اثار الشمس والحبوب واثارها راااحت

[بسبوووسه 0]

السلام عليكم

بصو يااخواتى انا عادة مش بحط موضوع الا لما يكون غالبا تجربتى الشخصيه

ودلوقتى هقولكم تجربتى الشخصيه مع بشرتى

طبعا عارفين اللى في الجامعه بيتعرضو للشمس جامد جداااااا وخصوصا جامعه حلوان :tongue: من الاخر بقي وشي لون ولون وبقيت سمرة ده غير ان الشمس بتبهدل البشره والحبوب بقي والبقع , وغير انى اصلا عندى حبوب بس بتروح وتيجي وساعات بعالجها بماسك بس مش بتروح كلها بس كنت متبهدله لكن مشكلتى الاساسيه اثار الحبوب اللى استحاله تروح

جربت بقي وصفات كتير منها زبادى وخميره , وعسل وخميره , وسكر وزيت زيتون(الصنفره) , ولبن ونشا وبياض بيضه

منكرش ان الوصفات جميله وفادتنى والله بس انا كنت دايما اعرف ان الوصفات عباره عن حاجات بتحافظ علي الوش ونضارته وبتساعد علي عدم ظهور الحبوب لكن مش حل اكيد وفعال لمعالجه الحبوب واثار الشمس

عشان كده روحت لدكتوره امراض جلديه وقولتلها عايزه وشي يبقي صااااااااافي وازاى احافظ عليه بعد كده

هى بس بصت في وشي عشان تشوف نوع بشرتى وانا بشرتى دهنيه بس مش اوى

المهم كتبتلى علي 3 انواع كريمات احط منهم بلليل قبل ماانام عشان ده ضد الضوء والصبح اغسل وشي بميه وصابونه دوف من الصيدليه ام 4 جنيه , بس مغسلش وشي غير مره او مرتين بالكتير عشان كده كنت بحافظ علي وضوئي بقدر الامكان

في الاول حسيت بحرقان بسيط ووشي قشر اللى هو القشر الابيض ده ولاقيت الحبوب مثلا اللى كانت حاليه بتهبط بتهبط لغايه ماتتساوى بالجلد وبعد كده تروح نهائي

_استمريت 3 شهور والله ياجماعه اثار الحبوب والحبوب وسمار الشمس راااااااااااااااااااااااااااااااااااااااح

_والتقشير ده كان خلصته شهر 7 اللى فات ولغايه دلوقت مفيش اى حبوب جت ولا حاجه غير بس انى هبدأ في الماسكات عشان نضاره بشرتى بالرغم ان من ساعه مااخلصت موضوع الكريمات مستخدمتش اى ماسك ولا حاجه

_بس انا عملت الموضوع ده في الصيف وكان صعب عليا بصراحه لان كان لازم احفظ علي نفسي من الحرارة والعررررق لان فيه املاح وكمان مخرجش نهاااااااااائي ولما خلصت خلاص بقي كتبتلى علي كريم شمس 80% بس جامد جدا وبقيت انزل حبه حبه واحطه والحمد لله تمام اوى ولغايه دلوقت بستخدمه لما بنزل

ودى كانت تجربتى عن صدق واى بنوته ليها اى استفسار انا موجوده معاكم ويارب اشوفكم قمرات دايما يااخواتى :smile:

[العاشقة لزوجها 0]

السلام عليكم يا بسبوسه المنتدى :mrgreen:

معاكي حق إن الخلطات هي لنظاره البشره وتحسينها وهي رائعه جدااااااااااااااااااااااااااا

ولكن الامراض الجلديه الناتجه عن حروق الشمس والحبوب والحاجات هذه ما يحلها

إلا دكتور لأنها قد تؤدي الى استمرار دائم للحبوب**

وبوركتتي اختي وتقبلي مروري :wub:

[بسبوووسه 0]

اختى في الله العاشقه لزوجها كلامك صح فعلا وهو ده اللى حصل معايا :mrgreen:

جزاكى الله خير علي مرورك الكريم :wub: :smile:

[زهرة الحياه 0]

ايه هى انواع الكريمات دى على فكره انا بعانى من نفس المكله دى اخت بسبوسه

[زهرة الحياه 0]

ايه هى انواع الكريمات دى على فكره انا بعانى من نفس المشكله دى اخت بسبوسه

[بسبوووسه 0]

اختى زهرة الحياه

الاول : Retin A crem ده مشهوووووور جدا في مجال التقشير

التانى:Lucocid R crem بمبى في ابيض

التالت:Unitone 4 crem لونها ازرق في ابيض

كريم الشمس VriBlode SPF 80 لونها برتقالى في ابيض

الغرض ان هما 3 كريمات ان الاولانى للتقشير والتانى عشان البقع الغامقه والكلف والتالت عشان الترطيب , لان لما البشره بتتقشر بتبقي حرقاكى شويه فلازم تترطب

تحطى علي صوباعك نقطه من كل كريم فيهم وتخلطيهم ببعض خفيف عشان يتمزجو وبعد كده تكونى غسله وشك بصابونه دوف اللى لونها ابيض وتحطى الكريم علي وشك وتوزعيه علي بشرتك بطريقه لطيفه لغايه مايروح ماعدا منطقه العييييييييييييييين , والكلام ده كله يكون بلليل عشان تبقي تنامى علي طول ومش تتعرضي لاى ضوء وتصحى الصبح تغسلي وشك بالصابونه بس مرة واحده لان غلط تعرضي وشك للميه كتير , هو يدوبك بلليل قبل ماتحطى الكريم والصبح عشان تشيلي الكريم والوضؤ بقي حاولى تحافظى عليه

