تجارة وهندسة ببورسعيد ترفض قرار المحكمة وتمنع المتتقبات من دخول الامتحان

[daughterofislam89 10]

بصوا انا جيت من شوية وروحت عملت المحضر

بس لازم امشى دلوقتى حالا جايلنا ضيوف ولسة هقوم استعد هخلص وارجعلكوا احكيلكوا كل حاجة

وحشتووووووووووووونى اوى

[النسائم الندية 0]

معلش بعد إذنكوا أنا مش فاهمه حاجه إعتذار عن إيه هوا إنتوا غلطوا فى حاجه

أنا والله ما فاهمه حاجه يعنى المفروض إن كده خلاص كلوا يدخل بالنقاب الإمتحانات ومحدش هيقول حاجه

بجد أنا آسفه مش فاهمه حاااااااااااااااااااااااااااااااجه

يا ريحانه هى وكليلة الكلية كانت زعلانة إن احنا بعتنا انزار لعميد الكلية ولرئيس جامعة القاهرة

علشان الانذار مكتوب فيه تهديد بالحبس والعزل إذا لم يقم بتنفيذ الحكم ومكتوب باسلوب وحش

فوكيلة الكلية شايفة إن كده عيب وإن كده غلط وقلتلنا نبعت اعتذار لعميد الكلية

فاحنا بعتناله ورقه مكتوب فيها شكر إنه نفذ الحكم واعتذار على اى اجراءات قانونية اتخذها المحامى قد تسئ اليه بس

لكن موضوع إن كده خلاص كله هيدخل بالنقاب

فمحدش عارف هو بعد الحكم الموضوع هدى وفى كليات كتيرة سابوا البنات يدخلوا بالنقاب

ربنا يستر

 

وبعدين فين فاطمة مقالتش حصل إيه النهاردة ....

جزاك الله خيرا يا هند 1 أحبك الذى احببتينا فيه :)

 

ايه اخبارك يا سمية ودعاء وهند 2 ونور الاسلام وكل البنات

وبعدين انا مشفتش ( سبح الله ) من يوم الحكم وكمان بريق الهدى

[النسائم الندية 0]

بصوا انا جيت من شوية وروحت عملت المحضر

بس لازم امشى دلوقتى حالا جايلنا ضيوف ولسة هقوم استعد هخلص وارجعلكوا احكيلكوا كل حاجة

وحشتووووووووووووونى اوى

ماشى يا فاطمة

هنستناكى :)

[دعاء بنت مصر 8]

احبكن الذي احببتونا من اجله يا ريحانه وهند :)

 

واحنا مستنيينك يابطه

[بريق الهدى 5]

السلام عليكم ورحمة الله وبركاته،،

 

كيفك يا حلوووووووووووووووين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

عااااااااااااااااااااااااااملين ايه؟؟؟؟؟؟؟؟؟؟

 

وحشني خاااااااااااااااااااااااااااالص

 

يارب تكونوا كلكم بخير

 

وشكر ليكي يا نهى على سؤالك

 

ربنا يبارك فيكِ

 

الحمد لله خلصت

 

انا هموووووووووووووووت من السعادة

 

خلصت تيرم بحاله

 

ياااااااااه

 

الحمد لله

 

 

 

ولكن للاسف يعكر صفو سعادتك دايما شي حزين

 

صديقتيا اللي قولتلكم عليهم انهم مدخلوش مادة

 

للاسف

 

كل اللي دخلوه مادة من خمسة

 

طردوا من اربع مواد

 

حسبنا الله ونعم الوكيل

 

ربنا يصبرهم ويصبر اهاااااااااااااليهم

 

الحمد لله على كل حال

 

 

 

عموما هما راضين بقضاء الله

 

الحمد لله

 

 

واخيرا

 

احبكم في الله جداااااااااااااااااااااااااااا

[قلبى لربى 0]

ايه اخبارك يا سمية ودعاء وهند 2 ونور الاسلام وكل البنات

وبعدين انا مشفتش ( سبح الله ) من يوم الحكم وكمان بريق الهدى

 

الحمد لله يا نهى ادعيلى

يارب انتى و مى تكونوا كويسين و إن شاء الله تجيبوا امتياز.

