**متميز أولادك كبروا ولا لسه صغنتتين؟تعالى احكيلنا على حوادثهم وكوارثهم

[محبة لربها، ادعوا لي بالثبات 72]

اختي انا اسفه اصلي مكنتش شيفاها بصي هحكيلك حاجه ايه تحفه مره نزلت السوق وسبت ادهم مع اخواته معاذ وصهيب ولما رجعت لائيت الواد صهيب حته من شعره موجوده وحته لا افتكرت ان حد من اخواته استعمل مكنة الحلائه بتاعت باباه بس كانت المفاجاءه انو خد حتته كريم مزيل شعر وحطها علي راسو وبيقول لي انا بحط جل شوفتي وكان شكل راسو صعب جدا خدنا علي الحلاء حلقنالو زيرو

 

ههههههه

 

 

عسل يا ام الخلفاء عسل فى سردك حبيبتى

 

اعانك الله على تربيتهما تربية ترضى الله عز وجل

 

تانى حبيبتى لو سمحت هات ما عندك

[محبة لربها، ادعوا لي بالثبات 72]

السلام عليكم ورحمة الله وبركاته

موضوع جميييييييل جداااااااااااا

مش قادرة اقولك ضحكت أد إيه ربنا يبارك في أفكارك الجميلة يا حبيبة القلوب يا سماسم

طبعاً ها اشاركك في الموضوع الرائع ده

ربنا يحفظ أبنائنا يا رب العالمين

انتظريني وابنك حمزة وبلاويه .. ربنا يهديه

 

 

وعليكم السلام ورحمة الله وبركاته

 

سمسمة حبيبتى

 

 

هههههه نفسى اقرا حوادثه معاك حموزتى مستنياك :biggrin:

 

 

السلام عليكــم ورحمـة الله وبركاتــة ،،

 

وحشتونى حبيباتى ووحشاااااااااااااانى يا سمسمه يا قمر .

 

تذكرتلك موقف لبسملة وعبدالرحمن .

 

شوفى يا ستى فى يوم من الأيام وأنا مديرة مركز طبي فى أحد القرى الريفية

 

أول ما ييجي أول الشهر يعرفوا إن الدكتوره قبضت المرتب الكل ييجي ويعرضوا البيض البلدي والفراخ البلدى

 

وبط ووز والست الدكتوره بتحب الحاجات دي وصراحة عمرى ما رديت وحده جايه تبعلي الحاجات دي

 

وبيخلص المرتب قبل ما أخرج من المركز الطبي .المهم أيام البيض غلي فى إنفلونزا الطيور إشتريت بحوالي 40 جنيه بيض

 

وده بسبب مش عايزه أكسف حد ولآ أرد حد طمع فى الست الدكتوره هههههههههههههههههههههههههه

 

وروحت الشقة بالبيض ومعاهم وخمسه كيلو لبن حليب تفاجئت إن عمتى بعتالي 20 بيضه بلدي هديه .

 

ووحده قريبة ماما بعتالي 15 بيضه بلدي هديه وجيركن حليب وطبق قشطه .

 

قلت إيه حفلة البيض اللي أنا فيها دي هههههههههههههه :mrgreen: :mrgreen: :wacko: :unsure:

 

مكنتوا تجيبوا قبل ما أخسر 40 جنيه بيض الله يسامحكم :lol:

 

المهم حطيتهم فى حله بيها دقيق ورصيت كل البيض فى الحله وحطيتها فى التلاجه .

 

جانى تليفون من أحد الصديقات وخدنا الكلام وكانت بسملة وعبد الرحمن بيلعبوا قدامى فى الصاله

 

إنشغلت فى الكلام فى التليفون وببص ملقتش عبدالرحمن وبسملة غايبين بقالهم فتره

 

إستأذنت منها لحظه قلتلها هشوف العيال فين لإنهم ما داموا غابوا عن عينى وسكتين يبقى في مصيبة شنعاء بيعملوها

 

قعدت أدور عليهم وأنادي فطلع صوتهم فى المطبخ وروحت المطبخ وريتنى ما روحت ولا شوفت أنا كل ما أفتكر أعيط :mrgreen: :mrgreen:

 

وعديكم 80 بيضه مفروشين سجاده بالصفار والبياض بتاعهم فى أرضية المطبخ ومكبوب عليهم جركن لبن حليب

 

قعدت أصرخ وأصوت :ohmy: بصراحة مش علشان البيض بس اللي إتكسر علشان بسملة عماله تشيل فى البيض اللي متكسر وتحط على راس عبدالرحمن

 

وعبدالرحمن يشيل فى صفار البيض وبياضه ويحط على راس بسملة وقعد عبدالرحمن عجبتوا الزحلقه اللي عمالها البيض فقعد يعوم فيه

