تجارة وهندسة ببورسعيد ترفض قرار المحكمة وتمنع المتتقبات من دخول الامتحان

[نور الاسلام 2 8]

الحمد لله يابنات انا بخير ولله الحمد وأمبارح عدى على خير وامتحنت لوحدى ومرفعتش النقاب

حطيت نقاب تانى تحته ورفعت الاول وأدتهم ظهرى لاكن بفضل الله محدش دخل ولا سأل خلصت بسرعة وادتهم الورقة

 

بعد ساعة

بإذن الله

أخر يوم بكرا

ادعوا لى كتيييييييير يعدى على خير

اللهم لك الحمد على كل حال

 

طمنونى هتعملوا ايه اخر مادة

أحبكم فى الله

[تقوى89 0]

السلام عليكم ورحمة الله وبركاته

ربنا معااااااكم يا بنات

الحمدلله محصلش اى حاجه فى الكلية عندنا

ربنا يسترها معانا

[ريحانه عبد الرحمن 102]

ربنا معاكم

ربنا يسترها معانا كلنا

اسالكم الدعاء لى بظهر الغيب

[ابنة الاسلام1 0]

السلام عليكم ورحمة الله وبركاته،،

اخس عليكى يا بت يانور

كده تقلقينا عليكى برده

المهم الحمد لله انن انتِ كويسة

وربنا يجعله فى ميزانك

فى ناس مش قادرة تستحمل نقاب

وانتِ لبستى اتنين

لأ وشفتى البت بطوط بتعمل ايه كمان

دى بتعمل شوية شغل

10÷10 والله

بجد هو ده الثبات

ومتقلاقيش يا نور

ربنا هيكرمك وهيعوضك خير

ويارب تخلصى على خير

ويسهلك الماده

[ابنة الاسلام1 0]

اه صحيح

أنا الحمد لله حليت كويس جدا جدا جدا

أكاد انقص 3 درجات بس

ان شاء الله

ده بالكتير كمان

شفتو بقى لما دعيتولى

ل والخبر المفرح بقى كماااااااااااااااااااااااااان

 

 

ايه

8

8

8

8

8

8

8

8

8خليكوا معايا

8

8

8

8

8

8

8

8

8

جت مشرفة الدور فى أول اللجنة

وقالت يا للمراقبين

يا جماعة البنات المنتقبات

تكشفوا عى هويتهم بس

واللى تشوفهم واحدة ست مش واحد

ولفت على اللجان

كنت عايزة أسأل هو ايه اللى حصل

بس معرفتش

حد يعرف جديد

باين عليكى زهقتيهم يا فاطمة

مع انى فى القاهرة

وانتِ فى بورسعيد

ههههههههههههه

بس ايه

(((وهل يخفى القمر)))

ههههههههه

[ابنة الاسلام1 0]

ها عملتوا ايه يا بنات

هند1

عملتى ايه

ده اسمك الجديد

وانا هند2

 

وانتِ كمان يا نهى

ويادعاء

ويا فاطمة

عملتى محضر ولا دخلتى ولا ايه

قالولك ايه المرادى

 

وسمسمة ايه أخبارك عملتى ايه

 

وألف حمد لله على السلامة للى خلصوا

عقبال اما نقولها لما نخلص خاااااالص

 

طمنونا على طول يابنات

[دعاء بنت مصر 8]

هنوده حبيبتي

 

الحمد لله طمنتينا على الامتحان

 

ومش مهم ال 3 درجات فداااااااااااااااكي يابنتي

 

واحمدي ربنا انك مشفتيش امتحان زي اللي شفناه النهارده

 

والله العظيم انا مكنتش حسه برجلي الشمال ولا ايدي

 

ولما قمت مكنتش قدره امشي خالص

 

كان امتحان زي الفل

 

اما بالنسبه للنقاب فالحمد لله محدش اتكلم عندي في اللجنه

 

مع ان وكيله الكليه عدت

 

وانا اكاد اجزم انها شافتني بس متكلمتش معرفش برضه هو ايه اللي حصلهم

 

ربنا يهديهم لينا كده علطول

 

انا والله اول ما سمعتها وهي جيه ومكنتش بتتكلم طبعا او انا اللي مكنتش سمعاها

 

والله كنت حسه ان الديسك اللي اعده عليه بيتهز من كتر ماقلبي كان هينخلع من مكانه

 

