تجمع الحوامل ارجومن كل حامل تدخل وتشاركنا

[موده واخاء 417]

ام بيدو عندنا يا مرحا نورتينا ياغالية احبكي في الله

تسلمى حبيبتى على الترحيب الجميل اتابعكن من بعيد لبعيد وبدعيلكن كثيييييييييييييييير

 

يارب ارزق كل محروم وتم حمل كل حامل ويشفى كل مريض يارب

احبك فى الله

[درصاف 73]

السلام عليكــم ورحمـة الله وبركاتــه،،

 

أمولة يسّر الله لكِ وخفف عنكِ.. يارب تنفعك نصائح الأخوات..

 

ريتاج، خلاص هابقى أحط 2 أو 3 كيلو على جنب عشانك إن شاء الله :unsure:

المهم انت ارتاحي وماتحمليش هم..

ربي ييسر لكِ الولادة في وقتها ويعينك (:

رغم سعادتي بتقدمنا في الأشهر، إلا أني بدأت أحس بالحزن لأننا سنترك التجمع قريبا إن شاء الله :ninja:

أتمنى يكون هناك تجمع للأمهات الجديدات، خصوصا اللي مش بيعرفوا حاجة في أمور الأطفال مثلي :huh:

هذا رابط المباركة لأمة الله (:

https://akhawat.islamway.net/forum/index.php?showtopic=250218

 

أم عبد الله، منورة التجمع.. ربي يبارك لكِ في ابنك..

[موده واخاء 417]

روجى الجميلة ازيك يا جميل

تجديها فى ساحة مباركة ومواساة الاحبة ساحة فرعية من هكزة الوصل

والله راح نفتقدها كتير امة الله

 

درصوة وام محمد شايفاكم منورين

 

ام بيدو عندنا

ايه النور ده كله

لا تحرمينا من طلتك

 

يارب تكونو ف احسن حال كيف حالكن يا اخواتى الحبيبات

 

دعواتكن لى بالشفاء بالله عليكن وارى نتيجة الاشعه يوم الخميس فى احسن حال

[موده واخاء 417]

السلام عليكــم ورحمـة الله وبركاتــه،،

 

أمولة يسّر الله لكِ وخفف عنكِ.. يارب تنفعك نصائح الأخوات..

 

ريتاج، خلاص هابقى أحط 2 أو 3 كيلو على جنب عشانك إن شاء الله :tongue:

المهم انت ارتاحي وماتحمليش هم..

ربي ييسر لكِ الولادة في وقتها ويعينك (:

رغم سعادتي بتقدمنا في الأشهر، إلا أني بدأت أحس بالحزن لأننا سنترك التجمع قريبا إن شاء الله :sad:

أتمنى يكون هناك تجمع للأمهات الجديدات، خصوصا اللي مش بيعرفوا حاجة في أمور الأطفال مثلي :tongue:

هذا رابط المباركة لأمة الله (:

https://akhawat.islamway.net/forum/index.php?showtopic=250218

 

أم عبد الله، منورة التجمع.. ربي يبارك لكِ في ابنك..

 

تسلمى درصوفة الرقيقة الحبيبة

[موده واخاء 417]

كيفك ام محمد العسل

[daughterofislam89 10]

ربى يطمنا عليكى يا ام بيدو بالشفاء ان شاء الله

 

درصوف والله كلماتك ادمعتنى

انا بجد اتعلقت بيكوا اوى ياريت متسيبوناش كدة وتمشوا مرة واحدة

يعنى امة الله مشت اهى وانتى وشجورة ربى ييسرلكم ورا بعض

ابقوا ادخلوا خليكم معانا

وشدوا حيلكوا واعملوا تجمع الامهات

وادعولنا نحصلكم قريب على خير هناك

 

يارب ارزق كل محروم بالذرية الصالحة

[daughterofislam89 10]

وريتاج كمان

وراكم :tongue:

لا بجد كلكوا مرة واحدة كدة صعب علينا

ابقوا معانا

[موده واخاء 417]

لا اجد من افضفض معه انا حالتى النفسية مدمرة دعواتكن :tongue:

[daughterofislam89 10]

ام بيدو حبيبتى

خليكى معانا هنا

نحن اخواتك

 

خالتو محبة وريتاج منورين

[ritaj 21 34]

daughterofislam89

انا زعلت :blush: منك وقلت هدي اخرتها معاك انا الد اولهن وانت تكتبيني اخرهن اااه منك الظاهر ان الحمل اخد منك كتير

