ملف الاستعداد لرمضان (عشان تخلصي أكلك بسرعة)

[بنت الصادق 9]

السلام عليكم ورحمة الله وبركاته

 

 

اخواتي الحبيبات.. بعد السلامات و... احب افتح الملف دة.. وهو ملف يخلي حياتك سهلة جدا وخاصة لو انتي موظفة.. مش في رمضان بس ولكن كل يوم. :dry: :-

 

قولولي الأول ازاي استعديتو لرمضان، :excl: وانا عن نفسي هكلمكو عن الي عملته يمكن تستفيدو:

 

1- نزلت السوق أمس وشريت كل حاجة رمضان وتموين بيتي والتلاجة والفريزر.. عشان تكونو عرفين ابل رمضان علاطول بتكون الحاجة غالية ناااار وبتكون الجمعيات زحمة.. دة غير ان الحاجة بتخلص علاطول وبتدوري كتير علا حاجتك.. عشان كدة انا جبت كل حاجة بدري بدري.

 

 

2- وجدت الطماطم رخيصة.. وعشان الطماطم مجنونة على رأي بياعين الخضار (مجنونة يا أوطة) ويوم غالية ويوم رخيصة.. جبت كمية كبيرة جدا للطبخ وغسلتها وحطتها زي ما هي في الفريزر وبكدة تكون متاحة لية لو عيزة اطبخ بطلعها قبلها بشوية وبعدين بسيبها تفك من الثلج وبعدين اعصرها واستعملها للطبخ :cool: .. وفي الحالة دي مش بزودها اي مية بعد العصر عشان هي اصلا بتكون فيها مية من التلج.

بس بعد ما تلجتها في الفريزر لئيته بأة مليان اوي وانا لسة عيزة اجيب حاجات تانية ومفيش مكان ليها.. عشان كدة قررت اتجه الاتجاه الآخر وهو الأفضل والأسهل. :icon15:

 

 

وهقولك علا الطريقة دي هتعجبكو اوي وهتسهلكو عملية الطبخ وفنفس الوقت مش بتاخد مكان

اغسلي الطماطم واعصريها.. وبعدين ضعيها على النار تتسبك.. من غير ولا زيت ولا مية ولا بصل ولا يحزنون.. :tongue: وسيبيها على النار لغاااااااااااااااااااااااااااااية اما تتسبك.

 

بعد كدة هاتي برطمانات فاضية وجافة.. (احزري ان تكون مبلولة بالماء فستؤدي إلى تعفن الطماطم)

بعدين عبي فيها عصير الطماطم بعد ما يتسبك وبعد كدة رشي على عصير الطماطم من فوق زيت عشان بردو يمنع التعفن. واغلقي البرطمانات بإحكام وضعيها في التلاجة

 

لما تيجي تطبخي.. بعد ما تحمري البصلة حطي عليها ملعقتين من الطماطم دي وزودي شوربة وحطي الخضار علاطول عشان يستوي.

 

 

 

بكدة انتي استفدتي كذا حاجة:

 

1- وفرتي فلوسك واشتريتي الطماطم وهي رخيصة.

 

2- نقيتي الطماطم الحلوة المستوية الحمرا للطبيخ وبراحتك بعيد عن الزحمة..

 

3- وفرتي وقتك لأن دي اسهل طريقة ممكن تطبخي بيها.. حتى مش هتضطري تطلعي الصلصة ابلها بفترة لو انتي متلجاها في الفريزر. بالعكس هي جاهزة عندك متسبكة.

 

4- وفرتي مكان في الفريزر.

:tongue:

كدة عرفنا حاجة كويسة بتساعدني انا شخصيا كتير في عملية الطبخ

 

وجبت معاها طماطم السلطة.. ولما جيت انقيها نقتها صفرا شوية وجامدة اوي عشان متبوظش معايا.. طبعا هي لحد مايجي رمضان هتكون خلصت لأننا استهلاكنا للطماطم كتير.. بس حبيت اقولكو بردو ازاي تنقو طماطم السلطة

 

المرة الجية هقولكو علا طرق جميلة وكتيرة عشان توفرو وقتكو.. وانا مستنية تفاعلكو وأرائكم لطريقتي في استعدادي لرمضان.. ومستنية تجاربكو

 

يلا سلام 8-)

 

تم تعديل 3 سبتمبر, 2007 بواسطة بنت الصادق

[لواء العزة 5]

السلام عليكم ورحمة الله وبركاته،،

بارك الله فيكِ حبيبتي

بنت الصادق ( ام مريوم)

 

على الفكرة الرائعة فعلا بنحتار في رمضان

وطريقة الصلصة المسبكة كنت بعملها وفعلا بتسهل كتير وبتنجز في الوقت

 

فكرتيني نعملها

 

