ساعدوني تعبت من التفكير يوميا: هنأكل ايه النهارده

[~ أم العبادلة ~ 1903]

السلام عليكــم ورحمـة الله وبركاتــة ،،

 

محتاجة مساعدتكم في أسماء وجبات لاني كل يوم محتارة

 

هنفطر ايه اليوم

 

هنتغدى ايه اليوم

 

هنتعشى ايه اليوم

 

فقلت ما فيش حد هينقظني غيركم ويعطيني أسماء أكلات أعملها لمدة شهر .... طماعة أنا عارفة بس علشان أضمن انكم تعطوني أفكار كتيرة

 

ولو في أكلة مش عارفاها هسألكم على طريقتها إن شاء الله

 

ويا ريت تكتروا من النواشف بأنواعها

 

وأتمنى ان مكونات الأكل تكون عادية ومش محتاجة لف ودوران بالسوبر ماركت ^_^

 

مع العلم ان الفرن بتاعي ناره ضعيفة

 

يلا يا بنات الهمة علشان أحبك زي ما ابني بيقول (ابني لما بيكون عايز حاجة بيطلبها ويقولي علشان أحبك يعني هاتيها علشان احبك) ^_^

[شذى الهمة 331]

السلام عليكــم ورحمـة الله وبركاتــة ،،

نفس مشكلتي بس انا احاول أفيدك ببعض اسماء الوجبات

أولا الأسماك حاولي تكون مرة كل أسبوع يعني أربع أيام في الشهر

ثانيا أكلات فيها مكرونة برضه مرة فالاسبوع مثل

مكرونة بالباشميل

مكرونة محمرة وكبدة

مكرونة بصلصة وبانيه

مكرونة محمرة وكفتة

 

ثالثا أكلات فيها أرز وتكون مرتين في الأسبوع

فتة ولحمة

كبسة

أرز وبسلة بالجزر ولحمة

أرز ولوبيا

أرز وبامية وملوخية

محشي ورق عنب

محشي باذنجان وفلفل

حمام محشي وأرز بالخلطة

أرز وصينية بطاطس بالفراخ

 

رايعا أكلات خفيفة مش داخل فيها لحوم وتبقى مرة فالأسبوع

كشري

عدس أصفر

شكشوكة

مسقعة

 

عندك تاني حواوشي مثلا

همبورجر ومكرونة

ممكن مثلا تقطعي سوسيس وعلية طماطم وفلفل أخضر وبصل بيكون حلو وتغيير

كبدة اسكندراني

 

بالنسبة للعشا بقى ده مشكلة المشاكل بالنسبة لي

ممكن تونة وبطاطس محمرة

جبنة مقطعة عليها طماطم وخيار وجنبها برضو بطاطس محمرة وبيض مثلا

ممكن قرص بيض بالطماطم والفلفل والبصل

 

أرجوا أن أكون أفدتك

بس انتي لازم تنظمي الشهر وتمشي على سيستم هيريحك جامد

[أم سوفي 0]

ومن سمعك ياختي والله

لسة علي الغداء النهاردة بقول لجوزي امسك انت المطبخ بكرة

واعمل اي حاجة المهم اخد راحة من هناكل اية النهاردة حاجة تزهق

سجودة ما شاء الله عليكي انا كمان هاخد الجدول ده بعد اذنك

[ساجدة للرحمن 2050]

السلام عليكم ورحمة الله وبركاته،،

الله يبارك فيك يا أمة

صراحة مشكلة المشاكل

بس سجودة ما شاء الله جدولها جميل

[~ أم العبادلة ~ 1903]

السلام عليكــم ورحمـة الله وبركاتــة ،،

نفس مشكلتي بس انا احاول أفيدك ببعض اسماء الوجبات

أولا الأسماك حاولي تكون مرة كل أسبوع يعني أربع أيام في الشهر

ثانيا أكلات فيها مكرونة برضه مرة فالاسبوع مثل

مكرونة بالباشميل

مكرونة محمرة وكبدة

مكرونة بصلصة وبانيه

مكرونة محمرة وكفتة

 

ثالثا أكلات فيها أرز وتكون مرتين في الأسبوع

فتة ولحمة

كبسة

أرز وبسلة بالجزر ولحمة

أرز ولوبيا

أرز وبامية وملوخية

محشي ورق عنب

محشي باذنجان وفلفل

حمام محشي وأرز بالخلطة

أرز وصينية بطاطس بالفراخ

 

