعدت حبيبتى بنت أم عبد بتصوير فطيرى المشلتت وها أنا وفيت بالوعد

 

أى استفسار يا جميلات أنا فى الخدمة

 

 

 

 

 

لكن فى مشكلة حصلت كل مرة زوجى يقولى تسلم الأيادى والمرة دى قالى تسلم إيدك

تفتكروا هيا الإيد التانية زعلته ولا إيــــــــــــــــه ؟؟؟

 

 

 

 

 

تم تعديل 14 نوفمبر, 2011 بواسطة وأشرقت السماء

[صاحبه القلب الطيب 12]

ياسلام ياسلام

 

انا اول واحده ترد

 

 

ايه الشرح المتطور ده بسسسسسس ؟ راااائعه اشروقه

 

انتى ام مين ؟ عشان يكون اسهل بس هههههههههه

 

 

رااائع والله وشرحك جميييييييييييييل

 

 

انا كنت وضعت طريقتان بالساحة له(سادة ومحشى )

 

شوفتى استغلينا غيابك ههههه

 

تشبة طريقتك ولكن طريقتك احلى طبعاوفطيرك اجمل طبعا

 

 

 

لكن فى مشكلة حصلت كل مرة زوجى يقولى تسلم الأيادى والمرة دى قالى تسلم إيدك

 

تفتكروا هيا الإيد التانية زعلته ولا إيــــــــــــــــه ؟؟؟

 

هههههههههههه . لا اطمنى جايز نسا بس

 

وتسلم ايدك الاتنين ياغالية

[(ميرفت) 205]

اللهم بارك

جميل التطور : )

و جميل الفطير مع انه غير مشهور عندنا و لكنا نسمع به

 

الشرح ما شاء الله لفت نظري و دعاني للمتابعة مع اني لست من هواة الحلويات :)

 

بوركتِ أشرقت الحبيبة

و سلمت الأيادي

[بنت ام عبد 151]

السلام عليكم ورحمة الله وبركاته،،

أشروقة حبيبتي نورت الطيبات والمنتدي كله

جميل شرحك وابداعك يا جميلة

وشكل الفطير روعة ... طبعا احنا تلميذات يا أبلة وما زلنا في طور التعلم

اضحك الله سنك ... سلمت الايادي يا اشروقة مش تزعلي ^_______^

[~ماريا~ 1340]

السلام عليكم

ما شاء الله جميل جدااااااااااااااا

تسلم الايادي حبيبتي

ايديكي الاتنين مش واحده بس

ههههههههههه

[~ أم العبادلة ~ 1903]

السلام عليكم ورحمة الله وبركاته،،

 

أشروقة الحبوبة

أنا لسه مبتدأة في الفطير فيا ريت تكتبي الشرح أو تحاولي تخلي سرعته أقل شوية لألأني مش بلحق اقرأ الكلام وبالتالي مش بعرف اشوف الصورة اللي بجوار الكلام

 

يا ريت تقولي لي على مقاديرك بالكوب

كم كوب ماء على كم كوب دقيق لأنه حتى الأن لا يضبط معي وبيطلع سايح بالرغم من اتباعي خطوات البنات

[~ أم العبادلة ~ 1903]

ويا ريت كمان الفطير المحشي، بتحشي في اي طبقة ويا ترى بتخلي العجينة سميكة تحت الحشو مثل ما قالت بعض الاخوات ولا لكِ طريقة ثانية؟

[يسرا عبد الرحمن 718]

وااااااااااااااااااااااااااااااااااو

هو ده اللى نفسى فيه انا وامة الرحمن

شكله هش ومورق ولذيييييييييذ يمممممممممممممممممم

جنااااااااااااااااااااااااااااااااااااااااان

ما شاء الله ولا قوة الا بالله

وطريقة العرض تححححفه

تسلم الايادىىىىىىىىىىىىىىىىى

انرتى ساحة الطيبات يا قمرايه

همسة تصدقى اقسم بالله كنت بقول وينها اشرقت تنزل لنا طريقة فطيرها كما وعدتنا

ردى بقى على اسئلة امومه لانها نفس اسئلتى

[حياة إسلامية 135]

ما شاء الله ما شاء الله

 

جزاك الله خيرا شوشو .. ابتكار و ابداع و نفس انما ايه

 

تبارك الله

 

و التوريق جميل جدا اللهم بارك ..

