كل عروسة تتفضل تجيب ورقة وقلم وتدخل هنا

[موده واخاء 417]

السلام عليكــم ورحمـة الله وبركاتــة ،،

 

غرفة الطعام (السفرة)

 

 

1- عدد (1) مفرش سفرة وانصح باللون الذهبي او البيج والأبيض.. أو ما يلائم اثاثك.. وهذا النوع من المفارش .. يفرش في شهر العسل وفي المناسبات الخاصة وعند قدوم الضيوف، وبالطبع تكون معه مناديل السفرة التي توضع بجانب الأطباق

 

 

2- عدد (1) مفرش قطن عادي للأيام العادية.. وغالبا ما يكون عليه أشكال من الفاكهة .. او سادة.. وأيضا يأتي مع المناديل الخاصة به التي توضع بجانب الأطباق.

 

 

3- مشمع خفيف، لتفرشيه على مفرش السفرة عند تقديم الطعام حتى لا يتسخ المفرش.

 

 

4- فازة او طبق كريستال او سبت خشبي جميل يوضع بوسط منضدة السفرة للتزيين.. ويوضع فيه فاكهة بلاستيكية او ورد مجفف.

 

 

5- أنوار مناسبة وهادئة لتناول الطعام.. وأفضل النور الأصفر وليس الأبيض

 

 

6- الفوتيه الخاص بالسفرة.. وهو المنضدة الصغيرة بجانب النيش والسفرة يوضع عليه مجموعة من الشمعدانات الفضية وبراويز صورك انتي وزوجك.. ويوزع على المنضدة بشكل جميل..

 

 

7- مجموعة من أشكال الكريستال او الورد المجفف .. توضع في النيش بجانب الأطباق والأكواب وتزين بطريقة جميلة

 

 

8- مفارش ملائمة للون أثاثك ولون مفرش السفرة تفرشيها على الفوتيه وبداخل النيش

 

 

 

 

 

ودي شويه حاجات جمعتها من خبرات الناس:

 

 

*أهم حاجة في التيفال مايكونش تقيل قوي بدرجة ملحوظة وهنلاقي العكس في الاستانلس كل ماكان تقيل بيبقى جودته أعلى..

 

*الاستانلس طبعا رائع ...لكن ..لو مش واحده محترفه ...هتعجن الارز و هتبقى مشكله ...

 

*مشكله الاستانلس انه ممكن يلسع الاكل ....

... .و الاستالس نفسه من الداخل بيتأثر بالغليان يعني بعد فترة هتلاقي لونه انطفى وبرضه هتلجأي لحاجة تلمعه دايما ..

 

 

* أفضل انواع الستالس ستيل هي عيار 18/10 المعلومة دي انا سمعتها قبل كده من أكتر من صاحب محل

 

و كمان عمللى تجربة كده انه قرب مغناطيس من صينية استالس و قاللى ان النوع الحلو هو اللى ميتأثرش بالمغناطيس .. و فعلا شوفت أنواع من الاستالس المغناطيس شبك فيها و قاللى ان الأنواع ده مش النوع أصلى ...

 

 

 

*طبعا الالمونيوم لا يعلى عليه في الطهي ..خصوصا الارز و المحشي ...بس فيه ناس مش بتحبذه زي مله كده على اعتبار انه ضار ...

بس ..فيه اطقم نضيفه جدا ..اعتقد ان طقم الاهرام نضيف جدا ...و مش بتتفاعل زي ما انتي فاهمه مع الاكل ...

 

الانواع الجديدة والجيدة من الالومنيوم مطلية بطبقة من الاستالس من الخارج بتسهل عملية التنظيف ..

 

 

 

*انا بنصح البنات ..ميكتروش في الجهاز لسبب ...مش هتستخدموا الا حاجات بسيطة جدا من الشوار ده كله .. ....فممكن تستفيدوا بالفلوس في حته تانية ...

 

زي مثلا انك تجيبي فلتر مياه ...( سبع مراحل أو سته ) مهم جدا و يديكي انتي و جوزك امان في البيت ..

 

*" البايركس"بكل أشكاله وأنواعة"حلل وأطباق وصوانى وبرادات..إلخ

ونصيحة لكل اللى مبيحبوش غسيل الأطباق زيي إشتريه وإنتى مغمضة

بيستخدم فوق البوتوجاو وفى الأفران والميكرويف

 

*ايوة بنحط ع البوتاجاز بس على الشياطة .. ولو جزء لقطه نار البوتاجاز ينكسر .. هو كويس في الفرن وفي المايكروويف ..

 

لكن على النار فوق البوتجاز هتحبي تستخدمي الالومنيوم او الاستلس او التيفال ..

 

وكفايه إنه صحى وتحطيه فى التلاجة وكمان تقدمى فيه يعنى "حل عملى محصلش"

وعلى رأى مدام نظيفة"والقطنه مبتكدبش"

 

 

*أحلى شئ للطبخ مش الاستينلس ستيل زى ما الناس بتقول

لكن

*انا سمعت دكتور بيقول ان اصح شئ للمعدة هو الطبخ إما فى (بيركس) أو فى (فخار)

ده حتى نكهة الاكل فى الفخار رائع..

