~* يوميات منتقبة *~

[ريم الفلا80 0]

السلام عليكــم ورحمـة الله وبركاتــة ،،

 

لقد أعجبني الموضوع ورائعه هي المواقف الجميله التي أراه التي منها المضحك ومنه اللتي نفتخر بها

ماحاز على انتبهاي واستغرابي أن أكثر الاخوات من مصر بالرغم أن النقاب والخمار منتشر عنا كثيرا

 

سأحكي لكم هذا الموقف

يوم عرس وحده من القرايب نزلنا من بيتهم حتى نروح القاعه وكانوا الناس عم تركب في السيارات

كانت اختي لابسه النقاب جديد فلما نزلنا فوقفت جنب ابوي واجى سيدي يسأل من هاي لانه ماعرفها فقله ابوي راح شو عمل سيدي

تخيلوا شلحها ياه في الشارع وسط الناس وقدام اللكل

طبعا ابوي اتضايق كثير لكن لا حول ولا قوة إلا بالله الله يسامحه

وكل ما يجي من الضفه ويشوفني يسمعني كلام لاني بلبس خمار لكن الله يثبتني عليه وانا الحمدلله متمسكه به

طبعا اختي تزوجت الحمدلله وعندها بنوته حلوه مثل القمر

 

 

عندي موقف يضحك قلي عنه ابوي لما كانت امي في المستشفى الله يرحمها

كنت عندها وابوي يطارد في المستشفى

وشاف ابوي سيدي اللي هو ابو امي في الحديقه وكانت وحده جنبه تلبس خمار

وكان ابوي يشرح لسيدي المستجدات وكل شويه يطلع عليها ويسال كيف امك اليوم يابا

هههههههههههه

 

كان مفكرها انا بعدين انتبه

[حفصة أحمد 40]

السلام عليكم ورحمة الله وبركاته،،

 

ربنا يثبتنا جميعا على النقاب ويرزق كل البنات المسلمات لبسه .

انا فاكره موقف حصلى قريب .

كان فرح جارتى نزلت ابارك واطلع على طول .

فى واحده جارتنا اخرى لما راتنى واقفه مع اخت العروسه قالتلى "عقبال عوضك" .

يعنى بتدعى لى بالذريه (بالمصرى) انا قربت عند اذنها وقولتلها "انا فلانه جارتك" .

طبعا فضلت تضحك لانى مازلت انسه .

 

لكن فى موقف تقريبا بيتكرر دايما هو انى لما اكون خارجه للجامعه او غيره الناس تقولى "الاجره يامدام" .

حاجه غريبه وبتغيظنى جدا .

 

فى مواقف كثيره لاحقا ان شاء الله .

[ريم الفلا80 0]

زي يا أختي حفصه أنا في السوق بقوليلي يا حجه

ايش يعني هو الخمار ولا النقاب للكبيرات في السن

بنغاظ كثير منهم

لاحول ولا قوة إلا بالله

[حفصة أحمد 40]

السلام عليكم ورحمة الله وبركاته،،

 

لا يااختى ريم هم لا يعلمون ما تحت النقاب مدام ام انسه لهذا بيخمنوا بس بطريقه تغيظ .

تذكرت موقف اخر وهو ...

كنت داخله مسجد الجامعه عشان اصلى الظهر ففى مكان خلع الاحذيه (اعزكن الله) لقيت بنت عماله تقول"ايه الحر ده اعوذ بالله مش معقول"

وطبعا كانت بتنظرلى .انا تعجبت جدا من موقفها ولكن دخلت صليت ولما فرغت قابلت صديقه ليا منتقبه ايضا اخبرتنى باشياء جعلتنى ارتاح .

ربنا يثبتنا جميعا .

