marble 2 أرسلي تقرير عن المشاركة قامت بالمشاركة 1 نوفمبر, 2010 مكنتش متخيلاه عايز يؤذيني كده !! مكنتش متخيلاه قريب مني أوي كده !! مكنتش متخيلاه خبيث للدرجة دي وبيستغل ضعفي كده !! اللي هحكيه ده ربما أي يقراه يحس أني مكبّرة الموضوع أو بهوّل فيه... بس صدقا الموقف طرق دماغي بشدة بالذات لأنه تكرر معي في نفس اليوم مرتين في موقفين مختلفين اللي كنت بحكي عنه أن عايز يؤذيني وقريب وخبيث هو الشيطان - ايه الجديد يعني ؟؟ ما كلنا بيوسوس لنا الشيطان .. ده حتى بيوقع ناس في كبائر قتل وسرقة و زنا فأكيد اللي مريتي به أهون من ده بكتيــــــــــر الموقف أنه كان عايز ((يموتني)) !! كنت النهاردة الصبح بفكر أعمل ايه عالغدا فكنت بفتح درفة في المطبخ عشان أعمل شاي لزوجي .. فلقيت حاجة معينة ممكن أعملها جنب الغدا وإذا بي سرحت لمدة أفكر ياه بقالي كتير ماعملتوش أما أعمله النهاردة مفاجأة طب أعمله دلوقتي من الصبح ولا قبل الغدا بشوية طب ما ممكن أعمله وأحطه في التلاجة؟ وعمالة أفكر وأخطط وأقلب في الكيس اللي فيه الشئ ده وسرحانة فيه خالص وسبحان الله العظيم الرحيم ...! سبحانك يا ربي "اللَّهُ لَطِيفٌ بِعِبَادِهِ" ربنا سبحانه وتعالى ذكّرني أن الشئ ده بالذات مينفعش أتناوله دلوقتي خالص .. نظرا لظروف صحية بمر بها حاليا ممكن تزيد حالتي سوءا والموضوع ده دارساه في الكلية وحافظاه زي اسمي بجد نسيــــــــت تمامًا !! "كأن حاجة دخلت على تفكيري و شوشت عليه للحظات.. وبعدها الارسال رجع تاني" فشوفوا خبث الشيطان وخطوات استدراجه ؟؟ خلاني أفتح الدرفة وبعدين أمسك الشئ ده وشغلني بالتفكير في عمله ونسّااااااني نفس الموال ده كرره معايا في موقف تاني كنت بعمل حاجة في البيت و مركزة فيها .. فجه الشيطان في الآخر وفجأة قعد يسربعني يللا خلصيها ... يلا عشان تلحقي تعملي حاجة تانية وكنت هنسى شئ مهم جداااااا جدااااا كان ممكن يفسد عليّ الحاجة التانية دي والحمدلله أن ربنا ذكّرني تاني ... وما استجبتش لخبثه و وسوسته لأن كان هيجيلي بقى مثلا بعدها بشوية وأكون خرجت من البيت أو يجي وأنا في وسط الصلاة مثلا يذكرني بحاجة كنت نسيت أعملها بسبب عدم التركيز والسربعة وسبحان الله مع أنه عايز ينسيني .. بس خلاني افتكرت حاجات تانية !! افتكرته لما كان بينسيني أقول أذكار قبل النوم عشان يؤذيني في الحلم وأصحى على حد بيحاول يخنقني وأحس بنغزه في جسمي وأنا بين النوم والصحيان .. افتكرته وهو بينسيني أسمي قبل الأكل والشرب وافتكر أعمل حاجات فجأة عشان ما أسميش افتكرته وهو بيشوش عليّ فكري فجأة "بيقطع الارسال" ويبدأ "إرسال شيطاني جديد" كأن يذكرني بكلمات أغنية لا تخطر على بالي ولا عمري أفكر أسمعها .. لمجرد أنه يلهيني عن ذكر الله وافتكرته وهو بيشوش عليّ وأنا بقرأ القرآن عشان أقوم آكل ولا أبص على حاجة ممكن تتعمل في أي وقت تاني فركزوا يا جماعة ! واعرفوا مداخل الشيطان عليكم ولا تسمحوا لخواطركم بالاسترسال مع وساوس الشيطان مهما كانت ساذجة وعبيطة واديكو عرفتوا السر أنه بيجي "فجأة" ولا تنسوا الاستعاذة من الشيطان الرجيم كلما مر عليكم طائف منه " إِنَّ الَّذِينَ اتَّقَوا۟ إِذَا مَسَّهُمۡ طَآئِفٌ مِّنَ الشَّيۡطَانِ تَذَكَّرُوا۟ فَإِذَا هُم مُّبۡصِرُونَ " شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 1 نوفمبر, 2010 اللهم زدك علما ونفعا وأدبا جزاك الله خيرا شارك هذه المشاركه رابط المشاركه شارك
جويرية 3 57 أرسلي تقرير عن المشاركة قامت بالمشاركة 1 نوفمبر, 2010 جزاكى الله خيرا اختى الحبيبة شارك هذه المشاركه رابط المشاركه شارك
راضية بحياتها 1 أرسلي تقرير عن المشاركة قامت بالمشاركة 1 نوفمبر, 2010 السلام عليكــم ورحمـة الله وبركاتــة ،، بارك الله فيك شارك هذه المشاركه رابط المشاركه شارك
أم نرفانا 2 أرسلي تقرير عن المشاركة قامت بالمشاركة 1 نوفمبر, 2010 نعم أختى الحبيبة الشيطان لا يدع أى فرصة إلا ويوسوس فيها للانسان صراحة هو يؤدى مهمته بكل ضمير .نجانا الله وإياكم من براثنه. شارك هذه المشاركه رابط المشاركه شارك
