كنت شيخه فأصبح شيخي!!!!!!!!!!! قصة حقيقية

[نسمه الايمان 1]

ايه ياقمرات مش عاوزين تدعولى

ولا مش عجباكو القصه يعنى مكملش؟؟؟؟؟ :sad: :cry: :cry: :cry:

[(سجى الليل) 65]

لا ياحبيبتي بالعكس

 

قصة جميلة ماشاء الله

 

متابعة معك بإذن الله

 

وأسأل الله العلىّ العظيم ان ييسر لكِ أمر زواجك

[#ام سلمى# 1]

السلام عليكم ورحمة الله وبركاته،،

قصة جميلة يا نسمة كملى بالله عليكى لانى محتجاها خالص

ربنا ييسر جوازك يارب ويتممو على خير

لاقيتى الشقة ولا لسه

بحبك فى الله

[راضية وحامدة الله 2]

قصه روعه يانسمه

تسلم ايديكى بس يلى بسرعه كملى شوقتينا لمعرفه باقى القصه

 

جزاكى الله خيراٌ ربنا يسعدك ويتمم زواجك على خير عاجلاٌ وليس اجلاٌ

[أم عائشة المصرية 241]

وعليكم السلام ورحمة الله وبركاته،،

متابعين معك إن شاء الله

[ام خديجه 7]

السلام عليكم ورحمة الله وبركاته،،

 

متابعه معكِ نسومه ،،

[بنت البدرشين 0]

والله جميله وانتى اللى قمر وقمر 14 كمان كملى بقى

كملى يا عسل يا سكر يا شربات يا ورد يا ..............

[أم عبد الوارث 24]

السلام عليكم ورحمة الله وبركاته،،

 

متابعه معكِ نسومه ،،

[نسمه الايمان 1]

جزاكم الله خيراً

-------------------------------------------

 

الفصل الرابع(المسجد بعد 8 شهور من أول الحفظ)

 

يوسف: تعرف ياخالد أنا حاسس أني اتولدت من 8 شهور بس

خالد: امال انت مفكر ايه , لما انت قولت لي انك مش عايش , عرفت أن حلك انك تحفظ القرآن, يابني أنت لسة مشوفتش بركات القرآن ده في حياتك

يوسف: لا والله شوفت, أبويا مبسوط مني على الآخر وعايز يجوزني كمان

خالد: سيدي ياسيدي على الحلاوة, ماشية معاك ياعم

يوسف: ههههههههه الحمد لله دا من كرم ربنا عليا, يااااااااااه مين كان يصدق ان يوسف يحفظ 12 جزء من القرآن في 8 شهور دا أبويا نفسه مش مصدق

خالد: تعرف يايوسف أنا معجب بهمتك أوي, دا أنت ياما نمت وانت بتحفظ , وياما كسرت بيض هههههه, وياما اخدت دش بارد من أبوك , بس أكتر حاجة عجبتني انك استحملت مع كل المشاكل دي

يوسف: أنا نفسي مستغرب من كدة لكن دا من فضل ربنا ومتنساش برضه انك وقفت جنبي كتير

خالد: ياعم الله يبارك فيك أنا أمنية حياتي أن أكون سبب في حفظ الناس كلهم للقرآن

يوسف : ربنا يحقق لك اللي نفسك فيه

خالد: ها نتكلم جد شوية بقا, اخبار حفظك ايه الوقتي

يوسف: الحمد لله , المصحف مش بيفارق ايدي, حتى وانا راكب العجلة بسوق بايد والمصحف في ايد, دا أنا مرة كانت عربية هتخبطني ههههههه, وكنت عايز أقولك على حاجة

خالد: قوووووووول ياكبير

يوسف: عايز أزود الحفظ من وجه إلى وجهين يعني صفحة وش وضهر , وجه واحد مش بياخد غلوة مني الوقتي

