((الحقوا يا بنات عاملين حملة لإستغلال كل فيمتو ثانية من الأجازة))

[غيدااء 0]

وانطلقت حملة إستغلال كل فيمتو ثانية من الأجازة

 

هذه الأجازة ليست كغيرها .. هذه الأجازة مرحلة انتقالية كبرى في حياتنا

 

(((((((((((((اليوم عندك ماشي إزاى ؟؟)))))))))))

 

كل يوم بنام على الفجر ده في حالة لما أنام بدري ممكن تضرب معايا لحد 6 و7 و8ميضرش ..والله المستعان

 

وبعدين؟؟

بنام بقة وأوم ع العصر وطبيعي ان الظهر فاتنى ..بس والله بكون زعلان .. بس أعمل ايه مش قاااادر أقوم .. بس تعرفوا احيانا بيلحق الظهر قبل العصر بدقيقة او 2؟!!

بعد كدة بيبدأ يومى الى هو المفروض اصلا انه انتهى .. وبتغدى .. وطبيعي مفيش فطار ..

وبعد كدة بقة ممكن اريح شوية كدة ع السرير مع الحلويات والحاجة الساقعة والفاكهة والذي منه ..

بعد كدة بصراحة بطنش ماما في المواعين أحيانا .. بس عمل الأكل بقة عمرى ما حاولت أصلا لانى بكون في ساابااااااابع نومة ..

بعد كدة بقة أستلم جهاز الكمبيوتر ..اشوفلى كام جيم .. على فيلم كومدي ..وشوية شات مفيش مانع ..اهوه بكون علاقات ما انا واحد مهم ..

بعد كدة بقة ... أصاحبي هارينى اتصالات فبنزل معاهم .. ارجع بقة على 3 بحاول ارجع بدري اهوه علشان اكمل سهرتى على الجهاز .. بعد طبعا ما بكون ضربت كام سندوتش برة على 2 ساقع

 

بعدها بصلي الفجر طبعا .. معقول اسمعه وماصليش .. بس بصراحةساعات بصليه تحت في المسجد وساعات فوق وساعات في النص!

المهم بنام لما اصلي وتتكرر الكارة من الأول ...

 

إيه رأيك في اليوم بتاعى جامد صح؟؟

 

طب اسكت بقة .. وقولى هنا انت عاجبك

بصراحة لا .. بس اعمل ايه يعني

طب استفدت حاجة في نهاية الاجازة ..

توء توء

ده طبعا حال ثلاثة ارباع الشباب والبنات .. ده لو ماكنش كلهم..

 

طب تعالى كدة معايا وشوف احنا هنعمل ايييييييييه؟؟

نلقاكم المرة القادمة ..انتظرونا (ابتسامة

تابعووووووناااااااااا وانشروا كمان معانا ..يالا ورونا الهمة ...في احلى أجازة في طاعة الله

[زهرة الأحبه 73]

السلام عليكم ورحمة الله وبركاته،،

 

متابعه معاكي بأذن الله

 

[غيدااء 0]

وفقكى الله اختى باذن الله هنزل الجزء الاول

مين من البنات معانا تااااانى؟؟

[* أحلى منتدى * 10]

للأسف حال مبكي مضحك

 

 

موضوعك بصراحة مشوووووق وأسلوب جميل ..

 

 

معاااااااك غيداء الفاضلة ..بإذن الله معاً لنستغل كل ثانية ..

[فيقه الريقه 0]

انا معاكوااااااااااااااااااااااااا :closedeyes:

 

بدون تردد

 

دانا كل يوم خناق مع ماما عشان اليوم الملخبط ده صبحه ليل وليله صبح :angry:

 

وطبعا مش عرفه اعمل ايه :blink:

 

جزاكم الله خير

 

ده ماما هتفرح اوى لو اليوم اتعدل

[غيدااء 0]

يا هلااااااا بالبنات الحلوييييييييين

ربنا يبارك فيكوا يا رب

 

ان شاء الله انتو هتفرحوا وماما هتفرح وبابا كمان والجيران بردو ميضرش :smile:

 

يالا نبدأ بالجزء الأوووووووول

بسم الله نبدأ !!

