ملف الاستعداد لرمضان (عشان تخلصي أكلك بسرعة)

[بنت الصادق 9]

السلام عليكم و رحمة الله و بركاته

 

مشكورة حبيبتى على موضوعك

 

بصراحة انا حاسة انك خفيفتى عليا شغل البيت و الاكل في رمضان

 

و بكده اظبت وقتى فعلا عشان انا كنت بقعد احضر حاجة اليوم اللى بعده من بلليل

 

لكن فعلا لو نظمت الحاجة هفرغ وقت اكبر للعبادات

 

جزاكي الله خيرا حبيبتى

 

انا باجي عند وقت موسم الفواكه و بيجبها و اعصرها و احضرها و احفظها في الديب فريرزر

 

يعنى وقت المانجا زي الايام دي في مصر بيجيب المانجا المستويه و اعصرها و احطها في اكياس و احطها في الديب فريرزر

 

كذلك وقت المشمش اجيبه و انزع منه النوى و اعصره و احفظه

 

و زيهم الفراوله و الجوافه

 

حتى عصير الليمون بستنى لما يكون رخيص و فيه ميه كتير

 

و اعصره و احطه في قوالب الثلج و احطه في فريرزر الثلاجة العادي لحد ما يتلج و بعدين اقلبهم في كيس بلاستيك و احطهم في الديب فريرزر

 

و زيه البرتقال برضوه بس بحطه في قوالب اكبر شويه

 

و بحضر الفراخ الكنتاكي و بتبلها و احطها في الديب فريرزر عشان تبقى جاهزه و في نفس الوقت تكون شربة تمام من الخلطة بتاعتها

 

وزيها الفراخ اللى هشويها و اللحمة اتبلهم و احطهم في الديب فريرزر

 

بصراحة انا حاسة ان الديب فريرزر هيصرخ في وشي مره و يقولى حرام عليكي

:wub: :tongue:

 

 

اختي الحبيبة ام ريتاج

سعدت جدا بمرورك الجميل.. ونصائحك الأجمل.. أسأل الله ان يجعلها في ميزان حسناتك يوم أن نلقاه.

 

لا أحد ينكر فائدة الديب فريزر الذي تجدينه بكثرة في بيوت ستات البيوت الخبرة في مصر :wacko:

 

انا اعرف ناس كتير بتعصر الفاكهة زيك كدة في الموسم، بس انصحك تقشريها وتقطعيها وتشيليها مقطعة مش معصورة.. لأن كدة أصح وأفضل ومعظم الناس الي اعرفهم بيعملو كدة.

وتتليج عصير الليمون بردو فكرة حلوة، بس هل بيمرر ؟

بصراحة انا بحبه طازة، وفي فكرة شفتها في إحدى المنتديات.. وهي رائعة ولما بعملها بتعجب ناس كتير اوي وبتضيف نكهة اكثر من رائعة على طعم الليمون

 

من المعروف طبعا ان النعناع له فوائد جمة وخاصة لو شربتيه طازجد

 

ايه رأيك بأة في شوب عصير ليمون طازج مع النعناع والثلج :P

 

بس بدل ما تحطي النعناع في الليمون وهو بيتعصر زي ما انا بعمل :wacko:

ممكن تغلي شوية نعناع، وتفضيه في قوالب التلج، وتحطيه جوة كل قالب ورقة نعناع..

ولكي انا تتخيلي اد ايه هيبأة شكل الكأس جميل جدا لما تأدميه للضيوف..

فكرة جديدة وجميلة وانا ناوية اعملها مع ضيوفي ان شاء الله.

 

اما بالنسبة للدجاج واللحمة.. انا بصراحة لما ببأة عيزة اشوي او اعمل كنتاكي بتبلها ابلها بيوم :wink:

 

طبعا هي طريقتك افضل، بس عشان عندك ديب فريزر :tongue: إنما انا معنديش لذلك المكان عندي في الفريز ضيق اوي.

 

وبصراحة انا بغسل بس الدجاج واللحمة واشيلها نضيفة لأني ببأة مش عارفة اعملها ايه بالظبط، فبسيبها لحد ما تجيلي فكرة واطلعها وقت الحاجة واتبلها بمزاجي

إلا الدجاج البانيه، فكرة رائعة انك تتبليه ابلها بفترة ، بتبأة فيه نكهة اكثر من رائعة

 

ام ريتاج بانتظار بقية مشاركاتك

وجزاكي الله خيرا على الإفادة :)

[بنت الصادق 9]

حبيبتي مروة تركي

 

مش تدخلي تسلمى وتهربي

 

انا مستنية بقية مشاركاتك.. هتروحي مني فين

 

عيزين اي حاجة مهما كانت صغيرة بس اكيد هتفيدنا..

 

انا هحط الأكلة الي قلتلكو عليها قريب بس لما اعملها واصورها عشان انا بصراحة نفسي احطها بالصور :)

 

يلا مستنياكي

[بنت الصادق 9]

اخواتي الحبيبات

 

في حاجة تانية ممكن بردو تعملوها عشان توفر وقتكو

 

وهي انكو تفرمو المكسرات وتشيلوها فكيس وعالتلاجة عدل، عشان بأة الحلويات والكنافة والقطايف والذي منه

 

بس نصيحة متخلطوش معاها الزبيب وجوز الهند.. خلو دة لوحده ودة لوحده لأن في ناس كتير مش بتحب المكسرات على الحلويات وبتحب بس الزبيب وجوز الهند، والعكس صحيح.