رايعا أكلات خفيفة مش داخل فيها لحوم وتبقى مرة فالأسبوع

كشري

عدس أصفر

شكشوكة

مسقعة

 

عندك تاني حواوشي مثلا

همبورجر ومكرونة

ممكن مثلا تقطعي سوسيس وعلية طماطم وفلفل أخضر وبصل بيكون حلو وتغيير

كبدة اسكندراني

 

بالنسبة للعشا بقى ده مشكلة المشاكل بالنسبة لي

ممكن تونة وبطاطس محمرة

جبنة مقطعة عليها طماطم وخيار وجنبها برضو بطاطس محمرة وبيض مثلا

ممكن قرص بيض بالطماطم والفلفل والبصل

 

أرجوا أن أكون أفدتك

بس انتي لازم تنظمي الشهر وتمشي على سيستم هيريحك جامد

وعليكم السلام ورحمة الله وبركاته،،

 

الله يبارك فيكِ يا حبيبة

 

أنا فعلا ناوية أعمل جدول وعلشان كده عايزة أفكار أكلات لأني مش قادرة أفكر في أكلات تكفي شهر

 

السمك أساسي عندنا إنه يكون مرة بالإسبوع لآن زوجي مدمنه، لو عندك وصفات متنوعة له غير المقلي والمشوي يبقى جزاك الله خيرا

 

المكرونة صعبة شوية تكون كل إسبوع لاننا مش بنشبع منها وغالبا بنعمل شئ دسم في العشاء علشان يعوض الجوع يعني ممكن أضطر أطبخ تاني ليلتها

 

زوجي مش بيحب الطبيخ وعلشان كده محتاجة نواشف كتيرة والأشياء اللي بيحبها زي الملوخية والسبانخ أصبح ممنوع منها بسبب القولون

 

والمحشي ده لوحدة مشكلة لان اني عنده شهرين ومش بعرف اعمل منه حاجة وانا بطييييييييييييييييئة جدا في المحشي وبعمله في سنة

 

ههههههههه، شفتي حالتي صعبة إزاي

 

ومن سمعك ياختي والله

لسة علي الغداء النهاردة بقول لجوزي امسك انت المطبخ بكرة

واعمل اي حاجة المهم اخد راحة من هناكل اية النهاردة حاجة تزهق

سجودة ما شاء الله عليكي انا كمان هاخد الجدول ده بعد اذنك

تقريبا سؤال كل يوم بس محتاجة اكتب جدول للاكلات علشان ارتاح منه

 

السلام عليكم ورحمة الله وبركاته،،

الله يبارك فيك يا أمة

صراحة مشكلة المشاكل

بس سجودة ما شاء الله جدولها جميل

وعليكم السلام ورحمة الله وبركاته،

بصراحة جدولها جميل بس مش مكفيني لان حالتي مستعصية وظروفي صعبة ^_^

 

يلا يا بنات مين يساعدني أكمل الجدول يكفي شهر (علشان أحبك ^_^)

[**حنين للجنة** 16]

بجد نفس مشكلتى كل يوم افضل افكر هاعمل اية

مشكلة صعبة وبتخنق

سبحان الله اللهم ارزقنا القناعة

 

حبيبتى سجودى لله ممكن اعرف اعرف ااية مكرونة محمرة بتتعمل ازاى؟؟؟ وعايزة انواع كتيرة للمكرونات لاننا اغلب اكلنا مكرونة لاننا مابنحبش الخضار فا انا عندى نفس مشكلة أمة انى معظم اكلى نواشف ونفسى فى تغيييييييييييييييييييير

[oum mariam1 0]

السلام عليكــم ورحمـة الله وبركاتــة ،،صارلي مدة ما دخلت على الموقع لضروف لكن لما دخلت شفت طلبك فحبيت ارسلك الجواب ولو انه متاخر شيئا ما حبيت ارسلك هذاالعنوان على نت فقط تكتبي موسوعة الطبخ ويطلعلك وصفات كثيرة ارجو ان تستفيدي سلام علكم

[omjana 6]

لكن مش اى حاجة عالنت تجربيها

 

 

ومتنسيش بقى الفتة و الممبار والكرشة ههههههههههه يلا اكله مرة مش كل يوم ولا شهر حتى

 

وكمان كنالونى و كبدة بالفلفل وكبده بالمشمش

 

 

و حمام محشى ومشوى

 

