قيادة السيارة>>>تعالى وشاركينا تجربتك..

[أم عائشة المصرية 242]

السلام عليكم ورحمة الله وبركاته

حبيباتى فى الله..

لقد من الله على زوجى واشترى سيارة منذ فترة.

وتعلم هو القيادة وهو الآن ما شاء الله لا قوة إلا بالله يذهب بها يوميا إلى عمله(مسافة طويييلة..رايح جاى..ما شاء الله لا قوة إلا بالله

ربنا يحفظه ويبارك له فيها ويقيه شرها.

وسبب كتابتى للموضوع هو أنى يا حبيبات قلبي أريد تعلم القيادة..وهناك عدة أمور تجعلنى أحجم وأؤجل الأمر..فأردت أن أتعرف على خبراتكن فى الأمر

فأرجو من كل من جربت الأمر وأصبحت "سواقة ماهرة" أن تخبرنى بقصتها فى التعلم من الألف للياء..

 

*كم من الوقت استغرق تعلمك حتى أصبحتى ماهرة؟

*عملتى حادثة قبل كده؟

*ايه هو إحساسك وانتى تقودين سيارتك سابقا(يعنى أول ما تعلمتى القيادة)؟وإحساسك حاليا؟

 

بصراحة بالنسبة لى أنا خايفة من حاجات كتير أوى...

حقولكم بس متضخكوش على..بس أنا أساسا عصبية..

وخايفة أعمل حادثة وخايفة كمان من حرق الدم..لأنى كنت بحس بزوجى وبحرقة دمه وهو سايق من خوفه إن يخبط عربية أو حتى شخص لأنه كما تعلمون فى مصر قواعد المرور بتحترم جدااااا..7(العكس طبعا)

يعني مثلا كذا مرة أكون راكبة بجانب زوجى فى سيارته ونجد فجأة طفل بيجرى من قدامنا..الحمد لله ربنا بيستر وزوجى بيلحق وبيعمل حسابه..لكن أنا اللى ملييش دعوة بالموضوع دمى بيتحرق وبقول طيب افرض أنا دلوقتى كنت سايقة وحصل معايا الموقف ده..كنت حعمل ايه..افرض ملحقتش ودست الولد ده..

 

وفى كمان حاجة تانية مش عارفة الأخوات بيتعاملوا فيها ازاى وهى موضوع التعامل مع من هو أمامك أو خلفك من الرجال أثناء القيادة نفسها..لازم حتبصى عليهم..ازاى بتقدري تغضي بصرك..؟

وبالنسبة للنقاب ازاى بتغطي عينيكي واتشوفى كويس؟

 

أنا عارفة إن ممكن أخوات تقترح إنى متعلمش وإنه ملهوش لازمة طالما زوجى حيوصلنى للمكان اللى أنا عاوزاه..

 

لكن يا أخوات أنا بكره ركوب المواصلات ليها عيوبها مهما كان:

*لو تاكسي يبقى حركب مع السواق لوحدى وأنا بخاف.

*الأغانى اللى بيشغلوها ربنا يهديهم ولو المسافة طولت بيبقى الواحد على آخره.

*مش كل مكان بتقدرى تروحيه بالمشروع أو التاكسي..

 

ده غير إنك ممكن توصلي قرايبك الكبار فى السن للأماكن اللى هم محرومين منها بسبب تعبهم...

 

 

يارب تفيدونى ومكونش ضايقتكم وطولت عليكم..

[حنان المحبة 9]

وعليكم السلام ورحمة الله تعالى وبركاته

 

بداية الف مبروك على السيارة حبيبتي

 

ولكن اعتقد انك ستجدين معارضة من بعض الاخوات لهذا الموضوع لان هناك فتاوى تحرم قيادة المراة للسيارة

 

مع انني انا ايضا لدي رخصة سياقة ولكنني لا اقود السيارة لانني اخاف كثيرا وليست لدي الجراة للقيادة ومع ذلك فان زوجي مصر على ان ارجع الى المدرسة التي تعلمت فيها لاحصل على ساعات اضافية في القيادة حتى اتقنها

 

تجربتي مع السيارة مضحكة للغاية

 

فاول مرة قدت سيارة بعد حصولي على الرخصة كانت مع سيارة عمي وكنت على وشك ارتكاب جريمة بها ولله الحمد ان ربي ستر فقد كنت سادخل في كاراج الجيران وبدا عمي يصرخ علي لاضغط على الفرامل ولمنني وبسبب الصدمة نسيت مكان الفرامل وكنت اصرخ عليه ان يشعل لي النور لاراها

 

وتجربتي الثانية كنت ساقتل بها صدقتي الحميمة التي كانت امامي ووانا كنت اريد ان ارجع للخلف وبدل ان غير الوضع الى الخلف غيرته للامام واسرعت السيارة بي وكنت سادوس صديقتي واقع من فوق تل امامي لولا ان الله ستر فكان في المكان احد الشباب فبدا يوجهني بلطف ليهدا اعصابي فحفظنا الله

 

والتجربية الثالثة مع زوجي اعطاني السيارة لاقودها وجلس بجانبي وكنت ساهوي من على مرتفع ايضا لان الوقت كان ليلا ولم يتضح لي الطريق

يعني خلاصة القول امراة مثلي لن تنفع امراة مثلك في النصح :cry:

[* دعاء الغسق * 63]

وعليكم السلام ورحمة الله تعالى وبركاته

 

بداية الف مبروك السيارة

 

انا استغرق تعليمي فترة وذلك لانني كنت ما زلت في الجامعةـ

عملت 3 حوادث، ربنا ستر، انزلقت السيارة عن الشارع مرتين....لكن لم يحدث ضرر للطف الله بي

والمرة الثالثة صدمت السيارة الخلفية بي ولم يحدث ضرر وتلك كانت فترة التجارب

اما اليوم بعد مرور 5 سنوات فانا سائقة ماهرة :)

اتمتع بجرأة عالية لانني على يقين بان مصيري بيد الله

اهم شيئ الثقة ولا تخافي من الشارع

[أم عائشة المصرية 242]

بداية الف مبروك على السيارة حبيبتي

ربنا يبارك فيكي وسعيدة بمشاركتك..

 

ولكن اعتقد انك ستجدين معارضة من بعض الاخوات لهذا الموضوع لان هناك فتاوى تحرم قيادة المراة للسيارة

والله أعلم هذا الأمر يختلف من بلد لبلد..أنا طلبت من أخت أن تسأل لى الشيخ محمد بن إسماعيل وبإذن الله لما ترد على أكتب لكن الرد..

 

 

بصراحة تجربتك تحفة

يعني خلاصة القول امراة مثلي لن تنفع امراة مثلك في النصح

أضحكتيني أضحك الله سنكِ..

[أم عائشة المصرية 242]

بداية الف مبروك السيارة

ربنا يبارك فيكي وجزاكِ الله خيرا على الرد.

 

عملت 3 حوادث،

لا حول ولا قوة إلا بالله..

 

اما اليوم بعد مرور 5 سنوات فانا سائقة ماهرة :)

5 ســنـــــــــــــــــــــوات

كتير أوى

حقعد أتعلم خمس سنوات!!!!!

ربنا يستر..ده أنا بقول هم شهرين كويس أوى..

[ام مالك المصرية 0]

اهلا بك اختى الحبيبة . انا مثلك نفسي ومنى عينى اتعلم السواقة وخايفة زى حالاتك من نفس اللى انت بتقوليه.. ولكن انا كنت لسة بتكلم مع اخت فاضلة وهى لسة متعلمة السواقة من فترة قصيرة وهونت عليا الامر وقالتلى ان الموضوع يسير بإذن الله .. والحوادث وغيرها كل ده باقدار الله وبصراحة انا شايفة ان موضوع السواقة ده بالنسبة لينا في مصر اصبح ضرورة غير برضو السعودية والبلاد التانية .. وده لان بصراحة المواصلات عندنا مفاسدها عظيمة سواء مواصلات عامة او تاكسى .. وربنا يوفقك ان شاء الله روحى اتعلمى السواقة وقوليلى عملتى ايه وانا كمان ربنا ييسرلى واتعلم.. والسلام عليكم ورحمة الله وبركاته

[* أم عبد الله * 0]

السلام عليكم ورحمة الله وبركاته،،

أختى حنان المحبة أضحكتييييينى كتيييييييييير

أضحك الله سنك

مواقف خطرة ربنا يحفظك

والله بكتب وانا لسه بضحك دى مش سواقة دى مغامرات حنان المحبة

بداية تعلمت السواقة فى 10 أيام0000وأصبحت ماهرة فى 6 شهور بفضل الله

تعلم السواقة سهل000لكن التدريب محتاج شوية وقت000والممارسة بقى حسب الشخص يحب الموضوع فيكمل000اويخاف فيبطل0000يتبع

[* أم عبد الله * 0]

أماالحادث فهو قدر الله دخلت فى تاكسى كنت ماشية فى شارع حارة واحدة وأمامى تاكسى وبعدين واحد شاورله فوقف له بسرعة ودخلت أنا فيه الحمد لله لم يحدث لى شئ غير الخضة لكن عربيته

وعربيتى مرضو شويه000وكمان سمعت كلام مؤلم جدا من صاحب التاكسى00موقف لاينسى 000

الغلط منى ومنه000لأن الواحد لمايتعلم السواقة عليه انه يعرف يسوق كويس وكمان عليه انه يعرف يتفادى اخطاء غيره000معاى رخصة من عشر سنوات لكن فعليا سقت 5سنوات00لأنى سافرت لدولة عربية لاتسمح بقيادة السيارة للمراة000يعنى بعد لما اتعودت عليها اتمنعت منها000 لكن كده أحسن!

[سلماء 140]

السلام عليكم ورحمة الله وبركاته،،

انا الن بصدد التعلم .

بصراحة كنت خائفة جدا في الاول لكن الان الحمد لله تشجعت من اجل اطفالي.

 

و ساعيد امتحان السياقة للمرة الثالثة قريبا و بكل صدق انا حقا بحاجة للسياقة خاصة انا زوجي يغيب عنا دائما لفترات لا تقل عن 3 اسابيع

و المدرسة بعيدة عن البيت .

و باذن الله سيكون استعمال السيارة للضرورة بالنسبة لي.

 

لا تخافي حبيبتي و كوني واثقة من نفسك ومنتبهة.و ان شاء الله حتكوني قائدة سيارة جيدة .