[فدوى المسلمي 531]

السلام عليكم ورحمة الله وبركاته،،

ربنا يثبتكم حبيباتي

ويرزق كل مشتاقة للنقاب لبسه عاجلا غير آجل

[**أم مختار** 10]

منتظراكي يا لميس هههههه

[فدوى المسلمي 531]

السلام عليكم ورحمة الله وبركاته،،

ظللت ابحث عن الموضوع

لأنه حصل معي موقف ظريف جداااااااااااااااااا

وفي أول شهر لي في ارتدائي للنقاب

كنت واقفة أمام أحد المحلات التجارية واتفاجئت بفتاه صغيرة في سن أولادى ولقيتها مسكت في بشدة واحدى قريباتها تحاول بشتى الطرق أن تأخذها وهي لا تريد أبدا

وبعدين فهمت الموقف

الفتاه والدتها منتقبة وهي داخل المحل اللي أقف أمامه

وهي ظنت أني والدتها لذلك لا تريد أبدا الذهاب مع قريبتها

وكان الحل الوحيد إني أخذت الفتاه من يدها وهي مشيت معي مستسلمة تماما ودخلت المحل

واعطيتها لوالدتها بالداخل:)

[hend elsadany 0]

أول موقف ليا أخيراً

 

كنت راجعه من المقرأه الأسبوع اللى فات كان فيه واحد واقف على باب المحل بتاعه

 

و بيتمطع بقى و بيتاوب و فرحان يا عينى و بعدين شافنى راح قال ايه السواد ده

 

ما كنتش قادره امسك نفسى هههههههههههههههههههههههههههههههههه

 

و اول يوم لما نزلت فيه بنت صغننه اتخضت منى اوى و مسكت فى مامتها

 

و أبن خالتى عنده سنتين لما شافنى قال (فيت) يعنى عفريت و كان عمال يضحك

 

و لما عرف انى انا هند فرح اوى. و بت احمد اخويا الله يرحمه عندها سنتين بردو

 

لما شافتنى اول مره قالت عو ههههههههههههههههههه بس لما عرفتنى فرحت بردو

 

أحلى حاجه انهم بيضحكو مش بيعيطو و الحمد لله عشان كنت فاكره غير كده

 

و بجد موضوع تحفه و ما شاء الله عليه و عليكى يا أم مختار

 

و اسعدنى تواجدى معاكم

[hend elsadany 0]

ارجو ان تكونى سعدتى بوجودى انت ايضاً

[دانة الاسلام 38]

من المواقف المضحكة التى حدثت لى عند التقاط الصور العائلية ويصرون على وقوفى معه فيقول المصوريلا بقى أضحكى فيقع من حولى من كثرة الضحك عليا موقف اخر حدث مع زوجى كنا مره فى العربية واحضر لنا زوجى بيبسى كانز ومرت فترة من الوقت ووجدته يقول لى معلش نسيت افتح لك علبه البيبسى وقلت له انى انا خلصتها خلاص ففوجئ وضحكنا على هذا لان انا فى وقتها كنت لبسه النقاب ولسه ما خدش على كده

[سدرة المُنتهى 87 1317]

الحمد لله رب العالمين

 

أنا لبست النقاب بقالي أكتر من سنة

 

بس ما افتكرش حصللي أي موقف بسببه

 

الحمد لله

 

موضوعك رائع شكرا

[الجمانة 3]

,‘,

السَّلام عَلَيكُم وَرَحمَۃ اللَّـﮧ وَبَرَكَاتُـﮧ ..

 

ثَبَّتَكُن اللَّـﮧ وَأَعَانَكُن عَلَى طَاعَتِـﮧ ..

 

فِي بَلَدِي الكُل مُتَحَجِّب بِحَمد اللَّـﮧ فَلا تُوجَد لَدَي مَوَاقِف ^^

 

وَبِالمُنَاسَبَۃ فَغِطَاء الوَجـﮧ تَختَلِف عَن تَسمِيَۃ النِّقَاب عِندَنَا ..

فَالنِّقَاب هُو مَا أَظهَر العَينَين ..

أَمَّا الغِطَاء فَلا يُظهِرهُمَا ..