 

 

أجمد خطة لإستغلال الأجازة

انزع عنك اردية الكسل ...ومزق اسمان الاحباط وانهض من غفوتك .

 

وانهض مبكرا لتستمتع بشروق الشمس وزقزقة عصافير الفجروتنسم رائحة الحرية وكن فى انتظار اليوم لا يكن اليوم فى انتظارك.

 

ومن لا يهوى صعود الجبال

 

 

يعش ابد الدهر بين الحفر

 

 

 

 

كن مع الناجحين واحذررر من الفاشلين؟!!

 

( محمد الفاتح ) تربى منذ صغره على بشرى رسول الله صلى الله عليه وسلم بفتح القسطنطينية فهتف : أنا لها يا رسول الله

 

 

ونظم حياته حسب هذا الهدف فمكنه الله من ذلك ولم يتعد الثامنة عشرة!!

 

 

وكان أحد المسلمين يجعل جاريته تطحن له الخبز ويسفه سفا مع الماء

 

 

ولما سئل عن ذلك : قال أوفر وقت المضغ!!

 

 

(أحمد زويل) عالم مصر البارز وضع التفوق نصب عينيه منذ الصغر

 

 

فحقق جوائز عالمية عجيبة ما نالها أحد قبله في هذا السن المبكر!!

الوقت هو الحياة

 

100 يوم كاملة ...كنـــــز أمامك يسمونه الأجازة الصيفية ولنسمه نحن

 

 

((وثبة إلى الأمام))

 

مغامرة عجيبة ندعوك لتخوضها معنا ونهايتها إما تغيير إيجابي مذهل في حياتك أو ندم وضيق وكآبة تسيطر عليك!!

 

 

كيف هذا؟؟

 

 

فرصة سانحة أمامك لم تتح للكثيرين غيرك بل قد لا تتاح لك مرة أخرى

 

 

فأحد أشهر منظمى الوقت يقول: "إنما أنت أيام , فإذا ذهب يومك ذهب بعضك , وإذا ذهب البعض يوشك أن يذهب الكل"

 

 

ها....اتحمستى شوية؟

 

 

طب قوليلنا بقة هتقضى الأجازة إزااااااااى؟؟

 

 

أولا ..اختى الفاضلة ..لن اكتب لك 1/تعمل كذا ..اما 2/ تعمل كذا ....لكن 3/ تعمل كذا وكذا

 

 

وطبعا مش هتعمل حاجة!

 

 

طب الحل إيـــــــــــــــــــــــه؟؟

 

 

هل أنت ممن يعي قيمة الوقت فعلاااا..وهل أنت تعلم أن دقات قلب المرء قائلة له إن العمر ساعات وثوانى؟!

 

 

لازم نستغل كل ساعة لالا كل دقيقة لا كل ثانية بل كل فيمتو ثانية

 

 

إشحن بااااااور ....طاقة جاااااااامدة أووووووى وإنطلللللق معانا.....!

 

 

هنعمل إيـــــــــــــه؟؟؟

أولا ... حفظ القرآآآآآآآآن

 

بس استنى هنا...مش هتحفظ لوحدك...توء توء

 

 

منتدى اخوات طريق الاسلام كله هيحفظ معاك!

 

 

يعني باذن المولى جل وعلا جمع كدة مجموعة من أصدقاءك المقربين ليك من ع المنتدى أو من أصحابك الأنتيم برة المنتدى

 

 

واتفقوا كدة مع بعض .. هنعمل إيـــــــــــــه؟؟

 

 

استنى هو هدفك أصلا اييييييه؟؟

 

 

انا عاوز اعمل اقوى وأجمل حاجة في حياتى!

 

 

وايه هي؟

 

 

طــــــــــــــــاعة الله والسعى لرضـــــــــــــــــا الله

 

 

يااااااااااااااه....ما أسمى هدفك!!

 

 

 

 

لازم فعلا تكون الأجازة دي بالنسبالى وثبـــــــــة للأمام..بل إنطلاقة كليــة!