 

وفقك الله لما يحبه و يرضاه

[* أم عبد الله * 0]

أحسن حاجة الواحدة يوصلها جوزها اووالدها أو أخوها0000أولضرورة تركب مع أخت ليها تاكسى

كان فى واحدة اتعلمت السواقة وفرحت كتير وبقت توصل أبنائها المدرسة وتشترى حاجات البيت ولو حد مرض توديه المستشفى وهكذا000000000وبعدين ايه الى حصل؟

مرضت 00قامت طلبت من جوزها يجيب ويوصل ويودى0000لكن المفاجأة00انه رفض00عارفين ليه لأن هى عودته على كده أن هى المسئولة عن كل ده0000مسكينة ظلمت نفسها واتحملت مسئولية هى مش أدها مش مطلوبة منها شرعا00فرحت فى الأول بالسواقة ولكن زعلت فى الاخر0

مين الى قال ان سواقة الواحدة للسيارة لا يعرضها للأختلاط؟؟؟؟؟؟؟؟؟ لأ ده مش صحيح0000يتبع

تم تعديل 2 مايو, 2009 بواسطة خوف ورجاء وأمل

[* أم عبد الله * 0]

الى بتسوق بتتعامل مع السايس000ومع عامل البنزين0000ومع الميكانيكى000ومع أى رجل لو اتعطلت بيها العربية فى الشارع واحتاجت مساعدة000ومع عسكرى المرورلو عملت مخالفة000مع أى رجل حصل حادث بينهم0000ومع أى رجل سيارته بجوار سيارتها00ومع0000 كل الرجالة دى ممكن تعاملهم 0000وطبعا أخلاقيتهم بتكون مختلفة وربنا يعينها على كده0

[* أم عبد الله * 0]

وأخيرا000أجمل حاجة انى قررت لا لسواقة المراة00وخصوصا بعد لما ربنا أكرمنى بلبس النقاب

فكرررررررت كتير ازاى هشوف وأنا لبسه النقاب00وخصوصا الى بيسوق ضرورى ينتبه لأربع سيارات تحيطه00السيارة الى أمامه والى خلفه عن طريق المراية الأمامية00والسيارتين الى جنبه عن طريق المرايتين الجانبتين وده صعب جدا فى وجود النقاب00فحرصا منى على سلامتى وسلامة الاخرين00لا للسواقة فلما نزلت أجازة بلدى لم أسوق ولم أجدد الرخصة ودى قصتى مع السواقة0000

ومن ترك شيئا لله عوضه خيرا منه0

[ريحـانة 24]

جزاكِ الله أم عائشة ..في هذا الصيف سأبدأ بتعلم السياقة لذلك موضوع بوقته

 

أختي رجاء ... معك حق في موضوع الإختلاط .. ولكن هناك احتياجات من بلد لاخر وظروف تختلف فهناك اخوات بعيدات عن اهلهن.. وازواجهن قد يسافرون فمن سيدبر امورها واحتياجاتها..هل تلجئ إلى سائق غير محرم عليها ألا تعتبر خلوة

 

:)

ننتظر رد الشيخ محمد بن اسماعيل من ام عائشة

[سلماء 140]

السلام عليكم ورحمة الله وبركاته،،

يا سبحان الله .ننتظر ان شاء الله.

مع اني غير متفقة مع بعض الاراء .

[أمتك 1]

السلام عليكم ورحمة الله وبركاته،،

جزاك الله خيرااا

مبروك غاليتى

والله المستعان من المرور

هههههههههه

[(:بسمة تفاؤل:) 4]

وعليكم السلام ورحمة الله وبركاته،،

 

 

ألف مُبآرَكْ عَلَى السيآرة أُم عآئِشة الحَبيبة ,,

 

الحَقيقة موضوع القيآدة هذآ نفسي فيه من فترة ,,

 

وكُنت قررت هَذهِ الأيآم في الذِهآب لمدرسة تعليم نسآئية مشهورة عِندنآ ولَكِن مَنَعَني خوفي فكمآ يقولو بالمَصري عندنآ >>>> أنا جبآنة ^_____^

 

يسر الله الأمور ,, ولَكِن هَذآ الموضوع سيُشَجِعني قليلاَ عَلَى الشروع في التَعَلُم إن شآء الله

[هَمسآت المَطر 2]

السلام عليكم ورحمة الله وبركاته

بيييب بيييب وسعوا لو سمحتو الطـــــــريق

 

 

مـبارك أختنا الحبيبة ورزقكم الله خيرها وأبعدكم عن شـــرها

طرح طيب وأعتبرها إستشاره هادفه ونافعه

وكأن أسألتك أختي أم عمر تسألينها وتُجاوبين عليها بنفس الوقت

ذكرتي الأسباب والمُسببات اللي ممكن تمنعكِ من ركوب وقيادة السيارة

إذن إليكِ الحلول السليمة والطُرق الخطيرة وورقه وقلم وسجلي ماسأكتب ^_^

- إن كنتِ تريدين حقاً قيادة السيارة ضعي أمامك الأسباب التي ذكرتيها أمامك

إن كنتِ تستطعين أن تتحكمي في القيادة بدون عصبية وحكمه لكِ أن تقوديها

- إن كنتِ تستطعين غض البصر وعدم مخالطة الرجال بالكلام خصوصا لو أوقفوكِ

مُخالف ( ومش رابطه الحزام ليه ياأم عمر ) ^_^ إدفعي مبلغ وقدره لكِ أن تقوديها

- إن خفت من سواق التاكسي بلاش تركبي

- يمكن تقدري تستحملي شيئ أخف شويه من شيئ أحسن من إنك تعرضي نفسك لمخاطر

البنت جبااانه لو عملت نفسها أسد ^_^ مثلي كده

بحب أركب مع أخويا لما بيمشي بســـــرعه بتشاهد قبل ماأركب

^_^ ربنا يرزقكِ كل خير أم عمر الغاليه ولو حصل صحيح وجربتي قيادة السيارة خديني معاكِ لفه