احبكي في الله

...... رد درصاف المره هذه لم يعجبني :dry: لانها وجعتلي قلبي والله اني احببتكن وسافتقدكن

خلتيني اقول كلمات الوقت مبكرا عليها

[ritaj 21 34]

بعيد الشر عنك يا ام بيدو والف سلامةعليك يارب تستقر حالتك انت غالية علنا ولا تقنطي من رحمة الله

ربنا يعينك

[daughterofislam89 10]

روجى حبيبة

متزعليش منى

اخص عليا والله

انا اصلا دماغى ضربت مين فى الكام بجد بفكر بقالى كام يوم اخليكم تعملوا جدول مين الاول وبعدين مين

او كله يحط تيكر الولادة :)

وبعدين افتكرت انك قبلهن جاتلى صدمة رديت

 

سجودتنا وحشانى وازاى عمر منورانا

[شذى الهمة 331]

السلام عليكم ورحمة الله وبركاته

إزيكم يا أجمل حوامل

بحببببببببببببببببببببببكم كلكم في الله

عن صدق ارتبطت بكم جدا زي ماقالت فطوم

عاملة ايه يافطوم في الإمتحانات

على فكرة الغثيان اللي عندك ده مش من الحمل ده من المواد اللي بتاخديها

يابنتي الله يعينك والله

ده لغاية النهاردة نفسي أعرف إيه حملة فريزر دي وانتي تقولي أمم متحدة

بإذن الله أول ماتخلصي امتحانت اغسلي راسك وخليها شوية تحت المية

هتفوقي ومش هيكون فيه ترجيع

على فكرة أنا في عمر مكنتش برجع خالص والغممان كان بسيط جدا

وزوجي كان شاكك غني حامل من أصله

كان يقعد يقولي طيب حاولي ترجعي مرة علشان أحس إن مراتي حامل :mrgreen:

ومتقلقيش الحموضة الحمدلله هديت

وهقولك السبب من كام يوم هف على دماغي آكل فتة وكانت الساعة 11 بالليل

قمت عملت الأرز وقطعت العيش وكان عندي الشوربة والصلصلة

وعملت طبق أنا وعمر وبعيد عنك عالحموضة اللي جاتلي

مش هعملها تاني بس كانت ريحة طشة الثوم بتاعة الصلصة في مناخيري وحاسة ان مفيش حاجة هتريحني قدها

وطبعا أكلت بسيط

دلوقتي بحترم نفسي وبتعشى خفيف :mrgreen:

 

درصاف

حمدا لله على سلامتك ياحبيبة

انا مش فاهمة لبن إيه فيه لاكتوز بس لو بإمكانك تغيريه غيريه

على فكرة الحاجات دي بتاثر على البيبي جدااااااا في الغازات أي شئ بيعملك غازات هيعمل للنونو وانتي بترضعيه

على الأقل أول ثلاث شهور

ومن أكثر الحاجات دي اللاكتوز علشان كده مش بنديله حاجات عليها سكر خالص

بس انا كنت بدي عمر عسل نحل من تاني أسبوع الولادة بس اهم شئ ميكونش مغشوش

 

ريتاج الحبيبة

عاملة إيه ياقمر وأخبار التقلصات إيه

خلي بالك من نفسك وفعلا زي ماقالت الدكتورة السفر هو السبب

ده أنا امبارح نزلت اشتريت شوية حاجات حوالي ساعتين

جالي مغص وقفشة في ظهري كنت بموت

ونزل مني افرازات كتيرة لدرجة إني اتخضيت بس الحمدلله بعد مانمت وصحيت الموضوع هدي

 

شجورة حبيبتي

أخبارك ايه

طمنينا عليكي ياقمر

أخبار أسامة غيه ووعامل إيه فالحر

كل شوية عمر ألاقيه قلع هدومه ودخل تحت الدش ويقولي مية

امبارح سيبته لغاية ما أخلص الأكل في البانيو بس حطيت طبق علشان بخاف اقفل البانيو ليتملي ويتزحلق لا قدر الله

الجو عندنا الحمدلله ربنا يرحمنا من النار

[شذى الهمة 331]

صفة الصفوة

أخبارك إيه تعالي طمنينا

 

حنيني إلى بلادي

أخبار المتابعة عندكم إيه

منورانا حبيبتي

 

أمولة

الله يعينك على الوحم يارب ويهونها عليكي

 