وممكن كمان طرية تسهل الطبخ وفي وقت قصير قبل رمضان ممكن تفرمي بصل كتيير

وتحمريه زي ما بنحمرة في الطبخ وبعدين تشليه في اكياس صغير وتقسمية على الطبخات

وفعلا هايوفر من وقتك كتير

مجرد ما تحطى البصل المعد وبعديه الطماطم المسبكة المعده وبكده تحطي اي نوع خضار وتبقى خلصتي

الاكل في وقت وجيز

وممكن تستغلى وقتك الايام دي بتقشير ثوم بكمية ووضعة في اكياس كما هو بدون طحن

دا هايسهل عليكِ ويوفر لك من الوقت

 

عاوزين نستغل رمضان للطاعة مش نقضيه في المطبخ

في إنتظار مزيد من تجارب الاخوات

لكي نستفيد

[بنت الصادق 9]

جزاكي الله خيرا حبيبتي مروة على الطرق الجميلة

وعلا فكرة انا كنت هحطها من ضمن الطرق بتاعتي بس الي سبأ ياكل النبأ هههههههههههه

 

شوفي .. بالنسبة للبصل ممكن من غير متحمريه تقطعيه بس في الكبة وتحطيه في الأكياس وعالفريزر، والطريقة دي اريحلي لأن كل طبخة وليها البصل بتاعها.. يعني مثلا انا بحب اعمل الكوسة والبطاطس والفاصوليا البصل بتاعها ني فني .. يعني ابيض.. وكذلك الفراخ الصينية واللحمة الطاجن ولما اجي اتبل اي حاجة..

لذلك بحطه زي ماهو متقطع بدون تحميره..

 

بالنسبة للتوم نفس الشيء.. بهرسه.. بس علافكرة انتي طريقتك احسن

لأني بردو بحب اهرسه مع حاجة على حسب الطبخة.. يعني ممكن مع الكسبرة عشان الملوخية، وممكن مع مجموعة توابل تانية عشان البرياني او تتبيلة الجمبري او الدجاج، وممكن مهرسوش خالص واقطعه بس في الطبيخ وفعلا بيسهل اي حاجة..

عموما انا هعمل طريقتك ومش حهرسه

 

ومتشكرين ياستي على الطرق الجميلة لتوفير الوقت

 

انا في آخر الموضوع هكتبلكم علا وصفة لأكلة تحفففففففففففففففففففففة ناوية ان شاء الله اعملها في رمضان كعزومة

 

وعلافكرة هي طبخة خليجية.. ومشهورة جدا.. ولذذذذذذذذذذذيذذذذذذذذذذذة اوي اوي اوي

وكل الي بيدوقها بتعجبه موت..

 

وفوق دة كله سهللللة اوي اوي اوي ومش بتاخد وقت..

 

مش هقولكو عليها دلوقت..:)

[ام البراء-18 0]

السلام عليكم ورحمة الله وبركاته،،

جزاكي الله خيرا

في انتظار المزيد ان شاء الله

[لؤلؤة الجنان 1]

السلام عليكم ورحمة الله وبركاته

الأخت الحبيبة بنت الصادق بارك الله فيكِ وجزاكِ خيرا

أفكارك سهلة وبسيطة وتوفر من وقتنا الكثير

إن شاء الله أنفذها

والأخت الحبيبة مروة تركى أيضا طريقتها بسيطة بس أخت زوجى بتحتفظ بالثوم مفروم وبتقول إنه بتفضل نكهته زى ما هى

وحماتى بتحب تحتفظ بيه سليم دون فرم

كل شيخ وله طريقته

جزاكن الله خيرا حبيباتى وبارك فيكن

ونحمد الله على صحبتكن

وأستأذنكم لنقل أفكاركم لمنتدى آخر

ِ

تم تعديل 2 سبتمبر, 2007 بواسطة لؤلؤة الجنان

[طالبة العفو والغفران 0]

وعليكم السلام ورحمة الله وبركاته،،

تسلمى حبيبتى بنت الصادق على الموضوع الاكثر من رائع

جعله الله فى موازين اعمالك

[أم خليفة 0]

جزاك الله خيرا اختي الحبيبة بنت الصادق

 

ونحن في انتظار المزيد

[بنت الصادق 9]

أولاً أشكر مشرفتنا الحبية واختنا الغالية مروة تركي على تثبيت الموضوع

 

تاني حاجة بشكر كل اخواتي الي دخلو موضوعي وشاركو ولو حتى بكلمة

 

بالنسبة للتوم عيزين حد عنده خبرة يقولنا الأفضل نحتفظ بيه مفروم ولا صحيح.. عموما انا هسأل في الموضوع دة وابأة أرد عليكو

 

 

في حاجة تانية ناس كتير بتعملها في رمضان .. وبتوفر عليهم الوقت اوي..

والحاجة دي هي:

 

انك تعملي العسل للحلويات من ابل رمضان وتحتفظي بيه في التلاجة وتعملي منه كمية كبيرة.. عشان تكفيكي طووول رمضان

والطريقة كالآتي:

 

اعملي 10كوب سكر ابيض..

