تجمع الحوامل ارجومن كل حامل تدخل وتشاركنا

[شذى الهمة 331]

الحبيبة حلاوة الصبر

جزاكم الله خيرا على دخولك ودعاءك فرج اللهم عنك ما أهمك

 

فطوم الغالية

وحشتيني فعلا ربنا يتمملك على خير

الله يعينك على الغثيان فعلا شئ متعب جدا والترجيع أرحم بكثير

حاولي تشوفي ايه بيضيعه أو حتى بيقلله

أنا كان بيقلله البرتقال وأحيانا الزيتون الأخضر المر أو الأسود

ومتخليش معدتك فاضية أبدا لأنها وهي فاضية الغثيان بيزيد جدا ولا تتحركي حركة مسرعة برضه بيشقلب المعدة

وبالنسبة للوزن لا تخافي أنا خسيت 6 كيلو من كتر الترجيع بس بدأت استعيدهم

عندي ميزان وكل فترة أوزن نفسي

البيبي في الفترة دي وزنه قليل جدا وطبيعي انك تفقدي وزن

فعلا أول ثلاث شهور البيبي مش محتاج منك غير الفوليك أسيد والراحة لكي تعطيه فرصة لكي يثبت والدعاء طبعا

عارفة أنا في عمر زدت كام كيلو

زدت 26 كيلو بعيد عنك كنت عاملة زي برميل الطرشي

مناخيري لوحدها كانت نص متر في وجهي

بس الحمدلله فقدتهم كلهم بعد الولادة بس غلبت

 

وبالنسبة للمية في البانيو لو ساخنة هتفتح الرحم ولو ملوثة هتدخل وممكن تعمل تلوث وطبعا المية ملوثة

أنا نزلت حمام السباحة الشهر اللي فات وكنت خايفة يحصل تلوث بس الحمدلله ربنا ستر

 

وبعدين ماتسيبيش بيتك بعد ما تخلصي الامتحانات علشان دي أفضل فترة بتقوي بيها علاقتك بزوجك علشان بعد البيبي هيبقى غيران جامد وحاسس أنه خدك منه

فحاولي لما تخلصي الثالث روحي البيت ومتعمليش مجهود خالص

 

درصاف الحبيبة

الحمدلله ان الإسهال وقف كده خلاص ممكن تشربي لبن بس اغليه كويس علشان الصيف والميكروبات

وحاولي تاخدي كالسيوم لأن الجاموسة نفسها محتاجة كالسيوم واللبن مش كفاية خصوصا الرضاعة بتسحب جامد

 

ريتاج

شفاكي الله وعافاكي من الزكام ربنا يارب يهون عليكي مشقة السفر ويرجعك بالسلامة

 

أمة الله

ألف مبروووووووووووووووووووووووك

الحمدلله على سلامتك عقبال الباقي

مين اللي بعدها ؟

 

نهلة وليتيسيا

أخباركم إيه ؟

يارب تكونوا أفضل

 

شجورة وحشتينا فينك

أم محمد حسان منورة ياقمر

يللا لسه ماعملتيهاش منتظرينك ياقمر

 

أنا الحمدلله روحت للطبيبة النهاردة وعملت سونار وطمنتني

هو بس التوكسوبلازما قالتلي على العلاج وهاخده لمدة ثلاثة أشهر

يارب ما يكون حصل ضرر للبيبي ربنا يحفظه

وأنا كده خلصت الشهر الثالث وقالتلي ماتقلقيش الحساب مش ملخبط قوي بس لخبطة الميلادي والهجري هو اللي بيلخبط

لأني بحسب بالميلادي وهنا بيحسبون بالهجري

كده أنا مع مين فيكم؟

[daughterofislam89 10]

حبيبتى ام محمد حسان

هعمل بنصيحتك فى موضوع الايس كريم والكريم شانتيه

بالنسبة لللحمة باكل كويس منها

الكبدة بقى كنت اختى سمعت من حد ان المفروض الناس بتقول ع الكبدة بس المفروض تبقى بعد الشهر التالت فانا باخد منها دلوقتى بس مش كتير