 

*الطاجن لازم يبقي فخار عشان يدي ريحه للاكل . خدي بالك عشان فيه ناس بتديله كبقه رصاص عشان يلمع بس دي بتيقي سامه

 

 

* وايدين الحلل اساساً بحس انها لازم ييجى لها وقت وتتآكل

مهما كانت قوية.. لأن احنا بنتكلم فى شئ بيستهلك (مش حينفع نقول بيستعمل).. لان صراحة اشياء الطبخ بنستهلكها فعلاً.. بتتطحن معانا

 

* احسن حاجة ان الواحد يجيب تشكيلة من كل حاجة و بعدين يجرب بعد كده ايه الأكلات اللى تنفع تتعمل مع اى الأنواع و ده لا يمنع ان الواحد يبوظ الأكل لفترة كده لحد ما يتعلم .

..

 

ماهو لو ما بوظتيش مش هتتعلمي

حتى لو انتي بريمو في بيت باباكي

برضه البنت بتاخد فترة في بيتها الجديد لحد ما تتعود على المطبخ الجديد وايه افضل حاجة تعملها في الحلة دي وكدة .. دة غير المعايير .. وقوة شعلة البوتاجاز .. كل دي بتاخدي وقت لحد ما تتعودي عليها وتجيدي .

 

انا شخصيا لو وقفت في مطبخ غريب عني لاول مرة قد يتأثر جودة طبيخي واكيد هاخد وقت اطول من العادي

 

 

* فى كمان غير البايركس الأطقم الصاج سمعت انها كويسة أوى فى طبخ الخضار .. اما الصاج فمشكلته لو نوع مش ممتاز ممكن اول ما يقع على الأرض يتقشر

 

 

منقوووووووووووول

[موده واخاء 417]

*انك تشتري غسالة full automatic مريحة نعم

بتشيل بند الغسيل من حياتك نعم ..

 

لكن مش كفاءة في التنضيف ...

 

ممكن تشتري غسالة half automatic و دي مش هتلاقي غير توشيبا و فريش بيصنعوها ..ممكن يا ملكة تشتري توشيبا افضل ماركة موجوده حاليا ..

 

لو هتجيبي اتوماتيك يبقى عليكي و على ايديال ( زانوسي - زانوسي العبد ) هي اللي منتشرة و خدمة الصيانة يعني كويسة الي حد ما و متوفر لهم مراكز صيانة وضمان في كل مكان في مصر

 

و النوع التاني الوايت وييل ..التقفيل الاوروبي انضف بكتير وامكانياتها احسن من الباقيين بس اغلي

والاتنين كويسين ...

 

 

* لا انكر ان الفول اتوماتيك مش بنضافة الهاف .. لكن في شوية حاجات كدة ممكن السيدة تعملها لزيادة نضافة الفول ..

الهاف عايزة ست متفرغة .. اما الفول تتماشى مع عصر السرعة والوقت الضيق ..

 

عطل الغسالة الفول بيجي من سوء الاستخدام وعدم اتباع التعليمات بحذافيرها واستخدام مسحوق غير جيد الصنع ..

 

 

 

* نقطة في السريع بخصوص الأتوماتيك ...متحاوليش تحطيها في دورة المياه علشان البارومة المطبخ افضل و ان كان و لا بد دورة المياه ابقى اعملي قاعدة الاوميتال بفلانشات سفليه علشان تضمني استقرار الغسالة ...

 

مع الملابس البيضاء : كلوركس - مخصوص للفول اتوماتيك -+ مسحوق زهرة اتوماتيك برضه

 

فيه ناس بتحط ( داوني ) لضمان رائحة الملابس تبقى منعشة لكن انا شايف ان الكيميكالس الكتير دي ممكن تبوظ الغسالة ..

الإضافات دي بتتحط في درج المسحوق بالغسالة ..

 

استخدام كلوركس الالوان افضل من الكلوروكس الابيض .. حتى مع الابيض لأنه بيبقى خفيف على الغسالة .. ولو الهدوم حالتها صعبة قوي ممكن نقع الهدوم في المياة والمسحوق والكلوركس الالوان قبلها ويفضل ان يكون الماء ساخن ..

 

* كمان للحفاظ على عمر الغسالة الاهتمام بحاجات غاية في الاهمية :

 

1- عمل دورة واحدة والانتظار مش اقل من 10 ساعات قبل الدورة الثانية .. وممنوع عمل دورتين ورا بعض لانه غلط على الموتور .. يعني انا ممكن احط دورة الصبح ودورة بليل ..

