بعد عناء شعرى بقي رووووعه

[بسبوووسه 0]

السلام عليكم ورحمة الله وبركاته

من كتر الحجاب طبعا وكتمة الشعر شعرى كان اخشن مع ان طبيعته عاديه مش ناعم ولا خشن ومعرفش ايه اللى حصل ومش بقا يطول وبقي خفيف وكمان مقفصف لوحده بالرغم من طبيعه شعرى غير كده زى ماقولت

واستخدمت وصفات كتييييير اوى بالذات من المنتدى بتاعنا ده لان كنت متابعه كويس من فتره للمنتدى وفيه صفحه لو تعرفوها اسمها صفحه الوصفات المجربه وفعلا الوصفات جابت معايا نتيجه مثلا زى العسل النحل والزبادى والحنه وزيت الزيتون , شعرى فعلا كان بيتفرد وبيبقي ناعم وبقي يطول شويه بس مش كتير

بس بقي ربنا ما يوريكم لما بتعب في مرة ومش بعمل الوصفات دى شعرى بلاقيه عامل زى ايريال التليفزيون القديم :icon_eek: وخششششششششششن معرفش ليه

يعنى الوصفات دى بتجيب نتيجه وقتيه ويوم ماتبطليها اسبوع شعرك مش تعرفيله وش من دهر :mrgreen:

بس انا تعبت من التجارب والوصفات واخيرا الحمد لله بابا كان سافر يعمل عمره وجاب لنا معاه كرتونه زيت دابر املا الاصلي , والله ياجماعه خلا شعرى حرير والله العظيم ومش ماسك في بعضه كده يعنى ممكن تشوفه وحده شعرها ملموم وشكله ناعم لكن لما تمسكيه تلاقيه لازق في بعضه ومش ناعم بالمره

انا علي فكرة كنت انا واخواتى نستخدم الزيت ده من واحنا في حضانه لغايه ابتدائي بس عشان بابا مبقاش يساافر السعوديه مش بقينا نجيب بس نتيجته كانت رهييييبه زمان والله شعرى كان اسود جامد وناعم جدا وتقيل وعمرو ماقصف

ودلوقتى بقيت استخدمه بس بصراحه انا لما استخدمته بتاع اسبوعين كده شعرى بقي هايش وحسه انه مش حلو ومكنتش هكمل وقولت هرجع تانى لزيت الزيتون لكن الظروف اجبرتنى انى استمر عليه ودى كانت احلى صدفه لان الحاجه مش بتبان نتيجتها الا بعد فتره كويسه فعلا

وبعد من استعمالى له لمده 3 اسابيع والله نتيجه فظيعه مصدقتش ان كل ده يطلع من زيت دابر املا

وعموما اللى ساعد ده كمان الحاجات دى

1_ قصييت كلللللل اللى كان مقصف وبقي اقل من كاريه وكان صعبان عليا اقصه بس ده احسن ليا في المستقبل

2_انتظمت انى اقص اطراف شعرى كل شهر ونص عربي , وبقالى كده اكتر من 6 شهور

3_استخدمت شامبو مناسب لشعرى وبقيت في الصيف اغسله كل 3 او 4 ايام وفي الشتا كان كل اسبوع

4_كنت بغسل شعرى لورا بمعنى انى ممسكش شعرى بإيدى واقعد اجيبه يمين وشمال وورا وادام وادعك بيه بالشامبو :wacko: , كل اللى عملته انى كأنى بسرح شعرى لورا وبغسله بالطريقه دى واللى هتفهم كلامى هتغسله بسهوله وبسرعه

5_بعد كل غسله كنت احط عليه زيت دابر املا

6_وبعد كده اسرحه ألفه طقيه والبس الإشرب عليه من بلليل للصبح واتفرجى بقي عليه

***والحمد لله دلوقت بقي ناعم وتقل شويه كتار وبقي يططول طبيعي بس انا بقي مزاجى بقي اقصه وبقي جميل وياااااارب كلكم توصلو للنتيجه دى :rolleyes: ****

يااااااااارب اكون فيدتكم من تجربتى :smile:

[د مشمش 0]

ربنا يباركلك في شعرك

 

جزاكي الله خيرا

[وفاء السلفية 19]

السلام عليكم ورحمة الله وبركاته،،

ما شاء الله لاقوة الا بالله ربنا يبركلك فى شعرك ويزداد جمالا

وجزاك الله خيرا على النصيحة

[العاشقة لزوجها 0]

جزاكي الله خير لقدافدتينا يا اختي الحبوبه وان شاء الله حنجرب :mrgreen:

thank you

[أم سوفي 0]

بارك الله فيك

ويارب يطول شعرك ويحليه كمان وكمان

[بسبوووسه 0]

