تجارة وهندسة ببورسعيد ترفض قرار المحكمة وتمنع المتتقبات من دخول الامتحان

[daughterofislam89 10]

نعم يا نور ابى وامى ابلغونى كلام الوزير

يبقى لازم كلنا نتحد ونرفع قضايا ومنسكتش عن حقنا

مش لازم يبقوا فاهمين اننا اقلية متدينة جاهلة او بتخاف

وبعدين احنا كل يوم بنزيد عن اليوم اللى قبله

ولازم ناخد حقنا لان ده حقنا زى ما السفور والتبرج والعري حق المتبرجات

حسبنا الله ونعم الوكيل

[نور الاسلام 2 8]

طمنينيى مش كان عندك امتحان الييييوم؟؟؟؟؟؟؟خير

[daughterofislam89 10]

الله حسبى ووكيلى

طبعا روحت الامتحان الساعة 1 لكن النهاردة من ع الباب

بياخدوا البنات فى اوضة الحرس يتأكدوا من شخصيتهم ويلبسوهم الكمامة برة

 

جابونى طبعا مميزة عرفونى وانا داخلة (وهل يخفى القمر :) )

قالولى روحى على مبنى اسمه العريش ده مبنى ادارى عشان انتى متحولة للشئون القانوينة

اتصلت ببابا يجيلى وجالى بسرعة وفى نفس اللحظة وصل ع البيت تلغراف انى متحولة للتحقيق فى الشئون القانونية

روحت المبنى ده قريب من الكلية قابلت مدير الشئون القانونية قالى طيب ارجعى الكلية وهجيب المحامى واجيلك

رجعت الكلية استنى بابا فكنت فى اوضة الجرس مع دكتورة وموظفى واحدة منهم تعرف اخى من ايام الجامعة لما كان فى اتحاد الطلبة وكدة فحاولت تتناقش معايا ان مفيش مشاكل وكمامة وكدة وطبعا رفضت

ساعتها سمعت بابا بيشد برة مع الظابط مش عايزه يدخلى

بابا قاله لا دى قاصر وانا ولى امرهها وصمم انه ياقبلنى

بجد بحمد ربنا ان بابا عارف كويس فى القانون وفى كل حاجة من اول الموضوع يجيبوه يمين يجيبهم شمال اللهم لك الحمد

وبابا قابلنى وقالى قدامه بصى مفيش تحقيق معاكى من غيرى وكل واحد يبقى فاهم كدة كويس التحقيق فى وجودى

جالى مدير ادارة الشئون القانونية بعدها وقالى حاجة من الاتنين يا بنتى قدامك 5 دقايق اتناقشى مع ابوكى ياتدخلى وتلبسى كمامة ومتضيعيش نفسك ياتيجى معايا نعمل المحضر تحصلينى على مبنى العريش

قلتله لا طبعا مش هقلع

ففى دكتورة بتقولى ايه طيب بصى البسى كمامة وفوقها النقاب وادخلى قلتلها اوك انا مش معترضة طالما مش هرفع النقاب

قالتلى لا طيب بلاش النقاب نخليها البيشة التل قلتلها لا اسفة

بابا فطن لشيء ان هم عايزين المنع يجيى منى فقالها اوك هتدخل بالكمامة والبيشة قلتلها لا يا بابا قالى استنى انتى اوك هتدخل بيهم بس اتصلى بالعميد عشان محدش يقلعها النقاب جوة او البيشة

طبعا انا كنت متنحة ازاى بابا يقول كدة بس بابا كان متاكد مية فى المية انهم هيرفضوا فقال يبقى الرفض يجيى منهم عشان نثبت ده فى المحضر اللى هيتحقق فيه معايا فى الشئون القانونية

كلمت العميد لقته مش موجود والوكيل فى اللجان بيلف

فالظابط اللى برة طلبلها قائد الحرس الظابط الكبير فكلمته قالها لا متدخلش كدة وخليها تروح مبنى العريش يتحقق معاها

فبابا قالى هو اصلا الظابط ده القرار مش بتاعه هو المفروض تاخد قرار العميد بس كدة كدة العميد مش هيوافق لانه اخد التحدى بشكل شخصى

