اذهبي الى المحتوى
رضوي 2

قررت اغير حياتي

المشاركات التي تم ترشيحها

بسم الله والحمد لله والصلاة والسلام على رسول الله وآله وصحبه ومن والاه ،،،

 

 

في مسرح الجامعه ، وَقِفَ محمد و أحمد و مصطفى و عبد الرحمن

 

 

 

يشاهدون هذا المقطع عن ( غزه المباركه الطيبه )

 

 

 

http://www.manhag.net/mam/images/fbfiles/i...65b1cdbd47c.jpg

 

 

 

( أضغط على الصوره لمشاهده المقطع ... إياك متضغطش :) )

 

إذا لم يعمل الرابط يمكن الدخول على هذا الرابط لرؤية المقطع

 

http://tinyurl.com/9gb3ct

 

أو شاهد الفيديو من هنا

 

http://video.google.com/videoplay?docid=-8867054748481406265

 

.

 

.

 

خرجَ الشباب الأربعه يخيم عليهم الحزن نتيجة لرؤية هذا المقطع حتى أنهم لم ينتظروا حتى يشاهدوا الندوه المُقامه عن حملة " قررت أغير حياتي "

 

 

 

محمد : ليه منتظرناش علشان نكمل الندوه ؟!!!؟

 

 

 

مصطفى : ياسيدي ندوة أيه وكلام فارغ أيه !!! أنت مش شايف الناس في غزه بيحصلهم ايه ؟؟

 

 

 

عبد الرحمن : بس المقطع كان بيقول أن الندوه بتتكلم غزه ،

 

وكمان عن حمله علشان نتغير ، يمكن ربنا ينصرهم لما نتعدل شويه

 

 

 

أحمد : نتغيّر ليه ؟؟؟ .... واحنا مالنا كده يعني !!!

 

 

( بمجرد أن قال أحمد هذه الكلمات ، وجد هذه الورقيات تُوزَّع عليهم من بعض الأخوه )

 

لمعرفة محتوى الورقه أضغط على الرابط

 

http://www.manhag.net/mam/haml-almsk/ballh...2khr-alnsr.html

 

 

 

محمد : عرفت بقى نتغير ليه ،،!

 

 

 

أحمد : لا معرفتش ، مالك يا سيدي جامد علينا كده ليه :)

 

 

 

محمد : لأن خلاص أنا تعبت ... والله تعبت

 

احنا مش شايفين أهلنا في غزه بيحصلهم أيه !!! مش شايفين

 

والسبب احنا .... والله احنا السبب

 

احنا بكل مصائبنا

 

تقدر تقولي احنا عايشين ليه .... وعايشين ازاي !!!!؟؟؟؟!!!!

 

واحد حياته كله في البنات والخروجات ومقضيها ،،،

 

وواحد مدمن نت وشات واباحيات ،،، وفاكر نفسه بكده الأخ المثقف اللى وصل لقمة التقدم والرقي ،،،

 

وواحد تايه ... شويه مع ربنا وبيصلي وعامل فيها شيخ ... وشويه تايه معانا ،،،

 

وانا ... أنا حالي أيه ... أنا أيه ..................... ( وهنا نظر محمد إلى السماء يستغيث بحبيبه وموالاه )

 

ومع كل دا بتسأل نتغيّر ليه !!!!!!!!

 

احنا عملنا أيه لغزه يا أخ أحمد.... عملنا أيه للمسلمين يا رجال ...

 

 

 

أحمد : مش عارف أقولك أيه بصراحه ؟؟

 

 

 

محمد : قول كلمة حق ، أسباب النصر اللى قرأنها دي ... احنا عملنا منها أيه؟؟

 

 

 

مصطفى : معاك حق يا محمد ، بس احنا مش وحشين أوي كده

 

 

 

محمد : ينظر إليه متعجباً

 

 

 

( وقبل أن يتكلم ، تَدخّل عبد الرحمن قائلا )

 

 

 

عبد الرحمن : خلاص يا شباب ، تعالوا نصلح من نفسنا شويه

 

 

 

محمد : يااااااريت ( ثم نظر مره أخرى إلى السماء نظره بعيده ثم نكس رأسه )

 

 

 

أحمد : طيب نعمل أيه

 

 

 

عبد الرحمن : أول حاجه .... نروح نحضر الندوه معاهم :)

 

 

 

( واتفق الشبان الأربع على الذهاب للندوه مره أخرى ..

 

 

 

وعلى باب المسرح ... وجدوا " عبد الله " )

 

 

 

محمد ( وهو مستبشراً فرحاً ) : عبد الله !!!

 

 

 

فتبسم عبد الله ثم قال : .........

 

 

 

 

 

إنتظرونا في الحلقه القادمه

 

 

 

.

 

 

 

.

 

 

 

.

 

 

 

 

 

عبد الله و محمد و عبد الرحمن و أحمد و مصطفى

 

هم أبطال سلسلتنا

 

مش شرط جنسيتهم أيه ... المهم أنهم شباب مسلم

 

مش شرط يكونوا شباب جامعي ... ممكن يكون عندهم 15 سنه أو 50 سنه أو أكتر أو أقل

 

ممكن أنا أكون واحد منهم ، وممكن أنت تكون واحد منهم

 

حكايتهم مش علشان نتسلي ، أو نحكي قصه نفرغ فيها طاقتنا

 

حياتهم اللى فاتت هي واقع حياتنا ، وحياتهم اللى الجايه لازم برده تكون واقع مستقبلنا

 

 

 

.