لان اصلا الامتحان مكنش ناقص اي حوارات ونقاشات

 

بس الحمد لله لاقيتها مشيت

 

ونهى معرفش عملت ايه

 

انا طلعت نادله النهارده معاها

 

مشوفتهاش حتى اسلم عليها

 

لاني مكنش معايا رصيد

 

وهي بقى لما تقرا كلامي تعذرني لاني كنت مستعجله جدااااااااا

 

وياريت تطمننا عليها

[قلبى لربى 0]

والله العظيم انا مكنتش حسه برجلي الشمال ولا ايدي

 

ولما قمت مكنتش قدره امشي خالص

 

ليه يا بنتى كدة

ما ينفعش

صحتك اهم :wacko:

عموما ربنا يخلفك خير و تكون نتيجة السنة دى أفضل من نتيجة أى سنة و تغيظ أعداء الدين

أنا الحمد لله النهاردة كان أحلى امتحان بالنسبة لى

بالرغم إن كان فى ناس مضايقة من الامتحان

بس الحمد لله المادة دى أصلا من أكتر المواد اللى بحبها فى القسم

إن شاء الله امتياز.

ربنا يكرمنا جميعا و يرزقنا التفوق ليس من أجلنا و لكن من أجل النقاب

أهم حاجة نستمر فى الدعاء لبعض بظهر الغيب مش بس عشان النتيجة و إنما ندعو لبعض بكل حاجة حلوة فى الآخرة و الدنيا

و ماننساش إن الملك بيرد و يقول "آمين و لك بالمثل"

فأى حاجة عايزاها لنفسى أدعيلكوا بيها و انتو كمان

ربنا يكرمكوا و يديم بيننا المحبة فى الله و يجمعنا فى ظله بهذا الحب

أحبكم فى الله

السلام عليكم و رحمة الله و بركاته

[قلبى لربى 0]

الحمد لله يا هند

أسعدتينى والله بأخبارك دى انتى و نور

ربنا يتم علينا نعمته بنتيجة جميييييييلة جدا أجمل مما نتوقع

أهم حاجة ألا ننسى الدعاء باستمرار

[ريحانه عبد الرحمن 102]

ربنا يفرحكوا كلكوا بالنتائج المبشره بإذن الله

وتجيبوا اعلى الدرجات يارب

ادعولى نتيجتى تبقى حلوه لإن إمتحاناتى كانت صعبه أوى

بس ربنا كبير قادر على كل شىء

ربنا يكرمنا كلنا فى الدنيا والآخره

[daughterofislam89 10]

السلام عليكن

وحشتونى يا حبيبات قلبى

الدنيا كانت بتمطر كتير عندنا النهاردة من الصبح والله دعيتلكم كلكم قبل ما ادعى لنفسى

 

امبارح روحت الامتحنا والحرس شافنى وانا داخلة اللجنة وسابونى وقعدت ولسة دكتور هيدينى الورقة العسكرى ندهلو قاله حاجة سامعاه بيقوله ايه ده هى دى طيب ماشى ةوراح كلم دكتورة تانية قامت قالتله لا استنى متديهاش ورقة اجابة وفتحت شنطتها طلعت منها ورقة فيها اسمى قالتلى انتى فلانة قلتلها اه

قالتلى طيب هاتى كارنيهك قلتلها معييش

قالتلى طيب هاتى بطاقتك او اثبات شخصية

قلتلها ليه

اهم حاجة اسوق البرود والتناحة اوى مع الناس دى

بتقولى مش هتمتجنى قلتلها مفيش قرار منع باسمى فى الجامعة

ساعتها دخل دكتور صاحب بابا ندهلى قالى تعالى يا فاطمة فخرجت من خيمة الامتحان اللجنة

فقلتله ازاى حضرتك يا دكتور قالى ازيك وازاى بابا قلتله بخير قالى طبعا هتروحى بقى

قلتله لا هروح على الاسم اعمل محضر

قائد الحرس كان بيبصلى اصلا وهاين عليه يضربنى

وكملت كلام مع وكيل الكلية قلتله حضرتك قلتلى اقابل النائب مفيش حاجة باسمى عنده خلاص يبقى حضرتك متزعلش لما اعمل محاضر فى فسم الشرطة باسم حضرتك انك بتمنعنى