 

يلا اديني قلتلكو فكرة تانية من أفكاري

 

باانتظار مشاركاتكم

[أم عائشة المصرية 242]

أختي الحبيبة ام عائشة المصرية

من زمان اقرأ مواضيعك ولكن لم يحدث بينك وبيني اي حديث من قبل

الحمدلله ان جمعني هذا الموضوع بأخت رائعة مثلك.. أحسبك كذلك ولا أزكي على الله أحد

بارك الله فيك وجزاك الله خيرا على حسن الظن هذا..اللهم لا تؤاخذني بما يقولون واغفر لي ما لايعلمون واجعلنى خيرا مما يظنون..

لي الشرف أن أدخل موضوعك غاليتي ويعلم الله أني أحبك في الله..وأتمنى أن تشرفيني في موضوعاتي..وخصوصا موضوع تجمع للأمهات اللي أطفالهم أقل من شنتين الموجود في توقيعي..

 

أحبك في الله أحبك في الله أحبك في الله

[بنت الصادق 9]

اختي الحبيبة ام عائشة المصرية

جزاكي الله خيرا وأحبك الذي أحببتني من أجله

 

 

اتشرف طبعا بدخول مواضيعك.. وانا دخلت الموضوع الآن وأقرأه

[ام عمر 2003 1]

ايه يا ام مريم هربتي عمالة اقرا و اقول دلوقتي هتكتب الأكلة وانتي هربتي ماشي يا ام مريم لعل المانع خير

[أم خديجة السلفية 0]

جزاكى الله خيرا اختى الغالية بنت الصادق على هذه المعلومات القيمة وكمان كل الاخوات اللى شركو فى الموضوع

 

بس انا لما قريت الموضوع كله بالنسبة للتوم عجبتنى الفكرة دى جدا بصراحة وفضلت انه يتشال مفروم احسن بس كنت عايزة اعرف يعنى انا افرمه واحطه فى برطمانان من غيىر اى حاجة خالص وبعد كده احطه فى الفريزر ولا الثلاجة عادى؟ وهو كده مش هيفقد ريحته او طعمه؟

 

او مثلا يأثر على ريحة الثلاجة او لو الفريزر والحاجات اللى فيهم؟

 

ياريت يا اختى بنت الصادق او اى اخت توضحلى النقطة دى.

 

جزاكن الله خيرا :wub:

[ام عمر 2003 1]

بصي يام خديجة افرميه مع فلفل احمر وفلفل اخضر وضعي عليهم كل التوابل اللي عندك وبعد كده في كيس بلاستيك والكيس ده ضعيه داخل برطمان او علبة حلاوة وبعد كدة حطي البرطمان ده في كيس وصدقيني لو قعد ست شهور ولا هيتغير طعمه ولا يعمل اي ريحة باذن الله

[أم عائشة المصرية 242]

أختي أم خديجة عن تجربة بالنسبة للثوم يوضع عليه ملح فقط ليحفظه وضعيه في برطمان لا يكون الثوم فيه أكثر من 3/4 علشان الثوم في أوله بيعمل زيت كده أو سائل فلو كنتي حطاه على قد البرطمان حيفور ويعمل ريحة..

أما بالنسبة للثلاجة فأنا لما حطيته في الثلاجة قلبلب ريحتها وكنت كل ما أفتح الثلاجة أكره نفسي بسبب الريحة لحد ما أوحى الله إلى أن أضعه في الفريزر والحمد لله بقاله فترة كبيرة في الفريزر ومفيش ريحة ومتخافيش مش حيفقد ريحته..وأتمنى أكون افدتك..

[أم خديجة السلفية 0]

جزاكى الله خيرا اختى ام عمر واختى ام عائشة المصرية

 

بس طريقتك يا ام عمر بيتهيألى كده مش هينفع انى استخدامه فى اى حاجة زى الملوخية مثلا.جزاكى الله خيرا

 

اختى ام عائشة ان شاء الله هجرب طريقتك علشان مفيهاش الا ملح بس وطبعا كده كده الملح بيتحط فى كل الاكلات,بس معلش هتعبك معايا يعنى احطه فى برطمان بلاستيك علشان ميتكسرش فى الفريزر لو زجاج.

 

و الملح يبقى كتير اوى ولا معلقة مثلا بس لمجرد الحفظ؟ وكمان اخلط الملح معاه كله ولا يكفى ان انا احط على وش الثوم من فوق بس بعد ما احطه فى البرطمان؟

 

معلش تعبتك معايا من كتر الاسئلة ربنا يبارك فيكى .جزاكى الله خيرا.

[أم خديجة السلفية 0]

ايه يا أخواتى محدش رد عليه لغاية دلوقتى ليه؟

 

كده الثوم هيبوز اروح افتكس انا من دماغى يعنى واالحق المسكين