اذهبي الى المحتوى
ام حلا

عندك استفسار عن اي شئ تحبي تعمليه او تطبخيه

المشاركات التي تم ترشيحها

السلام عليكــم ورحمـة الله وبركاتــة ،،

كيف الحال يا احلى اخوات

الموضوع دا فكرتو جاتلى لانى محتاجة اسئلة كتير

يعنى كل واحده عندها استفسار عن اكلة معينة او مقادير او طريقة

اى اخت تدخل وتكون ماهرة اى طباخة محترفة فى الاكلة دى تجيب عليها فورا

بالنسبة لى عندى اسئلة كتيييييييييييييير جدا

يعنى هستنفع منكو قوى

1- عايزة تتبيلة للفراخ تكون جامده قوى يعنى مية مية؟

 

طريقتين

بحمر الفراخ جنب المحشى

بحط عليها صلصة من المحشى

بعد سلقها

واحطها تتحمر

تحت الشوايه

 

 

وفى فراخ بالبصل وهى نايه ببشر بصل كتييييييير

واحط التوابل كلها وطماطمايه

وشوية ميهواسيبها تاخد غلوة عى النار

واحطها تستوى فى الفرن2-ليه الملوخية ساعات بتسقط منى يعنى بتنزل تحت والشوربة فوق؟

 

 

 

اما الملوخية

 

تغلى الشوربة

 

تضعى الملوخيه فى حلة الطبخ وتسقى الملوخية شوربة حبه بحبة لغاية ما تكون تقيلة مش تديها شوربة كتير

 

 

وتحمرى توم فى سمن وتطشيها بعد ملتشيليها من ع النار ماتخليهاش تغلى

 

وتطوشيها بالتوم المحمر بالسمن وتغطيها وبالهنا

سبب سقوطها احيانا

 

هو انك تسيبيها تغلى اوعى تغلى منك

 

 

 

 

 

2- المحشى هل بيكون الخضرة بتاعتو شبت وبقدونس بس ولا كسبرة كمان؟

 

 

شبت وبقدونس وكزبرة

ياله يا بنات عايزين نفيد بعض

واى قمر عندها سؤال متترددش

بارك الله فيكم

شارك هذه المشاركه


رابط المشاركه
شارك

السلام عليكم ورحمة الله وبركاته،،

ماشاء الله الأخوات ما قصروا

 

وبارك الله فيكِ أختي أم سلمى على الفكرة الطيبة

 

وإن شــاء الله الاستفادة للجميع

شارك هذه المشاركه


رابط المشاركه
شارك

انا عندى سؤال 000ليه الكيكه الاسفنجيه بتهبط بعد ما بتكون منفوشه؟؟؟انا زعلانه من كدة قوى حد يقولى اوام000 :smile:

شارك هذه المشاركه


رابط المشاركه
شارك

مممممممممم موضوع جميل زيك ياام سلمى

 

بصى ياستى على حد ما اعرف ان انتى عشان الملوخيه ما تسقطش تعملى الاتى بجد

 

اغلى شوربه مش كتير اوى وبعدين حطى الملوخيه وقلبيها وطبعا طشه السمن بالتوم اللى حمرتيه تضعيه فورا وتقلبى

وهى غلوتان فقط وانزعى الراغاوى ثم تغطى الحله بالغطا بسرعه حتى لا تسقط الملوخيه ............ملوخيه حماتى

ده سرها وبصراحه بتكون رووووووووعه

 

اما الاخت هناء الكيكه عشان تكون معاك منفوشه وكويسه

 

حبيبتى اولا اتأكدى انك خلطتى المكونات كلها فى اتجاه واحد يعنى يااما يمين يااما شمال

 

وبعدين بعد ما تضعيها فى الصينيه اياكى ان تسويها بالمعلقه لا حركيها كده لحد ما تتساوى الاطراف

 

واهم شئ ضعيها بالفرن على درجه 180 درجه لمده 45 دقيقه ولا تفتحى الفرن قبلها نهائيا

شارك هذه المشاركه


رابط المشاركه
شارك

يا اخوات انا بموت فى الهمبركر

وعايزة اعملو في البيت بس مش عارفة مقادير و طريقة العجينة التي تعمل به

 

 

 

ارجوا الافادة جزاكن الله كل´خير

شارك هذه المشاركه


رابط المشاركه
شارك
يا اخوات انا بموت فى الهمبركر

وعايزة اعملو في البيت بس مش عارفة مقادير و طريقة العجينة التي تعمل به

 

 

 

