هل عندكم حل لمشكلة طفلتي الرضيعه

[غربة و حنين 0]

السلام عليكم ورحمة الله وبركاته

بنتي عندها اربعين يوم ومشكلتها ان علي لسانها طبقه بيضاء بطول اللسان مما يجعلها تخرج لسانها كتيير ورغاوي كده

جربت دواء اسمه ميكوستاتين هنا في مصر بس ما جابش نتيجه

ارجوكم ساعدوني لانها صعبانه عليه قوي هل مرت احداكن بهذه المشكله مع طفلها وياريت دكتورة المنتدي ترد عليه

وجزاكم الله خيرا

تم تعديل 24 يونيو, 2009 بواسطة غربة و حنين

[خير أمة 6]

يا حبيبة ده ممكن أو أكيد فطر

عااااجل عرضها على الطبي عشان لو الفطر انتشر مش هتاخد صدرك و انت كمان ممكن تتعدى

انا بنتى لسه خافه من الأمر ده و كنت بستعمل ميكوناز اورال و ميكوستاتين و الدكتور قالى تدهنى صدرك منهم بردو عشان العدوى

الأفضل عرضها على طبيب أولا بس بسرعه

أما بالنسبة للرغاوى فسألت الدكتورة بتاعت بنتى و قالتلى عادى

أسألى طبيب بنتك بردو

[غربة و حنين 0]

جزاك الله اختي علي سرعة الرد

وانا فعلا وديتها لدكتور وكتب لها علي ميكوستاتين ودكتوره تانيه بالتليفون قالت كده

طيب هل ممكن اعطيها الدوا التاني اللي انت كتبتي اسمه؟؟

[د/توته 0]

ممكن حبيبتي تديلها ميكوناز جيل أو ميكوبان جيل تدهني بيه 3 مرات في اليوم ومفيش قلق ان شاء الله

 

وابقي طمنينا عليها يا غاليه

تم تعديل 25 يونيو, 2009 بواسطة د/توته

[أم مصعب2 1]

الله يعافي بنتك ويشفيها

سلامتها ...طمنينا عنها

[غربة و حنين 0]

د توته جزاك الله خيرا علي الاهتمام وساشتري ميكوناز ان شاء الله واجربه ربنا يسهل

ام مصعب امين يا رب وساطمأنك ان شاء الله

[زمن الغربة 0]

السلام عليكم ورحمة الله وبركاته

كيف حال طفلتك حبيبتي الغالية أتمنى أن تكون تحسنت حالتها أسأل الله العظيم أن يعجل لها الشفاء

[زمن الغربة 0]

السلام عليكم ورحمة الله وبركاته

كيف حال طفلتك حبيبتي الغالية أتمنى أن تكون تحسنت حالتها أسأل الله العظيم أن يعجل لها الشفاء

[غربة و حنين 0]

جزاك الله خيرا علي سؤالك زمن الغربه

الحمد لله الموضوع مش كبير لا تقلقوا

[almohiba 3]

الله يعافي بنتك ويشفيها

سلامتها ...طمنينا عنها

[غربة و حنين 0]

almohiba جزاك الله خيرا علي سؤالك ان شاء الله تكون احسن

بجد يا بنات اهتمامكم ده وردودكم ليها معني كبير عندي فعلا احنا اخوات