 

وَبِالنِّسبَۃ لِمَعرِفَۃ المَرأَة بِحِجَابِهَا فَجَمِيعُنَا نَعرِف بَعضَنَا دُون عَلامَات مِن هَيئَۃ الجِسم أَو المِشيَۃ = )

وَلَو جَرَّبتِ لَعَرَفتِ كُل زَمِيلاتِڪِ المُنتَقِبَات بِدُون عَلامَات - اجَعلنَهَا لُعبَۃ ^^ -

 

’ الجُ ـمانة ‘

,‘,

["غفرانك اللهم" 0]

ربنا يثبت كل اخت منتقبة ويرزقنى لبس النقاب ويرزق من تتمناه يارب العالمين

[ام مصعب ان شاء الله 0]

السلام عليكــم ورحمـة الله وبركاتــة ،،الحمد لله انا منتقبه ربنا يرزقه جميع المسلمات ويثبتنا كنت عندما اجلس مع الاخوات قبل ان انتقب ويشعروا برجل فينزلوا البشه اغطى وجهى معاهم فحسيت انى لازم اكون زيهم المهم الموقف هو انى كنت مع بعض الاقارب ووجدت طفل يبكى ويجرى تجاهى وما ان وصل اللى ان وجدته فى حضنى وتقنعه اخته وينادى عليه ابوه وهو رافض الى ان اتت امه فكانت منتقبه وظننى انا هى معاذ كان اسمه اللهم ارزقنى مثله يارب انا وكل المسلمين

[الاء القدوس 18]

السلام عليكم ورحمة الله وبركاته،،

لست منتقبة اثار الموضوع انتباهي فاستغل الفرصة لتدعولي كي ينعم علي الله بلبس الخمار و اتبعه النقاب باذن الله

[اسطورةالمجاهدين 0]

بجد اختى الكريمة يسلموا ايدك على الموضوع وانا منقبة اختى الكريمة وربنا يجزاكى كل خير

 

شكراً لك اختي الكريم

كيف حالك إن شاء الله دائمــاً بخير ؟

تم تعديل 28 يناير, 2010 بواسطة اسطورةالمجاهدين

[التوبة و الانفال 0]

السنة دي اول سنة دراسية ليا بالنقاب طبعا كنت مرعوبة اصحابي هيسيبوني و هبقي وحيدة بس رحت و كانت كل الناس بتبصلي فاكريني طالبة جديدة بس عرفتهم بنفسي و طبعا كلهم فرحوا جدا و باركولي و حسيت اني كبرت في نظرهم جدا حتي البنات اللي ما كنتش اعرفهم كويس بقوا اصحابي

 

لما طلعت في دماغي فكرة النقاب و قلت لعائلتي اني هنتقب اختي الصغيرة قالت لي انا متبرية منك لانتي اختي ولا اعرفك

و سبحان الله بعد النقاب بقت تحب تخرج معايا و تقوللي انها بتحس بالامان و انا ماشية جمبها عشان محدش يستجرأ يبصلها و هي معايا

 

بس مش فاكره اي مواقف تانيه مميزة

ربنا يثبتنا كلنا

تم تعديل 28 يناير, 2010 بواسطة التوبة و الانفال

[أم سجى ودجى 4]

الموضوع جميييييييييل جدا

 

ودي فرصة احكي انا بقا

 

في الايام الاولى للنقاب لي اقترحت صديقة لي انها تروح معايا الجامعة رغم انها مبتدرسش فيها قالت"اروح اشوف جو المثقفين عامل ايه ومستواهم ايه هههه"

 

وفعلا رحنا ولما ركبنا الباص الي بيقطع التذاكر بيقطعنا وهو فرحان جدا ومبتسم فقالتلي شوية وهيسلم عليكي من كتر فرحه هههههههههه

 

ولما وصلنا بقا اشترينا شوية سكاكر وشكولاط ة ودخلنا مكتبة الجامعة عشان ناكل فلما دخلنا هي راحت قعدت في مكان قدام حيطة عشان انا اقدر اكل من تحت النقاب ..فهي رحت قعدت بالاول وانا شفت زميلات لي رحت سلمت عليهم ورحت قعدت مع صحبتي ولسه نا س كتير مش عارفني ..

المهم في الطاولة اي كنا قاعدين فيها كان في ورانا طاولة تانية فيها شب ملتحي بيذاكر .يعني احنا كنا قاعدين في اخر طاولة ووشنا للحيط وفي طاولة ورانا ..