الراجية من الله الجنة

عاملة ايه والله يعينك على ابنك

لا تنسي وانتي بتفطميه تدعيله إن ربنا يخلف عليه أفضل منه

 

ليتيسيا\

انتي فين ياقمر

 

فريال الحبيبة غبتي تاني ليه

 

أم حلا

ادخلي وطمنينا عليكي

 

نهلة أم بلال

 

فينك

يارب يكون المانع خير

 

أم عبدالله وحيد

منورانا وألف سلامة عليكي

[dr_muslema 0]

السلام عليكم ورحمة الله وبركاته،،

ازيكم يا أخوات ما شاء الله حصل تطورات كتير وأنا مش هنا

وفي أخوات جداد ما شاء الله

ربنا يقومنا بالسلامة

 

الأخوات الجدا بقى أعرفكو بنفسي

أنا الأن في أول الشهر الرابع تقريبا زي الأخت daughterofislam89

 

أنا كنت متابعة معاكو من أول الحمل بس للأسف الشهرين اللي فاتو كنت تعبانة اوي مكنتش بقدر اقعد على الكومبيوتر

الحمد لله دلوقتي أحسن وفي تحسن واتطمنت على البيبي بفضل الله

 

عندي مشكلة صغيرة بس أنا عندي المشيمة ساقطة, هل في حد من الأخوات سمع عن الموضوع دا, وهل فعلا المشيمة بتدعدل مع مرور الوقت ومع نمو الجنين؟

جزاكم الله خير يا أحلى أخوات, وهحاول اقرأ اللي فاتني وانا مش موجودة علشان اتطمن عليكو

[شذى الهمة 331]

أهلا بيكي حبيبتنا د. مسلمة

احنا مع بعض بإذن الله

ولا تخافي من سقوط المشيمة

في حملي السابق كانت المشيمة ساقطة لغاية الشهر الثامن واستمر نزول الدم لغاية الشهر السادس مع كل مجهود أو حركة

متخافيش أهم شئ لا يكون فيه مجهود عنيف وهي بتترفع ماتخافيش

[محبة لربها، ادعوا لي بالثبات 72]

ابنة الاسلام انت عايشة ف دو ر ام سُكيته ههههههههههه

 

انا ولله الحمد دون الاربعين ولست ام اربعة واربعين

[محبة لربها، ادعوا لي بالثبات 72]

ابنة الاسلام انت عايشة ف دو ر ام سُكيته ((بزازة)) ههههههههههه

 

انا ولله الحمد دون الاربعين ولست ام اربعة واربعين

[حنيني إلى بلادي 0]

السلام عليكــم ورحمـة الله وبركاتــه ،،

جزاكي الله خيراً على السؤال أختي سجودي لله فقط ، الحمد لله كل شيء تمام المرة السابقة هي المشكلة فقط كانت مع الترجيع وتوقف الحمد لله والأنيميا أيضاً وأنا الآن أستطيع أخذ أقراص الحديد فتحسنت كثيراً بفضل الله......

 

تقولون أن الحديد 10 جيد ولا ترى الدكتورة النسب العادية هذه هنا .؟؟؟؟؟؟؟؟؟ أتسائل كيف ذلك فأنا مصرية والحمد لله لم تنزل نسبة الهيموجلوبين عندي عن 12 إلا بعد إصابة نزفت فيها ما يقرب من لترين دم فأصابتني هذه الأنيميا وكذا أخوات لي 13 و 14 وهذا كله كان في مصر ..

 

تحقيق هذا الأمر ممكن جداً ولكن بالمراعاة في الأكل حيث أننا نحن المصريين عموماُ "بنلخبط" في الأكل وهو ما يؤثر بالسلب على نسب الحديد

هل تعرفون أن اللبن الحليب ومشتقاته تكسر الحديد في الجسم مثل الشاي؟؟؟؟؟ فلو شربتي الحليب ينبغي عدم أكل أي شيء أو أخذ قرص الحديد إلا بعده بساعة أو اثنين .... كذا شرب الشاي كثيراً وحتى لو كان بوقت بعيد عن الأكل فالشاي في مصر خصوصاً من أكثر أنواع الشاي رداءة وحسبنا الله ونعم الوكيل.... وقالت لي الدكتورة هنا أن الأفضل أن آخذ قرص الحديد في الصباح ولا آكل بعده ساعة ثم آكل حتى يستفيد الجسم من كل مافيها من فيتامين.

