باللا نتفق نتعلم كل يوم ماسك جديد لببشرة او وصفة لجسمك ونشجع بعض ونعملها

[عبــاد الرحمن 165]

بســم الله الـرحمــن الرحيــم

 

السلام عليكــم ورحمـة الله وبركاتــة ،،

ياللا يا بنت نتعلم كل حاجة تفيدنا في حياتنا

 

ياللا نتفق ونشجع بعض اننا نتعلم كل يوم ماسك للبشرة او وصفة للجسم ونعملها ونرجع تاني يوم نقول عملنا فيها ايه

 

 

يعني مثلا هنختار هنا من المنتدى وصفة ماسك للبشرة اخت وضعاها هنا ونضع رابط الماسك هنا

 

وننفذه كلنا تاني يوم وندخل تاني يوم نقول ايه اخبار الماسك له نتيجة حلوة

ولا ايه

 

ولو عجبنا هندخل لموضوع الماسك ونشكر صاحبة الموضوع ولو مثلا حصل حاجة غلط او طلع معانا مش مظبوط ندخل ونسألها ونرفع موضوعها

 

وطبعا غلط اننا كل يوم نعمل ماسك على البشرة تقريبا سمعت الكلام ده من بعض خبراء البشرة على التلفزيون

 

فهنتعلم يوم ماسك للبشرة

 

ويوم تاني اخت تجيب لنا رابط موضوع مثلا لتنعيم الجسم ونعملها تاني يوم وبرضه ندخل تاني يوم نقول علمنا ايه هنا في موضوعنا وندخل نشكر او نسال صاحبة الموضوع عن الوصفة

 

وتالت يوم تجيب لنا مثلا اخت وصفة لتفتيح المناطق السوداء في الجسم وتضع لنا رابط الموضوع وتاني يوم ننفذها

 

ورابع يوم مثلا نجيب رابط موضوع ماسك تاني للبشرة

 

وخامس يوم مثلا نجيب رابط موضوع لتعطير الجسم مثلا وننفذه تاني يوم

ومرة نجيب وصفة للشعر كمان

او وصفة للهالات السوداء

 

او وصفة لتفتيح البشرة

وهكذا

 

هنجيب روابط وصفات من منتدانا هنا منها نشكر اخواتنا هنا ومنها نرفع مواضيع منتدانا الحبيب

 

وبرضه نستحضر نيتنا في عمل الوصفات دي يعني مثلا لو انتي متزوجة هتستحضري نيتك انك بتعملي كده من التزين للزوج ولو انسة انك برضه تكوني مهتمة بنفسك علشان لما تتزوجي تكوني شكلك حلو امام زوجك من التزين للزوج وهتاخدي الثواب التزين للزوج وكمان لو اخت جاءت لك زيارة تراكي على صورة حلوة وتقول الاخت الملتزمة نظيفة ومهتمة بنفسها وتكوني مثال للمسلمة الصح

 

دي النيات اللي في بالي لو اخت تعرف نية تانية نقدر نستحضرها تقول لنا عليها

تم تعديل 22 فبراير, 2010 بواسطة عبــاد الرحمن

[بنوته مسلمه مصريه 458]

وعليكم السلام ورحمة الله وبركاته

جزاك الله خيرا حبيبتى عباد الرحمن

فكره جميله جدا والله حتى نشجع بعض

بس اهم حاجه الوصفات اللى تتكتب نعرف تفيد اى نوع من البشره

وممكن يوم نكتب وصفه للبشره الجافه ويوم للعاديه ويوم للدهنيه يعنى

المهم فعلا نشجع بعض

ربنا يجزيكى خيرا

 

[عبــاد الرحمن 165]

وعليكم السلام ورحمة الله وبركاته

جزاك الله خيرا حبيبتى عباد الرحمن

فكره جميله جدا والله حتى نشجع بعض

بس اهم حاجه الوصفات اللى تتكتب نعرف تفيد اى نوع من البشره

وممكن يوم نكتب وصفه للبشره الجافه ويوم للعاديه ويوم للدهنيه يعنى

المهم فعلا نشجع بعض

ربنا يجزيكى خيرا

 

 

واياكي بنوتة

 

فكرة حلوة

 

كل مرة نختار ماسك لبشرة معينة احسن نبوظ بشرتنا

 

نشوف كل ماسك ينفع لاي بشرة

 

شكرا لردك بنوتة

[وأشرقت السماء 1565]

السلام عليكم ورحمة الله وبركاته

أتمنى المشاركة معكم بإذن الله فأنا منذ تزوجت وبعد تخرجى من الجامعة نسيت الإهتمام بالماسكات

