تجارة وهندسة ببورسعيد ترفض قرار المحكمة وتمنع المتتقبات من دخول الامتحان

[قلبى لربى 0]

زي ماطلعوني انا ونهى معندناش انتماء ولا وطنيه

 

كان ناقص انهم يقولوا علينا جواسيس *_____*

 

إزاى بقى ماعندكوش إنتماء و لا وطنية؟

 

لو مش عندكوا انتماء للكلية كنتوا قعدتوا فى بيوتكوا و خلاص و استسلمتوا لقرار منعكوا من دخول الامتحان

 

دة قمة الانتماء إنكوا رفعتوا قضية :unsure:

[**المعتزة بدينها** 3]

اسال الله ان يثبثكم يا اخواات

 

 

حبيت اطمنكم على اختكم نور

 

هي امتحنت يوم الاحد

 

لكن منهارة اسال الله ان يفرج همها

 

كلمتها امبارح و ماكانتش عاجباني

 

امتحنت بسرعة لانها ككانت غير مرتاحة

 

 

 

معملتش كمامة و رفضت تخلع النقاب

 

اسال الله ان يثبثهاع على الحق

 

ادعو لها فاضل لها بكرة

[ابنة الاسلام1 0]

السلام عليكم ورحمة الله وبركاته،،

أسأل الله العظيم رب العرش العظيم أن يجبرها

ربنا يكرمها يارب

ويوفقها

آمين

وايقى طمنينا عليها اول بأول يا معتزة

[daughterofislam89 10]

ههههههههههههههههههههههههههههههه

قتلتونى ضحك يخرب عقلكوا يا مجانين

ههههههههههههههههههههههههه

 

طيب ايده كانت اتكسرت بعد ما قالنا هقلعكوا النقاب من شهر ونص كدة وكلنا دعينا عليهوقلنا حسبى اللهونعم الوكيل

تفتكروا ممكن يلبسوها فيا بتهمة ان الدعاء وصل

هههههههههههههههههههههه

 

بحبكم فى الله

 

يابنات اللى يقدر يوصل لنور يكلمها ويهديها ويخليها ترجعلنا محتاجينها معانا هنا عشان نقويها ونرفع من روحها المنهرة دى

ربنا يعينها

 

حصل تطورات رهيبة عندى من امبارح بليل

انتيمى اتصلت بيا ومكلمتهاش غير متاخر لما صحيت وقعدت معاكوا وروقت وكدة

فبتقولى المراقبات قالولها خليها تلبس كمامة عليا وتعديها

ماشى المراقبات يوقولا كدة براحتهم اللى ميعرفش يقول عدس

بس الوكيل اللى قالى انى متحولة ده وقالى اقابل نائب رئيس الجامعة قال لواحدة صاحبة انتيمى وهيا خارجة من اللجنة خليها تلبس كمامة وتدخل وتلم الموضوع فى المادتين اللى فاضلين دول

تفتكروا معنى كلامه ايه؟

اكيد مش هيتحمل مسئولية انى اكون متحولة مجلس تاديب وادخل اللجنة

فكان اول حاجة فكرت فيها انى اروح اثبت محضر فى القسم النهاردة على اللى حصل امبارح

لان استنتاجى والله اعلم ان العميد هو هيحولنى هيحولنى مش هيسيبنى بس عايز يحولنى بعد مواعيد الامتحانات ماتخلص عشان يقول انى متغيبةعن الامتحان وممتنعة من نفسى مش هم اللى مانعنى هذا توقعى

المهم روحت القسم النهاردة ولواحدى تخيلوا اول مرة اروح لواحدى المرة اللى فاتت كانت مع بابا بس النهاردة عملت عبده الشجاع وروحت لواحدى

والظابط عملى المحضر مش امين شرطة ولا حاجة بعد ما اخدت اذن المأمور ماهو عارفنى من المرة اللى فاتت من ساعة المحضر اللى فات لما دخل مدير الامن فى الموضوع (مش قلتلتكم قبل كدة وهل يخفى القمر)

