اذهبي الى المحتوى
يسرا عبد الرحمن

غسالة اطباق حقيقى ممتااااااااااااااازه

المشاركات التي تم ترشيحها

بصى حبيبتى يسرا

 

مبارك الغسالة

 

ناهيك حبيبتى ان اصحابها نصارىلكن حقيقي الواحد يبقى فرحان اول ما يجيبها

 

انا كنت فرحانه اول ما جبتها

 

وامى كذلك لما جابتها فرحت!!

 

 

لكن من خبرتى

 

ههى بتكسل الواحده مننا

 

!!!

ازاى؟؟

 

باعتمد عليها وانسي مجهودى

 

كمان لازم تغسلي الاطباق الاول حتى لا تسد الفلتر بسلكة استانلس تحت المياه الجارية((لكن انتبهى لا تسرفى))

 

ولازم ترصيها المسطح ورا بعض والغويط ورا بعض

 

خصوصا الصغيرة

 

لكن الكبيرة براحتك اوى

 

انا وامى عندنا الصغيرة

 

لكن سلفتاى عندهما الكبيرة وكم جربتاها امامى وانا كمان فعارفة الفرق

 

وبلاش الاكواب يكون فوق الاطباق

 

خليها جنبها فى النصف الثانى كى تنظف

 

هى حلوة فى شيء واحد فقط

 

انها بتعقم الاطباق وتنشفها كمان :tongue:

 

وبتجدى فى العزومات جدا

 

بارك الله لك فيها

 

وجزا الله زوجك خيرا

 

وجزاك الله خيرا انك لاى تنكرى فضل الله وتشكرين زوجك

شارك هذه المشاركه


رابط المشاركه
شارك

هى الحلل بتاعتى إستالس وتيفال وصاج

مجبتش ألمونيوم خالص مش بحبها

بس الغسالة الكبيرة اللى عندنا مش بحب أغسل فيها حلل حتى التيفال

بحس لونها بيتغير وكمان بتاخد مكان كبير والأطباق أولى

الحمد لله فى إمكانية أشترى الكبيرة بس أنا بحب أجيب اللى محتاجاه بجد

مادام إنتى حسيتى بإحتياجك لها بعد 5 سنوات فلسه بدرى عليا أوى

شكلى هرجح الصغيرة

هستخير وأشوف إن شاء الله

جوزيتى خيرا ياقمر الله لا يحرمنى منك .

 

 

هاتى الكبيرة افضل

 

وكمان انا ارتئى من واقع خبرتى المطبخية والزوجية

 

ان الاستانلس افضلهم

 

لكن لا داعى للتيفال والصاج غير عمليين

 

وانما يعتبرا ديكورا يزين المطبخ فقط لا غير

 

ولا غنى لك حبيبتى عن الالومنيوم

 

شريطة انك تجليه جيدا بسلك الومنيوم وصابون سائل حتى يكون صحيا

 

لان الارز لا ينجح الا بالالومنيوم

 

ممكن ينجح انا معاك فى التيفال لكن غير صحى لانه يقشر بسهوله ربما انقشار غير مرئى

 

ويصبح ساما لكن لا غنى عنه فى الصوانى والطاسات

 

وكذلك الصاج

 

 

 

شارك هذه المشاركه


رابط المشاركه
شارك
هههههههههههههههههه

يلا شدى حيلك وزنى عليه زى اى ست مصريه اصيله بتزن على زوجها وان شاء الله حيستسلم ويجبهالك والله لما حتشتريها حتدعيلى سيبك مفيش احسن من الراحه يا حبيبتى ولما تشتريها طمنينى واستخيرى ربنا الاول والله المستعان

باركيلى يا يسرا الزن جاب نتيجه سريعه وقالى شهرين او تلاته بالكتير وتكون عندك ان شاء الله (الغساله بس 000اصلى كنت بزن عليها وعلى الديب فريزر بالمره واهى تبقى زنه واحدة)مش مهم الفريزر دلوقتى المهم الغساله0000اول ما هجيبها هقولك علاطول000ربنا يبارك لنا فيهم ويوسع رزقهم من الحلال يارب 0000ادعيلى اخلف منه اصلى بحبه قوى قوى خالص

شارك هذه المشاركه


رابط المشاركه
شارك

جزاى الله خيرا يا محبه لربها على مباركتك

انا والله ادعى سبب خلانى اشتريه وزوجى يوافق بسرعه على الموضوع انى باشعر ببعض الالام فى رجلى وايدى لكن الالم ربنا ما يوريه لحد لدرجة انى بابكى منه وده بسبب المجهود الزياه فى البيت واكتشفت فى الاخر ان سبب الالم اللى فى رجلى من الدوالى اما الالم اللى فى ايدى من الاعصاب لكن الحمد لله مع العلاج وبعض الراحه بدات لا اشعر بهذا الالم الا على فترات بعيده