والماء على حسب، لو عيزة العسل خفيف حطي 8 كوب ماء

اما لو عيزاه تقيل حطي 6 كوب ماء.

اعصري عليهم لمونتين.. (لمون مصري) وتعصري اللمون بعد ما السكر يذوب في الماء

بعد كدة حطيهم عالنار واستني لما يغلي واطفي.

ولما يبرد احتفظي بيه في التلاجة في برطمان محكم الغلق

 

وعلافكرة العسل دة هيكفيكي تعملي منه مثلا مقدار 7 صواني كنافة

 

لو عيزة اكتر زودي كمية العسل الي هتعمليها

 

دي طريقة تانية لتوفير الوقت في رمضان أتمنى انها تكون نالت علا اعجابكم، يلا يبنات مستنية مشاركتكم وخبراتكم.

تم تعديل 3 سبتمبر, 2007 بواسطة بنت الصادق

[طالبة العفو والغفران 0]

بارك الله فيك اختي تسلمي على هذه الافكار

 

واسمحيلي بهذه الاضافة

 

 

 

 

أخواتي اليكم هذه الافكار التي تساعدك برمضان:

 

 

1) عليك شراء بعض الأشرطة الدينية التي تخص شهر رمضان وأشغالها وقت عملك بالمطبخ.

 

2) نغسل االبهارات وننقيها ونربطها بالشاش لأستخدامها فى الشوربة والباقي عليك طحنة.

 

3) عند شراْ اغراض رمضان ابدئي بالأشياء الضروية وتجنبى الإسراف.

 

4) عليك تفريز مايمكن تفريزة للأستخدام وقت الازمات

 

5) عليك عصر بعض الفواكة المحببة لك ووضع منها بقوالب الثلج لكي توضع على العصير بدلا من الماء المثلج.

 

6) عليك با البحث والنبش بالمطبخ لما هو منتهى الصلاحية من أطعمة.

 

7) عليك بعمل الشيرة ووضعها بجالون الزيت بعد غسلة لتوفير الوقت.

 

8) اذا كنت أمرأة عاملة عليك عمل الحلى من الليل لتفادي الوقت.

 

9) اذا كنت أمرأة عاملة عليك أقتناء قدر الضغط لاختصار الوقت.

 

10) اقتناء انبوبة غاز أحتياطية خوفا من انتهاء الأنبوبة وقت عملك بالمطبخ.

 

 

 

12) عند أرادتك بأخراج اللحم للأفطار عليك بوضعها فى صحن ويوضع فى أحد رفوف الثلاجة من الليل.

 

13) عليك بتجهيز الأدوات التي تستخدميها للسفرة بوضعها فى صينية وتغطيتها بمنشفة ووضع التمر بصحون ولفها بالقصدير.

 

14) عليك بوضع قصدير على البوتجاز ليخفف عليك تنظيفه من القلي ويحافظ علية.

 

16) اذا وجد لديك أطفال لا يصوموا عليك بابقاء أكل لهم من قبل أو إصنعي لهم مايرغبون.

 

15) أذا بقي لديك أطعمة نظيفة من الفطور أو السحور لاترميها لكن ضعيها بأكياس وأعطيها من هم فى حاجة لها.

 

16) اذا تبقى لديك خبز عليك بتقطيعة ووضعة بالفريزر لوقت الأستخدام للأطباق التي يحتاجها.

 

17) عليك بتنظيف مكان عملك بالمطبخ أول بأول حتى لايتراكم عليك الشغل.

 

18) وعليك بتقطيع الخضار مثل البقدونس والكزبرو والشبت ووضعها بعلب حافظة بالفريزر للاستخدام.

 

وأهم شئ لاتنسى نفسك بالأكل وتنسى أهم شئ وهو قراءة القرآن الكريم وهو الذي سوف ينفعك ويشفع لك يوم القيامة أكثرن من التسبيح والاستغفار في كل وقت .

 

تذكروا هذه الأفعال لا تقضوا أكثر الوقت في المطبخ واجعلوامن فطوركم أجرا لكم وافطروا صائما وأرسلوا للفقراء ولاتنسوا جيرانكم واهلكم فهذا باعث للمحبة والوصل..

 

 

أيها المسلمات:

 

 

أكرموا هذا الوافد الكريم.. استقبلوه بالتوبة الصادقة والرجوع إلى الله؛ أروا الله من أنفسكم في هذا الشهر المبارك.. فإن لله نفحات من حرمها فقد حرم خيراً كثيراً، جاهدوا أنفسكم؛ أخلصوا النية لله في الاستعداد له؛ فربما قطع هادم اللذات تلك الأماني فبلغ صاحبها بنيته ما لم يبلغه بعمله.. كم من إخواننا الذين كانوا يخططون لشهر رمضان وعمل الخيرات فيه، وقد حملناهم على الأكتاف ودفناهم تحت الأجداث لكنهم بلغوا إن شاء الله بنياتهم..

