اذهبي الى المحتوى
( ***ام طارق***)

تجمع الحوامل ارجومن كل حامل تدخل وتشاركنا

المشاركات التي تم ترشيحها

حبيبتى الغاليه ام عمر

شفاكى الله وعافاكى يا حبيبتى

ربنا يتم حملك على خير ويهونها عليك

مصر هاتنور لما تنزلى بألف سلامة ان شاء الله يا حبيبتى

 

فطومة الحمد لله انك بخير يا حبيبت قلبى

انا فرحت اووووووووووووى والله لما اتطمنت عليكِ

بجد والله اللى عملته دة اقل حاجة ممكن اعملها يعلم الله كم احبك فى الله يا غالية

هاتخلصى امتحانات امتى؟؟؟؟؟؟

 

درصاف اخبارك اية يا حبيبتى

اخبار الاسهال اية؟؟؟؟ يارب تكونى فى احسن حال

ربنا يتم حملك على خير

بحبك فى الله وليكى غلاوة كبيرة اوووووووووى عندى

 

اخبارك اية يا ام اسامة؟؟؟ربنا يتم حملك على خير ويباركلك فى اسامة

 

ريتاج اخبارك اية اية يا حبيبتى والبرد خف ولا لسة؟؟؟؟؟؟

ربنا يشفيكى ويعافيكى ويتم حملك على خير

 

ليتيسيا اخبارك اية يا غاليه؟

ربنا يتم حملك على خير ويباركلك فى ابنك

 

حنينى الى بلادى وامولة الحنونة ود.مسلمة وصفة الصفوة ربنا يتم حملكوا على خير نورتوا التجمع يا غاليات

شارك هذه المشاركه


رابط المشاركه
شارك

فطوم الحبيبة هتوحشينا قوي

على الرغم من أننا زعلانين على غيابك عنا بس فرحانين لرجوعك بيتك وان شاء الله النت تدخل علطول

مفيش احسن من الاستقرار فالبيت

ربنا معاكي

ماشاء الله عليكي وعلى العريضة تنفعي فعلا في الأمم المتحدة وهم اللي خسرانين

شارك هذه المشاركه


رابط المشاركه
شارك
على فكرة انا قريت في منتديات تانية انو الكبدة والجزر مضرين في بداية الحمل

 

يا ترى الكلام دا صح ولا لا

 

فعلا هم خطر لارتفاع نسبة فيتامين أ فيهم

فيتامين أ سام للجنين في الثلاث شهور الأولى بس طبعا لو نسبة عالية

ولذلك هو لا يباع لوحده في الصيدليات لعدم استعماله في الإجهاض مع أنه مفيد جدا لسقوط الشعر

 

بس لو أخدتي كمية بسيطة مفيش منها مشكلة لكن الأفضل ألا تأكلي

أنا منعت الكبدة في الثلاث شهور الأولى بس كنت باكل جزر ساعات في السلطة

الكمية البسيطة لا بأس بها

 

فطوم

فكرتيني بالتوكسوبلازما

دعواتك ان ربنا يحمي النون لأن روفاميسين مش موجود في السعودية إلا تهريب ومش لاقياه خالص وأنا اتأخرت في العلاج

دعواتك ربنا يستر

تم تعديل بواسطة سجودى لله فقط

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،

 

،انت لي بتنورينا وربنا لا يحرمنا منك يارب

امولة انا ايضا قرات هذا ولكني لااعر ف مدى صحتها ماماك عندها ههههه بس انا مفهمتش الشيل يعني ايه وسجودة ربنا يشفيها من الهبوط يعني ايه الهبوط

درصاف ربنا يحميك ويحمي لنونو وابوه كمان انالمجرد ما قريت الرابط حطيتوا على طول مشكوررة وطمنينا عليكي اخبارك ايه وحشتيني

نهلة ام بلال

المسلمة فريال

لحورية

واشرقت السماء

ام بيدو

صفة الصفوة

الراجية من الله الجنة:

ليتيسيا

شجورتنا

ام محمد حسان

حنينى الى بلادى

كيف حال الجميع طمنونوا عنك :rolleyes: بصراحة انا طماعة :mrgreen: يعني اريد ان اطمئن على كل واحدة منكن كل يوم لاني :wub: احبكن في الله