 

2- بعد الانتهاء من الدورة واخذ الغسيل من الغسالة يترك باب الغسالة مفتوح مش اقل من ساعتين .. عشان تنشف حلة الغسالة ومتصديش وعشان الكاوتشة بتاع الغسالة متتاكلش .. ومن وقت لأخر يفضل تجفيف كاوتشة الغسالة ( اللي حاولين الباب ) ..

 

 

 

3- فلتر الغسالة مهم جدا الاهتمام بيه ..

وتنضيفه من وقت للتاني .. والاهتمام بالغسيل اللي داخل مافيهوش حاجة تبوظ الغسالة ..

 

4- الهدوم اللي فيها حاجات بارزة .. زي العبايات اللي فيها خرز وترتر ومشغولة .. يفضل وضعها في كيس الغسيل ( الشبك ) عشان لو حاجة وقت منها تقع في الكيس مش في الغسالة .

 

5- استخدام المسحوق المخصص للغسالة وما نسترخصش .. عشان المساحيق الاقل جودة بتوبوظ الغسالة يعني اللي وفرته بتصرف اكتر منه ع الغسالة نفسها .

[موده واخاء 417]

*بالنسبة للبوتاجاز ..

 

النصيحة ان بوتاجازك يكون بيشغل الشواية و الفرن في نفس الوقت ( معظم البوتاجازات يا اما بتشغل الشواية لوحدها يا بتشغل الفرن لوحده )

 

طبعا الميزة الاولى افضل بتسوي الاكل بسرعه و بتعمل الوش المطلوب للصواني

افضل الانواع ( كريازي - يونيفيرسال ) انصحك بالنوع التاني ..يونيفرسال خمس شعلات و تشغيل شواية و فرن ...

 

*بس قبل ما تستخدمي الشواية و الفرن لازم طبعا تواربي الباب علشان مينفجرش من الحرارة

 

خدى بالك من النقطة ده يبقى فيه بتاعة كده حديدة مع البوتاجاز من المهم جدا انك تحيطها قبل تشغيل الشوية هى اينعم رزلة و غتيتة و كل شوية تقع بس مهمة جدا

 

 

 

 

 

بالنسبة للثلاجات

 

فعلا كريازى و توشيبا كويسين ... بس توشيبا عن تجربة ممتازة جدا فيها مميزات احسن زى الدرج اللى تحت الفريزر لحفظ اللبن و الخبز ...

 

تعرفى أخويا لسة متزوج من حوالى شهرين و جاب اغلبية الاجهزة من عمر أفندى اللى فى شارع طلعت حرب أسعاره ممتازة جدا و بالضمان و كمان عليهم مصاريف النقل ...

 

* الثلاجة ..لازم تكون no frost اي مبتكونش تلج في الفريزر و طبعا ده لخاطر متتعبيش في فك التلج ده من الفريزر ...

احسن الانواع

( كريازي حبي و اعتزازي - توشيبا اللي ليها درج من تحت عملية جدا جدا )

و ربنا يسعدك ان شاء الله يا رب ...

 

 

 

ولاقيت ده:

 

الاماكن المشهورة لجهاز العروسه بالقاهره وانا روحت وشوفت بنفسى هتلاقوه فيها كل اللى انت عاوزينه من جنيه لالف .

 

اولا : الادوات المنزليه :rolleyes:

 

حمام التلات ده جنب العتبه فيه كل الادوات المنزليه اللى انا مش عارف انواعها لانى كنت بتفرج بس وهى خبيرة فكانت عارفه كل الانواع ,

 

ثانيا : المفروشات :

 

الغوريه - ودى فى الازهر فيها كل المفروشات والستائر اللى تتمناها اى عروسه والاسعار فيها جميله جدا والفصال فيها تحفه انا عارف البنات بتحب الفصال ,

كنت بشوف الحاجه فى الغوريه اقل من نص التمن فى مدينة نصر وهى نفس الحاجه .

 

الادوات الكهربيه :

 

درب البرابره - ودى فى العتبه كل انواع النجف والاباجورات مكان جميل جدا واللى عاوز تابلوهات هيعدى من درب البرابراه الناحيه التانيه هيلاقى الرويعى فيها تابلوهات جميله وكمان مقابض المطابخ ولاابواب والحاجات دى .

 

الموبيليا :

 

انصحكم بدمياط بس المهم يكون معاكم حد خبير دمياط انا اخدت نجار اعرفه خبير دمياط وطبعا اديته فلوس نزل معايا وجاب واحد صاحبه دمياطى بتكلم دمياطى يعنى وفاهمين فى الخشب طبعا والاسعار , وابعدوا عن المعارض اللى على البحر اسعارها غاليه جدا , وكمان انا روحت مرة انا وخطيبتى لوحدنا الاول سعرنا السوق وظبنا المواضيع على اللى معايا وبعدين نزلنا مع العيله . على فكرة فرق رهيب بين دمياط والقاهرة فى الاسعار .

 

دى تجربتى مع التجهيز ..

