تجارة وهندسة ببورسعيد ترفض قرار المحكمة وتمنع المتتقبات من دخول الامتحان

[ابنة الاسلام1 0]

السلام عليكم ورحمة الله وبركاته،،

يابنات

أنا ورايا امتحان أدب جاهلى بكرة

ادعووووووولى

بالله عليكم

ان أدخل بالنقاب

واحل كويس

لحسن ده أدب وانتوا عارفين الأدب بقى

[قلبى لربى 0]

يارب تدخلى بكرة بالنقاب و محدش يقلك حاجة و تجاوبى كويس

ابقى طمنينا لما ترجعى

[نور الاسلام 2 8]

ربنا يوفقكم والله أنا أدعو لكل أخواتى المنتقبات بالثبات

 

الفرج قريب

اللهم إنا ضعفاء فقّونا

 

 

ربنا يوفقك يا ابنه الاسلام وينصرك

ويثبتك ويتم امتحاناتك على خير

انا وانتى وكل الاخوات

[دعاء بنت مصر 8]

ربنا يفرج كربك ويعمي اعينهم عنك

 

متنسيش وانتي داخله تقولي (اللهم اكفينيهم بما شئت وكيف شئت انك على كل شيء قدير )

 

وقولي (وجعلنا من بين ايديهم سدا ومن خلفهم سدا فاغشيناهم فهم لا يبصرون )

 

ربنا ييسرلك امورك ان شاء الله

 

وطمنينا بكره عملتي ايه

[*أم رقية* 473]

حسبنا الله ونعم الوكيل

 

خلاص دية بقت بلد علمانية والله المستعان بسن شاء الله ربنا هينصرنا وبجد يا فاطمة جزاك الله كل خير انت وباقى الاخوات اللاتى صمدن

 

قال الله تعالى { وأعدوا لهم ما استطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم الله يعلمهم وما تنفقوا من شيء في سبيل الله يوف إليكم وأنتم لا تظلمون } .

لازم يفهموا أن الملتزمين مش هينين وجليهم إن شاء الله الله لان يضيعنا وهينصر دينة

[daughterofislam89 10]

السلام عليكن

حياكن الله حبيباتى على شد أزرى

 

اولا ابنة الاسلام طمنينى عليكى عملتى ايه النهاردة فى الامتحان

 

بالنسبة لقضيتى انا بعت اليوم التوكيلات لاستاذ نزار

وهيبتعلى ع الميل مذكرة بليل هبعتها مع صورة الحكم لمدير الشئون القانونية بالجامعة

وقالى اثبت فى محضر بكرة تانى انى هروح ومرضيوش يدخلونى

وقالى احاول اشوف محامى يحضر عندى مجلس التأديب معايا وابلغه باللى بيحصل

وبالنسبة للبنات اللى اهاليهم مش موافقين على القضية وهم اقل من 21 سنة يعنى الا كام شهر حاجة من اتنين

اما ان بعد ما نرفع قضصيتنا فعلا هيبلغنى رقم القضية ونحاول فى الشهر العقارى نعملهم توكيل خاص برقم القضية

او الحل التانى ان نخلى اسمهم فى الدعوة معانا بس ده يتطلب انهم يروحوا يحضروا الجلسة

ودى صعبة شوية لان محكمتنا الادارية مش هنا

ربنا ييسر للجميع ويهدى الاهالى

["عابرة سبيل" 0]

ابنة الاسلام 1 طمنينا عملتي ايه ؟

 

فاطمة ربنا ينصرك يا رب و يعوضك خيرا و ينصرنا جميعا يا رب انه ولي ذلك و القادر عليه

[النسائم الندية 0]

السلام عليكن

بالنسبة لقضيتى انا بعت اليوم التوكيلات لاستاذ نزار

وهيبتعلى ع الميل مذكرة بليل هبعتها مع صورة الحكم لمدير الشئون القانونية بالجامعة

وقالى اثبت فى محضر بكرة تانى انى هروح ومرضيوش يدخلونى

وقالى احاول اشوف محامى يحضر عندى مجلس التأديب معايا وابلغه باللى بيحصل

وبالنسبة للبنات اللى اهاليهم مش موافقين على القضية وهم اقل من 21 سنة يعنى الا كام شهر حاجة من اتنين

