ساعدونى وحيده وكلكم اخواتى

[zhraa 0]

السلام عليكم ورحمه الله وبركاته

 

علشنا ما اطيل عليكم

 

انا تزوجت العام الماضى ولسه ربنا لم يرزقنى بالزريه الصالحه

 

كنت عوزه اخذ رايكم فى شئ

 

زوجى بيشتغل فى بلد وانا عايشه مع اهلى فى بلدى وكمان بشتغل لكن والله مش بحس انى مبسوطه الا وزوجى معايا وبحس بالامان والحنان وخصوصا ان والدى توفى وانا عمرى 10 سنوات

 

لكن نفسى اعيش حياه زوجيه مستقره واكون مع زوجى ديما ومش عارفه اعمل ايه اتوكل على الله واترك شغلى واستقر مع زوجى علشان يكون بينا موده ورحمه وده اساس الزواج وكمان الست ليها سن محدد

 

للانجاب وخصوصا انا عندى 27 سنه ونفسى يكون عندى طفل والدكتورة قالت لى لازم تكونى مع زوجك فتره علشان يحصل انجاب مش كل سنه شهر بس ؟

 

ولا خلينى فى شغلى وزوجى ينزل اجازه كل سنه؟

 

ياريت تقولو لى اعمل ايه وخصوصا ان زوجى بيشتغل فى دوله عربيه وظروف المعيشه هناك مرتفعه وانا نفسى استقر معاه وفى نفس الوقت اشتغل علشان اساعده ونكون حياتنا سوا

[رحيـل الغد 101]

وعليكم السلام ورحمة الله وبركاته،،

 

 

حياكِ الله أختي الحبيبة زهرة .. أسأل الله أن ييسر لكِ الخير ويجمع بينكِ وبين زوجكِ ويرزقكما سعادة الدارين

 

من الطبيعي ألا تشعري باطمئنان وراحة ما دمتِ تعيشين في بلد وزوجكِ في بلد آخر، وسبحان من جعل الزوج سكن فلا استقرار إلا معه فأرى أنه صعب جداً الاستمرار بهذا الحال يا حبيبة سواء بالنسبة لكِ أو لزوجكِ.. فهو في غربته هناك يحتاج لزوجته ليحصن نفسه ويعفّها وكذلك أنتِ.

 

استخيري الله يا حبيبة أن تتركي عملكِ وتلتحقي بزوجكِ، وأكثري من الدعاء أن يجمع الله بينكِ وبين زوجكِ بالخير ويجعل لكِ من أمركِ فرجاً قريباً

بإمكانكِ أيضاً أن تبحثي عن عمل يليق بالمرأة المسلمة في نفس البلد الذي يعمل به زوجكِ ولعل الله أن ييسر لكِ ذلك ويجمع شملكِ بزوجكِ ويرزقكما الذرية الصالحة إنه ولي ذلك والقادر عليه.

 

وفقكِ الله تعالى وفرج عنكِ ويسر لكِ الخير غاليتي..

[انوار القلوب 1]

السلام عليكــم ورحمـة الله وبركاتــة ،، اختى الحبية ادعو الله لكى ان يرزقك بالذرية الصالحة

وشوفى بعد الاستخارة لوعرفتى تاخذى اجازة من الشغل وتسفرع مع زوجك يكون افضل وربنا ييسر لكى الحال

ويحقق كل آمالك ......آمين ويجمع بينكم على خير :mrgreen:

[ام مريم وهاجر 16]

السلام عليكم ورحمة الله وبركاتة

 

رايى يا غالية الاستخارة اولا وان شاء الله ربنا ييسر الامر

 

وراى انا الشخصى انك تذهبى مع زوجك وتعيشى معاه من الافضل هذا وباقصى سرعة

 

محدش ضامن العمر ولا لحظة انتى متجوزة علشان تعيشى مع اهلك انتى طول عمرك معاهم الحال اتغير انتى اتجوزتى خلاص وليكى زوج هو الاولى بالعيش معاه

 

علشان ربنا يرزقك بالذرية الصالحة وحتى لما ربنا يكرمك ليه تحرمى الاب من طفلة ويبعد عنه

 

سارعى بهذا وزوجك هيفرح جدا انك فكرتى فيه وحسستيه انه اهم شىء فى حيتك وانتى تقدرى تضحى علشانة وتسيبى شغلك وتروحى معاه

 

يارب اكون افدتك يارب والكلمة خير ليكى

 

نسيت ربنا سبحانه وتعالى امرنا بطاعة الزوج بارك الله فيكى

 

أحبك فى الله

[أختكم آيات 1]

السلام عليكم ورحمة الله وبركاته،،

انا راىى انك تتركى شغلك واتروحى مع زوجك ولو حتى تسكنو فى غرفة وحدة لكن تكونو مع بعض

[دعاء الكروان3294 196]

السلام عليكم ورحمة الله وبركاته،،

 

أنا رايي حبيبتي مثل رأي الأخوات ...أستخيري الله عز و جل أولا

و توكلي عليه

 

فمن رايي أن تسافري له فحياتك المستقرة ثمنها غالي و أكيد كل حاجة ليها عيوبها بس لا الفلوس و لا العامل يساوي و جودك مع زوجك و طفل يقر عينك !!

وان شاء الله ربنا ييسر لك الأمور و تلاقي شغل هناك ...

ولو كنتي انتي عشان تساعديه بالمال انتي نفسك بتقولي ان المستوي المعيشي هناك مرتفع ....

 

وفقك الله و السلام

[نوفا* 10]

استخيرى الله وان شاء الله ربنا يهيأ لك الخير