اذهبي الى المحتوى
سجدة55

دورة لاحتراف تزيين الكيك والجاتوه

المشاركات التي تم ترشيحها

 

السلام عليكــم ورحمـة الله وبركاتــة ،،

 

 

.. (( الدرس الثانيــــ عشر ))

 

.. أفكار لتغليف وتزيين الكيك باستخدام عجينة اللوز أو عجينة السكر ..

 

..

 

.. قبل البدء بطرح الأفكار .. نبدأ بطريقة تغليف الكيكة بعجينة اللوز أو السكر ..

 

 

1- غلفي الكيكة بطبقة رقيقة من الكريمة لتساعد على التصاق العجينة جيداً بالكيكة ..

 

990532870.jpg

 

2- اعجني العجينة المستخدمة على سطح مرشوش بسكر البودرة قبل استخدامها لتتأكدي أنها لينة ..

 

3- افردي العجينة بالمرقاق ( الشوبك .. النشابة ) على سطح مرشوش خفيفاً بالسكر البودرة حتى تصلي لسمك 3 - 4 مم تقريباً (رفيعة) .. واحرصي أن تكون كمية العجينة تكفي وزيادة بالنسبة لحجم الكيكة المراد تغليفها ..

 

597036705.jpg

 

- ارفعي العجينة برفق بين يديكِ ( أو استخدمي المرقاق في رفعها ) وضعيها على الكيكة ..

219587978.jpg

 

5- اضغطي برفق على سطح وجوانب العجينة لتلتصلق جيداً بالكيكة ورتبيها قدر الإمكان .. ثم قصي الزوائد ..

 

756907888.jpg

 

.. (( الطريقة الأولى )) ..

 

 

.. طريقة لتزيين كيكه على شكل قلب .. والزينة على شكل شرائط الدانتيل مثبتة على جوانب الكيكة ..

 

 

1- قومي بتغليف الكيكة باللون اللي بيعجبِك .. وهنا عندنا الكاكاو ..

 

329349427.jpg

 

- استخدمي المتر لوضع علامات بمسافات متساوية لوضع الدنتيل

 

840772696.jpg

 

3- استخدمي قطاعة للحصول على شكل مشرشر ..

 

514112483.jpg

4- اخرمي الشكل من الوسط .. ثم رشي قليلاً من السكر البودرة على سطح العمل وضعي عليها الشكل .. حتى لا يلتصق أثناء العمل ..

 

5- استخدمي عوداً خشبياً كما في الصورة وقومي بالضغط على كل وحدة بحذر كإنك بترقي العجينة العادية ..

 

416428803.jpg

 

6- استمري في عمل نفس الخطوة على كل الوحدات .. حتى يعطيكِ شكل جميل مثل الصورة ..

274617105.jpg

 

8- قومي بترطيب طرف العجينة بالماء أو الكريمة ليسهل لصقها على الكيكة

663664715.jpg

9- ألصقي وحدة الدانتيل على الكيكة ابتداءً من أول نقطة قمنا بتحديدها إلى النقطة التي بعدها ..

 

- قصي الزائد من الدانتيل ..

365988980.jpg

 

11- استمري في هذه الخطوات حتى تحصلي على الشكل التالي ..

 

957917065.jpg

- قومي بتكرار نفس الخطوات ولكن هذه المرة بلون يشبه الذي قمتي باختياره للتغليف .. وألصقيه في مستوى أعلى شوية ..

940153595.jpg

 

14- ألصقي وحدات على شكل قلوب ( من اللون الأبيض واللون البني ) باستخدام الكريمة أو الشوكولاتة ..

 

749159596.jpg

 

 

15- زيني وجه الكريمة بورود جاهزة أو بوردات من العجينة نفسها

754161451.jpg

شارك هذه المشاركه


رابط المشاركه
شارك

اخر درس فاضل بكرةان شاء الله و تنتهي الدورة

 

و بعدين اديكم بعض اسرارنجاح الكيك مجرب من مطبخي

شارك هذه المشاركه


رابط المشاركه
شارك

ما شاء الله

راااااااااااااااااااااااااااااااائعة

ربنا يكرمك ويسعد ايامك

رائع جدااااااااااااااااااااااااااااااااااااااااااااااااااااااااااااااااا

وفى حاجات كتيييييييييييير كنت محتجاها

جعل الله ما تقدميه فى ميزان حسناتك

شارك هذه المشاركه


رابط المشاركه
شارك

ماشاء الله رائع بارك الله فيكى

 