 

 

 

 

* البلاستيكات يا بناتيت :

 

 

بصى اللى انا فاكراهم دلوقتى فيه منشر بلاستيك و أطباق بلاستيك كبيرة كذا حجم للغسيل و خلافه ... كمان بتبقى فيه حاجات خاصة بالتواليت ( فرش و حاجات تانية ) و فيه كمان باسكيت القمامة بتبقى محتاجة اكتر من نوع و كذا حجم عشان التواليت و المطبخ و فيه حاجات صغيرة بتبقى على شكلك قطط و دباديب عشان غرف النوم و بقية الغرف ...

 

روحى انت بس عند اللى بيبع البلاستيكات و هو اللى هيقولك على كل الحاجات اللى محتجاها متقلقيش خالص ...

 

* شوفي عايزة كام باسكيت

وبعدين طبق كبير تنقعي فيه الغسيل في حالة احتاجتيه

وكام طبق باحجام مختلفة

( طبق هنا اقصد بيه طبق كبير قد الحلة مش طبق للاكل ) ..

لوزوم المطبخ تغسلي فيه خضار تحضري فيه حاجة .. يعني عدد 5 معقولين .. وبعدين يا ستي لما تحسي بعدين انك محتاجة تاني ابقى اشتري بعد الزواج .

 

اطباق الثلاجة .. فيه مدور 3 في بعض بغطى .. وفيه مستطيل 3 في بعض بغطى .. هاتيلك طقم كدة وطقم كدا كفاية ..

 

وهاتي شفشقين واحد كبير وواحد متوسط .. هتحتاجيهم برضه ...

 

[موده واخاء 417]

ولاقيت ده برضه ان شاء الله يفيد ويكمل اللي فات:

 

لأدوات المطبخ المهمة

 

 

اولا ادوات الطهي

 

المقلى:

احجام من الستينلس ستيل

 

القدور

 

 

إبريق الشاي

 

 

 

 

 

الملاعق والمضارب وأدوات التقطيع

 

معدنية للغرف

خشبية للطهي

سكين فرد الكريم

ملعقة مخرمة لغرف الخضار

ملعقة الكيك

 

المضارب:

 

من حديد لضرب البيض و..

 

الأسياخ :

 

 

 

أعواد رفيعة حادة من الحديد أو الخشب لشوي الكباب والكفتة وغيرها.

ويستخدم الخشبي منها أيضا في معرفة مدى نضج الكعك والمخبوزات.

 

 

 

 

 

السكاكين واستخدماتها

 

سكين التزيين :

 

 

 

نصل قصير بحدبة على هيئة حرف U، ويستخدم في تقطيع قشور الموالح وتقشير الخضروات بطريقة جذابة للتزيين.

 

سكاكين وشوك وملاعق الشاي الصغيرة

 

مقصات المطبخ

 

المبشرة

 

قطاعة لعمل شرائح الخضار والبطاطس الشيبس.

 

المقوار او المحفرة :

 

لتفريغ محتويات ثمار الخضار (التقوير) بغرض حشوه

 

قطاعة البيض

 

 

قشارة للبطاطس

 

مكعبات التشكيل:

 

وهي شفرات ذات أشكال هندسية لتقطيع الخضروات والفواكه وأي مواد أخرى بطريقة جمالية جذابة.

 

المصفاة والمناخل

 

الهاون :

 

الوسيلة التقليدية لطحن الأعشاب والتوابل والثوم والبسكوت ، وأفضلها المصنوع من الرخام،

 

 

 

 

 

 

أدوات العجين

 

 

النشاب او المحور

 

الحامل السلكي :

 

أشبه بالشواية السلك، ويستخدم في تهوية وتبريد المخبوزات بعد خروجها من الفرن.

 

ويجب أن يكون له أرجل تسمح بمرور الهواء من أسفل

فرشاة العجين

 

عجلة العجين للبيتزا

 

 

 

 

 

أواني الفرن

 

قوالب الكيك ( دائري – مستطيل..)

 

حلة الكيك

 

بقاعدة وفراغ متحرك لتسهيل تحرير الكيكة بعد نضجها، خاصة الأصناف الهشة مثل كيك الموس أو الفواكه.

 

قالب الباتيه

 

قالب البريوش :

 

مسطح القاع ومحزز الجوانب، ويستخدم في عمل البريوش والكاسترد وحلوى الجيلي

 

قواطع وقوالب للبسكوت والمعمول

لوح للتقطيع

 

حافظات الطعام

كالبسكوت

 

دلات للشاي و القهوة

 

فرن كهربائي

 

ماكينة لفرم الخضار مثل الملوخية و البقدونس و..

 

عصارة للفواكة

 

طحانة البصل

 

فتاحات علب

 

خلاط مولينكس

 

 

 

 

أدوات للترتيب

 

 

سطل الرز

علب للسكر و الملح و الشاي والبهارات

ملاحات

سلات الفواكه

سلات للبصل و البطاطس

صندوق او سلة الخبز

علب السكاكين و الملاعق و….. للادراج

للملاعق اثناء الطهي

مساكات وفوط

قوالب ثلج

عصارة الكريمة والبسكوت

لوح التقطيع

 

 

 

 

 

 

ادوات الاكل و الشرب

 

ملاعق وشوك

كؤوس

اكواب

 

 

 

صحون :

 

صغيرة وكبيرة زجاج وميلانين ..