 

كان نفسي أدخلهم الفرن وأعملهم أومليت ههههههههههههههههههه :cry: :cry:

 

مكنتش عارفه أشيلهم وعارفه أعمل إيه شلتهم من قفاهم ورمتهم فى البانيو وفتحت عليهم الميه بهدومهم الأول

 

وبعدين قلعتهم هدومهم ونقعت العيال فى الباتيو والشامبو وبلسم إستحمام لمدة نص ساعة وده كلوا عماله أعيط :cry: :cry:

 

لما أشوف شكل المطبخ وأرضيته اللي مليانه بيض مكسر 80 بيضه :cry: :cry: ومليان حليب عليها أقعد أصرخ

 

فتحت بلاعة المطبخ وكبيت ميه بكلور وبمسحوق بملطف الأقمشة وقعدت نص ساعة أنضف فى المطبخ لما حيلي إتهد وعديكى من ريحة المطبخ .

 

وأقول لبسملة ليه بسملة تعملي كده فى ماما حبيبتى وأنا بردو بعيط تقولي أنا بسملة إعمل مام مام يعنى بتعمل أكل شوفتى الهنا اللي أنا كنت فيه .ههههههه :mrgreen:

 

ولي عودة معكم إن شاء الله .

 

بجد حبيبتى محبة موضوع جميل ودمه شربات وأنا بقرأ فى مواقف أولاد الأخوات لفت نظرى موقف أولاد الحبيبة

 

الجميلة أم الصبر الجميل بجد بجد دمها شربات وسكر هى وأولادها موتينى من الضحك زوجى وأولادى عمالين يسألونى

 

فيه إيه اللي بيضحكك مش قدرة أرد من الضحك وقدرة أتنفس من شدة الضحك وخفة دم وأسلوب الحبيبة أم الصبر الجميل .

 

لغاية لما أخدوا مني الكمبيوتر وقروا الموقف هم كمان ماتوا على روحهم من الضحك فأنا دخله أشكر حبيبة قلبى أم الصبر الجميل

 

على موقفها وكلامها اللي أسعدنا وضحكنا من قلبنا والله .أسأل الله أن يسعدها ويفرح قلبها بأولادها وكل أخواتى المسلمات .

 

 

زوزة دى عسل وحشتنى ووحشنى تعليقاتها وقفشاتها

 

شفاها الله وعافاها وحفظ لها اولادها وبارك فيهم

 

شروق الصباح نورتينى

 

بارك الله فيك وفى ابنائك اللذاذ :mrgreen:

 

واوعى تنسى حكاويهم وكوارثهم بس استأذنيهم اولا ههههههه علشان الغيبة والعياذ بالله

 

واستحضرى نيه اسعاد اخواتك وافادتهم

[محبة لربها، ادعوا لي بالثبات 72]

الموقف لا يضحك بالمرة لكن يدمي القلب على احوال ابنائنا

 

وتركهم امام افلام الكرتون دون رقابه او اختيار او تصحيح

 

وتصديقيهم لخيال لا يمت للواقع بصلة

 

ابنائنا امانة عندنا سنسأل عنها امام الله يوم القيامة

 

فلنراعي الله فيهم !!

 

بارك الله فيكم اخواتي

وفيك بارك الله اختى ومشرفتى العالية الفاضلة الهام

 

حقيقة سهونا عنها

 

جزاك الله خيرا

 

وجل من لا يسهو

 

معذرة حبيبتى

[ساره أم حمزه 1041]

وعليكم السلام ورحمة الله وبركاته

جزاكِ الله خيرا واضحك الله سنكم

وانا لما كنت صغيرة كانت امى بتطلع فرشة السرير والمرتبه فوق السطح يتشمسوا وتفرد الألواح واقفه مماله

كنت انا واخواتى نعمل الألواح زحليئه ونتزحلق عليهم

وفى مره تزحلئت وكان فى اخر اللوح ده مسمار كبير دخل فى صوبع رجلى

جامد الحمد لله ومن خوفى شديت صبعى جامد خلعت منه قبل محد يشوفنى

لان عرفنا ان اللى بيدوس على مسمار بياخد حقنه

وامى شافت صبعى كده وانا كذبت عليها كنت ساعتها مش واعيه ان ماكذبش حتى لو خايفه من امى وقلتلها تعويره وهى كانت بتحطلى عليها جنتيانه وحجات وتربطها ومستغربه تقول معقوله دى تعويره بس صحت الحمد لله

دى بقولها يمكن تاخدوا بالكم من حجات زيها

[محبة لربها، ادعوا لي بالثبات 72]