المهم وخلصت المحضر واثبت كل حاجة وتمام وعايزة اخد رقم المحضر لقيت واحد بيقولى يا انسة لو سمحتى اتفضلى معانا فوق

اخدينى فين؟

وافاجئ انى مطلوبة عند رئيس المباحث *___*

مش بهزر والله دخلونى عنده

سبحان والله من ثبتنى اسال الله ان يجرى الحق على لسانى دايما ويثبتنى

قالى ازيك يا فاطمة اقعدى

قعدت قالى ايه مشكلتك شرحتله باختصار انى بروح وبيروحونى فانا باثبت ان هم اللى بيمنعونى عشان مفيش قرار بمنعى

قالى انتى مش اثبتى قبل كدة هو اول محضر ميكفيش قلتله لا عشان القضية وكدة لازم نثبت كل مرة

ودخلنا فى الاسئلة المتينة

باباكى بيشتغل ايه قلتله وعرفته انه كان موجود معايا اخر مرة

قالى المحامى بتاعك مين قلتلته فلان

قالى وده طولتيه ازاى قلتله عادى معروف انه كسب قضايا فى القاهرة ووصلتله عن طريق اصحابى

وكان بيعمل تليفونات كلها كانت مشغولة فهمت انه اكيد عايز يسال علينا فى قلق من ناحيتنا ولا لا او كدة

ساعتها دخل المساعد بتاعه قاله مكتبك مفتوح قاله اه قالى انسة فاطمة معلش استنينا هناك شوية

انا قلت طيب وروحت واتصلت ببابا قلتله عادى اجراءات وكدة لو رنتلك ابقى تعالى متجيش دلوقتى لان مفيش حاجة

ودخل المساعد ده عندى واتكلم معايا وقالى ربنا يثبتك وكدة يا بنت الناس بس انا خايف الكلية يبهدلوكى مش حاجة تانية وميخرجوكيش منها

قلتله اللى عند ربنا مبيضعش ولو هاخدها فى 10 سنين انا ماشية بالقانون ومخرجتش عليه وربنا هينصرنى ان شاء الله

واتلكم معايا شوية باحترام وكدة وقالى طيب انتى ليه مش عايزة تقلعيه قلتله انا مش معترضة على كشف الهوية بس اعتراضى انى استبدله بكمامة طول اللجنة

قالى مش اصحابك عملوا كدة قلتله فى ممتحنوش بردو زيي

قالى بس انتوا 4 بس اللى عملتوا محاضر قلتله معلش

قالى طيب ليه مش عايزة تقلعيه قلتله معلش مش هقدر ودى حاجة شخصية مش هقدر ارفعه فعلا

قالى يبقى ربنا يثبتك هو الموضوع ان النقاب انتشر وفى ناس وحشة

قلتله كل حاجة فيها الكويس والوحش انا معاك ان فى وحش كتير

بس جوة اللجنة يقدر يحكم العملية هو حق تعسفى مش اكتر من الجهات التنفيذية لان حتى لو انا بكمامة هم مش شايفين فمى بيقولوا بنتكلم بنغش ازاى مش معقول وفى كليات هنا حلت الامور والعميدات عملوا لجنة خاصة

قالى يعنى العميد اللى بيتعسف قلتله بالظبط كدة

ساعتها رئيس المباحث ندهلى تانى فاستئذنته وخرجت روحت لبتاع المباحث قالى تليفون بيتكم كام مليته الرقم واستأذته ومشيت

نزلت اخد رقم المحضر تحت امين الشرطة قالى تعالى بليل لان فى محاضر كتير ولسة متسجلتش

وهمشى وخارجة من باب القسم واحد وقفنى قالى يا انسة مين اللى قالك تمشى

قتللته جوة قالى طيب لحظة ودخل يسال وبعدين خرج شاورلى امشى

 

بقيت رد اقسام يا بنات وتحريات وافلام :)

 

