(¯`·._) (أسرار وأخبار في مطبخ أم سلمى) (¯`·._)

[#ام سلمى# 1]

ايه الجمال ده يا ام سلمى

لالا شكلك تنفعى ست بيت ايه

يا بخت ابو سلمى بيكى

ربنا يخليكى يا ام الاشبال

هما الخبرة مبتجيش الا من الاسئلة

انى كنت بسئل دى ودى

وحماتى الله يكرمها علمتنى حاجات كتير بردو

على فكره يا اشجان احسن حاجه للصراصير وعن تجربه ومن غير ريحه مؤذيه عشان الاولاد

هى

عجينه الصراصير

فعلاااااا

بصراحة انا جربتها قبل الاكسوفيل ومعملتش حاجة

يمكن اللى بتتباع عندنا فى الشرقية مغشوشة

والاكسوفيلعلى فكرة تكاد تكون ريحتو منعدمة

[ام رميساء و جنى 16]

نسيت اقلك لو في امكانية تدينا صورة عن مطبخك

 

بانتظار الاجوبة

[#ام سلمى# 1]

السلام عليكم ورحمة الله وبركاته،،

وعليكم السلام ورحمة الله وبركاته،،

ولا تزعلي ... أنا مش من مصر ... أنا من طنطا ^_^

احسن ناس بس انا توقع انك مش من مصر خالص لانك معرفتيش ايه التربو

امال عندكم اسمها اية؟؟؟؟؟

ويا ريت تردي عليا بسرعة لأني ناوية آخذ المبيد معايا وأنا راجعة السعودية إن شاء الله لأني بعاني بشدة من الحشرات هناك بأنواعها

بصراحة انا لسه مسالتش

بس مسلمة اختها قالت انو هو اكسوفين وجربتو وقالت ان نتيجتو عايلة وهى قايلة كده فى الرد اللى بعد ردك

ممكن تقولي لنا إيه هو جدولك اليومي والإسبوعي والشهري والسنوي لتنظيف المطبخ والبوتجاز والثلاجة ... ويا ريت يكون بالتفصيل الممل

اليومى يا ستى اول حاجة بعملها بجيب فوطة وابلها بماية دافية وخل وامسح بيها ارفف التلاجة واشوف ايه الاكل اللى مش هكلو واحطو للقطط او لطيور جارتى

وبعدين بجمع الاطباق والمواعين كلها فى طبق واشيل كل اللى فى المطبخ وعلى البوتجاز ولما يجيلى مزاج اغسلهم ولان الماية عندى بتقطع كتير

وبعد غسلهم اكنس المطبخ

بالنسبة لمسيح المطبخ بمسحو واغسل البوتجاز سبت وثلاثاء او حسب احتياجى لو اكتر او اقل0

التلاجة كل شهر

ويم التلاجة دا بقوم فصلاها ومنضفاها كويس واسيبها تتهوا شوية وارص الحاجة بمزاج وانضف الارفف الخشب للمطبخ واشوف ايه اللى ناقصنى من الخزين واجيبوبالنسبة للزبالة برمى اللى فيها كل يوم وبرشها بمبيد اللى هو الاكسوفيل علشان الدبان ومش بسمح المطبخ كل يوم لانى حاطة فية موكيت

بس هو دا اللى فكراه

[#ام سلمى# 1]

شيماء حبيبة قلبى

 

انا متشكره اوى يا احلى شيمو فى الدنيا فعلاٌ المبيد طلع تحفه

 

نهى على الصراصير نهائياٌ لسه اختى جايه دلوقتى من الشقه ووجدت الصراصير كلها بقيت ضحايا

 

الحمدلله ربنا يعزك يا ام سلمى وقريب اووووووووووووووووووى تيجى تفرحينا وتبشرينا يارب بحملك

 

امه الرحمن اشتريه بقلب جامد وعلى فكره اسمه اكسوفين

 

جزاكى الله خير يا اجمل شوشو

اوكى يارب عقبال اما تقضى عليهم نهائيا

بس خليها ترش مرتين تلاتة كمان علشان تكون قضت عليهم خالص

وياريت تقولى للامة الرحمن جابتو منين وبكام[وسط][/وسط]