 

 

الاتفاق ما بين أصحابك ..بس ناس همتها عالية كدة وجامدين.. هيكون عن حفظ كتاب الله جل وعلا وليكن هدفك كما ذكرنا زد على ذلك بشرى المصطفى صلى الله عليه وسلم ((إقرأ وارتق ورتل كما كنت ترتل في الدنيا, فإن منزلتك عند آخر آية تقرأها))

 

 

وقوله صلى الله عليه وسلم ((الذي يقرأ القرآن وهو ماهر بهمع السفرة الكرام البررة والذي يقرأ القرآن و يتتعتع فيه وهو عليه شاق له أجران))

 

 

حظة الحفظ!!!

 

 

 

 

 

ارسمى لنفسك ... هتحفظ أد إيه في ال100 يوم دول؟؟..ماتنسيش دي وثبة للأمام.

 

 

وليكن قد قررت حفظ 3 أجزاء ..ها..طب طريقة الحفظ وخطته؟

 

 

حدد لنفسك وقت معين في اليوم ... لا ينفع أبدا إنك تفوته ....إطلاقاااااا

 

 

كل يوم من كذا لكذا ... ومن كذا لكذا ...هحفظ بمقدار كذا..تمام..وبعدين؟

 

 

وحضرتك بتصلى النوافل أو في الفروض السرية هتسمع اللى حفظته بتقسيمه على الركعات .. وهتكرر التسميع في كل فرض أو نفل بحيث نثبـــــــــــــــــت الحفظ تثبيتاً تاماً ... نسأل الله أن يثبت حفظنا في صدورنا .. اللهم آآآميــن

 

 

طب أنا واحد مش بعرف احفظ الا لما افهم.. وهو ده المطلوب ..امسك مصحف فيه معانى الكلمات ..على الأقل ... وعندك تفسير ابن كثير مثلا اقرأ تفسير الآيات اللى هتحفظها اليوم مررررررة واحدة بس مش هناخد من وقتك كتير !!

 

استنى انتى فاكرة

 

 

هتسمع الكلام ده ونمشي لاااااااااا

... ده فيه متابعة لكل خطوة بحذافيرها

 

 

بجدددددددددددد؟؟

 

 

أيوة بإذن الله هيكون فيه متابعة الأخوات هنا ع الموقع في ساحات القرآن الكريم يالا الكل يعمل صفحة هناك

 

 

 

 

 

المهم دلوقتى

 

 

إخلاااااااااااااااص النية للمولى جل وعلا .. وأن لا تجعل في عملك شيئا لغير الله تبارك وتعالى ..

 

 

 

 

 

رددى معى

 

 

اللهم ارزقنا الإخلاص قولا وعملا

[*تاجى حجابى* 13]

اللهم ارزقنا الإخلاص قولا وعملا

بوركتى أختى

الغيداء

...فكرة جميلة ولاحرمكِ ربى الأجر

[مسك الايمان 0]

السلام عليكم ورحمة الله وبركاته،،

بارك الله فيك اختي وانا جاهزة من الان لكن عندي شرط ان تدعوا لي بحفظ القران وتثبيته لان حقيقة تثبيته مشكلة بالنسبة لي وشكرا

جعلني الله واياكن من حفظة القران الكريم

[نور الاسلام 2 8]

السلام عليكم ورحمة الله وبركاته،،

جزاكى الله خيرا

[غيدااء 0]

جزانا الله واياكن حبيباتى

 

تابعووووووووووونا

 

وقريبا ننزل الجزء التانى

 

 

كل جزء احلى من اللى قبله ان شاء الله

[زهرة الأحبه 73]

السلام عليكم ورحمة الله وبركاته،،

رائع أختي

جزاكي الله خيراً

نتابع البقيه معكي بأذن الله

[الساعية لرضا ربى 0]

جزاكم الله خيرا ووفكم لما يحب ويرضى

[basmet reda 0]

بسم الله الرحمن الرحيم

السلام عليكم ورحمة الله وبركاته،،

جزاكى الله كل خير على هذا الموضوع الطيب

فعلا كل اجازه بتعدي دون استفاده منها

ولكن تختلف هذه الاجازة حيث بدأت في دورات الكمبيوتر

وسأبدأ بإذن الله في حفظ القرآن الكريم في المسجد لمعرفة التجويد

وسأتابع معكي اختي غيداءلاستغلال كل دقيقه فى الاجازه

بارك الله فيكي

هدايه0

[غيدااء 0]