قالى يا بنتى تعليمات العميد ولو المجلس برأك هنعيد لك الامتحان زى بتوع العريش

قلتلته اوك بيقولى مالهاش لازمة كل مرة محضر كدة كدة اتحولتى قلتله لا انا احفظ حقى بالطريقة اللى تعجبنى بقى

فالدكتور صاحب بابا قالى ماشي يا فاطمة اعملى اللى يريحك

الله يزهقهم زى مازهقونى والله كنت تعبانة امبارح وعندى شعور بالغثيان والقيء قبل ميعاد الامتحان وتعبت جدا وانا عند انتيمتى وكلمتهم فى البيت قالولها بلاش امتحان متروحش خليها ترجع لانى اصلا كنت فى التحفيظ من الصبح ومعرفوش انى تعبانة

المهم قلتلهم لا لازم اروح كله بيقولى ده تعب نفسى بس انا مش حاسة كدة انى اتضايق من الامر ده الحمدلله راضية وفوقونى لما رازوا فيا فى الامتحان

المهم روحت القسم لوحدى بقى مانا عرفت السكة خلاص :)

بقيت سوبق صغير :)

على الباب مخبر بيقولى رايحة فين

اسمعوا بقى المسخرة

اول مرة بقى اروح قسم شرطة والاقيه مقفول بشريط من بتوع الافتتاح ومعلقين الاعلام وكان بيدهنوه اليوم اللى قبلها وعمالين يمسحوا ويلمعوا ويكنسوا

وكان على سنجة 10 لان كان فى زيارة من حد مهم تقريبا مدير الامن او حاجة

المهم قلتله داخلة اعمل محضر ضد الجامعة

قالى بطاقتك قلتله ليه قالى هوريها لرئيس المباحث

غلاسة منى بقى قلتلته لا

ممكن تساله من غير البطاقة انا كنت عنده امبارح وعارفنى قالى طيب وفاء باين اسمك قلتله فاطمة

المهم دخل لرئيس المباحث ومساعده كانوا عند نائب المأمور

وشاورلى ادخلهم

واتكلمت مع نائب المأمور وكان هيقاوح فى القانون ومش عايز يعملى المحضر وتنحت معاه جامد واتصل قدامى بحرس الجامعة يقولهم اعملها المحضر ولا لا

وتنحت بقى جامد معاه عشان انا مبخافش ومش غلطانة فى حد وصممت اعمل المحضر ولو كان اتكلم كلمة زيادة كنت هطلع على النيابة

لما لاقانى مصممة قالوهم اعملوا المحضر

ورئيس المباحث ومساعده فهموا الوضع وانى لازم اعمل كل مرة محضر ومساعده بيقول ازاى يمنعها من الامتحان اتجنن ده ولا ايه وهى مفيش قرار بمنعها

ورئيس المباحث قالى معلش سؤال هتخلصى امتحانات امتى عشان نعرف قدامنا كام محضر قلتله النهاردة ويوم الخميس

قالى طيب ماتعمليه النهاردة بالمرة اثبات حالة بيهزر يعنى على بكرة

قلتله لا افرض دخلونى

ومشولى المحضر وخلوا امين شرطة عمله

وانا ماشية رئيس المباحث بيقولى متتعبيش نفسك وتيجى تاخدى رقم المحضر بليل او بكرة قصده على النهاردة يعنى بيقولى مش حضرتك هتنورينا يوم الخميس خليه مشوار واح

قلتله ماشى شكرا

ومشيت

وهروح بكرة وربنا يسهل

 

انا طولت عليكم زمانكم بتقولوا عليا رغاية اوى بحكيلكم بالتفصيل الممل بيعشكوا الحدث بس والله بيحصل فى النص مواقف كتير مش بعرف اكتبها ببقى هموت من الضحك فيها

 

اخى بيقولى مشرفانا فى الاقسام واسم العيلة وصل سافرت وانا مطمن عليكى كدة بقى عندنا واحدة سوابق فى العيلة اخى ده فى السعودية مش هنا

 

حمدا لله على سلامة الاخوات اللى خلصوا وعقبال اللى لسة مخلصوش نباركلهم بكرة

فين خادمة كلام الله وهند اوس1 ونهى يطمنونا عليهم النهرادة

خلينا هنا على طول يا اغلى صحبة فى الموضوع نطمن على بعض ونتابع الاحداث

ولما النتايج تتطلع تطمنونا

انا بجد بحبكم فى الله جدا

مش عارفة ليه خايفة ان عشان الامتحانات خلصت تبدأوا تبعدوا ياريت نفضل على تواصل مع بعض