اماا عن اخباري انا اليوم كنت متوترة :sad: وحزينة :cry: واحسست ان قلبي سيخرج من مكانه لاني شعرت بلوحدة القاتلة ولما كلمت اخت زوجي لقيتها مشغولة :closedeyes: بعدها تحدتث الي حماتي وكانت على عجالة وسالتني ماذا قالت الطبيبة قلت لها ان رحمي مفتوح وهذا خطر لانه يؤدي الى الولاد ة المبكرة فقالت خلاص ريحي :dry: وودعتني بكل برودة فانا شعرت ان الدنيا اهتزت من تحتي واجهشت بالبكاء :cry:

 

انا لا اعرف لمادا اكتب لكن المي :excl: ولكن والله لاني حبيتكن من قلبي :wub: احس انكن بجاني انا منهارة

ولكن الحمد لله :blush: على كل حال

:ninja: الغربة تخلي الواحد يشوف الظلمة في النهار

 

انا مرضيتش اكل ماما وانا في تلك الحال

 

ونفسيت زوجي كانت تمام :cool: فمرضيتش اعكر صفوه ولجئت الى القران وها انا جئت اتصفح اخباركن لانها تشعرني بالراحة نوعا ما لا تقلن انها تشمت فينا :closedeyes: لاني ارتاح لما اقرا ان الي كانت عندها مشكلة تعلجة ولي عندها ادعيلها :wub: من قلبي

شارك هذه المشاركه


رابط المشاركه
شارك

أم محمد حسان

منورة ياحبيبة

ببقى سعيدة جدا لما بشوفك معانا

مش هسيبك إلا لما تعمليها

 

 

ريتاج الحبيبة

ولكن الحمد لله على كل حال

الغربة تخلي الواحد يشوف الظلمة في النهار

 

ربنا يهون عليكي الغربة يارب وعليا أنا كمان

نفس الحال وبيزداد مع الحمل

بس بعد النون بإذن الله هتفرق كتير معاكي

هتحسي ان وراكي هم وكائن محتاجلك جدا فتبقى بتهتمي بنفسك وغذائك عشانه

اشغلي وقتك بالطاعة على قدر المستطاع

ولا تنتظري الإستئناس بالبشر

على فكرة التجمع هنا فرق معايا كتير

شارك هذه المشاركه


رابط المشاركه
شارك

حبيبة قلبى ام محمد حسان

ربنا يباركلى فيكى يا حبيبة

وانا والله يعلم الله كم احبك فيه

 

سجودة يا جميلة الف سلامة عليكى وان شاء الله خير

بصى فى واحد مسافر صاحب اخى وهبنعت معاه حاجات لو تحبى ابعت معاه الدواء ليكى بس هم فى خميس مشيط تبع ابها

مش عارفة يبقى بعيد عليكى ولا ايه

لو ممكن نستاذن المشرفات لو قريب ليكى وابعتلك معاه الدواء طالما انه متوفر هنا فى مصر

واله مفيش فيها اى حاجة

شوفتى بقى يا ستى انفع فى الامم المتحدة ولا لا *___*

 

روجى يا حبيبتى

فضفضى معانا

ربنا يهون عليكى غربتك بس انا زعلانة منك فى شيء بصدق

انك بتقولى مش عارفة ليه بكتب

بقى مش عارفة ليه

لاننا بنحب بعض فى الله بجد مفيش مصالح بينا

كل واحدة فينا فى بلد مش مستنية حاجة من التانية

بنفتكر بعض بالسؤال والدعاء

وربنا ما يحرمنا من بعض

كل ده مش عارفة ليه يا جميلة

فى اى وقت ادخلى وهتلاقينا كلنا جنب بعض

مش انتى بس اى واحدة فينا لما بيحصل تدخل على طول

امبارح اول ما تعبت كتبتلكم

انتوا كذلك لازم نشيل هم بعض لاننا اخوات فى الله مسلمات

والله احبكن جميعا فى الله

حتى اللى دخلت مرة او اتنين وتعرفى عليها بسيط والله والله والله قسم احاسب عليه احببتها فى الله

 

وبما انك بتقولى بقى يا ست ام عمر عن ان التجمع فرق

اضحكك امبارح بقول للدكتورة ايه

بتقولى لو جالك مغص وكدة خدى حباية بارامول وبسكوبان

فماما بتقولها وده ينفع فى الحمل يادكتور

قالتلتها اه عادى

فانا رديت قلتلها اه يا ماما اصحابى ع النت ومن بلاد تانية والسعودية وكدا بياخدوه

غصب عنى قلتلها كدة البارامول لكن بسكوبان معرفش

قامت باصةلى وقالتلى من غير نت انا هكتبلك يعنى حاجة غلط

ههههههههههههههههههه

حسيت ان جردل ماية ساقعة اتدلق فوقى وانى فعلا فى نص هدومى

 