زهرة الاحبة

الساعية لرضا ربي

هداية

 

بارك الله فيكن ونفع بكم وانتظروا الجزء الجديد جاااااااااااااامد

 

يا رب يعجبكم

والكل ينشر يا جماعة في المنتديات اللى هو مشترك فيها

بس اتأكدى الاول انه مش موجود هناك لان في ناس كتير بفضل الله بتنشر لانه فعلا رااااااائع

 

وفقكن الله واحسن اليكن وازدكن من فضله

آآآمييييييييييين

[* أحلى منتدى * 10]

يصراحة رائع الموضوع

 

طرح جديد .. وجميل ..

 

بارك الله بك

 

لا زلنا متابعين معاك ..واصلي وفقك الله .

[غيدااء 0]

جزاكن الله خيراااااا

وابشروا باذن الله الجزء الثانى هينزل حالااااااا ;-)

[غيدااء 0]

الجزء الثانى

نتااااااااااااابع خطة الاستغلال لأحلى أجازة في طاعـــ الله ـــة

 

 

 

 

استنى هنا هو حضرتك بتسأل اقضى ازاى الاجازة في طاعــــــ الله ــــــــــة

طيب هل أديت حق الله عليك في الفروض الخمس؟؟

 

ايوة انا الحمد لله مواظب عليها...بس مش كلها في المسجد لان احيانا برجع مرهق جدااااا ولا استطيع أن انزل الى المسجد! :blink:

كيـــــ ذلك ـــــــف؟؟

أقول لحضرتك أما سمعت النداء؟؟ ...اذا كانت الاجابة نعم ...فلبي النداء....أتدري من يناديك ولماذا؟؟؟

عجبا ثم عجبا لك!! :icon_eek:

 

((وتخفى الذنب عن خلقى ... وتأبى في الهوى قربي))

((أما استحييت تعصيني .... ولا تخشى من العتب))

مرهق؟؟

أيناديك رب العرش العظيم وتقول انا مرهق؟؟

أيناديك الرحمن وتقول مرهق؟؟؟

أتدري من المنادي ؟؟ إنه الملك ذو العزة والجبرووت!!

أترى لو أن قيل لك - ولله المثل الأعلى - إنك لو قمت تصلي الفجر انهاردة في المسجد سنعطيك 500 جنيه على باب المسجد!

هل ستأبى؟؟ أم ستأتى حبوااا؟؟ أم ستقول .. الخمسميات جاية كتييير؟؟

كلا..فما جزاءك ايها الاخ الكريم؟؟

جنــــــــــــــــــة عرضها السماوات والأرض .. :icon16: نسأل الله إياها

سلعة الله غالية ألا وهي الجنــــــــــــــة!

 

ولا تنسى اخى الكريم أن الجنة حفت بالمكاره!

وحفت النيران بالشهوات!

 

 

 

طيـــــــــب ايه الخطة لهذا الأمر؟؟ :huh:

هتشوف واحد صاحبك ملتزم أوووى بالصلاة في جماعة ..وانتى كمان هتشوفى واحدة صاحبتك مواظبة على الصلاة في أول الوقت

وهتتفقوا إن في كل صلاة ترن عليكي على الموبايل لحد ما تكنسليها (تقفلى عليها)

بس تكنسل وتخش تتوضا وتنزل .. لأننا بجد عاوزين رضا الله وهذا ما هو الا سببا في التذكير ونعين بعض على الطاعة

نكووون كرجل وااااااحد .. قوى متين لا يفرق شملنا أى أحد حتى الشيطان!

فإنه عن الواحد بعيد وعن الاثنان أبعد وعن الثلاثة أبعد.....