اما ان بعد ما نرفع قضصيتنا فعلا هيبلغنى رقم القضية ونحاول فى الشهر العقارى نعملهم توكيل خاص برقم القضية

او الحل التانى ان نخلى اسمهم فى الدعوة معانا بس ده يتطلب انهم يروحوا يحضروا الجلسة

ودى صعبة شوية لان محكمتنا الادارية مش هنا

ربنا ييسر للجميع ويهدى الاهالى

 

ربنا يوفقك يارب وتأخذى منهم حقك وينصرك عليهم آميين

فى أمان الله

بس مقولتليش استاذ نزار قالك إيه بخصوص الامتحانات الى بتروح عليكى ديه

يعنى إنتى لما ترفعى قضية إن شاء الله هيبقى من حقك تطلبى تعويض ....

ربنا يعينك يا بطة عليهم آآآآآآآمييييييين

[ابنة الاسلام1 0]

السلام عليكم ورحمة الله وبركاته،،

الحمد لله

زى العادة برده قالوا الكمامة

وقلتلهم مش معايا كمامة

وطنشوا

يارب يفضلوا مطنشين الامتحانين الجايين

الاتنين والاربعاء

شكرا لدعائكم ليا

وسؤالكم عليا

والله ربنا يبارك فيكم وميحرمنيش منكم

والله يابنات مفيش حد بيسأل عليا

حتى امى الللى معايا فى نفس البيت

مبتسالش عملتى ايه ولا حد

ربنا يكرمكم يارب

[نور الاسلام 2 8]

السلام عليكم ورحمة الله وبركاته،،

الحمد لله

زى العادة برده قالوا الكمامة

وقلتلهم مش معايا كمامة

وطنشوا

يارب يفضلوا مطنشين الامتحانين الجايين

الاتنين والاربعاء

شكرا لدعائكم ليا

وسؤالكم عليا

والله ربنا يبارك فيكم وميحرمنيش منكم

والله يابنات مفيش حد بيسأل عليا

حتى امى الللى معايا فى نفس البيت

مبتسالش عملتى ايه ولا حد

ربنا يكرمكم يارب

ربنا يوفقك وييسر امرك

وينتهى من الامتحانات على خير

لاانساك ِ من الدعاء

وانتى كمان ادعيلى

[daughterofislam89 10]

ربنا يوفقكم يا بنات جميعا

بنوتة الاسلام ربنا يعمى عيونهم عنك باذن الله

 

نهى: هو قالى اثبتى فى المحضر فى القسم هروح بكرة اثبت بردو وربنا يسهل عشان يحاول تقريبا يرفع القضية دى ان يطلب الاعادة

مش هو طلب متهيالى لبنات فى القاهرة عندكوا ولا ايه

 

بعتلى ورق ننشره للبنات هرفعهلكم حالا قالى البنات يحتجوا بيه عند اللزوم

[daughterofislam89 10]

نهى نسيت اقولك كمان انا المهم عندى اخد الحكم بتاع النقاب الاول عشان بس اضمن التيرم التانى

ادعى ربنا يسهل فى قضية الاعادة

لو اتحكم لحد عندكو فيها دى هتسهل علينا كتير عشان نبقى بالمثل

 

 

يا بنات ده بيان مجمع البحوث الاسلامية وبيان الازهر

انا ارفقتهم مع المذكرة اللى بعتهالى استاذ نزار عشان الشئون القانونية بالنسبة لمجلس التأديب والافلام اللى عندى دى

بس باعتلى الحاجات دى وعنوانها للنشر على البنات

ولما كلمته قالى وزيعها على اصحابك بالميل او يدوى واستخدموها لو حد اتكلم معاكو

 

وكاتبلى فى المذكرة بتاعتى ده جزء من نص المذكرة "وحيث إن القواعد القانونية المستقرة في قضاء مجلس الدولة أن المبدأ يعمم في الأثر القانوني ، كما أنه من المعلوم أن دعوى الإلغاء دعوى عينية تخاصم القرار الاداري الذي صدر في خصوص هذه القضية ضد المنتقبات على العموم ومن ثم فإن وقف تنفيذه يسري أيضا على على العموم ، كما أن دعوى الالغاء تعدم القرار الاداري فلا يصح أن يكون قائما مع اعدامه على البعض ومعدوما في حق البعض الآخر"