 

 

 

.

 

 

 

 

 

إن الله تعالى ناصر دينه ومظهره على الدين كله لا محاله

 

ولكن

 

هل سينصر الله الدين بنا ......... أم بغيــرنا

 

تلك هي القضيه

 

{وَاللَّهُ الْغَنِيُّ وَأَنتُمُ الْفُقَرَاء وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ} [ محمد : 38 ]

 

 

 

 

 

 

 

أنتَ أخي ... أنتِ اختي

 

لعلك تكون من ينصر الله به هذا الدين

 

لمَ لا ..........؟؟؟

 

 

 

ماذا ستقول لرب العالمين عندما يسألك عن أخوانك في غزه ؟؟؟!!

 

ماذا قدمت لهم ..؟؟!!!

 

ماذا فعلت لتنصرهم ؟؟؟!!!

 

هل ستكفى بالبكاء ....؟؟

 

 

 

.

 

 

 

.

 

 

 

 

 

{ إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ }

 

أنا قررت أغيّّر حياتي بحول الله وقوته

 

إيدي في إيدك

 

وأوعدك – إن شاء الله – إننا هنتغيّر مع بعض

 

 

 

وعلشان كده .... بنقدّم السلسله دي " قررت أغير حياتي "

 

سلسله من القلب للقلب ......... للجنه

 

خطوه بخطوه

 

ناخد بإيد بعض

 

نعين بعض

 

لينصر الله بنا هذا الدين

 

 

 

.

 

 

 

.

 

 

 

.

 

 

 

 

 

أصحابنا – أبطال سلسلتنا – منهم هيبدأ معنا وهيستمر لحد ما نوصل للجنه مع بعض

 

ومنهم هيقع في نصف الطريق

 

ومنهم مش هيحاول يدخله

 

 

 

ياترى أنت هتكون تبع أي فريق ؟؟؟؟

 

أنا واثق إنك في فريق الجنه – بإذن الله –

 

 

 

مش مطلوب منك إنك تهتف دلوقتي وتقول " أنا قررت أغير حياتي "

 

ومش مطلوب إنك تمر على رسالتنا مرور الكرام

 

 

 

فقط المطلوب :

 

 

 

{ إيدك في ادينا }

 

 

 

ودي هي أول خطوه

 

 

 

 

 

تااابعونا ... وحملة " قررت أغير حياتي "

 

إنّا نحبكم في الله / أسرة موقع منهج

 

 

 

 

 

 

 

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

 

بارك الله فيك ِ يا حبيبة

وجوزيتم خيرًا بحملتكم .

شارك هذه المشاركه


رابط المشاركه
شارك

بوركت يا حبيبة

و الحمله طيبة

أسأل الله أ ن يعينهم

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

 

بارك الله فيك ِ يا حبيبة

وجوزيتم خيرًا بحملتكم .

 

 

وبارك الله فيكي اختي وجزانا الله واياكي خيرا

 

ممكن اعرف الانشودة اللي حضرتك حاطاها في التوقيع اسمها ايه :cry:

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

 

بارك الله فيك ِ يا حبيبة

وجوزيتم خيرًا بحملتكم .

 

 

وعليكي السلام ورحمة الله وبركاته

واياكي اختي

شارك هذه المشاركه


رابط المشاركه
شارك

رسالة من الشيخ هاني حلمي

 

 

 

بسم الله ، والحمد لله ، والصلاة والسلام على رسول الله صلى الله عليه وعلى آله وصحبه وسلم تسليما كثيرا .

 

أما بعد ... أحبتي في الله ..

 

بطبيعة الحال ، اللحظة لحظة قرار ، والوقت لا يتسع للجدال ولا العبارات الرنانة ، الوقت وقت عمل ، والحدث يقتضي أن يترجم كل واحد منَّا عن إيمانه بأفعال يستبرئ بها ساحته أمام الله تعالى ؛ لذلك تعالوا نتغير ، تعالوا نُري الله من أنفسنا الصدق لا الادعاء ، وحبه وحب رسوله والإيمان الصادق باليوم الآخر لا الافتتان بالدنيا ، تعالوا نبرهن على يقيينا بصدق وعده سبحانه لا أن نتعامل بعجز وهزيمة نفسية ودنو همة .

 

تعالوا إلى تطبيقات عملية نبدأها بشكل متدرج ، لنستثمر طاقة الغضب بشكل فعَّال :

 

أولا : أطالب الجميع بالصيام في هذا الشهر الفضيل شهر الله المحرم ، لأنَّ النبي صلى الله عليه وسلم قال : " أفضل الصلاة بعد المكتوبة الصلاة في جوف الليل و أفضل الصيام بعد شهر رمضان شهر الله المحرم " [ رواه مسلم ]

 

وأقترح الصيام من هذا اليوم (الاثنين) إلى يوم الاثنين القادم ، فصيام الاثنين والخميس معلوم سنيته ، وهناك بعض البلدان اليوم عندها هو التاسع من محرم ، فيصير يوم عاشوراء عندهم الثلاثاء ، وهناك من عندهم يوم عاشوراء الأربعاء ، وقد ذكر العلامة ابن رجب في " لطائف المعارف " أن الأفضل للعباد صيام التاسع والعاشر والحادي عشر من محرم ، فنخرج من الخلافات بصيام هذه الأيام كلها ، والأمر ذاته سيكون بالنسبة لأيام الثالث عشر والرابع عشر والخامس عشر فأطالب الجميع بصيام هذه الايام جميعا .