خالد: ياسلام شوفت مش انا قايلك زي لعب الحديد طيب ياحاج هنزود لوجهين

بعد الجلسة دي بشهر خالد راح ليوسف المحل بتاعهم

خالد : يوسف عايز بسرعة في حاجة مهمة

يوسف وهو قلقان: خير قلقتني ياخالد

خالد: لا مفيش حاجة بس في موضوع مهم عايز فيه

يوسف : طيب اقابلك بعد صلاة العصر في المسجد

خالد: طيب منتظرك

بعد صلاة العصر

يوسف : ايه ياعم في ايه قلقتني

خالد: يابني هقولك, بص ياسيدي, في فرصة الوقتي انك تدرس علم القرآن بحق وحقيق

يوسف: ازاي

خالد: معهد القراءات فتح الباب للتسجيل للسنة الجديدة

يوسف: ههههههههههه, قراءات مش لما أختم الأول وبعدين أتقن حفص أبقا أشوف القراءات

خالد: يابني اصبر لما أشرح لك

يوسف: قول ياعم الحاج

خالد: المعهد مش مشترط انك تكون ختمت, انت حفظت كام الوقتي

يوسف: 15 جزء

خالد: ممتاز, أن أعرف شباب دخلوا وهم معاهم 10 وختموا في المعهد

يوسف: بس ياخالد انا كنت نسيت موضوع الدراسة والكلام ده وبعدين الشغل

خالد: الدراسة هتكون في حاجة بتحبها القرآن يااااااااد وبعدين لما هتشوف حلاوة المعهد مش هتفرط فيه

يوسف : طيب سيبني أفكر

خالد : مفيش وقت التسجيل هيقفل بعد بكرة , جهز ورقك علشان نقدم بكرة ان شاء الله

يوسف: الله المستعان يارب يسر الأمور

خالد: اللهم آمين

يوسف : طيب أنت جهزت ورقك ولا لا

خالد: ما هو دا الموضوع التاني اللي أنا عايزك فيه

يوسف: خير

خالد: أنا بجهز ورقي علشان مسافر السعودية

يوسف وهو حزين: ازاي يابني زعلتني والله

خالد: انت شايف وضعي عامل ازاي وبعدين لازم اشتغل في تخصصي بقا

يوسف: والله ياخالد أنت هتفرق معايا أوي , ومش عارف هكمل الحفظ ازاي من غيرك

خالد: لا اوعا تهد كل اللي احنا عملناه علشاني , ان شاء الله تتقبل في المعهد وتلاقي هناك صحبة حلوة ومشايخ تقال يبقوا أحسن مني ميلون مرة, وبعدين هبقا اتصل بيك في التليفون اطمن عليك

يوسف وقد دمعت عيناه وهو يعانقه: مفيش حد أحسن منك ياخالد

خالد وقد تأثر بالموقف: ربنا يبارك فيك يايوسف بس لازم توعدني انك تكمل الطريق للاخر

يوسف وهو يمسح دموعه: إن شاء الله هتسمع عني ما يسرك

خالد: اللهم آمين , يلا جهز ورقك علشان نروح بكرة ان شاء الله

يوسف: حااااااضر

في اليوم التالي ذهبا سوياً إلى المعهد وتم تسجيل يوسف , و تم

تحديد إمتحان القبول بعد أسبوع مع المقابلة الشخصية

طوال هذا الأسبوع اجتهد خالد مع يوسف وراجع له كل الذي

حفظه كام لو لسة فاكرين ؟؟؟ أيوة صح 15 جزء

المهم امتحن يوسف وعمل المقابلة الشخصية وبعدها ب 10 أيام

 

يوسف: خالد بارك لي

خالد: بشرني

يوسف: الحمد لله اتقبلت في المعهد ودا كله بفضل الله ثم بسببك ياأعز أخ وصديق

خالد: اللهم لك الحمد , كدة بقا أسافر وأنا مطمن عليك

يوسف بحزن: أنت مسافر امتى

خالد: السبت القادم ان شاء الله

يوسف: توصل بالسلامة ياحبيبي, بس اوعا تنساني ياخالد

خالد: انساك ازاااااي ياااااااااااااااد دا انت أكتر من أخ , بس

ادعيلي

يوسف: يعلم الله كم أدعو لك

خالد: الله المستعان

 

