اللى عندها غسالة أطباق تفيدنى يا أخوات من فضلكن

[بُشرة خير 3]

السلام عليكن

 

عندى استفسار بخصوص غسالة الأطباق

 

ما بقتش تنضف المواعين كويس زى الأول

 

علماً بإننا مشغلينها من كام شهر بس

 

ومش عارفة المشكلة فين ؟

 

اللى عندها خبرة تنصحنى جزاكن الله خيراً

[فدوى المسلمي 531]

السلام عليكم ورحمة الله وبركاته،،

حبيبتي بشرة خير

تأكدي أن الغسالة لا ينقصها الملح و الملمع أو الشامبو

فنقصهم يؤثر على نظافة الغسيل

وممكن تكوني نسيتي تزوديهم

[بُشرة خير 3]

وعليكم السلام ورحمة الله وبركاته

 

أختى فدوى جزاكى الله خيراً

 

لأ واضح انى بعمل حاجة غلط فعلاً

 

 

 

ما الملح ؟ وما الملمع ؟ وما الشامبو ؟

 

 

 

أنا أضع لها شئ واحد فقط اللى هو المسحوق بتاعها ( أحياناً بشترى لها مسحوق سائل وأحياناً بشترى لها مسحوق بودرة )

 

 

 

وعندى فى الباب بتاعها مكانين

 

مكان ليه باب بضع فيه المسحوق هذا

والمكان الآخر عبارة عن دايرة صغيرة كدة بحط فيها مسحوق برضه !

تم تعديل 1 أبريل, 2010 بواسطة بُشرة خير

[فدوى المسلمي 531]

وعليكم السلام ورحمة الله وبركاته

 

أختى فدوى جزاكى الله خيراً

 

لأ واضح انى بعمل حاجة غلط فعلاً

 

 

 

ما الملح ؟ وما الملمع ؟ وما الشامبو ؟

 

 

 

أنا أضع لها شئ واحد فقط اللى هو المسحوق بتاعها ( أحياناً بشترى لها مسحوق سائل وأحياناً بشترى لها مسحوق بودرة )

 

 

 

وعندى فى الباب بتاعها مكانين

 

مكان ليه باب بضع فيه المسحوق هذا

والمكان الآخر عبارة عن دايرة صغيرة كدة بحط فيها مسحوق برضه !

 

حبيبتي بشرة خير

المكانين اللي في الباب المكان المستطيل هو للمسحوق

أما الدائرة الصغيرة فهي اللي بيوضع فيها الملمع فقط اللي هو مساعد الشطف ولا يوضع فيها المسحوق

وده بتزوديه فقط عند الحاجة واذا مليتيه بيستمر معك فترة طويلة

والملمع هو مساعد فقط يعني ماينفعش تحطيه فقط لازم المسحوق

وكمان هو بيحسن التنظيف يعني ماينفعش يكون مش موجود

أما الملح فالظاهر انك مش بتحطيه خالص والملح عامل مساعد لازم منه

في أرضيه الغسالة تحت الشبكة هتلاقي غطاء دائري كبير افتحيه وهنا بيتزود الملح ولازم برضو يتزود كل فترة لأنه بيحسن عملية التنظيف

 

 

الصورة هنا بتوضح مكان الملح هتلاقيها في أسفل الغسالة في الارضية

 

 

وده القمع اللي بيستخدم عشان تعرفي تحطي الملح

 

 

 

الصورة دي بتوضح مستلزمات غسالة الاطباق

الملح والملمع والمسحوق ولازم الثلاثة معا لتحصلي على أفضل نتيجة باذن الله

[~~أم أسيل~~ 26]

السلام عليكم ورحمة الله وبركاته،،

 

الدايرة الصغيرة متحطيش فيها المسحوق

 

دي حطي فيها الزيت وشغليها مرة في الشهر .. بالزيت ده دورة تنضيف وان شاء الله يبقى تمام

[بُشرة خير 3]

وعليكم السلام ورحمة الله وبركاته

 

جزاكما الله خيراً يا فدوى ويا أم أسيل

 

طلبت من ماما تشترى لى الحاجات اللى ناقصة الغسالة دى

 

وأول ما تجيبهم ان شاء الله هجرب وأشوف النتيجة يااارب يطلعوا أحسن

 