استفدت كثيرا من كل ما قدمتى

 

جعله الله فى ميزان حسناتك

شارك هذه المشاركه


رابط المشاركه
شارك

جزاكن الله خيرا اخواتي الحبيبات و انا فعلا مثلكن استفدت كثيرا من الموضوع الكثير الكثير لم اكن اعرفه

شارك هذه المشاركه


رابط المشاركه
شارك

(( الطريقة الثانية )) ..

 

 

.. وهذه الطريقة بسيطة جداً وناعمة .. وتقدم فكرة أوراق الورد المبعثر حول الكيك ..

 

514456028.jpg

 

 

 

 

1- في البداية قومي بعمل إطار ناعم من الكريمة على جوانب كل طبقة .. ثم قومي بعمل زخارف ناعمة بالكريمة ..

 

 

247183553.jpg

 

 

 

 

 

 

 

2- افردي عجينة باللون العنابي واستخدمي قطاعة لعمل ورق الورد لعمل الأوراق ..

 

 

819272013.jpg

 

 

 

 

 

3- قومي بعمل تعرجات في الورق لتبدو مثل ورق الورد ..

 

 

 

 

957497047.jpg

 

 

 

 

4- جهزي بنفس الطريقة أوراق بألوان مختلفة ..

 

5- قومي بإلصاق الأوراق بشكل عشوائي على جوانب الكيكة باستخدام الكريمة كمثبت ..

 

 

 

 

907346660.jpg

 

6- ألصقي أيضاً على سطح الكيكة

 

 

731894664.jpg

 

الحمد لله الدرس الثاني عشر انتهى على خير

تم تعديل بواسطة سجدة55

شارك هذه المشاركه


رابط المشاركه
شارك

هو حلو أوى جزاك الله خيراً

 

خصوصاً أخر درس دا

 

و أنا متأكدة إنى لو اتنططت و وقفت على راسى عمرى ما هعرف أعمله

 

بس أهو الواحد ياخد فكرة

 

جزاك الله خيراً

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

خليكو معى ان شاء الله اخر شئ تطبيقات لتورت الاطفال

 

 

اول فكرة

 

.. كيكة على شكل قارب .. وهنا نحتاج إلى كيكة على شكل مستطيل ..

 

796047936.gif

 

955079987.jpg

 

كيكة على شكل قلعة .. وهنا نحتاج إلى كيك مربع ومستطيل الشكل بأحجام متفاوتة مرتبة فوق بعضها مثل الصورة .. ممكن تحضري كيكتين مستطيلتين الشكل ثم قصي أحداهما إلى مربع

 

 

538183612.jpg

.. غلفيها بالكريمة

 

959055338.jpg

 

 

 

.. استخدمي البسكويت الخاص بالآيسكريم في عمل أعمدة القلعة الخاصة بالأعلام .. وزيني بالكريمة الملونة لتبيني ملامح القلعة

 

750536464.jpg

 

.. كيكة على شكل حذاء .. وهنا نحتاج كيكة دائرية مرتفعة الجوانب قليلاً ..

 

469657404.gif

 

172016854.jpg

 

 

كيكة على شكل رقم 7 .. وهنا نحتاج إلى كيكة مستطيلة الشكل .. قصيها كما هو موضح وزيني على ذوقِك ..

 

 

733136683.jpg

 

586470506.jpg

 

617498067.jpg

 

729323363.jpg

 

ملاحظة : الكيك الذي يأخذ شكل الأرقام ليس صعب التحضير كما يبدو عليه .. بإمكانِك عمل كيكة على أي شكل ترغبين به برسم وقص الأرقام على ورق شمع أو أي ورق نظيف وضعيها على سطح الكيكة وقصي الشكل مستعينة بالرسمة .. ويمكن تطبيق هذه الفكرة لأشكال أخرى غير الأرقام .. فالمجال مفتوح دائماً لإبداعاتِك وتصورِك للشكل النهائي للكيكة ..