[لؤلؤة الجنان 1]

السلام عليكم ورحمة الله وبركاته

أخواتى الحبيبات جزاكن الله خيرا وبارك فيكن

أختى الحبيبة طالبة العفو والغفران جزاكِ الله خيرا

بس بصراحة فى جملة ما فهمتها

7) عليك بعمل الشيرة ووضعها بجالون الزيت بعد غسلة لتوفير الوقت.

لو ممكن توضحيها بارك الله فيكِ واحسن اليكِ

تم تعديل 3 سبتمبر, 2007 بواسطة لؤلؤة الجنان

[أم عائشة المصرية 242]

الأخت الغالية بنت الصادق..بارك الله فيك موضوعك جميل زمهم جدا في الوقت ده..

 

 

وهناك نقطة مهمة جدا خلي بالكم منها..وهي إنكم تنظفوا الثلاجة كلها الأول ثم تبدأو في التخزين..

 

بالنسبة لموضوع الثوم الذي ذكرتيه أذكر لك:

لقد أهدت إلى أحد قريباتي-بارك الله في وقتها- برطمانا به ثوم مفروم وطريقته ( نزع قشر الثوم ثم فرمه في الكبة ثم وضع الملح عليه ليحفظه )

وكان ذلك من فترة طويلة (كذا شهر) وأنا الحمد لله أستخدمه إلى الأن والفكرة مريحة جدا حيث أنها توفر الوقت والجهد والرائحة :(

وأنا أضع البرطمان في الفريزر وآخذ منه عند اللزوم..

 

على فكرة أنا كاتبة موضوع مشابه لموضوعك بس على البيت وتنظيفه..

ها يا أخوات نظفتوا البيت ولا لسه؟

تم تعديل 3 سبتمبر, 2007 بواسطة أم عائشة المصرية

[أم عائشة المصرية 242]

يعني قصدي اختصارا على الأخوات..والذي قمت به بالفعل بفضل الله:

 

* غسل الستائر وتنفيض السجاجيد.

*إعادة تنظيف وترتيب الدواليب.

*شراء كمية من اخلضروات مثل البامية والقلقاس والفاصوليا والملوخية..إلخ وتنظيفها ووضعها في الفريزر..

*شراء ملابس العيد لحبيبتي وبنوتي عيوشة.

*شراء لبس العيد لي أنا واكسسورارت للعيد..(أرجو ألا تغفل الزوجات عن هذه النقطة المهمة).

[~ الجهاد ~ 0]

 

بارك الله فيكِ غاليتي بنت الصادق على الموضوع الجميل

 

 

ولكن أظن غاليتي الإحتفاظ بالثوم صحيح أفضل من الإحتفاظ به مفروما

 

 

وكذلك البصل عمري ما رأيت والدتي تحفظه مفروما في الفريزر . . لأني أعرف أن ترك البصل بعد تقطيعه أو فرمه دون استخدامه يجعله يتأكسد ويكون مواد سامة . . فهل هو لا يتأكسد إذا فرم وترك بالفريزر . . وأظنه يفقد طعمه أيضا

 

 

.

 

.

 

اعذريني على الإطالة

 

 

.

 

.

 

 

وأذكركن أن تحتسبن الأجر وأنتن بالمطبخ بأنكِ تطبخي لأجل زوجك وأولادك . . أو لمساعدة الوالدة

 

 

وكذا أذكركن بإستغلال وقت الطبيخ في كثرة الإستغفار وذكر الله

 

 

بلغنا الله وإياكن رمضان على خير

[ساره أم حمزه 1041]

وعليكم السلام ورحمة الله وبركاته

 

ما شاء الله لا قوة إلا بالله

 

ايه الحلاوة دى يا الشيف بنت الصادق

 

ربنا يبارك فيكِ

 

وجزاكِ الله خيرا حبيبتى مروة تركى و ام عائشة المصريه و طالبة العفو و الغفران

 

مع انى مش بتاعت طبخ انا لسه

 

لا إله إلا الله محمد رسول الله

[أم الابطال 0]

السلام عليكم ورحمة الله وبركاته،،

 

جزاك الله خيرا اختي بنت الصادق موضوع مهم وراائع

 

انا في حاجه بنعملها كل العيلة قبل رمضان

 

بنشتري عجيبنة السبموسك وبنجيب السبرنغ رول وعجينة البف باستري

واي عجينه كل وحده وطريقتها بس هادي جربتها

ونحضر حشوات مختلفة لحمة أو دجاج أو جبنه أو خضار

ونعد نلف اكوااااااااااااااااااام منها ونحطها في اكياس نايلون مترتبه ونحطها في الفريييز

وكل يوم نطلع منها قبل الفطار بساعتين تقريبا ونقليها قبل المغرب

 