 

وطبعا لا يمكن انسى فضل ربنا عليا وربنا يجعلنى من الحامدين الشاكرين الراضين يكفى انه رزقنى بزوجى ربنا يباركلى فيه

ومعك حق فى امر الالومنيوم وفعلا الارز فيه له طعم تانى انا جربت مره وعملت الارز فى الصاج لكن كان بيلزق فى القعر وبيبقى شكله غريب

وجزاكى الله خيرا على مرورك يا حبيبه

شارك هذه المشاركه


رابط المشاركه
شارك

مبروك يا هناء على الموافقه عقبال ما تشتريها وبلاش تقولى له عن الديب فريزر دلوقتى احسن الطمع يقل ما جمع

وعلى فكره انا كمان عايزه اشترى ديب فريزر لو عندك فكره عن افضل واصغر ديب فريزر قوليلى احسن انا محتجاه قوى

 

وربنا ان شاء الله يكرمك بالذريه الصالحه وفعلا لما بيكون الزوج كويس بتتمنى تنجبى منه ربنا يباركلك فيه واكثرى من دعائك وانت على يقين بان الله المجيب والله اختى ما سالت الله عزوجل بشىء وانا على يقين بانه سوف يستجيب لى الا واستجاب لى فالدعاء نعمه يجب ان نشكر الله عليها ربنا يديمها علينا نعمه

شارك هذه المشاركه


رابط المشاركه
شارك

 

باركيلى يا يسرا الزن جاب نتيجه سريعه وقالى شهرين او تلاته بالكتير وتكون عندك ان شاء الله (الغساله بس 000اصلى كنت بزن عليها وعلى الديب فريزر بالمره واهى تبقى زنه واحدة)مش مهم الفريزر دلوقتى المهم الغساله0000اول ما هجيبها هقولك علاطول000ربنا يبارك لنا فيهم ويوسع رزقهم من الحلال يارب 0000ادعيلى اخلف منه اصلى بحبه قوى قوى خالص
ههههههههههه

أضحكتينى أضحك الله سنك ياحبيبة

هاتى الكبيرة افضل

 

وكمان انا ارتئى من واقع خبرتى المطبخية والزوجية

 

ان الاستانلس افضلهم

 

لكن لا داعى للتيفال والصاج غير عمليين

 

وانما يعتبرا ديكورا يزين المطبخ فقط لا غير

 

ولا غنى لك حبيبتى عن الالومنيوم

 

شريطة انك تجليه جيدا بسلك الومنيوم وصابون سائل حتى يكون صحيا

 

لان الارز لا ينجح الا بالالومنيوم

 

ممكن ينجح انا معاك فى التيفال لكن غير صحى لانه يقشر بسهوله ربما انقشار غير مرئى

 

ويصبح ساما لكن لا غنى عنه فى الصوانى والطاسات

 

وكذلك الصاج

سمعت فعلا أن الأرز فى الألمونيوم يكون أفضل

بس بالنسبة للتيفال إذا إشتريتى تيفال جيد وأرى أفضله تيفال الدهان فهو لا يتقشر نهاااااااائى

لكن التيفال العادى فعلا يتقشر

هنا فى بيت امى نستعمله دائما والأرز فيه يكون جميلا جدا والحلل بقالها فترة طويلة ولم تتقشر

بس لازم محافظة فى الغسيل

جزاكِ الله خيرا حبيبتى ربنا يقدر الخير

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

اه ده فعلا لازم تتحط فى الخطه الجايه مهمه جدا

فى ازمة العزومات

ربنا ييسرلك كل خير حبيبتى ومبارك عليكى الغساله

جلب الله لكى خيرها وكفاكى شرها

شارك هذه المشاركه


رابط المشاركه
شارك

اخواتى الغاليات انتم عمالين تقولو الارز فى الالومونيوم000لا والله الارز فى الاستالس0000انا بقالى 13 سنه متجوزه ومن تانى سنه وانا مغيره حللى كلها للاستالس (المصانع)روعه روعه والحمد لله الومنيوم ايه يا جماعه الاستالس يكسب 00000ربنا يسعدنا جميعا يارب

اما بالنسبه للديب فريزر فشوفى يا ستى بعد الفحص والمحص والتفحيص وصلت لالاتى

الاسكا الافقى 200 لتر ب 1260 (زى بتاع المحلات000عيبه انك بتغوصى فيه علشان تجيبى حاجتك000فسيبك منه)