انا طبعا بس اللى معمولى محضر شغب والبنات الباقيين مطلبوهمش فى حاجة

حاولوا يقنعونى ان البنات اللى كاناو معايا فى المحضر لبسوا كمامة ودخلوا قلتلهم منزلوش من بيوتهم اصلا قالولى لا دخلوا قلتلهم خلاص كل واحد حر فى افعاله انا مسئولة عن نفسى وماليش دعوة بحد وفعلا البنات منزلوش اصلا ومكلمنى بعد التحقيق

 

المهم روحت التحقيق لقيت التهم الموجهة الي كالتالى:

1- امتناعى عن رفع النقاب للتحقق من شخصيتى :)

2- احداث الشغب باللجنة

3- تخبئة ورقة الاجابة فى ملابسى

4- التحدث باسلوب غير لائق مع العميد

 

المهم رديت والمحامى ومدير الشئون القانونية كانوا فى صفى ومتعاونين جدا معايا واثبتوا كل حاجة وصممت انى اثبت ان فى مذكرة اتعملت يومها وانا مضيت عليها ووكيل الكلية قالى دى عهد وميثاق بينى وبينك وبين ربنا ولن تتغير واتافجئ انى دلوقتى فى محضر تحقيق ومذكرة تانية بتهم تانية

وقلت انا مش هكذب لا انا فعلا خبيت الورقة فى هدومى لحد ما اضمن حقى وامضى على الغياب ولما مضيت سلمتها

وانا مغلطتش فى العميد عشان يقول كلمته باسلوب غير لائق

واثبت ان المحضر فى ميعاد الامتحان بتاع اليوم وتم منعى والتحقيق استمر للساعة 2.15 مساءا والامتحان من 1 الى 3

ورديت ع التهم ومضيت بس

المفروض بقى ان التحقيق ده هيتعرض على مجلس الكلية عشان هتحول لمجلس تأديب

براحتهم من هنا للسنة الجاية اللى بعدها حتى لو سيبت الكلية خالص مش هرفع نقابى

مع النقاب حتى الممـــــــــــــــــــــــــــــــــــــــــــــــــــــــات

ادعولى ربنا يثبتنى انا واهلى ويجعله فى ميزان حسناتى

حسبى الله ونعم الوكيل فيهم

[نور الاسلام 2 8]

ربنا يثبــــــــــــــــــــــــــتك يارب

 

والله أحبك فى الله كثيراً

 

وعاوزة أقولك حاجة :

 

ربنا يعزك ويرفع قدرك عن أبي كبشة الأنماري -رضي الله تعالى عنه- أنه سمع رسول الله -صلى الله عليه وسلم- يقول: ثلاثة أقسم عليهن وأحدثكم حديثا فاحفظوه، قال: ما نقص مال عبد من صدقة، ولا ظلم عبد مظلمة فصبر عليها إلا زاده الله عزا، ولا فتح عبد باب مسألة إلا فتح الله عليه باب فقر، وأحدثكم حديثا فاحفظوه، إنما الدنيا لأربعة نفر: عبد رزقه الله مالا وعلما فهو يتقي فيه ربه ويصل فيه رحمه، ويعلم لله فيه حقا، فهذا بأفضل المنازل، وعبد رزقه الله علما ولم يرزقه مالا فهو صادق النية يقول لو أن لي مالا لعملت بعمل فلان فهو بنيته، فأجرهما سواء، وعبد رزقه الله مالا ولم يرزقه علما فهو يخبط في ماله بغير علم، لا يتقي فيه ربه، ولا يصل فيه رحمه، ولا يعلم لله فيه حقا فهذا بأخبث المنازل، وعبد لم يرزقه الله مالا ولا علما، فهو يقول: لو أن لي مالا لعملت فيه بعمل فلان، فهو بنيته فوزرهما سواء أخرجه أحمد والترمذي.