صحون عميقة : بوادي

صحون للمكسرات

الحلويات و الشوكولاته

الصينيات

 

 

 

 

 

للتنظيف:

 

 

علب الصابون للجلي

سلة لتجفيف الصحون

فوط التنظيف

ليفة \ ليفة سلك \ او اسفنجة

منظف الفرن والموقد

حامل للمناديل الورقية الاسطوانية

 

 

 

 

ادوات اخرى

 

 

قصدير (فويل)

قفازات

سفر بلاستيك

اكياس بلاستيك صغيرة

دفتر وقلم لقائمة الطعام و احتياجات المطبخ و المنزل

مفارش للمائدة والصواني عند التقديم :

كروشيه \ دانتيل...الخ

مفرش مشمع لاسفل علب الزيت

 

 

 

 

 

اجهزة كهربائية ..

 

خلاطات .. طواحين .. مكائن قهوة .. عصارات.....

 

 

صحون .. طناجر عادية .. طناجر ضغط .. قلايات ..بوادي .. سلطانيات

سكاكين .. ملاعق .. مغارف .. فتاحات علب ..الواح تقطيع

زجاجيات .. كأسات .. صحون ...طناجر زجاجية .. ملاعق زجاجية ...

اباريق .. دلال .. فنجانين .. بيالات .. استكانات ..غلايات ماء

أطقم طبخ .. أواني كيك .. أدوات شواء ..أواني سفرة .. والسلاطات ..

ادوات مساعدة ... فوط .. مرايل ... سلات .. معاليق .. أحواض .. سوائل

[موده واخاء 417]

نصيحة:

 

لاتكثري من الأشياء غير الأساسية فقد تأتيك كهدايا وتندمين على التسرع

فأنت لن تستخدمي الا اشياء بسيطة في البداية بإعتبار ان العرائس مدللات وبعد اسبوع او شهر او..(حسب الحظ و العادة) تبدأين بالطبخ

فهناك أشياء

مهمة لايمكن الاستغناء عنها .........

 

 

(الكاسات و..... وأدوات الضيافة مثل : صحون الحلويات و المكسرات)

 

وأشياء يمكن تأجيلها قليلاً

وأشياء يمكن الاستغناء عنها

 

و أكيد مش ضروري يبقي عندك كل الحاجات دي طبعا بتختاري الي حتستخدميه فقط لا غير حتي لا يزدحم مطبخك و يكتظ بأشياء دون جدوي منها...

 

 

 

لتنظيم مستلزمات العروس

نقلت لكم ده تعملوه بالورقه والقلم عند شراء الجهاز

 

دة جدول هتلاقو فية كل حاجة عن الجهاز للعروسة

 

مثل :

 

الاحتياجات الشخصية

احتياجات المطبخ

احتياجات الريسبشين

احتياجات الحمام

احتياجات الفرح

العطور

شنطة السفر

احتياجات النوم

 

وطبعا لو بالجدول حاجه ناقصه كملو من اللي فات خلاص اضغطو هنا :

 

الجهاز بالكامل.zip‏ (18.7 كيلوبايت, عدد مرات التحميل: 6726).

 

 

وبعد ما يتم التحميل اضغطي بالماوس علي اللي انتي عاوزاه تحت

يعني مطبخ ,حمام,شخصي,.....

بحيث متنسيش حاجه..ان شاء الله

 

ومتنسوش الدعوات والتقييم

 

ويتبع ان شاء الله....

 

 

 

لاقيت ده

دولاب عروسة 2009

 

 

 

 

 

 

 

في ظل تنامي الأزمة الاقتصادية التي يعيشها العالم اليوم أصبح من الضروري علي كل أسرة مراجعة أولوياتها ودراسة اقتصادياتها حتي تتمكن من الصمود في وجه التحديات المقبلة‏.‏

 

 

 

والفتاة المقبلة علي الزواج هذه الأيام تحتاج الي توعية كاملة بالظروف الاقتصادية التي قد تتعرض لها بصفتها زوجة وبعد فترة أم‏.‏ ويتطلب ذلك تعلم ترشيد الانفاق‏.‏

 

والخطوة الأولي تبدأ بدولاب ملابسها الذي تقول عنه مصممة الأزياء جينا سلطان أنه يجب أن يكون دولابا مدروس

 

ا‏,‏ وليس مدروزا بمعني ألا تقوم العروس بشراء كميات كبيرة من الملابس تستنفد ميزانيتها‏,

 

 

‏ وتكتشف أن بها بلوزة مثلا لاتتماشي مع أي من الجونلات أو البنطلونات‏,‏ إو تايور تنقصه بلوزه مناسبة‏..