بكرة بقى هروح اعمل محضر تالت واخد رقم المحضر بتاع النهاردة

ماحنا فاضيين هو احنا ورانا حاجة:)

 

لا تنسونى من دعائكم

لو لقيتونى تغيبت عنكم لفترة اقلقوا عليا احتمال اكون فى امن الدولة ولا حاجة *___^

ربنا يبعدهم عننا يارب

بس احنا هنا خلاص الواحد معادش بيستبعد اى حاجة

ادعولى يا بنات بالله عليكن لا تنسونى من دعائكم

[**المعتزة بدينها** 3]

اسال الله لكم الثباث

 

ان مش فاهمة ليه كل ده

 

والله بقعد افكر

 

ليه كل ده

 

ايه اخرته يعني

 

حسبنا الله و نعم الوكيل

 

اللهم ارنا فيهم عجائب قوتك

 

و لو اني مش من مصر الا انه هذا الموضوع بيغلي فدماغي

 

مش فاهمة ليه قاعدين يتهمو في المنتقبات

 

والله دي لعبة

 

رماها العدو علشان يلهينا بيها و يعمل الي هو عوزه

 

اتقوا الله

 

اتقوا الله

 

اتقوا الله

 

اسال الله لكن الثباث

[تائبة ارجـــ المغفرة ــــــــو 0]

ربنا معاكى يا رب يا فاطمة وييسرلك امورك ويعميهم عنك يااااا رب

 

اللهم اصرف عنها شرهم واصرف لها مودتهم

 

اللهم لا تسلط علينا بذنوبنا من لا يخافك فينا ولا يرحمنا

 

وسلط علينا برحمتك من يخافك فينا ويرحمنا

 

ياااا رب يوفقك وينصرك عليهم ياااااا رب

 

بس يا ريت تسالى المحامى الى انتى بتعمليه ده صح ولا غلط وربنا يهديكى الى ما فيه الخير ليكى

 

وان شاء الله ربنا يجزيكى خير عن كل بنت منتقبة يرجعلها حقها بسببك

 

اللهم حكم فينا شرعك وربنا يجعلك سبب فى نصرة دينه

 

وابقى طمنينا عليكى يا رب ميقلقنا عليكى ابدا

 

ومتسالنيش عرفتينى منين وهل يخفى القمر هههههههههه

 

متابعة طبعا المسلسل من اولو بس مش بشارك كتير كده علشان لسة نيو بس بحبكم كلكم فى الله

 

وحبيت المنتدى ده بجد

[**المعتزة بدينها** 3]

اطمنكم يا بنانيت الحبيبة نور بخير

 

ادعو لها فاضل لها بكرا و يوم الخميس

 

 

اسال الله ان بثبثها و ييسر امره

[نور الاسلام 2 8]

بارك الله فيكن حبيباتى

لانملك سوى حسبنا الله ونعم الوكيل

اومال يا بنات هند ونهى ونور الاسلام مطمنوناش عليهم ليه النهاردة

ونور كمان غطسانة بقالها يومين فين

طمنونى عليها

السلام عليكم ورحمة الله وبركاته

 

جزاكم الله خيراً على الدعاء

 

من زمان نفسى ادخل احكى لكم اللى حصل اول وتانى يوم

بس انا اسفه اعذرونى

برجع متأخرة

اصلى بمتحن يوم ويوم

 

بسم الله

 

نبدأ

أول يوم أخى وصلنى لحد باب الكلية وقعد يحفظنى فى الكلام اللى هقوله

هوا محامى بس لسه محامى صغير بس الحمد لله فاهم فى القانون كويس

ادانى الحكم وقالى

تقعدى عادى عاوز برود ولا مبالة

لو جالك المراقب او اى حد قالك

أكشفى وشك

قولى له ليه؟ ايه السبب؟

هيقولك دى قرارات وتعليمات وأللللللللللللخ

قولى له انا مش هخلع النقاب

ومش همشى

ويعمل اللى يعمله

المهم قولى له مش طالعة من اللجنة غير ماتجيب ورقة مختومة زى اللى معايا دى انى محضرش