 

 

--------------------------------------------------------------------------------

أصبرى وسيزيدك الله عزاً فى الدنيا والآخرة

[نور الاسلام 2 8]

ربنا يثبــــــــــــــــــــــــــتك يارب

 

والله أحبك فى الله كثيراً

 

وعاوزة أقولك حاجة :

 

ربنا يعزك ويرفع قدرك عن أبي كبشة الأنماري -رضي الله تعالى عنه- أنه سمع رسول الله -صلى الله عليه وسلم- يقول: ثلاثة أقسم عليهن وأحدثكم حديثا فاحفظوه، قال: ما نقص مال عبد من صدقة، ولا ظلم عبد مظلمة فصبر عليها إلا زاده الله عزا، ولا فتح عبد باب مسألة إلا فتح الله عليه باب فقر، وأحدثكم حديثا فاحفظوه، إنما الدنيا لأربعة نفر: عبد رزقه الله مالا وعلما فهو يتقي فيه ربه ويصل فيه رحمه، ويعلم لله فيه حقا، فهذا بأفضل المنازل، وعبد رزقه الله علما ولم يرزقه مالا فهو صادق النية يقول لو أن لي مالا لعملت بعمل فلان فهو بنيته، فأجرهما سواء، وعبد رزقه الله مالا ولم يرزقه علما فهو يخبط في ماله بغير علم، لا يتقي فيه ربه، ولا يصل فيه رحمه، ولا يعلم لله فيه حقا فهذا بأخبث المنازل، وعبد لم يرزقه الله مالا ولا علما، فهو يقول: لو أن لي مالا لعملت فيه بعمل فلان، فهو بنيته فوزرهما سواء أخرجه أحمد والترمذي.

 

 

--------------------------------------------------------------------------------

أصبرى وسيزيدك الله عزاً فى الدنيا والآخرة

[daughterofislam89 10]

يارب يانور

احبك الذى احببتينى فيه

وانا والله احبك فيه كثيرا

[خادمة كلام الله 0]

بجد اسعدتينى الموضوع كبير

 

بس المشكلة انى اتعملى بردو محضر شغب والنهاردة اليوم التانى بعد الامتحان ومافيش حاجة جات البيت

 

وصاحبتى اللى اتعملها محضر راحت الاتحان ماحدش جاب سيرة محاضر وانا حاسة ان كليتنا ممكن تمشى الموضوع لانها من الليات الطيبة اللى مش بتعمل مشاكل بس هو نائب الجامعة حسبى الله ونعم الوكيل

 

خايفة يكتبونا غياب

اصل احنا وطول خمس سنين بمتحن فى الكلية عمرى ما مضيت على ورقه اثبات حضور هههههههههههههههههههههه ولا اظهرنا كارنيهاتنا واحنا داخلين الكلية ولا واحنا داخلين الامتحان الا قليل اصلا كوسة كوسة كليتنا عادى هههههههههههه اتذكر مرة صاحبتى المنتقبة فى الامتحان غلطت وكانت حاطة كارنيها جنبها عدت المراقبة لقيت كارنيه شافته وقالتلى فين كارنيهك قلت هناك ف الشنطة قالتلى المرة الجاية حطيه كده زى صاحبتك وانا اصلا مستغربة اول مرة تحصل طبعا نبهت على صاحبتى اياك تحطى الكاريه تانى ماتجيبيلناش الكلام هههههه

مش بقول الكلام دا للغو فقط بس ببين لك ا كليتنا مش بتطبق القوانين فنا خايفة يعملونا غياب ولا حاجة ولا اه مش عارفة الله المستعان

 

دعواتكم يا اخوات ربنا يظهر الحق

[أمل الأمّة 1093]

وعليكم السلام ورحمة الله وبركاته،،

 

وأنا أحبك في الله يا غالية كثيرًا :)

اسأل الله أن ينصرك ويثبتك ويعوضك خيرًا في مبتلاكِ .. وأن يرزقك ما تشتهيه نفسك الطيّبة من خيرات الدنيا والآخرة .