اخواتى ام سوفي والعاشقه لزوجها ووفاءوخائفه من الموت الله يبارك عليكم انتم

ودايما اشوفكم قمرات منورين المنتدى والدنيا كلها كمان :rolleyes:

ونسيت كمان اقولكم حاجه مهمه والله فرقت معايا جدا وهى انكم تتغذو كويس كلو من كل الاصناف واللى خايف يتخن :wink: ياكل بحدود بس كلللللللللللللللللللل حاجه

احبكم في الله يااحلى اخوات :wub:

[fatma fatma 0]

لسلام عليكم ورحمة الله وبركاته

كنت عاوزه اسئلك ياحبيبتى :smile:

دلوقتى انتى بتقولى انك بتغسلى شعرك

وتسرحيه (رقم3_6)بس انا مش فهماها :laugh:

معلش استحملينى

وهل زيت دابر املا اللى عندينا فى مصر اصلى ولا لا

ياريت تردى عليا

ربنايبارك فيك :smile:

[سراج الجنه 0]

انا بجد شاكرة ليكى اوى عالوصفة دى عشان بجد شعرى مقصف ونشف بس اصلا طبيعتة كان ناعم ومكنتش عارفة اعمل اية جزااااااك الله كل خيرورنا يباركلك فى شعرك

[بسبوووسه 0]

سراج الجنه منوره الموضوع وربنا يبارك فيكى انتى ياجميله :smile:

اما بقي اختى السكرة فاطمه :wink:

بصي بقي يافطومه رقم 3 دى يعنى انا في الصيف كل مايعدو 4 ايام اغسل شعرى وهكذا , لكن في الشتا بغسله في الاسبوع مره واحده ,,,, ورقم 6 انى بعد ماابحط الزيت بلف شعرى يعنى بفرق شعرى من الجنب و بالمشط ألفو حوالين راسيه لغايه ماشعرى كله يتلف ودى اسمها ألفو طاقيه وبعد كده البس الإشرب وانام والصبح اسرح شعرى وهتلاقيه مفرود ولا كأنك عملاه سشوار :wink: , ولو مقدرتش افهمك طريقه اللف الطاقيه دى اسألى والدتك اكيد هتعرف

اما زيت دابر أملا ياستى هتلاقي الاصل منه من غير ما تشكى فيه في السعوديه حتى واحده صحبتى كانت عايشه في السعوديه كانت بتستخدمه وكانت الله اكبر علي شعرها بس لما جت مصر قدرت تعرف ان اللى هنا مش اصلي الا في مناطق نادرة جدا جدا وهى لغاية دلوقت بتبعت من السعوديه مش بتشترى من هنا وانا كمان زييها اللى بيروح السعوديه من عندنا بيجيبلنا معاه

واى استفسار قولى مش تتكسف ياجميل انا نفسي افيدك والله انتى وكل اخواتى

احبكم في الله :rolleyes:

[طيف الكاميليا 0]

مشكوره حبيبتي بس للااسف ما اقدر احصل الزيت وشعري

صار يكسف والله دايم يفشلني

[بسبوووسه 0]

مشكورين اخواتى عللي مروركم

اهتمى بيه اختى طيف الكاميليا ولو هتستخدمى وصفات بلاش تكترى منها وتنوعى فيها عشان مش تجهديه :smile:

علي فكرة اسمك جميل :wink:

[،،، نور ،،، 39]

وعليكم السلام ورحمة الله وبركاته

 

أهلًا يا بسبوسة ..

تعرفي أنّ موضوعكِ هلكني ضحك :wink: ..

أنا كمان شعري بعد الحجاب إتغيِّر كتير ..

وخصوصًا لما عملت هاي لايت ..

 

هههههه

بس أنتِ تحفة ..

أنا مش قادرة أبطّل ضحك والله ..

 

إن شاء الله أحاول أجيب زيت دابر أملا الأصلي ..

وأتبِّع الخطوات اللي ذكرتيها لنا ..

 

أختكِ في الله

نور

[الهاملية 0]

السلام عليكم ورحمة الله وبركاته،،

بس يا بسبوسة زيت دابر أملا أنواع ,,,,,,,,,, وريحته مزعجة ,,, كيف تتحملينه

بااارك الله فيك وجزاك الله خير

[بسبوووسه 0]

اختى الهامليه

انا كذا مرة اعمل سيرش علي الزيت ده والاقي فعلا ناس تقول ده ريحته صعبه بس انا مستغربه :biggrin: لان ريحته عاديه جدا ومفيهاش الشيء اللى يخليكو تقولو كده , وهو ده الزيت اللى كنت بجيبه من وانا في حضانه متغيرش لا في الريحه ولا في العلبه ولا في اى شيء والنتيجه في الوقتين اللى استخدته فيهم واحده وروعه (زمان يعنى ودلوقتى) , ومش عارفه انواعه ايه بصراحه بس اللى بشتريه واحد العلبه لونها زيتى واكبر من كف الأيد بشويه صغيره و مكتوب عليه دابر إنديا لميتد نيودلهى الهند 200 ملى لتر صافي وصحبتى كمان هو ده اللى بتجيبه