بجد سهله وبتوووفر وقت كتييير كتيير كتيير بجد

بالزات احنا في السعوديه متعودين لازن نفطر سمبوسك وشوربة كل يوم

واما عشان الحلو نصيحة للاخوات

تعمل العيله كلها دااااااااااااايت ونبطل الحلويات عشان نرتاح من الشغل ومن الوزن

طبعا كل واحده براحتو

 

جزاكم الله خير على النصائح

انا بخصوص التوم فممكن في السوبر ماركت في قسم الخضار في علب توم مفروم ومثلج

والله جدا حلوة وسهله ولا تعب التوم بصراحه ورخيصه كمان

وتحطيها في الفريزر بتقعد وقت طوييييل

 

والله يعين الجميييع

[أم ريتاج 7]

السلام عليكم و رحمة الله و بركاته

 

مشكورة حبيبتى على موضوعك

 

بصراحة انا حاسة انك خفيفتى عليا شغل البيت و الاكل في رمضان

 

و بكده اظبت وقتى فعلا عشان انا كنت بقعد احضر حاجة اليوم اللى بعده من بلليل

 

لكن فعلا لو نظمت الحاجة هفرغ وقت اكبر للعبادات

 

جزاكي الله خيرا حبيبتى

 

انا باجي عند وقت موسم الفواكه و بيجبها و اعصرها و احضرها و احفظها في الديب فريرزر

 

يعنى وقت المانجا زي الايام دي في مصر بيجيب المانجا المستويه و اعصرها و احطها في اكياس و احطها في الديب فريرزر

 

كذلك وقت المشمش اجيبه و انزع منه النوى و اعصره و احفظه

 

و زيهم الفراوله و الجوافه

 

حتى عصير الليمون بستنى لما يكون رخيص و فيه ميه كتير

 

و اعصره و احطه في قوالب الثلج و احطه في فريرزر الثلاجة العادي لحد ما يتلج و بعدين اقلبهم في كيس بلاستيك و احطهم في الديب فريرزر

 

و زيه البرتقال برضوه بس بحطه في قوالب اكبر شويه

 

و بحضر الفراخ الكنتاكي و بتبلها و احطها في الديب فريرزر عشان تبقى جاهزه و في نفس الوقت تكون شربة تمام من الخلطة بتاعتها

 

وزيها الفراخ اللى هشويها و اللحمة اتبلهم و احطهم في الديب فريرزر

 

بصراحة انا حاسة ان الديب فريرزر هيصرخ في وشي مره و يقولى حرام عليكي

:cry: :cry:

[أم ريتاج 7]

السلام عليكم و رحمة الله و بركاته

 

اه

 

على فكرة

 

نسيت اقولكم ان باحفظ التوم صحيح

 

بس المره دي مش الديب فريرزر :cry: :?

 

لأ

 

بحطه في برطمان و احطه في التلاجه عادي و بيفضل كويس زى ماهو

 

الوحيد اللى بفرمة هو بتاع خلطة الباذنجان او السمك

 

بفرم معاه الفلفل و باحط الملح و الكمون بحطه لما اجى استخدمة عشان مش يمرر من التخزين

 

بس ده بقا مش يقوتنى باخده و احطة فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :? :?

 

في الديب فريرزر طبعا :cry: :cry: :cry:

[لواء العزة 5]

السلام عليكم ورحمة الله وبركاته،،

بارك الله فيكن ياأحلى أخوات

بجد شكلكم ستات بيوت من الدرجة الاولى

ماشاء الله عليكن

متابعة معكن

ولي عودة إن شاء الله

[بنت الصادق 9]

بارك الله فيك اختي تسلمي على هذه الافكار

 

واسمحيلي بهذه الاضافة

 

 

 

 

أخواتي اليكم هذه الافكار التي تساعدك برمضان:

 

 

3) عند شراْ اغراض رمضان ابدئي بالأشياء الضروية وتجنبى الإسراف.

 

4) عليك تفريز مايمكن تفريزة للأستخدام وقت الازمات

 

6) عليك با البحث والنبش بالمطبخ لما هو منتهى الصلاحية من أطعمة.

 

7) عليك بعمل الشيرة ووضعها بجالون الزيت بعد غسلة لتوفير الوقت.

 

8) اذا كنت أمرأة عاملة عليك عمل الحلى من الليل لتفادي الوقت.

 

10) اقتناء انبوبة غاز أحتياطية خوفا من انتهاء الأنبوبة وقت عملك بالمطبخ.

 

 

12) عند أرادتك بأخراج اللحم للأفطار عليك بوضعها فى صحن ويوضع فى أحد رفوف الثلاجة من الليل.

 

13) عليك بتجهيز الأدوات التي تستخدميها للسفرة بوضعها فى صينية وتغطيتها بمنشفة ووضع التمر بصحون ولفها بالقصدير.

 

14) عليك بوضع قصدير على البوتجاز ليخفف عليك تنظيفه من القلي ويحافظ علية.