 

وأحتاج هنا إلى الاحتساب في هذا الصيام :

 

نريد أن نتربى من خلاله على منع النفس من شهواتها ، نريد ميدانا في جهاد النفس ، لا عملا صوريا لا وزن له في القلب ، فقط تغيير لمواعيد الطعام والشراب .

 

نريد أن نحتسب في الصيام أنه لا مثل له ، فعسى الله أن يجعله سببا للحفظ من الفتن ، وما أشدها اليوم .

 

ثانيًا : تفعيل " القيام والتضرع " بشكل يعود علينا تربويا بزيادة رصيد الإيمان .

 

تعلمون أن من أول ما نزل سورة المزمل ، وأول الأوامر التربوية كانت " قم الليل إلا قليلا نصفه أو انقص منه قليلا أو زد عليه "

 

هذا هدف إيماني ، نريد أن نختم القرآن كاملا خلال هذا الأسبوع من باب استفراغ الشحنات بين يدي رب الارض والسموات ، واقتداء بالمعصوم صلى الله عليه وسلم الذي نادى " سبحان الله ماذا أنزل الليلة من الفتنة ماذا أنزل من الخزائن من يوقظ صواحب الحجرات "[ رواه البخاري ]

 

فمن واجب العبد في وقت الفتنة أن يلوذ إلى ربه ، والقيام فيه هذا الدرس الإيماني المهم

 

نريد قيامًا بخشوع وتضرع وتذلل ، وخير القيام طول القنوت ، يعني طول القيام ، فلنصلَّ كل يوم بنحو خمسة أجزاء ، ومن شاء التدرج فلا باس ، على أن يتم ختم القرآن في اسبوع ، كما كان الصحابة رضوان الله عليهم يصنعون .

 

تعالوا نتربى بصيام وقيام ، ونتخذ هذا القرار التربوي التغييري في حياتنا هذا الأسبوع ، وننتقل إلى غيره ، وسأوافيكم إن شاء الله تعالى بأفكار جديدة وقرارات أخرى شيئا فشيئا ،وخطوة بخطوة .

 

 

اريد أن ندخل من الآن في مدرسة تربوية كمدرسة " الأرقم بن أبي الأرقم " التي علم فيها النبي صلى الله عليه وسلم صحابته معاني الإيمان وآتت هذه المدرسة ثمارها بعد قرابة الخمس عشر سنة حين كانت بدر ، فعسى الله أن يأتي بالفتح أو أمر من عنده ، فلا تستعجلوا ، الله سمَّى نفسه باسم " الرب " فهو من يتولى تربيتنا ، ونحن له عبيد يفعل بنا ما يريد .

هيا - أحبتي - هل من مجيب ؟؟؟؟؟؟ هل من مشمر ؟؟؟؟؟؟؟؟؟؟؟ هل من إيجابية صحيحة ؟؟ وهل من توجه رشيد ؟؟

شارك هذه المشاركه


رابط المشاركه
شارك
اريد أن ندخل من الآن في مدرسة تربوية كمدرسة " الأرقم بن أبي الأرقم " التي علم فيها النبي صلى الله عليه وسلم صحابته معاني الإيمان وآتت هذه المدرسة ثمارها بعد قرابة الخمس عشر سنة حين كانت بدر ، فعسى الله أن يأتي بالفتح أو أمر من عنده ،

 

رااائع أختي الحبيبة

 

بارك الله بك ..

شارك هذه المشاركه


رابط المشاركه
شارك
اريد أن ندخل من الآن في مدرسة تربوية كمدرسة " الأرقم بن أبي الأرقم " التي علم فيها النبي صلى الله عليه وسلم صحابته معاني الإيمان وآتت هذه المدرسة ثمارها بعد قرابة الخمس عشر سنة حين كانت بدر ، فعسى الله أن يأتي بالفتح أو أمر من عنده ،

 

رااائع أختي الحبيبة

 

بارك الله بك ..

 

 

وفيكي بارك الله اختي

شارك هذه المشاركه


رابط المشاركه
شارك

بسم الله والحمد الله والصلاة والسلام على رسول الله وآله وصحبه أجمعين ،،،

 

 

 

 

 

أتأخرنا عليكم :) .... معلش سامحونا

 

وقـفنـا في الحلقه اللى فاتت على :

 

 

 

 

 

محمد ( وهو مستبشراً فرحاً ) : عبد الله !!!

 

 

 

عبد الله ( مبتسماً ) : السلام عليكم ورحمة الله وبركاته ،

 

إزيك يا محمد .؟ :)

 

 

 

محمد ( ناظراً إليه بشوق ) : كويس الحمد لله

 

 

 

عبد الله ( ينظر للشباب ) : هاا " على فين يا شباب " ، ها أيه الاخبار

 

 

 

أحمد : يعني رايحين نبص ع الندوه شويه

 

 

 

عبد الله : والله نورتوا الندوه والمحاضره وكل حاجه :) ،

 

( ثم ينظر إلى محمد ) هااااا روحت فين يا عم محمد .

 

 

 

محمد : بفكر أنا رايح فين

 

 

 

عبد الله : ياااااااااااااه ... من زمان وانا مستنيك ترجعله بقى

 

 

 

محمد : ارجع لمين ؟!