 

‏ وهكذا لابد أن تخطط العروس جيدا عند شرائها لملابسها‏,‏ فتنتقي بلوزتان يمكن أن تتناسبا مع جوب واحدة‏,‏ وتايور كلاسيك للصباح‏,‏ وآخر لبعد الظهر‏..‏ وعدد قليل من الفساتين السبور للصباح‏,‏ وحذاء وحقيبة يتوافقان مع عدة قطع‏,

 

‏ فليس من المعقول أن تشتري العروس حذاء وحقيبة لكل فستان‏,‏

 

 

 

ولابد ان تلاحظ العروس أن جسمها سوف يتغير بعد الزواج كما أن الموضة تتغير بسرعة‏.

 

‏ ومن الممكن بالتبديل والتوفيق بين قطع الملابس المختلفة‏,‏ واستخدام اكسسوارات بسيطة أن تبدو العروس في أبهي صورة‏.‏

 

وتضيف جينا سلطان‏:

‏ ضمن الدولاب أطقم النوم التي تشتريها العرائس وتظهر بها الممثلات في التليفزيون أو في الأفلام وهن يستقبلون بها الضيوف بعد الفرح‏,

 

‏ وطبعا هذا لايحدث في الواقع‏,‏ واستخدام هذه الأطقم محدد للغاية رغم تكلفتها العالية‏,‏ لذلك انصح العرائس بالاقتصاد فيها‏.‏

 

وأهمس في أذن العروس بضرورة معرفة ذوق العريس ومراعاته في الملابس

 

وفي فستان الفرح الذي عليها البدء في اعداده قبل الزفاف بفترة تتراوح بين ثلاثة شهور الي شهر وفقا لموديل الفستان‏.‏

 

ومن خبرتي في التعامل مع العرائس أنصح باختيار موديل لفستان الفرح يمكن استخدامه بعد ذلك‏.

 

.‏ فمثلا اذا كان الفستان بذيل طويل ومطرزا فمن الممكن استخدام هذا الجزء في عمل خدادايات صغيرة للصالون‏,

‏ أو استخدامه كمفرش أو كتابلوه فكل قطع السيرما التي نحضرها من الخارج ونعلقها بمنازلنا كانت أجزاء من ملابس قديمة‏.‏

 

ومن الممكن أن يقصر الفستان ويستخدم معه جاكيت بلون مختلف مع ايشارب أو شال‏.

 

.‏ المهم محاولة استخدامه مرة أخري والاستفادة به خاصة أنه يتكلف مبلغا ضخما وحرام الاحتفاظ به دون فائدة‏

[موده واخاء 417]

فوط ............ المنزل

 

 

 

 

 

 

 

 

لعلها شيء نتوقع بأنه ليس ذا اهمية ولسنا بحاجة للثقافة به

 

ولكنه ذو أهمية كبيرة وبالذات لك ياحواء فلابد لك من معرفة الفوط وأنواعها

 

كي تستطيعين عند شراءها اختيار الفوطة المناسبة للاستخدام...

 

أنواعها::::rolleyes:--

 

منها للاستحمام:::...

 

 

 

 

 

منها لليد...

 

 

 

 

منها للاستخدام في التنظيف..

 

 

 

 

 

 

ويجب ان يكون لهذه الفوط اماكن وارفف جميله وانيقه ترتب فيها

 

وهذا ثاني شئ سوف نستعرضه الان:::...

 

في هذي الصوره نرى انه تم لف الفوط بطريقه دائريه ورتبت الفوط

بطريقه جذابه وسهله...

 

 

وهذا ستاند لوضع مناشف اليد

 

 

 

الفوط والملابس التي تم استعملها يجب ان يكون لها مكان

اوحاويه ولا بيكون منظر الحمام مزعج ....

وهذا ماسوف نراه بعض الستاندات لتجفيف الفوط المستعمله

وسلات للملابس والفوط التي ترغبين في غسلها ::::...

هذا ستاند لتجفيف الفوط ..

 

 

 

وهذا اخر وهو صنع بطريقه عمليه حيث انه ثلاثه في واحد

 

 

 

رف لترتيب الفوط ورف لحفظ ادوات الحمام وستاند للفوط ....

 

 

 

 

 

 

 

 

 

 

وايضا هناك نوع آخر للفوط وهو فوط المائدة...

 

 

 

 

أرجو أن تفيدكم هذه المعلومات البسيطة..