 

 

16) اذا تبقى لديك خبز عليك بتقطيعة ووضعة بالفريزر لوقت الأستخدام للأطباق التي يحتاجها.

 

17) عليك بتنظيف مكان عملك بالمطبخ أول بأول حتى لايتراكم عليك الشغل.

 

وأهم شئ لاتنسى نفسك بالأكل وتنسى أهم شئ وهو قراءة القرآن الكريم وهو الذي سوف ينفعك ويشفع لك يوم القيامة أكثرن من التسبيح والاستغفار في كل وقت .

 

تذكروا هذه الأفعال لا تقضوا أكثر الوقت في المطبخ واجعلوامن فطوركم أجرا لكم وافطروا صائما وأرسلوا للفقراء ولاتنسوا جيرانكم واهلكم فهذا باعث للمحبة والوصل..

 

 

أيها المسلمات:

 

 

أكرموا هذا الوافد الكريم.. استقبلوه بالتوبة الصادقة والرجوع إلى الله؛ أروا الله من أنفسكم في هذا الشهر المبارك.. فإن لله نفحات من حرمها فقد حرم خيراً كثيراً، جاهدوا أنفسكم؛ أخلصوا النية لله في الاستعداد له؛ فربما قطع هادم اللذات تلك الأماني فبلغ صاحبها بنيته ما لم يبلغه بعمله.. كم من إخواننا الذين كانوا يخططون لشهر رمضان وعمل الخيرات فيه، وقد حملناهم على الأكتاف ودفناهم تحت الأجداث لكنهم بلغوا إن شاء الله بنياتهم..

 

 

أختي في الله طالبة العفو والغفران..

 

اول شيء جزاكي الله خيرا على النصائح الرائعة جعلها الله في ميزان حسناتك يوم أن نلقاه

 

 

وما أفعلة فعلا اقتبسته في ردي.. فأنا أفعل كل هذا ولله الحمد

 

لكي جزيل الشكر اختي.. وبانتظار مشاركاتك الرائعة.

[بنت الصادق 9]

7) عليك بعمل الشيرة ووضعها بجالون الزيت بعد غسلة لتوفير الوقت.

 

اختي في الله لؤلؤة الجنان

 

المقصود بهذه العبارة هو انك تعملي عسل الحلويات (الشيرة) بنفس الطريقة الي ذكرتها سابقاَ وتحفظيها في الثلاجة في برطمانات او جالونات زيت فاضية.. يعني زجاجة الزيت الفارغة..

عرفتي اختي

 

 

وجزاكي الله خيرا على مرورك الطيب

بانتظار مشاركاتك

[بنت الصادق 9]

الأخت الغالية بنت الصادق..بارك الله فيك موضوعك جميل زمهم جدا في الوقت ده..

 

 

وهناك نقطة مهمة جدا خلي بالكم منها..وهي إنكم تنظفوا الثلاجة كلها الأول ثم تبدأو في التخزين..

 

بالنسبة لموضوع الثوم الذي ذكرتيه أذكر لك:

لقد أهدت إلى أحد قريباتي-بارك الله في وقتها- برطمانا به ثوم مفروم وطريقته ( نزع قشر الثوم ثم فرمه في الكبة ثم وضع الملح عليه ليحفظه )

وكان ذلك من فترة طويلة (كذا شهر) وأنا الحمد لله أستخدمه إلى الأن والفكرة مريحة جدا حيث أنها توفر الوقت والجهد والرائحة :(

وأنا أضع البرطمان في الفريزر وآخذ منه عند اللزوم..

 

على فكرة أنا كاتبة موضوع مشابه لموضوعك بس على البيت وتنظيفه..

ها يا أخوات نظفتوا البيت ولا لسه؟

 

أختي الحبيبة ام عائشة المصرية

من زمان اقرأ مواضيعك ولكن لم يحدث بينك وبيني اي حديث من قبل

الحمدلله ان جمعني هذا الموضوع بأخت رائعة مثلك.. أحسبك كذلك ولا أزكي على الله أحد

انا فعلا قرأت موضوعك امس وهو جميل جدا ومهم وقد لفتي نظر الأخوات لشيء مهم جدا ألا وهو نظافة البيت قبل كل شيء.. فأنا عندما كنت استقبل ضيوفي في رمضان ونظراً لأني موظفة.. كنت بحتاس اوي في تحضير الأكل (أكل العزومات الكبيرة) وفنفس الوقت تنظيف البيت.. وكنت بعاني الأمرين ولكن الحمدلله رب العالمين اصبحت انظم وقتي الآن بشكل أفضل

 

بالنسبالي انا ستائر بيتي ولله الحمد جديدة ولا أريد أن اهلكها بالغسيل.. فقررت ان اغسلها على العيد الكبير وعليكي خير.. بس ستائر غرفة نومي ونظراً لأنها بيضاء قلت هغسلها ان شاء الله اليومين دول.