لان بجد انتوا من احلى الاخوات اللى قابلتهم فى حياتى وبتعينوا على الطاعة ربنا يثبتكم

وبحبكم فى الله بردو *___*

[daughterofislam89 10]

ريحانة عبد الرحمن

ربنا يطمنا عليكى بشرينا بنتيجتك لما تطلع

 

تقوى89 ربنا يسترها معاكم داميا وييسرلكم الامر

[ريحانه عبد الرحمن 102]

ريحانة عبد الرحمن

ربنا يطمنا عليكى بشرينا بنتيجتك لما تطلع

 

تقوى89 ربنا يسترها معاكم داميا وييسرلكم الامر

 

 

إن شاء الله ادعولى بس

وربنا يوقفلك ولاد الحلال وينصرك على كل إلى يقف فى طريقك

ويصبرك

ويعوض عليكى خير العوض جنة عرضها السماوات والأرض أعدت للمتقين

ربنا يوفقكم كلكم ويسعدكم فى الدارين

تم تعديل 3 فبراير, 2010 بواسطة ريحانه عبد الرحمن

[قلبى لربى 0]

مش عارفة ليه خايفة ان عشان الامتحانات خلصت تبدأوا تبعدوا ياريت نفضل على تواصل مع بعض

لان بجد انتوا من احلى الاخوات اللى قابلتهم فى حياتى وبتعينوا على الطاعة ربنا يثبتكم

وبحبكم فى الله بردو *___*

 

السلام عليكم و رحمة الله و بركاته

ربنا معاكى يا فاطمة بكرة

أنا كمان خايفة زيك من موضوع انتهاء الامتحانات

و خايفة أفقد الصحبة الغالية دى اللى باعتبرها أحلى حاجة طلعت بيها من أزمة النقاب

بس أملى الوحيد إننا اجتمعنا لله

و حبينا بعض فى الله

مش عشان دنيا أو مصالح

فعشان كدة مفيش سبب يخلينا نبعد بعد ما امتحاناتنا تخلص

بالعكس عايزين نشجع بعض أكتر على الطاعة و المذاكرة و نطمن على نتايجنا بتاعة التيرم العجيب دة

بحبكم فى الله

السلام عليكم و رحمة الله و بركاته

[قلبى لربى 0]

ربنا يفرحكوا كلكوا بالنتائج المبشره بإذن الله

وتجيبوا اعلى الدرجات يارب

ادعولى نتيجتى تبقى حلوه لإن إمتحاناتى كانت صعبه أوى

بس ربنا كبير قادر على كل شىء

ربنا يكرمنا كلنا فى الدنيا والآخره

 

آمين

ربنا معاكِ و يارب نتيجتك تبقى أحلى نتيجة فى حياتك

[ابنة الاسلام1 0]

السلام عليكم ورحمة الله وبركاته،،

ربنا يوفقك يا ريحانة يارب

وابقى طمنينا عليكى

 

يافاطمة أنا مش قادرة أصدق اللى بيحصل

واللى بتعمليه ده

انتِ فى كليه ايه

اكيد ليها علاقة بالقانون

لأن واضح انك فاهمة

أو أ_نزار مفهمك كويس

بس هو هو نفس القسم اللى بتروحيه

دول حفظوكى يابنتى

هههههههههه

ربنا يكرمك يارب

ويوفقك بكرة ان شاء الله

 

أهم حاجة نستمر فى الدعاء لبعض بظهر الغيب مش بس عشان النتيجة و إنما ندعو لبعض بكل حاجة حلوة فى الآخرة و الدنيا

و ماننساش إن الملك بيرد و يقول "آمين و لك بالمثل"

فأى حاجة عايزاها لنفسى أدعيلكوا بيها و انتو كمان

 

سمسمة

أنا معاكى وهنعمل كده ان شاء الله

 

بجد والله نفسى منتفرقش

ونطمن على بعض

لأن دى بجد أحلى صحبة

بصوا نبقى نتابع مواضيع بعض فى أى موضوع

ان شاء الله

وأنا والله بحبكم فى الله

 

 

ربنا يستر يا دودو

ويكرمك انتِ ونهى يارب

 