الامتحان

المهم دخلت

احفظ فى الكلمتين وسألت الله

أن يكفينيهم بما شاء

عاوزة اقولكم ان فى اليوم دا

المراقب مشافش الكرنية ابدا كان نحسبة على خير قعدت وانسة جت شافتنى وخلاص

وانا خارجة

قالى شوفى انهى كارنيهك وخديه

فرحت واتبسطت وقلت الحمد لله

وروحت

امباااااااااااااااااارح

من قبل ما أخد ورقة الاسئلة

جالى شخص كدا الله اعلم رئيس الدور ولا إيه

قالى

انا متأسف مش عارف أقولك إيه

بس غصب عنى

قلت له فى حاجة ؟؟؟؟

قالى العميد تحت وبيمر فى اللجان وادى 11بنت محاضر وطرد وكدا وجزى للجان

قلت له انا مش هرفع النقاب

دقيقة

ولاقيت الدكتور

والمراقبين ورئيس الدور

والوكيل

وريتله الحكم

خده وبعدها جه قالى لا مش هينفع

قلت له خلاص لما يطلع العميد انا هتكلم معاه قالى يا انسة هتأذينا كلنا

راح قالى زميلتك قاعدة اخر اللجنة وحاطة منديل ومحدش شايفها

قلت له موافقة انى ارجع اخر اللجنة بس

قالى ايه ؟

قلت له ابص نحيه الحيطة واديكوا ظهرى ولو حد جه هنزل النقاب

قالى مفيش مشكلة ؟

انا قلت اجيب اخره رجع اخر اللجنة

لاقيت فعلاً مكان منعزل زى طرقة كدا واخت منتقبة قاعدة وانا مش شيفاها

بس فى ولد قاعد

قال للولد ممكن تقوم عشان زمايلك يمتحنوا براحتهم

قاله لا انا متأسف انا مش هقوم من مكانى

المراقبة قالت له

يابنى زميلتك مش عايزة تخلع النقاب قالها برده متأسف

راح المراقبة قالى لى تعالى انا جالى فكرة احنا نطام الدور فى طرقة ادام داخلة لجوة والحمامات مقفولة

قالتلى اقعد لجنة لوحدك وادينا ظهرك زى ما انتى عاوزة محدش بيروح المكان وحلى براحتك انتى بس قلتلها ماشى

المهم جاب لى كرسى وتربيزه وقالى انا لو عليا مش هخلى اى واحدة تخلع النقاب

رحت وقعدت وفعلاً ملقتش حد خالص غير شوية خشب مكسرين

قلت الحمد لله وابتديت احل

سمعت صوت رجل من ورا نزلت النقاب لاقيت واحد العميد بتاعهم ولا الوكيل الله اعلم قال دى قاعدة ليه هناك كدا

المراقبة قالت له انا بروح ابص عليها قالها ياااااااااااامدام دى منزله النقاب

قالت له لادى اكيد عشان حضرتك جيت لاكن هى كانت رفعاه قالها يعنى لما بمشى بترفعه طب خلى عينك عليها مشى وبعت لى واحدة

قالت لى بدل القلق اللى عملاه ماتحطى كمامة ولامنديل

والله من ساعتها نسيت كل اللى فى دماغى وبقيت حاسة انى مش مرتاحة رغم ان بفضل الله محدش شاف وشى بس المراقبة كانت كل شوية تيجى وتروح افتكرها رجل قلت لها خلاص خدى الورقة قالت لى طب ثوانى يعدى نص الوقت ويدوب مكملتش ورحت اديت لها الورقة

ونزلت

وتركت الامتحان ولله الحمد وانا قلبى واجعنى من الشاب اللى رد الرد البايخ دا

تزكرت والدى انا بتحمل عشانه لانه مريض ومن اول الموضوع دا وهوا بيقولى ان لو معدتش السنة دى هيكون مش راضى عنى اهم شىء ربنا يرضى يارب ثبتنى