 

والسجادة عندي لسة جديدة بس امس لاحظت ان فيها بقع كتير جدا وانا مكنتش واخدة بالي.. لأني مش بقعد على الأرض ابدا وطبعا نظري مش جايب:tongue:

وللأسف الشديد الي لاحظتها امس امي وهي جالسة على الأرض بالرغم اني كنت منظفة البيت جدا.. :wub:

المهم قررت اني اغسلها بردو ابل رمضان عشان اوفر علا نفسي تنظيف ساعات

 

دي بس الحاجات الي نقصاني.. بالإضافة طبعا اني ناوية اخلص كل غسيلي ابل رمضان بأي شكل.. عشان ابأة داخلاه وبالي مرتاح .. الله كريم

 

بالنسبة للتوم انا سألت أنهي افضل، اني احتفظ بيه مهروس ولا صحيح.. ستات بيوت كتير عندهم خبرة قالولي لأ طبعا احتفظي بيه مهروس واعملي علبتين

علبة لتتبيلة السمك وتكوني هرسة معاه ملح وكمون

وعلبة تانية للتوم بس

 

ودة بيوفر عليكي وقت كبير جدا.

 

عموما مش هنختلف.. الي عجباها الطريقة أو دي تعملها

 

 

حبيبتي ام عائشة جزاكي الله خيرا على مرورك الطيب وانا مبسوطة اوي اني اتكلمت معاكي :)

[بنت الصادق 9]

يعني قصدي اختصارا على الأخوات..والذي قمت به بالفعل بفضل الله:

 

*شراء كمية من اخلضروات مثل البامية والقلقاس والفاصوليا والملوخية..إلخ وتنظيفها ووضعها في الفريزر..

*شراء لبس العيد لبنتي عيوشة

*شراء لبس العيد لي أنا واكسسورارت للعيد..(أرجو ألا تغفل الزوجات عن هذه النقطة المهمة).

 

 

أول نقطة انا مش بعملها لأني بشتري الخضار مجمد علاطول.. لسة هقطع وهعمل.. امتة كل دة! انا بشتريه مجمد ونوعه حلو بس طبعا باخد بالي من تاريخ الصلاحية

 

بالنسبة للبس العيد اول الشهر بإذن الله يعني تقريبا على نص رمضان هنزل اجيبه لبنتي مريوم عشان دة اول عيد يمر عليها

 

بالنسبالي انا بأة ناوية انتقم واشتري لبس كتير اوي بس مش دلوقت.. يمكن بعد العيد، لأني بعمل ريجيم اليومين دول جسمي كان بايظ اوي إثر الحمل والولادة القيصري، لذلك عاقبت نفسي بإني ملبسش اي حاجة إلا لما اخس عشان دة يكون دافع قوي لية.

وان شاء الله ناوية اشتري لبس كتير اوي بالاتفاق مع زوجي

[بنت الصادق 9]

 

بارك الله فيكِ غاليتي بنت الصادق على الموضوع الجميل

 

 

ولكن أظن غاليتي الإحتفاظ بالثوم صحيح أفضل من الإحتفاظ به مفروما

 

 

وكذلك البصل عمري ما رأيت والدتي تحفظه مفروما في الفريزر . . لأني أعرف أن ترك البصل بعد تقطيعه أو فرمه دون استخدامه يجعله يتأكسد ويكون مواد سامة . . فهل هو لا يتأكسد إذا فرم وترك بالفريزر . . وأظنه يفقد طعمه أيضا

 

 

.

 

.

 

اعذريني على الإطالة

 

 

.

 

.

 

 

وأذكركن أن تحتسبن الأجر وأنتن بالمطبخ بأنكِ تطبخي لأجل زوجك وأولادك . . أو لمساعدة الوالدة

 

 

وكذا أذكركن بإستغلال وقت الطبيخ في كثرة الإستغفار وذكر الله

 

 

بلغنا الله وإياكن رمضان على خير

 

 

اختي في الله الجهاد

اولا حياكِ الله في موضوعي واتمنى ان اكون أفدتك ولو بكلمة

ثانيا بالنسبة للتوم كما قلت في مشاركتي السابقة فالكثير نصحوني بأن احتفظ به مفروما لتسهيل الوقت.

 

بالنسبة للبصل مادام مجمد فلا يحدث له شييء بإذن الله، حتى اني تساءلت عن هذا كثيرا، لن يتغير لونه او طعمه او رائحته فقالو لي من جربن هذه الطريقة ولا يحدث له اي شيء بالمرة

بالعكس مادام مجمدا فهو يحتفظ بخواصه بدون أي أكسدة.. كما انه يوفر عليكي الوقت والجهد.

انا شخصيا معظم وقتي في المطبخ بيمر وانا بقطع البصل واسبك الصلصة.. بس معتقدش بعد كدة هعاني من اي حاجة ان شاء الله.