ولو احتجت حاجة هرجع أسالكم تانى

 

جزاكما الله خيراً

 

ربنا يسعدكم يااارب

[أم عبد الوارث 24]

بارك الله فيك يا فدوى على التوضيح

[بُشرة خير 3]

السلام عليكنّ يا أخوات

 

اشتربنا الحاجات الحمد لله

 

دلوقتى دايرة الملمع مفيش منها مشكلة ولا المسحوق إن شاء الله

 

لكن المكان بتاع الملح يا فدوى .. أولاً أنا مش عندى القمع ده ! بييجى مع الغسالة ولا بشتريه ولا إيه ؟ ولا هو مش ضرورى أفتح الغطا وأفضى وخلاص مش لازم قمع ؟

 

تانى حاجة انى لما فتحت الغطا بتاع مكان الملح ده .. لقيته راح مخرج ميا لبرا كأن الميا كانت محبوسة وأول ما فتحت طلعت وشكلها ميا مش نضيفة

 

طيب إزاى اصرف الميا دى عشان أحط الملح ؟

 

جزاكم الله خيراً

[فدوى المسلمي 531]

السلام عليكنّ يا أخوات

 

اشتربنا الحاجات الحمد لله

 

دلوقتى دايرة الملمع مفيش منها مشكلة ولا المسحوق إن شاء الله

 

لكن المكان بتاع الملح يا فدوى .. أولاً أنا مش عندى القمع ده ! بييجى مع الغسالة ولا بشتريه ولا إيه ؟ ولا هو مش ضرورى أفتح الغطا وأفضى وخلاص مش لازم قمع ؟

 

تانى حاجة انى لما فتحت الغطا بتاع مكان الملح ده .. لقيته راح مخرج ميا لبرا كأن الميا كانت محبوسة وأول ما فتحت طلعت وشكلها ميا مش نضيفة

 

طيب إزاى اصرف الميا دى عشان أحط الملح ؟

 

جزاكم الله خيراً

حبيبتي بشرة خير

القمع بييجي مع الغسالة ولو ماجاش حاولي تصبي الملح في الفاتحة وخلاص

المياه اللي جوه دي عادية تصبي الملح وهي موجودة عادي وهي لونها غامق فعلا ما تقلقيش

ولما تصبي الملح هيطلع شوية من الميه دي بره ويحل الملح محله جوه بس عموما هو دايما فيه ميه ومش بتتصرف ده عادي

[بُشرة خير 3]

جزاكى الله خيرا كثيرا يا فدوى

وضعته كما قولتى ربنا يباركلك

 

ولكن لسة المواعين مش بتنضف اوى

مش عارفة اصبر شوية ولا المشكلة فين

 

برضه ماما بتقولى انى بغلط عشان بركن المواعين لغاية تانى يوم فبتكون نشفت

انما لو اتحطت وهى طرية ده يخليها تنضف احسن

ربنا ييسر وينضفوا بقى او اعرف السبب

 

جزاكى الله خيرا كثيرا يا فدوى الله يكرمك

[the reader 1]

السلام عليكم ورحمة الله

 

نعم أختى هذه هى المشكلة ........... جفاف الأطباق

 

فعدو غسالة الأطباق هو نشف الأطباق خاصة التي بها بقايا أكل سواء قطع أو صلصة

 

لذلك لو انت مشغولة ، أو الغسالة كبيرة على أن تضعي أطباق يوم واحد حيث استهلاكك منخفض ، حيث لا تستطيعين وضع الأطبق مباشرة افعلي ما أفعله :

 

-بعد الانتهاء من الأكل افرغي الأطباق من بقايا الأكل وضعيها في الحوض وصبي علياه الماء واتركي بها ماء

-الملاعق ضعيها مباشرة بأحد الأكواب مملوءة بالماء

-أي مغارف غطسيها في الماء (في سلطانية -- قدر ...)، والأكواب املئيها بالماء ... خاصة التي بها بقايا عصير.... أما أكواب الماء فلا مشكلة

 

وعند رصها في الغسالة كبي الماء

 

لو تأخرتي عن فعل ذلك مباشرة افعلي ما سبق لكن اتركيها فترة حتى تبوش ( تطري)

 

هكذا ممكن تتأخري مثل ما تريدين

إن شاء الله تحل مشكلتك

 

والسلام عليكم ورحمة الله

[بُشرة خير 3]

وعليكم السلام ورحمة الله وبركاته

 

جزاكى الله خيراً كثيراً أختى الريدر

لو تعرفى كم عاندت أمى عندما قالت لى ان هذا سبب من أسباب عدم نظافة المواعين بعد خروجها من الغسالة !