وربنا يهون

 

 

سجودة حبيبتى

وحشانى والله وكلكم وحشتونى اوى

ربنا يجمعنا فى الجنة يارب

انا باخد الفوليك اسيد دلوقتى مع المثبت انا باخده من اول ما عرفت انى حامل

وكمان بدأت النهاردة الماترنا وحباية بقى بجد ما يعلم بيها الا ربنا دى حديد

هى الدكتورة قالتلى ان المفروض اخده بعد التالت بس هي بدأته بدرى معايا عشان المذاكرة والمجهود وكدة وكان المفروض اخده من 27-5 يعنى تقريبا لو بحسب بالشهور يبقى اول يوم ف التالت

بس انا قلتلها انى هبدأه لما اقدر لان الفترة اللى فاتت دى كانت كلها مثبتات وكنت مش عايزة اكتر ادوية

بالنسبة للغثيان هى كانت كاتبة برشام نافودكسين على ما اذكر ده المستور وفى اسمه شبه مصرى كانت كاتبة لى عليه بردو

انا جربت المستورد ومن اول الحمل ماخدتش منه غير شريط متفرق 10 حبايات اخره كان امبارح بحاول اخده لما ابقى على اخرى يعنى

بحاول اجى على نفسه بس عشان الادوية بخاف تبقى مضرة للبيبى

سجودة انا النهاردة اتممت الاسبوع 11 وهبدأ ال12

انا بحسب بالاسابيع

متهيالى انتى فرق بينى وبينك حوالى اسبوع او اسبوعين

 

 

ملحوظة يا اخوات

انا بحبكن فى الله جدا

[daughterofislam89 10]

سجودة منورة وفى حد متخفى بردو منورنا

هههههههههههههه

[شذى الهمة 331]

وانا كمان بحبكم كلكم في الله ويعلم الله كم أتمنى لكم كل الخير والعافية في أبدانكم وأولادكم

بالنسبة لنافي دوكسين ماتخافيش منه

انا كنت باخد ثلاثة في اليوم

وكنت باخد بيريمبران وموتيليوم

من كتر الترجيع

بس بيريمبران وموتيليوم عند اللزوم

طبعا تثلاتة كتير

بس انتي خدي واحدة كل يوم قبل ماتنامي علشان تعرفي تاكلي

واول ماتخلصي الثالث هتحسي بفرق كبير جدا

الحمدلله

انا زوجي مش مصدق إني عايزة انزل نتمشى أو نشتري حاجات

كأني كنت في غيبوبة بس الصراحة الله يعينك مع الامتحانات وظروف النقاب

 

انا نفسي في بنوتة قوي يافطوم دعواتك

[daughterofislam89 10]

مفيش مشاكل ارجع اخده تمام

وانا كمان والله نفسى فى بنوتة قوى

ربنا يرزقنا ويرزقك ببنوتة صالحة وتكون قرة عين لنا فى الدنيا وتكون من حور الدنيا والاخرة

[الراجيه من الله الجنه 0]

السلام عليكــم ورحمـة الله وبركاتــة ،،

وحشتونى جدا جدا عاملين ايه انا عارفه الجموعه الى كانت معايه زمانه ولدت خلاص

انا كمان بقى عندى ولد مشاء الله عليه قمر شوفو كده عنده 6 شهور

[الراجيه من الله الجنه 0]

السلام عليكــم ورحمـة الله وبركاتــة ،،

 

اسمه بلال

عقبالكم يا رب

[daughterofislam89 10]

ماشاء الله يا ام بلال

اللهم بارك

ربنا يباركلك فيه يارب

 

نهولة شايفاكى منورة

كيفك يا حبيبتى

[صفة الصفوة 0]

السلام عليكــم ورحمـة الله وبركاتــة ،،

 

 