ارجوا الافادة جزاكن الله كل´خير

جزانا واياكي ياقمر

انا اصلا بحبك يازهره المنتدي وفرحت انك طلبت اي مساعده عشان اقدمهالك

انا دايما بعمله ف يالبيت ومبشترهوش من بره وبيطلع اجمل من اللي بره كمان

بصي ياقمر

المقادير

1/2 كيلو لحم مفروم

1/2 كوب بقسماط ناعم

1/2 كوب لبن

بصله مفرومه ناعم

((اخدت بالك من نص نص كل شويه البصله ياعيني اللي مش نص بس يلا هههههههه))

الطريقه

تخلطي المقادير الي ان يتشرب اللحم اللبن وطبعا هيتشربه علي طول دا نص كوب لبن

تضيفي الملح والبهارات

ترصيها في قالب زي بتاع التوست كدا ولو مش عندك هاتي صنيها طويله عاديه ورصيه عجينه اللحمه اللي عملتيها في جنب الصنيه كدا كانك بحطيها في القالب بالظبط متفرشهاش في الصيه كلها طبعا فهمتيني ياقمر

تدخليها الفرن ساعه وبعدين تقطعيها اقراص وبالف هنا وشفا لاجمل زهره

سلام ياقلبي

اختك احساس جميل

شارك هذه المشاركه


رابط المشاركه
شارك

السلام عليكم ورحمة الله

 

ارجو أن حد يفيدنى من الأخوات عن بعض المكونات للسلطات هل هى موجودة فى مصر وإن كان نعم فمن أين

 

 

علبة فاصوليا حمراء

رأس ملفوف

علبة حمص

 

انا فهمت ان الملفوف \ا الكرنب صح كده ولا غلط؟

 

وكمان ايه الفلفل الأبيض؟ بهار مثلا؟؟؟

 

جزاكم الله خيراً

شارك هذه المشاركه


رابط المشاركه
شارك

سؤال آخر فى موضوع التوست

 

هل هناك قالب يمكن شراؤه حتى اعمل التوست؟

تم تعديل بواسطة نفسٌ توّاقة

شارك هذه المشاركه


رابط المشاركه
شارك
السلام عليكم ورحمة الله

 

ارجو أن حد يفيدنى من الأخوات عن بعض المكونات للسلطات هل هى موجودة فى مصر وإن كان نعم فمن أين

 

 

علبة فاصوليا حمراء

رأس ملفوف

علبة حمص

 

انا فهمت ان الملفوف \ا الكرنب صح كده ولا غلط؟

 

وكمان ايه الفلفل الأبيض؟ بهار مثلا؟؟؟

 

جزاكم الله خيراً

 

 

حبيبتي الغاليه اعتذر لتاخري عن الرد بس والله كل ماافتح الصفحه وخلاص هرد تحصل حاجه تعطلني تقبلي اعتذراري

علي حد معرفتي ان الحمص عند اي بائع حبوب والملفوف موجود في مصر وهو كرنب زي ماانتي قولتي بس بيبئي صغير كدا للسلطه

واكيد الفاصوليا الحمراء دي موجوده برده بس انا مش عارفه فين؟

اما الفلفل الابيض

الفلفل الابيض

الفلفل الابيض ليس الا الفلفل الاسود لكنه مقشور وقرأت انه يوضع مع اللبن الذي تشربينه كل صباح في اايام الدوره ليستخدم لتضيق المهبل

شارك هذه المشاركه


رابط المشاركه
شارك
سؤال آخر فى موضوع التوست

 

هل هناك قالب يمكن شراؤه حتى اعمل التوست؟

 

 

ايوه ياحبيبتي هناك قالب مخصوص لعمل التوست

حاولت اجبلك صورته لكن لم اسنطع

ولكن اذا ذهبت اي مكان للادوات المنزليه للمطبخ

واسألي عن قالب التوست فهو شئ معروف جدا

بارك الله فيكي

واي سؤال انا تحت امرك في حدود علمي

شارك هذه المشاركه


رابط المشاركه
شارك

 

السلام عليكــم ورحمـة الله وبركاتــة ،،

اخواتي الحبيبات ليه لما اعمل رز السمك المصري بالبصل يعني بيعجن مني ارجو الافاده ولكن الاجر بإذن الله

شارك هذه المشاركه


رابط المشاركه
شارك

السلام عليكم ورحمة الله وبركاته،،

كيف حالك أختي الحبيبة ؟؟ إن شاء الله بخير

معروف أن البصل يحتوي على الكثير من الماء ...فعندما تطبخينه في أرز السمك قللي من كمية الماء المعتادة لأن البصل بينزل الماء الموجود فيه

ولهذا يعجن معك ....والله أعلم

شارك هذه المشاركه


رابط المشاركه
شارك

حبيباتى الغاليات

سبب سقوط الملوخية اهم سبب هو خرطها زيادة عن اللزوم

يعنى لا تقومى بخرطها الى ان تصبح معجونة

والاخر لا تغطيها عند التسوية فقط غطيها بعد الطشة

ولا تكثرى عليها الغليان يادوب غلوة واحدة

 

