أعقدولا أستنى؟

[غزالة 0]

السلام عليكم اولا انا عندى عشرين سنة وفى كلية عملية وفاضلى سنتين واتخرج :الحمدلله انا منتقبة وأسرتى ملتزمة قصدى يعنى مامتى بالذات اما بباى فهو كويس وطيب. بصراحة انا بحس بألفة وسعادةلما بدخل ركن الأخوات وبحس انى لى اصحاب لأ ومش بس أصحاب ده اصحاب ملتزين وعاقلين وحياتهم بيحكمها شرع الله فعشان كده حبيت افضفض شوية معاكو. هو انا عندى حاجتين مضيقنى حاجة عامة وحاجة خاصة ومستجدة ......طبعا هبدأ بالحاجة المستجدة ماشى ماشىىىى

فى ديسمبر الماضى -يعنى من8شهور-تقدم لى شاب ملتحى وملتزم(احسبه كذلك)والاحلى انه متخرج من نفس الكلية الا انا فيها :- المهم بعد الموافقة بابا مقالوش حاجة معينة من الا هيحصل بعد كده وادينا اهوفى الصيف.....فهوقال لبابا انه عايز يكتب الكتاب طبعا بابا لقى ان كده بدرى اوى(متنسوش انى ناقصلى سنتين على التخرج)وبابا رأيه ان نكتب الكتاب بعدما اخلص او فى نصف السنة الاخيرة.

طبعا هو مش مبسوط من كده بس اهو :blush:

المشكلة فى انا بفكر كتييييييرجدااااااا.....ساعات وانا فى الكليةبشوف بنات واولاد اصحاب بيتكلموا مع بعض ويهزروا طبعا انا عارفة ان ده حرام لكن ان ببقى نفسى يبقى لى خطيبى-عاقد طبعا-اتكلم معاه واهزر وافضفض له واحبه طبعا لأن طبعا الواحد فى المرحلة دى بيكون عنده عواطف كتيرة نفسه يشاركها مع حد انتوووو فاهمنى ولا ايييييه؟؟؟

وساعات تانية بفكر ان لو كتبنا الكتاب وحصلت مشكلة هيبقى اسمى مطلقة وهو مش هيهمه حاجة وهى الحيرة دى اساس مشكلتى علشان بتخلينى افكر كتير.وكمان خطيبى ده بيجى كل فترةوبقعد معاه بالنقاب والجونتى وفى وجود محرم ونتحدث فى امور عامة ...بس انا بحس انى كل مرة بتعلق بى اكتر وانا حسة ان موضوع مجيئه ملوش لازمة لأنه بيخلينى افكر فيه كتير والمرة الا اكون مبسوط فيها بعدمايمشى اقول نكتب الكتاب والا المرة الا اكون مضايقة من اى حاجة قالها اقول لأ خليها خطوبة وبلاش ييجى -كل ده جوه نفسى طبعا-المهم ان بابا مقتنع ان مفيهاش حاجة انه ييجى ويتكلم معاى بس كتب كتاب دلوقتى لأ وعلى فكرة انا آخر مرة قلت لبابا مش عايزه ييجى وطبعا بابا تضايق عايزة رأيكم ضرورىىىىىىىىىىىىىىىىىى ورأى كل واحدة فيكم مهم قوى بالنسبة لى متبخلوش على يا حبيباتى واخواتى فى الله وعلى فكرة انا صليت استخارة كتيير وبدعى والسلام عليكم فى امان الله. :grin:

[أم منو نه 8]

وعليكم السلام ورحمة الله وبركاته،،

 

حياكِ الله بيننا ومبارك الخطبة ، يسر الله لكِ أمورك .

 

أختىالغالية هناك أكثر من نقطة أود أن ألفت نظرك لها والقرار فى النهاية لكِ ولأسرتك

 

1-إطالة فترة العقد ليست مستحبة وقد تؤدىفى مشاكل، يكون زوجك وحلالك لكن لا تنسى أنك فى بيت أهلك ويجب عليك طاعتهم وأحياناً لا يقدر الشاب هذا ويكون كل تفكيره انك أصبحت زوجته ومن هنا تحدث المشاكل. لذلك إذا تم عقد القرآن فالأفضل التعجيل بالزفاف حتى إذا كنت مازلت تدرسين إذا كان هذا ممكنا.

 

2-فى الخطبة هو أجنبى عنك تماما فلا نخضعى بالقول، ودون تلذذ بالكلام، ولا بد أن يكون الكلام بالمعروف، وهو قدر الحاجة، فإذا كانت حاجتك في كلمتين فالثالثة تفتح باب الفتنة، فكلامك معه يكون ككلام أي أجنبي له حاجة ، عندما تقضى ينقطع الكلام وإلا كان مخالفاً للقول بالمعروف.

 

3-لا تنسى الإستخارة ورأى والديك

[أمة الله العلى 0]

السلام عليكم ورحمة الله وبركاته : اختى غزاله ما هو هدفه من القدوم طلما انت رأيتيه وتحدثت معه وتمت الخطبه ورأى من رأى الأخت أم

 

منونه الأفضل كتب الكتاب ثم التعجيل بالزفاف هذا أفضل لك وله لأنه بعد كتب الكتاب تكونين زوجه شرعيه له ومن حقكما الخلوه الشرعيه

 

فليه الأنتظار طالما هو على خُلق ودين وطالما سألتم عنه وطبعا الرأى الأخير للوالد وحاولى اقناعه أو اطلبى من والدتك اقناعه .