 

 

 

عبد الله ( ينظر الى السماء ويشير قائلاً ) : ترجع لحبيبك

 

( صمت محمد وسرح في كلمات عبد الله )

 

 

 

مصطفى : انا مش فاهم حاجه

 

 

 

عبد الرحمن : ولا انا ، طيب يلاا ندخل الندوه

 

 

 

عبد الله : الله ينور عليك ، في محاضره رااائعه هتبدأ دلوقتي ، وهي أول خطوه في الطريق يا محمد

 

 

 

محمد : محاضرة ايه

 

 

 

عبد الله : ندخل وهنسمعها سوا :)

 

 

 

( دخل الشباب الخمسه الى مسرح الجامعه واخذوا يستمعون الى المحاضره سوياً )

 

 

 

واحنا كمان محتاجين نسمع نفس المحاضره

 

ودي محاضرة هذه الحلقه ، طبعاً من غير ماقول ، هنحمل المحاضره كلنا ونسمعها :)

 

 

من أجمل ما سمعت

 

download_trans.gifللتحميل

 

وانتهت المحاضره ،،،

 

 

 

مصطفى : يلاا نخرج بقى

 

 

 

عبد الله : الندوه لسه مخلصتش ، لسه هنتكلم عن طريقنا في التغيير وخطواتنا و

 

 

 

( قاطعه مصطفى قائلاً ) : ياسيدي كفايه علينا كده اوي

 

يلاا يا شباب علشان نخرج

 

 

 

عبد الله : طيب استنوا انا خارج معاكم

 

.

 

.

 

 

 

خارج مسرح الجامعه ،،،

 

 

 

عبد الله : هاا ايه اكتر حاجه عجبتكم بقى في المحاضره

 

 

 

أحمد : الحته بتاعت البنطلون الساقط ههههههه

 

 

 

عبد الله : هههههه اه اصله موضوع حساس اليومين دول :)

 

وضحك الشباب جميعا ، ولكن محمد يبدو انه كان بعيداً عنهم بتفكيره

 

 

 

عبد الرحمن : سبحان الله ، المحاضره كأنها بتتكلم عننا كلنا

 

جايبه قصة كل واحد فينا ، وكأن الشيخ كان عايش بينا

 

 

 

عبد الله : هاا وايه كمان ؟

 

 

 

عبد الرحمن : مش عااارف !!!

 

 

 

محمد : اهو انت كده جاوبت على السؤال

 

" على فين يا شباب " ؟؟؟؟؟ ---- >> مش عاااارفين

 

 

 

عبد الله : وهي دي البدايه ، إنك تجاوب على السؤال

 

انت مش عارف انت رايح فين

 

بس لازم تعرف

 

مشكلتنا ... مشكلتنا كلنا

 

سواء أنا الأخ الملتحي الملتزم ، أو أنت الأخ اللى نص نص

 

أو الأخ اللى تحت خالص

 

كلنا ماشيين ومش عارفيين احنا رايحين فين

 

الملتزمين متصورين ان الدين لحيه ونقاب وقيام وصيام وبس

 

وغير الملتزمين متصورين أن الدين خنقه وكبت وحبسه ووجع قلب

 

والاتنين ماشيين في طريقهم كده ، من غير أي هدف

 

 

 

عبد الرحمن : معاك حق يا عبد الله

 

 

 

أحمد : دا طريق الدين والالتزام صعب وثقيل اوي يا أخي !!

 

 

 

عبد الله : مين قال كده ؟؟؟ احنا بنبص للجانب المادي في الحياه ، مش بنبص للجانب العظيم

 

مبنبصش لربنا ...

 

احنا والله محرومين

 

بنحرم نفسنا من الله جل وعلا

 

بنحرم نفسنا من ساعه نقعد نشكي لله الدنيا واحوالها

 

بنحرم نفسنا من سجده نبكي فيها بين يديه ونطلع اللى جوانا

 

بنحرم نفسنا من لحظه صافيه بينا وبينه

 

بنحرم نفسنا من الحياه بجد

 

كل واحد مننا بيحب ربنا ، وبيحب ربنا اوي

 

وكل واحد مننا ربنا بيحبه ، وبيحبه اوي

 

الحب دا بيخلينا دايما مشتاقين لله ، ومحتاجين نقرب منه

 

بس احنا بنمنع قلوبنا وبنحرم روحنا

 

 

 

محمد ( وقد امتلأت عينيه بالدموع ) : انا عاوز اروّح

 

 

 

عبد الله : حاضر ، هسيبك النهارده بس :)

 

لكن متنساش تجاوب نفسك " على فين يا محمد "

 

ومتقولش معرفش :)

 

ربنا يصلح حالك ويرضى عنك يا محمد

 

.

 

.

 

ذهب محمد إلى بيته

 

ووجد نفسه يتجه مباشرة إلى الخلاء ( الحمام ) ويغتسل ( يستحم )

 

ثم يتوضاً ، ولأول مره يستشعر محمد معنى الوضوء

 

لأول مره يشعر أن في الوضوء لذه ، وانه يريح القلب ، وأنه حقاً يغسل الذنوب والخطايا

 

دخل محمد إلى غرفته وأغلق الباب ،

 

وبكى بكاءاً شديداً

 

كان يشعر بخجل وحياء وهو يقف وحيد مع الله في الغرفه

 

لأول مره يشعر أن وحيد مع ربه

 

كان يريد أن يقترب أكثر ، يريد أن يقوم ليصلي

 

ولكن حياءه منعه من أن يرفع رأسه

 

يااااارب ... ياااارب ... ياااارب

 

هكذا اخذ يتأوه وينادي ربه حتى .........