ربنا يسعدك ياغالية عجبني إستشارتك وإن شاء الله تجدي مايَسرك

عذرا على الاطاله لكن سعدت بالرد عليكِ

[إيمان "طالبة عفو الله" 6]

وعليكم السلام ورحمة الله وبركاته،،

مبارك يا حبيبة

 

أمر قيادة السيارة يختلف من بلد لآخرى

فمثلا بالمملكة حفظها الله يمنع و يحرم قيادة المرأة للسيارة

أما بمصر مثلا فغيرها ...

 

و يوجد أخوات فاضلات معلمات زوجات شيوخ كبار هنا يقودون سيارتهن :)

 

أتمنى أن أتعلم القيادة و لعله قريبا إن شاء الله :)

و ما في مشكلة من القيادة بالنقاب

ممكن تلبسي النقاب المصري و تنزلي الطبقة اللي فوق على عينك حتى لا تظهر

 

و تكوني تسوقي على قدر قدر الحاجة :) و الباقي زوجك يوصلك له :)

ربنا يتمم لكِ على خير :)

[مسلمة مجاهدة 353]

السلام عليكــم ورحمـة الله وبركاتــة ،،

 

ألف مبارك أخت ام عائشة السيارة الجديدة

 

ان شاء الله يكون وجها خير عليكم

 

 

أما عن تجربتي بقى فإتعلمت السواقة من حوالي 6-7 سنين كده وكنت لا زلت في المدرسة حينها وبحكم القانون في البلد الذي اعيش فيه هناك مراحل في قيادة السيارة وحتى تحوزي على الرخصة الكاملة... يعني اول الطريق تتعلمي مع مدرسة ولازم تعملي ساعات معينة ومقررة من قبل الدولة (ودي كتيرة والان زادت أكتر بسبب الحوادث الكثيرة وبسبب صغر السن لهذه المرحلة) المهم بعدين ممكن تتعلمي مع احد اهلك الحاصلين على الرخصة الكاملة وممنوع انك تقودي من غير ما يكون حد معاك منهم! وده كان لمدة مش فاكرة قد ايه... بعدين تعملي امتحان للسواقة يعني بتكوني بتقودي السيارة فعلا مع احد المختبرين لك... وإذا نجحتِ بتحصلي على المرحلة الثانية وإذا لا عليك ان تعيديها مرة ثانية... المرحلة الثانية هذه تقدري تقودي السيارة بنفسك وده لمدة سنتين... بعدين تعملي امتحان تالت لكن على الكمبيوتر وكمان لو نجحت تحصلي على المرحلة الرابعة ودي بتكون آخر مرحلة قبل الرخصة الكاملة وبتكون لمدة سنة.... المهم المراحل الاخيرة دي مش بتهم كتير يعني المهم انك بتقدري تسوقي العربية بنفسك بدون ما يكون حد معاك!... وبعد مرور السنة بتعملي امتحان كمبيوتر تاني بخصوصو امور القيادة ولو نجحت تحصلي على الرخصة الكاملة والنهائية!!!!

 

وانا الان الحمد لله لدي الرخصة الكاملة طبعا كل هذه المدة كنت اقود السيارة... والحمد لله متمكنة منها ولدي ثقة بنفسي الحمد لله أسأل الله تعالى أن يحمينا...

 

 

والسواقة هنا سهلة جدا بحيث كله منظم واشارات مرور وكده.... لكن هذا الامر ما بيمنع ان في ناس مش بتعرف تسوق وبتتهور بسواقتها وبتسبب خطر عليكِ وعلى انفسهم وعلى الغير.... لذلك برضوا انتِ لازم تكوني بتسوقي عن نفسك وعن غيرك وعلى اطلاع دائما ما يجري من حولك.. يعني تنظري الى المرآة الامامية وعلى الجوانب وكل الجهات بتروي وهدوء....

 

وقد جربت قيادة السيارة في لبنان.. طبعا ما في لا نظام ولا شي... والشاطر اللي يمر!!!! ويسبق التاني .. المهم ده كان قبل ما اتعلم حتى وقتها كان زوجي بيعلمني ... ههه شوية مش كتير! وقدت كويس الحمد لله... لكن بعد حصولي على الرخصة نزلنا تاني لبنان واستأجرنا عربية وكمان قدت والحمد لله يعني جربت في بلد النظام وفي بلد غير منظم للأسف!!