وعليكم السلام ورحمة الله وبركاته

جزاكِ الله خيرا واضحك الله سنكم

وانا لما كنت صغيرة كانت امى بتطلع فرشة السرير والمرتبه فوق السطح يتشمسوا وتفرد الألواح واقفه مماله

كنت انا واخواتى نعمل الألواح زحليئه ونتزحلق عليهم

وفى مره تزحلئت وكان فى اخر اللوح ده مسمار كبير دخل فى صوبع رجلى

جامد الحمد لله ومن خوفى شديت صبعى جامد خلعت منه قبل محد يشوفنى

لان عرفنا ان اللى بيدوس على مسمار بياخد حقنه

وامى شافت صبعى كده وانا كذبت عليها كنت ساعتها مش واعيه ان ماكذبش حتى لو خايفه من امى وقلتلها تعويره وهى كانت بتحطلى عليها جنتيانه وحجات وتربطها ومستغربه تقول معقوله دى تعويره بس صحت الحمد لله

دى بقولها يمكن تاخدوا بالكم من حجات زيها

 

يا خبرك يا سارة ؟؟؟؟؟؟؟!!!!!!!!!

 

موقف اقشعر له بدنى

 

الحمد لله تعالى على سلامتك حبيبتى وصحتك

 

بس حلو اوى الزحليقة دى ..فكرة برضة

 

ومفيدة عشان الامهات ياخدوا بالهم

 

جزاك الله خيرا للتنبيه حبيبتى

 

 

[سجدة55 18]

سمسمة ازسك وحشتيني هاحكيلكم عن اخر حادثة بس للاسف كانت مع الجيران احنا ما كانش تحتينا جيران و سكنو جديد و الاولاد اتعودو يلعبوا عادي و انا كل مرة اقول بس في جيران تحتينا المهم خلوني مرة مريحة و قعدو يجروا في الصاله لحد ما طلع ابن الجيران يشتكي و يقولو كفاية دب حرقتولنا اللمبة طبعا بقيت في نص هدومي و اتكسفت اوي و اعتذرت هو في مواقف تانية بس لما افتكر و ارجعلك

[ساره أم حمزه 1041]

يا خبرك يا سارة ؟؟؟؟؟؟؟!!!!!!!!!

 

موقف اقشعر له بدنى

 

الحمد لله تعالى على سلامتك حبيبتى وصحتك

 

بس حلو اوى الزحليقة دى ..فكرة برضة

 

ومفيدة عشان الامهات ياخدوا بالهم

 

جزاك الله خيرا للتنبيه حبيبتى

ههههههه

زحليئه حلوة

اللهم امين وجزاك خيرا

[أمة الله أم حمزة 2]

السلام عليكم ورحمة الله وبركاته

سمسمتي الغالية أخبارك إيه

حموزتك!!!!!!!!

تعالي بقى شوفي حموزتك عمل إيه

منذ حوالي شهر تقريباً كنت باعمل سندويتشات على السفرة وحمزه افندي قاعد ع السفره وعمال ياخد من هنا يحط هنا وبيلعب بكل حاجة وأي حاجة وانا اما اكون باعمل حاجة بابقى مندمجة أوي مش بركز في الحاجات اللي حواليا كتير ومرة واحدة لاقيته عمال يرَجَّع أوووووووووع :cry: وانا اقوله إيه يا حمزه مالك يا حبيبي وهوه ييجي يبلع ريقه ويرااااااجع أوووووووووووع

إيه يا ابني باسم الله واخبط على ظهره حسيت انه بلع حاجه وابوه جه لأنه ما كانش واقف جنبنا فجه واحنا الاثنين فيه إيه إيه اللي حصل وفجأه حسيت ان الواد بيموت واخبط على ظهره وبعدين افتكرت اني لقيت في إيديه جنيه فضه من شويه قمت بسرعه مديت إيديا في زوره وبالفعل كان الجنيه ونظراً لأن زور الأستاذ ضيق فالجنيه ما اتبلعش بفضل الله ورحمته بيا ... وما اقولكيش بقى بعد ما طلعت الجنيه كنتي تيجي تتفرجي عليا قعدت اعيييييييييييييييييييييط واعييييييييييييييييييييط لأني كنت قبلها في حالة نفسية وحشة وجه هوه عمل كده حسيت انه كان خلاص هايضيع مني وزوجي يقولي يا بنتي احمدي ربنا ده لطف بينا والحمد لله وانا اقول الحمد لله

ليه يا ابني كده بس ربنا يهديك واعييييييييييييط ... اختك أستاذة في النكد صراحة

وهديت بعد ساعة ولا أقل تقريباً والحمد لله

شوفتي بقى حموزتك يا ستي

وياريته حَرَّم لأ ما بيصدق يلاقي حاجة فضة عشان عاوز يحطها في بقه ويقولي عشان اموت يا أمي

:cry:

[محبة لربها، ادعوا لي بالثبات 72]

السلام عليكم ورحمة الله وبركاته

سمسمتي الغالية أخبارك إيه

حموزتك!!!!!!!!