وعدت مرة أخرى لكى أسعد زوجى من أجل التقرب لله عزوجل

أولا أنا من حوالى شهرين بديت أستعمل ماسكات منها ما أفادنى ومنها ما لم يفيدنى

ولكن ما استعمله مرتين فقط إلى الآن وجاب شوية نتيجة هو بيكربونات الصوديوم لتوحيد لون الجسم وتفتيح المناطق الغامقة فى الجسم

وهى نجيب فوطة صغيرة ونبلها بالماء ونرش عليها بيكربونات الصوديم وندعك بيها الجسم كله ونركز على المناطق الغامقة وبعدين نأخذ دش

أتمنى نفيد بعض

[عبــاد الرحمن 165]

السلام عليكم ورحمة الله وبركاته

أتمنى المشاركة معكم بإذن الله فأنا منذ تزوجت وبعد تخرجى من الجامعة نسيت الإهتمام بالماسكات

وعدت مرة أخرى لكى أسعد زوجى من أجل التقرب لله عزوجل

أولا أنا من حوالى شهرين بديت أستعمل ماسكات منها ما أفادنى ومنها ما لم يفيدنى

ولكن ما استعمله مرتين فقط إلى الآن وجاب شوية نتيجة هو بيكربونات الصوديوم لتوحيد لون الجسم وتفتيح المناطق الغامقة فى الجسم

وهى نجيب فوطة صغيرة ونبلها بالماء ونرش عليها بيكربونات الصوديم وندعك بيها الجسم كله ونركز على المناطق الغامقة وبعدين نأخذ دش

أتمنى نفيد بعض

وعليكم السلام ورحمة الله وبركاته

 

وبما انك متزوجة استحضري نيتك بنية التزين للزوج وارضاؤه علشان تنولي الثواب

 

وطريقة البيكروبنات دي كويسة مش بتهيج البشرة

 

وممكن تقولي عرفتيها منين يعني مصدر موثوق

 

اصل البيكربونات مادة قلوية اخاف تهيج البشرة

 

وشكرا لمشاركتك

[محبة لربها، ادعوا لي بالثبات 72]

نفسي تقروا ملف خبيرة التجميل للاخت سجده 55 فى العناية بالبشرة والشعر

[عبــاد الرحمن 165]

نفسي تقروا ملف خبيرة التجميل للاخت سجده 55 فى العناية بالبشرة والشعر

 

 

هاتي الرابط بتاعه يا اختي

 

وجزاكي الله خيرا

[وأشرقت السماء 1565]

أنا قرأت موضوع الأخت سجدة

جزاها الله كل الخير

أما موضوع البيكربونات جايباه من على النت

بس جربته والله جميل وكمان بستخدمه فى ماسكات للبشرة للتفتيح

هو شكل البيكنج بودر وفى علبة زييه

ومعملش أى حاجة فى جسمى بالعكس جسمى أصبح ناعم والمناطق الغامقة بتفتح بس بستخدمه مرة فى الإسبوع

[عبــاد الرحمن 165]

أنا قرأت موضوع الأخت سجدة

جزاها الله كل الخير

أما موضوع البيكربونات جايباه من على النت

بس جربته والله جميل وكمان بستخدمه فى ماسكات للبشرة للتفتيح

هو شكل البيكنج بودر وفى علبة زييه

ومعملش أى حاجة فى جسمى بالعكس جسمى أصبح ناعم والمناطق الغامقة بتفتح بس بستخدمه مرة فى الإسبوع

شكرا لردك اختي اشرقت السماء

 

ان شاء الله اجربها

 

لكن هنبدأ من بكرة انا هاشوف رابط وصفه هنافي المنتدى اوحط رابطها ونجربها كلنا

 

بس فين تفاعل الاخوات

[مااحلى الاسلام 0]

انا معاكو ووووووووووووو وى وشى فى الضياع الحبوب سيطرت على المكان هههههههه وشعرى فى الضياع التقصيف سيطر على الاطراف هنبدا امتىىىى؟

[عبــاد الرحمن 165]

انا معاكو ووووووووووووو وى وشى فى الضياع الحبوب سيطرت على المكان هههههههه وشعرى فى الضياع التقصيف سيطر على الاطراف هنبدا امتىىىى؟

هنبدأ من بكرة اختي ما احلى الاسلام

 

انا هاختار وصفة بكرة من هنا واحط الرابط بتاعها ونفنذها كلنا تاين ويم

 

وكل مرة واحدة فينا تختار وصفة من المنتدى وتحط رابطها وننفذها

 

تابعي معانا بكرة ان شاء الله

[بنوته مسلمه مصريه 458]