سافر خالد , ودخل يوسف المعهد وتعرف على إخوة مجتهدين في القرآن, ووجد ضالته في المعهد, وطوال هذه الفترة كان خالد دائم السؤال عليه والتعرف على أخباره

 

 

وفي يوم

ترررن تررررررررن جرس التليفون

خالد: السلام عليكم ازيك يايوسف

يوسف بفرح: وعليكم السلام حبيب قلبي كنت لسة هبعت لك رسالة الوقتي

خالد: طمني عليك اخبارك ايه واخبار القرآن والمعهد معاك إيه

يوسف : ما هو ده موضوع الرسالة ياغالي

خالد: بشرني

يوسف: أنا ختمت القرآن

خالد: الله أكبر ولله الحمد , ما شاء الله لا دا لازم عزومة فيها دي

يوسف: طبعاً بس لما تنزل أجازة, بس اصبر على رزقك لسة في أخبار حلوة

خالد: قوووووووووووووول ياعسل دا أنت النهاردة فرحتني والله

يوسف: أنا طلعت التاني على المعهد

خالد: ما شاء الله والله أنا مش عارف أقولك إيه ألف مبروك ياغالي

يوسف: الله يبارك فيك ياحبيبي , خد التقيل بقا

خالد: ايه ياواد الحلاوة دي كله مرة واحدة كدة, دي أحلى مكالمة من أول ما سافرت

يوسف:هههههههههه, أنا أخدت إجازة بحفص على ايد شيخ كبير في المعهد, وإن شاء الله أنا رايح عالية قراءات السنة الجاية وهاخد الشاطبية بتاعت القراءات السبع

خالد: ما شاء الله , وكنت بتقول مش هتنفع هههههههه ربنا يثبتك يايوسف والله انت مش عارف أنا سعيد اد إيه

يوسف: عارف ياخالد انك اكتر واحد هتفرح لي , دي زرعتك وانت رعيتها ودي النتيجة

خالد: الحمد لله رب العالمين

 

 

انتهت المكالمة وخالد و يوسف في قمة السعادة, بعدها بشهرين

نزل خالد أجازة في الصيف , وطبعاً مش هقدر أوصف لقائهم مع

بعض كان عامل إزاي علشان مش عايز أبكي, المهم نسيت

أقولكم على حاجة مهمة, أن بعد ما خالد سافر يوسف مسك

المسجد مكانه

 

 

لا إله إلا الله

دي آخر جملة في إقامة صلاة العشاء

يوسف بيقدم خالد للإمامة فقال خالد والله أنا أستحي أن أصلي

وأنت خلفي , يوسف إزاي دا أنت شيخي

فتقدم خالد للصلاة وهو يقول في نفسه (سبحان الله اللهم لك

 

الحمد كنت شيخه فأصبح شيخي)

 

نسيبهم يصلوا العشاء ونمشي احنا بقا

وقبل ما نمشي نقول

تمت بحمد الله

جزاكم الله خيراً

إن شاء الله لابد من كل الإخوات أن يكتبوا الفوائد من هذه القصة الحقيقية

بارك الله فيكم

وجزاكم الله خيرا على حسن متابعتكم واسالكم بالله لا تنسونى بلدعاء بتييسير زواجى من خطيبى وان ينجح السنادى بتفوق وان يبارك الله لنا ويرزقنا الذريه الصالحه

ولا تزعلو منى ان كنت دايقتكم

[راضية وحامدة الله 2]

الله اكبر ماشاء

 

سلمت اناملك يا نسومه

 

ادمعت عيناى من الفرح عندما قال انه ختم القران وماشاء الله الثانى على المعهد

 

ماشاء الله قصه ممتعه ومفيده جداٌ جعلها الله بميزان حسناتك

 

اسال الله ان يكتب لك اجر كل من قرأها ورفعتى همته بها

 