اخباركم ايه يا رشيقات يارب تكونو انتم واطفالكم فى اتم صحة وعافية

 

 

كده اغيب عن التجمع شوية ولا حد يسئل :roll:

 

مبروك لكل اخت حامل جديد واسال الله ان يثبت حملها ويتم لها على خير

 

واللى فى الشهور الاخيرة الله يجعل ولادتها سهلة يسيرة واقولها يالا اجمدى وشدى حيلك

 

وادعلولى نفسى اغمض عينى وافتحها الاقى شهور الوحم خلصت

 

ايام ان شاء الله وابدأ فى الشهر الثالث الله يهون عليا وعليكم تعب ومشقة الحمل

[daughterofislam89 10]

صفة الصفوة الجميلة

الله يعينك انا اول مرة اقبالك تقريبا

انا سابقاكى بحاولى اسبوعين

ربنا يعديلنا الوحم كلنا على خير

[درصاف 73]

السلام عليكــم ورحمـة الله وبركاتــه ،،

 

فطوم الحبيبة، أنا مش عايزة أسلفك لمصلحتك..

عشان بكره توصلي للشهور الأخيرة بإذن الله..

وهتصيري تدوّري لمين تسلفي الكيلوات زيي :mrgreen:

ربي يتمم لكِ على خير ويحميك (:

وبالنسبة للحقنة لابأس مفيش داعي ياغالية..

أنا اليوم ماشربتش لبن..

وسأنقطع عنه يومين ثلاثة إن شاء الله وأشوف..

دعواتك..

بالنسبة لحبوب ماترنا ياغالية، سمعت أنها تحتوي على مادة محرمة..

لا أذكر تماما اسمها صراحة، لكن أظنها مواد خنزيرية، أعزكِ الله..

ورغم إنهم يوزعوها هنا بالمجان في العيادة إلا أني لا آخذها لهذا السبب..

فحاولي أن تتأكدي من الأمر ياغالية..

 

أم محمد حسان، جزاكِ الله خيراً على دعواتك الطيبة..

ربي يصلح حال ابنك ويعوّضك خيرا عن تعبك في فترة الحمل..

خليكِ دايما منوّرانا ياغالية (:

 

الغالية أم عمر.. (أخيرا لقيت كنية أناديك بيها، كانت غايبة عن بالي :mrgreen: )

أنا أمس كتبت في ردي الأول إن من يومين مفيش إسهال..

بس بعدها بشوية عاد مرة أخرى وبقيت متعذبة طول المساء، الحمد لله..

فاليوم خلاص لم أشرب لبن، وربنا يستر..

وبالنسبة للكالسيوم سأسأل الطبيبة إن شاء الله..

لأنها لم تصفه لي..

الحمد لله إنك اتطمنتِ على البيبي وطمنتينا..

ربي يحفظه من كل سوء ويبارك لك فيه ياغالية..

 

أختي الراجية من الله الجنة، أهلاً بك مجددا، ومبارك عليكِ بلال..

أسأل الله أن يجعله من الصالحين البارّين..

 

صفة الصفوة، آسفة ياغالية فعلاً غاب عني أن أسأل عن حالك..

الحمد لله أنكِ بخير..

خليكِ قريبة وتعالي سجلي حضور يومي حتى نطمئن عليك 8-)

 

ريتاج، أفتقدك جدا ياغالية..

ياترى سافرتِ ولا لسه؟

أعانكِ الله ويسّر لكِ..