المهم انا لما كنت بسلم على زميلاتي الطالب الملتحي ده كان بيبوصلي وصاحبتي بقى مراقبة الاحوال بعد النقاب ..واول ما قعدت معاها قالتبلي " الي وراكي ده كان بيبصلك اوى" وانا طبعا خجلت جدا وقلتلها بلاش فضايح انت ضيفة بس انا هنا طالبة .

 

وكل شوية الطالب يتلفت وراه عايز يتأكد دي انا ولا لا وهي بتشوف بنص عين ومراقبة وانا بموت من الضحك تحت النقاب

وقالتلي وانا شكيت انه سمع والله اعلم قالتي النهارده مش حترجعي البيت الي وفايدك خاتم سليمان هههههههههههههههه

يعني يخطبني

وقلت خلاص انفضحت وسكتها بالزور وهي فرحانة وبتموت من الضحك من الموقف

فقلت خلاص يلا نطلع فقالتلي احنا نطلع ووالله هو حيجي ورانا قعدنا شوية وكل مرة تقول بصوت عالي شوية يلا قومي

قالتلي عشان يسمع ويجع الكتب الي عنده دي كلها ويقوم ورانا هههههههههههههههه

 

مش قادرة اوصف الموقف بجد ضحك

فهو فعلا ابتدى يجمع الكتب بتاعته واحنا طلعنا وقعدنا بره والبت يا عيني قاعده على نار ومراقبة باب المكتبة ولما شافته طله قرصتني جامد وقالتلي العريس طلع ههههههههههههههه

 

وانا لحد دلوقتي معرفش شكله ايه رغم انه فات من قدامي بس مطلعتش عيني فيه من خجلي واحساسي بالفضيحة من صاحبتي الهبلة ههههههههههههه

 

بس والله ضحكنا جدا ولما رجعنا البيت حكينا لاهلنا امها وامي وقعد الكل يضحك

 

وكمان هي حصلها موقف وعلى فكرة هي مش منتقبة ..كنا بنشتري الشكولاطة والذي منه انا كنت بشتري وهي واقفة جنبي قدام المحل ده فجي طالب من الطلبة قالها عفوا اختي وهي التفتت وعينيها بتبرق قالت افتكرت حيقولي اديني رقم تلفونك هههههههههه او عنوان البيت هههههههههههه بس قالها اسمحيلي اخد الكبريت عشان هي كانت واقفة قدامه وهو يا عيني عايز يدخن هههههههههههه فانصدمت البت ههههههههههههههههه

 

قلتلها يا حبيبتي الطلبة هنا مش هامهم البنات دول اتهروا كتب ومراجع خخخخخخخخخخخخخخخ

 

ايه رايكم

 

كفاية كده وبعدين ارجع واحكيلكم حكايات تانية

[omjana 6]

والله المواقف اللى بتضحك دى بعين وقتها بتبقى احيانا مؤلمة

 

المهم زمان من كذا سنة اتقدملى عريس وانا منتقبة اول يوم لية فى النقاب

 

ومشى من عندنا وتانى يوم آمن الدولة قبض عليه قال دى وشها وحش وفر هاربا :oops:

[ام مصعب ان شاء الله 0]

السلام عليكــم ورحمـة الله وبركاتــة ،،اختى ام سجى ودجى مرواحة صاحبتك كانت كويسه نرجو اعاده التجربه هاه محدش عارف النصيب فين ربنا يسرلك امرك انتى بنوته والا بوظت الدنيا

[ام مريم ويحيى 136]

السلام عليكم ورحمة الله وبركاته

 

اختى الحبيبه موضوع جميل

 

انا منتقبه من سنتين وبصراحة ما افتكرش موقف معين حصل لى

 

بس زوجة اخويا اول ما اتنقبت ابنها ما كانش بيرضى يروح لها واحنا ماشين ما كانش بيرضى يمسك ايديها كان عمره وقتها 3 سنين

 

دلوقتى لو شافها من غير نقاب يقول لها فين النقاب يا ماما زى العسل ماشاء الله عليه

 

يارب يرزقنى ولد مثله وجميع المشتاقين

 

امين

 

وبارك الله فى اخواتى المنتقبات وثبتهم ويارب انعم بنعمة النقاب على كل بنات المسلمبن

 

امين

[مااحلى الاسلام 0]