تعالي بقى شوفي حموزتك عمل إيه

منذ حوالي شهر تقريباً كنت باعمل سندويتشات على السفرة وحمزه افندي قاعد ع السفره وعمال ياخد من هنا يحط هنا وبيلعب بكل حاجة وأي حاجة وانا اما اكون باعمل حاجة بابقى مندمجة أوي مش بركز في الحاجات اللي حواليا كتير ومرة واحدة لاقيته عمال يرَجَّع أوووووووووع :closedeyes: وانا اقوله إيه يا حمزه مالك يا حبيبي وهوه ييجي يبلع ريقه ويرااااااجع أوووووووووووع

إيه يا ابني باسم الله واخبط على ظهره حسيت انه بلع حاجه وابوه جه لأنه ما كانش واقف جنبنا فجه واحنا الاثنين فيه إيه إيه اللي حصل وفجأه حسيت ان الواد بيموت واخبط على ظهره وبعدين افتكرت اني لقيت في إيديه جنيه فضه من شويه قمت بسرعه مديت إيديا في زوره وبالفعل كان الجنيه ونظراً لأن زور الأستاذ ضيق فالجنيه ما اتبلعش بفضل الله ورحمته بيا ... وما اقولكيش بقى بعد ما طلعت الجنيه كنتي تيجي تتفرجي عليا قعدت اعيييييييييييييييييييييط واعييييييييييييييييييييط لأني كنت قبلها في حالة نفسية وحشة وجه هوه عمل كده حسيت انه كان خلاص هايضيع مني وزوجي يقولي يا بنتي احمدي ربنا ده لطف بينا والحمد لله وانا اقول الحمد لله

ليه يا ابني كده بس ربنا يهديك واعييييييييييييط ... اختك أستاذة في النكد صراحة

وهديت بعد ساعة ولا أقل تقريباً والحمد لله

شوفتي بقى حموزتك يا ستي

وياريته حَرَّم لأ ما بيصدق يلاقي حاجة فضة عشان عاوز يحطها في بقه ويقولي عشان اموت يا أمي

:wacko:

 

ربنا يسامحك يا حمزة يا رب

 

 

كده برضه :cry:

 

انت خليتنى اعيييييييييييط ولدرجة مش شايفة الكلام فى الشاشه

 

موقف هزنى يا اسماء

 

خصوصا وانت بتطلعى الجنيه من زوره :cry:

 

اهو يا ما وقفوا شعر راسى ربنا مع الامهات

 

جزاك الله خيراااا سمسمة حبيبتى

 

 

[وأشرقت السماء 1565]

كدة يا حمزة ربنا يهديك يارب

ربنا يحفظهولك حبيبتى ويحميه

فكرنى بيوم فرح أخو زوجى وطبعا البيت فيه ناس كتييييييييييييير وكانت فيه واحدة قريبتنا معها ابنها الصغير وطبعا انتم عارفين زجاجات البيبسى الزجاج الصغيرة بتاعة زمان والغطا بتاعها الصغير المشرشر والولد ده وضع الغطا فى فمه ووقف فى زوره وروح الولد كانت بتطلع وكلنا نعيط لحد ما فى واحدة دخلت إيدها وسحبت الغطا وطبعا جرح جزء صغير من زوره بس الحمد لله طلع وأمه أخدته ومشيت بسرعة وطبعا الفرح قلب نكد

ربنا يحفظهم يارب

[محبة لربها، ادعوا لي بالثبات 72]

كدة يا حمزة ربنا يهديك يارب

ربنا يحفظهولك حبيبتى ويحميه

فكرنى بيوم فرح أخو زوجى وطبعا البيت فيه ناس كتييييييييييييير وكانت فيه واحدة قريبتنا معها ابنها الصغير وطبعا انتم عارفين زجاجات البيبسى الزجاج الصغيرة بتاعة زمان والغطا بتاعها الصغير المشرشر والولد ده وضع الغطا فى فمه ووقف فى زوره وروح الولد كانت بتطلع وكلنا نعيط لحد ما فى واحدة دخلت إيدها وسحبت الغطا وطبعا جرح جزء صغير من زوره بس الحمد لله طلع وأمه أخدته ومشيت بسرعة وطبعا الفرح قلب نكد

ربنا يحفظهم يارب

ياااه يا اشرقت

 