 

 

*عملتى حادثة قبل كده؟

 

عملت واحدة صغيرة وده كان أيام المدرسة... ومع اصحابي بالعربية ودوشة وكده... المهم اللي امامي ضغط على الفرامل ولازم الضوء الخلفي يضوي حتى ارى لكن لم يضوي وما انتبهت انه ضغط فرامل.. وخبطت فيه لكن خبطة صغيرة لأن ما كان في سرعة... عربيته الحمد لله ما حصل لها شي انما عربيتي من الامام اتعوجت هههه المهم هنا اعصابي ما شعرت بيها وكنت بعيط وكده والناس كلها اتلمت علينا لكن الكل كان بيطمن علي ولو جرالي حاجة.... الحمد لله ربنا سلم وصاحبي العربية كان بيطمن علي وهمه اني اكون كويسة وبس... الحمد لله

 

فأنت لو عاوزة تتعلمي لازم تتشجعي وتقوي نفسك وبصي في بادىء الامر بيكون صعب عليك ومتنرفزة ومعصبة.... لكن بعدين ومع التعامل مع العربية والناس ثقتك بنفسك بتزيد ومع التمرين والتدرب بيكون كل شي كويس...وتكوني هادية ومش متهورة بالسواقة ولا بتسرعي خاصة بالشوارع الضيقة وكده اما لو كنت على اوتوستراد هذا امر تاني... ولا تنسي اهم مافي الامر انك تتوكلي على الله وتخلصي نيتك بالامر! حتى ربنا يوفقك!

 

 

وفى كمان حاجة تانية مش عارفة الأخوات بيتعاملوا فيها ازاى وهى موضوع التعامل مع من هو أمامك أو خلفك من الرجال أثناء القيادة نفسها..لازم حتبصى عليهم..ازاى بتقدري تغضي بصرك..؟

 

اولا انتِ لما بتكوني بتقودي السيارة همك هو الانتباه الى الطريق ... ولو حكم انك نظرتي على اي احد انت مش حتفضلي بتنظري عليهم لا طبعا رح تديري وجهك!

 

اما لو كان شرطي مرور ووقفك لمخالفة او لتأكد من أوراق العربية والقيادة فأنت يعني مش رح تكوني بتبصي عليه بنظرات شهوانية انما بوقار وأدب.. وتعطيه اوراقك وكده وهو يشوف شغله مش حتكوني بتتكلمي وبتهزري ... يعني برزانة ووقار ...

 

 

وبالنسبة للنقاب ازاى بتغطي عينيكي واتشوفى كويس؟

 

اولا انا مش بغطي عيوني ... منتقبة لكن بدون تغطية العيون... اسال الله ان ييسر الامور.. لكن بحكم اني محتاجة اقود العربية واهتم ببعض الشؤون... خاصة في البلد الذي اعيش فيه فهذا يصعب علي حاليا.. انما فتحة عيني مش كبيرة الحمد لله.... وبقود العربية كويس وبشوف كويس... في اول الامر قلت ازاي اقود وانا مغطية وكده... انما لأني بظهر عيوني.. الرؤية واضحة زي وانت محجبة عادي! وبتشوفي المسار الاربعة بكل وضوح!... يعني الحمد لله ما في اي مشاكل! ... وطبعا انا بسوق لما بكون محتاجة انما بوجود زوجي طبعا هو بيتولى الامر!

 

 

أنا عارفة إن ممكن أخوات تقترح إنى متعلمش وإنه ملهوش لازمة طالما زوجى حيوصلنى للمكان اللى أنا عاوزاه..

 

انا مع قيادة السيارة خاصة وقت الضرورة... يعني ممكن انه يجي وقت او تكوني في بلد بحاجة الى قيادة لعربية يعني بحكم البلد اللي فيه المسافات بعيدة ومحتاجة عربية رغم ان في مواصلات تانية لكن الافضل انك تكوني لوحدك او مع اولادك في عربيتك الخاصة! غير ان احيانا بتضطري تأخدي ابنك او بنتك المستشفى لا قدر الله في نصف الليل تعملي ايه؟! ولو كان زوجك مسافر تعملي ايه؟ مين ياخدك؟ تطلبي الاسعافات وتروحي معاهم وهم رجالة!؟ يعني الواحد بيعرف ما هي اولوياته وبيقدر يتقي الله في اعماله!

 

اما بوجود زوجك زي ما قلت سابقا هو يتولى هذه الامور! وانت تشوقي وقت الضرورة والحاجة...

 

اما بالنسبة للتعامل مع رجل البنزين والسايس والامور دي... طيب ليه انت تتعاملي معاهم؟ فين زوجك او اخوك او والدك... يقوم بهذه الامور؟!؟!؟

 

بالنسبة لي زوجي بيقوم بكل هذه الامور وما بيحبش اني اروح محطة البنزين الا اذا كنت مضطرة! بس السبب لأن هنا انت بتنولي وبتفولي السيارة مش حد تاني!!!

 

اما لشرطي المرور فده مش دايما بيكون(حسب البلد) انما اوقات ضرورة او طارىء او اي امر... والضرورات تبيح المحظورات!

 

وفي النهاية اقول كل واحدة بتعلم بظروفها وحالتها أكتر من أي شخص آخر...

 

وأختم بقوله تعالى:" فَاتَّقُوا اللَّهَ مَا اسْتَطَعْتُمْ "[التغابن : 16]

 

وعذرا على الإطالة ..