هى فعلا لمياء ما شفتهاش هنا خالص بقالها فترة بس كلمتها كذا مرة وهى كويسة الحمد لله

ربنا يكرمك يا نهى و يكرمنا جميعا

[بنوته مسلمة 0]

بسم الله الرحمن الرحيم

 

السلام عليكم ورحمة الله وبركاته،،

 

كيف حالكن يا بنات ؟؟

 

كيف حالك يا نهى ؟وجزاكِ الله خيرا على سؤالك عن ( سبح الله ) هى بخير والحمد لله بس كانت مشغولة معى شوية

 

وكيف حالك يا سمية ؟

 

سبح الله حكتلى عنكن كلكن

ربنا يديم أخوتنا في الله

 

الوضع يا بنات في آداب عين شمس

كان عبارة عن مجموعة من المراقبين اللى بيخافوا جدا جدا من العميد إلا من رحم ربي يعنى الحمد لله في لجنتى دخلى مراقبين تقريبا

 

في 3 مواد كانوا محترمين لكن في مواد المراقبين بيكونوا خايفين بطريقة مستفزة

 

والشيء المستفز أكثر أنهم يقولوا إحنا ملناش دعوة بس علشان لو حد بيعدى ما تعملوش لينا مشاكل وايه المراقبين دول ناس كبيرة

 

خايفين من واحد قد ولادهم

 

والدكتور رئيس اللجنة كان برضوا مش عاجبه الوضع بس برضوا بينفذ كلام الوكيل والعميد حتى زميلتى قالتلوا أنت راضي عن اللى

 

بتعملوا ده قالها لا مش راضي وأنا قولتله ده حقى قالى لا ده حقنا كلنا وكان بيتحايل علينا نلبس الكمامات وراح جابلنا كمامات وبقي

 

يكلم بنت بنت علشان يقنعها واللى مترضاش يحاول يسبها لغاية ما يحس أن في حد حيمر فيخليها تمشي

 

بس التوتر كان له تأثير رهيب على الاجابات فادعولى يا أخوات

 

الحمد لله الوضع عندنا كان أخف من غيرنا

 

لكن في حقوق عين شمس

 

مش المشكلة تنفيذ الحكم لكن ده القرار نفسه كان بيطبق بمزاج الناس

 

فحسبي الله ونعم الوكيل حسبي الله ونعم الوكيل حسبي الله ونعم الوكيل

 

الرجل اللى على باب المبنى اللى بيمتحنوا فيه - أعوذ بالله منه وحسبي الله ونعم الوكيل - كان بيقلوهم تخلعوا النقاب من على باب

 

المبنى وهو اللى يطابق الصورة وتفضل بدون نقاب لغاية اللجنة وفي اللجنة تلبس الكمامة وطبعا في مواد كانوا بيرفضوا كمان

 

الكمامة في اللجنة

 

واللى يغيظ أكتر أنهم سابوهم يمتحنوا أول مادة علشان مايعرفوش يأجلوا باقي المواد ويبقوا شايلين المواد لكن الحمد لله في بنات ما

 

شاء الله عليهن مثل الجبال اسأل الله أن يثبتنا جميعا

[قلبى لربى 0]

انتى هبة صح؟

أنا الحمد لله كويسة

الحمد لله إن امتحاناتك عدت على خير

و أسأل الله أن يعوض كل من تركت امتحانها خيرا و يزيدها عزا و يجزيها عن النقاب خير الجزاء

سلميلى على لمياء كتير و ربنا يجمعنا بيكوا على خير

أحبكن فى الله

تم تعديل 4 فبراير, 2010 بواسطة أختكم سمية

[قلبى لربى 0]

السلام عليكم و رحمة الله وبركاته

يا جماعة شوفوا الموضوع دة ضرورى

https://akhawat.islamway.net/forum/index.php?showtopic=238970

و ياريت يبقى عندنا إيجابية و اهتمام عشان الموضوع دة ينتهى بإذن الله على التيرم التانى

السلام عليكم و رحمة الله و بركاته

[أختكم آيات 1]