[شذى الهمة 331]

الحبيبة الراجية من الله الجنة

حمدا لله على سلامتك وربي يباركلك في بلال وينبته نباتا حسنا

 

الحبيبة صفة الصفوة

أول مرة أعرف إنك معانا

ربنا يتمملك بخير يارب ويقومنا جميعا بالسلامة

 

حبيبتي درصاف

شفاكي الله وعافاكي

غريبة فعلا أمر الإسهال ده

ربنا يارب يشفيكي ويعافيكي لا تنسي المسلوق وعدم أكل الدهون والمقليات

ربنا يرفع عنك

كلمة ام عمر جميلة منك ياقمر عقبالك

 

ريتاج ياترى عاملة ايه

يارب ترجعي بالسلامة

شجورة فينك ياقمر

 

ليتيسيا طمنينا اليوم عاملة ايه

 

حبيبتي نهلة ام بلال نفسيتك عاملة ايه دلوقتي والظروف اللي كنتي بتمري بيها

ربنا يصلح احوالنا جميعا

[صفة الصفوة 0]

صفة الصفوة الجميلة

الله يعينك انا اول مرة اقبالك تقريبا

انا سابقاكى بحاولى اسبوعين

ربنا يعديلنا الوحم كلنا على خير

 

فعلا اول مرة نكون فى موضوع واحد لكن انا عارفاكى

 

فى اخوات كتير هنا عارفاهم كويس وقليل لما يجمعنى بيهم موضوع

 

ماشاء الله سبقانى باسبوعين انا ظنيت انك فى الاول خالص

 

الله يعينك فاطمة الغالية

 

صفة الصفوة، آسفة ياغالية فعلاً غاب عني أن أسأل عن حالك..

الحمد لله أنكِ بخير..

خليكِ قريبة وتعالي سجلي حضور يومي حتى نطمئن عليك

 

انا الحمد لله اختى در صاف بخير وفى تقلب

 

من اخر مرة عملت بنصيحتك وراح المغص والاسهال

 

ودخلت فى مرحلة تانية الوحم والقىء بصورة غير طبيعية

 

والدكتورة كتبت لى على حقنة او برشام

 

وحاليا مواظبة على البرشام والابر عند الضرورة مع انى فى اخوات حذرونى من الابر

 

سبحان الله حملت قبل كده وده اول حمل اخذ من بدايته ادوية

 

عايزة اطمن فعلا ابر القىء خطر على الجنين

 

 

الله يهون عليكِ تعبك ويخفف عنك در صاف الحبيبة

 

 

الحبيبة صفة الصفوة

أول مرة أعرف إنك معانا

ربنا يتمملك بخير يارب ويقومنا جميعا بالسلامة

 

انا شاركت تقريبا مرتين او ثلاثة بس

 

والصفحات اللهم بارك كتير علشان كده ما شفتيش مشاركتى

 

 

اللهم امين تسلمى اختى سجودى لله فقط

[ليتيسيا 0]

اخواتي الحبيبات انا بخير والحمد لله

امبارح واول امبارح من اصعب الايام اللي مرت عليي من بداية حملي اول امبارح كنا عند اهلي منجتمع انا واخواتي والاولاد والعيله ومنعشى سوى ومنسهر بس هالمره قضيتها نايمه وما صحيت على حدا واختي تقوللي قومي دوقي التبوله ما اطيبها(روح قلبي التبوله) وانا اقولها اتركوني نايمه وزوجي يقولي شوينا لحمة خروف بتشهي قومي كلي واقعدي شويه ومرت اخي تقولي انا عملتلك كعكة بودينغ وبسكوت من اللي بيحبها قلبك وانا!!!!!!!!! بدي يتركوني نايمه

في الايام العاديه كنت آكل الطاوله واللي عليها بس آخ من غدر الزمن !!!!!!!!!!!

وامبارح زوجي كان عندو عطله بس ولا ثانيه قعدت معو كل الوقت او نايمه او اقوم آكل شوي وارجع (استفرغ) وارجع انام...........

daughter of islam انا في الاسبوع 9 انشالله بيمضوا على خير

صفوة الصفوه اهلا بك حبيبتي منوره منيح اللي لاقيت حدا انا سابقتوا بالاسابيع انتي اي اسبوع؟