كذا يا أختي هناك أقراص حديد تسمى اسمها Ferro Sanol كويسة جداً جداً وهو خفيف على المعدة ولا يسبب الإمساك موجودة في مصر وهي أغلى من الأنواع العادية لكن ماشاء الله تلاحظي فرق الهيموجلوبين بعد أن تنهي العلبة.... وشفاكن الله وعفاكن جميعاً

[daughterofislam89 10]

وحشتونى يا بنات انا ان شاء الله هدخل تانى ارد عليكوا

بس انا داخلة بسرعة دلوقتى لسبب وياريت تفيدونى او تطمنونى

 

انا من امبارح بليل وفى اخر بطن من تحت خالص الجهة اليمين وحاسة بالم فيها ولما حطيت ايدى على المكان وبقيت احركها احس زى حاجة مكلكعة من جوة زلطو او كدة امى اخبرتنى ممكن يكون دمل او حباية هيطلع

بس لما صحيت من شوية فضلات اكتر من ساعة فى السرير

حاسة ان بطنى من تحت خالص بردو من الجنب اليميين للشمال زى ما يكون حاجة بالعرض فيها واقفة بالعرض

وامى لاحظت ان بطنى نازلة جامد النهاردة وعلى مانعرف انها بتبقى مرفوعة فى الاول كدة وتنزل فى الاخر بس كان ملاحظ اوى ان بطنى نازلة

اتصلت بدكتورتى لسة مرجعتش من المؤتمر ترجع السبت ان شاء الله

فى دكتورة تانية هنا جنبى كنت روحتلها قبل كدة بس مش برتاحلها خالص زوجى قالى معلش تعالى على نفسك وروحى النهاردة ودول اللى جنبى عشان مروحش لدكتور

بجد خايفة اوى وعندى امتحان بكرة ومش عارفة اذاكر من الخوف والقلق

طمنونى لو قدرتوا لحد ما استخير فى الدكتورة دى اروحلها بليل ولا

[daughterofislam89 10]

بنات حد يطمنى لو يعرف بليز

[**حنين للجنة** 16]

والله فرحت جداااااااااااااااااااا بسؤالكم عنى

انا سبت التجمع اصلى بصراحة حسيت انه موش بتاعى وخفت اكون ضيفة ثقيلة وموش فى مكانى اصلا

انا بجد حبتكوا اووووووووووووووووووووى

تعرفوا نفسى احمل علشان ابقى معاكوا

ربنا يكتب اللى فيه الخير(أنا لسة مانوتش انا بتمنى بس)

 

فطوم ودرصاف وأم عمر والشجرة الطيبة وريتاج الله لا يحرمنى منكوا ولا من سؤالكوا

اعتذر لو نسيت حد انا عندى زهااااااايمر الحمد لله ان محمد لسة مخلينى فاكرة اسمى

 

بحبكم جدااااااا فى الله يا غاليات

 

أم عبد الله ربنا يتم شفاكِ على خير ومايحوجك لعمليه ابدااااااااااااا

 

محبه لربها ربنا يباركلك فى ولادلك ويرزقك بالخير كله

 

 

 

فطوم بجد والله اتخضيت جداااااا عليكى من اللى عندك دة انا بصراحة ماعنديش اى فكرة اية السبب

بس ماعلش تعالى على نفسك وروحى للدكتورة القريبة منك حتى لو موش مستريحلها المهم تتطمنى

وان شاء الله خير

ربنا يحفظلك طفلك ويتم حملك على خير

 

ان شاء الله الاخوات يطمنوكى يا غاليه

[حنيني إلى بلادي 0]

السلام عليكم ورحمة الله وبركاته

أختي بنت الإسلام لا أعرف ما هذا والله شفاكي الله وعفاكي طمني نفسك إن شاء الله خير ونطمن عليكي

[daughterofislam89 10]

حبيباتى ام محمد حسان وحنينى الى بلادى

جزاكن الله خيرا عن الرد

انا باذن الله هروح للدكتورة دى بليل وخلاص بس بجد قلقانة مش قادرة استنى ومش عارفة اركز فى المذاكرة

[**حنين للجنة** 16]

انا كلمت دكتورة قريبتى هيا موش دكتورة نساء وتوليد بس قولت استشرها قالتلى تروح تعمل سونار وتطمن ماتقلقيش هيا قالتلى ممكن يبقى عادى بس تروح تعمل سونار افضل

ان شاء الله بالليل روحى للكتورة

ربنا يطمنا عليكى يا رب

هو انتى فى اخر التالت صح؟؟؟؟؟؟؟؟؟؟؟