وفى الآخر طلع معاها حق وأنا فعلاً عنيدة ومكابرة

جزاكى الله خيراً كثيراً على النصيحة

وأنا أؤجلهم لتانى يوم كسلاً .. انما هما بيبقوا كتير ومش محتاجة أجمعهم ولا حاجة

ان شاء الله هحاول أكون شطورة ونشيطة وأحطهم بعد الأكل على طول أو أبوشهم بالطريقة اللى قولتيهالى يا ريدر ربنا يبارك فيكى

 

بس الغريب انى بقالى فترة أهو بحطلها الملح والزيت ولسة مش بتنضف أوى

لدرجة انى بقيت أحط كوبايات نضيفة .. ألاقيها طلعت مش نضيفة !

حاسة كأن الغسالة فيها حاجة أو محتاجة تتنضف بس مش عارفة ازاى !

الله المستعان

[ساميه محمد 0]

السلام عليكم ورحمة الله وبركاته

 

اولا :نظفي الفلتر الموجود في الغسالة

ثانيا :شغلي الغسالة وهي فارغة وافتحي الباب اثناء التشغيل وصبي فيها كوب من الخل

 

واغلقيها لتتم دورتها

 

ثالثا :استخدمي البرنامج المناسب للغسيل

 

فاذا كانت المواعين عليها رواسب كثيرة من الدهون فاستخدمي البرنامج الساخن

[بُشرة خير 3]

وعليكم السلام ورحمة الله وبركاته

 

جزاكى الله خيراً كثيراً يا سامية

يبدو أنى أعامل الغسالة بجهل شديد ثم أطالبها بالتنظيف 100 % !!

 

طيب أستأذنك توضحيلى الخطوات اللى كتبتيها معلش استحملينى

 

أين الفلتر هذا وكيف أنظفه ؟

 

أشغلها فارغة بنفس البرنامج عادى ؟ بمسحوق ولا بدونه ؟ وأين أصب الخل بالظبط ؟

وطبعاً عمرى ما فتحتها وهى شغالة بس الظاهر انه مفيش ضرر .. لكن أفتحها فى أنهى مرحلة ؟

 

كمان أنا ظابطاها على برنامج واحد بشغل عليه دايماً وعمرى ما غيرت البرنامج

أو بالأصح ماما اللى ظبطته أول ما جبناها ومن ساعتها ما ظبطناش تانى

هحاول أدور ع الكتالوج وأشوف برامجها المختلفة

 

جزاكى الله خيراً كثيراً يا سامية ربنا يباركلك

[~ عدن ~ 1]

ثالثا :استخدمي البرنامج المناسب للغسيل

 

فاذا كانت المواعين عليها رواسب كثيرة من الدهون فاستخدمي البرنامج الساخن

 

قد تكون فعلا هذهـ المشكلة يا غالية

 

اذا لم ترغبي بتشغيلها في نفس اليوم وفيها بعض الصحون بامكانكـ أن تشغليها فقط لتقوم بتغسيل الصحون

(بدلا من أن تقومي أنتِ بتغسيلها قبل وضعها)

لهذا فعلا من الجيد أن تفتحي الكتالوج لرؤية البرامج المتاحة في غسالتك

 

(:

[دعاء النفس الزكية 0]

اختي الحبيبة

 

انا شهرين كان يطلع عندي الاطباق غير نظيفة

 

وبالأخير اكتشفت اني بحط الملح بدل مسحوق الغسيل

هههههه

شاطرة جداً اختكم

 

 

ملاحظة

لاعلاقة بتأخير الغسل بالموضوع

 

تأكدي من المسحوق ومكان المسحوق

[بُشرة خير 3]

جزاكما الله خيراً عدن ودعاء النفس الزكية

 