 

[♥ أمـ نـادية ♥ 4]

جزاكــِ الله خيرا يا ام عبد الله

 

معلومات راائعة حقا

[موده واخاء 417]

...افكار لترتيب البوفيه والنيش

 

بالنسبة لترتيب البوفيه فهو يعتمد على الصينى والاكسسوارات الموجوده عندك وايضاً على تصميم البوفيه نفسه

 

وسأعطيكِ بعض الافكار المساعدة لترتيب

 

1- تصنيف الصينى والاكسسوارات الموجوده عندك

 

 

 

2- فرش الارفف بمفارش تناسب لون البوفيه

 

3- وضع الكاسات واطباق الخشاف الفاخرة فى جهة مع تزيزنها باكسسوارات مناسبة معها

 

4- اطقم الشاى وتوابعها تضعيها فى المكان الاوسع مع قلب الفنجان بداخل الطبق المخصص له

 

5- الشوك والملاعق او اذا كان عندك شنطة مخصصة لها ضعيها من اسفل مع طقم الصينى الكامل

 

6- طبعا الجزء الهام هو الطقم الكامل الصينى هذا ضعيه فى الجزء الاسفل مع ترتيبه بطريقة مناسبة والمساحة ولاتنسى الاكسسوارات وزعيها بطريقة عشوائية تعطى لكِ شكل جمالى رهيب خاصة عندما يكون هذا الجزء من البوفيه مصنوع من الزجاج

[موده واخاء 417]

جمعتلكم الافكار دي:

 

 

* حطى مفرش على الرفوف وانثرى عليها ورد مجفف واحجار ملونه ورصى الكاسات والصينى

 

خدى من كل شكل وحطيه على حوامل بتتباع فى محلات اللى فيها رفايع المطبخ وحواليه ورد مجفف وخليه تحت وربنا يتمملك على خير

 

*اول حاجة تجيبي مفارش النيش الستان

وحاولي تظبطي العدد علي اد عددالرفوف بتاعتك

 

يعني لو الرف عريض اللي هو بتاع النيش الضلفتين بياخد 3 مفارش وعلي حسب كمان حجم المفرش والموضة دلوقتي انك متخليش حتة من المفرش نازلة يكون المفرش كلة علي الازاز

خلي دايما عندك قاعدة تحطي السادة مع المدهب او الملون وتحطي حاجة قصيرة مع حاجة طويلة

 

اول رف دا دايما بيكون لطقم الشربات

 

تاني رف بيكون لطقم الجاتوه

 

تالت رف بيكون بيكون لطقم الشاي بتاع الطقم الصيني

 

الرف الاخير اللي بيكون خشب دا بيكون علشان الحاجات التقيلة يعني لو هاتحطي حاجة من طقم الصيني

 

لو عندك بوفية مع النيش يبقي تحطي فيه بقية طقم الصيني وطلعي منة اطباق الرز المسطحة والسطانية الكبيرة وحطيهم في اخر رف في النيش علي الجنب وما بينهم

لو جايبة طقم خشاف ممكن تحطية

 

بيبقي في درجين في النيش دول علشان الشوك والمعالق

البوفية ممكن تقسيمة بين الصيني والاركوبال وصواني التقديم اللي عندك

 

 

الموضة دلوقتي انك لما تيجي ترصي الكاسات متكونش كلها واقفي يعني ممكن تعملي وردة بخمس كاسات وتخلس السادس قلب الوردة دي

 

لما تحطي طقم الشاي حاولي يكون معاه شوبات مش كاسات فاهمة قصدي

 

متحطيش ابدا اطقم قهوه مع شاي دايما القهوة خليها مع كاسات او شوبات

 

اوعي تنسي بقي الحف الصغيرة اللي بتتنتور في النيش وحاولي تكون صغيرة علشان متغطيش علي حاجاتك

 

 

والتحف دي بتكون بتاعة السبوع او تشتريها من درب البرابرة في الازهر او لو مفيش متحيريش نفسك ممكن تجيبي الشمع الاشكال اللي طالع جديد دا بيبقي شكلة اشيك بكتير ...

 

 

 

[موده واخاء 417]

ترتيب جهاز العروسه بطرق فيها ابداع

 

تعالي معاي ..وبشويه أفكاااااااااار نرتب أغراضك مع بعض ..

 

 

طبعا الأغراض تروح لبيت العروس قبل الزواج

بأيام قليلة يعني من خمسة إلى ثلاثة أياااااااام عادة ..

 

 

وفي بعض العائلات يسووونها كإحتفال يجتمع اخوات العروسه

وخالاتها وعماتها وينقلوا الجهاز لبيت الزوجيه

 

ويستقبلهم هناك اهل العريس لذا لازم كل شئ

يكون مميز لان كل شئ بيكون تحت الانظار ...

 

 

وبعضهم يمشونها عادي ..

 

 

 

المهم .. حبيت أساعد الأخوات ..وأعطيهم بعض الأفكااااااااااار

في ترتيب الجهاز

 

 

 

 

نبدأ بسم الله ..

 

اولا

 

نروح محل الخياطة نشتري شوية ورود وشرايط وأكياس

الأورجنزا الجاهزة بعدة أحجااااااام

 

+ محلات نشتري منها ..شموع وعلب وسلال ..وورود مجففة

 

+ مكتبة

(بطاقات وأشرطة وجلاد بنوعين الفاخر والعادي )...