 

 

 

 

انتظرونا في الحلقه القادمه بإذن الله

 

 

 

.

 

.

 

.

 

 

 

 

 

 

 

 

 

محاضرة هذه الحلقه هي " على فين يا شباب " ، وزي ما اتفقنا

 

هنحمل المحاضره وهنسمعها

 

 

 

المحاضره بتقولنا :

 

أين انت ؟؟....و الي اين ذاهب؟؟

 

اين انت من الطريق الي الله

 

والي اين انت ذاهب

 

ماهو الهدف الذى تعيش لأجله

 

 

 

عايش ليه ؟؟؟

 

اهى ايام و بتنقضي ، مفيش هدف محدد ، عايشين حياتنا بالطول و بالعرض ،و بنجرب كل حاجة ، ايه المشكلة

 

الكثير يغفل ان هذه هى البداية

 

كثير من الشباب يقول """اهى مرة و هتعدي"""

 

ابليس قبل ان يكون منه ما كان اقسم على نفسه ان لا يترك موضع قدم الا و سجد فيه

 

وعندما امر بالسجود ...عصي ..................كانت مرة واحدة

 

سيدنا ادم...................امره الله ان لا يأكل من الشجرة

 

أكل منها..........عصي ................كانت مرة واحدة

 

 

 

ماهو حلمك فى الحياة

 

هل تحلم بالجنة ..............................ام ان هموم الدنيا قد أنستك هذا الحلم

 

هل تسأل عن عمل يدخلك الجنة

 

عن أبي عمرو رضي الله عنه قال: "قلت: يا رسول الله قل لي في الإسلام قولاً لا أسأل عنه أحداً غيرك، "

 

قال: "قل آمنت بالله ثم استقم".

 

 

 

.

 

.

 

 

 

عايزين نسأل نفسنا نفس الأسئله اللى سألها لنا الشيخ في المحاضره ونجاوب عليها:

 

 

 

1/ عايش ليه ؟ وايه هي اهتماماتك في الحياه ؟

 

2/ أيه اكتر صوره بتحلم بيها ؟

 

3/ في 30 ثانيه اكتب اهم 3 اهداف في حياتك ؟

 

4/ لو معاك مليون جنيه الآن ، أيه او شيء هتعمله ؟ وايه تاني شيء هتعمله ؟

 

5/ لو عرفت إنك هتعيش 6 شهور فقط ، هتغير ايه في حياتك ؟

 

 

 

والاسئله الآخرى أيضا ،،

 

 

 

 

 

لو عاوز تغير حياتك فعلاً وتكمل معانا صح ... يبقى لازم نلتزم باتفاقنا معاً

 

هنسأل نفسنا الاسئله دي ، ونجاوب عليها بجد ... بجد

 

ونشوف ، ياترى عاوزين نكمل كده ولا هنفكر في التغيير بجد ؟

 

 

 

متنسوش ، من البدايه قُلنا ان في ناس هتبدأ معنا لحد من نوصل للجنه سوا

 

وفي ناس هتكمل لنصف الطريق وتقف

 

وفي ناس مش هتدخل خالص

 

 

 

ياترى أنت أيهم .؟؟؟؟؟؟؟؟؟؟؟؟؟؟؟؟؟!!!!!!!!!!!!!!

 

 

 

 

 

في شوية حاجات محتاجين نتفق نعملها معاً:

 

 

 

1/ نستغفر .. نستغفر ... نستغفر

 

( استغفر الله واتوب اليه )

 

2/ يكون لنا ورد يومي من القرآن ( ولو آيات قليله )

 

3/ ونصوم يوم الأثنين القادم :)

 

 

 

 

 

.

 

.

 

 

 

الحلقه الجايه هي حلقة اخذ القرار

 

هنشوف قرارات الشباب الأربعه

 

ونشوف مين هيكمل معنا ، ومين هيتنازل عن نصيبه من الجنه

 

 

 

 

 

موعدنا الجنه/أسرة موقع منهج الاسلامي

تم تعديل بواسطة رضوي 2

شارك هذه المشاركه


رابط المشاركه
شارك

الحمد لله وكفى .. وصلاةً وسلاماً على عباده الذين اصطفى وآله المستكملين الشرفا ،،،

 

 

 

 

 

 

 

قبل من نبدأ حلقتنا ،،،

 

أعتقد أننا نسينا غزه شويه ، يعني الموضوع ممكن نقول قرب من شعار "" عاااااادي ""

 

حتى قرار التغيير ، أيضاً بيتسحب تحت نفس الشعار

 

وكأننا خايفين نقرب من ربنا ... أو خايفين ندخل الفردوس الأعلى !!!!!!!!!