والحمد لله الله اعلم فى المادة دى بتاعت بكرا باذن الله هيحصل ايه

ادعوا ربنا يهدى أل بيتى

ربنا لاتزغ قلوبنا بعد اذ هديتنا وهب لنا من لدنك رحمة انك انت الوهاب

 

بإذن الله غداً مش هلبس كمامات ولا الكلام اللى بيقولوا عليه

ولو تركت الامتحان هيكون سر بينى وبينكم مش هبلغ والدى لان العواقب ؟؟؟؟؟؟الله المستعان

 

نسيت اقولكم ان اخى امبارح قعد يقولى ألبسى الكمامة بس انا مش مقتنعة بالله عليكم ادعولى

 

انا بحبكم كلكم فى الله

تم تعديل 1 فبراير, 2010 بواسطة نور الاسلام 2

[**المعتزة بدينها** 3]

لا حول و لا قوة الا بالله

 

دي المساعدة يا شباب المسلمين

 

 

 

نور بكرا مستنية منك البشارة

 

 

ان شاء الله تدخلي تطمنيني

[تائبة ارجـــ المغفرة ــــــــو 0]

يا رب يا نور ربنا ييسرلك امورك

وان شاء الله تدخلى الامتحان بالنقاب وتحلى كويس فى الماده

يا رب اعميهم عنها ووقفلها ولاد الحلال ياااااااا رب

اللهم لا تسلط عليها بذنوبنا من لا يخافك فيها ولا يرحمها وسلط عليها برحمتك من يخافك فيها ويرحمها

ان شاء الله خير بس ابقى طمنينا عليكى

ربنا ينصرنا ويفرج كروبنا يااااا رب

حسبى الله ونعم الوكيل انت المنتقم يااا رب

تم تعديل 1 فبراير, 2010 بواسطة تائبة ارجـــ المغفرة ــــــــو

[خادمة كلام الله 0]

السلام عليكم ورحمة الله وبركاته

 

حياكن الله حبيباتى بجد اللهم بارك الموضوع هنا حلو قوى قلت اكمل قصتى هنا علشان الحبايب كلهم هنا

انا كتبته فى تربية واداب اسوان المهم

 

بعد ما رحنا للمحامى وطلع ملتحى وملتزم وكان معتقل اصلا ( جماعات ) بس المهم اصلا الاتزام عندنا فى اسوان مش على الطوائف المنتشرة المهم بردو انا لكاكة اعترفوا : ))))))))))))))))

 

بس المهم تانى يوم من ما رحنا للمحامى اتصلوا بيا على البيت انهم عاوزينى علشان تحقيق محضر الشغب انا والثلاث بنات الوحيدين فى تربية وكانت قبلها اتصلت بى صاحبتى علشان اتصلها بالمحامى علشان ييجى معاها بس فرحت وانا متحمسة وان الحق معانا

 

رحت ووقتها كانت صاحبتى جوه بتحقق والتانية منتظرة وانا فجيه دور صاحبتى قلتلها لا ماتدخليش الا لما المحامى ييجى افتكرتها من كلمة فاطمة هنا فى موضوعها

 

بس وصل المحامى ربنا يحفظة ومعاه ثلاثة محاميين فعلا دخلوا الكلية وانا كنت منتظراهم على البوابة شفتهم حسيت بعزة الله سبحان الله

اه صح المحاميين دول قبل ما ييجوا كانوا بيعملوا محضر لصاحبتى تانية فى اداب علشان شدوا معاها وخرجوها

 

بس فدخلوا وكانت صاحبتى التانية دخلت التحقيق رفض المحقق ان المحاميين يحضروا ففضلوا بره وكلموا العميد قالولو فى حكم لهم وانت بترفض وبتعرض نفسك للعزل والحبس قال العميد احنا مستعدين للعزل والحبس قلت ساعتها ربنا لا يحرمك اصل عميدنا نصرانى وكان نفسى احول القضية امن دولة : )))))))))))))))))))))))))

 

 

المهم المحاميين عملوا جو ارهاب فى الكلية وانه الموضوع مش سهل الحمد لله

 