 

ولا ترمين أي شيء من العلب اللي تشترين أغراضك فيهاااا

 

 

نبدأ

سجاجيد الصلاه

 

نشتري سجادة صلاة وشرشفها أو شيلة الصلاة ..بلونين متناسقين

00 او تشتري اطقم سجاده الصلاه وشرشفها

 

 

 

بالنسبه للشرشف الي تستخدميه جمعيه مع السجاده

وممكن كتاب الأذكار مع المسواك .ونجمعهم كلهم في

 

علبة ..ونغلف العلبة بالجلاد الفاخر

لأنه بيستخدم لفترة طويلة بإذن الله ..مثل الصورة التالية

 

 

 

 

 

 

بالنسبه لسجاجيد وشراشف الضيوف

 

بامكانك وضعها في مثل هذه الصناديق

 

 

 

 

 

 

[موده واخاء 417]

جزاكــِ الله خيرا يا ام عبد الله

 

معلومات راائعة حقا

\بارك الله فى مرورك يابسبس

[الساعيه لطريق الحق 0]

بســم الله الـرحمــن الرحيــم

تم تعديل 6 مارس, 2010 بواسطة الساعيه لطريق الحق

[الساعيه لطريق الحق 0]

بســم الله الـرحمــن الرحيــم

 

رائــــــــــــــــــــــــــع

 

حبيبتــــــــــــــــــى منى

 

حقا معلومات هامه لكل عروسه

 

ان شاء الله نستفيد مها

 

بارك الله فيك حبيبتى

[موده واخاء 417]

بســم الله الـرحمــن الرحيــم

 

بارك الله فى مرورك العطر يا حبيبة انتى زى العسل

[موده واخاء 417]

بســم الله الـرحمــن الرحيــم

 

رائــــــــــــــــــــــــــع

 

حبيبتــــــــــــــــــى منى

 

حقا معلومات هامه لكل عروسه

 

ان شاء الله نستفيد مها

 

بارك الله فيك حبيبتى

 

 

بارك الله فيكى يا اجمل هاله الحبيبة الغاليه

 

نورتونى

[ام مصعب ان شاء الله 0]

السلام عليكــم ورحمـة الله وبركاتــة ،،تسلم ايدكى بصى انا متجوزه بقالى سنه وحبه وفى حاجات كتير فعلا حصلت معايا ولاقتها مظبوطه كنتى فين قبل متجوز هههههه :biggrin: بجد بجد بسم الله ماشاء الله عليكى وطبعا مينفعش الموضوع يقرا مره وحده ويارب كل البنات يستفادوا جزاكى الله خير

[موده واخاء 417]

السلام عليكــم ورحمـة الله وبركاتــة ،،تسلم ايدكى بصى انا متجوزه بقالى سنه وحبه وفى حاجات كتير فعلا حصلت معايا ولاقتها مظبوطه كنتى فين قبل متجوز هههههه :biggrin: بجد بجد بسم الله ماشاء الله عليكى وطبعا مينفعش الموضوع يقرا مره وحده ويارب كل البنات يستفادوا جزاكى الله خير

 

هههههههههههه اومال انا اعمل ايه بقالى 5 سنين متجوزة هههههههههههههههه

 

انا بقى اروح ادفن نفسى بس يللا نجهز نفسنا تانى وايه يعنى هو احنا ورانا حاجه ههههههه

 

شكرا لمرورك

[الساعيه لطريق الحق 0]

بارك الله فيكى يا اجمل هاله الحبيبة الغاليه

 

نورتونى

 

أنا هبه :wub: مش هاله

 

انا لسه هاقول لهاله على الموضوع عشان تقراه

هاتتجوز فى شهر 7

ان شاء الله

 

اصل احنا بنبدل كل واحده بتعد شويه

 

لحد ما هاله تتجوز وتخليلى المكاااااااااااان :icon15:

 

امال لو شفتينا ها تعملى ايه

اما بتتلغبطى فى اسمنا

ههههههههههههههههه

على فكره احنا شبه :icon15: بعض كتيرررررررررر

 

بحبك فى الله ياقمرررررررررر

[عفاف القلوب 0]

جزاكى الله خيرا وربنا يكرمك على المعلومات الجميله ويجعله فى ميزان حسناتك

[شذى الهمة 331]

جزاكــِ الله خيرا يا ام عبد الله

 

معلومات راائعة حقا

[موده واخاء 417]

الله يخليكن ع المرور الجميل

[cat9 0]

جزاك الله خيرا موضوع بجد مفيد وجميل

[موده واخاء 417]

جزاكى الله خيرا

[بنوته مسلمه مصريه 458]

السلام عليكــم ورحمـة الله وبركاتــة ،،

ماشاء الله يامنمن معلومات قيمه

ربنا يبارك فيك ياقمر

[shimoaa 0]

جزاكم الله خيرا على المعلومات المفيدة

ممكن اسالك ايه رايك فى الميكرووف وايه احسن نوع