 

أو خايفين نبقى في صحبة النبي صلى الله عليه وسلم ... أو خافين من جلسه بين يدي الله جل وعلا تحت ظل عرشه

 

أو ممكن الحاجات دي في في دماغنا... ولا ممكن حماستنا خفت والشعله انطفئت شويه

 

 

 

 

 

أغلب ظني أنها في دماغنا وأن كلنا نرجوهاااا ....:)

 

بس بصراحه

 

مبنشتغلش صح ، ومش هقول مش عارفين نشتغل صح

 

لأن الطريق أمامنا بقى واضح أوي بفضل الله ، والأيدي التى تمتد لنا كثيره كثيره

 

بس احنا لسه ماسكين فيها أوي ........ ماسكين في الدنيا

 

صح ولا مش ؟؟

 

 

 

 

 

المهم .... مبارك على غزه وعلينا وعليكم آخر أحداث غزه :) ، انا في قمة سعادتي

 

افرح وانبسط ، وملكش دعوه باللي يقولك هتفرح على أيه ... لسه اليهود مسيطرين علينا

 

لأ ... النصر قادم ... وهي دي أول بشرى ، هننتصر قررررررريب يا نااس

 

وتعالوا نسجد جميعاً سجدة شكر لله على بشائر النصر هذه ، دي أمانه لازم تسجد J

 

 

 

نكمل حلقتنا ، وخليك معنا وتواصل معنا أكتر وأكتر ،،

 

 

 

.

 

.

 

.

 

 

 

محمد قضى ليلة عمره مع ربه

 

أول ليله يقضيها بين يدي الله ، ولا أخفيكم ما أمتع وأطيب هذه الليله

 

حقاً .... هي الليله التي لا تنسى والتي كلما يذكرها العبد يشعر برعشه ولذه عجيبه

 

ولا أنت أيه رأيك ؟؟

 

 

 

وفي اليوم التالي رن هاتف محمد

 

 

 

محمد : ألو

 

 

 

المتصل : السلام عليكم ، أزيك يا محمد ، انا عبد الله

 

 

 

محمد ( فرحاً مبتهجاً ) : عبد الله !! ، ازيك أنت ، انت اخدت رقمي منين

 

عبد الله : بسرعه بسرعه افتح التليفزيون دلوقتي ، وشوف حلقة " قررت أغير حياتي " ومستني منك تليفون بعدها ، انا هتصل ببقية أصحابك

 

، يلا السلام عليكم ، مستني تليفونك يا استاااذ

 

 

 

محمد : وعليكم السلام ورحمة الله وبركاته ، حااضر حاااضر حااضر

 

( قائلاً لنفسه : ياااارب خلي عبد الله معايا واقف جنبي ، يااارب انا نفسي أقرب منك أوي ، يااارب متحرمنيش منك ، يااارب )

 

 

 

وفتح التليفزيون سريعاً وشاهد الحلقه

 

 

 

وكانت هذه هي الحلقه ، وهي حلقة رسالتنا اليوم

 

 

 

 

 

من أجمل ما سمعت

 

 

 

 

من أجمل ما سمعت

 

download_trans.gifللتحميل

 

 

 

 

 

 

 

وبعد الحلقه أمسك محمد بهاتفه ودخل على الرساله ، وكتب :

 

( عبد الله ... خلاص " أنا قررت أغير حياتي " خليك معايا خطوه بخطوه )

 

 

 

إنتظرونا في الحلقه القادمه

 

.

 

.

 

.

 

 

 

محمد أخد قراراه ، وأخده بجد وبسرعه ، واختار الصحبه اللى هتقف جنبه في طريقه ،

 

و بدأ يلتزم ببعض الأمور ، واحنا كمان لازم نلتزم بيها :

 

1/ الصلاه على وقتها

 

2/ صلاة 12 نافله ( سنن بعد الصلوات ) في اليوم

 

3/ ركعتين قيام ليله ( على نفس غرار أول ليله قضاها كل منّا بين يدي حبيبه ربه وموالاه )

 

4/ ورد قرآني ( ولو آيه ، أو اثنين ، أو صفحه أو جزء ، أو عشره ) على قدر ما بتحب ربنا هتحب تتلو كلماته

 

5/ الاستغفاار ،، فالاستغفار أول الطريق لتطهير القلب لاستقبال حب الله ومعرفته

 

6/ أذكار الصباح والمساء ، ودوام الذكر ... واللى بيحب دايما بيذكر حبيبه ،

 

انا عن نفسي بحب أوي ( سبحان الله والحمد لله ولا اله الا الله والله اكبر )

 

ها وانت بتحب ايه ؟؟؟!!

 

 

 

 

 

محمد أخد القرار وبدأ التنفيذ ،

 

أريدك الآن ان تهتف لله ( ياااااااااااااارب ، خلاص قررت أغير حياتي ، ياااارب خليك معايا خطوه بخطوه ، ياااارب متسبنيش ومتحرمنيش منك )

 

 

 

.

 

.

 

.

 

الحلقه الجايه ، هنتكلم بشكل عملي جداً

 

هنشوف ذنوبنا ( و آآآه من ذنوبنا )

 

هنشوف قد أيه هي تعبانا وصعبه علينا وهنشوف مع بعض هنخلص منها ازاي

 

 

 

متنساش الواجبات اللى اتفقنا عليها

 

 

 

 

 

 

 

أسره موقع منهج الاسلامي ،،،

 

شارك هذه المشاركه


رابط المشاركه
شارك

السلام عليكم ورحمة الله وبركاته،،

بارك الله بكِ يا غالية وبهذه الحملة الرائعة

شارك هذه المشاركه


رابط المشاركه
شارك

جزاكى الله خيرا

ربنا يجعله فى ميزانك

شارك هذه المشاركه


رابط المشاركه
شارك

بسم الله والحمد لله والصلاة والسلام على رسول الله وآله وصحبه ومن والاه ،،،،

 

نرجع شويه لحلقة ( اخدت قرارك ولا لسه )

زي ما قُلنا عن الشباب الأربعه في الحلقه الفائته

محمد آخذ قراراه ، عبد الرحمن ايضاً اخده لكن مش بنفس القوه ، أحمد **ل ياخد القرار ، ومصطفى مش شايف أنه محتاج يغير أي حاجه في نفسه ( ممكن يكون معجب بحياته كده ، لكن احنا بقى مش معجبين بحياتنا كده ، وعلشان كده هنتغير )

من هذه الحلقه هنبدأ في ( خطواتنا للإلتزام )... ودي هتكون بإذن الله أول مشروع لرحلة الفردوس

.