اسال الله ان يجعلنا واولادنا وكل المسلمين من حفظه كتابه العظيم

[راضية وحامدة الله 2]

إن شاء الله لابد من كل الإخوات أن يكتبوا الفوائد من هذه القصة الحقيقية

 

استفدت منها الكثير مثل :

1- قوة الاراده

2- الصبر

3- الهمه والنشاط والتفوق فى الحفظ

4- تبدل حاله من حال الى حال بحفظه لكتاب الله ماشاء الله اصبح فى احسن حال

4-

[ابنة الاسلام1 0]

السلام عليكم

هااااااااا

مستنيييييييييييين

ايه اللى حصل

قولى يللا

[فدوى المسلمي 531]

إن شاء الله لابد من كل الإخوات أن يكتبوا الفوائد من هذه القصة الحقيقية

 

استفدت منها الكثير مثل :

1- قوة الاراده

2- الصبر

3- الهمه والنشاط والتفوق فى الحفظ

4- تبدل حاله من حال الى حال بحفظه لكتاب الله ماشاء الله اصبح فى احسن حال

4-

[سلماء 140]

السلام عليكم ورحمة الله وبركاته،،

ماشاء الله قصة رائعة .

بارك الله فيكي و رزقك ما تتمنين .

[دمعتى 2]

ماشاءالله يا حبيبتى بجد من اجمل القصص الى قريتها

 

ربنا ييسرلك الزواج من خطيبك و يرزقك الذرية الصالحة اااااااااااااامييييييييييييييين

[{ الــهـــا م } 81]

وعليكم السلام ورحمة الله وبركاته،،

 

بارك الله فيكِ

 

انا صدقت انه القصة فعلا حقيقية

 

لسبب انه فعلا في بداية حفظي بعد فترة طويلة من تركي للتعليم والدراسة

 

قلت نفس العبارة

 

انه فعلا عقلي محتاج صنفرة يعني فيه صدأ ومحتاج ازالة

 

وبتكرار الحمد لله اصبح الحفظ سهل وميسر

 

فسبحان الله

 

 

اكرمك الله

[**حنين للجنة** 16]

ما شاء الله قصة رائعة

اللهم ارزقنا حفظ كتابك

اللهم ارزقنا صحبة الصالحين

[همتى صلاح امتى 13]

السلام عليكــم ورحمـة الله وبركاتــة ،،

بجد رااااااااااااااااااااااااااااااااااااااااااااااااااااااااااااااااائع

ربنا ييسر لك زواجك ويوفقك

ويوفق خطيبك

ويسعدكوا يارب

يارب اجعلنا من حفظة كتابك

[عائدة لربي 0]

بارك الله فيك وجزاك ربي خيرا

[أمة الله العلى 0]

السلام عليكم ورحمة الله وبركاته،، : متابعه معاك إيه اللى حصل بعد كده

 

جزاك الله خيرا

[(سجى الليل) 65]

ماشاء الله قصة فيها عبرة

 

اللهم أعنا على حفظ كتابك الكريم

 

بوركتِ ياحبيبة على هذه القصة الجميلة

تم تعديل 4 يناير, 2010 بواسطة (سجى الليل)

[عبــاد الرحمن 165]

ما شاء الله

 

قصة رائعةة

جزاكي الله خيرا نسمة لعى نقلها

 

ربنا ييسر لك زواجك يارب

 

لي عودة لقرئاتها وللرد عليها بتمعن

[*أم رقية* 473]

جزاك الله خير نسمة قصة رائعة ومش عارفة ان كانت اعطتنى امل ام ابكتنى على حالى الله المستعان

 

اسال الله ان ييسر لك زواجك وبنات المسلمين

[«..ارْتِـــقَّـےـاءْ..» 639]

ماشاء الله قصة فيها عبرة

 

اللهم أعنا على حفظ كتابك الكريم

 

بوركتِ ياحبيبة على هذه القصة الجميلة

[Nagwa Osman 7]

روووووعه بوركتي اختي

تم تعديل 3 ديسمبر, 2014 بواسطة Nagwa Osman