السلام عليكم ورحمة الله وبركاته،،

ربنا يكرمك ويوفقكم ويثبتكم على الحق وترفعو راسنا بنتائجكم

وخلصت امتحانات بقول لها مبروك

وإلى لسه ماخلصتش بقول لها شدى حيلك

ربنا يكرمكم ويبعد عنكم كيد الكئدين وحقد الحاقدين ويعلى شئنكم يوم الدين بثباتكم على الحق المبين

أختكم آيات

[تائبة ارجـــ المغفرة ــــــــو 0]

ازيكم يا بناتيت عاملين ايه يا رب اجازة سعيدة عليكم كلكم نفراية نفراية واقرب الى الله

وان شاااااء الله النصف القادم ربنا يكشف الغمة ونفرح بانتصارنا قولوا امين

 

فاطمة

المهم انك رجعلتنا بالسلامة ومستنينك تحكيلنا بالتفصيل الممل

وياااا رب يعوضك خير وياجرك خير من الامتحانات ان شاء الله

 

نهى

بجد حسبى الله ونعم الوكيل كمان هنتاسف طب على الاقل يكملوها الاول وينفذو الحكم على باقى الطلبة وبعد كده يمكن يبقى ليهم عين يتكلمو

لاكن ظلم وكمان المظلوم يتاسف . اللهم ان لم ترد لهم الهداية فذلهم اكثر واجعلهم لغيرهم اية

 

اللهم اصلح لنا شاننا كله ولا تكلنا الى انفسنا طرفة عين او اقل من ذالك

تم تعديل 4 فبراير, 2010 بواسطة تائبة ارجـــ المغفرة ــــــــو

[نور الاسلام 2 8]

السلام عليكم ورحمة الله وبركاته،،

 

ازيكم يا أخواتى عاملين إيه

 

أيه اخبارك يافاطمة ؟ يارب تكونى بخير

 

أنا الحمد لله النهاردة

انتهيت من الامتحانات

لاكن المضايقات مستمرة

دايماً

حسبنا الله ونعم الوكيل

وكالعادة قعدت فى مكان لوحدى امتحنت فيه زى بقيت المواد

لاكن بفضل الله مخلعتش النقاب

أدتهم ظهرى

ورفعت النقاب الاول وسبت التانى والبيشة على وشى

الحمد لله

كله من أجل الله والله ما تحزنوا

ربا يستر على النتيجة انا كنت بطلع بعد نص ساعة او ساعة بالكتير

الله المستعان

[ابنة الاسلام1 0]

السلام عليكم ورحمة الله وبركاته،،

ربنا يكرمكم

والحمد لله على السلامة

هههههههههههههههههههههه

والله العظيم كنت بدعيلك يا نور

وانت والله كمان يا فاطمة

بس الحمد لله

يارب خير

عقبال النتيجة الكويسة يارب

ومستنيينك يا بطة

تحكيلنا وتفهمينا ايه اللى حصل

ان شاء الله

[نور الاسلام 2 8]

السلام عليكم ورحمة الله وبركاته،،

ربنا يكرمكم

والحمد لله على السلامة

هههههههههههههههههههههه

والله العظيم كنت بدعيلك يا نور

وانت والله كمان يا فاطمة

بس الحمد لله

يارب خير

عقبال النتيجة الكويسة يارب

ومستنيينك يا بطة

تحكيلنا وتفهمينا ايه اللى حصل

ان شاء الله

أسأل الله ألا يحرمنى صحبتك

أنت واخواتى فى الله

صدقاً احبكم

[daughterofislam89 10]

حبيبات قلبى معلش اتاخرت عليكم

والله بتوحشونى وببقى عايزة اطمن على اخباركم ولو بايدى افضل فاتحة الموضوع واعمله ريفريش كل شوية اشوف مين رد واطمن عليكوا

 

المهم

روحت الصبح الامتحان وكان فى تغيير شوية فى اللجان عشان المطر وكدة

ودخلت وقعدت فى لجنتى وكانت المراقبة واقفة طبعا هى متعرفنيش لسة احنا 3 منتقبات فى اللجنة

متعرفش مين فاطمة

وبدأت توزع الورق فى اول اللجنة وكان فى بنت منتقبة بس بلبس كمامة دى فى قسم تربوى بس مش صاحبتى معرفهاش ولا حتى اسمها