ايه النكد ده نكد فعلاااااااااااا

وموقف صعب اوى حبيبتى

:blush: :-

 

بس نرجع نقول انهم نعمةمهما تعبونا نعمة كبييرة الحمد لله رب العالمين

 

اللهم ارزق كل مشتاق المال والبنون والصحة وحسن الخاتمة

 

اللهم آمين

 

الحمد ان ربنا لطف بكم فى هذا اليوم ولطف بالصغير وامه الحمد لله

 

جزاك الله خيرا يا من تسعدنى بمجرد رؤية اسمها

 

 

[محبة لربها، ادعوا لي بالثبات 72]

سمسمة ازسك وحشتيني هاحكيلكم عن اخر حادثة بس للاسف كانت مع الجيران احنا ما كانش تحتينا جيران و سكنو جديد و الاولاد اتعودو يلعبوا عادي و انا كل مرة اقول بس في جيران تحتينا المهم خلوني مرة مريحة و قعدو يجروا في الصاله لحد ما طلع ابن الجيران يشتكي و يقولو كفاية دب حرقتولنا اللمبة طبعا بقيت في نص هدومي و اتكسفت اوي و اعتذرت هو في مواقف تانية بس لما افتكر و ارجعلك

 

 

بسبس بسابيسو

 

هههههههههههههههه

 

يا رب يعطيهما الصحة والعافية ويظلا يدبا دبيبًا

 

حبيبتى طبعا من شقاوتهم وهدة حيلك معاهم ريحتى يا عينى

 

وما حسيتيش بالدنيايا روحى

 

بس ربنا ستر

 

يا رب كل ام ما تغفل عينها عن ولادها مثلما كنت اغفل انا وتحصل مصائب :-

 

منتظرة حكاويك الشيقة يا بوسى :blush:

[محبة لربها، ادعوا لي بالثبات 72]

السلام عليكم ورحمة الله وبركاته،،

 

سلمت يداكى يا غالية واشرقت السماء

 

انا كمان حصل معايا موقف قريب من دة وكنت لسة قرأة القصة دى

 

بس انا كنت فى زيارة لمدينة الحبيب صلى الله عليه وسلم

 

وكانت بنتى الوسطى عمرها سنتين و 4 شهور

 

وكانت بنتى الصغيرة لسة بترضع واخدلها بزازة بس كانت زجاج

 

وسبحان الله اول ما دخلنا الغرفة فى الفندق وقعت البزازة من شنطتى

 

ونزل ابوهم يجيب مكنسة اشيل بيها الزجاج ويدوب انا بقعد بنتى الكبيرة تمسك اختها الصغيرة

 

سمعت صوت باب الحمام بيتقفل ببص ما لقتش بنتى جانبى اقعد انادى عليها واقولها حاولى تفتحى

 

بس مين يعرف المفتاح كان جااااااامد قوى

 

والباب كان تقيل ومافهوش اى حتة يتفتح منها المهم ابوها طلع لاقانى عمالة انادى عليها والبت الكبيرة بتعيط

 

وهى جوة الحمام عماله تصوت وتقولوا افتحلى يا بابا انا تسنيم :smile:

 

ونزل جاب رجال الامن ومرضوش يكسروا الباب عشان الحمام ضيق وخيفين يكسرة تكون ورا الباب

 

ونكلمها نقولها روحى بعيد نلقيها بترد علينا ولازقة فى الباب

 

وفضلنا على الحال دة اكتر من ساعة وكنا يدوب بعد صلاة الفجر

 

ومفيش حد فاتح :sad: :sad: والبت فجأة مفيش ولا حس ولا خبر

 

وفى الاخر جاء واحد سمع الصوت والخبط وجاب ادوات وفتح الباب الحمد لله

 

بس والله مش قادرة اوصفلكم منظرى والبت طالعة من الحمام وشها اصفر ومبلولة

 

فتحت الدوش واستحمت :dry:

 

بس عارفين والله انا قلت بنتى دى خلاص ربنا يعوض عليه فيها

 

والحمد لله انا دايماً بدعى ربنا يحرصهم بعينه التى لاتنام ويكنفهم بكنفيه الذى لا يرام

 

وقولت لولا الدعاء دة كان جرى لها حاجة وحشة

 

الحمد لله

 

الحمد لله وسبحان الله

 

موقف فظيع

 

جزاك الله خيرا على تعليمى الدعاء حببتى ام روتى

 

[سجدة55 18]

بمناسبة الجنيه الفضة فكرتيني يا ام حمزة

 

مرة عبد الرحمن فتح الشنطة بتاعتي و عاوز فلوس عشان يحطها في جيبه قال يعني الواد كبر و عاوز فلوس

 