الاسكا 3 درج ب 1050ودة ارخص الانواع وبيشكرو فيه

الاسكا 4 درج و5 درج بيشكرو فيه اكتر بسى محدش قالى السعر

الكتروستار4 درج ب 1330

كريازى6درج نو فروست ب 2300

توشيبا 5 درج وضمان 10 سنين ب 2060 (انا بصراحه بثق فى منتجات توشيبا بسى هسأل عندهم على غسالة الاطباق وعلى ديب فريزر 4 درج ) واكيد طبعا لما اعرف هقولكم 0

ربنا يسعدك يا امة الله يسعد ايامك يارب

مش معقوله بعد كل المجهود الرائع دة تنسو تتدعولى بالخلف الصالح00اهىء اهىء اهىء

 

 

0

شارك هذه المشاركه


رابط المشاركه
شارك

ايه الجمال ده يا هنوءه هوه ده الكلام وبكده حتبددى دورة الزن المصرى لكل بيت عصرى عندى على الديب فريزر

وانا رائيى اكتبى على زوجك شهاده موثقه على انه موافق على الغساله وابدئى زنى معايا على الديب فريزر يبقى كده ضمنتى الاتنين

 

وربنا يبارك فيكى يا هناء ويرزقك بالذريه الصالحه من الاولاد والبنات عايزه اقولك يا هناء كل شىء بامر الله انا والله اعرف ناس لم ينجبوا الا بعد 10 سنين وانجبوا ولد ربنا يبارك فيه وسبحان الله كان المانع فى الحمل مشاكل يعانى منها الزوجين وسبحان الله لما اراد لهم بالذريه تم شفائهم الاثنين وعمر هذا الولد الان 5 سنوات وهى تريد الان الانجاب مره اخرى لكن حدثت مره اخرى مشاكل منعت الانجاب الان لكن سبحان الله شفاؤهم اول مره كان سبب لانجاب هذا الطفل

فلا تقنطى من رحمة الله حبيبتى وبصى يا ستى اذا كان المانع من زوجك اقرئى موضوعى فى استشارات وفوائد طبيه انا كتبت وصفه ومتجربه من ايام جدتى الى الان واى استفسار عنها انا فى الخدمه لعل الله عزو جل يجعلها سبب

واذا كان المانع عندك فانا اعرف دكتوره ممتااااااااااااااااااااازه استشارى امراض نساء وولاده ومنتقبه لكن فى اسكندريه عندى وبردو اى استفسار عنها يا هنوءه انا فى الخدمه

وانا مستنيه تمحيصاتك وفحوصاتك وتفحيصاتك فى الديب فريزر والسلام عليكــم ورحمـة الله وبركاتــة ،،

شارك هذه المشاركه


رابط المشاركه
شارك

اهلا بيكى اختى فى الله رضاك يا رب فى موضوعى المتواضع

ويلا ابدئى معانا الزن ان شاء الله حيجيب معاكى نتيجه اسالينى انا وهناء على النتيجه

وجزاكى الله الف خير حبيبتى على مباركتك وعقبالك ان شاء الله وهى فعلا مش حتعرفى قيمتها غير فى العزومات

والله خير معين

شارك هذه المشاركه


رابط المشاركه
شارك

شوفت موضوعك يا يسرا ورديت عليكى هناك .....ربنا ما يحرمنى منك ولا من صحبتك الحلوة انا وزوجى والحمد لله فى منتهى منتهى السعادة ولا نشعر اننا ناقصنا اى شيء والف حمد وشكر ليك يارب على هذه النعمه 000بسى انا من شدة حبى فيه نفسى اخلف ولد مثله فى كل كل شيء ولكن ربنا شايف وعالم 0000ووالله الذى لا اله الا هو اننا نحب كل اطفال الارض ونتمنى لهم دوام الصحه والعافيه 000وكثيرا جدا ما نشعر بحبهم لنا الحمد لله على كل حال واخرتها موته مش كدة ولا ايه؟؟احبكم فى الله 000وبرضه حتى لو وصل العمر ما وصل سيظل املى فى الله كبير انى احمل واخلف ولد مثل زوجى الحبيب فى كل شيء.....واملى فى دعواتكم معايا 0فلا تنسونى.وان نسيتو انا مسامحه فالدنيا مشاغل والله المستعان

شارك هذه المشاركه


رابط المشاركه
شارك

حبيبتى هناء

 

رب ضارة نافعة

 

وعسى ان تكرهوا شيئا ويجعل الله فيه خيرا كثيرا

 

مما لا يخفى على احد ان تأخر الانجاب ينتج عنه

 

زيادة تقارب والتصاق وتفاهم اكثر بين الطرفين

 

وانت الاطفال هم من يباعدون بينهما نسبيا

 

رزقك الله الذرية الصالحة قريبا واسعد قلبك

 

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

رجاءا ياحبيبات عدم الخروج عن أصل الموضوع .