المهم المراقبة قالتلها ارفعى

كان جنبها بنت مش منتقبة بجد حسبى الله ونعم الوكيل وربنا يديها على اد نيتها على اللى عملته معايا ده انا اصلا معرفهاش قالت للمراقبة يا مدام البنت اللى هناك دى عاملة مشكلة ومش بيدوها الورقة كل مرة خلى بالك متديهاش ورقة

حسبى الله ونعم الوكيل بينى وبينها ايه عشان تقول كدة وليه اصلا (فليقل خيرا او ليصمت) ومن اول مادخلت كان فى غمز ولمز بينها وبين صحباتها والمنتقبة دى هى دى طب جاية ليه ومش عارف ايه وكلام من ده

المهم المراقبة جت وزعت عندنا الورق قالتلى انتى اسمك فاطمة قلتلها اه قالتلى لا طيب استنى وراحت ندهت لوكيل الكلية

قالى يا فاطمة تعالى روحى للعميد فى مكتبه اساليه القرار النهائى بالنسبة لك ايه هم يقعدوا فى المكاتب ويحدفوا كل حاجة علينا

وروحت اقابل العميد بس مدخلتلوش قابلت السكرتير ده صاحب عمى اوى ويعرف بابا كويس اشتغل معاه فترة فى العمل السياسى

المهم دخل هو قابله وخرج اتكلم معايا قالى انتى متحولة انا مش هكدب عليكى وحلف انه حول الورق بنفسه قلتله اوك مش مشكلة انا بثبت حقى بقى بالطريقة اللى تعجبنى

وحاول يقنعنى ان الكمامة مالها وكويسة واصحابى عملوا كدة وافلام من دى كلها

المهم ووصلنى لبرة عشان اللجان مكانتوش هيعدونى وقابلنا دكتور يعرف بابا ندهلى من بعيد قالى سلمى على بابا وخرجت

وطبعا روحت القسم اعمل محضر

على باب القسم عسكرى سالنى رايحة فين قلتله هعمل محضر ضد الكلية قالى اتفضلى

دخلت على امناء الشرطة واحد منهم كان حاضر كذا مرة قالى تانى قلتله اه قالى طيب اطلعى قابلى المامور بقى

كل مرة بقابل حد جديد اول مرة اقابله المامور ده

طلعت كان فى عسكرى استاذنته ادخل قالى لا استنى شوية عنده ناس ودخل سمعته بيقوله المنقبة بتاعة الكلية وخرج راح جاب من مكتب رئيس المباحث ورق فى ظرف تيقنت ان فى حاجة اكيد تخصنى المهم استنيت بتاع 5 دقايق وقلتله انا عايزة اقباله مش فاضية عشان استنى كتير قالى طيب اتفضلى ادخلى

دخلت وكان بيكلمنى بقرف بيقولى ايوة يا اسنة قلتله بعمل محضر ضد الكلية قالى ونهايته

عملت عبده الاهطل قلتله مش فاهمة قصد حضرتك

قالى يعنى ايه نهايته ده اللى بتعمليه وبعدين قلتله بردو مش فاهمة

احسن حاجة الواحد يعمل هندى ويربط الفيل على باب القسم

قالى يعنى مش عندك حرس جامعة مقابلتيهمش نصحوكى بكدة

قلتله والدى قابلهم خير

قالى نصحوكى بكدة تفضلى تعملى كدة

قلتله والله انا اضمن حقى بالطريقة اللى تعجبنى انا رافعة قضية والمحامى بيثبتلى حقى

قالى طيب اتفضلى قلتله يعملوه قالى ايوة وكان بقى قرفان جدا

نزلت للامناء عملوا المحضر وادونى رقم المحضر اليوم

المهم اه فى حتة

اول ما روحت للامناء قبل ما اعمل المحضر الجديد قلتله انا عايزة رقم اخر محضر

فامين الشرطة كان هيلعب بيا فى حاجة ويلبسنى العمة بس اللهم لك الحمد كنت فايقة اوى ولبسته انا بقى العمة :)

بقوله رقم المحضر

ركزوا بس معايا فى الحتة دى عشان متوهوش وتفهموا قصدى

اول محضر عملته كان رقمه ( 19 احوال بورفؤاد فى 24/1/2010) تمام

المحضر بتاع يوم الاتنين بلغونى يوم التلات انه (19 احوال بورفؤاد فى 1/2/2010)