والله بحبكن فى الله

وانا بعيد هفتكر مواقفنا مع بعض وضحكنا مع بعض

ربنا يفرحنا يارب ببعض

والله مش عايزة ابطل كتابة

لان المرة دى حاساها فارقة معايا انى ماشية وهغيب عنكم شوة فصعبان عليا

بحبكن فى الله

شارك هذه المشاركه


رابط المشاركه
شارك

ام محمد حسان حبيبتى

اسفة نسيت ارد عليكى

انا خلصت امتحانات التيرم ده اليوم

ان شاء الله يوم الاحد بابا هيروح يعمل مقابلات لرئيس الجامعة وكدة عشان نشوف موضوع مجلس التاديب بتاع التيرم الاول

يارب هون تيرم بحاله فوق دماغه

ربنا ييسر ويهديهم ويوافقوا يعيدوا الامتحانات فى الصيف احسن لو كدة شكلها هتبقى فى ميعاد الولادة وهنستنى للسنة اللى بعدها

ربنا المستعان يستر

شارك هذه المشاركه


رابط المشاركه
شارك

صباح الخير كيف احلى حوامل اليوم؟!!!!!!!

بدي اخبركن بشي صار معي

على غير العاده اول امبارح بعد ما استفرغت(اجلكم الله) اجا عبالي آكل 3 اشياء (خس , جزر, فقوس (ما بعرف شو بتسموه بس احنا منقوله بفلسطين فقوس هادا الاخضر اللي زي الخيار) المهم بلا طول سيره زوجي مسكين وما صدق اطلب (كتير بتدلع عليه) وراح جابلي وشكلت هالصحن وقعدت آكل كأني الي سنه مش ماكله بعد شي ساعه هبط كل جسمي وما ضل اشي ببطني الا واستفرغتو وكان من اصعب الايام اللي مرت عليي .........

ما بعرف شو بدي اعمل تعبانه .......

اليوم مثلا جاي عبالي جاج محشي وشوربة خضار ورز ولبن !!!!!!!!!!!!! الله يستر

شارك هذه المشاركه


رابط المشاركه
شارك

ليتيسيا معلش انت في الشهر التالت اخر شهر للوحم وترتاحي ان شاء الله

 

سجودي لله بارك الله عيك اختي ان شاء الله مش اكل لاكبدة ولا جزر لحد ما اخلص التالت بادن الله

 

اخواتي جميعا بارك الله فيكن

شارك هذه المشاركه


رابط المشاركه
شارك
هههههههههههههههههه بجد رد محبة لربها موتنى من الضحك

اصل مينفعش اقولك كدة انا اكبر من ابنك بشوية صغيرين

لازم حبة احترام يعنى

انا لسة مكملتش 21 سنة

فقلت اهو تمشى خالتو

احبك فى الله والله جدا

 

 

حبيبتى بطوط......زلا فعلا بقى انت طيبة اوى اوى دانت بنتى يا بت خالتى دا ايه

 

ماكنتش اعرف سنك دانا لو كنت اتجوزت وانا فى المدرسه كان زمان عندى بنت زيك وف سنك هههههه

 

انا اتشرف بامومتى ليك يا غاليه ربنا يوفقك وتتفوقى ف دراستك وتولدى بالف سلامه يارب

شارك هذه المشاركه


رابط المشاركه
شارك

درصاف

 

ريتاج

 

ابنة الاسلام

 

شجورة

 

ام عمر

 

واموله

 

ليتيسيا

 

الراجيه الجنه

 

ربنا يقومكم بسلامة الله وييعدى الحمل على خير ويرزق كلا منكن الولد السليم المعافى الصالح البار بابويه

شارك هذه المشاركه


رابط المشاركه
شارك

امين يارب اختي محبة لربها

 

معلش يا بنات انا غلبتكم بكثر الاسئلة

 

بالنسبة للشكولاطة هل هي مضرة للحامل

 

انا باكل منها كل يوم وخايفة لاتكون مضرة ولا حاجة

 

بارم الله فيكم

شارك هذه المشاركه


رابط المشاركه
شارك

بارك الله فيكي حبيبتي محبة

أمولة الحبيبة

لا تكثري منها علشان فيها كافيين

 

أنا عندي تقلصات من أمس

مش عارفة هل ده عادي ولا لا

ومش بتروح لما بستريح أو أفرد ظهري

كل شوية ألاقي مغصة في بطني مع قفشة في ظهري تقعد حوالي نص دقيقة وتسكت

كأن مغص الدورة كده

شارك هذه المشاركه


رابط المشاركه
شارك

الف سلامة عليك اختي سجودي لله

 