لان ممكن يختلف من بلد لبلد

جزانا الله واياكى يا اشجان بحبك يا عسل

[#ام سلمى# 1]

ما شاء الله على الموضوع الجميل دا انا اول مرة ادخل هنا وعجبني جدا

نورتى يا سهومة انتى الاجمل ياعسل

بالنسبة لاسئلتي

ياسلام يعنى مش جاية ايدك فاضيية لازم اسئلة اتفضلى يا هانم

هل مطبخك كبير ام صغير واي نوع تفضلين

مطبخى متوسط وافضل الوسط لانى فى بيت بابا مطبخنا كبير جدا وعلشان اروح للتلاجة امشى مسافة واللبوتجاز مسافة يعنى كل حاجة بيعدة عن بعض

انما مطبخى كل حاجة قريبة للتانية0

هل تفضلين استعماال الميكرويف والات التسخين

بصراحة معنديش ومالو البتوجاز يعنى

هل لديك طاقم اواني يعني تشكيلة وحدة او اون واحد ولا بتشتري من كل نوع شكل

عندى طقم حلل المونيوم وطقم صاج وطقم استل و4 حلل وطاسات تيفال

يعنى عندى كل الانوع بس بحب استخدم التيفال فى الارز والقلى والصاخ فى الاكل المسلوق0

هل لديك ستائر لتزين المطبخ

لا عندى واحدة على باب المطبخ لانى معنديش باب فدى يعتبر الباب بتاعى

ومعنديش جوة المطبخ

نورتى ياعسل

[#ام سلمى# 1]

ايه ياام سلمى يا شيمو يا عسل الحلاوة دى كلها

ربنا يبارك لنا فيكى يارب

ده انتى استاذة والله

هتحاجك كتير اوى بس بعد الجواز

بحبك اوى

عبودة هنا يا مرحبا يامرحبا

بكرة ياختى ان شاء الله هتتعلمى كل حاجة متقلقيش

عارفة ياعبودة اول ما اتخطبت جوزى قالى انتى ليكى فى الطبخ

قولتلو يعنى قالى يعنى هروح المستشفى الحمد لله المستشفى بتاعة عمى وهحجز اوضة هناك

الكلمة دى رغم انو قالها بهزار بس عملت تحدى بينى وبين نفسى وقولت هوريلو اكلى

والحمد لله عمروا ماقلى اكله طلعت وحشة

لانى من النوع اللى بسال

يعنى متخفيش بكرة الزنقة هتعلمك كل حاجة

[#ام سلمى# 1]

نسيت اقلك لو في امكانية تدينا صورة عن مطبخك

 

بانتظار الاجوبة

بصراحة معرفش لانىمعنديش موبيل بكاميرا

بس دورت وجبتلك واحد قريب منو

هو شبهو بس على اكبر ولونو بنى

وحاطة جمبو التلاجة والبوتجاز

[ام رميساء و جنى 16]

ما شاء الله جميل يا شوشو وباين عليك ست بيت ممتازة

[أم عائشة المصرية 242]

أختى ام سلمى

جزاكِ الله خيرا على المعلومات الجميلة

حقا استفدت منكِ..ومنورة الموضوع..

 

اسمحيلي اسألك..بما إننا بنتكلم على المطبخ فأكيد حنجيب سيرة الأكل..

أحيانا الواحدة منا بتزهأ من التفكير فى السؤال اللى بيقابلنا كل يوم..."حنتغدى إيه انهرده"...

لو مليتي من التفكير فى غداء لأسرتك..إيه أول حاجة بتيجي على بالك من الأكلات السريعة ؟

[#ام سلمى# 1]

ما شاء الله جميل يا شوشو وباين عليك ست بيت ممتازة

ربنا يباركلك يا سهومة

ولا ممتازة ولا حاجة

انا لسه مبتدئة من 3 سنين بس

بحبك فى الله

[#ام سلمى# 1]

أختى ام سلمى

جزاكِ الله خيرا على المعلومات الجميلة

حقا استفدت منكِ..ومنورة الموضوع..