ممكن حد يساعدنى فيكووووو بقى انا نفسى فيه اوى وعايزة احاسيسكو لما لبستوه كلكو عشان الشيطان بيلعب فدماغى بحتة الندم دى نفسى تحكولى اد ايه هو نعمة وازاى بتبقى مبسوطين وبتتغلبوا على الافكار الشيطانية ازاى وبتتعاملوا مع العيلة ازاى ساعة التجمع انا عيلتى بلا استثناء مش ملتزمة

[التوبة و الانفال 0]

ممكن حد يساعدنى فيكووووو بقى انا نفسى فيه اوى وعايزة احاسيسكو لما لبستوه كلكو عشان الشيطان بيلعب فدماغى بحتة الندم دى نفسى تحكولى اد ايه هو نعمة وازاى بتبقى مبسوطين وبتتغلبوا على الافكار الشيطانية ازاى وبتتعاملوا مع العيلة ازاى ساعة التجمع انا عيلتى بلا استثناء مش ملتزمة

 

لما لبست النقاب حسيت اني انسانه بجد مش مجرد جسم اللي يسوى و اللي ما يسواش بيبص عليه

و شفت الاحترام في عيون كل الناس ولاد و بنات و كبرت في نظر البنات زميلاتي لما عرفوا ان انا لبست النقاب من غير رضا اهلي و طبعا نفسهم يعملوا زيي

مفيش معاكسات و اي راجل بيكلمني بيكلمني باحترام و ادب

و انا دايما بقول النقاب احلي حاجه حصلت لي في حياتي بعد نعمة الاسلام طبعا

و اللي مش منتقبة بجد فايتها كتير

 

لو العائلة فيها رجال من غير المحارم طبعا لازم لبس النقاب و ربما لبسك للنقاب امامهم و ثباتك عليه يكون سبب في هداية احدى قريباتك

ادعي كتير و ربنا يوفقك

[ام مصعب ان شاء الله 0]

السلام عليكــم ورحمـة الله وبركاتــة ،،اختى ربنا يقويكى هى فالاول خطوه كبيره فعلا بس حتحسى بيها بعد كده اغلبيتنا اهلنا مش ملتزمين ربنا يهدى يعنى انا مثلا كان نفسى البسه كنت والله بعيط وانا فى البلاكونه وشايفه واحد ملتحى وزوجته منتقبه ومعاهم طفل واقول نفسى اكون كده بابا مكنش معارض بس كان خايف اقلعه بس ماما كانت مش راضيه ابدا بحجت انى مش حتجوز وحقعد لها وانا بنت وحيده المهم ياستي اعت ازن وفى مره ختها معايا ندوه فى المعهد بتاعى كان الشيخ محمد الصاوى لو تعرفيه وبعتله رساله بالموضوع وربنا جعله سبب تانى يوم مصدقت وكانى خفت ترجع فكلمها وربنا والله يسر الامر والله مكان معايا فلوسه واخت فالمسجد عطهولى هديا ربنا يكرمها ولبسته فيومها واول ناس رحتلهم كانت عمتى وجوزها معندهمش ولاد ومربينى ولما شفونى قالولى متجيش عندنا تانى ايه يعنى ولا همنى حاجه وبرضه حفضل لبساه لحد مموت اه ونسيت اقولك بعد يستى بالظبط ب3 تشهر انكتب كتابى ودلوقتى اتجوزت بالقى سنه بشاب ملتحى من المسجد والحمد لله ادعيلى بالذريه الصالحه ادينى ياستى حكتلك قصه حياتى ربنا يجعلنى سبب ليكى

[مااحلى الاسلام 0]

جزاكم الله خيرا ربنا يسعدك زى ما اسعدتينى ويرزقك ذرية صالحة تقيم شرع الله فى ملكه ادعو لى اشعر وكاننى اقتربت منه كثيرا وسأأخذ هذا القرار قريبا اشتقت اليه كثثثثثثثثثثثييييييييييييييييييرا جزاكى الله خيرا التوبة والانفال هو ده اللى انا حساه انى هبقى طايرة بس بيبقى نفسى برده انتوا تطمنونى انا بحبه اوى ونفسى اتشبه بامهات المؤمنين