لازم تستشيري طبيبتك الله يشفيك يارب

 

تفضلو اخواتي شوفو حركة جنينكم في هذا الرابط

 

 

#############

شارك هذه المشاركه


رابط المشاركه
شارك

السلام عليكم ورحمة الله وبركاته

انا تقريبا اول مرة اشترك فى هذا التجمع ولكني كنت اتابع اخباركن باستمرار وادعو من الله ان انضم اليكن في القريب العاجل

انا متزوجه منذ سنه واربعة شهور ولم ارزق بالحمل والحمدلله واليوم لدي سؤال متى اقول باختبار الحمل انا البريوت غايبه بقالها 3 ايام عن ميعادها الطبيعي وزجي يقول لي ليس الان ويطلب مني ان اصبر ولكني مشتاقه ان اعرف عسى ان يحقق الله امنيتي اريد جوابكم هل يمكن ان اقوم باختبار الحمل ام انتظر 10 ايام كما يقول زوجي

شارك هذه المشاركه


رابط المشاركه
شارك

أختى توليب

رزقكى الله بالذرية الطيبة الصالحة أنتى وكل مشتاق

اصبرى حبيبتى إلى أن يمر أسبوع لأن ممكن يكون فيه حمل ويكون لسة ضعيف فميبانش فى الشريط

أنا فى مرة اتأخرت ثلاث أيام ولم أصبر وعملت شريط الإختبار ولم أجد شيئا وفقدت الأل وبعدها بثلاث أيام أخرى عملته وطلع فيه حمل

ربنا يطمن قلبك ويجبر خاطرك ويرزقك بذرية طيبة معافاة

شارك هذه المشاركه


رابط المشاركه
شارك

امين يارب اختي محبة لربها

اختي توليب اسال الله ان يرزقكي الذرية الصالحة 10 ايام كتير من اجل التاكد يكفيك فقط ان تاريخ الدورة تعدى بيوم او يومين وربنا يفرحنا بيك يا رب

اللهم لا تذر توليب فردا وانت خير الرازقين

سجودة ربنا ييسر لك امرك ويشرح صدرك وخليلك عمر قرة عين لك ولابيه وهذا النونو ايضا

فطومة لغالية اضحك الله سنك ههههه ور بنا يجمعا عندوا يارب لاني فعلا احبكن في الله وكلامك عسل ربنا يرزق ذرية عسل وسليمة يا رب ياااه كلما تكتبين عن غيابك احزن لاني والله يا روحي انت حوحشك سجودة مسافر بس الحمدلله انها تقدر تدخل النت يا رب ميطولش غيابك عنا ويدخل زوجك النت بسرعة يا رب

امولة مشكورة حبيبتي على الرابط اعجبني جدا

درصاف الغالية انت غبتي فين

سلامي الي الغاليات كلهن

شارك هذه المشاركه


رابط المشاركه
شارك

لا انا كنت بعمله بمجرد مرور اسبوع على الغياب وكان بيبين كويس الحمل من عدمه

 

بل يوجدانواع جربت احداها من مرور يوم زياده فقط على غياب البيريود

 

بس المهم تكون اول دفعة بول فى الصباح ....ربنا يرزقك حبيبتى يا رب ويفرحك

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

كيف حالكنّ يا احلى اخوات اشتقت لكنّ كتير جداً جداً

بس كان غصب عنى كنت فاكرة بدولى الرابع حرتاح لكن مزال التعب وزاد عليه

الصداع والنوم مش بيفارق عيونى

يابنات مش المفروض انه بعد دولى الرابع اقدر انزل واتحرك عادى لكن الدكتورة منعتنى من النزول

ولما حست ان حالتى النفسية سيئة جداً قالت ممكن انزل مرة بالاسبوع مع انى خايفة انزل

الحمد لله

 

فطومه حبيبتى الف سلامة عليك والحمد لله انك اطمنتى والحمدلله انك رجعتى بيتك بالسلامة خدى بالك من نفسك

حتوحشينى جداً ان شاء الله النت يدخلى فى اقرب وقت ومتغبيش عنا على فكرة يافاطمة انا كنت بحس بالم وتقل فى اسفل البطن وخصوصاً

اتجاه اليمين واحياناً فى الشمال والدكتورة قلتلى لازم وقتها ترتاحى ومتقفيش كتير ومتقلقيش ان شاء الله