حضرت مع صاحبتى التحقيقواستعديت الحمد لله للاسئلة الا انه فى التحقيق عمل حتة مكر مانكرش ان المحقق كان بيكت كل اللى عاوزينه لكن فى حتت مكر منه فى النص بس قالها انه هيكتب فى التحقيق فى وسط الكلام ييعنى انها رفضت تكشف لحياءها مع انها المفروض تكتب لان الحق معنا

 

انا خدت بالى بقى وقلتله يكتب لان القضاء الادارى طلع قانون وكده بس وخلصنا التحقيق ومنتظرين النظر فيه وربنا يستر اخواتى

 

دعواتكم معانا فى باقى الخطوات

 

والسلام عليكم

[daughterofislam89 10]

ماشاء الله ماشاء الله الحبايب اتجمعوا

ربنا يعينكم يارب جميعا

 

نور حبيبتى اثبتى وربنا هينصرك باذن الله

 

تائبة ارجو المغفرة اهلا يا قمر عارفة اسمك من المنتدى نورتينا ولا تنسينا من دعائك

انا كلمت من شوية استاذ نزار وقالى متقلقيش من حاجة والاسئلة اللى كانت فى القسم والكلام ده كله

قالى بس بردو روحى بكرة اثبتى محضر تانى ويم الخميس اثبتى محضر تانى

وقالى انهم اخدوا النهاردة احكام تانية لبنات فى القاهرة وعين شمس

وبالنسبة لجلسة التاديب اللى الله اعلم هتبقى امتى قالى متقلقيش مش مستاهلة تجيبى محامى تانى يحضر خليكى معايا بالتليفون بس بلغينى بالتطورات وقالى انتى علوم سياسية وكدة انى اجمد قلبى يعنى ومعايا القانون وفاهماه وهو هيبقى معايا

ربنا ييسر

نسيت اقولك بالنسبة لموضوع هل يخفى القمر مش هنهزر يا بنتى هو احنا شوية فى البلد ولا ايه احم احم

يا بنتى اخر امتحان شفت واحدة منتقبة خارجة من الكلية قلت اما اروح اكلمها شكلها مطرودة هي كمان ترفع القضية معانا

عرفتها من صوتها طلعت معيدة فى هندسة من شلة واحدة صاحبتى بس مكانش ليا كلام معاها يعنى اتعرفنا امبارح بس

لسة بقولها انا فاطمة صاحبة فلانة وانى رافعة القضية وكدة

قالتلى ايه ده انتى فاطمة العربى اخوات طريق الاسلام انا متابعة معاكم بس مش عارفة اسجل الاسم مكرر *__*

عشان تعرفى يا بنتى مش شوية احنا

بجد الموضوع ده على كل اللى احنا فيه الا ان الحمدلله اتعرفت على صحبة طيبة جدا زيكم

ربنا يجعلنا دايما نعين بعض عالطاعة ونثبت بعض

بحبكم فى الله كلكم

وكفاية بقى عشان هعيط :)

 

خادمة كلام الله والله اضحكتينى واخى قاعد برة فى الاوضة وانا بضحك من كلامك بصوت عالى بيوقلى ايه يا فاطمة جالك هبل ولا ايه*__*

 

المعتزة بدينها خليكى معانا بالدعاء ربنا يكرمك وطمنينا على نور لو اتاخرت بكرة وانتى عرفتى عنها حاجة

 

يا بنات حد يعرف حاجة عن هند اوس واحد (عابرة سبيل) وهند اوس اتنين (ابنة الاسلام) هنخلى ده الاسم الحركى بتاعهم*__* ونهى

[{ الــهـــا م } 81]

السلام عليكم ورحمة الله وبركاته،،

 

ربنا ينصركم ويثبتكم ويعمي ابصارهم عنكم

 

النصر مع الحق بإذن الله

 

"َمَا يَعْلَمُ جُنُودَ رَبِّكَ إِلَّا هُوَ"