((المؤمن للمؤمن كالبنيان يشد بعضه بعضا))

 

وان كنت حضرتك او انتى حضرتك من الناس التى تحافظ على الصلاة في جماعة بالمسجد .. التى تحافظين على الصلاة في اول الوقت

إجذب أصدقااااائك ...وأهلك .. قبل أن يقعوا في حفر النيران والشهوات

إجذبهم في يدك الى جنااااااات عالية قطوفها داااااانية

 

لا تتخيل مقدار السعادة ومقدار البركة التى سيجعلها الله لك في الدنيا وفي الآخرة

 

فنسأل الله السعادة في الدارين

اللهم آميــــــــــــن

 

 

(((((((((حاجة أخيرة بالنسبة لهذا الأمر))))))))))

 

صلاة الفجر

بتصلى الفجر؟؟؟؟؟؟؟

فيـــــــــن ؟؟ ... وفي أى وقت؟؟

 

 

دي بقة الفكرة الدعوية القويـــــــــــــــــــة جداااااااا ذات الثواب العظييييييييييم جداااااااااااا

 

هتقول ايه هي هقولك

أمة محمد كلها هتقوم تصلى الفجر وهتكون انت السبب؟!!!!!!!!!

 

إزاااااى؟؟

معاك موبايل صح؟

اه

اذكرك انه نعمة او نقمة ..فكلنا هنستخدمه في الدعوة لله!

ازاى؟

حضرتك هتظبط المنبه وهتقوم باذن الله وتصحي فقط اتنين من اصحابك .. ولكن بشررط

اتفق معاهم ان كل واحد منهم هيصحي اتنين اصحابه على ان كل منهم هيصحي اتنين ... وهكـــــذااا

يااااااااه ساعتها مصر كلها هتقوم تصلى الفجر .. لأ وإيه ياسلام ولو عندك صديقة في المغرب مثلا او السعودية واتفقتى معاها هذا الاتفاق يبقى مصر والمغرب والسعودية كلهم هيقوموا يصلوا الفجر

 

ومين السبب؟؟؟؟؟؟؟؟؟

إنـــــــــــت!!

 

 

 

إنتظرونا في أفكار دعوية جدييييييييييدة على هذا الموضوع باذن الله

 

بشرط التنفيذ ولما تنفذ قولنا علشان تشجــــــــع اخوانك واخواتك وتأخذ ثوابهم :icon15:

أعاننا الله واياكم....

 

السلام عليكم ورحمــ الله ــــــة :wub:

[غيدااء 0]

فين البنات المتابعاااااااات؟؟

وفقكم الله ويسر لكم الامور

[دعاء الكروان3294 196]

صراااااااااااااااااااااااااحة موضوع

 

رااااااااااااااااااااائع

 

 

لا لا

 

دة اكثر من رااااااااااائع

 

متابعة معاكي حببتي

[غيدااء 0]

جزاك الله خيرااااااا اختاااه وبارك الله فيكي

 

وابشرك الآن الجزء الثالث هينزل

 

الله المستعان :wub:

[إشراقــ الصباح ــة 0]

جزاك الله خير أختي غيداااااااا

 

موضووووووع رااائع :)

[غيدااء 0]

جزاااااااكى الله خيرا اختى الكريمة اشراقـــ الصباح ــــــــة

 

وتابعينا بارك الله فيكي

وباذن ربي انزل الجزء الثالث

 

وللعلم كل جزء احلى من اللى قبله

[حامله شعار الاسلام 0]

بجد عجبني موضوعك جدا بس كان نفسي يكون من أول الاجازه

لأن الاجازه خلاص كلها 4أيام بالظبط وتبتدي الدراسه والمذاكره ام كانش أقل م4 أيام

لكن بجد موضوعك جميل ولا اسلوبك أروع بجد شوقتيني للجزء الثالث

من فضلك اكتبيه بسرعه قبل متخلص الإجازه

[رقية1 3]

السلام عليكم ورحمة الله وبركاته،،

 

 

موضوع أكثر من رائع

 

متابعة معكن يا غاليات

[غيدااء 0]

ربنا يبارك فيكن

حاملة شعار الاسلام

و

رقية

 

حاضر هنزل كل الاجزاء وفقكى الله

المشكلة الوحيدة عندي في التنسيق

الله المستعان]