 

 

و هذه ايضا بعض الاشكال بنفس الطرق السابقه

 

718635901.jpg

606139288.jpg

 

756228846.jpg

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

انا عندي نفس الخطوات من مطبخي لكن الريدر عندي بايز و مش عارفه انزل الصور عالكمبيوتر

 

الاساسيات ده برده منقوله لكن عجبتني جدا و طبقت الكيكة الاسفنجية و كانت تحفه الحمد الله المهم اننا نستفاد و نتعلم

 

تعالو نبدا

 

المعلومات والملحوظات

 

 

1-بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير

انا استغربت لما لقيت البعض بيضيف لبن او عصير

الكيكه الاسفنجيه مختلفه عن الكيك العادى

 

 

 

2-جميع المقادير المستخدمه بيض او طحين لازم لازم تكون بدرجه حراره الغرفه

يعنى انا دائما بحفظ الدقيق فى التلاجه ولكن قبل ما اعمل الكيكه الاسفنجيه بنص ساعه بخرج البيض والدقيق واوعى تنسى المعلومه دى لانها مهمه جدا حتلاقى قطرات ماء تجمعت على البيض بعد النص ساعه كده تقدرى تستخدمى البيض

 

 

3-لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا

 

 

4-الدقيق والنشا والبيكنج باودر اللى حكتبلكم مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين

 

 

5-مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه

 

 

6- مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط

اخواتى معلش انا طولت عليكم بس لازم لازم احكى معاكم بالظبط كل فتفوته لعمل الكيك

واخيرا اللى بيخلى الكيكه مكتومه حاجتين مالهومش تالت الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره وده بيخلى الكيكه طالعه زى الخبز مكتومه

 

 

الان المقادير المظبوطه

طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دى

المقادير دى انا معرفش حتناسبك ولا لا بس عموما وانتى بتصبى الخليط فى الصينيه بتاعتك وطبعا انا معرفش مقاسها يبقى عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع

المقادير

الكوب المستخدم للدقيق لازم يكون هو هو اللى حتقيسى بيه السكر والنشا

6 بيضات بدرجه حراره الغرفه

كوب الاربع دقيق

كوب الا ربع سكر ناعم مهم يكون حبيباته ناعمه

ربع كوب نشا

ملعقه كبيره بس ممسوحه بيكنج باودر

ملعقه كبيره ممسوحه فانيليا

ربع كوب كاكاو غير محلى

لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير

 

 

سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا

باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن

واياك اياك اياك اياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله لو اتبعتى كل معلومه وطريقه انا كتباها حتلاقى احلى كيكه اسفنجيه عملتيها وكل ما تنجح معاكى افتكرينى

وتانى يوم اعمليها بالكريمه وزينيها ولو مستعجله وعوزاها فى نفس اليوم حطيها فى التلاجه 3 ساعات مثلا بس اوعى تحطيها فى التلاجه بعد ما تطلع من الفرن مباشره يارب اكون افادتكم

 

 

ملحوظه بخصوص الدريم ويب(الكريم شانتيه )

التورته تحتاج ربع كيلو للتغليف والتزيين او بما يعادل 6 اظرف هناك نوعان نوع بودره يأتى على هيئه علبه كل علبه فيها ظرف او ظرفان والنوع التانى على شكل كريمه الطبخ بالنسبه للباودر لمن تستخدم باودر بالكيلو مثلا يبقى كل كوب كريمه باودر معها فنجان الا ربع لبن مثلج ونخفق ولو عاوزاها بالشيكولاته ضيفى كاكاو وزودى اللبن بسيط اما فى حاله الأظرف الجاهزه نصيحه منى لا تتبعى التعليمات المكتوبه على ظهر الظرف لان الكريمه حتبقى سائله نصيحتى لك هى لكل ظرفان باودر ضعى فنجان الا ربع فقط لبن مثلج وملعقه كبيره ممتلئه من النشا (الكورن فلاور )وحتحصلى على احلى كريمه متماسكه وضعيها فى التلاجه فتره حوالى نص ساعه قبل البدء بالتغليف والتزيين اما كريمه الطبخ المخصصه ايضا للحلويات اتبعى نفس ماهو مكتوب عالعلبه بالظبط لا تقلقى

الان ما قراتموه هو اساسيات عمل الكيكه الاسفنجيه ولكن

ولكن

ولكن

انا شخصيا احب اضافه الزيت او الزبده لعمل اى كيكه ودى راجعه للذوق الشخصى وغالبا تورتاتى تتنوع مابين كيك اسفنجى وكيك عادى ونا شايفه ان الكيك العادى مناسب كمرحله اولى تقدرى تتعلمى الاول ازاى تعملى تورته وبعدها تنتقلى للكيكه الاسفنجيه ومقادير الكيك العادى لمن تريد هى كوب ونصف دقيق منخول مضاف له ملعقه ونصف صغيره بيكنج باودر _ كوب الا ربع سكر عادى _ نصف كوب زيت او زبد _نصف كوب زبادى _3 بيضات حجم كبير او اربعه صغير_فانيليا لو اردتى عملها بالشيكولاته انقصى ثلث كوب دقيق وضعى بدلا منه كاكاو باودر غير محلى والان مع طريقه عمل الكيكه الاسفنجيه بالصور كتطبيق لما ذكرته سابقا

هنا الطحين والكاكاو والنشا والبيكنج باودر

 

 

ebL80n01182331.jpg

 

نقوم بنخلهم كما ذكر سابقا

 

6yM8vn01182331.jpg

 

ونتركهم جانبا نقوم بضرب البيض والفانيلا حوالى دقيقتان وبعدها قومى بأضافه السكر

 

W2gZRI01182332.jpg

 

نقوم بالخفق لمده ربع ساعه على اعلى سرعه الى ان يتحول الخليط للشكل الكريمى ويكون أضعاف حجم البيض

بعد ذلك نقوم باضافه الطحين المنخول ومعه البيكنج باودر والكاكاو ملعقه ملعقه ونقلب كما ذكرت فوق

 

QWwoL701182333.jpg

 

والان الخليط اصبح جاهز ونصبه فى الصينيه

kq91nK01182334.jpg

ونتبع طريقه الخبز والتى شرحتها سابقا وهاهى شكل الكيكه بسم الله ماشاء الله دى بالشيكولاته

jo8ud501170159.jpg

 

وواحده أخرى بيضاء بالفانيليا

 

7zjwog01170158.jpg

 

هذا هو اساس عملها ننتقل الان الى المراحل الأخرى الا وهى الحشو والتزيين الان سيكون معنا كيكه فكيف نقطعها؟؟؟؟؟؟؟؟

انا افضل تقطيعها بالخيط بدلا من السكين طبعا بعد مابردت تماما

ونقطعها هكذا نلف الخيط حول الكيكه ونوسطه جيدا ويكون هكذا

 

v6P3qh01182303.jpg

 

ثم نقوم بوضع الخيط على شكل حرف xهكذا

 

9xLZmJ01182304.jpg

 

ونمسك الطرف الايمن بيدنا اليسرى وطرف الخيط الايسر بيدنا اليمنى يعنى العكس ونشد الخيط ونفضل ماسكينه بقبضه ايدنا ونشد

 

dFoLCZ01182304.jpg

 

سنجدها بتقطع ومظبوطه ان شاء الله مائه بالمائه وهنا الحشو انا استخدمت كما فى الصورهدريم ويب باودر وفواكهه وشيكولاته مبشوره

 

CIWia201182302.jpg

وطبعا الصور شارحه نفسها وضعت ملعقتين من سائل الفواكه على الكيكه المقسومه نصفان لتطريتها واضفت جزء من الكريمه وفوقها الفواكهه

 

g4raxU01182305.jpg

 

اضفت النصف الاخر وغلفت التورته بالكريمه وبدأت ازينها

7Hiawo01182305.jpg

Tl3q9w01182306.jpg

 

 

 

و ده صور طرطة تانية

P05sOy01170200.jpg

MeskbV01170200.jpg

 

xZIWib01170201.jpg

bDRIrO01170201.jpg

OLQI5s01170202.jpg

mj2Uh801170203.jpg

r7Q4rN01170204.jpg

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

 

نأتى لتورته اخرى على شكل مربع

 

 

 

الحشو كريمه الجبنه

 

 

 

مقادير الحشو

كوب كريمه باودر

كوب الا ربع لبن مثلج

ملعقه سكر بودره كبيره

حوالى اربع ملاعق جبنه فلادلفيا وممكن استبدالها باربع قطع كيرى نضرب مقادير الحشو بالمضرب الكهربائى الى ان تتجانس ويمكن اضافه ملعقه لبن لو حبيتى تكون سائله الى حد ما ويمكنك اضافه ملعقتان كاكاو باودر لو عاوزه الحشو بالشيكولاته

 

 

 

هنا سويت الكيكه لأنها مربعه من عند الاطراف

Nesk3401190051.jpg

 

وقسمتها نصفان وشربت القسم السفلى بعصير او ممكن مربى مخففه بماء

XyM80S01190052.jpg

 

وزعت الكريمه

ROxUM901190052.jpg

ZWG2p801190052.jpg

غلفت الجوانب بجوز هند مبشور ومكسرات

 

 

 

هناك ملحوظه مهمه

ممكن سطح الكيكه معاكى ميكونش مغلف بالكريمه بشكل منسق ومتقن فلا تقلقى الفواكه اللى حتحطيها فوق لن تظهره ومع الوقت ستحترفى التنسيق ان شاء الله

ur2TL801190053.jpg

وبدأت فى التزيين

2Dm5sk01190053.jpg

vWa2Uh01190053.jpg

 

وده الشكل النهائى يارب تعجبكن

 

ZVEFfC01190054.jpg

 

و ده حاجة جديدة

تورته الفراوله بالكريم باتسيير والجناش

 

بدايه الجناش هو

نوع من الكريمه عباره عن شيكولاته وكريمه خفق وزبده و تحضر وتستخدم بطريقه الصب على التورته او نتركها فتره تجمد فى التلاجه ونضعها فى كيس التزيين ونزين بها

مقادير الجناش

انا استخدمت شيكولاته بيضاء ولونتها

المقادير

كوب ونص شيكولاته مبشوره بيضاء

كوب كريمه لبانى(كريمه الخفق للحلويات)

ملعقه زبده

ملون طعام احمر او اى لون تفضليه

الطريقه نغلى كوب الكريمه ونرفعه من عالنار ونضيف عليه الشيكولاته المبشوره ونتركها تسيح وبعدها نضيف الزبده ونترك الخليط يبرد تماما ولكن لا يتجمد يكون على شكل سائل وبعدها نضيف ملون الطعام نقطه نقطه الى ان نصل للون المطلوب ونتركها جانبا

طريقه كريمه الباتسيير

مقاديرها ثابته انما طريقتها تختلف كلا حسب طريقته وهذه هى اسهل طريقه له

والمقادير هى

كوب وربع لبن

بيضه كامله

صفار بيضتان

ربع كوب سكر بودره

ملعقه كبيره دقيق

ملعقه كبيره نشا

فانيليا

انا وضعت كل المقادير معا فى الخلاط وبعدها وضعتها عالنار مع التقليب المستمر المستمر المستمر مثل المهلبيه الى ان يتكاثف الخليط بعد عشر دقائق تقريبا وننزله من عالنار ونتركه يبرد ونضيف عليه ملعقتان من روح الفراوله وهذا شكله

 

 

nk3h8001200759.jpg

 

 

نتركه جانبا هو والجناش

ونأتى للتزيين انا استخدمت شيكولاته بيضا وسيحتها فى حمام مائى وقسمتها نصفين نصف تركته ابيض وفردته وعملت نفس الطريقه فى التورته السابقه وقطعته بقطاعه هكذا

nk3MES01170037.jpg

والنصف الاخر لونته بلون احمر بنفس درجه الجناش ايضا

 

mjTg7Z01170037.jpg

وفردته ايضا وقطعته بنفس الشكل السابق

الجزء الاحمر نقط عليه شيكولاته بيضا والابيض نقط عليه شيكولاته حمرا اسفه الصوره اتمسحت

نأتى للكيكه

قسمتها نصفين ووضعت الكريم باتسيير

 

 

x8I55s01170038.jpg

وقطع من الفراوله هكذا

 

jLQIAj01170038.jpg

وقفلت الكيكه وغلفتها وراعيت ان يكون سطحها املس ومتساو ووضعتها على شبك سلك لانى حصب عليها الجناش ونضع تحتها صينيه او طبق بلاستيكى

daTguR01170039.jpg

 

واحضرت ورق بلاستيك ووضعته على منتصف الكيكه هكذا حتى يكون الجناش على نصف منها فقط هكذا

 

eGU8vm01170039.jpg

ونبدأ بصب الجناش

 

wk3h9101170039.jpg

 

ونتركه على السلك يصفى وندخله التلاجه يتماسك وهنا بعد ان تماسك

 

rKYl4W01170040.jpg

ونبدا بالتزيين بالوردات اللى عملناها هكذا

 

 

PhnJ6Y01170040.jpg

 

8WF2Th01170040.jpg

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

نأتى الان لتورته اخرى بحشوه مختلفه وهى

 

تورته بحشوه كريمه الزبده بالشيكولاته

 

 

 

 

كريمه الزبده كريمه لذيذه وبتدخل فى كتير من التورتات كحشو وتزيين طبعا هى دسمه الى حد ما بس انا بحبها جدا جدا طبعا نجهز كيكه شيكولاته زى ما عملناها فى اول الملف

 

 

 

انا حبيت اعمل تزيين مختلف للتورته من اختراعى وطلع رائع عملت ايه جبت شيكولاته خام مبشوره حوالى كوب ونص ووضعتها فى قدر استانلس وبعدين وضعتها فى طاسه بيها ميه وسيحتها على حمام مائى هكذا

 

rftQzE01160312.jpg

وبعدين جبت ورق الزبده ووضعت عليه الشيكولاته

cNwTf701160312.jpg

ووزعتها بملعقه فرشتها عالورقه هكذا

vXb2UD01160313.jpg

وتركتها حوالى خمس دقائق فى الرف تحت الفريزر تتماسك فقط ولكن لا تجمد حتى يسهل تقطيعها هكذا انا استخدمت شكل النجمه طبعا ننزعها بخفه وبشويش حتى لا تتكسر لانها حتكون لا زالت لينه

Z4iaog01160315.jpg

 

وبعدين نتركها تكمل تجميد فى التلاجه

9BOc3V01160315.jpg

ونأتى لعمل الحشوه

مقاديرها

 

 

 

ثلثين كوب سكر بودره منخول تلت مرات

كوب زبده لينه وليست سايحه

ربع كوب لبن لتليينها

فانيليا

2 ملعقه كاكاو باودر كبيره

وممكن تبقى بدون كاكاو على حسب الذوق

 

 

 

نخفق الزبده الى ان تتحول للشكل الكريمه

 

Um5rOG01160317.jpg

 

نضيف السكر البودره على مرتين ونخفق ثم نضيف الفانيليا والكاكاو واللبن ونخفق جيدا الى ان يتحول الخليط للشكل الكريمى المتماسك

 

tqDmeB01160318.jpg

 

نتركها فى التلاجه ربع ساعه تتماسك وبعدين نقسم الكيكه ونضع جزء من الكريمه ونا اضفت حبوب الشيكولاته فيها هكذا

vAPGyV01160319.jpg

نغلق الكيكه والجزء المتبقى من كريمه الزبده نضيف عليه كوب كريمه مخفوقه مسبقا ونقلبهم معا ونغلف الكيكه ونبدا بتزين الجوانب هكذا

 

0PU8IA01160319.jpg

4jxohD01160320.jpg

hm5XG301160320.jpg

 

نسيت اقولكم ان بعد ما الشيكولاته النجوم بردت عملت نقط عليها من الشيكولاته البيضاء وتركتها تجمد ايضا وبدأت فى وضعها فوق التورته هكذا

 

djwfCu01160321.jpg

 

t49wo701160321.jpg

 

AbgZmJ01160322.jpg

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

كريمه الشيكولاته البيضاء

مقادير الحشوه

عشر قطع جبنه كيرى وومكن استبدالها بعلبه فلادلفيا

ربع كوب لبن

كوب الا ربع شيكولاته بيضاء مبشوره

(للاخوات اللى فى مصر اكيد عارفين محل درب البرابره او محل العتبه اللى بيتباع فيهم الحلويات الخام والشيكولاته وكل شئ لعمل التورتات والحلويات)

الطريقه يسخن اللبن ويضاف اليه الشيكولاته المبشوره

ونتركها تسيح وتبرد تماما تماما وبواسطه المضرب الكهربائى نضرب كل المكونات السابقه جميعا ونضعها فى التلاجه ربع ساعه قبل التغليف والتزيين اسفه صور طريقه الحشو اتمسحت بس اعتقد الطريقه واضحه وسهله

 

 

 

طبعا عملت الكيكه وقسمتها وحشيتها مثل الطرق السابقه وغلفتها كمان وده التزيين

 

 

0kypME01170214.jpg\

 

2udWj201170214.jpg

 

ووضعت فى الجوانب شيكولاته فارمسيل وكريمه هكذا

 

ncMDvn01170215.jpg

 

تورته بحشوه الأيس كريم

 

 

 

زى ماقلت التورته دى تنفع المبتدئات وكمان تنفع لو عندك كيك بايت او عملتى كيكه وباظت منك فى الفرن مرتفعتش او هبطت او او اى سبب لفشلها

انا كان عندى كيكه باظت منى فى الفرن وده طبعا شئ وارد انه يحصل وده شكل الكيكه

 

JkUh9001170205.jpg

واضح جدا انها مش مظبوطه فطبعا مرمتهاش عملت بيها ايه؟؟؟؟؟؟؟؟؟؟؟؟؟؟؟؟

اولا جبت نفس الصينيه اللى غملت فيها الكيكه

وبطنتها بالبلاستيك الشفاف ووضعت فيها حلقات اناناس

ms2U8v01170205.jpg

 

وجهزت ايس كريم ثلاث اكواب كبيره انا استخدمته بالفانيليا وتركته يسيح الا حد ما يعنى خرجته من التلاجه نصف ساعه تقريبا قبل العمل علشان يبقى سهل معايا ووضعت جزء منه على الاناناس هكذا

F7Q4VN01170206.jpg

وبعدها وضعت فواكهه

1P3VM901170208.jpg

طبعا نوع الايس كريم او الحشوه متروك ليكى اختى الكريمه

 

 

 

ثم وضعت جزء من الكيكه قطعتها بنفس الطريقه اللى ذكرتها قبل كده

وشوفو كانت مفتته بس عادى لانها ستجمد مع الايس كريم

 

F7QHqN01170209.jpg

وبعدين وضعت ايس كريم مره اخرى وفواكه وهكذا

tQ4NFx01170210.jpg

وطبقه اخرى كيك وهكذا ثم نغلق البلاستيك الشفاف عليها ونتركها بهذا الشكل فى التلاجه اربع ساعات مثلا

 

kM0S6t01170210.jpgوبعد ذلك نضع طبق التقديم فوقها ونقلبها وبعدين نشيل الصينيه وننزع البلاستيك عنها معلش صوره الخطوه دى اتمسحت منى عموما ده شكلها

PhvSeB01170211.jpg

تلاحظوا انا عملت ايه وضعت عالجوانب فارمسيل لزقت الى حد ما ووضعت داخل كل قطعه اناناس قطعه كريز وومكن تضعى فراوله وزينت بالفارمسيل ايضا وده شكلها من فوق

 

06Gyqh01170211.jpg

hesPHy01170212.jpg

 

قد ايه سهله وبسيطه وومكن تعمليها باى شكل انتى عوزاه وممكن تستبدلى الايس كريم بالكريم شانتيه او اى نوع كريمه

هنا انا غيرت شويه فى شكلها

 

 

 

وضعت فى النص فراوله واتبعت نفس الخطوات السابقه بالظبط

 

H9S6YQ01170213.jpg

q5agyq01170213.jpg

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

تورته بالفواكهه وكريمه البارفان

 

كريمه البارفان كريمه رائعه جدا ونا بحب استخدمها كحشوه وهى سهله جدا جدا جدا وشبيهه بالموس الفرق بينهم انها بتكون بالجيلاتين انما الموس حتشوفوه فى التورته القادمه

مقادير كريمه البارفان

كوب ونصف كريم باتسيير محضر (طبعا عرفنا طريقته سابقا)

ظرفان دريم ويب او ثلث كوب

ملعقتان جيلاتين بدون نكهه مذوبان فى ربع كوب ماء ساخن ونتركه يدفأ

ثلاث ملاعق لبن مثلج

فانيليا

ملعقه روح اللوز ويمكن استبداله بروح الفواكهه اى طعم تفضليه

الطريقه نخفق الدريم ويب مع اللبن خفق بسيط ونضيف كوب الكريم باتيسير المعد سابقا ونخفق الى ان يتماسك الخليط ويصبح بقوام الكريمه

نضيف الفانيليا وروح اللوز والجيلاتين ونخفق مره اخرى ونتركه فى الثلاجه ربع ساعه قبل الاستخدام

انا استخدمت كيكه مربعه

قسمتها نصفان ووضعت كريمه البارفان ومعها فواكهه

 

WoCZRA01182319.jpg

ووضعت النصف الاخر من الكيكه واغلقتها وغلفتها بالكريمه

 

 

fcViF101182320.jpg

 

oCQ4rj01182320.jpg

 

r1LYlI01182318.jpg

 

و بكده تكون خلصت الدورة يا حبيباتي و نكون استفدنا جميعا

شارك هذه المشاركه


رابط المشاركه
شارك

حلوة اوى تسلم ايديك

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

بارك الله فيكي على هذه الدورة المفيدة جدا.

ماشاء الله .

شارك هذه المشاركه


رابط المشاركه
شارك

جزاكي الله خيرا فعلا معلومات قيمة ومهمة رررررررررررووووووووووووعه بارك الله فيكي

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

جزاكى الله الجنة يارب العالمين

انتى ده هتخلينى اقوم اعمل تورتة دلوقتى

بارك الله فيكى

شارك هذه المشاركه


رابط المشاركه
شارك
محبة لربها.ادعولى بالثبات مشاركة بتاريخ Mar 16 2010, 12:40 PM

حلوة اوى تسلم ايديك

تسلميلي يا سمسم نورتي

 

سلماء مشاركة بتاريخ Mar 18 2010, 03:27 PM

السلام عليكــم ورحمـة الله وبركاتــة ،،

بارك الله فيكي على هذه الدورة المفيدة جدا.

ماشاء الله .

جزاكي الله خيرا مشرفتي اسع

اسعدني مرورك

 

أحزنتنى ذنوبى مشاركة بتاريخ Mar 23 2010, 09:37 PM

جزاكي الله خيرا فعلا معلومات قيمة ومهمة رررررررررررووووووووووووعه بارك الله فيكي

و بارك فيكي غاليتي عاوزين تطبيق

 

أمـ الســعد مشاركة بتاريخ May 9 2010, 01:40 AM

جزاك الله خيرا وسلمت يداك على النقل المميز .. انا دخت من كتر الأفكار

جزاك الله خيرا و انا ايضا تعلمت الكثير و طبقت الثير

جزاكي الله خيرا

 

ام عمر وجنان مشاركة بتاريخ أمس, 06:52 PM

السلام عليكم

جزاك الله خيرا الموضوع جميل ومفيد

جزانا و اياك الجنة يا غاليه

نورتيني

 

انوار القلوب مشاركة بتاريخ أمس, 07:32 PM

السلام عليكــم ورحمـة الله وبركاتــة ،،

جزاكى الله الجنة يارب العالمين

انتى ده هتخلينى اقوم اعمل تورتة دلوقتى

بارك الله فيكى

انوار القلوب وحشتيني كنت مختفه فين

يلا عاوزين تورتة حالا بس ما تنسينيش

شارك هذه المشاركه


رابط المشاركه
شارك

السلاااااااااااااام عليكم ورحمة الله وبركاته

 

مش عارفه أشكرك إزاي يا سجودة الغاليــة،، فعلا جزاكـــِ الله كل خيــــر،،

 

أنا فعلا إستفدت كتير جدا جدا من الدورة الجميلة دي، لسه اول مره اشوفها دلوقتى وقريتها ماشاء الله للآخر

 

وعلى رأي الأخت نحو غد أفضل،، لو اتنططت مش هعرف اعمل حاجه حلوه كده

 

بس هحاول اجرب، وأهو بردو شرف المحاولة>>>> بس على الله بقى تطلع بايظة ههههههههههههه عشان كتير الكيكة الإسفنجية بتهبط معايا

 

:)

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×