[daughterofislam89 10]

جزاكى الله خيرا مشرفتنا الحبيبة

لاتنسينا من صالح دعائك

والله مش عارفين ايه ده دى الحرب على الاسلام بجد مش موضوع غش

[daughterofislam89 10]

يا بنات نسيت اقولكم

بالنسبة للى متحولين مجلس تأديب او بيثبتوا محاضر فى اقسام الشرطة

قبل ما تمضى على اى حاجة اقريها كويس واتاكدى ان ده الكلام اللى انتى قايلاه فعلا ومتمضيش على اى حاجة الا لما تتاكدى منها كويس

ونقطة كمان من عندى بقى متمضيش فى اى ورقة فى اى تحقيق وفيها مكان فاضى يعنى لو مثلا المحضر صفحة ونص

فى الصفحة التانية دى مكتوب لنصها متمضيش فى الورقة من تحت تمضى من نص الصفحة من نهاية الكلام

العالم دول ميتضمنوش فى اى حاجة

[قلبى لربى 0]

لا حول و لا قوة إلا بالله

ربنا يثبتكن أخواتى فاطمة و نور و خادمة كلام الله

أسأل الله أن ينصركن و جميع أخواتى على كل من حارب النقاب و يكفيكن شرورهم

فوالله هم لا يحاربوننا و لكن يحاربون الله

و الله ناصر دينه لا محالة

أسأل الله لكن الثبات و الإخلاص و القبول

طمنونا عليكن باستمرار

"ولا تهنوا ولاتحزنوا و أنتم الأعلون إن كنتم مؤمنين"

[**نحو غدٍ أفضل** 15]

السلام عليكم ورحمة الله وبركاته،،

 

 

إن شاء الله ربنا هينصركم أنا عندى ثقة فى الله

 

بالتوفيق إن شاء الله

[دعاء بنت مصر 8]

السلام عليكم ورحمه الله وبركاته

 

ربنا يثبتك يافاطمه ونور وخادمه كلام اللله ويثبتنا كلنا ان شاء الله

 

والله ياجماعه فعلا انا عن نفسي استفدت من المحنه دي كتييييييير استفدت حاجات اعتقد اني لو كنت اعدت سنين مكنتش هتعلمها وطبعا كفايه زي مافطومه قالت اننا اتعرفنا على اخوات زيكم

 

والله يافاطمه ربنا يباركلك انا فعلا ماشاء الله اللهم بارك بغبطك على اللي انتي فيه تخيلي هتاكدي ثواب كام منتقبه ان شاء الله مش هرفعوا النقاب بعد كده بسببك :)

 

وبالنسبه لنهى فهي ان شاء الله هتخلص يوم الاربع

 

وانا وهي والمنتقبات عندنا مرفعناش النقاب الحمد لله الامتحان اللي فات بتاع يوم الاربع بعد مقابلتنا طبعا مع الوكيله الامتحان اللي قبله

 

والله الناس والمراقبين كلهم نفسهم معترضين على القرار

 

وحصلت معايا في الامتحان اللي فات ان قبل ماالامتحان يخلص بربع ساعه تقريبا جه الممراقب وسالني عن اسمي ومشي

 

انا طنشت الموضوع وقولت الامتحان بس يخلص وبعد كده اشوف ايه الموضوع

 

واحنا المفروض بياخدوا من اللجنه كلها الكارنيهات وبيدهولنا اخر اللجنه او بيسيبوها على تربيزه وكل واحد ياخد كارنيهه

 

المهم وهو جي ياخد الورقه بعد ماالامتحان خلص سالته هو سالني عن اسمي ليه

 

قالي علشان اخلي الكارنيه بتاعك على جنب علشان وهما بياخدوا كارنيهتهم محدش يشوف وشك وفعلا ادالي الكارنيه بتاعي والباقي راحوا ياخدوا كارنيهتهم من على التربيزه

 

ربنا يعديها على خير ويخرجنا من الفتنه دي سالمين

 