وبريانى

 

وحاجات كثير بالبشمل كوسة مسقعة مكرونة

 

ده اللى فكراه الان

[ام(عمير) 5]

السلام عليكــم ورحمـة الله وبركاتــة ،،

 

اااااااااه فعلا حكاتية الاكل دى حكاية ربنا يعنا بس

 

فعلا مشكلة محيرة تقريبا كل الستات ... هههه

 

انا بنتظار باقى الاخوات علشان نستفيد كلنا

 

اختى ام محمد حسان بالنسبة لطريقى المكرونة المحمرة فهيا سهلة جدا

 

بصى انتى تحمرى جزء من المكرونة الى ها تعمليها فى سمن زى الرز كده حمريها بس مش اوووى وبعدين حطى عليها المكرونة الباقية وغطيها بالمية حطى ملح وفلفل .

 

 

والطريقة التانية الصراحة بتعجبنى اكتر

برضة حمرى جزء من المكرونة فى سمن وبعدين حطى المكرونة الباقية وقلبيهم فى بعض شوية وبعدين زوديهم شوربة وملعقة صلصة يدوب تحمرهم بسيط وحطى ملح وفلفل بتبقى جميلة اوووووووى

 

وبالهناء والشفاء

[**حنين للجنة** 16]

جزاكِ الله خيرا أم (عمير)

كان نفسى اعرف اية المكرونة المحمرة دى

ان شاء الله هاجربها قريبااااااااااااااااااااا

 

اسأل الله العظيم ان يرزقك بالذرية الصالحة عاجلا غير اجل

[النوالي شريفة 0]

السلام عليكم و رحمة االله و بركاته

هذه وصفة لكعكة بالكوك

طربي ثلاث بيضات مع 200غ من السكر سنيدة و 450غ من الكوك ثم اضيفي 2 اكياس من سكر الفانيلا و 1 كيس من خميرة الحلوى امزجي الكل جيدا. كوني كوني كويرات صغيرة و ضعيها على صفيحة مدهونة و ادخليها لفرن ساخن لمدة15 دقيقة

و بالتوفيق

[~ أم العبادلة ~ 1903]

بارك الله فيكن يا حبيبات

 

يا ريت كل اللي عندها وصفات أخرى تخبرنا حتى يكون هناك تنويع بالأكل وتغيير بإستمرار

[ام حلا 6]

انا عندي نفس المشكلة و الامر كمان اني حامل و في اصناف كتير كرهتها

فكل يوم اسمي بالله و ادخل المطبخ و اعمل اللي يخطر في بالي على السريع و من غير تفكير

اليوم مثلا فطاير بالجبنة و اللحمة

[طامعه في رضا الله 0]

انا كمان عندي نفس المشكله

ونفسي انفذ جدول ولكن زوجي لا يحب المعكرونه

فمش عارفه اتصرف

[أحزنتنى ذنوبى 2]

السلام عليكــم ورحمـة الله وبركاتــة ،، بعد إذن المشرفات أحب اطرح الوضوع دة :unsure: :mrgreen: لأن بصراحة انا اكتر واحدة محتاجة الموضوع دة لانى بيبقى عندى حاجات كتير او قليل ادخل المطبخ اقعد ساعة افكر هأطبخ اية ولما اطلع من المطبخ افتكر حاجةتانية وبتبقى حيرة وأعتقد ان فية كتير مثلى وألا رأيكم إية :unsure: :unsure: ؟؟؟؟؟؟مين هتبدأ وإن شاء الله الأخوات مش هيخيبوا أملها

[بغداد الجريحة 7]

وعليكم السلام ورحمة الله وبركاته،،

تسلمي على الموضوع الحلو

[محبة لربها، ادعوا لي بالثبات 72]

عجبتنى فكرة الجدول بتاع د خديجة ام عمر بارك الله فيها وفى صاحبة الطرح النافع امه الرحمن

[رضــــاك ربي 258]

فكرة الجدول جميلة

في حد جربها و نجحت معاه؟

[~ أم العبادلة ~ 1903]

@@رضــــاك ربي

 

شكلك لم تتابعي اخر التطورات - ابتسامة -

مع قائمة طعام مأكولاتي مش هتحتاري بعد اليوم

[رضــــاك ربي 258]

هههههههه

أنا لقيت إني رديت عليه زمان ^^

بس تطورات بطييييييئة (بعد 3 سنوات هههههه )