 

الكيك سبب هبوطها

خروج الهواء منها اثناء العمل

او درجة الحرارة عليها عالية جدااااا

او تركها مدة طويلة زيادة عن اللازم فى الفرن

شارك هذه المشاركه


رابط المشاركه
شارك

اختي حاولي ان تقللي كمية الماء عن المعتاد و لما تسقطي الارز في المية شوفي المية مغطياه ولا لا بس تبقى اقل من ما بتعملي الارز الابيض العادي

شارك هذه المشاركه


رابط المشاركه
شارك

في بقى طريقة ارز السمك بس يبقى احمر خطير تحسي ان فيه طعم الجمبري

 

تقطعي البصل زي ما انت عاوزاه بي تبقى كمية كويسة و تحمريه في زيت السمك اللي قليتي بيه و تقطعي معاه فصوص توم و تقلبي و تكوني عاصرة الطماطم بعد ما يحمر البصل حطي عصير الطماطم بي ما يبقاش تقيل اوي و سيبيه لحد ما يغلي حطي البهارات المتعوده تحطيها و بعدين سقطي الرز و لما يتشرب وطي النار بالهنا و الشفا

شارك هذه المشاركه


رابط المشاركه
شارك

عليكم السلام ورحمة الله وبركاته

 

حبيبتى أم جورى انا هاقولك علي الطريقه اللي بعمل بيها الرز مع السمك وبيطلع تحفه

 

واتعلمتها من شيف سمعته علي قناة الرحمه او الحكمة مش فاكرة

 

تجيبي البصل وتقطعيه زى مانتى عايزة وتحمريه اوى وتقطعي معاها طماطم قطع صغيره وتحطيها معاها وهو بيتحمر وبعد كده تحطر الميه وتسيبيها تغلي مع البصل دى اللي هاتسقي بيها الرز

 

ع نار تانيه هاتى بصلة وقطعيه قطع صغيره اوى وشوحيها في شوية زيت (انا بصراحه مش بستخدك زيت السمك في الرز خالص)مش تحمريها يادوب لونها يصفر وضيفي عليها جزرة مبشورة ولو عايزة ضيفي كمان حباية فلفل حاميه بتدى طعم حلو اوى وتكونى غاسله الرز وتصفيه من المية كويس اوى

وتحطيه وتقلبيه مع الخلطة دى شويه دا بيخليه يطلع مفلفل وتتسقيه بالميه المغليه بتاع البصل بعد ماتصفيها انا بحط ورق لورى مع الميه وهى بتغلي عشان تدى طعم وريحه حلوة

اه نسيت اقولك تضيفي كمون وكارى علي البصله والجزر وانتى بتشوحيها

 

الجزر بيمتص المرارة اللي بيسببها البصل المتحمر

 

ودى بجد عن تجربة وطلع احمر وجميل وتحفه

تم تعديل بواسطة نسمة الريحان

شارك هذه المشاركه


رابط المشاركه
شارك

اه نسيت اقولك حاجه كمان مهمه

 

لو عايزة تعرفي الميه اللي بتحطيها كتير ولا لأ

 

وقفي معلقه خشب مقلوبه في نص الحله لو وقفت يبقي المية مظبوطه لو مالت يبقي الميه كتير

شارك هذه المشاركه


رابط المشاركه
شارك

https://akhawat.islamway.net/forum/index.ph...p;#entry2534263

انشاء الله تنفعك طريقة عمل سويسرول هذه

لانني جربتها و طلعت روعة

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

أختى أم جورى حياكِ الله أنا بعمل رز السمك جميل جدا والحمد لله

 

أولا تقطعى بصل كتير شويه وتحمريه فى زيت وبعد ما يتحمر حطى معاه جزر مبشور وبشر برتقال وبشر ليمون وشوية قرفه

 

مطحونه وكمون وملح دي بتتديكى ريحه جميلة للرز وطعم رائع وبعدين تحطى الرز وتقلبيه فى الخلطه وبعدين حطى عليه الميه سخنه وتكون بمقدار

 

يعنى مغطيه الرز بمقدار إرتفاع عقلة إصبع واحده وقلبيه وتكونى مجهزه فصين توم ناعم مدقوق وضفيه للميه مع الرز ولما

 

يبدأ الرز يشرب الميه هدئي النار عليه وسبيه لما يستوى ومتحوليش تقلبى كتير علشان ميتعجنش منك وبالهنا والشفا حبيبتى

 

يا رب يكون عجبك .

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×