 

جزاكي الله خيرا على مشاركتك ومرورك الكريم وكل عام وأنتي بخير :)

[بنت الصادق 9]

وعليكم السلام ورحمة الله وبركاته

 

ما شاء الله لا قوة إلا بالله

 

ايه الحلاوة دى يا الشيف بنت الصادق

 

ربنا يبارك فيكِ

 

وجزاكِ الله خيرا حبيبتى مروة تركى و ام عائشة المصريه و طالبة العفو و الغفران

 

مع انى مش بتاعت طبخ انا لسه

 

لا إله إلا الله محمد رسول الله

 

اختي في الله سارة محمد المصرية

وبارك الله فيكي على مرورك العطر..

انصحك بأن تتعلمي من الآن، واكيد طبعا لازم تساعدي مامتك في المطبخ.. وخاصة لما يكون عندكو ضيوف .

انصحك بأنك تتعلمي كل حاجة من دلوقت، سدئيني هتحتاجي المعلومات دي لما تتجوزي ان شاءالله

اسألي مجرب :wub:

[بنت الصادق 9]

السلام عليكم ورحمة الله وبركاته،،

 

جزاك الله خيرا اختي بنت الصادق موضوع مهم وراائع

 

انا في حاجه بنعملها كل العيلة قبل رمضان

 

بنشتري عجيبنة السبموسك وبنجيب السبرنغ رول وعجينة البف باستري

واي عجينه كل وحده وطريقتها بس هادي جربتها

ونحضر حشوات مختلفة لحمة أو دجاج أو جبنه أو خضار

ونعد نلف اكوااااااااااااااااااام منها ونحطها في اكياس نايلون مترتبه ونحطها في الفريييز

وكل يوم نطلع منها قبل الفطار بساعتين تقريبا ونقليها قبل المغرب

 

بجد سهله وبتوووفر وقت كتييير كتيير كتيير بجد

بالزات احنا في السعوديه متعودين لازن نفطر سمبوسك وشوربة كل يوم

واما عشان الحلو نصيحة للاخوات

تعمل العيله كلها دااااااااااااايت ونبطل الحلويات عشان نرتاح من الشغل ومن الوزن

طبعا كل واحده براحتو

 

جزاكم الله خير على النصائح

انا بخصوص التوم فممكن في السوبر ماركت في قسم الخضار في علب توم مفروم ومثلج

والله جدا حلوة وسهله ولا تعب التوم بصراحه ورخيصه كمان

وتحطيها في الفريزر بتقعد وقت طوييييل

 

والله يعين الجميييع

 

 

وعليكم السلام ورحمة الله وبركاته

 

حيّا الله اختنا الحبيبة ام الأبطال

 

نورتي موضوعي

 

حبيبتي بالنسبة للسبرينغ رول والسمبوسك.. انا بمووووت فيهم بس للأسف مجربتش اعملهم ابل كدة

 

وعلا فكرة انا عارفة ان الخليجيين معظمهم بيحضرو الحاجات دي ابل رمضان.. ويمكن لأن الأكلات دي اكلات خليجية عشان كدة بتحضروها بكمية ومش بتقدرو تستغنو عنها في رمضان.

 

اما احنا فبالنسبة لينا اهم حاجة الجلاش باللحمة المفرومة :wub:

الرز.. الخضار واللحمة او الفراخ والشوربة بردو

 

بس ياريت لو تكتبيلي لكل حاجة من الي انتي كتبتيها طريقة، عشان احاول اعملها واهي تنفعني في العزومات :tongue:

 

بالنسبة للتوم المفروم في الجمعيات.. انا عندي مبدأ، مادام الحاجة أقدر اعملها بإيدي ليه اشتريها جاهزة، يعني التوم المفروم لما اقشره وافرمه انا بإيدي افضل من اني اشتريه جاهز، الله اعلم الي فرمه إيده كان فيها ايه..

 

غير الخضار لأني بجيب ماركات كويسة من شركات معروفة، وكمان بيتغسل فلذلك بكون واثقة فيه وبجيبه جاهز، اما التوم هتخديه زي ما هو وتحطيه على الحاجة..

 

اعتقد لما تعمليه في البيت افضل ، وكل واحد وطريقته

 

اما بالنسبة للدايت، اعتقد انها هتكون حاجة صعبة على ناس كتير اوي، وانا الحمدلله مقتنعة برأيك وناوية استمر في الدايت بتاعي عادي حتى فرمضان،وبتمنى من ربنا اخس اكتر من الأيام العادية خاصة لأني صايمة وبرضع وفنفس الوقت في صلاة تراويح وشغل بيت كتيرـ وناوية ان شاء الله اعمل بعض التمارين او امارس رياضة المشي بدل النوم والأكل علاطول

وممكن لو نفسي في اي حاجة ادوقها بس زي ما انا ماشية دلوقت .. لو نفسي فحاجة بدوقها بس..

 

جزاكي الله خيرا حبيبتي على مشاركتك الرائعة، وبانتظار البقية

تم تعديل 5 سبتمبر, 2007 بواسطة بنت الصادق