 

أتمنى ان اكون قد افدتك :)

 

[أم عائشة المصرية 242]

أشكر كل أخت نورت الموضوع وبإذن الله لى عودة للرد بالتفصيل على واحدة واحدة,,,,

 

بس ياااارب أعرف الاقى وقت

تم تعديل 3 مايو, 2009 بواسطة أم عائشة المصرية

[عرفتك فشعرت بتقصيري 1]

استمتعت برد كل واحدة منكن علي حدة

وأضحكتني الكثيرات منكن......أضحك الله سنكن

 

أم عائشة المصرية

مش هطول عليكي

 

هما كلمتين

 

 

 

كل شئ في الدنيا دي..............مبتدئ ثم متوسط ثم محترف

 

 

 

1) تعلم السواقة في حد ذاته مش هياخود منك وقت...ممكن اسبوع ويمكن اقل...اصلها خطوات هتعرفيها وخلاص....لكني طول عمري بقول ان السواقة ممارسة...كل ما تسوقي اكتر كل ما تقتربي للمهارة ثم الاحتراف

 

 

 

2) السواقة عايزة قلب جامد...لو خوفتي وانتي بتسوقي يبقي هتعملي حادثة....ثقي ان كل شئ بقدر ولا تقدري البلاء قبل وقوعه......يعني متفكريش في الموضوع دا اصلا.....والله هقولك حاجة فعلا حقيقة

لو تعرفي كم مرة انا ببقي هعمل حادثة موت علي طريق سريع وربنا بيفتديني علي اخر لحظة هتعرفي ان فعلا ان اللي يمشي علي الطريق دا مش ماشي بشطارته دا ماشي بستر ربنا

جمدي قلبك وهوني علي نفسك...يعني هي ديتها ايه...خبطة مش هتبقي حادثة زي ما انت متخيلة...لانك مش سايقة علي طريق سفر...داخل المدينة غالبا بتبقي خبطات مش حوادث

 

 

 

3) بديهي جدا في الاول هتعملي اخطاء كتير بعدين هتفتكريها وتضحكي عليها..بصي في ناس اخلاقها سيئة وبتبقي في الشارع متربصة لخطأ المرأة وممكن تضايقها بكلام....نصيحة مني قالتهالي واحدة صحبتي ونفعت...اقفلي شباك عربيتك ولا تلتفتي للناس حتي لو حاولوا يسمعوكي كلام اعملي نفسك مش سامعة ولا تتأثري بالكلمات...كلنا سمعناها...انا مرة قررت اني مش هسوق تاني بسبب كلمة سمعتها من شاب مستهتر......لو كنت استسلمت للقرار دا كان زمان اغلب مصالحي دلوقتي توقفت واكيد هو ولا هيهمه ولا فاكرني اصلا

 

 

 

4) بالنسبة للنقاب انا مش منتقبة لكن ليا صديقات منتقبات وبيسوقوا عادي وكمان المعلمة بتاعتي منتقبة وبرضو بتسوق عادي...دا مش هيعملك مشكلة ان شاء الله متقلقيش

 

 

 

5) لو لقدر الله اتعرضتي لخبطة او احتكاك في مشكلة او اي شئ....نصيحتي ليكي خليكي جوا عربيتك متنزليش منها واتصلي بزوجك يجيلك...دا من خلال تجربتي ونصايح ابي لي

 

 

 

6) في الاول بس اعصابك هتتشد وهتفتكري انك عمرك ما هتقدري تسوقي وانها اكبر من امكانياتك وان اللي بيسوق دا ازاي بيقدر يركز في كل الخطوات دي مع بعضها...لكن بعد كدة ثقي تماما انها هتكون عملة اتوماتيكية بحتة هتعمليها وانتي مش مركزة معاها اصلا....بس مستعجلييييييييييش كل مرحلة لازم تاخود وقتها

 

 

 

7) عايزة تحترفي السواقة... لازم تسوقي كتيييييييييييييير يعني مش مرة كل اسبوعين او كل شهر وبعدين تقولي انا برضو متعلمتش دا انتي عالاقل لازم مرتين في الاسبوع (علي الاقل) كل مرة لا تقل عن 3 ساعات ولا حاجة....هرجع واقولك ان السواقة ممارسة مش تعليم

 

 

ايه دا هههههههه...دول مبقوش كلمتين...معلش طولت عليكي بس يارب اكون قدرت افيدك

 

 

اه نسيت اقولك حاجة مهمة......لا تيأسي...اصل انا مريت بمرحلة اليأس دي....ومعالجة اليأس تأتي بالإصرار.........وافتكري ان المرأة اللي بتسوق ممكن يأتي عليها يوم تنقذ فيه موقف....(كلمة أبي)

 

استعيني بالله اولا واخيرا واستخيري فإن عزمتي فتوكلي علي الحي القيوم.. وعددي النوايا عشان تاخدي فيها أجر

 

وابقي طمنينا علي احوالك باستمرار.....ولو عوزتي حاجة راسلينا اكيد هتلاقي مسألتك عند حد فينا

 

 

يسر الله لكي العسير وأرشدكي إلي صواب الأمور ورشادها :rolleyes:

[سلماء 140]