ام محمد حسان منوره معنا دوما يا غاليه وجودك بيسعدنا ونصايحك ما في غنى عنها

سجودي لله فقط انا بخير حبيبتي انتي طمنيني عنك شو اخبارك ووين صرتي؟

درصاف الحبيبه اهلا بك يا غاليه وشكرا لسؤالك عني

الراجيه من الله الجنه ما شاء الله ابنك قمر الله يحفظوا ويخليه يا رب

بعد بكرا يعني ب- 15-6-2010 عندي موعد للسونار في العياده يا رب كل اشي يكون تمام ويمضى على خير

تم تعديل 13 يونيو, 2010 بواسطة ليتيسيا

[daughterofislam89 10]

حبيباتى وحشتوووووووووووووووووووووووووووووووووووووووونى بصدق والله وان تاخرت عليكم اليوم لان النت كان فاصل

 

درصاف الحبيبة اولا الحقنة طلع هى ديبوفيت اللى كنت بسال الاخوات عليها هى دى اللى الدكتورة كتبتها لاختى للاتزان

وبالنسبة للماترنا :( كيف هذا انا اول مرة اسمع هالكلام الله ييستر هدور اليوم وهقرأ التعليمات كلها عالنت اختى وزوجة اخى كانوا بياخدوها الله يستر ويسامحنا لو كان فيها شيء

بالنسبة للكيلوات ممممممممممممممممم ماشى الله المستعان ربنا يوصلنا لللاخر بسلام

 

ام عمر الحبيبة وحشتينى والله

النهاردة وانا طالع من الامتحان واصحابى بيهزروا معايا ع الحمل وكدة ففى واحدة بتقولى الولد هيطلع مش عارفة ايه

قلتلها لا عشان خاطرى ادعولى ببنت وافتكروا وانتوا بتدعولى ام عمر كل ما تدعولى ادعولها

^_^

 

ليتيسا الحبيبة كيفك يا غالية لقيتى حد تسبقيه اهو

الله يهون عليكى هالوحم ويعدينا منه على خير كلنا

 

صفة الصفوة

اهلا يا جميل انا عارفة اسمك من المنتدى بردو

خليكى معانا على طول ومتغيبييش عنا بقى

 

يا بنات ريتاج وحشتنى اوى

بصراحة كانت بتعمل جو فى الموضوع وتنكش فينا كلنا وتهزر

ربنا يرجعهالنا بالسلامة

يا ترى انتى عاملة ايه من غير النت ومن غير ما تعرفى اخبارنا زمانك هتتجننى

بعد الشر عليكى يا قمر ربى يرجعك لينا بالسلامة

 

 

نهولة وشجورة طمنونا عليكوا

[ام رحمة السلفية 12]

السلام عليكــم ورحمـة الله وبركاتــة ،،

 

اخواتِ الغاليات اشتقت لكنّ جداً

كيف حالكنّ اسأل الله ان تكنّ جميعاً بخير

 

فطومة الحبيبة كيف حالك شدى حيلك ان شاء الله الامتحانات قربت تنتهى والثالث ان شاء الله وتعدى الفترة دى على خير وترتاحى

وانا ايضاً مع راى اختِ درصاف انك لازم ترجعى بيتك بعد ماتخلصى امتحانات علشان فعلاً زجك مايحسش ان الحمل اخدك منه ولا البيبى بعد الولاده ان شاء الله انا كده مسبقاكى باسبوعين تقريباً انا ان شاء الله بكرة اخر يوم فى الثالث على حساب الشهور بس لمابحسب بالاسابيع بلقي اكتر من الشهور باسبوع بقيت بحسب بالشهور بس ربنا ييسر امرك حبيبتى

سمحينى امبارح اطمن عليكم ومقدرتش ارد كنت تعبانه اوى على فكرة نفس برشام القئ بتاعك الدكتورة كتبتهولى بس برده مخدتهوش كتير وكنت بقول استحمل احسن وحتى الان لا القئ والغثيان انتهى ولكن قل عن الاول الحمد لله

 