وإبقي كلى كويس عشان وشك يبقي احسن يعنى ركزى علي منتجات الالبان (بالذات الزبده رهيبه والله للوش بس بحدود عشان مش تتخنى) والخضروات والفاكهه

بس بعد ماتخلصي ال3 شهور اوعى تعملى اى مسكات علي طول اولا لان وشك مش هيبقي محتاج اصلا ثانيا عشان وشك لسه مينفعش تعرضيه لميه كتير او تدعكيه كتير عشان الماسك وكدده يعنى لسه مش هيبقي مستحمل اوى

ومتخرجيش من البيت علي الاقل في الشهر الاول ولما تخرجى تحطى كريم الشمس اوعى تنسي بس بردو متبقيش تخرجى كتير في ال3 شهور دول ومش تمشي في المكان اللى في شمس علي اد ماتقدرى

ويستحن الموضوع ده يتعمل في الشتا عشان الصيف هيكون فيه عرق وحر وسخونيه وده هيتعبك زى مااحصل معايا بس الحمد لله قدرت احافظ علي نفسي

وان شاء الله هكرر الكلام ده بعد اول مرة بسنتين يعنى انا لما عملت التقشير كان في شهر 6 \ 2008اللى فات وهكرره باذن الله شتا 2010ان شاء الله عشان احافظ علي وشي

يارب اكون فيتدك :mrgreen: :smile:

[زهرة الحياه 0]

[size=6]شكرا اوى ياحبيبتى على نصائحك الغاليه كتر الف خيرك على اهتمامك بسؤالى... ويارب دايما موضوعات متألقه[/size]

تم تعديل 11 فبراير, 2009 بواسطة زهرة الحياه

[زهرة الحياه 0]

ممكن حبيبتى تقرأى موضوعاتى فى منتدى زينتك وجمالك وتقوليلى ايه رأيك ؟؟ سأكون شاكره لك

الموضوعات هى(ماسك كليوباترا عنوان الجمال - ولشعر نحاسى براق)

تم تعديل 11 فبراير, 2009 بواسطة زهرة الحياه

[بسبوووسه 0]

اختى زهره اسعدتينى بمرورك وردودك الجميله :rolleyes:

انا لاقيت و قرأت موضوعك عن البشره زى مااتفقنا لكن انا مش لاقيه موضوع لشعر نحاسي براق :wink: :wub:

[زهرة الحياه 0]

مشكورة حبيبتى على مرورك الذى اسعدنى جدا وعلى نصائحك واضافاتك الرائعة بس صدقينى الموضوع بتاع لشعر نحاسى براق هيعجبك اكتر شوفى كده وقوليلى رأيك ؟؟ هتلاقيه فى نفس الصف اللى قرأتى فيه ماسك كليوباترا عنوان الجمال فى منتدى زينتك وجمالك الرئيسى وليس فى المنتديات الفرعيه وشكرا ياقمر

تم تعديل 11 فبراير, 2009 بواسطة زهرة الحياه

[بسبوووسه 0]

:biggrin: :wink: :wub:

أحبك في الله :smile:

[foon 0]

شكرا

[أزهارالبنفسج 14]

جزاكى الله خيرا

[بسبوووسه 0]

اخواتى foon و زهراء الاسلام المصريه , يارب اكون افدتكم :wink:

اسعدنى مروركم

جزاكن الله خير :icon15:

[بسبوووسه 0]

يابنانيييت

زى مااقولتلكم انى هبدأ تانى في موضوع التقشير بس معلش مش هعملو في الشتا اللى جاى واكتفيت في الصيف ده لانى هيكون عندى عملى في المستشفي بجانب محاضرات الجامعه فمشهقدر ان اعمل حاجه خاااااااالص غير الصيف ده

 

 

علي فكرة وشي لغاية دلوقت مجالوش حبوب غير بسيييييط يعنى فاتت سنه واكتر عن تقشيري والحمد لله وشي كان جميل لاخر لحظه بس بقي الشمس وعمايلها في الجامعه .. ماانتم عارفين

عشان كده هبدأ تانى في اجازه الصيف دى في التقشير واول امبارحح كان اول يوم ليا

 

فيه بنوته حبة تبدأ معايا ولا اعمل انا لوحدى واقولكم علي النتيجه اول بأول ؟؟؟؟؟؟؟؟؟؟؟؟؟؟؟

[فدوى المسلمي 531]

السلام عليكم ورحمة الله وبركاته،،

بوركتى يا بسبوستنا على نصائحك لأخواتك و حرصك على افادتهن

و ربنا يوفقك في امتحاناتك :)

[بسبوووسه 0]

اختى مشتاقة

 

وعليكم السلام ورحمة الله وبركاته

جزاكى الله خير اختى الحبيبه واسعدنى مرورك :smile:

 

ويارب دايما افيد كل اخواتى الغاليات :wub:

[ام مالك المصرية 0]

حلو اوى يا جميل ومبروك على النيو لوك .. وكمان في وصفة جنان للحماية من الشمس ( لبس النقاب) :wub:

[بسبوووسه 0]

اختى ام مالك المصريه

 

جزاكى الله خير علي النصيحه الغاليه :wink:

اسعدنى مرورك الكريم

[ذليلة إلى اللـَّـه 417]

للرفع