سالت امين تانى يومها اللى عمل المحضر قلتله هو قدرا كدة ولا لازم ياخد نفس الرقم قالى لا ده صدفة ورقم المحضر كان مكتوب على الورق بتاع المحضر من فوق لان يومها كان عملى المحضر فى الفيش والتشبيه عشان افتتاح القسم فمجابش الدفتر

كنت النهاردة بقى عايزة الرقم بتاع محضر التلات

فقالى ايه الامين بتاع النهاردة قالى عادى نفس الرقم بس بتاريخ يومها

طبعا انا فاهمة ان ممكن يبقى فيه محاضر وهمية متتسجلش فى الدفتر

قلتله يعنى هو رقمه 19 بردو بس بتاريخ 2/2 قالى اه وبتاع النهرادة هيبقى 19 بتاريه4/2

سالته ليه قالى هو كدة ارفقناه فى بعض

قلتله مينفعش ده مستقل قالى عادى

قلتله لا لحظة بقى انت تضمن انك تكتب 18 محضر قبله النهاردة ولا ايه مش فاهمة يعنى

افرض معملتش 18 محضر قبله النهاردة

فدوك فى الكلام واستهبل وقالى المحضر الاولانى اخد رقم ادارى 162 ده بعد مارجع بقى من الجامعة وراح النيابة

والمحضر بتاع يوم الاتنين رقمه9 قلتله الامين قاللى فات قالى 19 قالى لا 9 احوال فى تاريخه

وبتاع التلات 10 احوال فى تاريخه

الامين ده اصلا كان يوم تانى محضر بيقولى روح تابعى محضرك فى النيابة وارفقى الباقى فيه قلتله لا كل حاجة منفصلة

المهم امين تانى معاه عملى المحضر وخلصناه وبيقولى امضى وبيجيبلى الصفحة التانية قلتله لا هات الاولى اقراها كمان قبل ما ماامضى وعدلت حاجات وعايزنى امضى ع التانية بس قلتله لا همضى على الاتينن قالى معايا هتمضى على ورقة واحدة بس عشان انا بجيب من الاخر هو كدة قلتله احنا هنهزر ولا ايه انا همضى على الاتنين يعنى همضى على الاتنين وتنحت فمضانى متضرر بيقولى مش انا اللى هغير فى المحضر قلتله اومال خايف ليه تمضينى وسيبته وروحت قعدت لحد ما المأمور اعتمد المحضر وجابولى رقم محضر اليوم

الامين الاولانى شايف معايا الملف بتاعى واول حاجة فيه مذكرة الشئون القانونية بتاعتى والوصل بتاع البريد المسجل فقالى بعد اذن حضرتك ممكن اقرأ حكم المحكمة

قلتله اتفضل قراه قالى ممكن اخده قلتله معلش معاييش غيره مش هينفع

معرفش ليه مدتهولوش بس انا اصلا كنت بقفل كلام مش هنرغى مع بعض

وبس وتوتا توتا فرغت الحدوتة

هي بلدنا كدة هنعمل ايه

معلش طولت عليكم

والله حاسة انى بمثل فيلم اكشن *___*

 

 

بصى يا نهى ليا ملحوظة موضوع اعتذار ده انا معترضة عليه خلاص وممكن يستخدموه ضدكم

انتوا كنتوا تكتفوا بجواب شكر للتجاوب مع الحق القانونى

والله معندهومش دم

[النسائم الندية 0]

السلام عليكم ورحمة الله ,,

ازيك يا ( بنوته مسلمة ) انتى اسمك هبة ؟

انا الحمد لله بخير .. انتى خلصتى ولا لسه

بس الوضع عندكم واضح انه اصعب من القاهرة ...