جزانا الله واياكى يا حبيبتى

استفدتى منى انا دا من حسن تواضعك احبك فى الله

اسمحيلي اسألك..بما إننا بنتكلم على المطبخ فأكيد حنجيب سيرة الأكل..

أحيانا الواحدة منا بتزهأ من التفكير فى السؤال اللى بيقابلنا كل يوم..."حنتغدى إيه انهرده"...

لو مليتي من التفكير فى غداء لأسرتك..إيه أول حاجة بتيجي على بالك من الأكلات السريعة ؟

اشترى كشرى من برة ههههههههههههه

اول حاجة ولانها سهلة فتة ولحمة وسلطة

يا صنية بطاطس

دى اسرع اكلتين عندى بينفعونى فى الزنقة

يا اما سمك لانى بكون مجهزاة فى الفريزر والتوم متاشر يعنى بقلية واعمل رز وسلطة بس

[~ أم العبادلة ~ 1903]

السلام عليكم ورحمة الله وبركاته

امه الرحمن اشتريه بقلب جامد وعلى فكره اسمه اكسوفين

ماشي يا جميل، احنا خلاص عرفنا مكان المحل اللي ممكن نشتري منه ويا رب زوجي يفضى يروح ويجيبه

 

احسن ناس بس انا توقع انك مش من مصر خالص لانك معرفتيش ايه التربو

امال عندكم اسمها اية؟؟؟؟؟

بإختصار شديد يا ستي أنا عشت معظم حياتي بالخارج وما كنتش أعرف شئ غير الدراسة والشغل أما البيت فلا أعرف عنه شئ إلا إذا أمي حفظها الله تعبت وبالتالي لا أعلم عن أسماء الأشياء

 

وأنا كنت بسميه سبت بعدة أدوار

 

سؤال على الماشي

لا أتذكر مَنْ مِنْ الأخوات قالت إنها فارشة المطبخ موكيت أو سجاد

 

فما رأيك في هذا الأمر، هل هي فكرة عملية بما إن أرضية المطبخ بتتسخ بإستمرار؟؟

ما هي نصيحتك في الكيفية التي تنظف بها السجاد بإستعمال المساحيق العادية لمن ليس لديه منظف سجاد؟؟

[#ام سلمى# 1]

بإختصار شديد يا ستي أنا عشت معظم حياتي بالخارج وما كنتش أعرف شئ غير الدراسة والشغل أما البيت فلا أعرف عنه شئ إلا إذا أمي حفظها الله تعبت وبالتالي لا أعلم عن أسماء الأشياء

 

وأنا كنت بسميه سبت بعدة أدوار

ربنا يوفقك ماهو الواحده كده تدلع فى بيت ابوها وتدخل المطبخ فى بيت جوزها واولهم انا ههههههههه0

فما رأيك في هذا الأمر، هل هي فكرة عملية بما إن أرضية المطبخ بتتسخ بإستمرار؟؟

انا حاطة عندى وبغسلها كل اسبوع بس هى مش سجادة هى مشاية طرية وكل اسبوع بغسلها فى الاتومتيك

هى جميلة وبتخلى المطبخ شكلو حلو ولانى من النوع اللى بمشى فى البيت حافية فلازم الارضيات كلها تكون متغطية0

ما هي نصيحتك في الكيفية التي تنظف بها السجاد بإستعمال المساحيق العادية لمن ليس لديه منظف سجاد؟؟

انا ليا طريقة مختلفة فى غسيل السجاد والكل بيشكر فى جمال سجادى رغم ان اللون السمنى هو الغالب فيه

بس لانى سجادى مبيتاثرش بالماية السخنة والكلور يعنى بيستحمل

انا بسخن ماية فى الغالاية بتاعة الهدوم قوى واحط عليها سافو او اى مسحوق وكلور ولو فى صابون سجاد يبقا كويس مفيش عادى

واحط ماية عادية على السجادة واحط حبة من الماية المغلية بالاضافات وادعك بسيط خالص يعنى يادوب الصابون يجى على كل حتة فى السجادة

وبعدين اسبها ربع ساعة الى نص ساعة وارجع ازودها ماية سخنة وادعك مبتخدش خمس دقايق دعك لان الماية والمنظفات بيكونو بوشو البقع خالص

وبعدين بشطفها كويس وتصفى وانشرها

بس لو فى خطوة مغهمتهاش اسئلى انا تحت امرك

[~ أم العبادلة ~ 1903]

انا ليا طريقة مختلفة فى غسيل السجاد والكل بيشكر فى جمال سجادى رغم ان اللون السمنى هو الغالب فيه

بس لانى سجادى مبيتاثرش بالماية السخنة والكلور يعنى بيستحمل

انا بسخن ماية فى الغالاية بتاعة الهدوم قوى واحط عليها سافو او اى مسحوق وكلور ولو فى صابون سجاد يبقا كويس مفيش عادى

واحط ماية عادية على السجادة واحط حبة من الماية المغلية بالاضافات وادعك بسيط خالص يعنى يادوب الصابون يجى على كل حتة فى السجادة

وبعدين اسبها ربع ساعة الى نص ساعة وارجع ازودها ماية سخنة وادعك مبتخدش خمس دقايق دعك لان الماية والمنظفات بيكونو بوشو البقع خالص

وبعدين بشطفها كويس وتصفى وانشرها

بس لو فى خطوة مغهمتهاش اسئلى انا تحت امرك

^_^

 

طيب لو حبيت أستعمل طريقتك في غسل سجاد الأنتريه

يا ترى ممكن أغسله في مكان صغير زي الحمام؟؟

ولا عايزة مكان كبير زي غرفة علشان السجادة تكون مفرودة كلها؟؟

ولا إنتي كنتِ حاطاها في غلاية الهدوم بما إن المشاية بتاعتك أكيد صغيرة

 

ولا الطريقة دي ما تنفعش في غسل سجاجيد الأنتريه ؟؟

لو ما تنفعش ممكن تقوليلي على طريقة تنفع وتكون سهلة ما أتعبش فيها ^_^

[صاحبه القلب الطيب 12]

يعنى متخفيش بكرة الزنقة هتعلمك كل حاجة

 

صدقتى والله ياام سلمى

 

وبالفعل اكتشفت انك ست بيت شطووووووووووووره

 

وياجماعه فعلا هو اسمه اكسوفين ههههههه زياده تأكيد

 

بحبكوا فى الله

[أم عائشة المصرية 242]

فينكم الموضوع نايم كده ليه....

 

 

بصي يا أم سلمى..انتى عندك أطفال؟

 

 

لو عندك؟ ايه أخبار حجرتهم..بتقدرى تحافظي على نظافتها باستمرار ولا حالتها زى حجرة أطفال >_<

[#ام سلمى# 1]

فينكم الموضوع نايم كده ليه....

علشان انتى مش موجودة يا قمر منورة

بصي يا أم سلمى..انتى عندك أطفال؟

لا يا حبيبة قلبى معنديش ربى يرزنى انا وسهومة وكل نساء المسلمين

لو عندك؟ ايه أخبار حجرتهم..بتقدرى تحافظي على نظافتها باستمرار ولا حالتها زى حجرة أطفال >_<

من دلوقتى يا حبيبة قلبى الاوضة بتاعتى لا تسر عدو ولا حبيب

لان فيها الكمبيوتر وبنام فيها وبناكل فيها وبنقعد فيها ونصلى فيها

كل حاجة فيها يعنى تقدرى تقولى مش بستعمل حاجة من الشة غير اوضة الاطفال والمطبخ والحمام

لما اجيب بيبى ان شاء الله نشوف هتزيد ايه عن دلوقتى هى مش ناقصة خالص

[~ سماح ~ 1]

اهلا يا ام سوسو

وحشتيني خااااااااااااالص يا قمورة

سرالي

نصيحتك للمبتدئات في الطبخ زي حالاتي طبعا ؟

ايه هو ورق العنب ؟ بسمع عنه كثير و مش عارفاه ^_^

راجعالك

[#ام سلمى# 1]