درصاف شفاكِ الله وعفاكِ حبيبتى كيف حالك الان خفف الله عنك ماتعانى منه ان شاء الله تبقى احسن وياريت تحاولى تتصل بالدكتورة وتسأليها افضل بما ان الحاله بتتكرر معاكِ وربنا يطمنك ان شاء الله

 

 

 

سجودة ام عمر كيف حالك واخبار عمر الحمد لله انك بقيتِ احسن

انا الحمد لله بخير لا جديد فى حياتى الحمد لله على كل حال مازلت اعانى من تعب نفسى وجسدى

لكن امبارح الحمدى لله جتلى اخت وبدأت اراجع حفظى واحفظ جديد وان شاء الله ربنا يثبتنى

على فكره انا وانتِ كده قريبين من بعض انا بكرة ان شاء الله اقفل الثالث باذن الله

انا بقى نفسى اجيب ولد ولكن كله خير من عند الله ربنا يتم حملنا جميعاً على خير

 

ليتسيا الحبيبة اسأل الله ان يخفف عنكِ انا والله كنت زيك ومازلت هى ايام وان شاء الله تعدى على خير

وربنا يهون عليك شهور الوحم ويثبت حملك

 

ريتاج الحبيبة اسأل الله ان تكونى بخير اشتقنالك

 

ام محمد حسان اعلم ان العصبية بتأثر على الجنين حتى ممكن يكون عصبى بس غصب عنى ان شاء الله تتحسن الامور

وان شاء الله اقريب تكونى معانا وتنورينا عل طول

 

الغالية صفة الصفوة اهلاً ومرحباً بك اسأل الله ان يثبت حملك ويتم لكِ على خير ان شاء الله

 

الحبيبة امه الله مبارك اسأل الله ان تكونى بخير انتِ وطفلك وعقبال الجميع بأذن الله

[ام رحمة السلفية 12]

اخت الشجرة الطيبة اين انتِ اسأل الله ان تكونى بير

ياريت تطمنينا عليكِ

[المسلمة فريال 3]

السلام عليكــم ورحمـة الله وبركاتــة ،،

كيف حالكن اخواتي الغاليات اعرف ان الكثيرات منكن لا تعرفنني او لا تذكرنني طبيعي لاني غبت مدة طويلة منذ حوالي ثلاث شهور او اكثر ولا ادخل كثيرا وذلك بسبب تعبي الشديد وابني الذي صار مجنني وما يخليني اعمل شيء

المهم الف مبروك لكل من ولدت والف مبروك لمن حملت ويارب تيسر لمن هي الان في وسط الطريق وتقوي من هي في نهايته يارب

حبيباتي سعيدة انا جدا لاني اليوم اكتب لكن ووالله وانا جالسة والتعب هالكني سبحان الله انا الان في 33اسبوع يعني في بداية الشهر الثامن وصرت مرهقة جدا وعندي نوبات اختناق شديدة وخفقان القلب بصورة عجيبة احس انه سيتوقف والله هلكت من هذا الحمل وصرت انتظر بفارغ الصبر موعد ولادتي حتى مزاجي صار يتغير فصرت اتعصب على ابني الصغير حبيبي لاتفه سبب وذلك بسسب اني اكون دائما متعبة والطبيبة اوصتني بالراحة وانا لا استطيع لا احتمل ان اجلس في الفراش والبيت مخرب فاقوم وانظفه واطبخ واغسل واحيانا ابالغ لا ادري ان تركت مثلا البيت مخرب شوي اتضايق ويتعكر مزاجي وان عملت اتعب تعب شديد

 

المهم حبيباتي وجعت راسكم ولكني سعدت بكن وانتظركن

 

احبكن

[daughterofislam89 10]

نهولة وحشانى يا جميل

ربى يطمنى عليكى

 

فريال الغالية طبعا اتذكرك

هونا على نفسك وارتاحى وربى يطمنا عليكى

 

درصوفة الجميلة منورة

[درصاف 73]

السلام عليكــم ورحمـة الله وبركاتــه ،،

 

أم عمر الغالية، جزاكِ الله خيرا على دعائكِ الطيب لي

أسأل الله أن يجعل لكِ بالمثل..