( عبد الله جمع الشباب الاربعه في بيته ، وبعد الترحيب والضحك )

عبد الله : صلوا على النبي يا شباب

( اللهم صلى على النبي محمد وآله وصحبه وسلم )

عبد الله : هااا تعالو نتكلم شويه عن ربنا

عبد الرحمن : يااريت والله يا عبد الله ، كلامك بيريح قلوبنا أوي

وابتسم محمد لعبد الله ابتسامه مليئه بالشوق ( الشوق لعبد الله ، والشوق للحديث عن ربّ عبد الله وربّ العباد جميعا )

عبد الله : فاكرين أول ما اتقبلنا عند مسرح الجامعه ، كنا عاوزين نعرف احنا ماشيين ازاي وطريقنا كده صح ولا غلط ، كنا عاوزين نجهز نفسنا علشان نقدر ناخد قرار التغيير

وبعد كده ربنا رزقنا بحلقه طيبه جداً ( قررت أغير حياتي ) وكانت مناسبه جداً علشان كل واحد مننا ياخد قراره

والآن .... أنتم حاسّين بايه ؟؟

محمد : حساس أني نفسي أروح لربنا أوي وبسرعه جداً ، بس حاسس أني ثقيل أوي ، في حاجه واقفه بيني وبين ربنا ، في حاجز كبير بسببه مش عارف اتغير ، بس مش عارف ايه هو الحاجز ؟

عبد الله : الذنوووووووووووووووووووب يا محمد .... وآآآآه من ذنوبنا

محمد : ذنوبي .................................................. ........ يااااااااه ودي أخلص منها ازاي ، دا لو استنيت أني أخلص من ذنوبي يبقى مش هوصل لربنا أبداً ،،،

عبد الله : لأ لأ لأ أصبر علينا كده ، خلينا ماشيين خطوه خطوه ،

ومتنساش كلام ربك رب العزه : { قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ } [ الزمر/53]

النهارده هنسمع درس حلو أوي ، هيعرفك إزاي ذنوبك دي كلها تتمحي في لحظه واحد

(قاطعه عبد الرحمن قائلا ) : الكلام دا لو عندنا ذنوب ثقيله ، هي دي اللى بتقف بينا وبين ربنا كده ، لكن ذنوبنا الخفيفه دي يعني عاديه جداً

عبد الله ( مبتسماً ) : انا كده هضطر أغير الدرس اللى هنسمعه :) ، الموضوع دلوقتي بقى أننا محتاجين نحس خطر ذنوبنا ، وازاي فعلاً بتكون عائق بيننا وبين الله عز وجل

أحمد : والله الواحد مش عارف من الأصل أيه هي الذنوب الخفيفه وأيه هي الثقيله

عبد الله : مممممم ، وانت يا مصطفى أيه رأيك

مصطفى : يعني عادي .... انا عندي مشوار ولازم امشي

عبد الله : تمشي !!!!

وحاول الاصدقاء جميعاً اقناع مصطفى بالبقاء ولكنه صمم على الذهاب

وعند باب البيت

ناوله عبد الله مصطفى شريط تحت عنوان ( آآآه من ذنوبي ) ، وقال له :

عبد الله : أنا مازال كلي أمل أنك مش هتترك طريق ربنا ، وأنك هتحاول توصل معنا

بالله عليك أسمع الشريط دا ، اسمعه بقلبك ، حاول تقرب خطوه واحده من ربنا ، حاول مجرد محاوله

ولو قربت هتحس قد ايه القرب منه حلو أوي ، ووقتها هتكمل عمنا وانا واثق :)

مصطفى ( ويبدو عليه التأثر وأنه يرغب في البقاء ، لكنه تراجع عن هذه المحاوله ) : حاضر هسمعه

عبد الله : أني أحبك في الله :)

مصطفى ( وكأن الكلمه اصابته ) : ادعيلي ... ادعيلي ( وذهب مصطفى عنهم !!!!!!!!!!!!!!!!! )

.

.

اجتمع الشباب الثلاثه مع عبد الله في الغرفه

عبد الله : الذنوب يا أخواني بتسجن الواحد منّا ، بيحس بوحشه بينه وبين ربه

أنت لما بتعمل ذنب من غير علم أهلك لأنه هيغضبهم ، بتحس أن بينك وبين أهلك وحشه وفجوه ومساااااافه كبير اوي

ولله المثل الأعلى ، فما بالكم لما تعمل ذنب يغضب ربنا جل وعلا ، تبقى مشكله كبيره أوي

عبد الرحمن : تعرف يا عبد الله ، أنا بسبب الذنوب الكتيره دي بحس أني تايه وحيران ، بحس أني خايف من كل حاجه ، بحس أوقات أن مليش نفس اعمل اي حاجه ، وأن في وحشه بيني وبين كل شيء ، وحشه مع صحابي واهلى والدنيا كلها ، ووحشه بيني وبين الله

عبد الله : ودا خطر من خطر الذنوب يا مصطفى ، الذنب بيعمل غلاف وطبقه سوداء على القلب ، هذه الطبعه تَحُول بينك وبين الله ،

غير كده الذنوب بتذلنا أوي ، بالله عليكم لما بتتفقوا تعملوا معصيه معينه ، وتفضلوا بقى تحاولوا يمين وشمال وتبحثوا هنا وهنا ، وتتذلوا لكل شخص شويه علشان ييسر ليكم المعصيه دي ، وتتذلوا لأنفسكم لأنكم مش قادرين تمنعوها من المعصيه الفلانيه ............. مش دا ذل !!!!