ادعولي انا ونهى بقى عندنا امتحان يوم الاربع بكره ان شاء الله اااااااااااااااخر امتحان ربنا يعديه على خير

 

دعواتكم يابنات

 

وياريت هند 1 وهند 2 يطمننونا على الامتحانات

[ابنة الاسلام1 0]

السلام عليكم ورحمة الله وبركاته،،

حلو قوى هند1 وهند2 دى

10÷10

هههههههههه

أنا هند أس اتنين

ماشى يا بطوط

بس ايه يابت الحركات الجامدة دى

ده ولا الأفلام

بس تعرفى بعد كده هنبقى نفتكر بعض بالحاجات دى

ربنا يحفظنا يارب

ويخلينا لبعض دايما أخوات

ويجعل كل اللى بتعمليه فى ميزان حسناتك

ونشوف بعض تحت ظل عرش الرحمن

لما ينادى أين المتحابون بجلالى

نبقى نطلع ان شاء الله

ونقول نحن يا رب

كنا بنحب بعض

من غير مانشوف بعض

ولا مستنيين مصالح من بعض

أجمل صحبة والله يا عيال

اوعى يا بطوط تكونى ناسية تحددى النيه

ابقى افتكرى وعدديها كمان

بطوط آخر امتحان ليكى امتى

 

 

يا جماعة أنا ونهى ودعاء وهند1(عابرة سبيل)

هنخلص بكرة ان شاء الله

ادعولنا كتيييييييييييير

 

 

ونور هتخلص بعد بكرة الخميس ان شاء الله

ندعيلها بقى

وياريت حد يطمنا عليها

والله وحشتنى جدا

ويارب تدخل تكلمنا

وتطمنا هى بنفسها

أنا زعلانة جدا والله

عشان بعدت عننا كده ومش بتكلمنا

ربنا يكرمها يارب

 

 

الله المستعان

[ابنة الاسلام1 0]

يابنات صحيح

هى سمسمة(أختكم سمية)

هتخلص امتى

ربنا معاها يارب

[ريحانه عبد الرحمن 102]

ربنا معاكم

اسعدكم الله فى الدارين

[تائبة ارجـــ المغفرة ــــــــو 0]

ربنا معاكم يا رب كلكم هند1 وهند2 طمنونا عليكم بكرة يااا رب تحلو كويس وتجيبو احسن تقديرات يا رب

 

ونهى ودعاء طمنونا عليكم لما ترجعم ربنا يوفقكم وينجحكم كلكم وييسرلكم الصعب

 

ونور مستنينك تطمنينا عليكى ربنا معاكى ويكفيكى شرهم

 

وانتى يا بطوط يا مظبطاهم كلهم ههههههههه ايوه كده عيزين اسمك يتسجل فى التاريخ بعد عمر طوووووووووويل طبعا ههههههههههه

عملتى ايه فى باقى المحاضر ربنا ينصرك عليهم ويعزك اكتر واكتر ويزلهم اكتر واكتر

وحلوة هند1 وهند2 كل واحدة فيكم تحفظ الاس بتاعها بقى لو سمحتو

تم تعديل 2 فبراير, 2010 بواسطة تائبة ارجـــ المغفرة ــــــــو

[قلبى لربى 0]

يابنات صحيح

هى سمسمة(أختكم سمية)

هتخلص امتى

ربنا معاها يارب

 

بكرة بردو معاكم بإذن الله

ربنا يكرمك يارب يا حبيبتى و يعينك انتى كمان :biggrin:

[ساجدة للرحمن 2050]

السلام عليكم ورحمة الله وبركاته،،

ربي يبارك فيكن يا حبيبات

ويثبت قلوبكن

﴿ إن مع العسر يسرا ﴾

طمنونا عليكم دائما يا غاليات

[ساجدة للرحمن 2050]

السلام عليكم ورحمة الله وبركاته،،

ربي يبارك فيكن يا حبيبات

ويثبت قلوبكن

﴿ إن مع العسر يسرا ﴾

طمنونا عليكم دائما يا غاليات