لم أشرب الحليب اليوم أيضا وبأحاول آكل المسلوق، وأسأل الله التيسير..

الحالة مستقرة لحد الآن ولله الحمد

 

الغالية صفة الصفوة ربي يهوّن عليك الوحم..

صراحة لا أعرف شيئا بشأن الإبر..

أسأل الله أن يحفظكِ وجنينك من كل سوء..

حاولي ياغالية يكون دائما معك بسكويت مملح، خصوصا عند النهوض من الفراش صباحا..

بعض القطع ستخفف عنك الغثيان والقيء بإذن الله..

يسّر الله لكِ ياغالية..

 

الغالية ليتيسيا ربي يخفف عنكِ ياغالية..

سبحان الله كل وحدة منا عندها معاناة مختلفة، الحمد لله رب العالمين..

الأطفال نعمة كبيرة، فلابدّ أن نتذوق التعب من أجلها ونصبر..

يسّر الله لكِ ياغالية..

 

نهلة الحبيبة، الحمد لله أنّ القيء والغثيان بدآ يخفّان..

ربي ييسر لكِ، فالأشهر الأولى أصعب شيء في رأيي..

بالنسبة لي ياغالية، فالطبيبة حدثتها في الأمر لكنها كما كتبتُ سابقا قالت لو مش أكثر من ثلاث مرات في اليوم يحصل الاسهال فلا مشكلة..

ولم تعطني أي نصيحة أو دواء..

وأذكر أني حدثت طبيبة التوليد أيضا فقالت نفس الشيء :/

الحمد لله على كل حال..

وبالنسبة للحساب بالشهور وبالأسابيع فعلا يختلف.. فصرت أحسب بالشهور..

 

 

فطوم الحبيبة، صراحة أنا أيضا تفاجأت مثلكِ..

وكنت أخذت منه حبوبا دون علمي، إلى أن قام أحد الأصدقاء بتنبيه زوجي منه..

وجدت لك هذه المقالة:

«صحة دبي» توقف التعامل مع مكمل غذائي للحوامل لاحتوائه شحم الخنزير

 

أكد الدكتور علي السيد مدير إدارة الخدمات الصيدلانية في دائرة الصحة والخدمات الطبية في دبي ردا على شكوى تقدم بها احد المواطنين لبرنامج نور دبي صباح أمس والذي يقدمه الزميل ثاني جمعة بالرقاد عن قيام مستشفى الوصل بصرف دواء «ماتيرنا» المحتوي على شحم الخنزير لزوجته؛ أن الدائرة جمدت العقد مع الشركة الموردة قبل حوالي أربعة أشهر ولجأت للتعاقد مع إحدى الشركات الأردنية لتزويدها بعقار «فيفينول» كبديل ل«ماتيرنا» وذلك بعد أن تبين لإدارة الصيدلة احتواء العقار على شحم الخنزير الذي يستخدم لثبيت المواد، وأن جميع الأدوية المتداولة في الدائرة والبالغ عددها حوالي 1500 صنف خالية من مشتقات الخنزير.

 

وأوضح أن إدارة الصيدلة تقوم بمراجعة تركيبات الأدوية قبل شرائها من خلال النشرات الطبية المرفقة ومن ثم تقوم بالتدقيق على تركيبة الأدوية من خلال موقع الشركة على «الإنترنت»، مشيراً إلى أنه في حال اكتشاف الدائرة لأي دواء تحتوي تركيبته على أي من مشتقات الخنزير تقوم على الفور بوقف التعاقد مع الشركة الموردة وفقا للاتفاقيات المبرمة بين الطرفين.