 

درصاف الحبيبة كيف حالك الان اشتقت لكِ جداً ربنا يتمم حملك على خير بس متقليش انك حتغيبى عنا ان شاء الله بعد ولدتك تدخلى تسجلى حضور اتفقنا عشان بجد مانقدرش نستغنا عنك ولا عن حد من هذا التجمع ان شاء الله

ليا طلب عندك وسامحينى لو حتقل عليك عاوزة شريط الحمل للتوقيع موعد ولادتى ان شاء الله 14/12

 

 

سجودة ام عمر كيف حالك وحال عمر اسأل الله ان تكونى بخير

حولى متعمليش مجهود كبير وياريت تستنى شوية على موضوع النزول افضل

ممكن اسألك انتِ عايشة فين فى السعودية انا ايضاً زوجى فى السعودية وان شاء الله ممكن اروح معاه بعد الولاده بس حتى الان فى بعض الصعوبات والله المستعان

ومعلش سوال تانى لكل اخت مغتربة الاهون فراق الزوج ام فراق الاهل والوطن

 

ريتاج الحبيبة اسأل الله ان يهون عليك ويتم حملك على خير وان شاء الله البيبى لما يشرف بالسلامة حيونسك وينسكى الدنيا

انا والله انتظر هذا اليوم بفارغ الصبر رغم انى بين اهلى لكن اشعر بوحدة رهيبة لكن الحمد لله

اسأل الله ان يتم لنا جميعاً على خير

 

ليتسيا الحبيبة كيف حالك

الشجرة الطيبة كيف حالك طمنينا عنك وعن اخبارك

 

الغالية امولة عوداً حميداً انا وانتِ تقريباً مع بعض انا بقالى ايام فى الشهر الرابع

 

اسأل الله ان ييسر حملنا جميعاً ويتم لنا على خير ان شاء الله

احبكنّ جميعاً فى الله

شارك هذه المشاركه


رابط المشاركه
شارك

السلام عليكــم ورحمـة الله وبركاتــه،،

 

كيف حالكنّ ياغاليات، اشتقت لكنّ كثيرا..

معلش مش هاقدر أجاوب على كل أخت، لأنّ الردود صارت كثيرة، اللهم زد وبارك (:

أسأل الله أن ييسر لي ولكنّ جميعاً..

بالنسبة لي أنا بخير ولله الحمد..

وأخيـــــــــرا النونو تكرّم علينا وبان..

طلعت عندي بنوتة ولله الحمد (:

 

نهلة الحبيبة، هذا توقيعك ياغالية، ربي يتمم لك الحمل على خير ويحفظك ويجزيك خيرا على كلامك الطيب (:

http://tickers.baby-gaga.com/p/dev347pr___.png

 

ربي ييسر وأرجع أردّ بشكل أفضل بعدين..

أحبكن في الله كثيرا

شارك هذه المشاركه


رابط المشاركه
شارك

السلام عليكم ورحمة الله

 

كيف حال الجميع ؟؟؟؟

 

كيف ريتاج وسجودة و درصاف والجميع ؟

 

أمولة الشيكولاتة فعلاً مضرة في الحمل حاولي ألا تأكليها إلا لما يكون نفسك فيها.....

 

نهلة أم بلال تتيحي اختيارين كلاهما مر..... أعانك الله على فراق زوجك ... وعلى فرقة الأهل والوطن بعد ذلك .

لكن غياب الزوج له حكمه الشرعي ويجب ألا يطول ....

يسر الله على الجميع أقدارهم....

شارك هذه المشاركه


رابط المشاركه
شارك

السلام عليكم

أختي توليب رزقك الله الذرية الصالحة عاجلاً غير آجل ،،،،،

 

شفاكي الله وعفاكي سجودة طمنينا عليكي...

شارك هذه المشاركه


رابط المشاركه
شارك

السلام عليكم ورحمه الله وبركاته

اخواتى احب ان انضم اليكم فى هذا التجمع

فانا بفضل الله حامل

حامل من شهر مارس تقريبا

دعواتك لي بالذريه الصالحه

بارك الله فيكم جميعا

شارك هذه المشاركه


رابط المشاركه
شارك
زوار
هذا الموضوع مغلق.

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ الحب الحقيقي للنبي ﷺ ليس في إقامة مولدٍ لم يشرعه، وإنما في اتباع سنته، وإحياء ما أحياه، واجتناب ما نهى عنه، قال ﷺ: «من أحدث في أمرنا هذا ما ليس منه فهو رد» [رواه مسلم]

×