 

ربنا يوفقنا جميعا يا بنات

[قلبى لربى 0]

يا بنات ده بيان مجمع البحوث الاسلامية وبيان الازهر

انا ارفقتهم مع المذكرة اللى بعتهالى استاذ نزار عشان الشئون القانونية بالنسبة لمجلس التأديب والافلام اللى عندى دى

بس باعتلى الحاجات دى وعنوانها للنشر على البنات

ولما كلمته قالى وزيعها على اصحابك بالميل او يدوى واستخدموها لو حد اتكلم معاكو

 

جزاكِ الله خيرا

هو بردو بعتهالى بس ماكنتش عارفة هى بتاعة ايه عشان كدة مارفعتهاش دلوقتى

بس أنا عايزة أسألك سؤال

هى مش دى حاجات الأزهر؟ طيب احنا هنحتج بيها إزاى؟

ربنا يكرمك و يوفقك لما يحب و يرضى

السلام عليكم و رحمة الله و بركاته

["عابرة سبيل" 0]

ربنا يوفق يا فاطمة و ييسر لكِ امورك و يرزقك الرضى و السعادة في الدنيا و الأخرة

 

ابنة الاسلام 1 الحمد لله ان ربنا يسر لك عقبال باقي الامتحانات

[daughterofislam89 10]

السلام عليكم ورحمة الله وبركاته

ازيكوا يا بنات هحكيلكوا اللى حصل حالا اهو النهاردة

بس ارد على سمية الاول

 

فى حاجة فى القانون يا سومة اسمها ان المبدأ يعمم فى الاثر القانونى فالحجة هنا ايه

ان كدة كدة فى ناس اتحكملها فى قرار كان عام واللى اتحكم لهم بشكل خاص يبقى المفروض بالقياس يطبق على الجميع ده بالنسبة مثلا لحكم المحكمة

وبالنسبة لكلام الازهر ومجمع البحوث الاسلامية

هنحتج بقولهم ان اللجنة كلها سيدات فى المراقبة وكلها بنات

هو استاذ نزار كلمنى امبارح وقالى ارفقهم مع المذكرة الى كنت هبعتها النهاردة

 

اللى حصل النهاردة دخلت لحد اللجنة عادى موقفونيش

جت المراقبة بتقولى لابسة كمامة قلتلها لا

قالتلى مينفعش حتى المراقبات اهو لابسين

قلتلها لا هو كدة مش هلبس كمامة بكل هدوء العامل بيمر بيدونى كمامة قلتلهم لا

جابولى وكيل الكلية

بيقولى ايه الجديد يعنى مانتى بتلبسيها كل يوم هتعملى مشكلة ليه النهاردة قلتله لا انا مش بيدخلونى كل يوم اصلا قالى انتى مين قلتله

قالى انتى متحولة مجلس تأديب الجامعة

قلتله ازاى يعنى فين القرار اللى بيثبت الكلام ده

قالى هو كدة احنا بنقولك اهو العميد محولك مجلس تأ>يب

قلتله مفيش حاجة فى القانون اسمها انا بقولك لازم فى ورق رسمى ويخطرونى على البيت وانا مجاليش حاجة

قالىل يالا متعطليش وقت اللجنة

طلعت برة وكلمت استاذ نزار مردش فاتصلت ببابا يجيلى

ساعتها الوكيل ده قالى بصى روحى قولى مشكلتلك لدكتور علم الدين (ده نائب رئيس الجامعة لفرع بورسعيد) قوليله الموضوع كله لو وافق ندخلك اوك اهلا وسهلا

وفى موظف قالى هتلاقى الورق متاخر بس بوستة ومش عارف ايه

بابا جه بس قالى لا مش هنروح نثبت المحضر نروح الاول لعلم الدين ده

روحنا لقيناه فى اسماعيليلة اليوم

قابلنا السكرتارية سألناهم جالكوا حاجة من اسماعيلية ان انا متحولة مجلس تأديب قالوه لا مش عارفين مفيش حاجة متهيالى

