كبسه باللحمه بالصور على طريقتى الخاصه من مطبخى^^

[.~زينب محمد~. 100]

السلام عليكم

اخباركم ايه يا بنات^

النهارده علمت كبسه بس بطريقتى الخاصه^^ جمعت كذا طريقه وعملتها بس بعد الحاح فظيع على اختى عشان توافق عشان مره عملتها معجبتهومش خالص فهى مكانتش عايزانى اعملها بس مع مين ^^ ده انا الحاحى فظيع^^ بس اول ما كلتها عجبتها جدااا وعجبت باقى البيت الحمد لله^^

المهم ندخل فى الموضوع ونبطل رغى شويه^^

المقادير:

1كيلو رز بسمتى

كيلو ونص لحمه

نص كيلو طماطم

صلصه جاهزة او فى ناس بيقولوا عليها(معجون طماطم)

4بصلات كبيره

1فلفل اخضر+1فلفل احمر+1فلفل اصفر

2ملعقة سمنه +3او4ملعقة زيت

البهارات:ملح+ليمون ناشف+حببهان+كمون+بهارات كبسه+قرنفل(ولو حد عايز يضيف اى حاجه تانيه عادى ميضرش)

 

 

 

 

الطريقه :نحط السمنه والزيت فى حله لحد ما يسخنوا وبعدين نحط عليهم البصل والفلفل والبهارات(الليمون الناشف،حبهان،قرنفل)

ونقلب شويه لحد ما البصل يبقى طرى وبعدين نضيف عليهم معجون الطماطم ونقلب لحد اما كله يتحمر كويس

وبعدين نحط اللحمه عليهم وهتبقى مستويه ومتقطعه قطع صغيره ونقلب لمده عشر دقايق

وبعدين نحط عليهم الطماطم بعد اما ضربناهم فى الخلاط ونحط عليهم باقى البهارات ونسيبهم يتسبكوا كويس

وبعد اما تتسبك نحط عليها الرز والشوربه مع كل كوبايه رز كوبايه ماء

ونسيبها على نار عاليه لحد اما تتشرب وبعدين نهدى عليها ونسيبها لحد اما تتسوى

وبالهنا والشفا^^

 

 

وده للتحليه بعد الاكل^^

 

وده عشان الى عندهم برد^^

[ندى الورود 11]

امممممممممممممم شكله مشهىىى اكيد لذيذ

 

تسلم الايادى

[يسرا عبد الرحمن 718]

جمييييييييييييييييييل

شكله يفتح النفس

وطريقتك حلوة كتيييير

تسلم الأيادي

[ساره أم حمزه 1041]

وعليكم السلام ورحمة الله وبركاته

ما شاء الله اللهم بارك

جميل يا زينب O_o

جزاك الله خيرا

[ظِلّ زَهرَة 73]

جميل جدا زنوبة <3

تسلم اديكي

[.. همســة قلــب .. 620]

جميل اوى زينبُ =)

 

سلمت الايادي حبيبتي ودائما شطوووورة بالمطبخ ^ـــ^

[~ماريا~ 1340]

يا سيدي يا سيدي علي الكبسات

 

رووعه يا زينبُ

تسلم ايدك وافكارك يا بنت والله

 

ومرسي علي الحلو

هو ايه؟؟؟

وايه دا شاي باليمون ولا ايه؟؟

ههههههههههههه

[.~زينب محمد~. 100]

@@ندى الورود

جزاك الله خيرا اه شكله شهى وكمان طعمه شهى^^

 

@@يسرا عبد الرحمن

اسعدنى مرورك يا جميل^^

@@ساره محمد

واياكِ يا سرسورة^^

تسلميلى يا قمر

@أم ابراهيم السلفية

تسلمى يا جميل^^

@@.. همســة قلــب ..

نورتى يا قمر الموضوع

اه الحمد لله^^

@مـــاريـــا

الله يسلمك يا قمر^^

ده ينسون لزوم البرد الله المستعان^^

[ام عبدالله2011 78]

سلمت يداكي زنوبه

انا من عشاق الكبسه جوعتيني هئ هئ هئ

[.~زينب محمد~. 100]

الله يسلمك يا جميل

اه الكل بيحب الكبسه^^ ودى كمان شكلها حلو وطعمها كمان^^

اسعدنى تواجدك:)

[أمّ عبد الله 2363]

وعليكم السلام ورحمة الله وبركاته ،،

 

جزاكِ الله خيرًا يا حبيبة طريقة جميلة .

[أم عبد الرحمن 5 9]

جميلة تسلم إيدك :)

[.~زينب محمد~. 100]

وعليكم السلام ورحمة الله وبركاته ،،

 

جزاكِ الله خيرًا يا حبيبة طريقة جميلة .

واياك مشرفتى:)

[.~زينب محمد~. 100]

جميلة تسلم إيدك :)

 

الله يسلمك من كل سوء

[آسفة على أحوال المسلمين 296]

وعليكم السلام ورحمة الله وبركاته

 

جميلة يا زينب ما شاء الله سلمت الأيادى

 

على ما يبدو إنكِ طهاية مهارة ما شاء الله عليكِ يا زينوبة

 

هنيئاً مريئاً

[.~زينب محمد~. 100]

وعليكم السلام ورحمة الله وبركاته

 

جميلة يا زينب ما شاء الله سلمت الأيادى

 

على ما يبدو إنكِ طهاية مهارة ما شاء الله عليكِ يا زينوبة

 

هنيئاً مريئاً

سلمكِ الله من كل سوء

 

لالالا مش اوى كده دى حاجات على الاد اهو لسه بتعلم

هنئكِ الله

[**صفا** 208]

شطوره يازيزو

انتى شكلك طاهيه جامده

مستنين ابداعاتك القادمه لا تتأخرى

وشكرا على الينسون جه فى وقته

[**أمينة** 29]

مبدعة يا زينوبة ما شاء الله عليكي :)

 

تبدو كبسة لذييذة .. هي طعامي الكفضل

 

♥

[.~زينب محمد~. 100]

شطوره يازيزو

انتى شكلك طاهيه جامده

مستنين ابداعاتك القادمه لا تتأخرى

وشكرا على الينسون جه فى وقته

 

لا مش اوى كده اهو على ادى يادوب

ان شاء الله كل اما اعمل جديد هحطه بإدن الله

اه ما انا عارفه كله هيكون عاوزه فى الوقت ده:)

[.~زينب محمد~. 100]

مبدعة يا زينوبة ما شاء الله عليكي :)

 

تبدو كبسة لذييذة .. هي طعامي الكفضل

 

♥

 

نعم الكبسه كتيير بيحبوها

نورتى الصفحه:)