السلام عليكم ورحمة الله وبركاته

ايه اختى عباد الرحمن اختفيتى فين

ان شاء الله تكونى بخير

على العموم ان شاء الله انا هجرب دلوقتى لوسيون العسل واللبن

اللى موجود فى موضوع سجده 55

لوسيونات للبشره

[مااحلى الاسلام 0]

ايه ياجماعه سكتوا ليه

[عبــاد الرحمن 165]

السلام عليكم ورحمة الله وبركاته

ايه اختى عباد الرحمن اختفيتى فين

ان شاء الله تكونى بخير

على العموم ان شاء الله انا هجرب دلوقتى لوسيون العسل واللبن

اللى موجود فى موضوع سجده 55

لوسيونات للبشره

 

وعليكم السلام ورحمة الله وبركاته

 

موجودة يا بنوتة بس قلت استنى شوية لما نتجمع

 

 

انا هاختار وصفة دلوقتي واحط الرابط بتاعها ونجربها كلنا بكرة ان شاء الله

[عبــاد الرحمن 165]

ايه ياجماعه سكتوا ليه

 

هنتكلم ونشتغل دلوقتي يا اختي ما احلى الاسلام

 

استني هانزل او ماسك دلوقتي ان شاء الله

[عبــاد الرحمن 165]

اول ماسك هنجربه بكرة ان شاء الله

 

ماسك الطمي مع الزبادي للبشرة وحب الشباب

 

بصراحة الماسك ده عجبني وحبيت اني اجربه وتجربوه معايا ان شاء الله

 

ان شاء الله نعمله بكرة وندخل نقول عملنا ايه فيه وكمان ندخل نرفع موضوع الماسك ونشكر العضوة اللي كاتباه لو عجبنا الماسك وجاب نتيجة كويسة

[ام سلمان المصريه 0]

جزاك الله خيرا اختى عباد الرحمن بجد نفسى اهتم بنفسى اوووووووي ان شاء الله هجرب

[ام سلمان المصريه 0]

مايه البطاطس معناها اعمل مثلا شربه خضار بطاطس واخد الميه والا حاجه تانيه واحط ملح

[عبــاد الرحمن 165]

مايه البطاطس معناها اعمل مثلا شربه خضار بطاطس واخد الميه والا حاجه تانيه واحط ملح

 

 

مايه البطاطس هي قصدها مايه سلق البطاطس

 

سنس اغسلي البطاطس كويس وحطيها تتسلق وبعدين خدي الماء بتاعها

 

حد جرب الماسك

 

انا لسه هاجربه

 

ان شاء الله

[**نحو غدٍ أفضل** 15]

أولاً السلام عليكم و رحمة الله و بركاته

 

ثانية سايبة البيت يضرب يقلب يا عباد الرحمن و قاعدة تحطى بطاطس و زبادى على وشك :mrgreen:

 

ههههههههه بهزر طبعاً أوعى تزعلى :mrgreen:

 

يا بنات نصيحة ليكو من مجرب

 

فعلاً تاكلى الحاجة أفضل كتير من إنك تحطيها على وشك

 

كلوا فاكهة كتير خصوصاً التفاح بيدى نضارة حلوة أوى للبشرة

 

و الخضروات خصوصاً الورقية

 

و اشربوا مياه على قد ما تقدروا و الشاى الأخضر رائع لنضارة البشرة حاجة غريبة

 

و متغسلوش وشكوا كتير بالصابونة لو إنتى قاعدة فى البيت كفاية أوى لما تصحى من النوم و يكون بصابونة مرطبة زى دوف

 

و باقى اليوم كدا كدا بنغسلة بمية الوضوء

 

و لو إنتو حابين تعملوا ماسك

 

يبقى عليكم بالزيوت لو بشرتك جافة ( زيت الزيتون ) و ( زيت اللوز بيفتح البشرة )

 

أنا مش عايزة أعملكوا إحباط

 

طبعاً لازم نهتم بنفسنا و بصحتنا و منهملش فيها

 

يعنى مثلاً أنا لو أكلت خيارة هيبقى أفيد لجسمى و وشى و كمان حافظت على نعمة ربنا

 

لازم أظبط الأساس الأول إللى هو معدتى

 

كان فى مقولة بتقول كل إنسان بيبان على وشه هو بياكل إيه

 

لو تلاقى واحدة حلوة و شها نضر هتلاقى البنت دى عاداتها الغذائية سليمة

 

أما لو واحدة وشها تعبان و مسود حتى لو كانت مليانة بتكون عاداتها الغذائية وحشة جداً و بيكون عندها أنيميا

 

أنا بصراحة حسيت من واجبى إنى لازم أقولكم إللى يملاه عليا ضميرى

 

و ربنا يوفقكم إن شاء الله

 