شارك هذه المشاركه


رابط المشاركه
شارك

حبيبتى هناء

 

رب ضارة نافعة

 

وعسى ان تكرهوا شيئا ويجعل الله فيه خيرا كثيرا

 

مما لا يخفى على احد ان تأخر الانجاب ينتج عنه

 

زيادة تقارب والتصاق وتفاهم اكثر بين الطرفين

 

وانت الاطفال هم من يباعدون بينهما نسبيا

 

رزقك الله الذرية الصالحة قريبا واسعد قلبك

 

[الله يبارك فى عمرك والحمد لله شاكرة لكى دعوتك

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

رجاءا ياحبيبات عدم الخروج عن أصل الموضوع .

اعتذر وان كان خطأ غير مقصود بالمرة

شارك هذه المشاركه


رابط المشاركه
شارك

:wink:

 

آسفة وباعتذر يا عروسة

شارك هذه المشاركه


رابط المشاركه
شارك

حبيباتى فى الله امة الله ش وهناء ومحبه لربها

انا اسفه لانى انا اللى خرجت فى بداية الامر عن الموضوع ولعل السبب خير

 

 

خلاص بقى يا بنات ادينا عصبنا العروسه خلونا فى الغساله والديب فريزر وازاى نزن على ازواجنا

حبيبتى هناء انا مستنيه اخر اسئلتك على الديب فريزر وانا بكره ان شاء الله حروح كارفور وحسالك عن غسالة اطباق توشيبا والديب فريزر

 

وعلى فكره يا محبه انا مكنتش اعرف ان اصحاب شركة فريش نصارى ولكن اتفاجئت لما كنت بتصل بخدمة عملاء فريش علشان التركيب وقولت يمكن صدفه واتفاجئت اكثر ان مهندز الصيانه لما جاء عندنا لتركيب الغساله واتاكدت ان فعلا اصحابها نصارى

بس بصراحه اثناء البحث وجدت الاغلبيه بيشكروا فى غسالات فريش وفكرت انى اجيب غسالة اطباق اديال بس لما شفتها وجدت انها صغيره جدا

وعلى فكره انا لم اشتريها الا بعد الاستخاره وفعلا هى كويسه جدا والحمد لله على اختياره

شارك هذه المشاركه


رابط المشاركه
شارك

طيب روحى واسأليلى عن اسعار توشيبا بالذات ....مستنياكى يا يسرا اوعى تنسى ...شوفى الاتنين الغساله والقريزر....هتعبك معايا بسى هنعمل ايه ضريبة الصحوبيه :unsure: :tongue: :tongue:

شارك هذه المشاركه


رابط المشاركه
شارك

 

هههههههه اضحك الله سنك يا زعيمة الزنانات

 

بصي

 

بلاش تشتريها من موزعين زى كارفور وغيرها والكلام لهنوءة

 

 

لان الموزع بيكون اغلى واغلى كتير

 

اشتريها من المنفذ

 

معرض الشركة

 

اى شركة ممكن بسهولة تجيبى عنوان منافذهاا وتليفوناتها

 

عن طريق الدليل الهاتفى

 

تطلبى 140دليل يدلك بإذن الله تعالى

 

انا اذكر انى سألت على غسالة 10 كيلو عشان البطاطين واللحافات الفايبر

 

فى كارفور عبور لاقيتها اغلى من منفذها بحوالى 700 جنيه او اقل و الله اعلم

 

شارك هذه المشاركه


رابط المشاركه
شارك

ولايهمك يا هناء دا واجب حبيبتى وبعدين المصلحه واحده لانى بحجتك حسال على الديب فريزر وان شاء الله اول ما اعرف حاجه حقولك

وعلى فكره زى ما قالت حبوبه اشترى من التوكيل بس مش علشان السعر علشان الضمان والتركيب مجانا وطبعا اضمن من المحلات علشان ما يكونش فيها عيوب

وعلى فكره يا محبه انا لما سالت على الغساله من المحلات كانت ارخص من التوكيل لكن فروق بسيطه فى السعر

اما الباشا كارفور ده اصلا اسعاره نااااااااااااااار عمرى ما شفت حد اشترى منه حاجه ولو بسيطه الا واشتكى من اسعاره مش عارفه بيعمل كده وهو اصلا مطوح بعيد عن الناس