استمتعت برد كل واحدة منكن علي حدة

وأضحكتني الكثيرات منكن......أضحك الله سنكن

 

أم عائشة المصرية

مش هطول عليكي

 

هما كلمتين

 

 

 

كل شئ في الدنيا دي..............مبتدئ ثم متوسط ثم محترف

 

 

 

1) تعلم السواقة في حد ذاته مش هياخود منك وقت...ممكن اسبوع ويمكن اقل...اصلها خطوات هتعرفيها وخلاص....لكني طول عمري بقول ان السواقة ممارسة...كل ما تسوقي اكتر كل ما تقتربي للمهارة ثم الاحتراف

 

 

 

2) السواقة عايزة قلب جامد...لو خوفتي وانتي بتسوقي يبقي هتعملي حادثة....ثقي ان كل شئ بقدر ولا تقدري البلاء قبل وقوعه......يعني متفكريش في الموضوع دا اصلا.....والله هقولك حاجة فعلا حقيقة

لو تعرفي كم مرة انا ببقي هعمل حادثة موت علي طريق سريع وربنا بيفتديني علي اخر لحظة هتعرفي ان فعلا ان اللي يمشي علي الطريق دا مش ماشي بشطارته دا ماشي بستر ربنا

جمدي قلبك وهوني علي نفسك...يعني هي ديتها ايه...خبطة مش هتبقي حادثة زي ما انت متخيلة...لانك مش سايقة علي طريق سفر...داخل المدينة غالبا بتبقي خبطات مش حوادث

 

 

 

3) بديهي جدا في الاول هتعملي اخطاء كتير بعدين هتفتكريها وتضحكي عليها..بصي في ناس اخلاقها سيئة وبتبقي في الشارع متربصة لخطأ المرأة وممكن تضايقها بكلام....نصيحة مني قالتهالي واحدة صحبتي ونفعت...اقفلي شباك عربيتك ولا تلتفتي للناس حتي لو حاولوا يسمعوكي كلام اعملي نفسك مش سامعة ولا تتأثري بالكلمات...كلنا سمعناها...انا مرة قررت اني مش هسوق تاني بسبب كلمة سمعتها من شاب مستهتر......لو كنت استسلمت للقرار دا كان زمان اغلب مصالحي دلوقتي توقفت واكيد هو ولا هيهمه ولا فاكرني اصلا

 

 

 

4) بالنسبة للنقاب انا مش منتقبة لكن ليا صديقات منتقبات وبيسوقوا عادي وكمان المعلمة بتاعتي منتقبة وبرضو بتسوق عادي...دا مش هيعملك مشكلة ان شاء الله متقلقيش

 

 

 

5) لو لقدر الله اتعرضتي لخبطة او احتكاك في مشكلة او اي شئ....نصيحتي ليكي خليكي جوا عربيتك متنزليش منها واتصلي بزوجك يجيلك...دا من خلال تجربتي ونصايح ابي لي

 

 

 

6) في الاول بس اعصابك هتتشد وهتفتكري انك عمرك ما هتقدري تسوقي وانها اكبر من امكانياتك وان اللي بيسوق دا ازاي بيقدر يركز في كل الخطوات دي مع بعضها...لكن بعد كدة ثقي تماما انها هتكون عملة اتوماتيكية بحتة هتعمليها وانتي مش مركزة معاها اصلا....بس مستعجلييييييييييش كل مرحلة لازم تاخود وقتها

 

 

 

7) عايزة تحترفي السواقة... لازم تسوقي كتيييييييييييييير يعني مش مرة كل اسبوعين او كل شهر وبعدين تقولي انا برضو متعلمتش دا انتي عالاقل لازم مرتين في الاسبوع (علي الاقل) كل مرة لا تقل عن 3 ساعات ولا حاجة....هرجع واقولك ان السواقة ممارسة مش تعليم

 

 

ايه دا هههههههه...دول مبقوش كلمتين...معلش طولت عليكي بس يارب اكون قدرت افيدك

 

 

اه نسيت اقولك حاجة مهمة......لا تيأسي...اصل انا مريت بمرحلة اليأس دي....ومعالجة اليأس تأتي بالإصرار.........وافتكري ان المرأة اللي بتسوق ممكن يأتي عليها يوم تنقذ فيه موقف....(كلمة أبي)

 

استعيني بالله اولا واخيرا واستخيري فإن عزمتي فتوكلي علي الحي القيوم.. وعددي النوايا عشان تاخدي فيها أجر

 

وابقي طمنينا علي احوالك باستمرار.....ولو عوزتي حاجة راسلينا اكيد هتلاقي مسألتك عند حد فينا

 

 

يسر الله لكي العسير وأرشدكي إلي صواب الأمور ورشادها :blush:

 

 

السلام عليكــم ورحمـة الله وبركاتــة ،،

ماشاء الله لا قوة الا بالله .حقا اجابتك افدتني اختي الفاضلة.

 

كلامك مضبوط ماشاء الله .و كما قلت مبتدئ متوسط محترف.جميل ما قلت اخيتي .

 

جزاك الله خيرا .رفعت لي معنوياتي .و انا عندي امتحان قريبا جدا في السياقة.