أحمد : وأنت هتقولي على الذل اللى من النوع دا ، دا الواحد بتبقى كرامته في الأرض

محمد : وربنا أكيد بيغضب مننا لمّا بنعمل الذنب

عبد الله : ياااااااااااااه يا محمد ، مش عارف أقول أيه

محمد : تعالى نسمع الشريط دا ( وأشار إلى شريط آآآه من ذنوبي )

[ لايمكنك مشاهدة الرابط لانك غير مسجل لدينا اضغط هنــا للتسجيل الان ]

وبعد إنتهاء الدرس

محمد : ياااااااااااااااااااااااااه ، احنا كنا تايهين أوي

احمد : أي والله

مصطفى : أهم نقطه دلوقتي ، عاوزين يا عبد الله نتفق على شوية نقاط عمليه اللى الشيخ قالها لنا في الدرس ، ونحاسب بعض عليها ،،

محمد : انا عاوز الحلقه الثانيه اللى الشيخ قال أنها تتمة هذه الحلقه ، محتاجها ضروري يا عبد الله

عبد الله : تحت أمرك يا باشا

لكن خلينا في الأول نتفق على الواجبات :

(1)الرغبه في الخلاص من كللللللللل ذنوبنااااااااا كبيرها وصغيرها ، الرغبه في التوبه بجد

(2)الدعوه دي تبقى على لسان ليل نهار ( اللهم ارفع مقتك وغضبك عنّا )

(3)محتاجين نتذل لله مش للذنب ، نجرب يعني ايه نن**ر بين يدي الله ، نجرب يعني ايه نبكي بين يديه ، نقوله يااارب مش لينا حد غير ، واحنا فقراء ومساكين له سبحانه وتعالى

(4)نتصدق بصدقه كبيره ، صدقه بينة ( صدقة السر ترفع تطفىء غضب الرب )

(5)نستغفر 1000 مره في اليوم ( متتخضش كده ، الألف استغفر مش هياخدوا الا ربع ساعه ، وجرب وقولي )

(6)نعمل ختمة قرآن ( يعني اللى بختم في شهر ، عاوزين نختم المره دي في اسبوع من الجمعه للجمعه ، واللى بيختم في سنه يختم في شهر ، طيب واللى مش بيختم خالص الا في رمضان ، يحاول بقدر الامكان يعمل ختمه )

(7)الصلاه على النبي صلى الله عليه وسلم ، بيني وبينكم أنا بحب سيدنا محمد أوي أوي ، وألذ حاجه عندي أني اقعد كده اصلي عليه وأتكلم في سيرته :)

(8)ونصوم بقى يوم الاثنين الجاي دا :) :) :) :)))))))))))))

( من غير ضرب بقى ) :)

أه صح وخدوا بالكم :

1- الذنب بيجيب ذنب ولازم ناخد قرارنا دلوقتى قبل ما أرجلنا تثقل اكتر من كده.

2- ربنا بيبعتلنا رسايل كل يوم لازم نترجمها وبيبعتلنا ناس تاخد ايدينا للطريقولازم نمسك فيهم

3- نلزم الصحبة الصالحة وندور عليها ( يعني زي صبحتنا دي كده :))))) ).

4- نحاول يبقى لينا ورد سماع من القران بقلبنابقلينااااااااااااااااااااااااااااااا .....

.

دا طبعا بالإضافه الى الخمس واجبات اللى كانوا في الدرس اللى فات

أحمد : كل داااااااااااااا

عبد الله : جرب أنت تعمل الحاجات دي بقلبك ، ووالله هتقولي الحاجات دي قليله أوي ، دا ربنا يا سيدي ... اللــــــــــــــــــــــــــــه

محمد :أنا حساس أني هتولد من جديد ، لكن خايف أوي ، حاسس أن ذنوبي دي صعه حتى اني افكر أن ممكن ربنا يغرفها

عبد الله : طيب خدوا بقى اسمعوا الجزء التاني من هذا الدرس ( نفسك تتوب )

ووقتها يا عم محمد هتقولي انك خلاص هتدخل الجنه من بكره بمشيئة الله :)

 

إنتظرونا في الحلقه القادمه

.

.

انا مش هزيد حاجه على كلام الأخ عبد الله

 

 

لا تنسوا الواجبات العمليه

حلقتنا القادمه هي ( نفسي اتوب ) ... هنشوف ازاي نخلص من ذنوبنا وازاي نتوب بجد الى الله عز وجل

الحلقه ستكون بين محمــــــد وربه فقط

وصلى الله على نبينا محمد وآله وصحبه وسلم

اسرة موقع منهج الاسلامي

شارك هذه المشاركه


رابط المشاركه
شارك

اعاننا الله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×