المهم راح عن بالي خالص انه ممكن يبلعها و اديته ربع جنيه فضة الجديد الصغير ده و في الاخر ببص لقيته عاوز يرجع

 

بادور عالربع جنيه اقوله هو فين يقولي هنا في بطني بس الحمد الله ما حصلوش حاجة و نزل بعدين الحمد الله و ربنا ستر

 

بس حرمت اديله حاجة حاكم مالوش امان خالص

 

 

و مرة كان قاعد في الحمام اعزكم الله و شم ريحة نفسه و قرف اوي و كان عاوز يرجع و انا فطست عليه من الضحك لان منظره كان يضحك

 

و في انتظار حوادث جديدة باذن الله

[سجدة55 18]

افتكرت مرة رحمة و انا في العربية انا باخاف اوي و باقفل الباب كويس و مش باخليها تفتح الشباك غير شوية صغننين

 

و كنا طالعين المقطم نشوف بنت خالة زوجي في المستشفى و انتم عارفين الحوديات بتاعه المقطم و جت و احنا بنلف على الجنب المايل و فتحت الباب بالف ابص لقيتها بتمد ايدها عشان تقفل الباب

 

و ابنب قاعد في حجري خفت اربك باباهم و هو بيسوق رحت لافه قفلت الباب بسرعه و الحمد الله اعصابي مش بتسيب بسرعه بيبقى رد فعلي اسرع

 

و لما اطمنت ان الباب اتقفل قعد و اعصابي سابت و قعدت اعيط و باباهم ركن على جنب بعد ما اخد باله من اللي حصل و اعصابه سابت هو كمان

 

و فضلنا فترة لحد ما عرفنا نتلم على نفسنا و فهمناها انها مش تفتح الباب خالص و خوفناها من العواقب و الحمد الله ما عادتهاش تاني

[محبة لربها، ادعوا لي بالثبات 72]

بمناسبة الجنيه الفضة فكرتيني يا ام حمزة

 

مرة عبد الرحمن فتح الشنطة بتاعتي و عاوز فلوس عشان يحطها في جيبه قال يعني الواد كبر و عاوز فلوس

 

المهم راح عن بالي خالص انه ممكن يبلعها و اديته ربع جنيه فضة الجديد الصغير ده و في الاخر ببص لقيته عاوز يرجع

 

بادور عالربع جنيه اقوله هو فين يقولي هنا في بطني بس الحمد الله ما حصلوش حاجة و نزل بعدين الحمد الله و ربنا ستر

 

بس حرمت اديله حاجة حاكم مالوش امان خالص

 

 

و مرة كان قاعد في الحمام اعزكم الله و شم ريحة نفسه و قرف اوي و كان عاوز يرجع و انا فطست عليه من الضحك لان منظره كان يضحك

 

و في انتظار حوادث جديدة باذن الله

 

 

يا نهارى الابيض يا عبد الرحمن

 

بلعت الفلوس دى خضة جامده يا بوسى شيبتونى من القصص ربنا يسامحكم

 

اما موقف البوتى ده هههههههه بيفطس فعلا من الضحك

 

ربنا يحفظه ويصلح حاله

 

 

اللهم آمين

 

افتكرت مرة رحمة و انا في العربية انا باخاف اوي و باقفل الباب كويس و مش باخليها تفتح الشباك غير شوية صغننين

 

و كنا طالعين المقطم نشوف بنت خالة زوجي في المستشفى و انتم عارفين الحوديات بتاعه المقطم و جت و احنا بنلف على الجنب المايل و فتحت الباب بالف ابص لقيتها بتمد ايدها عشان تقفل الباب

 

و ابنب قاعد في حجري خفت اربك باباهم و هو بيسوق رحت لافه قفلت الباب بسرعه و الحمد الله اعصابي مش بتسيب بسرعه بيبقى رد فعلي اسرع

 

و لما اطمنت ان الباب اتقفل قعد و اعصابي سابت و قعدت اعيط و باباهم ركن على جنب بعد ما اخد باله من اللي حصل و اعصابه سابت هو كمان

 

و فضلنا فترة لحد ما عرفنا نتلم على نفسنا و فهمناها انها مش تفتح الباب خالص و خوفناها من العواقب و الحمد الله ما عادتهاش تاني

 

يا خبرر يا بوسى

 

ربنا يهديها واخيها

 

بس

 

 

البنات عاقلين ربنا يحميهم

 

والولاد هبل كده سبحان الله :icon15:

[شذى الهمة 331]

ماشاء الله

كلها مواقف لا تحسدوا عليها

ربنا يهديهم جميعا يارب ومصر عملت الفلوس الفضة دي علشان تقلل من كثافة السكان

أنا بكره هذا النوع أمي بتجمعهم لعمر علشان بيحبهم وتلاقي جيبه مليان منها لدرجة ان بنطاله بيبقى تقيل جدا من كترهم