 

مشكورة اختي الحبيبة

[راماس 860]

السلام عليكــم ورحمـة الله وبركاتــة ،،

ما شاء الله مبارك السيارة ومبارك لزوجكِ ان تعلم القيادة

 

*كم من الوقت استغرق تعلمك حتى أصبحتى ماهرة؟

والله يا ام عيشة مش متذكرة يعني كم استغرقت وقت بس مش كتير في اول زواجي يعني كان لي يمكن 4 شهور متزوجة تعلمت على سيارة اوبل ريكورد طبعاً اوتوماتيك وكسرتها لما بقت خرضة :)

 

سواقة ماهرة

لسة كتيررررررررررررر زوجي يقول لي اني انا الى الان بسوق بنسبة 50%

 

*عملتى حادثة قبل كده؟

ههههههههههههههه اه عملت حادث بس مش مع سيارة :) مرة مع الحائط ومرة مع الرصيف :)

وكان مقابل البيت التي اسكن به مسجد وبجانب المسجد عامود حديد كل مرة اتي من جنب العامود و اجرح باب السيارة :)

ومرة بنصف الطريق وقفت عشان اعطس السيارة اللي ورايا هي اللي علت معايا حادث يعني مش انا صحححححح:")

 

 

*ايه هو إحساسك وانتى تقودين سيارتك سابقا(يعنى أول ما تعلمتى القيادة)؟وإحساسك حاليا؟

هه نفس الاحساس بخاف كتيرررررررررررر

 

وفى كمان حاجة تانية مش عارفة الأخوات بيتعاملوا فيها ازاى وهى موضوع التعامل مع من هو أمامك أو خلفك من الرجال أثناء القيادة نفسها..لازم حتبصى عليهم..ازاى بتقدري تغضي بصرك..؟

ولا ببص على حد ببص قدامي عشان اركز في السواقة ودايماً اخذ اقصى اليمين عشان اللي مستعجل يروح براحته :)

على فكرة انا ببلدي لا اسوق الا في الاماكن الهادئة يعني في الاوتوستراد يمكن اعمل مليون حادث

انما هنا الوضع مختلف هدوء والناس بتسوق على مهلها

 

وبالنسبة للنقاب ازاى بتغطي عينيكي واتشوفى كويس؟

للاسف انا مش منقبة اسال الله ان يمن علي بالنقاب

 

أنا عارفة إن ممكن أخوات تقترح إنى متعلمش وإنه ملهوش لازمة طالما زوجى حيوصلنى للمكان اللى أنا عاوزاه..

بالنسبة لي ولا اقترح عليكِ ابداً احياً تضطري للخروج وزوجك مش قادر تعملي ايه ؟؟؟

 

 

 

ده غير إنك ممكن توصلي قرايبك الكبار فى السن للأماكن اللى هم محرومين منها بسبب تعبهم...

ولا احد بيطلع معي بيخافوا :) وخصوصاً ماما :):):)

ماما تقولي اذا الحيط ما سلم منك هههههههههههه:")

هذا بأختصار يعني اسوق عند الحاجة القصوى والباقي على زوجي

يعني مثلاً البارح كان زوجي مشغول كتير اضطرت انا للخروج وشراء بعض مستلزمات البيت

ولكن هذا يكون قليل جداً غالباً انتظره

[عرفتك فشعرت بتقصيري 1]

السلام عليكــم ورحمـة الله وبركاتــة ،،

ماشاء الله لا قوة الا بالله .حقا اجابتك افدتني اختي الفاضلة.

 

أرجو حقا أني قد أفدتك :rolleyes:

 

كلامك مضبوط ماشاء الله .و كما قلت مبتدئ متوسط محترف.جميل ما قلت اخيتي .

 

بما إنها عجبتك فلازم أنسبها إلي صاحبتها...هي أخت لي في الله عزيزة فاضلة ذكرتها لي يوما أثناء حديثها معي ووجدتها تنطبق علي معظم أمور الحياة إن لم يكن كلها...أرجو الله أن يثيبها ويجعلها من الصالحين وذريتها إن شاء الله

 

جزاك الله خيرا .رفعت لي معنوياتي .و انا عندي امتحان قريبا جدا في السياقة.

 

وبعديييييييييين....مش قلنا نجمد قلبنا...والله الموضوع أبسط من مخيلتك ومخيلة معظم الأخوات

اقولك حاجة.......ليه دايما سواقة المرأة أسوء من سواقة الرجل؟؟؟؟؟؟

مسألتيش نفسك السؤال دا...دا واقع انا قابلته فعلا في الشارع وسلمت بيه (ان سواقة الستات سيئة)

الاجابة في منتهي البساطة.......لأنها جبانة...لو انها جمدت قلبها زي الرجل هتمشي في الشارع كويس جدا

طب انتي شوفتي رجال في بداية تعليمهم للقيادة بيفضلوا يسألوا بعض كدة ويقولوا لبعض انا خايف؟؟؟

عرفتي بقي الخوف من السيارة ممكن يعمل ايه....يبقي الحل تجمدي قلبك وتهوني علي نفسك الموضوع

والله هو هين بس احنا الستات دايما مكبرين المواضيع

 

مشكورة اختي الحبيبة

 

 

أسأل الله لكي السداد :smile:

[عرفتك فشعرت بتقصيري 1]

متأسفة ردي جاء في وسط كلامك oum ibrahim

معلش أصلي غير ماهرة في الاقتباسات