 

وأوضح أن عقار «ماتيرنا» يعتبر أحد المكملات الغذائية الغنية بالفيتامينات والمعادن المناسبة للاستخدام خلال فترتي الحمل والرضاعة على حد سواء للحوامل، وقد أوقفت الدائرة تداوله في جميع الصيدليات التابعة لها واستعاضت عنه بعقار «فيفينول».

 

دبي ـ عماد عبد الحميد

جريدة البيان الأثنين 7/4/2008م

وأرجو أن تتأكدي أكثر من الصيدلية أو الطبيبة، فلعلّهم أدرى..

وبالنسبة للحقنة لو ممكن تكتبي لي اسمها بالانجليزية، جزاكِ الله خيرا..

وسأسأل عنها الطبيبة إن شاء الله..

فلديّ موعد معها يوم الجمعة بإذن الله..

 

فريال الحبيبة، عودا حميدا ياغالية..

أنا أتذكرك جيدا واعذريني لأنه غاب عني أن أسأل عنكِ..

يسّر الله لكِ وأعانكِ..

لكن حتى لو تعبانة حاولي تدخلي وتشاركينا ياغالية، فالكثيرات منا يستفدن من النصائح..

وأصلا يهون عليك تعبك حين ترين تعب غيرك..

يارب ييسر لكِ ويعينك..

انتِ تقريبا مع شجورة وريتاج بنفس الشهر..

وأنا فاضل 4 أيام إن شاء الله وأدخل الثامن..

فخليكِ معنا ياغالية (:

 

شجورة شجورة شجوووووورة انت فيييين؟

 

أمة الله ياغالية، لا تنسي تكتبي لنا تجربتك عندما تعودين بالسلامة بإذن الله ((:

[محبة لربها، ادعوا لي بالثبات 72]

ابنة الاسلام اعانك الله حبيبتى على اعراض الحمل وخففها عنك

 

ام عمر قللى من المعلبات الضارة على صحة عمر او امنعيها اسلم

[الراجيه من الله الجنه 0]

السلام عليكــم ورحمـة الله وبركاتــة ،،

انا عضوة جديدة

مش جديدة قوى كنت موجوده وانا حامل فى بلال

بركولى انا والحمد لله حامل فى شهرى الاول وهكون معاكم هنا تسعة اشهر

 

ادعولى ربنا يتم حملى انا وانتم على خير ويعنى على بلال ههههههه

 

[الشجرة الطيبة 0]

السلام عليكــم ورحمـة الله وبركاتــة ،،

 

كيف الحال يا حبايب؟

 

اليومين اللى فاتوا كنت تعبانه جدا

 

جالى حاجه كده زى بوادر طلق بسبب المجهود ودلوقتى باخد اقراص مهدئه للرحم علشان تمنع الولاده المبكره

 

ربنا يتمم للجميع على خير وخللوا بالكو من نفسكوا كويس

 

اللى فى الشهور الاخيره ميشلوش حاجه تقيله ولا يعملوا مجهود كبير علشان ميحصلهمش زيى بعد الشر عنكم كلكم يا رب

 

ادعولى يا بنات انا تعباااااااااانه واسامه تاعبنى اوىىىى

[الشجرة الطيبة 0]

فريال الغالية حبيبة قلبى بقالك شهووووور مدخلتيش والله انا كنت زعلانه اوى اما بطلتى تكتبى فاكره ده من ايام الشهر التالت او الرابع ربنا يعينك على البيت وابنك انا حاسه بيكى والله واسامه ابنى تاعبنى اوى برضه ياللا هانت كلها كام يوم ونولد ويبدا الجنان الرسمى من العيال الكبير والصغير :icon15: :icon15:

 

بس متعمليش مجهود كبير فوق طاقتك لانى جربت اليومين اللى فاتوا وتعبت اوىوربنا يستر ويعدى التامن على خير انا بقالى دلوقتى 5 ايام فى التامن والنونو بتاعى مستعجل :icon15: دعواتك

[الشجرة الطيبة 0]

وحشانى يا سجوده عامله ايه ربنا يباركلك فى عمر ويهديهولك