 

عَنْ أُمِّ سَلَمَةَ رضي الله عنها أَنَّهَا قَالَتْ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : ( مَا مِنْ مُسْلِمٍ تُصِيبُهُ مُصِيبَةٌ فَيَقُولُ مَا أَمَرَهُ اللَّهُ " إِنَّا لِلَّهِ وَإِنَّا إِلَيْهِ رَاجِعُونَ ، اللَّهُمَّ أْجُرْنِي فِي مُصِيبَتِي وَأَخْلِفْ لِي خَيْرًا مِنْهَا " إِلا أَخْلَفَ اللَّهُ لَهُ خَيْرًا مِنْهَا ) [ مسلم 918 ] .

 

عَنْ صُهَيْبٍ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( عَجَبًا لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ ، وَلَيْسَ ذَاكَ لأَحَدٍ إِلا لِلْمُؤْمِنِ ، إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ ، وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ ) [ مسلم 2999 ] .

 

قال رَسُولِ اللَّهِ صَلَّى اللَّهُ عَلَيْهِ وَسَلَّمَ "عِظَمُ الْجَزَاءِ مَعَ عِظَمِ الْبَلَاءِ وَإِنَّ اللَّهَ إِذَا أَحَبَّ قَوْمًا ابْتَلَاهُمْ فَمَنْ رَضِيَ فَلَهُ الرِّضَا وَمَنْ سَخِطَ فَلَهُ السُّخْطُ " رواه الترمذي وابن ماجة وصححه الألباني.

[أم يوسف حبيبي 0]

طيب ممكن اسألك سؤال

انا يعني بتأسف لجهلي انت ليه ملبستيش الكمامه وحاولت قدر المستطاع انك تداري اكبر جزء من وجهك بدل المشاكل؟ اعتقد ان فيه مشايخ قالو ان ده يجوز؟

[~إيمـــــان~ 9]

السلام عليكم ورحمة الله وبركاته،،

لا شئ يقال سوى حسبي الله ونعم الوكيل

[ساجدة للرحمن 2050]

السلام عليكم ورحمة الله وبركاته،،

الله المستعان

ثبتك الله يا غالية

والحمد لله أنا والداك متفهمين للموقف

أسأل الله أن يجيرك في مصيبتك ويخلفك خيرا منها

[مروة يحيى 27]

بارك الله فيكِ أختي ابنة الإسلام...

 

كثر الله من أمثالك...

[أم حذيفه 2009 0]

ربنا يثبتك وايانا والله الحمد لله ان والدك ووالدتك متفهمين الموقف

 

ربنا يربط على قلبهم

وينصرك على الظالمين

[تائبة ارجـــ المغفرة ــــــــو 0]

السلام عليكم ورحمة الله وبركاته،،

 

والله يا فاطمة انتى بنت جدعة ربنا يعزك يا رب وينصرك وياجرك فى مصيبتك ويخلفك خير منها

ان شاء الله ربنا هيعوضك خير انتى وبباكى

ربنا يكتر من امثالك و يعز بيكى الاسلام ويجعلك زخر ليه

وابقى طمنينا عليكى اول باول يا قمر

[أم منو نه 8]

ثبتك الله وأمثالك ونصرك وأعزك

[**حنين للجنة** 16]

انا بجد بحبك فى الله جدا ومعجبة جدا بشخصيتك دة من قبل موضوع النقاب انتى اكيد ماتعرفنيش بس انا عارفاكى من تميزك فى المنتدى

والله والله غلاوتك وماعزتك زادت جدااااااااااااااااا فى قلبى أسأل الله لكِ الثبات احسبك على خير والله حسيبك

ياريت كل البنات يبقوا زيك يا فاطمة ويتمسكوا بنقابهم حتى الممات

ما شاء الله لا قوة إلا بالله على اهلك ربنا يباركلك فيهم ويجعلكم سبب لنصرة النقاب

ربنا يثبتك ويثبت اهلك ويجعل كل اعمالك فى ميزان حسناتكم

 

حسبنا الله ونعم الوكيل اللهم انتقم من كل من اراد شر بالمنتقبات

[daughterofislam89 10]

الخادمة لكلام الله:

ربنا ييسرلك الامر احنا بردو كنا عادى بس الزعابيب لما بتيجى مرة واحدة والعميد الحالى بقالةو سنة بس واحنا عارفين انه مش كويس