 

 

أما بقي الست نووووووور

بتضحكى لييييه عليا ياوحشه ده اللى كتبته قليل والله :rolleyes:

ده انتى مشوفتنيش قبل التعديل كان شعرى زى ايريال التليفزيون النص عمر :icon17: :icon17: :icon17:

بس الحمد لله رمينا التلفيزيون خالص واشتريت واحد تانى 21 بوصه بالالوان :laugh: :icon17:

وجزاكم الله خير علي مروركم الجميل :smile:

[* سمر * 2]

إيه يا بسبس العسل ده

ربنا يبارك لكِ أنا نفسى بقى شعر بنتى الصغيرة يبقى جميل وناعم ححاول أشوف الزيت ده ويارب يجيب نتيجة

[بسبوووسه 0]

اختى سمر , يكون احسسسسسسن انك تخلى البنوته الصغنتوته (ربنا يحفظها يارب) تستخدم الزيت ده والله فظيع بس المهم الاستمرار والمداومه وكمان خليها تستخدم شامبو حلو وخفيف عشان يطري شعرها اعتقد جونسون للاطفال مناسب , ولو كنت افهم وانا صغيره كنت خليت بابا دايما يجبهولنا بس مش مهم بقي احنا نهتم بأولادنا ونعمل اللى مقدرناش نعمله :biggrin:

وربنا يخليليهالك يارب ويباركلك فيها :rolleyes:

[،،، نور ،،، 39]

 

أما بقي الست نووووووور

بتضحكى لييييه عليا ياوحشه ده اللى كتبته قليل والله :biggrin:

ده انتى مشوفتنيش قبل التعديل كان شعرى زى ايريال التليفزيون النص عمر :lol: :lol: :lol:

بس الحمد لله رمينا التلفيزيون خالص واشتريت واحد تانى 21 بوصه بالالوان :laugh: :wink:

وجزاكم الله خير علي مروركم الجميل :smile:

 

ههههههههههههــ ..

<< تحفة بقى ولا مش تحفة ؟؟؟

 

بضحك على أسلوبكِ العسل ..

على فكرى .. انا مصرية زيِّك لا تحسبيني بستهزئ بيكِ ولا حاجة :cool: ..

مبآرك عليكِ التليفيزيون الجديد..

:rolleyes:

 

نور

[بسبوووسه 0]

اختى الحبيبه نوور

قولي اللى يعجبك عمرى ماهزعل من اخواتى ابدا وياهلا بالمصريين :biggrin:

جزاكم الله كل الخير يااخواتى في الله علي مروركم الكريم والحمد لله انكم استفدتم من موضوع ويارب دايما افيدكم :lol:

[،،، نور ،،، 39]

شكرًا يا بسبوسة ..

كلكِ ذوق يا عسل ..

ربنا يبارك لكِ في شعركِ الجميل :) ..

 

نور

[التائبه 2008 1]

وصفه حلوه وسمت انه جيده للشعر

[ام رحمة السلفية 12]

السلام عليكم ورحمه الله وبركاته،،

جزاكِ الله خير

بس فعلا الزيت رحته صعبه جدا

بس هو فى منه نوع باللوز وده رحته احسن شويه

[swaritta 0]

كرتونه زيت دابر املا الاصلي

 

هو اللي بيجي في اعلانات التلفزيون ولا غيره

 

 

وشكرا عالوصفة

[بسبوووسه 0]

اختتىswaritta

بصي اللينك ده فيه صورة الزيت ., بس والله ريحته عاديه جدا مش صعبه :oops:

http://www.kuwaitdutyfree.com/Toiletries/i...s/daburamla.jpg

اخواتى التائبه ونهله ونوووووووور الشقيه :oops: جزاكم الله الف خير علي ردودكم :oops:

[بنت الا سلام 2]

جزاكي الله خير اختي الحبوبه وان شاء الله حنجرب

[(هبه الرحمن) 0]

tdفيه زيت امه دابر املا الدهبي هل هو نوع مختلف ولا ايه وازاي اعرف ان الشامبو مناسب وايه رايكم في شامبو دوف

شكرا لك يابسبوسه وجزاك الله عنا كل خير بس ياريت تردو انا كمان من بعد الحجاب شري بقي خفيف وهايش ومقصف وكنت قصيته من حوالي 4 سنين طولل مزادش 3 سم علي بعض وبقي فيه كل العبر وللعلم قبل الحجاب ماكنش كده خالص بالمره