بابا قالهم الكلام ده بيبقى مسجل فى الدفاتر شوفوا من تاريخ اول امتحان يجيبوا الدفتر يمين فى شمال مش لاقيين حاجة

بابا قالها طيب معلش طلب شخصى اتصلى بيهم اساليهم فى الكلية فى مجلس ولا لا

اتصلت وكانت بصراحة ذوق المدام دى قالولها العميد محولها فعلا بس الورق فى اسماعيلية لسة مجاش

وان كنت اشك فى الكلام اللى اتقال اصلا

فى سكرتيرة تانية بتقولى عادى ماهى الكلية اللى بتحقق معاكى وممكن يعملولك مجلس التأديب هنا مش هناك

قلتلها لا لحظة بقى كدة فى ازدواج ومينفعش قانونا (ربنا يكرمه استاذ نزار كان مفهمنى الحتة دى) قلتلها يا الجامعة اللى تحقق يا الكلية والجامعة بدأت تحقيق معايا فى الشئون القانونية الاسبوع اللى فات يبقى مينفعش مجلس التأديب بتاعى يبقى عن طريق الكلية لازم الجامعة

بابا قالها هو ينفع الورق يروح من غير ما يعدى على الفرع هنا ده قانونى قالتله اه ممكن لو العميد اللى محولها على طول ممكن لو عايز يحولها على فرع الجامعة الرئيسى وقالولها هنبقى نبلغها بميعاد الجلسة لان التحقيق هيبقى فى اسماعيلية مش هنا

بابا قالها طيب ازاى الورق ده ميثبتش هنا لازم يتمضى من نائب رئيس الجامعة قبل ما يروح

قالتله ساعات بيبقى عميد جاى ومعاه ورق مش عايز حد يطلع عليه فيقوم يمضى النائب هو بنفسه وهو معاه فى المكتب ويبعت الورق دايركت

بابا قالها طيب احنا هنثبت دلوقتى فى الاسم انهم مانعنها من الامتحان

قالتله هو كدة كدة طالما فى قرار بالمنع باسمها لما يتحقق معاها لو المجلس برأها بيتعاد لها الامتحانات ومبتعتبرش رسوب

بس ورجعنا

ادعولى ربنا ييسرلى الامر ويسهل فى مجلس التأديب ده

يااااااااااااااااااارب ينصرنى واللى زيى كلهم عليهم

[daughterofislam89 10]

نسيت اقولكم يا بنات

انا مش حاطة امل اوى فى بتوع مجلس التاديب ينصفونى لانهم على شاكلة عميد كليتى فبتوقع الاسوأ عشان متصدمش وانا ووالدى فهمنا والدتى كدة لانها بردو اكيد طبعا متاثرة ومش سهل عليها كل اللى بيحصل ده بتحتسب اه وكل حاجة بس ام فى الاول وفى الاخر

 

واجمد اشاعة طلعت وانتشرت عندنا وصلتنى النهاردة عن الموضوع ايه تتوقعوا؟ *__*

انى ضربتهم وضربونى واشتبكنا بالايدى وافلام كدة

صاحبة الدار اللى بنحفظ فيه واحدة موظفة بس بتدرس فى الجامعة المفتوحة عندنا فى الكلية ففتحت معاها الكلام وايه رايك فى اللى بنات عاملينه وكدة

صاحبة الدار سابتها تتكلم وخلصت كلام وقالتلها موضوع الاشتباك بالايدى ده وكدة

وقالتلها ازاى يعنى البنت عندى فى الدار والكلام ده محصلش انتوا بتنقلوا اخبار واشاعات وخلاص من غير ما تعرفوا

احتمال بكرة تطلع اشاعة تانية انى ضربت العميد شخصيا بقى*___*

[قلبى لربى 0]

جزاكِ الله خيرا يا فاطمة

أسأل الله أن ييسر لك أمرك و يقيكِ شرورهم و يجعل كيدهم فى نحورهم و يربط على قلبك وقلب والديك و يعوضكم خيرا

[ابنة الاسلام1 0]