[نهى المصريه 3]

حبيبتى غزالة

 

انا مش بعارض راى ام منونة

وامة الله العلى

 

بس احنا فى عيلتنا مش بنحب كتب الكتاب الا يوم

البناء (الزواج)

 

وطبعا لاننا اتلسعنا قبل كدة من كتب الكتاب

 

واللى بكلمك عنها دى طبعا اللى كان جوزها دة

 

طلع مش ملتزم خالص مع انه كان بذقن وملتحى

 

وكان متعلم تعليم عالى

 

وبعد كتب الكتاب بان منه اخلاق

 

ليست من اخلاق المسلمين

 

وجدناه بخيييييييييييل جداااااااااااا

 

وظهرت فيه عيوب (لاحول ولا قوة الا بالله)

 

واللى بكلمك عنها دى

 

رفعت عليه قضية خلع

 

لانه مرضاش يطلقها مع العلم انها كانت مكتوب كتابها بس

 

لان كل اللى يسمع قضية خلع يفكرها دخلة

 

وداخوا وراه فى المحاكم

 

عشان كدة انا مش مع كتب الكتاب

 

الاول تكون خطوبة

وبعدين كتب الكتاب يكون مع الدخلة

 

وطبعا حبيبتى غزالة اوعى تنسى الاستخاااارة

[حنــــ القلوب ــــان 0]

غزووله حبيبتي والله انا اللي اعرفه ان كتب الكتاب لما يطول يكون فيه خطر عليكوا انتوا الاثنين

انا اختي كانت الفتره بين كتب الكتاب والدخله اسبوع والله كانت امي تخاف انه يخرج معاها او يقعد معاها وكان يقولها اخلعي الحجاب وما ادري ايش كان الصراحه اسبوع لا يعلم به الا الله انا عائلتي الصراحه غير ملتزمه اوي يعني بس كان يجيي يقعد معاها وقت الخطوبه وكذا كتيير يعني مرتيين في الاسبوع وكانوا يقعدوا لوحدهم مع اعتراضي طبعا بس لا حياه لمن تنادي حبيبتي طول فتره العقد تكون فتره جدا حساسه فان امكن عندكوا في البيت الزفاف فكان بها اما اذ لم تجهزي انت فاصبري على اباكي لعله خير يمكن الوالد شويه مقصره معاه في طلباتك وكدا وان لم يكن فصدقيني هو على حق والله انا مجربه اسأليني أنا

حبيبتي لا تزعلي والله كله خير والأهل أكييد خايفيين عليكي وطالما انت متردده فأنت غير مستعجله واكييد انا حاسه فيكي فكل اخت تتمنى يكون لها زوج يحفظها ويصونها الله يسعدك حبيبتي

طمنينا عنك

 

واعزمينا على الفرح ما تنسينا واهم شيئ الجاتو

[أم أبي 3]

غزاله حبيبتي وعليكم السلام ورحمه الله وبركاته

 

 

غزلزل بصي يا حبيبتي ما شاء الله كلام الاخوات رائع جدا

 

حبيبتي لا تنسي الاستخاره اولا

 

حبيبتي فتره العقد لما بتطول بتبقي مش حلوه ليه لان الفتره دي بتبقي زوجته واي حاجه تحل لزوجك منه في هذه الفتره الا الجماع خلاص حبيبتي

 

اذا طولت بتبقي مش حلوه خالص شهور ماشي انما سنين لا

 

اختي الفتره ي بيبقي اللي بيحرك الرجل والمره الشوق فقط

فاحذري من الخروج معاه لوحدكم والخلوه

 

لانها ممكن تجيب مشاكل ملهاش حل

 

ياريت تعجلو بالعقد ثم الزفاف

 

فهمتي يا قمر وحاجه كمان احذري انك تكلميه في التليفون وانتوا مخطوبين الان صدقيني لانها معصيه وهتحصليها بعد زواجك من مشاكل كتيرررررررررررر لانكم عصيتوا ربنا مع بعض فهمتي

 

وحاجه تانيه هو الان اجنبي عنك لا يحل لك ان تتحدثي معه ولا تجلسي الا وسط محرم والاولي الا ياتي عندكم حتي تعقدوا والدته واخته هما اللي يجوا يزوروكم فهمتيني

 

وياريت وهو لو صاحب دين هيوافق انه ميجيش عندكم ده راي والله اعلم صح ولا لا

بس استخيري

 

يالا يا قمر فرحينا بزفافك عن قريب

 

اسال الله لك التيسيرررررررررر

[غزالة 0]

مش هتصدقوا فرحت قد ايه بردودكم حبيباتى وقريت كل رد كذا مرة وصراحة اقتنعت جدا بكلامكم وريحتوا قلبى :smile: والله لانى كنت فى حيرة وقلق داخلى بس من الظروف الا عندى بقولكم ان صعب قوى دلوقتى عقد وزفاف وشكلنا هنمشيها خطوبة طول الفترة دى ;-) بس انا مش زعلانة وبدأت اقتنع ان كده احسن وكلامكم طمنى اكتر ومعلشى بقى الجاتوه هيتأخر شويه دعواتكم يا حبيباتى يا قمرات فى امان الله :grin:

[أم أبي 3]

مش هتصدقوا فرحت قد ايه بردودكم حبيباتى وقريت كل رد كذا مرة وصراحة اقتنعت جدا بكلامكم وريحتوا قلبى والله لانى كنت فى حيرة وقلق داخلى بس من الظروف الا عندى بقولكم ان صعب قوى دلوقتى عقد وزفاف وشكلنا هنمشيها خطوبة طول الفترة دى بس انا مش زعلانة وبدأت اقتنع ان كده احسن وكلامكم طمنى اكتر ومعلشى بقى الجاتوه هيتأخر شويه دعواتكم يا حبيباتى يا قمرات فى امان الله

 

 

بارك الله فيكي ويسر لك امرك