 

بصى يا تائبة ويا فاطمة

هيا الفكرة إن استاذ نزار كانت باعت الانزار باسم بنت وافدة من فلسطين وكمان كاتب عنونها فى الانذار

فهى بالنسبه ليها بتواجه مشاكل كتير فى الاقامة علشان هى من فلسطين

وبعدين احنا قولنا نمشى الموضوع بالنسبة ليها علشان ميحطوهاش فى مشاكل

وبعدين احنا اتصلنا بالاستاذ نزار وهو ملانا صيغة الاعتذار

فإن شاء الله مفهوش حاجة ممكن يستخدموها ضدنا

بصى هيا ديه صيغة الاعتذار

السيد الاستاذ الدكتور عميد كلية الطب جامعة القاهرة

تحية طيبة وبعد نقدمه لسيادتكم ,,

البيانات

كتبت بياناتها

شكر واعتذار

اتوجه لسيادتكم بخالص الشكر وذلك لقيام سيادتكم باحترام الدستور والقانون واحكام القضاء ، وتنفيذ الحكم الصادر لصالحى بدخول الامتحان بالنقاب

وإن كان قيام المحامى بالاجراءات القانونية التى تضمن تنفيذ الحكم قد يعبر عن اى معنى غير مقصود ، مضاد لاحترامى لسيادتكم وانتمائى للكلية فأرجو أن تقبل اعتذارى

واتمنى دائما ان تكون العلاقة بين ادارة الكلية وبين الطلاب قائمة على الانتماء واحترام الحقوق المتبادلة

["عابرة سبيل" 0]

ربنا يعينك يا فطومة و يعوضك خير يا رب

[نور الاسلام 2 8]

ربنا يجازيكى خير يافاطمة على كل

 

وجع القلب دا

 

ناس غريبة فعلاً ربنا يهدى

 

بحبك فى الله

[ابنة الاسلام1 0]

السلام عليكم ورحمة الله وبركاته،،

ربنا يستر يا بطوط

أنا مش عارفة ايه آخرنا

بس الله معانا ان شاء الله

وجزاكِ الله خير يا بطوط

ويكرمك يا رب يانور

ومش مشكلة الاعتذار ده يانهى عادى يا جماعة

لو ده هيريحهم

ولا ايه وجهة نظركم

عشان يعنى منبقاش اتنازلنا

 

 

بطوط أنا عايزة أقولك حاجة يا قمر

طبعا أنا عارفة انك مش قصدك حاجة

بس عشان احنا بنحب بعض فى الله

لازم أنبهك

ولا ايه رأيك

كنت سمعت الشيخ مسعد أنور بيقول

فى شريط أقوال تخالف العقيدة

انه مينفعش نقول عبده العبيط

انا طبعا عارفه انك مش قصدك اى حاجة

بس عشان اخوات لازم نحافظ ونخاف

على بعض من أى حاجة ولو بسيطة

ومحدش يبخل على حد بمعلومة صغنونة

صح ولا ايه

بحبك فى الله

["عابرة سبيل" 0]

لا حول ولا قوة الا بالله

 

حسبي الله و نعم الوكيل

تم تعديل 5 فبراير, 2010 بواسطة "عابرة سبيل"

[قلبى لربى 0]

السلام عليكم و رحمة الله و بركاته

ربنا يعينك عليهم يا فاطمة و يتقبلك و يكفيكِ شرورهم

و الله يسامحها البنت اللى قالتلهم عليكِ دى

بس الغلط مش عليها

الغلط على اللى حطنا فى الوضع المهين دة و خلا كل حد بيكره النقاب يتكلم براحته

كانوا الأول بيكرهوا النقاب بس محدش يقدر ينطق ممكن خوفا من الله أو احتراما للحرية الشخصية

إنما دلوقتى بعد ما طلع النقاب ثوب شهرة و بدعة و لا أصل له فى الدين فبراحتهم

حسبنا الله و نعم الوكيل

ربنا معاكى يارب و بإذن الله الفيلم دة هينتهى نهاية سعيدة جدا فى الدنيا و الآخرة

السلام عليكم و رحمة الله و بركاته

[دعاء بنت مصر 8]

ربنا معاكي يافاطمه

 

وحسبي الله ونعم الوكيل في البنت اللي قالت عليكي ربنا يهديها

[daughterofislam89 10]

ربنا يكرمكم يا بنات وحشتونى اوى

انا دلوقتى اول حاجة بعملها بدخل المنتدى من الصفحة دى عشان اطمن عليكوا

 

يا نهى تمام ربنا يعديها على خير ويحل الازمة

 

ياهند اوس 2 طبعا يا حبيبة قلبى ربنا يباركى فيكى

جزاكى الله خيرا

اكسد مينفعش نبخل على بعض

بحبك فى الله

 

ويانور احبك الذى احببتينى من اجله انا كمان بحبك فى الله

 

خادمة كلام الله وريحانة عبد الرحمن مختفين فين من يومين

 

بنوتة مسلمة اهلا يا جميل اول مرة اتعرف عليكى

 

هند اوس 1 وحشانى كتير ابقى طمنينى عليكى

 

سومة كيف حالك ياقمر

 

تائبة ارجو المغفرة كيف حالك ياجميل

 

دودو عاملة ايه فى الاجازة ريحى كدة عشان ندخل التيرم التانى بقلب جامد *_*

 

بعتوا البرقيات يا بنات ولا لسة

 

ها ايه خطتكم فى الاجازة يعنى نستفيد من وقتنا اقترحوا بقى مشاريع نستغل فيها وقتنا

وكمان قولولى بقى كل واحدة طلعت بايه بعد المشكلة دى

 

بحبكم فى الله جميعا

[ريحانه عبد الرحمن 102]

ربنا يكرمكم يا بنات وحشتونى اوى

انا دلوقتى اول حاجة بعملها بدخل المنتدى من الصفحة دى عشان اطمن عليكوا

 

يا نهى تمام ربنا يعديها على خير ويحل الازمة

 

ياهند اوس 2 طبعا يا حبيبة قلبى ربنا يباركى فيكى

جزاكى الله خيرا

اكسد مينفعش نبخل على بعض

بحبك فى الله

 

ويانور احبك الذى احببتينى من اجله انا كمان بحبك فى الله

 

خادمة كلام الله وريحانة عبد الرحمن مختفين فين من يومين

 

بنوتة مسلمة اهلا يا جميل اول مرة اتعرف عليكى

 

هند اوس 1 وحشانى كتير ابقى طمنينى عليكى

 

سومة كيف حالك ياقمر

 

تائبة ارجو المغفرة كيف حالك ياجميل

 

دودو عاملة ايه فى الاجازة ريحى كدة عشان ندخل التيرم التانى بقلب جامد *_*

 

بعتوا البرقيات يا بنات ولا لسة

 

ها ايه خطتكم فى الاجازة يعنى نستفيد من وقتنا اقترحوا بقى مشاريع نستغل فيها وقتنا

وكمان قولولى بقى كل واحدة طلعت بايه بعد المشكلة دى

 

بحبكم فى الله جميعا

 

جزاكى الله خير الجزاء على سؤالك

 

جعل الله لكى من كل ضيق فرج

 

وأبدلكى خيرا من الإمتحانات جنات لكى فيها ما تشتهى

 

وإن كنتى أنتى تفخرين بأنكى منعتى من الإمتحان من أجل نقابك فأنا فخورة بكى

 

ولا أزكيكى على الله

 

وجزاكم الله خير الجزاء

 

ربنا يصبركوا يارب

 

وندخل الترم الجاى يارب كلنا بالنقاب بدون أى مشاكل

أكرمكم الله بكل خير

[تائبة ارجـــ المغفرة ــــــــو 0]

ازيكم يا بنات عاملين وحشتونى كلكم ريحانة هند1 وهند2 بنوتة مسلمة دعاء نور اجازة سعيدة يااااااااا رب

ربنا يسعدكم كلكم ويعوضكم خير على الى شفتو

 

فاطمة

بطوط انا كويسة يا قمر ربنا معاكى يا رب خلاص يا بنتى احنا بقينا فى زمن الغربة

يا رب يعوضك خير ووالله انا فخورة بيكى مهو الدين مش هينتصر واحنا ادينا على خدنا ربنا يا بنتى يجعلك جند من جنوده

اللهم استعملنا فى نصرة دينك ولا تستبدلنا ربنا يعينك يا رب يا فاطمة

طمنينى عليكى نفسيتك عاملة ايه وكده حطيت نفسى مطرحك زعلت عشانك اوى ياااااااااا رب يفرحك ويسطرك يا فاطمة

 

نهى

 

تمام يا قمر يا رب يوفقك الى ما يحبه ويرضاه

تم تعديل 5 فبراير, 2010 بواسطة تائبة ارجـــ المغفرة ــــــــو