السلام عليكم ورحمة الله وبركاته،،

ايه يا بطوط الكلام الجامد ده

كويس والله انك بتردى كده

ربنا يكرمك يارب

وربنا بإذن الله هينصرك

ويارب الترم مش يضيع عليكى يارب

وجزاك الله خير على الورق

[عبــاد الرحمن 165]

لا حول ولا قوة الا بالله

 

انا اتصدمت من كل اللي قريته

 

كل ده يحصل لبنات منتقبات

 

كل ده يحصل لبنت عايزة تستر نفسها

 

لا حول ولا قوة الا بالله

 

ما يوقفوا واحدة تتأكد من شخصية البنت قبل ما تدخل اللجنة وتبقى خلصت الحكاية

 

لكن بالطرقة دي تعتبر حرب على النقاب

 

اللهم ثبتنا يارب وثبت كل المنتقبات يارب

 

الحمد لله اني خلصت دراسة

 

ربنا يثبتك يا فاطمة يارب وينصرك

 

ربنا معاكي انتي على الحق وهم على باطل

 

ربنا ينصرك عليهم يارب ويرفع راسك بنقابك عزتك

 

وربنا يوفق نور الاسلام وابنة الاسلام

 

ويوفق كل المسلمين في امتحاناتهم وخاصة المنتقبات ربنا يوفقهم ويثبتهم

[*أم رقية* 473]

حسبنا الله ونعم الوكيل

ربنا ينصركن جميعا

[daughterofislam89 10]

بارك الله فيكن حبيباتى

لانملك سوى حسبنا الله ونعم الوكيل

اومال يا بنات هند ونهى ونور الاسلام مطمنوناش عليهم ليه النهاردة

ونور كمان غطسانة بقالها يومين فين

طمنونى عليها

[النسائم الندية 0]

إزيك يا فطومة جزاكِ الله خيرا على السؤال

انا الحمد لله امتحنت بالنقاب ومفيش مشاكل

 

 

بس أفهم من الكلام الى انتِ قلتيه إن ممكن مجلس التأديب ده يكون حركة هما عاملنها ومش كلام رسمى

طيب هما قالولك مجلس التأديب ده هيبقى امتى ؟ ولا انتى لازم تستنى يجيلك ورق رسمى وبعدين تروحى

وبعدين هو ينفع متروحيش مجلس التأديب ده ؟

 

علفكرة احنا عندنا غالبا استاذ نزار لسه معملش حاجة للبنات الى اطردوا من الامتحانات

هو الى حاطه فى دماغه دلوقتى إنه عايز يعمم الحكم

 

وبعدين ايه تشابك بالايدى قال يعنى انتى لوحدك هتضربيهم كلهم

اوووووه علفكرة لو العميد حصله حاجة هيقولوا إنك اغتالتيه :)

خلى بالك بقى من صحة العميد

[دعاء بنت مصر 8]

ايه اخبارك يا فطومه

 

عيزه اطمن على اخبارك بس بقالي يومين مبدخلش

 

بس قريت الكلام اللي حصل

 

ربنا ييسرلك امورك ان شاء الله

 

وعلى راي نهى خلى بالك من صحه العميد

 

ليطلعوكي انك اغتلتيه

 

زي ماطلعوني انا ونهى معندناش انتماء ولا وطنيه

 

كان ناقص انهم يقولوا علينا جواسيس *_____*

[ابنة الاسلام1 0]

السلام عليكم ورحمة الله وبركاته،،

ياترى جواسيس لحساب مين يا دعاء

ربنا يستر يارب

 

الحمد لله امتحنت

برده كالعادة

الكمامة

ممعييش

وامتحنت بفضل الله

بس الامتحان كان وحش

وفى بنات خرجت تعيط

والامتحان كان غير تقليدى

 

ربنا يستر فى يوم الاربعاء بقى

 

اه صحيح

أنا دعيت امبارح ليكم بالاسم

لنهى _وعابرة سبيل _وسمية_وبطوط

وخفت لانسى حد فقلت وكل الأخوات يارب

اللى امتحن النهاردة ايه الأخبار

[قلبى لربى 0]

جزاكِ الله خيرا يا هنودة

و ربنا يديم بيننا الحب فى الله

أحبكم فى الله