 

أم روتي

موقف الفندق رهيب أنا عارفة الحوسة اللي الواحد بيبقى محتاسه بعد عناء السفر

 

أنا قلت آجي بموقف حلو وبلاش مواقفي السيئة

من يومين خرجت زيارة لصديقتي وكان الجو بارد وكنت ملبسة خالد ملابس كتييييير جدا وفوقهم طقم كروشية

وطبعا من كتر الملابس بقى عامل زي العروسة اللعبة نفس المنظر بتاع نوع اللعب الولد

المهم ابنة صاحبتي فضلت تبصله وفاكراه لعبة المهم لقيتني برضعه راحت جابت العروسة بتاعتها والببرونة اللعبة وبصلتي وقعدت ترضع العروسة وهي أصلا لسه بتحبي عندها سنة ماشاء الله

المهم مامتها شالت خالد والبنت ظلت ان اللعبة دي بتاعتهم

جيت آخد الولد علشان قربت امشي

البنت اتعلقت بيه وفضلت تبكي بطريقة صعبة وتشد في رجله ومتعلقة بيه

فاكراه لعبة وعايزة تاخده وامها تقنع فيها ان ده بيبي مش لعبة وهي أبدااااا

[محبة لربها، ادعوا لي بالثبات 72]

ضحكتينا يا ام عمر والله اضحك الله سنك

 

عاوزين المواقف اياها برضه من فضلك احكيها

 

عشان الامهات تاخد بالها

 

عاملة ايه فى السيول حفظكم الله

[يسرا عبد الرحمن 718]

سجوده والله ضحكتينى موقف فعلا يضحك بعد المواقف اللى توقف شعر الراس دى

الله يكون فى عون كل الامهات

حبيبتى محبه حقولك على خبر حيفرحك بعد كل القصص دى

هناء جودة ربنا استجاب لدعائنا ودعائها وهى دلوقتى حامل عقبال كل اللى نفسه فى طفل

ايه رايك بقى يا حبوبه على الخبر ده

[~أملي بالله كبير~ 63]

السلام عليكــم ورحمـة الله وبركاتــة ،،

بارك الله فيكي حبيبتي محبة وعلى موضوعك الساخن

فعلا مواقف تشيب الراس ربنا يهدي اولادي واولادكن جميعا انا بقرأ والطم ايه الولاد دول

والاحلى ولادك محبة وولاد ام الصبر الجميل دا اسمها على مسمى الله يكون في عونا جميعا

 

بيضة80 سبحان الله كانت هكلانه همهم لكن ماشاء الله على ولادها على طول وجدوا الحل ومصيبه حلت على امهم

هههههههههههههههههههههههههههههههههه :biggrin: والله ماانا عارفة اضحك ويلا ابكي

بس موضوعك رائع على الاقل بخلي مصايب ولادنا تهون

الله يجزيكي كل خير حبيبت اعلق وبعدها ساشارك معكن مصايب اولادنا الله يحفظهم ويحميهم ويجعلهم صالحين اتقياء بارين بنا دائما

[محبة لربها، ادعوا لي بالثبات 72]

سجوده والله ضحكتينى موقف فعلا يضحك بعد المواقف اللى توقف شعر الراس دى

الله يكون فى عون كل الامهات

حبيبتى محبه حقولك على خبر حيفرحك بعد كل القصص دى

هناء جودة ربنا استجاب لدعائنا ودعائها وهى دلوقتى حامل عقبال كل اللى نفسه فى طفل

ايه رايك بقى يا حبوبه على الخبر ده

الله اكبر الله اكبر

 

 

 

الله اكبر

 

خبر جميل

 

الحمد لله رب العالمين :cry:

 

ماشاء الله لا قوة الا بالله

 

استغفر الله الذى لا اله الا هو الحى القيوم واتوب اليه

 

يا رب كل المشتاقات ييارب ارزقهن الذرية الصالحة من فضلك وكرمك اللهم

 

بشرك الله بالجنة يا ام عبد الرحمن حبيبتى وبلغيها سلامى

 

[يسرا عبد الرحمن 718]

اللهم امين يا حبوبه ربنا يعطى كل محروم

وهى الدكتوره امرتها بالراحه والنوم على ظهرها

ونبئتنى بالخبر فى موضوعى عن الضرب افتحيه وشوفى الخبر بنفسك يا حبوبه وشوفى اد ايه الكلام باين عليه فرحتها قوى

[محبة لربها، ادعوا لي بالثبات 72]