اهلا يا ام سوسو

وحشتيني خااااااااااااالص يا قمورة

سرالي

نصيحتك للمبتدئات في الطبخ زي حالاتي طبعا ؟

ايه هو ورق العنب ؟ بسمع عنه كثير و مش عارفاه ^_^

راجعالك

يا حبيبة قلبى يا محبة

انتى فين يا سمسمة

وحشتينى خالص

ايه يا بنتى اغيب وارجع مش الاقيكى خالص

ايه اخبارك يا عسل

بالنسبة لورق العنب هرجع اقولك كل حاجة عنو

بس شوية كده لانى بغسل السجاد وقولت ادخل ارتاح شوية

بحــــــــــــــــــــــــــــــــــــــــــــــــــبك

[~ سماح ~ 1]

اهلا يا قري

معلش كنت في زحمة الامتحانات و بعدين الاجازة اخدتني

بس انا رجعت اهو

و مستنياك ترجعي يا قمر

و انا كمان بحبك في الله

ربنا يخليك لنا يا قمر

[أم عبد الوارث 24]

السلام عليكم ورحمة الله وبركاته،،

 

كيف حالكن يا بنات؟ أعتذر بشدة عن غيابي

 

لي عودة لقراءة ما فاتني ان شاء الله :)

[#ام سلمى# 1]

السلام عليكم ورحمة الله وبركاته،،

 

كيف حالكن يا بنات؟ أعتذر بشدة عن غيابي

 

لي عودة لقراءة ما فاتني ان شاء الله :)

وعليكم السلام ورحمه الله وبركاته

تسلمى يا امة

انا كنت عايزة اختار واحده فى نهاية اسبوعى

بس قولت لما انتى تيجى

اختار من دلوقتى ولا نخليها بعد رمضان باذن الله

[موده واخاء 417]

ازييك يا ام سلمى كيفك ياغاليه وحشتينى اوى والله ياحتة سكره

 

امة الله الموضوع ده جميل جدا وعاجبنى اوى وام سلمى دمها زى السكر فيه

 

 

لو عندك؟ ايه أخبار حجرتهم..بتقدرى تحافظي على نظافتها باستمرار ولا حالتها زى حجرة أطفال >_<

 

من دلوقتى يا حبيبة قلبى الاوضة بتاعتى لا تسر عدو ولا حبيب

لان فيها الكمبيوتر وبنام فيها وبناكل فيها وبنقعد فيها ونصلى فيها

كل حاجة فيها يعنى تقدرى تقولى مش بستعمل حاجة من الشة غير اوضة الاطفال والمطبخ والحمام

لما اجيب بيبى ان شاء الله نشوف هتزيد ايه عن دلوقتى هى مش ناقصة خالص

 

انا زييك بالظبط يا ام سلمى بالظبط

[ام جويريه78 0]

السلام عليكم يا شيمو انا حبيت بس اسلم عليكى علشان انتى وحشتينى موت والله

 

يالا بس للاسف انا دخلت متأخر الساحه الانتى عارفاها البالى بالك ياعنى اتقفلت

 

اهئ اهئ اهئ اهئ اهئ يالا كل سنه وانتى طيبه يا حبيبت قلبى

 

وانا عندى سؤال بقى بخصوص المطبخ انتى بتحبى اكلت ايه

 

وايه الاكله الانتى حاسه انك لازقه عليها بتعمليها كل شويه يعنى

[#ام سلمى# 1]

ازييك يا ام سلمى كيفك ياغاليه وحشتينى اوى والله ياحتة سكره

الله يسلم قلبك يا عسل والله انتى اللى سكرة وفرحانة بمعرفتى بيكى قوى

امة الله الموضوع ده جميل جدا وعاجبنى اوى وام سلمى دمها زى السكر فيه

تسلمى يا ام بيدو انتى السكر كلو يا حبيبتى

انا زييك بالظبط يا ام سلمى بالظبط

انا عارفة امال ايه لزمتها الاوض التانية ادام احنا بنستخدم واحدة بس

ياله اهو بنوفر مجهود فى تنضيف الشقة كلها يبقا اوضة واحده