ربنا معاكى يانور يارب

ابقى طمنينا عليكى بكرة

 

محدش يعرف هند1

ونهى عملوا ايه

اتصلى بيها يا دعاء واعرفى هى عملت ايه

مش هى كده خلصت

طب ليه مكلمتنااااااااااااااااااش

مش فضيتلنا

[نور الاسلام 2 8]

السلام عليكم ورحمة الله وبركاته،،

اخس عليكى يا بت يانور

كده تقلقينا عليكى برده

المهم الحمد لله انن انتِ كويسة

وربنا يجعله فى ميزانك

فى ناس مش قادرة تستحمل نقاب

وانتِ لبستى اتنين

لأ وشفتى البت بطوط بتعمل ايه كمان

دى بتعمل شوية شغل

10÷10 والله

بجد هو ده الثبات

ومتقلاقيش يا نور

ربنا هيكرمك وهيعوضك خير

ويارب تخلصى على خير

ويسهلك الماده

وحشتينى انتى كمان

الحمد لله ربنا يوفقك

لا مغبتش ولاحاجة

شوفى الصفحات اللى ورا هتلاقينى

 

بحبك فى الله

انتى وسمية وفاطمة ودعاء ونسائم وكلكم والله

 

فاطمة ربنا يثقل ميزانك ويعوضك خيراً

متنسيش ان كل الايزاء دا من اجل الله ثقى ربنا مش هيضيعك

مبارك للأخوات اللى خلصوا

متنسونيش فى الدعاء مادة بكرا الحمد لله تقيلة شوية

وأدعوا ربنا يكفينى شرهم مش نقصاهم

 

ربنا يثبتنا

صدقاً أحبكم فى الله

[قلبى لربى 0]

أحبك الله يا نور

و أنا أيضا أحبك فى الله

ربنا يوفقك بكرة يارب و يبقى أسهل امتحان عندك و يكفيكِ شرورهم

تم تعديل 3 فبراير, 2010 بواسطة أختكم سمية

[daughterofislam89 10]

ربنا يكرمكم ويباركلكم يا احلى اخوات فى الدنيا

 

انا فى كلية تجارة قسم علوم سياسية يا هند فاهمة شوية على حبة استاذ نزار مفهمنى طبعا كتير ربنا يكرمه ويباركله يوجلع دفاعن عن المنتقبات فى يمزان حسناته

 

يا بنات افتكروا اننا حبينا بعض فى الله

اطمنوا على بعض وعلى النتايج وهنفضل نتابع ممع بعض هنا وفى كل المواضيع

ولازم نراجع نفسنا ونشوف كل واحدة طلعت بايه بعد الازمة دى واستفادت ايه ونحاول نغير من نفسنا لو فينا تقصير

انا بقول الكلام ده لنفسى قبلكوا

بكرة لما ارجع نتفاهم فى موضوع الخروج من الازمة

 

اطبق عليكوا بقى اللى بدرسه اول مادة اتحرمت منها كانت ادارة الازمات

هاجى اطبق عليكوا **___**

بحبكم فى الله

[ابنة الاسلام1 0]

السلام عليكم ورحمة الله وبركاته،،

هههههههههه

واحنا لينا الشرف يا بطوط انك تعلمينا حاجة

مع انك بتعلمى فينا من أول بداية الموضوع

الله يكرمك يارب

[دعاء بنت مصر 8]

السلام عليكم ورحمة الله وبركاته،،

 

الف سلامه عليكي يابطوط

 

ربنا ييسرلك امورك ان شاء الله

 

ونفضل علطول كلنا اخوات في الله وبنحب بعض في الله

 

يارب زي مااتجمعنا في المنتدى هنا نتجمع في الجنه ان شاء الله

 

ونعد نفتكر ونضحك بقى على كل اللي حصل ده :)

 

وان شاء الله هتصل النهارده بنهى واطمن عليها لانها قلقتني معرفش مدخلتش ليه امبارح ولا النهارده

[النسائم الندية 0]

السلام عليكم ورحمة الله ,,

إزيكم يا بنات

الحمد لله امبارح كلنا امتحنا بالنقاب زى ما دعاء قالتلكم

 

بس الانذار الى المحامى كان باعته للعميد قبل الامتحانات لصه واصلهم

والمشكلة إن المحامى باعته باسم واحدة صاحبتنا

المهم إن وكيلة الكلية كانت عمالة تدور على البنت الى الانذار مبعوت باسمها وكل واحدة منتقبة تقولها إنتى فلانة