وبعدين يا حبوبه مفيش احلى من الزن بس كلام فى سرك انت وهناء انا مش بزن انا باقترح بس وهو الحمدلله عمره ما كسفنى فى طلب شىء ربنا يباركلى فيه وبعدين مش بطلب حاجه منه الا لما بكون عارفه انه معاه فلوسها مش بحب اضايقه واحرجه

بس بردوا الزن حلو

شارك هذه المشاركه


رابط المشاركه
شارك

حبيبتى محبه لربها 000ادعو لكى يارب دوما باثبات على الحق .....فرق السعر دة كبير قوى قوى فعلا اشكرك على هذة المعلومه اللى لازم كلنا ناخدها بعين الاعتبار .....طيب وجبتى الغساله ولا؟؟؟ وكانت ماركتها ايه وبكام ؟؟انا كان عندى توشيبا ال 5 كيلو وبعتها واشتريت الاتوماتك والحمد لله بسى بجد كان نفسى اخليها لوقت العوزة بسى ياله بقى اللى حصل حصل.ربنا يسعدك ويحقق احلامك يارب0

شارك هذه المشاركه


رابط المشاركه
شارك

ايه الاخبار يا يسرا ؟؟عرفتى توشيبا عامله غسالات اطباق ولا لاء؟؟شكلك كدة لا روحتى ولا جيتى ....اوعى تكونى كسلانه زى حالاتى

شارك هذه المشاركه


رابط المشاركه
شارك

هنوءة ويسرا ازيكم

 

بصراحة لسة ما اشترتهاش اهىء اهىء

 

 

 

وزوجى قال لى لما نروح بيت جديد نجيبها

 

لكن ليا مع المنافذ تجارب كتير

 

مع كينوود وتوشيبا وشارب

 

اما انت يا يسرا فاكيد من الموزع ارخص من المنفذ لانها اكيد كانت موديل قديم

 

وصحيح عملتى ايه فى الشاى

 

ابقى اذكرى الرابط عشان هنوءة تكون معانا فى الصورة

شارك هذه المشاركه


رابط المشاركه
شارك

ازيك يا هنوءه معلش انا اتاخرت فى الرد علشان كنت بنفض البيت

انا روحت فعلا لكن ما شفتش غسالات اطباق اكثر حاجه عارضينها لتوشيبا هى التلفزيونات ولاقيت المندوبين مشغولين مع الناس لان عدد المندوبين قليل جدا فزوجى قال لى نروح نشترى بعض الطلبات وفى الاخر قبل ما نمشى نعدى عليهم تانى واسالهم على الغساله والديب فريزر وفجاه الاستاذ عبد الرحمن طلب يروح الحمام والحمام فى اول المدخل فى كارفور يعنى نص ساعه رايح جى وبعد ما رجعوا من الحمام انسه لينه نامت شفتى الهنا اللى انا فيه وطبعا لما نامت اتطرينا نروح وما سالتش على حاجه

 

دا حتى كان نفسى اشترى بطاطين عارضها كارفور للفرد الواحد دبل وناعمه بس ساده عامله زى بطاطين الفنادق تقريبا لوطات من الصين وتخيلى ب 30 جنيه ومعرفتش اشتريها طبعا كنت عايزه اجبها لعبد الرحمن ولينه بس احتمال اروح الاسبوع اللى جاى بس يا رب الاقيها ومتكنش خلصت

 

انا لسه مجربتش اعمل الشاى علشان كنت مشغوله يا محبه بس هو فى الخطه يلا بقى احسن حاسه ان امة الله ش بتبرقلى

شارك هذه المشاركه


رابط المشاركه
شارك

أيوه كده ماشيين كويس أهوه يابنات لحسن أطلع العصاية :ninja:

:icon16:

فعلا لا أنصحكم بكارفور ياحبيبات

فى كل جهاز أغلى بحوالى 150 أو 200 جنية من السوق العادى

لكن الميزة أنه يعرض كميات وأنواع كثيرة وليست أنواع محدودة

شفت عنده غسالات أطباق جميلة جدا كان احلاها وايت ويل وفريش

لكن ويت ويل فى النوع أفضل طبعا

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏من سورة النحل [99] ﴿ إِنَّهُ لَيْسَ لَهُ سُلْطَانٌ عَلَى الَّذِينَ آَمَنُوا وَعَلَى رَبِّهِمْ يَتَوَكَّلُونَ ﴾ لا يقوى تسلُّط الشيطان على الإنسان إلا مع ضعف الإيمان، وإذا قوي الإيمان ضعف تسلّطه. دُرَر الطَّريفِي

×