وعمرى ما مضيت بس اخى قالى انتى غلطانة المفروض تمضى

 

 

الحبيبة امل الامة:

يعلم الله كم احبك فيه :)

 

ام يوسف حبيبى:

الموضوع طويل وكبير وباختصرا ان هذا الامر لا يجوز عندى ولا عند المشايخ الذين اتبعهم

وعلى فكرة انا لا أخذ كلامى من المشايخ فقط كذا وانما امر الله ورسوله هو المتبع عشان بس منقولش احنا بنمشى ورا كلام حد متزمت ولا كدة

لان بردو هل ينفع انى استبدل النقاب بالكمامة وامشى بيها فى الشارع كدة على طول اكيد لا

يبقى هيا مش زى النقاب ودى مش ضرورة انى ارفع

باختصار يا قمر ومتقوليش جهل ولا حاجة

احبك فى الله

 

ايمان:

كيف حال الامور لديكم فى الاسماعيلية طمنينى عليكى

[daughterofislam89 10]

الحبيبة الغالية اوى ساجدة للرحمن:

الحمدلله ربنا ييسر يارب ويتقبل دعائكم ويثبتهم

 

 

الحبيبة مروة يحيى:

جوزيتى خيرا يا حبيبة

 

 

الحبيبة ام حذيفة:

جزاكى الله خيرا

اللهم امين

يارب تقبل دعاء اخواتى

 

 

الغالية تائبة ارجو المغفرة:

ربنا يكرمك ياقمر جوزيتى خيرا

 

 

مشرفتى الحبيبة ام منونة:

اللهم امين

احبك فى الله

 

 

الحبيبة ام محمد حسان:

مين قال بقى انى معرفكيش :)

والله اعرفك من مواضيع كتير فى المنتدى وبحبك فى الله جدا

لان اسمك كان ملفت وكان معلق فى دماغى

احبك فى الله يا غالية

ربنا يتقبل دعائكن

[daughterofislam89 10]

الى حبيباتى فى الله فى المنتدى كله

اشهد الله وملائكته انى احب جميع الاخوات هنا فى الله واتمنى ان يجمعنى الله بهم فى ظل عرشه يوم لا ظل الا ظله

واتمنى من الله ان يرزقكم جميعا الخير فى الدنيا والاخرة

جوزيتم خيرا لسؤالكن عنى

بصدق احبكن فى الله

 

اللهم ارزقنا الاخلاص فى القول والعمل واجعل اعمالنا خالصة لوجهك الكريم

 

اللهم امين

[نور الاسلام 2 8]

كيف حالك الآن أتمنى أن تكونين أفضل ؟

 

ونحن نحبك فى الله

 

أحبك ِ الله أختى الغالية

[daughterofislam89 10]

الحمدلله على كل حال حبيبتى نور:)

[ابنة الاسلام1 0]

السلام عليكم ورحمة الله وبركاته،،

حسبى الله ونعم الوكيل

حسبنا الله ونعم الوكيل

حسبنا الله ونعم الوكيل

ربنا أرنا فيهم عجائب قدرتك

ربنا اجعل كيدهم فى نحورهم وانصرنا عليهم

ربنا اجعل تدبيرهم تدميرهم

اللهم آمين

[ابنة الاسلام1 0]

يا بنات

ادعولى

عندى امتحان بكرة الساعة 1

الله المستعان

[daughterofislam89 10]

طمنينا يا ابنة الاسلام اول ما ترجعى

هننتظرك

ربنا معاكى يارب

[daughterofislam89 10]

بالله انى اريد ان ارثى حالنا

ماهذا

بقول لابى وامى اليوم

دلوقتى انا والاخوات بقى همنا لما ندخل عالمنتدى نشوف تطورات النقاب بس ونسال يا نهى عملوا ايه معاكى

يا فاطمة عملوا ايه معاكى

يا دعاء

يا فلانة

حسبنا الله ونعم الوكيل

اللهم انصرنا عليهم

اللهم انصرنا وانتقم لنا

يارب مالنا سواك انت نعم المولى ونعم النصير