المهم قالت لرئيسة اللجنة قولى لفلانة تجيلى بعد الامتحان واخدت الكارنية بتاعها

البنت راحتلها وروحنا معاها لما قابلتنا قالتلنا أنا المرة الى فاتت قعدت اقولكم الولاء والانتماء

وراحت مدية الورقة للبنت الى مبعوته باسمها وقالتها شوفى الورقة ديه

انتى ممكن تكلمى والدك بالطريقة ديه ايه يخدش الحياء وتهديد بالحبس

بتقلونا انا لما روحت مكتب العميد صدمت ( لما شافت الانذار يعنى )

وقالتلنا روحوا للمحامى وشوفوا ازاى تلغوا الكلام ده واخدت ارقام تلفوناتنا وادتنا رقمها وقالتلنا هستناكم تتصلوا بيا تقولوا عملتوا ايه

قلنلها خلاص هنبعت اعتذار للعميد

ولما خرجنا اتصلنا بالمحامى ملانا صيغة اعتذار وقال نقولها ان احنا اتصلنا بالمحامى وهو قال إنه هيسحب الانذار

وودينا الاعتذار للعميد

وبعدين لما البنات راحولها تانى قالتلهم ابعتوا اعتذار زى ده لرئيس الجامعة

 

المشكلة بقى إن فى انذار المحامى باعته باسمها هى خصوصا بس الظاهر إنه لسه موصلهاش

انا مش عارفة لما الانذار هيوصلها هتعمل ايه (:

 

متقلقوش كلنا هنبقى متابعين مع بعض بإذن الله

ومستنينك يا فاطمة (:

وبعدين احنا لو حصلتلنا مشكلة المفروض نتصل بيكى انتى مش المحامى خلاص انتى بقيتى خبرة (:

 

اهم حاجة الحمد لله اخدنا الاجازة ...... انا سعيدة :)

تم تعديل 4 فبراير, 2010 بواسطة النسائم الندية

[دعاء بنت مصر 8]

قلقتيني عليكي يانهى

 

وسبحان الله احنا الاتنين كتبنا مشاركاتنا في نفس الوقت

 

والله يابنتي زعلتيني على اللي حصل ده

 

انا لسه اول مره اعرف دلوقتي والله

 

كان نفسي بجد ابقى معاكم

 

وبعدين اعتذار ايه اللي نقدمه

 

والله المفروض هما اللي يعتذرولنا بسبب اللي حصل ده كله

 

كفايه القلق وعدم التركيز و.................اللي عملوه فينا

 

حسبنا الله ونعم الوكيل

 

وكمان لرئيس الجامعه

 

هما عوزين يطلعوا من الازمه دي كمان حققوا حاجه

 

هما عيزين انا اسفه في التعبير يذلونا وخلاص

 

مقدروش مع النقاب

 

دخلوا في حاجه تانيه

[ريحانه عبد الرحمن 102]

معلش بعد إذنكوا أنا مش فاهمه حاجه إعتذار عن إيه هوا إنتوا غلطوا فى حاجه

أنا والله ما فاهمه حاجه يعنى المفروض إن كده خلاص كلوا يدخل بالنقاب الإمتحانات ومحدش هيقول حاجه

بجد أنا آسفه مش فاهمه حاااااااااااااااااااااااااااااااجه

 

 

 

إنى أحبكم فى الله

 

 

أسألكم الدعاء لى بظهر الغيب

 

 

 

ربنا يوفقكم

 

 

 

 

 

 

 

 

وإلى كان عندهم إمتحانات عملوا إيه

["عابرة سبيل" 0]

السلام عليكم ورحمة الله وبركاته،،

 

وحشتوووووووووووونييييييييييييييييي كتييييييييييييييييييييييييييييييير يا بنات

 

انا الحمد لله خلصت ربنا كرمني و الحمد لله

 

ايه يا فاطمة الأفلام دي كلها ليه كل ده يعني حسبي الله و نعم الوكيل فيهم ربنا يثبتك با رب و ينصرك

 

هند2 و نهى و سمية و دعاء و نور الاسلام 2 الحمد لله انكم امتحنتم و خلصتم على خير

 

أحبكن في الله و بجد وحشتوني و أسأل الله ان لا يحرمني صحبتكن