للأسف فتحت الكتالوج وما أفادنيش بشئ .. بالعكس ده يمكن لخبطنى أكتر

 

البرامج اللى عندى فى باب الغسالة 40 درجة و 50 درجة و 55 و 65

ومش عارفة أنهى الأنسب بس احنا دايما ظابطينها على 40

 

وسامية ما ردتش على أسئلتى فأنا مش عارفة ازاى أنضف الفلتر وأزاى أشغلها فاضية

[فدوى المسلمي 531]

السلام عليكم ورحمة الله وبركاته،،

أختي الحبيبة بشرة خير

تنظيف الفلتر مهم وده مرة كل فترة فقط من أجل تنظيف الرواسب اللي بتعلق بالفلتر أثناء تصريف المياه

أنا صورتلك الفلتر عندي لأني لم أجد صور واضحة في البحث

 

 

 

 

بالنسبة للأنظمة حاولت أصورها لكن لم تكن واضحة تماما

حاولت أصورهالك من الكتالوج يارب تكون واضحة بعض الشيء

 

 

النظام القوي قليل جدا ما استخدمه فهو لشديد الاتساخ

 

النظام العداي تقريبا ما استخدم غيره ممتاز مع الماوعين اليومية العادية

 

الاقتصادي يفضل مع الزجاجيات أكثر الأكواب والبايركس

 

بالنسبة لدرجة الحرارة فهي تختلف من غسالة لأخرى

في غسالتي أقصى درجة 70 وفي غسالات أخرى تصل الى 90 أو 95

أكيد هتلاقي في الكتالوج أقصى درجة حرارة عندك

[فدوى المسلمي 531]

بالنسبة لفتح الغسالة افتحيها عادي جدا وهي شغالة وبدون ان تضغطي على زرار الباور

هتقف ضعي الاضافة اللي عايزاها واقفلي تاني

بعد حوالي 10 ثواني هتكمل البرنامج عادي بدون مشاكل

ملحوظة

اذا قفلتي الباور واعدتي تشغيلها هتبدأ البرنامج من الأول

لكن اذا فتحتيها وهي تعمل بعد القفل هتكمل البرنامج من لحظة وقوفه

وده بيفيد لو نسيتي تضعي طبق او شيء

[بُشرة خير 3]

وعليكم السلام ورحمة الله وبركاته

 

أختى الحبيبة جهاد وكفى

بجد جزاكى الله خيراااااااااااا

ربنا يباركلك ويجعله فى ميزان حسناتك يارب

 

الفلتر كان أدامى بس للأسف ماخطرش ببالى ان القطعة دى بتتشال أصلاً كنت أظنها ثابتة :closedeyes:

شيلته ونضفت الاسطوانات اللى جواه ونضفته ونضفت حاجات تانية كدة زى المروحة مش فاكرة اسمها بس شوفت طريقة خلعها من الكتالوج

وزودت البرنامج بدل 40 خليته 55 رغم انى كنت حاطة كوبايات

 

وبفضل الله ثم بفضل مساعدتكم المواعين نضفت أخيرااااااااااا

بجد ربنا يباركلكم كل من أفادنى ونصحنى ربنا يكرمكم

 

دلوقتى فاضللى بس خطوة تشغيل الغسالة وهى فاضية

جزاكى الله خيراً جهاد وكفى على التوضيح

محتاجة بس تقولوا لى أصب الخل فين لما أفتحها فى نصف الدورة ؟

 

ونضافة المواعين شجعتنى أنضف المطبخ ككل :biggrin: فانتظروا أسئلتى فى موضوع منفصل ان شاء الله عن تنضيف البوتاجاز والتلاجة والمطبخ ككل :unsure:

[فدوى المسلمي 531]

السلام عليكم ورحمة الله وبركاته،،

الحمد لله تمام

جزانا واياكي حبيبتي

 

محتاجة بس تقولوا لى أصب الخل فين لما أفتحها فى نصف الدورة ؟

لما تفتحيها هتجدي المياه في أرضية الغسالة صبي الاضافة عليها:)

بدون وضعها في مكان معين لأن هي نفس كمية المياه بتتوزع في الغسالة كلها وتتصرف في النهاية

وكويس حملة النشاط

ان شاء الله تؤجري عليه