السلام عليكــم ورحمـة الله وبركاتــة ،،

بارك الله فيكي حبيبتي محبة وعلى موضوعك الساخن

فعلا مواقف تشيب الراس ربنا يهدي اولادي واولادكن جميعا انا بقرأ والطم ايه الولاد دول

والاحلى ولادك محبة وولاد ام الصبر الجميل دا اسمها على مسمى الله يكون في عونا جميعا

 

بيضة80 سبحان الله كانت هكلانه همهم لكن ماشاء الله على ولادها على طول وجدوا الحل ومصيبه حلت على امهم

هههههههههههههههههههههههههههههههههه :cry: والله ماانا عارفة اضحك ويلا ابكي

بس موضوعك رائع على الاقل بخلي مصايب ولادنا تهون

الله يجزيكي كل خير حبيبت اعلق وبعدها ساشارك معكن مصايب اولادنا الله يحفظهم ويحميهم ويجعلهم صالحين اتقياء بارين بنا دائما

 

اللهم آمين

 

 

اخيرا جيت برجليك يا توكلت ؟؟.....اهلا اهلا حبيبتى

 

اسعدتينى حبيبتى لما ارتئيتك سعيده والله

 

منتظراك مع زكريات كوارث اولادك :cry:

 

ربنا يهوِّن

 

[سجدة55 18]

بشرك الله بالجنان يا سجودي عقبال كل الاخوات المشتهيات يا رب

 

سمسم نسي احكيلك و احنا في الجزائر كنت انا و الاولاد لوحدنا في البيت و فجاه رحمة داخلة تجري البلكونة قامت و قعت اتخبطت في العتبة و اتفتحت شفتها و سنانها القدامنيين اتلخلخو و صدفت ان جارتنا جت ساعتها و هي عندها عربية و انا البنت بقها جايب دم و اخدناها و نزلنا جري عالمستشفى و جت امي ساعتها من الشغل و سبت معاها عبد الرحمن و اتخيطت شفتها يوميها

 

و لما رجعنا مصر كنا في السوبر ماركت و عبد الرحمن وقع قامت رحمة وقعت نفسها زييو راحت سنانها جايبة دم تاني هما هما اللي اتلخلخو قبل كده

 

و النهارده نفس الموقف في روسية السرير انا مش عارفه هتعمل ايه في نفسها تاني ربنا يسترها

[محبة لربها، ادعوا لي بالثبات 72]

بشرك الله بالجنان يا سجودي عقبال كل الاخوات المشتهيات يا رب

 

سمسم نسي احكيلك و احنا في الجزائر كنت انا و الاولاد لوحدنا في البيت و فجاه رحمة داخلة تجري البلكونة قامت و قعت اتخبطت في العتبة و اتفتحت شفتها و سنانها القدامنيين اتلخلخو و صدفت ان جارتنا جت ساعتها و هي عندها عربية و انا البنت بقها جايب دم و اخدناها و نزلنا جري عالمستشفى و جت امي ساعتها من الشغل و سبت معاها عبد الرحمن و اتخيطت شفتها يوميها

 

و لما رجعنا مصر كنا في السوبر ماركت و عبد الرحمن وقع قامت رحمة وقعت نفسها زييو راحت سنانها جايبة دم تاني هما هما اللي اتلخلخو قبل كده

 

و النهارده نفس الموقف في روسية السرير انا مش عارفه هتعمل ايه في نفسها تاني ربنا يسترها

 

 

يا خبر كوووووووووول ده

 

دى ما كانت فسحة ابدااا دى علقة سخنة

 

وجميل انك فتحتى الموضوع وزكرتينى به

 

ابنى احمد كان كثير السقوط او الاصطدام بأسنانه

وكل مرة تجيب دم

 

وآخرها اتخبط فى اسنانه فى مقدمة سيارة مسرعة كانت بتحود مع انحناء فى الشارع

فربنا ستر وماماتش

 

عارفة كان كل لما اخرج به يجرى فى وسط الشارع والعربيات ماشية ويفلت منى

 

وكل مرة بجرح شكل

 

يا ريت يا بوسى تكشفى عليها كل شوية عند طكبيب الاسنان

 

لان موضوع كثرة الصدمات ده اصابه بخراريج كثيرة فى اسنانه

 

وما كنت اعرف للأسف :cry:

 

وفضل مدة طويلة يبلع الصديد عشان كان صغير مش بيفهم

 

واكتشفته قدَرًا ولقيت لونه كان اسود يا حبيبى

 

خللى بالك الصديد وبلعه بيصيب الاعضاء الداخلية ببلاوى

 

نسأل الله العافية

 

دعواتك

 

وربنا يشفيها عروسة ابنى :biggrin: