ساعه للمطبخ من صنع ايديكي

[صحبه الصالحين 0]

الفكره دي من اختراعي بس للاسف مش عارفه ادخل صور

المهم لو عندك قلايه بيض قديمه ما ترميهاش هنعمل بيها ساعه تحفه

ممكن تتعلق في المطبخ الادوات:

قلايه بيض قديمه وممكن من مطبخ ماما عشان تخبطك بيها

قشر بيض لو مفيش كسري البيض اللي في الثلاجه واوعي تخافي من حد

الوان زيت وملناش دعوه بزيت المطبخ

غراء ابيض لزوم اللزق

عده ساعه ومش هقولك منين انا مالي

فيه فواكه محطوطه علي الثلاجه بمغناطيس لميها كلها هنعوزها اي خلاص ابقو اشتروا

دلوقتي بقي طريقه العمل:

افرشي في وسط البيت ملايه نظيفه من الدولاب عشان ماما تتبسط منك

بعدين يا ستي هاتي القلايه واخرميها من الوسط بمسمار او شنيور واوعي تنسي تخرمي الارض معاكي عشان ماما وبابا يحبوكي

عد كده خدي فرشه السنان بتاعه اخوكي او اختك وحطيها في الغراء الابيض وادهني بيها القلايه من الظهر كويس وابقي اغسلي الفرشه عشان محدش ياخد باله

هاتي بقي قشر البيض كسريه فتافيت صغيره واكسي بيه ظهر القلايه القشر بس اوعي تحطي اللي جوه البيضه

بعد كده لما ينشف لونيه بلالوان اللي تحبيها وامسحي ايدك في السجاده

زكبي عده الساعه في الخرم اللي عملتيه في القلايه مش في الارض

واخر حاجه وزعي الفواكه البلاستك حوالين ظهر القلايه وكانها ارقام الساعه

وابقو احكولي علي اللي هيحصل ليكم :mrgreen:

[أم عبد الوارث 24]

 

جزاك الله خير يا أختي موضوع جميل

 

لادراج الصورة:

 

 

إذا كنت تحتاجين لرفع الصورة تفضلي موقع لرفع الصور

 

www.g8g.com

[نسيبه المازنيه 0]

فكره رائعه بس هتجيب اجلنا

[صمت عن الذنوب 0]

وابقو احكولي علي اللي هيحصل ليكم

أظن اللى هيحصلنا ناخد علقه محترمه

ههههههه لمده ساعه ههههههه

[ذاتLحسن 0]

هههههههههههههههههههه

 

 

والله فكره حللوه ..

 

 

 

والأحلى اسلوبك..

 

 

 

تقبلي مروري...

 

 

 

اختك ,,

 

ذاتLحسن

[ام النصر 0]

فكره رائعه

[صحبه الصالحين 0]

\..:فجر الأحزان:../جزاكي الله خير علي الشرح وان شاء الله يكون الموضوع القادم بالصور

نسيبه المازنيه بعد الشر عليكو شكرا ليكي

صمت عن الذنوب وانا مالي هو انا اللي قولتلكو تعملو كده ههههههههههه

ذاتLحسن انتي اللي احلي يا حبيبيتي شكرا لمرورك يا عثل

ام النصر انتي الاروع شكرا لكي

[جوهرة القلب 0]

السلام عليكم ورحمة الله وبركاته،،

 

هههههههههههههه والله الفكرة جميله بس النتائج مو جميله ههههههههههه

 

انتى عايزه تقدى علينا هههههههههه

 

انتى منزلتيش الصور عشان اللى حصلك فيها

 

اكيد خدتيلك علقة معتبرة وعايزه اخواتك هنا يخدوها مثلك هههههههههههههه

 

هههههه فكرتك روعه بس الاروع اسلوبك ربنا يحفظك لاهلك

 

جزاكى الله خيرا

[صحبه الصالحين 0]

السلام عليكم ورحمه الله وبركاته

اختي جوهره اسعدتني تعليقاتك الجميله

انا قولت لما وشي يخف من الضرب ابقي انزل الصور ههههههههههههه

ربنا يبارك فيكي يارب وكل الاخوات

[omsagda 4]

هو انت نوية تجيبى اجلنا

هو حد مسلطك علينا

ههههههههههههههههههه

عمتا يا ستى هى فكرة حلوة اوى

[«..ارْتِـــقَّـےـاءْ..» 639]

هههههههههههههههههههههه

توووووووووووحفة

انتي بتجيبي الافكار دي منين يابنتي ؟؟؟؟؟؟