أوعى تزعلى منى يا عباد الرحمن

 

سلام

[اسماء والجنة 0]

جزاكى الله كل خير

[ام(عمير) 5]

السلام عليكم

 

جزاكى الله خيرا يا اختى عباد الرحمن على هذه الفكرة الرائة

 

 

انا من زمان وانا نفسى التزم مع حد علشان اواظب على الاهتمام بنفسى فأنا معاكى ان شاء الله

[الاء القدوس 18]

انا لست متزوجة

لكن احب ان اهتم بنفسي و بشرتي و الايام الاخير ة بشرتياصبحت شاحبة و مسمرة

اريد ان اجرب الماسك لكن ما معنى زبادي بالمغربي او العربي

[**نحو غدٍ أفضل** 15]

انا لست متزوجة

لكن احب ان اهتم بنفسي و بشرتي و الايام الاخير ة بشرتياصبحت شاحبة و مسمرة

اريد ان اجرب الماسك لكن ما معنى زبادي بالمغربي او العربي

 

زبادى يعنى يوجرت

[عبــاد الرحمن 165]

أولاً السلام عليكم و رحمة الله و بركاته

 

ثانية سايبة البيت يضرب يقلب يا عباد الرحمن و قاعدة تحطى بطاطس و زبادى على وشك :mrgreen:

 

ههههههههه بهزر طبعاً أوعى تزعلى :smile:

 

يا بنات نصيحة ليكو من مجرب

 

فعلاً تاكلى الحاجة أفضل كتير من إنك تحطيها على وشك

 

كلوا فاكهة كتير خصوصاً التفاح بيدى نضارة حلوة أوى للبشرة

 

و الخضروات خصوصاً الورقية

 

و اشربوا مياه على قد ما تقدروا و الشاى الأخضر رائع لنضارة البشرة حاجة غريبة

 

و متغسلوش وشكوا كتير بالصابونة لو إنتى قاعدة فى البيت كفاية أوى لما تصحى من النوم و يكون بصابونة مرطبة زى دوف

 

و باقى اليوم كدا كدا بنغسلة بمية الوضوء

 

و لو إنتو حابين تعملوا ماسك

 

يبقى عليكم بالزيوت لو بشرتك جافة ( زيت الزيتون ) و ( زيت اللوز بيفتح البشرة )

 

أنا مش عايزة أعملكوا إحباط

 

طبعاً لازم نهتم بنفسنا و بصحتنا و منهملش فيها

 

يعنى مثلاً أنا لو أكلت خيارة هيبقى أفيد لجسمى و وشى و كمان حافظت على نعمة ربنا

 

لازم أظبط الأساس الأول إللى هو معدتى

 

كان فى مقولة بتقول كل إنسان بيبان على وشه هو بياكل إيه

 

لو تلاقى واحدة حلوة و شها نضر هتلاقى البنت دى عاداتها الغذائية سليمة

 

أما لو واحدة وشها تعبان و مسود حتى لو كانت مليانة بتكون عاداتها الغذائية وحشة جداً و بيكون عندها أنيميا

 

أنا بصراحة حسيت من واجبى إنى لازم أقولكم إللى يملاه عليا ضميرى

 

و ربنا يوفقكم إن شاء الله

 

أوعى تزعلى منى يا عباد الرحمن

 

سلام

 

وعليكي السلام ورحمة الله وبركاته

 

:mrgreen: :mrgreen: :mrgreen: :mrgreen: :mrgreen:

 

ازعل ايه يا بنتي ده انتي ضحكتيني

 

لسه والله لا حطيت لا زبادي ولا بطاطس :biggrin:

 

لسه مجربتش الماسك شفتي بقى انا اللي اخترته ولسه معملتوش :biggrin:

 

وبالنسبة لكلامك الجميل والمفيد جدا اللي قلتيه

 

طبعا كلامك صح ميه الميه

 

لازم التغذية الصحيحة لوجه صافي

 

لكن الماسكات مفيدة برضه يعني لازم تغذية داخلية وخارجية

 

يعني برضه في ماسكات كتير بتغذي البشرة من بره

 

وكمان تنظيف للبشرة

 

يعني لازم تعملي ماسكات تنظف البشرة من الدهون الزايدة والتراب والرواسب اللي بتترسب على بشرتك

 

يعني التغذية الداخلية مفيدة جدا لكن برضه الماسكات مفيدة بس طبعا زي ما قلتي التغذية الصحية الداخلية اولا بس لا غنى عن الماسكات

 

وبعدين انا مسبتش البيت ولا حاجة انا بس ملقتش حد لسه كمل المطبخ بس قلت اسيبهم شوية

 

لكن ياللا هنبدأ في جزء جديد ياللا