 

تسلم ايدك التانية يا جميلة .. ما الايد الاولى خدت حقها يا بنات :biggrin:

 

نورينا دايما بتحفك الفنية يا اشروقة :)

[سدرة المُنتهى 87 1317]

وعليكم السلام ورحمة الله وبركاته،،

 

ما شاء الله

جميل قوي .. قوي

بس اكتبيلنا على المقادير عشان نطبق كويس

[وأشرقت السماء 1565]

وعليكم السلام ورحمة الله وبركاته

 

صحوبة

ربى يسلمك من أى شر حبيبتى

 

هههه أنا كنت وعدت بنت أم عبد وده قبل ما أنزل الأجازة يالا خير أروح أشوف بتاعك الآن وأكيد رائع هى نفس طريقة الفطير واحدة لا تختلف

 

أنتى الأجمل حبيبتى وأنا أم آلاء

 

تسلملى عنيكى الحلوة

 

مرفوتة الحبيبة

الله يسلمك من أى شر حبيبتى نورتينى والله يا غالية وربنا ما يحرمنى منك أبدا يالا أعطينى عنوانك وأنا أعملك وأبعتلك بالبريد المستعجل

 

بنت أم عبد

 

يا هلا يا هلا المنتدى منور بوجودكن حبيبتى والله

 

شكلك هتقعدى تقولى أنا تلميذة أنا تلميذة وأول ما تنزلى الأكل بتاعك المنتدى هيفرقع من كل حتة خليكى نيمينا بس وخلاص وفى الآخر تطلعى إنتى على السبورة وإحنا نرجع ورا هههههه

 

أيوة كدة رضيتوا إيدى التانية

 

ربى ما يحرمنى منك حبيبتى ولا من طلتك

 

مرمر الجميلة

 

الله يسلمك من أى شر يا غالية ويحفظ لك أولادك

 

مرورك الأروع حبيبتى

 

يسوووووورة

 

ربى ما يحرمنى من ذوقك يا قمراية

 

حاضر هاشرح بالتفصيل الممل مع أمومة فى الآخر فتابعونا

 

إسلامية

 

هههه الله يجبر بخاطرك حبيبتى

 

إحنا نيجى جنبك إيه يا شيف يا لذيذ هههه ربى ما يحرمنى منك يا غالية ولا من طلتك الحلوة

 

سدورة

 

حاضر حبيبتى وعايزة أشوف التطبيقات علشان أطمن على مستقبل الفطير ههههه

 

أمومة

 

أنا تركتك للآخر حبيبتى علشان أرد على كل استفساراتك بالتفصيل

[وأشرقت السماء 1565]

شوفى حبيبتى أمومة

العجين ده بيكون إزاى إنتى ممكن تعملى 2 كوب دقيق عليهم نصف كوب ماء وعلى فكرة أنا ما بعمل مقادير لأنى ولله الحمد خبرة فى العجين فنصيحتى لكِ فى الأول ما تضعى ماء كتير يعنى حطى شوية صغيرين أوى فى الأول ولفى العجين بإيدك لو لقيتى الدقيق خلص يعنى لفتيه كله مع المية يبقى لا تضعى مية تانى وتعجنى تقفلى كفة اليد مثل ما هتكونى بتعطى حد لكمة فى وجهه هههههه وتعجنى هتلاقى العجينة بقت جميله وشوية شوية تلاقيها ما بتلزق فى إيدك ولا فى وعاء العجن

 

 

يعنى الأساس ما تحطى ماء كتيير من البداية ولو حسيتى إنها محتاجة ماء حطى نقطة نقطة ولو حسيتى إنها سايحة رشى بإيدك دقيق على وجه العجين وإنتى بتعجنى هتلاقيها اتظبطت وبقت تمام

 

لو عملتى الخطوة الأولى صح يكون تمام

 

الخطوة التانية بتتركى العجينة ترتاح علشان تتفرد كويس معاك وما تلم منك تانى وبعدين تقسميها مثل ما عملت

 

وتتركيها قليلا ترتاح وبعدين تفرديها خالص لو ارتاحت كويس مش هتتقع منك ولو اتقطعت منها حاجة مش مشكلة المهم إنها تكون رقيقة جدا جدا ممكن تضعيها على ظهر صينية كبيرة وتشدى الأطراف خالص مثل ما عملت وبعدين تدهنى كلها بالزيت والزبدة وعلى فكرة أنا ما بضع زيت كتير لأن الزيت هو إللى بينشفها وبعد ما أدهنها بلما زى الصورة وكل مرة أدهن الطبقة إللى لميتها وهكذا لحد الآخر وبعدين ألمها خالص وأقلبها وأدهن وجهها زبدة أيضا وأتركها ترتاح فى الثلاجة لمدة نصف ساعة وعلى فكرة كل ما تتركيها ترتاح أكتر كل لما تكون أجمل ويستحست تغطيها علشان وجهها ما ياخد هوا وتنشف الوجه وبعد ما ترتاح تضعيها فى الصينية بعد ما تدهنى الصينية بالزبدة وبعدين تفرديها وممكن تضعى زبدة على الوجه تانى وياريت ما تكون الزبدة سايحة أوى يعنى تكون بدرجة حرارة المطبخ فقط وتدخليها الفرن على فكرة فرنى ناره هادية جدا ولعته من فوق وتحت وتركتها فيه لحد ما اتحمرت من فوق ومن تحت فخلى بالك لو فرنك ناره عالية أول ما تتحمر من تحت ارفعيها على الرف العلوى تتحمر من فوق وبعدين خرجيها

 

ممكن ترشى على الوجه بعد ما تطلع عسل أو سكر بودرة لو عايزاها حلوة

 

وممكن تحشيها من جوة بتيجى من منتصف الفطيرة وممكن تضعى قشطة مع ذرة ملح

 

أو تضعى أى حشوة إنتى عايزاها لكن حاذرى على المنتصف علشام ما يتقع منك ويكون شكله حلو وممكن تضعى الحشوة بعد أول ثنيه للفطيرة يعنى بعد ما تثنى جميع الأطراف للداخل تضعى الحشوة وبعدين تكملى ثنى فهمتينى

 

وممكن تعملى دائرة صغيرة تانية رقيقة وتضعيها على منتصف الفطيرة بعد دهنها بالزبدة وتضعى عليها الحشوة وبعدين تلمى الأطراف

 

أما الفطير الحلو المحشى مهلبية أو كاستر

 

ده مثل ما قلت تضعى طبقة تانية خارجية يعنى دائرة صغيرة تضعيها على المنتصف وممكن دائرتين على حسب سمك الفرد بتاعك وتضعى الكاستر وبعدين تلمى الدائرة وبعد خرجها ما الفرن نسقيها قليل جدا من العسل ونرش على الوجه كل المكسرات إللى تحبيها

 

يارب تكونوا فهمتونى يا بنات وعذرا لأنى ما بعرف أشرح

 

وأى استفسار تانى أنا تحت أمركن

 

وبإذن الله هاحاول أعمل الفطير الحلو دعواتكن لى ببركة الوقت

[ام مريم ويحيى 136]

ما شاء الله يا اشروووقه

 

رووووعه

 

قى الحقيقة مش بعرف اعمل الفطير :icon15:

 

بس طبعا كل لما انزل مصر لازم طبعا اكله عند ماما وعند حماتى

 

جربت اعمله مره لوحدى وانا هنا بس بصراحه ما طلعش فطير هههههههههههههه

 

ماطلعش فيه اى طبقات تقريبا طبقة واحده او طبقتين

 

بس زوجى الله يكرمه قال جميل ههههههههههههههههههههههه

 

يلا مستنياك يا اشروقه تقولى لى على الطريقه يمكن ربنا يكرمنى ويطلع حلو

[وأشرقت السماء 1565]

ما شاء الله يا اشروووقه

 

رووووعه

 

قى الحقيقة مش بعرف اعمل الفطير :icon15:

 

بس طبعا كل لما انزل مصر لازم طبعا اكله عند ماما وعند حماتى

 

جربت اعمله مره لوحدى وانا هنا بس بصراحه ما طلعش فطير هههههههههههههه

 

ماطلعش فيه اى طبقات تقريبا طبقة واحده او طبقتين

 

بس زوجى الله يكرمه قال جميل ههههههههههههههههههههههه

 

يلا مستنياك يا اشروقه تقولى لى على الطريقه يمكن ربنا يكرمنى ويطلع حلو

 

 

إيه النور ده ياسندوسة منورانى والله يا غالية

 

والله هو سهل جدا وعلى العموم الطريق أنا كتبتها ونزلتها وغنتى بتكتبى ردك ههههه دققى فى الصور أوى وإنتى تعمليه جميل

 

أتم الله حملك على خير حبيبتى وأقر عينك برؤية وليدك سليما معافى

[~ أم العبادلة ~ 1903]

ربي يبارك فيكِ يا أشروقة يا رب

قلت عدة أشياء كانت مفيدة جدا لي ومهم جدا نعرف فائدة كل خطوة حتى لا نهملها

فنصيحتى لكِ فى الأول ما تضعى ماء كتير يعنى حطى شوية صغيرين أوى فى الأول ولفى العجين بإيدك لو لقيتى الدقيق خلص يعنى لفتيه كله مع المية يبقى لا تضعى مية تانى وتعجنى تقفلى كفة اليد مثل ما هتكونى بتعطى حد لكمة فى وجهه هههههه وتعجنى هتلاقى العجينة بقت جميله وشوية شوية تلاقيها ما بتلزق فى إيدك ولا فى وعاء العجن

بتتركى العجينة ترتاح علشان تتفرد كويس معاك وما تلم منك تانى وبعدين تقسميها مثل ما عملت وتتركيها قليلا ترتاح

وبعدين تفرديها خالص لو ارتاحت كويس مش هتتقطع منك

المهم إنها تكون رقيقة جدا جدا ممكن تضعيها على ظهر صينية كبيرة وتشدى الأطراف خالص مثل ما عملت

أنا افرد بالنشابة لأن يدي تعبانة شوية (عندي مشكلة بأعصاب اليد وممنوعة من ارهاقها)

هل بتكون العجينة بالطريقة دي سهلة الفرد باليد ولا خليني بالنشابة وخلاص؟؟

 

أنا ما بضع زيت كتير لأن الزيت هو إللى بينشفها

وبعد ما أدهنها بلما زى الصورة وكل مرة أدهن الطبقة إللى لميتها وهكذا لحد الآخر وبعدين ألمها خالص وأقلبها وأدهن وجهها زبدة أيضا وأتركها ترتاح فى الثلاجة لمدة نصف ساعة

دي جديدة علي وظنيت ان كده المادة الدهنية بتنزل منها لكن طالما قلت بتقلبيها يبقى هقلبها وأنا مطمئنة :)

 

ويستحسن تغطيها علشان وجهها ما ياخد هوا وتنشف الوجه

وبعد ما ترتاح تضعيها فى الصينية بعد ما تدهنى الصينية بالزبدة وبعدين تفرديها

يبقى أنت بتخليها ترتاح في في ي حاجة وبعدين تضعيها بالصينية وقت فردها لدخول الفرن؟؟

 

وممكن تضعى زبدة على الوجه تانى وياريت ما تكون الزبدة سايحة أوى يعنى تكون بدرجة حرارة المطبخ فقط

ايه العلة؟؟

 

ممكن ترشى على الوجه بعد ما تطلع عسل أو سكر بودرة لو عايزاها حلوة

حلوة فكرة العسل

 

وممكن تضعى الحشوة بعد أول ثنيه للفطيرة يعنى بعد ما تثنى جميع الأطراف للداخل تضعى الحشوة وبعدين تكملى ثنى فهمتينى

أظن هذه افضل لاني جربت من اسبوع احشيها ووضعتها بعد ما فردت اول طبقة ومش عايزة اقولك على اللي حصل

المهم انها ما طلعتش فطيرة وإنما كتلة عجينة معجونة بمهلبية

وشكلها قبل طعمها فضحها وطبعا لا كانت مورقة ولا غيره وكانت فضيحة :)

 

وممكن تعملى دائرة صغيرة تانية رقيقة وتضعيها على منتصف الفطيرة بعد دهنها بالزبدة وتضعى عليها الحشوة وبعدين تلمى الأطراف

ممكن برده لاني شعرت اني لو تركت المنتصف سميك هتبقى مش حلوة لأن أساس الفطير هو التوريق

لكن فكرة اكثر من دائرة صغيرة ورقيقة حلوة لانها هتكون مورقة تحت وفوق الحشو

 

تضعى طبقة تانية خارجية يعنى دائرة صغيرة تضعيها على المنتصف وممكن دائرتين على حسب سمك الفرد بتاعك وتضعى الكاستر وبعدين تلمى الدائرة وبعد خرجها ما الفرن نسقيها قليل جدا من العسل ونرش على الوجه كل المكسرات إللى تحبيها

أول مرة اعرف ان المحشية كاستر بتكون مسقية عسل وحلوة فكرة المكسرات

 

يارب تكونوا فهمتونى يا بنات وعذرا لأنى ما بعرف أشرح

بالعكس شرحك واضح وسهل جدا

[محبة لربها، ادعوا لي بالثبات 72]

الله اكبررررر

 

 

 

شو ها الجمال

 

 

 

ويا ترى الفطيرة الحلوة دى حكر على النحيفات ولّا ايه موقفى

[وأشرقت السماء 1565]

الله اكبررررر

 

 

 

شو ها الجمال

 

 

 

ويا ترى الفطيرة الحلوة دى حكر على النحيفات ولّا ايه موقفى

 

إيه النور ده كله

 

منورانا يا غالية والله يا سلام دا الفطير كله تحت أمرك ومرة واحدة مش هتأثر على الرجيم

 

وحشانى كتير يا سموءة

[وأشرقت السماء 1565]

أمة الرحمن

جزاكِ الله خيرا حبيبتى

 

شوفى حبيبتى أنا بفرد الأول بالنشابة لأقصى درجة وبعدين بشد أنا الأطراص بإيدة وما تخافيش العجينة طالما استريحت هتتشد معاكى بسهولة مش محتاجة جهد ولا ضغط على إيدك إفرديها بالنشابة وبعدين ضعيها على أى سطح أملس ويفضل تكون تربيزة مدورة وشدى الأطراف بإيدك

 

وسلامتك يا غالية شفاكِ الله وعافاكِ

 

ثانيا: عمر ما المادة الدهنية هتنزل من العجينة وتقلبيها علشان يكون الوجه جميل ومتساوى ومدور زى الصور ركزى فى الصور كويس الصورة قبل خروجها من الفرن إللى فيها ثلاث فطيرات دوائر فى الطبق هى دى بعد الفرد واثنى وقلبها يعنى بتكون شكلها جميل كأنك بتفرديها من أول وجديد

 

وهى دى فى الطبق وتركتها ترتاح فى الثلاجة نصف ساعة وبعدين أخدت واحدة واحدة ودهنت صينية بالزبدة وفردت فيها الفطيرة بالحجم إللى شفتيه ودخلتها الفرن

 

كل لما تكون الزبدة بدرجة حرارة المطبخ بتتجانس مع العجينة أكتر وما بتتسرب منها ولما تتركيها ترتاح تتجانس معها ودى تقريبا شبيهه بفكرة الكرواسون أو عجينة الميل في

 

وعذرا حبيبتى إنى اتأخرت عليكى فى الرد

 

وأى استفسار تانى أنا تحت أمرك حبيبتى

[بنت ام عبد 151]

السلام عليكم ورحمة الله وبركاته،،

أشروقة يا جميلة مش معقول كده فتحت الموضوع ده تقريبا 15 مرة اتفرج علي الفطير مفيش حل غير تعمليلي واحدة وتبعتيها :)

صدقيني انا تلميذتك انت اللهم بارك استاذة ... جزاك الله خيرا ردودك علي امةالرحمن افادتني كتير

[~ أم العبادلة ~ 1903]

السلام عليكم ورحمة الله وبركاته،،

 

بورك فيكِ يا غالية

 

إن شاء الله أجربها قريبا لما أنفض عني الكسل :)

[وأشرقت السماء 1565]

السلام عليكم ورحمة الله وبركاته،،

 

بورك فيكِ يا غالية

 

إن شاء الله أجربها قريبا لما أنفض عني الكسل :)

 

 

وعليكم السلام ورحمة الله وبركاته

 

وفيكِ حبيبتى بارك الله

 

ربنا يشفيكى ويتم حملك على خير حبيبتى

[وأشرقت السماء 1565]

السلام عليكم ورحمة الله وبركاته،،

أشروقة يا جميلة مش معقول كده فتحت الموضوع ده تقريبا 15 مرة اتفرج علي الفطير مفيش حل غير تعمليلي واحدة وتبعتيها :)

صدقيني انا تلميذتك انت اللهم بارك استاذة ... جزاك الله خيرا ردودك علي امةالرحمن افادتني كتير

 

وعليكم السلام ورحمة الله وبركاته

 

إنتى إللى عنيكى حلوة وبتشوف كل حاجة حلوة تسلميلى والله كلك ذوق وبعدين أعمل لك عشرين واحدة وهاكلهم مكانك بس ما تخافى هتكون فى نيتى إنهم لكى ههههه لأن طبعا أنا وأنتى واحد صح!!!

 

وجزاكِ حبيبتى شدى حيلك وطبقى وورينا التطبيق

 

ربى يبارك فيكِ ولكِ حبيبتى

[~ أم العبادلة ~ 1903]

السلام عليكم ورحمة الله وبركاته،،

 

بورك فيكِ يا غالية

 

إن شاء الله أجربها قريبا لما أنفض عني الكسل :)

 

 

وعليكم السلام ورحمة الله وبركاته

 

وفيكِ حبيبتى بارك الله

 

ربنا يشفيكى ويتم حملك على خير حبيبتى

اللهم آمين يا رب

طيب سؤال: ممكن أعجن بليل وأسيبها للصبح وبعدين الصبح افردها واكمل باقي الخطوات

بقالي فترة عايزة اعملها والوقت الوحيد المناسب هو الصباح واليومين دول همتي بتكون قليلة جدا الصبح وعلشان كده عايزه اعجنها بليل علشان غصب عني الصبح اكملها بس مش عارفة لو سيبتها ده كله صح ولا خطأ ؟؟

[~ أم العبادلة ~ 1903]

أنا تهورت وعجنت الأن وسبحان الله العجينة شكلها وملمسها وكل شيء يختلف عن كل مرة رغم ان كمية الدقيق والماء تقريبا واحدة لكن هذه متماسكة عن اللي عملتهم قبل كده

 

هل السبب اني هذه المرة كنت بضع الماء شوية شوية والمرات السابقة كنت بضع الكمية كلها في أول الغجن

 

انا عملت زي ما قلتِ يا اشروقة، وضعت كمية قليلة جدا حتى لمت الدقيق بس شعرت انها ناشفة فقعدت ازود واعجن وهكذا لغاية ما بقت لينة شوية لكن مش زي السفنجة

 

المهم قلت كفاية لاني وضعت تقريبا كوب ماء على اثنين كوب دقيق وهسيبها للصبح

 

وعلى فكرة، ايدي متدمرة وبتوجعني قوي وكانت حمراااااااااااااا :(((((((((

[وأشرقت السماء 1565]

أنا تهورت وعجنت الأن وسبحان الله العجينة شكلها وملمسها وكل شيء يختلف عن كل مرة رغم ان كمية الدقيق والماء تقريبا واحدة لكن هذه متماسكة عن اللي عملتهم قبل كده

 

هل السبب اني هذه المرة كنت بضع الماء شوية شوية والمرات السابقة كنت بضع الكمية كلها في أول الغجن

 

انا عملت زي ما قلتِ يا اشروقة، وضعت كمية قليلة جدا حتى لمت الدقيق بس شعرت انها ناشفة فقعدت ازود واعجن وهكذا لغاية ما بقت لينة شوية لكن مش زي السفنجة

 

المهم قلت كفاية لاني وضعت تقريبا كوب ماء على اثنين كوب دقيق وهسيبها للصبح

 

وعلى فكرة، ايدي متدمرة وبتوجعني قوي وكانت حمراااااااااااااا :(((((((((

 

 

سلامتك حبيبتى إجمدى شوية

 

صح كدة وده سر العجين المظبوط لازم الأول تلمى الدقيق كله وبعدين تزودى شوية بشوية صغيرين على حسب ملمس العجينة معاكى

 

كدة شطورة اللهم بارك

 

احفظيها فى التلاجة للصبح وبعدين افرديها وربنا معاكى